https://www.facebook.com/106784111807082/

Ang Paraiso Publication

Home
Philippines
San Jose del Monte
Ang Paraiso Publication

Paradise Farms National High School
Official School Publication (Filipino)

22/11/2023

📌PFNHS NATIONAL BOOK WEEK CULMINATING PROGRAM
November 24, 2023
1:00 PM
PFNHS Covered Court

13/11/2023

✒️ | 𝗣𝗟𝗨𝗠𝗔 𝗡𝗚 𝗞𝗔𝗧𝗢𝗧𝗢𝗛𝗔𝗡𝗔𝗡 𝗣𝗔𝗥𝗔 𝗦𝗔 𝗠𝗔𝗟𝗔𝗬𝗔𝗡𝗚 𝗣𝗔𝗠𝗔𝗠𝗔𝗛𝗔𝗬𝗔𝗚
𝘞𝘢𝘭𝘢𝘯𝘨 𝘭𝘶𝘨𝘢𝘳 𝘢𝘯𝘨 𝘴𝘪𝘯𝘶𝘯𝘨𝘢𝘭𝘪𝘯𝘨 𝘥𝘪𝘵𝘰

Paalala lamang. Kung itinatangi mong mapatid ang pagbukas ng iyong bibig, huwag kang magpapadala sa kabig ng dibdib.
Higit na ipinagbabawal ang hindi pagsasabi ng totoo at mga salitang puro pagkukunwari.
Sa halip, ikaw ay lumaban sa digmaan laban sa kasinungalingan, gamit ang 𝗣𝗟𝗨𝗠𝗔 ng 𝗞𝗔𝗧𝗢𝗧𝗢𝗛𝗔𝗡𝗔𝗡 na siyang magwawakas sa anumang anyo ng panlilinlang.

𝗔𝗕𝗔𝗡𝗚𝗔𝗡...

Isinulat at Idinesenyo ni Rjay Siocson (Punong Patnugot)

13/11/2023

𝗕𝗔𝗟𝗜𝗧𝗔 | Paradise Farms National High School, Nakiisa sa National Reading Month

Bilang pakikiisa ng Paradise Farms National High School sa National Reading Month ay inaasahang magkakaroon ng mga programa at aktibidad ang ating paaralan tungo sa pagpapahalaga sa pagbabasa ngayong buwan ng Nobyembre.

Sa pamamagitan ng mga aktibidad na ito, nais nating palakasin ang pag-unlad ng kakayahan sa pagbasa ng mga mag-aaral at muling buhayin ang pagmamahal sa mundo ng pagbabasa. Suporta mula sa mga g**o, magulang, at mag-aaral ay malugod na tinatanggap upang maging matagumpay ang pagdiriwang ng National Reading Month sa paaralan.

Isinulat at Idinisenyo ni Rjay Siocson

09/11/2023

𝗕𝗔𝗟𝗜𝗧𝗔𝗡𝗚 𝗞𝗔𝗠𝗣𝗨𝗦 | ONE SCHOOL, ONE GOAL!

Nakamit ng Paradise Farms National High School ang Ikaapat na pwesto para sa Best MATATAG School in Partnership Collaboration and Engagement (MEGA CATEGORY, Secondary Level) nitong Nobyembre 7 mula sa Memorandum No. 416, s. 2023.

Sa gabay ni Ma'am Jeaz DC. Campano PhD, Principal III at Ma'am Elizabeth Baldonado, Brigada Coordinator.

Ipinapakita ng karangalang ito ang pagsuporta ng mga g**o ng sintang paaralan sa Departamento ng Edukasyon na patuloy na itinataguyod ang "MATATAG: Bansang Makabata, Batang Makabansa" maging ang kanilang dedikasyon upang hubugin ang mga kabataan na maging responsable at may angking kakayahan lalo na ang mga susunod na henerasyon.

Isinulat ni Rjay Siocson at Trisha Ramos
Idinesensyo ni Rjay Siocson

22/10/2023

𝗕𝗔𝗟𝗜𝗧𝗔 | LARONG SEPAK TAKRAW, NAGSIMULA NA ANG PAGSIPA

Sa ikatlong araw ng Intramurals sa Paradise Farms National High School, nitong Oktubre 20, ipinamalas ng mga takrawista ang kanilang husay at galing sa natatanging laro.

Nanaig mula sa ika-pitong baitang hanggang sa ating mga senior paradisians, ang dugo ng pagiging takrawista. Sa bawat lipad, palo, at service napanatili nila ang hiyawan at suporta ng bawat estudyanteng manonood sa covered court ng ating paaralan.

🖋️:Anthon Aquino
🎙️:Cyrus Diez
🎥:Shawn Cuevas
📷:Shawn Cuevas & Cyrus Diez

22/10/2023

𝗕𝗔𝗟𝗜𝗧𝗔 | LAKAS NG KABABAIHAN, IPINAMALAS SA LARONG VOLLEYBALL

Noong nakaraang linggo lamang sa araw na biyernes, nitong Oktubre 20, nagpamalas ng kakaibang galing ang mga kababaihan sa larong women's volleyball sa Paradise Farms National Highschool.

Mula baitang na ikapito hanggang labindalawa ay naglaban-laban ang mga kababaihan upang maipakita ang kanilang natatanging galing sa laro, nagdulot naman ito ng saya sa mga mag-aaral na nakapanood ng laro lalong-lalo na ang mga coaches at mga kasapi ng kani-kanilang grupo.

🖋️:Cyrus Diez
🎙️:Anthon Aquino
🎥:Rhema Jean
📷:Shawn Cuevas

22/10/2023

𝗕𝗔𝗟𝗜𝗧𝗔 | MEN’S VOLLEYBALL, BIDA SA INTRAMS

Tagisan ng galing ng mga mag-aaral sa larong volleyball ginanap nang nagdaang biyernes—Oktubre 20.
Ang bawat baitang mula Grade7 hanggang Grade12 ay nagtagisan ng kanilang husay sa larong volleyball. Napuno ng sigawan at hiyawan ang covered court mula sa suporta ng mga kapwa estudyante at coaches ng nasabing patimpalak.

🎙️ & 🖋️: Crizelle Boneo
🎥: Shawn Cuevas
📷: Anthon Aquino

22/10/2023

𝗧𝗜𝗡𝗚𝗡𝗔𝗡 | Sa sining ng indak at husay, Tanglaw ang tagumpay.

Ipinamalas ng Ang Paraiso Dance Guild ang kanilang galing at husay sa larangan ng pagsayaw sa ginanap na Dance Festival nitong Oktubre 21 sa Angel Land, Tierra Delos Santos, Doña Remedios Trinidad, Bulacan, kasama ang iba't ibang mga kalahok mula sa 14 na rehiyon.
Nagsimula ang programa sa isang doksolohiya kasabay ng awitin. Sinundan naman ito ng pagbibigay pugay sa ating pambansang awit. Bago magsimula ang kompitesyon ay isa-isang ipinakilala ang mga hurado na siyang huhusga sa bawat kalahok.
Halo-halong emosyon ang naramdaman ng mga kalahok mula sa Paradise Farms National High School, maging ang kanilang mga tagapayo na si Sir Jay-Ar Cuevas, Ma'am Cielo Curlz, at Sir Marlon Diaz.
Bago dumako sa pag-anunsyo ng mga nagwagi sa Dance Festival Competition ay nagkaroon muna ng patimpalak para sa mga naggagandahang Mutya ng Pasko 2023.
Hindi nagpatinag ang bawat mananayaw ng Ang Paraiso Dance Guild nang masungkit nila ang 2nd place sa Festival Dance Competition 2023 at kampyon sa ACC Senior Noemi Dance Festival Queens. Ang bawat kaba at pagod ay napalitan ng mga ngiti sa kani-kanilang mga labi.
Nagtapos ang programa sa pamamagitan ng tugtugin, sayawan, at pasasalamat sa mga bumubuo at mga taong nasa likod ng nasabing patimpalak.

PADAYON, PARAISO!

Mga kuhang larawan ni Yael Krypton Quiatzon (Litratista) at Paul James Aquino
Isinulat at Idinisenyo ni Rjay Siocson (Punong Patnugot)

12/10/2023

𝗧𝗜𝗡𝗚𝗡𝗔𝗡 | Manlalaro ng PFNHS, naghahanda na

Para sa pagsisimula ng iba't ibang laro sa Intramurals 2023 sa Paradise Farms National High School, naghahanda na ang bawat manlalarong paradisian sa kani-kanilang mga sinalihang isports.

🎙️: Shawn Cuevas
🎥 : Rhema Dausen

08/10/2023

HANDA NA SILA ngunit HANDA KA NA BA?

Mga boses sa likod ng KATOTOHANAN. Handang magpahayag ng may KATAPATAN. Maghahatid ng KARUNUNGAN.

May mga bagong tinig na maririnig. May mga bagong mukhang mananaig. Sa pagpapahayag tiyak ika'y mabibilib.

Mula sa 50 na nag-audition, 20 sa English at 30 sa Filipino sila ang nanatili hanggang sa dulo. Nagpamalas ng galing sa pagsulat ng balita at husay sa pagbigkas ng balita. Ngunit, hindi ganoon kadali ang mapabilang sa bagong hanay ng TV BROADCASTING Team, kaya ito'y dumaan sa masusing deliberasyon at sa mapanuring pagkilatis ng TV Broadcasting Coach at Kapwa-Tagapayo na si Sir Ludion Medina.

Ipinapakilala ng Paradise Farms National High School ang panibagong hanay ng TV BROADCASTING TEAM sa kategorya ng Filipino/English.

FILIPINO

Rhema Jean Dausen
Aj Santos
Cyrus Brahm Pasinabo
Akira Crizelle Bercasio
Anthony Paul Aquino

ENGLISH

Maxine Brigola
Renzel Rarang
Kiervey Legion
Kris Matalicia
Clyde Cruz

Ating saksihan ang galing, husay, at tindig ng mga bagong brodkaster sa loob at sa labas ng ating sintang paaralan.

PADAYON, PARADISIANS!

—

Isinulat ni Rjay Siocson at Sir Ludion Medina
Idinisenyo ni Rjay Siocson (Punong Patnugot)

08/10/2023

𝗕𝗔𝗟𝗜𝗞 𝗧𝗔𝗡𝗔𝗪 | TV BROADCASTING AUDITION

Ginanap na!

Idinaos noong Ika-2 ng Oktubre, ang pagpili ng panibagong hanay ng TV BROADCASTING Team, para sa mga mag-aaral na nagnanais na maging brodkaster ng paaralang Paradise Farm National High School sa pamamagitan ng pagpili ng Gurong tagapayo na si Ginoong Ludion C. Medina.
Bawat medium ay may limang napili upang hasain at subukin ang kakayahan at kagalingan sa kategoryang TV Broadcating.
Ginawaran ng parangal at kinilala ang mga nagsipagwagi at nakilahok na mag-aaral.
Narito ang nga estudyante na nakapagkamit ng pwesto sa ginanap TV Broadcasting Audition:

Filipino
5th Place- Anthony Paul Aquino
4th Place- Akira Crizelle Bercasio
3rd Place- Cyrus Brahm Pasinabo
2nd Place- Aj Santos
1st Place- Rhema Jean Dausen

English
5th Place- Clyde Cruz
4th Place- Kris Matalicia
3rd Place- Kiervey Legion
2nd Place- Renzel Rarang
1st Place- Maxine Brigola

Magsisimula na ang paglalakbay ng mga piling brodkaster. Abangan sila sa mga susunod na kaganapan sa loob at labas ng ating sintang paaralan.

—

Isinulat ni Adrian Mendoza at Marian De Jesus (Litratista at Patnugot ng balita)
Mga kuhang larawan ni Adrian Mendoza, Pauline Tiongco, at John Paulo Ogahayon (Litratista)
Idinisenyo ni Rjay Siocson (Punong Patnugot)

07/10/2023

𝗧𝗜𝗡𝗚𝗡𝗔𝗡 | PFNHS Intramurals 2023, opisyal ng nagsimula

Matapos ang tatlong taon, nagdaos na muli ang Paradise Farms National High School ng Intramurals nitong Oktubre 6, ala-una ng hapon nang buksan ang palatuntunan sa pangunguna ng Pang-ulong g**o sa Araling Panlipunan na si Dr. Elorde P. Daco na kasalukuyang OIC ng ating paaralan ang opisyal na pagbubukas ng nasabing programa kasama ang mga g**o sa MAPEH, mga mag-aaral, mga pang-umagang g**o, at mga kawani.

Pinangunahan ito ng paghahanap ng tatanghaling Mr. and Ms. Intramurals. Labindalawang kalahok mula sa iba’t ibang baitang ang sumabak sa patimpalak kung saan sinubok ang kanilang galing sa pagrampa sa kani-kanilang sports wear.

Narito ang kalahok na nangibabaw sa patimpalak:

Ms. Intramurals 2023 at Best in Sports Wear (Female): Rhyza Charlize F. Galo (Baitang 10)
First runner-up: Angel Tiffany Glino (Balitang 11)
Second runner-up: Jana Michaela Calugayan (Baitang 9)
Third runner-up: Irstel Cristales (Baitang 8)

“I am overwhelmed po kasi dream ko po talaga maging model and first time ko pong sumali sa ganito [Intramurals], so sobrang saya. Actually last minute lang po ‘yung nangyari pero kinaya naman po last minute na pagbili ng mga props para sa costume. I expected na mananalo ako kasi confident ako na I have the abilities and I have the confidence. Message ko po [sa iba pang contestant] ‘wag silang ma-down” Pahayag ni Rhyza Galo, Ms. Intramurals 2023.

Mr. Intramurals 2023 at Best in Sports Wear (Male): Anthony V. Magdales (Baitang 12)
First runner-up: Dave Marley Galong (Balitang 11)
Second runner-up: Kenneth Tubuhan (Baitang 9)
Third runner-up: Lee Laurey Nanalonza

“Unexpected kasi nung nasa harap ako na-blanko talaga ako pero natawid ko naman kaya masaya talaga ako, tuwang tuwa ako. Nagpractice kami 10 [ng umaga] hanggang 2 [ng hapon] and lahat talaga rush. [Para sa ibang contestants] ang galing natin at sana mas igihan natin sa susunod.” Ani Anthody Magdales, Mr. Intramurals 2023.

Samantala, sama-samang nanumpa ang mga manlalarong makikilahok sa iba’t ibang isports sa Intrams 2023 sa pangunguna ni Trisha Legaspi. Kasunod nito ang pag-iilaw ng tanglaw na pinangunahan ng isa sa mga manlalaro. Ang opisyal na pagdedeklara ng palaro ay sa pangunguna ni Gng. Bing Medina.

Nilatag din ng Presidente FEA ang lahat ng aktibidad para sa mga susunod pang biyernes sa buwan ng Oktubre. Kabilang dito ang Bazaar, Family day, 3-point shoot out, at Fun run na ang pangunahing layunin ay bumuo ng pondo para sa proyekto ng FEA.

Nagsilbing tagapagdaloy ng programa si Gng. Miraflor Compas, MAPEH teacher.

Nagpatuloy ang nasabing pangyayari sa shooting na ginanap pa rin sa covered court ng PFNHS.

Isinulat ni Joellene Wea Tamundong (Tagawasto ng Sipi)
Mga kuhang larawan ni Adrian Mendoza (Litratista)
Idinisenyo ni Rjay Siocson (Punong Patnugot)

06/10/2023

𝗕𝗔𝗟𝗜𝗧𝗔𝗡𝗚 𝗜𝗦𝗣𝗢𝗥𝗧𝗦 | Gilas Pilipinas, Nasungkit ang Ginto sa 19th Asian Games

Ibinandera ng Gilas Pilipinas ang kanilang galing sa Hangzhou, China nang gulantangin nila ang Jordan sa iskor na 70-60 upang makuha ang nagniningning na ginto sa paligsahang basketbol ng 19th Asian Games.

Pinangunahan ni Justin Brownlee ang Gilas na malasap muli ang kampeonato matapos ang 61 taon nang kumamada siya ng 20 puntos, 10 rebounds, at 5 assists.

Maagang nagpakitang-gilas ang mga basketbolerong Pilipino nang nagpakawala sila ng mga nagbabagang tres sa unang hukbo ng tapatan na nagtapos sa talang 17-12.

Nagising naman ang Jordan sa pangalawang kwarter sa pangunguna ni Rondae Hollis-Jefferson nang tablahin nila ang talaan, 31-31.

Determinandong maghari sa kompetisyon, hindi pinabayaan nina Chris Newsome at Ange Kouame na makalapit pa ang Jordan sa talaan nang magtapos ang ikatlong yugto sa iskor na 51-41.

Sa gitna ng hiyawan ng mga Pilipino na nasa loob mismo ng pinagdausan, tuluyan nang pinataob ng Gilas Pilipinas ang Jordan sa kabila ng tangkang paghabol ni Hollis-Jefferson na nagtapos nang may 24 puntos.

Kumpleto ang comeback win ng Gilas kontra Jordan matapos magwagi ng kalaban sa una nilang paghaharap sa preliminary stage ng kompetisyon sa iskor na 87-62.

Ito na ang ikalimang na kampeonato ng mga basketbolerong Pilipino sa kompetisyon (1951, 1954, 1958, 1962, 2023), at humakot na ang mga atletang Pilipino ng 18 medalya sa kasalukuyang Asiad mula sa 4 na ginto, 2 pilak, at 12 tanso.

https://olympics.com/en/news/asian-games-2023-basketball-final-gilas-pilipinas

Isinulat ni Tristan Andrei Mendez (Patnugot sa Pampalakasan/Isports)
Mga kuhang larawan mula sa Hangzhou Asian Games photo pool
Idinisensyo ni Rjay Siocson (Punong Patnugot)

05/10/2023

MALIGAYANG ARAW NG MGA G**O | WALANG KATULAD

Sa laro ng yeso at pisara, malamang sila lang ang kakasa. Kung akala mong iyon lamang ang kaya nila, nagkakamali ka.
Tumitindig sa harap ng silid, hindi para kumanta, bagkus ay maghayag ng mga salitang bubusog sa isipan nitong mga bata.
Marahil ay alam mo na o sumagi na sa iyong isipan na minsan ka nang na-marahuyo sa kanilang angking galing sa pagtuturo ng iba't ibang asignatura. Kaya naman huwag nang magpaligoy-ligoy pa.
Kilalanin ang kanilang mga paghihirap at sakripisyo; dedikasyon at husay sa larangan ng pagtuturo ngayong buwan ng mga minamahal at walang katulad na g**o.
Lumilipas ang panahon at hindi mo na rin namamalayan. Kay rami na ring tulad nila ang nakaharap mo sa bawat panuruang taon na nagdaan; tipong bago hanggang matapos ang pandemya sila ay iyong nasisilayan at patuloy na nagtuturo ng asignaturang minsan mo nang iniyakan at napagtagumpayan.
Usapang iniyakan.
Aminin mo man o hindi, malaking parte ng iyong pagkatuto sa mga aralin ay kanilang ginampanan. Sa mga panahong ikaw ay naguguluhan at hindi maitangging nahihirapan, sila ay nagsusumikap na padaliin ang mga konseptong hindi mo maintindihan.
Sa kanilang paggabay, malaking tulong sa iyong akademiko ang naibigay.
Yaong pangarap na tagumpay ng isang bata ay hindi man nila kakayahan para ibigay. Maubos man ang yeso sa pisara sa bawat kumpas ng kanilang kamay.
Sa mga yapak na ginagawa, alalay sa bawat hakbang ng isang bata ang kanilang iginagawad nang walang sawa.

Isinulat ni Mark Justin Broqueza (Patnugot sa Lathalain)
Idinisenyo ni Rjay Siocson (Punong Patnugot)

03/10/2023

𝗧𝗜𝗡𝗚𝗡𝗔𝗡 | Selebrasyon ng Araw ng mga g**o sa PFNHS, matagumpay

Matagumpay ang naging padiriwang para sa mga g**o ng PFNHS sa iba’t ibang mga departamento kanina sa PFNHS covered court, ganap na 8:00 ng umaga hanggang 12:00 ng tanghali, Oktubre 3 2023.
Layunin ng naisagawang programa ay upang bigyan ng pagdiriwang ang mga g**o ngayong World’s Teachers’ Month bilang pasasalamat sa walang sawang pagtuturo sa mga nagdaang taon hanggang sa kasalukuyan.
Nabuo ang programa sa pamamagitan ng paghahandog ng mag-aaral na kasali sa PFNHS Orpheurodite o Drum and Lyre Corps, paghahandog ng isang live band mula sa PFNHS Euphonyka o SPA Music, iba’t ibang mga booth mula sa mga clubs, at isang Zumba para sa mga g**o na sinamahan rin ng mga mag-aaral mula sa iba’t ibang baitang kaya’t mas naging masaya ang programa.

Isinulat ni Paulene Tiongco
Mga kuhang larawan ni Adrian Mendoza at Sir Oliver Aleluya
Idinisenyo ni Rjay Siocson

01/10/2023

𝗔𝗡𝗨𝗡𝗦𝗬𝗢 | TV BROADCASTING AUDITION

BUKAS NA!

Bilang na lang ang natitirang segundo, minuto, at oras, kakasa ka ba?

Ihanda na ang papel, boses, kamera at ang sarili para sa nalalapit na pagpili para sa panibagong hanay ng TV BROADCASTING Team sa ika-2 ng Oktubre, sa mga oras na 10:00-12:00 AM para sa Grade 8 , Grade 10 at Grade 12 at 1:00-3:00 PM ay para sa Grade 7, Grade 9, at Grade 11 sa Conference Room ng ating paaralan.

PADAYON, PARADISIANS!

Isinulat at Idinisenyo ni Rjay Siocson (Punong Patnugot)

30/09/2023

𝗕𝗔𝗟𝗜𝗧𝗔𝗡𝗚 𝗜𝗦𝗣𝗢𝗥𝗧𝗦 | Obiena, Wagi ng Gintong Medalya sa 19th Asian Games

Nasungkit ng Filipino pride at World No. 2 sa pole vaulting na si EJ Obiena ang unang gintong medalya ng Pilipinas sa 19th Asian Games nitong Setyembre 30, 2023 sa Hangzhou Olympic Sports Centre Stadium.

Matagumpay si Obiena na mairehistro ang talang 5.90 meters upang tanghaling kampeon sa paligsahan at maitala ang panibagong Asian Games record sa kasaysayan.

Nakapag-uwi na ng 8 medalya ang mga Pilipinong atletang kasama ni Obiena na sumabak sa kompetisyon, mula sa 1 ginto, 1 pilak, at 6 na tanso.

Naiuwi ng manlalaro ng Tsina na si Bokai Huang ang pilak, habang nakamit naman ni Hussain Asim Al Hizam ng Saudi Arabia ang tanso sa tunggalian.

https://mb.com.ph/2023/9/30/article-1154

Isinulat ni Tristan Andrei Mendez (Patnugot sa Pampalakasan/Isports)
Mga kuhang larawan mula sa GMA Sports PH (REUTERS/Dylan Martinez)
Idinisensyo ni Rjay Siocson (Punong Patnugot)

30/09/2023

𝗔𝗡𝗨𝗡𝗦𝗬𝗢 | TV BROADCASTING AUDITION

Ipakita na ang itinatagong tindig. Iparinig na ang mapanghikayat na tinig. Sa pamamahayag, KATOTOHANAN ang mananaig. Ngunit, HANDA KA NA BA?

Opisyal nang magsisimula ang TV BROADCASTING AUDITION sa kategorya ng Filipino at English sa ika-2 ng Oktubre, sa mga oras na 10:00-12:00 AM para sa Grade 8 , Grade 10 and Grade 12 at 1:00-3:00 PM ay para sa Grade 7, Grade 9, at Grade 11.

Tatlong bagay lamang ang titingnan at magiging basehan ng coach.

1. Ikaw ay magaling at maganda bumigkas ng balita.
2. Ikaw ay marunong magsulat ng balita.
3. Ikaw ay magaling sa teknikal (magaling mag-edit at marunong kumuha ng video).

Sa lahat ng mga nagnanais pa na sumali at magpalista, hanapin lamang si Rjay P. Siocson ang punong patnugot, at magawang pumunta sa Conference room ng ating paaralan kung saan gaganapin ang pagpili sa panibagong hanay ng TV BROADCASTING Team.

Kaya't ano pang inaantay mo? Iyo nang ipakita ang itinatagong galing sa pagbabalita mapa-English man o Filipino.

Isinulat at Idinisenyo ni Rjay Siocson (Punong Patnugot)

29/09/2023

𝗧𝗜𝗡𝗚𝗡𝗔𝗡 | PFNHS SPTA, kinilala ang mga bagong opisyales

Idinaos ang eleksyon para sa pagluklok ng mga bagong pinuno sa School’s Parents-Teachers Association taong panuruan 2023 - 2024 sa Paradise Farms National High School covered court nitong 1:30 ng hapon, Setyembre 29.
Dinaluhan ang eleksyon ng mga nakaraang opisyales, presidente ng bawat pangkat, at mga komite ng halalan. Pinangunahan naman ito sa tagapagdaloy ng kaganapan ng g**ong si Rodrigo Dela Peña.
Binigyan ng parangal at pagkilala ang mga dating opisyales para sa kanilang serbisyo. Nagbalik tanaw rin sa mga proyektong naisakatuparan ng nakaraang administrasyon. Kabilang dito ang Zumba Fitness for Parents, Bakunahang Bayan para sa Paradisians, Free Flu Vaccine for Teachers, Operation Share your Blessings, Comfort rooms Maintainance Project, Holdap and Security Assistance, Computer and Printing Hub Project, at Creation of SPTA Hub.
Bago mag-umpisa ay inilahad ang mga pamatnubay sa gaganaping eleksyon na pinangunahan ni Gng. Marissa Pedrezuela. Kasabay ring ipinakilala ang bagong paraan ng pagboto na “secret balloting”.
Itinalaga ang mga bagong kinatawan ng SPTA at sa parehong oras ay nanumpa sila sa kani-kanilang tungkulin.

Isinulat ni Joellene Wea Tamundong
Mga Kuhang Larawan ni Paulene Tiongco at John Paulo Ogahayon
Idinisenyo ni Rjay Siocson (Punong Patnugot)

28/09/2023

𝗔𝗡𝗨𝗡𝗦𝗬𝗢 | TV BROADCASTING AUDITION

Ang pagpili sa panibagong hanay ng TV BROADCASTING Filipino at English ay magaganap na sa ika-2 ng Oktubre sa Conference room ng ating paaralan, sa mga oras na 10:00-12:00 para sa Grade 8 , Grade 10 and Grade 12 at 1:00-3:00 ay para sa Grade 7, Grade 9 and Grade 11.

Sa mga nais na magpalista at may karagdagang katanungan, maari lamang na sumangguni kay Sir Ludion C. Medina (Kapwa-Tagapayo) o kaya si Rjay P. Siocson (Punong Patnugot) na matatagpuan sa Senior High School Building sa Grade 12-HUMSS (A) at Senior High School Faculty. Maari rin kayong mag-iwan ng mensahe sa ating page na Ang Paraiso Publication.

Isinulat at Idinisensyo ni Rjay Siocson (Punong Patnugot)

25/09/2023

𝗔𝗡𝗨𝗡𝗦𝗬𝗢 | TV BROADCASTING AUDITION

Mula Setyembre 26 hanggang Oktubre 5 ang itinatalagang mga araw para sa pagpapalista ng mga nais sumali sa TV Broadcasting Audition. Sa mga nais na sumubok at may karagdagang katanungan, maaari lamang na sumangguni kay Sir Ludion C. Medina (Kapwa-Tagapayo) o kaya si Rjay P. Siocson (Punong Patnugot - Grade 12 HUMSS A) na matatagpuan sa gusali ng Senior High School. Maaari rin kayong mag-iwan ng pribadong mensahe sa ating page na Ang Paraiso Publication.

Ano pa'ng hinihintay niyo Paradisians? Tara na't ipakita ang husay sa pagbabalita!

Isinulat ni Trisha Ramos (Patnugot sa Editoryal)
Idinesensyo ni Rjay Siocson (Punong Patnugot)

22/09/2023

𝗔𝗡𝗨𝗡𝗦𝗬𝗢 : HANDA KA NA BA?

Nakahanda na ang mikropono. kamera. at tinig na muling titindig para sa katotohanan. Maghahatid ng impormasyong may Katapatan. At magbibigay ng karunungan na magsisilbing liwanag sa panahon ng kadiliman. Tungo sa malayang pamamahayag.

Isinulat at Idinesensyo ni : Rjay Siocson (Punong Patnugot)

16/09/2023

𝗧𝗜𝗡𝗚𝗡𝗔𝗡: Panunumpa sa katungkulan ng mga bagong Pamunuan ng mga Club at Organisasyon sa PFNHS, idinaos

Matagumpay na naidaos ang Oath taking ceremony sa paaralan nitong Setyembre 15, 2023 sa Paradise Farms National High School Covered Court.

Layunin nito na bigyang pagpapahalaga at pagkilala sa mga bagong lider ng ating paaralan at panunumpa sa kanilang tungkulin at responsibilidad bilang tagapaglingkod.

Ipinakilala ng PFNHS ang mga newly elected officer ng Student Secondary Learner Government(SSLG) kasama ang mga iba't ibang Clubs ng paaralan na may bilang na 23.

__________

Isinulat at mga kuhang larawan ni Adrian Mendoza
Idinisensyo ni Rjay Siocson

16/09/2023

[ ✒️ ] Kilalanin ang mga bumubuo sa bagong Patnugutan ng Ang Paraiso ngayong S.Y. 2023-2024 na taglay ang KATOTOHANAN. KATAPATAN. AT KARUNUNGAN para sa malayang pamamamahayag.

PADAYON! 🌿

________

Idinisensyo ni Rjay Siocson

07/09/2023

📍School Based Earthquake Drill sa PFNHS, isinagawa

Nagsagawa ng School Based Earthquake Drill (SBED) ang Paradise Farms National High School ngayong Setyembre 7, 2023 sa ganap na ika-2 ng hapon na nilahukan naman ng mga kawani, g**o at mga batang iskawt at estudyante sa panghapon na klase.

Nagkaroon din ng koordinasyon ang Baranggay Tungkong Mangga sa pangunguna ni Kapitan Alexander Medina at ang ating Punongg**o Ma'am Jeaz DC. Campano, PhD. kaagapay sina Sir Joseph Batingan, SDRRM focal person at Jan Joshua Baconawa, Alternate SDRRM Coordinator upang mas maging maayos ang nasabing drill.

Ang nasabing drill ay umabot ng lima hanggang sampung minuto mula sa loob ng silid-aralan hanggang sa mga ligtas ng lugar sa paaralan.

Paliwanag naman ni Batingan, imbis na dapat ay lalabas sa mga ‘designated gates’ ay naganap na lamang ang drill sa likod ng covered court dahil ang mga dapat na evacuation area ay kasalukuyang hindi ligtas para sa mga estudyante sa kadahilanang katatapos lamang ng ulan, minabuti ng Punongg**o na manatili na lamang sa loob ng paaralan ang isinagawang drill.

Nagbigay naman ng mga paalala si Batingan sa isang panayam kaugnay ng mga dapat gawin kung sakaling magkaroon ng mga hindi inaasahang pangyayari.

“Kapag totoong earthquake, fire o kung anong nangyayari sa loob dapat plan A lagi. Plan A kung saan lalabas at pupunta sa dalawang evacuation area. Iyan ang gagawin pag totoong lindol.”

At kung may nakikita man silang negatibo sa mga drill na naisagawa o mga estudyanteng hindi nakikiisa ay sinasabi naman ito sa punongg**o at nagpapatulong sa mga coordinator at curriculum chairman para mapunan ang anumang pagkukulang sa bawat drill at magkaroon ng improvements sa pagsasagawa ng drills sa paaralan.

Paradisians, tayo ay makiisa, makilahok sa ganitong gawain upang manatiling ligtas sa bawat panahon. Maging handa sa bawat pangyayaring hindi natin inaasahan.

Isinulat ni Juliana Gail Cano
Mga Kuhang Larawan nina Yael Krypton Quiatzon, Lorence Christian Cortes, Juliana Gail Cano at ni Ramiel Jay Cabintoy Asuncion

03/09/2023

[ ✒️ ] PADAYON. PUHON. PARAISO.

Umulan man o umaraw nanatiling nakatindig ang buong Paradisian upang ipamalas ang kanilang husay at talento sa sining ng pagsayaw.

Hindi nagpatinag ang buong Paradise Farms National High School sa buhos ng ulan bagkos nagsusumigaw ang alab sa kanilang puso na maipakita ang obra ng pagkakaisa kasama ang kanilang mga g**ong tagapayo sa larangan ng pagsayaw.

DETERMINASYONG NAG-AALAB, Ito ay naging susi upang maitaas ang pangalan ng sintang paaralan sa kabila ng anumang pagsubok na pinagdaanan. Oras, pawis, at luha ay tiyak na hindi mapupunta sa wala.

DEDIKASYONG NAG-UUMAPAW. Hindi alintana ang mga sakripisyo ng mga g**ong tumulong at nagpakita ng pagmamahal sa mga Paradisians. Gurong mga dedikadong tulungan ang mga mag-aaral hindi lamang sa apat na sulok ng silid-aralan kundi pati na rin sa labas ng minamahal na paaralan. Hindi ininda ang pagod na nadarama sapagkat alam nila kung gaano kahusay ang kanilang mga minamahal na mag-aaral.

DEBOSYON NANANATILI. Masining at masayang pakikiisa ng buong Paradisian sa pagdiriwang ng makulay na Tanglawan Festival bilang pagmamahal sa Lungsod ng San Jose del Monte. Ito ay pagpapakita lamang ng pagmamahal sa bayang naging bahagi ng kanilang pang araw araw na pamumuhay at ito ay mananatili sa kanilang mga puso.

Hindi lamang ito tungkol sa sertipiko, tropeyo, at premyo kundi ito ay pagkilala sa nag-uumapaw, nag-aalab at nananatiling pagkakaisa ng buong Paradisians. Karangalan ng buong Paradise Farms National High School na maipakita ang pagmamahal sa sining at kultura sa buong lungsod ng San Jose del Monte.

Taus-pusong kaming nagpapasalamat sa mga taong nasa likod ng tagumpay na ito. Salamat Sir Jay-Ar Diaropa Cuevas, Ma'am Chris Cielo Blance at Ma'am Jen Apinan, ang inyong mga gabay at payo ang siyang nagbigay pag-asa na patuloy na lumaban upang maabot ang inaasam na pangarap.

DETERMINASYON, DEDIKASYON, at DEBOSYON ang susi sa matamis na tagumpay.

PAGBATI, PARAISO. 💚

_______________

Isinulat ni Trisha DC. Ramos, Rjay Siocson at Sir Ludion Medina
Idinesenyo ni Rjay Siocson

02/09/2023

[ 📍 ] PAGBATI, PARAISO!

ANGKING GALING NG PARADISE FARMS NATIONAL HIGH SCHOOL IPINAMALAS SA ARYA-ARYAHAN HUC STREET DANCE AND SHOWDOWN COMPETITION.

3rd Place - Street dance 🥉
3rd Place -Arya-aryahan Showdown🥉

Malugod na pagbati sa lahat ng nasa likod ng tagumpay ng PFNHS:
Sir Jay - AR Cuevas, Ma'am Chris Cielo Blance, Mam Jen Apinan at sa lahat ng patuloy na sumusuporta sa mga batang PARADISIANS.

📸 : Mga larawan mula sa CSJDM PIO FACEBOOK PAGE

30/08/2023

[ 🌿 ] Maligayang kaarawan, Ma'am Jeaz!

Malugod nating ipinagdiriwang ang kaarawan ng ating minamahal na Punongg**o, Ma'am Jeaz DC. Campano PhD. ngayong Agosto 30, 2023.

Ito'y isang espesyal na okasyon upang bigyang-pugay ang kanyang dedikasyon at pagmamahal sa larangan ng edukasyon.

Nagpapakita ng tamang direksyon at tibay ng loob sa harap ng mga pagsubok ang kanyang pangunguna sa luntiang Paraiso. Ipinapamalas niya ang kakayahan na pamunuan at magkaruon ng mahusay na ugnayan sa aming lahat.

Sa araw na ito, nais naming iparating ang aming taos-pusong pasasalamat sa inyong walang sawang pagsuporta at pag-aalaga. Bawat aral at gabay ang siyang nagbibigay-lakas sa amin na harapin ang bawat paghamon at maging mabuting g**o at mag-aaral ng bansa.

Nawa'y patuloy pa ninyong maramdaman ang pagmamahal at pag-aalaga mula sa amin. Isang masagana at mapagpalang kaarawan sa inyo, Ma'am Jeaz!.

__________

Isinulat at idinisenyo ni Rjay Siocson

29/08/2023

📌 BALIK ESKWELA

Opisyal ng sinimulan ang Balik- Eskwela para sa School Year 2023 -2024 sa mataas na antas ng paaralang Paradise Farms National High School, ngayong Agosto 29, 2023.
Puspusang paglilinis ang ginawang paghahanda ng mga stakeholders upang masig**o ang kalinisan at kaligtasan ng mga mag-aaral ngayong unang araw ng pasukan.
"Magiging magaan ang pagpapanatili ng kalinisan kung makikipagtulungan yung mga estudyante na malinis yung mga facility" ayon kay Karen Evangeline Migbalias, stakeholders.
Halo-halong emosyon ang naramdaman ng mga paradisian nang muli silang sumabak sa bagong kabanata ng kanilang pagiging estudyante.
Maraming paradisian ang nahirapan sa panibagong pagsasaayos ng mga klase lalo na ang mga estudyante sa senior high school. May mga ilang estudyante pa rin ang nahihirapan sa pag- adjust sa mga bagong set of subjects na matatalakay nila ngayong pasukan.
Tunay ngang masasalubong natin ang mga pagbabago ngayong bagong taon ng pag-aaral. Sa kabila ng mga pagsubok, patuloy tayong magtulungan upang mapanatili ang kalinisan at kaayusan ng ating paaralan.
Huwag matakot humingi ng tulong, patuloy na maging determinado, at palaging isapuso ang layuning magtagumpay sa larangan ng pag-aaral. Sa pagkakaisa natin, makakamtan natin ang mga pangarap at tagumpay na inaasam.

PADAYON, PARADISIAN! 🌿

________

Isinulat ni Sharon Cuesta, Marian De Jesus at Rowan Dacumos
Mga kuhang litrato ni Yael Krypton Quiatzon

28/08/2023

📌 Araw ng mga Bayani

Matapos ang mga araw na inilaan sa pampaaralang bayanihan bilang paghahanda sa nalalapit na pasukan; sa mga natitirang panahon bago tuluyang magtapos itong buwan.

Gunitain sa araw na ito ang isang makasaysayang pangyayari na kung saan ang pawis at dugo ng mga magigiting na Pilipino ay kanilang inialay upang wakasan ang 333 taong paghahari ng mga Kastila sa bayang ito.

Ipinagdiriwang taon-taon ang Pambansang Araw ng mga Bayani bilang pagkilala sa mga sakripisyo ng mga bayani at rebolusyonaryong Pilipino noong Agosto 1896 o mas kilala sa tawag na "Sigaw ng Pugad Lawin".

Bagaman ang makabuluhang araw na ito ay karaniwang ipinagdiriwang sa huling Linggo ng Agosto sa ilalim ng Batas Republika Blg. 3827, noong ika-24 ng Hulyo 2007 ay inilipat ito kasama ng iba pang mga mahahalagang araw at ginawang huling Lunes ng Agosto — Batas Republika Blg. 9492.

Alalahanin at bigyan ng munting panahon upang pagnilayan ang mga paghihirap sa likod ng tinatamasang kalayaan.

_______

Isinulat ni Mark Justin Broqueza
Idinesensyo ni Rjay Siocson

Address

Tungkong Mangga
San Jose Del Monte
3024

Website

facebook.com

Alerts

Be the first to know and let us send you an email when Ang Paraiso Publication posts news and promotions. Your email address will not be used for any other purpose, and you can unsubscribe at any time.

Videos

𝗕𝗔𝗟𝗜𝗧𝗔 | LARONG SEPAK TAKRAW, NAGSIMULA NA ANG PAGSIPA Sa ikatlong araw ng Intramurals sa Paradise Farms National High School, nitong Oktubre 20, ipinamalas ng mga takrawista ang kanilang husay at galing sa natatanging laro. Nanaig mula sa ika-pitong baitang hanggang sa ating mga senior paradisians, ang dugo ng pagiging takrawista. Sa bawat lipad, palo, at service napanatili nila ang hiyawan at suporta ng bawat estudyanteng manonood sa covered court ng ating paaralan. 🖋️:Anthon Aquino 🎙️:Cyrus Diez 🎥:Shawn Cuevas 📷:Shawn Cuevas & Cyrus Diez

𝗕𝗔𝗟𝗜𝗧𝗔 | LAKAS NG KABABAIHAN, IPINAMALAS SA LARONG VOLLEYBALL Noong nakaraang linggo lamang sa araw na biyernes, nitong Oktubre 20, nagpamalas ng kakaibang galing ang mga kababaihan sa larong women's volleyball sa Paradise Farms National Highschool. Mula baitang na ikapito hanggang labindalawa ay naglaban-laban ang mga kababaihan upang maipakita ang kanilang natatanging galing sa laro, nagdulot naman ito ng saya sa mga mag-aaral na nakapanood ng laro lalong-lalo na ang mga coaches at mga kasapi ng kani-kanilang grupo. 🖋️:Cyrus Diez 🎙️:Anthon Aquino 🎥:Rhema Jean 📷:Shawn Cuevas

𝗕𝗔𝗟𝗜𝗧𝗔 | MEN’S VOLLEYBALL, BIDA SA INTRAMS Tagisan ng galing ng mga mag-aaral sa larong volleyball ginanap nang nagdaang biyernes—Oktubre 20. Ang bawat baitang mula Grade7 hanggang Grade12 ay nagtagisan ng kanilang husay sa larong volleyball. Napuno ng sigawan at hiyawan ang covered court mula sa suporta ng mga kapwa estudyante at coaches ng nasabing patimpalak. 🎙️ & 🖋️: Crizelle Boneo 🎥: Shawn Cuevas 📷: Anthon Aquino

𝗧𝗜𝗡𝗚𝗡𝗔𝗡 | Manlalaro ng PFNHS, naghahanda na Para sa pagsisimula ng iba't ibang laro sa Intramurals 2023 sa Paradise Farms National High School, naghahanda na ang bawat manlalarong paradisian sa kani-kanilang mga sinalihang isports. 🎙️: Shawn Cuevas 🎥 : Rhema Dausen

📍 [ap.] Ang Paraiso Balitang Isports ⚡Flash Report 🏐Volleyball Boys Semi Finals G11 vs G9 Grade 11, wagi sa semi finals laban sa Grade 9

Narito ang video ng sayaw ng mga kinatawan ng District 9.

📍PFNHS TEACHING AND NON - TEACHING PERSONNEL KINATAWAN ANG DISTRICT 9 SA PATIMPALAK SA KATUTUBONG SAYAW PARA SA DEPED DAY Nagpakita ng galing sa pagsayaw sa saliw ng katutubong tugtugin ang mga guro mula sa iba’t ibang paaralan at distrito sa lungsod sa ginanap na DepEd Day “Patimpalak sa Katutubong Sayaw.” Layunin ng patimpalak na ito na kilalanin ang husay at talento ng mga guro sa larangan ng sining, partikular sa pag-indak ng mga katutubong sayaw. Bahagi pa rin ng selebrasyon ng Tanglawan Festival 2022 at selebrasyon ng National Teachers’ Month na ipinagdiriwang tuwing buwan ng Setyembre. Nagpakita ng suporta si Vice Governor Alex C. Castro, Congresswoman Florida P. Robes at Mayor Arthur B. Robes na dumalo sa nasabing patimpalak. #PFNHS-ONE-SCHOOL-GOAL #DISTRICT9 #TANGLAWANFESTIVAL #ANGPARAISO 📸Ma'am Florie Fe Ampo

📍PFNHS BE KICK OFF VIRTUAL CLOSING PROGRAM '2022 ❤️Pagpupugay at pasasalamat sa lahat ng mga nakiisa at naglaan ng oras para tumulong sa PFNHS BRIGADA ESKWELA '2022 na may temang TUGON SA HAMON NG LIGTAS NA BALIK-ARAL. #PFNHS-ONE-SCHOOL-ONE-GOAL #PFNHSBEKICKOFFVIRTUALCLOSINGPROGRAM #ANGPARAISO

[ ap.] 𝐃𝐚𝐠𝐢𝐭𝐚𝐛 𝐧𝐠 𝐏𝐚𝐠-𝐚𝐬𝐚: 𝐏𝐚𝐠𝐤𝐢𝐥𝐚𝐥𝐚’𝐭 𝐏𝐚𝐬𝐚𝐬𝐚𝐥𝐚𝐦𝐚𝐭 “Simula nang maminsala ang kagat ng pandemya, marami sa atin ang nahirapang mamuhay. Maraming nawalan ng trabaho na lalong nagpahirap sa pagtustos sa kani-kanilang pangangailangan na nag-udyok sa lalong kagutuman. Sinubok din ang pakikipagpatintero ng mga sangay ng gobyerno para sa ating buhay. Nang dahil sa pandemya, marami ring establisyemento ang nagsara at kabilang na rito ang mga eskuwelahan. Gayunpaman, sa kabila ng pandemya, patuloy namang nagturo ang kaguruan sa pamamagitan ng mga online classes at pamamahagi ng mga ”printed modules” buhat na rin ng walang sawang paglilingkod ng ating school at barangay volunteers. Iba’t-iba ang naging estilo at malaki ang ginawang pagbabago upang mabigyan ng kalidad na edukasyon ang mga estudyante. Kabi-kabila man ang naging problema sa naturang midyum ay hindi pa rin nagpatinag ang kagawaran ng edukasyon at itinuloy ang pasukan ngayong taon. Kaya naman, sa ngalan ng pahayagang Filipino ng Paradise Farms National High School “Ang Paraiso” , aming ipinaabot ang taos pusong pagkilala at pasasalamat sa mga bayaning pinagsabay ang kanilang responsibilidad sa tahanan at ang kanilang pagiging pangalawang magulang. Sa ating masisipag na volunteers, mga minamahal naming mga magulang, sa aming kagalang-galang na punong-guro at sa lahat ng nakiisa sa pagpapaabot ng edukasyon para sa mga mag-aaral sa gitna ng bagong normal, lubos ang aming pagpapasalamat sa inyong mainit na paggabay at paglilingkod para sa amin. Hindi magiging posible ang lahat ng ito sa bukas palad ninyong pagpapatnubay at pagmamahal sa amin. Nananatiling hamon ang pandemya sa pagtuturo ngayon, ngunit mas nananaig ang hangarin ninyong buhayin ang dagitab ng pag-asa sa puso ng bawat mag-aaral. Maraming salamat po. ” — Vincent Moreno, Ang Paraiso Publication EIC #DagitabNgPagAsa #Ang