Saffi Nama News, Distt Chakwal, Chakwal (2025)

عوام کے لیے خوشخبری تمام سرکاری ہسپتالوں میں الٹرا ساونڈ فیس ختم کوئی سرکاری اہکار فیس کی مد میں پیسے لے اس کے خلاف قانونی کارروائی کی جاے گی

15/02/2023

*Breaking News*

*ڈی پی او چکوال کیپٹن (ر) واحد محمود نے ضلع چکوال/تلہ گنگ کے تھانوں میں نئے ایس ایچ اوز کی تعیناتی کے احکامات جاری کر دئیے۔*
*انسپکٹر چوہدری لہراسب علی گوندل ایس ایچ او تھانہ نیلہ،سب انسپکٹر ملک عامر شہزاد ایس ایچ او تھانہ چوآسیدن شاہ ،سب انسپکٹر سید عاطف رضا شاہ ایس ایچ او تھانہ ڈہمن،سب انسپکٹر راجہ فیصل ندیم ایس ایچ او تھانہ صدر چکوال ،سب انسپکٹر وقاص الرحمٰن ایس ایچ او تھانہ لاوہ،سب انسپکٹر نعمان ذوالفقار ایس ایچ او تھانہ ٹمن،سب انسپکٹر ملک احمد نواز ایس ایچ او تھانہ ڈھڈیال،سب انسپکٹر ملک ضمیر حسین ایس ایچ او تھانہ سٹی چکوال اور سب انسپکٹر ملک منصور مظہر کو ایس ایچ او تھانہ صدر تلہ گنگ تعینات کردیا گیا۔*

15/02/2023

*▪️چوکوں، چھکوں کی برسات میں زلمی نے بازی مارلی، دو رنز سے فتح یاب*

کراچی : بابر اعظم نے عماد وسیم کے خلاف میدان مار لیا بابر اعظم کی ٹیم پشاوز زلمی نے چوکوں چھکوں کی برسات میں بازی مار لی۔ پاکستان سپر لیگ8میں شعیب ملک اور عماد وسیم جارحانہ بیٹنگ کے باوجود کراچی کنگز جیت حاصل کرنے میں ناکام رہی۔ پشاور زلمی نے اعصاب شکن مقابلے کے بعد کراچی کو اس کے گراؤنڈ پردو رنز سے شکست دے دی۔ ٹام کوہلر کیڈمور بہترین پلیئر قرار پائے۔پشاور نے کراچی کے خلاف پی ایس ایل میں مسلسل پانچویں کامیابی حاصل کی۔ کپتان عماد وسیم نے47گیندوں پر80رنز چار چھکے اورسات چوکوں کی مدد سے بنائے ۔ وہ قریب آکر اپنی ٹیم کو کامیابی نہ دلواسکے۔ کراچی نے پانچ وکٹ پر197رنز بنائے۔ وہاب ریاض کے آخری اوور میں کیچ ڈراپ ہوا اور بین کٹنگ کو آؤٹ کیا لیکن وہ نوبال تھی، اس سے ہدف آسان ہوگیا۔ آخری اوور میں16رنز کی ضرورت تھی لیکن خرم شہزاد نے ایک نوبال کے باوجود 13رنز دیے۔ منگل کی شب ہاؤس فل کراؤڈ کو شعیب ملک اور عماد وسیم نے بھرپور تفریح فراہم کی۔ زلمی کی جانب سے گذشتہ سیزن کھیلنے والے شعیب ملک نے کراچی کی جانب سے یادگار اننگز کھیلتے ہوئے34 گیندوں پر52رنز بنائے جس میں دو چھکے اورچار چوکے شامل تھے۔ انہوں نے پی ایس ایل میں پانچویں وکٹ کے لئے ریکارڈ131رنز کی شراکت قائم کی۔ شعیب ملک کو38رنز پر چانس ملا جب وہاب ریاض نے ان کا آسان کیچ ڈراپ کردیا۔ آخری تین اوورز میں42رنز کی ضرورت تھی۔ پشاور زلمی نے 5 وکٹ پر 199 رنز بنائے۔ کنگز کو اننگز کی ابتدا میں ہی بڑا نقصان اٹھانا پڑا اور شرجیل خان پہلے ہی اوور میں وہاب ریاض کی وکٹ بن گئے۔ آسٹریلیا سے آئے میتھیو ویڈ نے جارحانہ انداز اختیار کیا اور 15 گیندوں پر ایک چھکے اور 3 چوکوں کی مدد سے 23 رنز بنائے لیکن جمی نیشم نے انہیں آؤٹ کر کے اپنی ٹیم کو اہم کامیابی دلائی۔ قاسم اکرم 7 رنز بنانے کے بعد نیشم کی دوسری وکٹ بن گئے جب حیدر علی آؤٹ ہوئے تو کراچی کنگز محض 46 رنز پر چار ابتدائی بیٹر سے محروم ہو چکی تھی۔ قبل ازیں انگلینڈ کے ٹام کوہلر کیڈمورنے50گیندوں پر 92رنز کی جارحانہ اننگز کھیلی۔ ان کی اننگز میں چھ چھکے اورسات چوکے مارے۔ انہوں نے عماد وسیم کے ایک اوور میں23رنز بنائے جس میں تین چھکے شامل تھے۔ بابر اعظم نے46گیندوں پر68رنز بنائے انہوں نے ایک چھکا اورسات چوکے مارے۔ بابر اعظم اور ٹام کوہلر کیڈمور نے تیسرے وکٹ پر81 گیندوں پر139 رنز بنائے۔ نیشنل اسٹیڈیم میں پاکستان سپر لیگ کے دوسرے میچ میں میزبان کراچی کنگز نے ٹاس جیت کر پہلے پشاور زلمی کو بیٹنگ کی دعوت دی۔ پشاور زلمی کے اوپنرز نے پہلے اوور میں محمد عامر کو چوکے لگا کر پراعتماد انداز میں اننگز کا آغاز کیا لیکن دوسرے اوور میں میر حمزہ نے محمد حارث کو آؤٹ کردیا۔ حارث کو فیلڈ امپائر نے ایل بی ڈبلیو قرار نہیں دیا جس پر کراچی کنگز نے ریویو لیا اور یہ فیصلہ بالکل درست ثابت ہوا جبکہ ایک گیند بعد ہی صائم ایوب بھی بدقسمتی سے رن آؤٹ ہو کر پویلین لوٹ گئے۔ اس کے بعد بابر اعظم کا ساتھ دینے ٹام کوہلر کیڈمور جنہوں نے عماد وسیم کو ایک ہی اوور میں تین چھکے رسید کرتے ہوئے ٹیم کی نصف سنچری مکمل کرائی۔ پشاور زلمی نے ابتدائی چھ اوورز میں دو وکٹوں کے نقصان پر 58رنز بنائے۔ بھنوکا راجاپاکسے چھکا مارنے کی کوشش میں بین کٹنگ کے شاندار کیچ کے نتیجے میں وکٹ گنوا بیٹھے۔