03/01/2023
24 ANYOS NGA BABAYE, NAKATIPON SANG MASOBRA 39,000 PESOS SA ISA KA TUIG NGA “IPON CHALLENGE”
Madugay ka na nga naga-trabaho apang wala pa gid sang savings?
Sunda ini nga pamaagi sang 24-anyos nga babaye sa Batangas nga ginpakigbahin ang iya natipon nga kuwarta sang 2022 sa “Invisible 50” ipon money challenge.
Humalin sang Disyembre 2021 tubtub Disyembre 31, 2022, nakatipon si Beablanca Macuha sang kabug-usan nga P39, 250
Suno kay Beablanca nga luyag lamang niya himuon ang “invisible 50” money challenge sa sulod sang anum ka bulan apang natigayon niya ini nga matapos sang isa ka tuig.
Kag sang Disyembre 11, 2022, iya ginbuksan ang iya ginataguan sang “singkuwentahon” kag nakibot siya nga tama na ka damo sini kag gin-isip niya ini kag naglab-ot sa P39,250.
Gina-engganyo ni Beablanca ang publiko nga magtipon man sang kuwarta kag hibaluon ang kaimportante sang may yara sang savings.
Kamo, kaya nyo ang “ipon challenge”? umpisahi na subong nga Enero kay basi makibot ka sa pagtapos sang tuig 2023, madamo ka naman sang natipon nga kuwarta…
