Ang Siklab

Home
Philippines
Bayombong
Ang Siklab

Ang Opisyal na Pahayagang Pangkampus sa Filipino ng Mataas na Paaralang Pang-Agham ng Pilipinas - CVC

30/08/2024

𝗦𝗶𝗹𝗮𝗯 𝗻𝗴 𝗪𝗶𝗸𝗮𝗻𝗴 𝗧𝘂𝗻𝗴𝗸𝗮𝗯
ni 𝘑𝘔 𝘊𝘖𝘔𝘈

Alab. Liyab. Siklab. Wikang tungkab ng katotohanan, silab ng pagtutulungan, at dagitab ng kapayapaan.

Mula sa naimbag, maayo, mapya at makasta, nagbuklod-buklod upang makabuo ng isang magandang kinabukasan. Ibinabandera ang wikang nakagisnan, ipinaparating sa bayan na ito’y kultura at yaman ng mga Pilipinong may paninindigan. Daan-daang diyalekto, sari-sariling tradisyon, sa wikang pambansa—Filipino—lahat ay masaya at nagkakaisa.

Sabay-sabay humiyaw ng “𝗔𝗸𝗼 𝗮𝘆 𝗣𝗶𝗹𝗶𝗽𝗶𝗻𝗼” ngayong buwan ng Agosto, ipagpugay ang wikang Filipino at ipamalas ang kahalagahan ng kulturang nakasanayan. Panatilihing sumisiklab ang wikang tungkab upang komunikasyon ay maghatid ng naglalagablab na kapayapaan.

Muling silayan ang pag-angat ng kabihasnan, ipalaganap sa buong sanlibutan, nang sa gayon ay makamtan ang nagliliyab na kaligayahan. Ipahayag lamang ang purong katotohanan, huwag dungisan ang diwa ng inang bayan. Sa sambayanang may pagkakaisa, walang imposible sa wika ng masa.

Wika. Adhika. Mahika. Salitang nakasanayan, malawak at makabuluhan. Ang wikang Filipino, sa puso’t isip ng bawat Pilipino, ay handa nang lumawak at lalo pang umasenso.

23/08/2024

𝑷𝒂𝒕𝒖𝒍𝒐𝒚 𝒑𝒂 𝒓𝒊𝒏 𝒔𝒂 𝒑𝒂𝒈𝒔𝒊𝒌𝒍𝒂𝒃 🔥

Maaari nang basahin ang ikalawang isyu ng 𝗔𝗻𝗴 𝗦𝗶𝗸𝗹𝗮𝗯 para sa taong panuruan 2023-2024.

Sa bawat pahina ng pahayagan, muling balikan ang mga kuwento ng pangarap, pagsubok at tagumpay ng mga mag-aaral na bumubuo sa ating kampus.

I-scan ang QR code para ma-access.

O pindutin ang link:
🔗 https://issuu.com/cvcangsiklab/docs/ang_siklab_-_second_issue_2023-2024

21/08/2024

📢‼️ 𝗔𝗡𝗨𝗡𝗦𝗬𝗢:

Sa mga nais pang mag-apply bilang miyembro ng Ang Siklab, mananatiling bukas ang application form hanggang Linggo, Agosto 25.

19/08/2024

𝙉𝙖𝙞𝙨 𝙢𝙤 𝙗𝙖𝙣𝙜 𝙢𝙖𝙣𝙞𝙣𝙙𝙞𝙜𝙖𝙣, 𝘽𝙤𝙨𝙚𝙨 𝙣𝙜 𝙆𝙖𝙩𝙤𝙩𝙤𝙝𝙖𝙣𝙖𝙣? 📢

Ang pinto para sa mga mamamahayag ngayong taong panuruan ay muling bubuksan ng Ang Siklab, ang Opisyal na Pahayagang Pangkampus ng PSHS-CVC sa Filipino! Inaanyayahan ang mga mag-aaral mula ika-7 hanggang ika-12 baitang na makilahok sa adhikaing mamahayag ng makatotohanang balita at balanseng opinyon, at maging bahagi ng pamatnugutan ng aming pahayagan. 📰

Mag-apply sa link na ito hanggang 𝗔𝗴𝗼𝘀𝘁𝗼 𝟮𝟭, 𝟭:𝟬𝟬 𝗣.𝗠.:
🔗 https://forms.gle/jsZH6Lna6AQ4iK629
🔗 https://forms.gle/jsZH6Lna6AQ4iK629
🔗 https://forms.gle/jsZH6Lna6AQ4iK629

𝙆𝙪𝙢𝙞𝙨𝙡𝙖𝙥, 𝙢𝙖𝙜𝙣𝙞𝙣𝙜𝙣𝙞𝙣𝙜 𝙖𝙩 𝙡𝙪𝙢𝙞𝙮𝙖𝙗 𝙙𝙞𝙩𝙤 𝙨𝙖 𝘼𝙣𝙜 𝙎𝙞𝙠𝙡𝙖𝙗! 🔥

10/08/2024

Dumating na ang panahon upang ipamalas ang bunga ng inyong masinsinang paghahanda at sakripisyo sa pag-aaral, Batch 2025!

Ipinapahayag ng Ang Siklab ang taos pusong suporta at tiwala sa tagumpay ng mga iskolar na sasabak sa University of the Philippines College Admission Test (UPCAT) ngayong darating na Sabado at Linggo. Kayo ay lubos na pinahahalagahan at ipinagmamalaki ng PSHS-CVC, anuman ang maging resulta.

Padayon, iskolar! 🌻

09/08/2024

𝗜𝘆𝗮𝗸 𝗻𝗴 𝗪𝗶𝗸𝗮𝗻𝗴 𝗠𝗮𝗹𝗮𝘆𝗮
ni 𝘉𝘈𝘕𝘈𝘈𝘎

Hindi makakamit ang kalayaan gamit ang isang hindi naman malaya.

Sa pagpasok ng panibagong Agosto, sumabay ang pagbibigay pansin sa panibago na namang tema ng buwan ng wika— “Filipino: Wikang Mapagpalaya." Idinidiin nito ang wikang Filipino bilang instrumento upang makamit ang kalayaan–kalayaang tumutukoy sa likas na kapangyarihan ng tao upang gawin ang nais makamit sa buhay.

Subalit tila tanong ang katunayan ng kalayaang ito, gayong napakaraming butas ang patuloy pa ring lumalaki sa pag-iisip ng maraming Pilipino. Lagi nating bukambibig ang kalayaang makakamit, ngunit kailan natin didinggin ang tunay na iyak ng wikang FIlipino?

Sa maraming parte ng bansa at sa malaking bahagi ng lipunan, hindi Filipino, tagalog o ano mang sariling diyalekto ang unang tinuturo sa isang paslit, kundi Ingles. Ang batang mas marunong magsalita ng banyaga ay awtomatikong mas matalino at marunong kaysa sa isang Filipino o sariling diyalekto ang wika– iyan ang iniisip ng karamihan. Nagmimistulang bata pa lamang, nakatatak na sa isip ng mga Pilipino na mas mababa ang kanilang sariling wika kumpara sa iba.

Hindi lamang sa simula, kundi hanggang sa pagtanda. Sa mga job interviews, pageants, pormal na debate, midyum ng pagtuturo sa klase, at iba pang diskurso lalong lalo na sa akademya, hindi normal ang paggamit ng wikang Filipino, bagkus ay ipinagbabawal pa sa ilang pagkakataon. Mas hinihikayat ang paggamit ng Ingles sa mga eskwelahan.

Bagaman totoo na pagdating sa pandaigdigang diskurso ay mas mainam ang pagsasanay ng wikang Ingles, hindi ba’t nararapat lamang na mas unahin muna natin ang pagpapatibay sa wikang Filipino? Nararapat lamang na sanayin ng mga mag-aaral ang paggamit ng Filipino, sapagkat ito ay mas epektibo sa paguulat ng agham para sa masa, lalo na at tayo ay nasa Pilipinas.

Kitang kita rin ang pagbaba ng bilang ng mga aktibong diyalekto sa bansa. Ayon sa pananaliksik nila Jhonabell Alejan et. al, 28 wika ang nanganganib na sa Pilipinas, 11 ang malapit na sa permanenteng pagkawala, at ang iba naman ay tuluyan nang nawala. Ito ay dahil sa iba’t ibang dahilan, kasali na ang paggamit ng wikang hindi atin.

Mula bata hanggang sa pagtanda, sa paaralan man o sa mga lipunan ng bansa, tila hindi nadidiin ang importansya ng wikang Filipino. Tila mas nabibigyang linaw ang pag-aaral ng banyaga kaysa sa sariling atin, dahil tayo mismo ay mababa ang tingin dito. Sa mundong puno ng kasinungalingan, isa ang katotohanan: bumababa ang halaga ng wikang Filipino sa Pilipinas.

Sa ngayon, ang kalayaang mahahanap gamit ang Filipino ay mas kaunti kaysa sa akala ng karamihan. Samakatuwid, ang wikang ito ay tila natatakpan ng banyaga. Subalit ika nga ng liriko sa pambansang awit ng Pilipinas–“awit sa paglayang minamahal”. Tiyak na alam ng mga Pilipino na sa bandang huli, ang kalayaan sa pamamagitan ng sariling atin ang mas nakapagbibigay ng kagalakan. Marahil ay imbes na iyak lang, ay maririnig natin ang iyak sa galak ng isang wikang malaya na.

06/08/2024

𝗣𝗹𝘂𝗺𝗮𝗻𝗴 𝗣𝗮𝗺𝗮𝗻𝗮
ni 𝘑𝘔 𝘊𝘖𝘔𝘈

Mula sa pag-awit ng alpabeto, patungong pagbilang ng mga numero, hanggang sa pagsulat ng sariling kwento, ngayon ay nakatakdang kamtan ang plumang bunga ng pagkatuto.

Handa nang lumaban para sa bayan, naninindigan sa katotohanan, ginagamit ang karunungan para sa ikabubuti ng sambayanan. Pagpupugay ay parating isinasagawa, buong pusong suporta ay iniaalay sa kanila. Tradisyonal na paghahatid ng bagwis ng lapis sa mga itinuturing na ate’t kuya ng paaralan, magbibigay alapaap sa kanilang karamdaman.

𝗕𝗮𝗴𝘄𝗶𝘀 𝗻𝗴 𝗟𝗮𝗽𝗶𝘀

Paghangad ng tagumpay ay wala sa kapit ng bibig, bagkus ay nasa kabig ng dibdib. Pamanang bagwis ng lapis ang siyang magsisilbing inspirasyon upang makamtan nila ang landas patungo sa kanilang mga ambisyon. Pinatitibay ang loob ng bawat isa, itinatatak sa kanilang isipan na kailanman ay hindi sila mag-iisa.

Binubuo man ng iba’t ibang pagkatao, ang memorya ng pagsasama ang siyang magbubuklod sa kanila upang muling maging buo at kumpleto. Tinta ng mga lapis ang uukit sa kanilang kinabukasan, ang makata ng kanilang kwento, pangarap, tagumpay, at kadalisayan.

𝗧𝗶𝗻𝘁𝗮 𝗻𝗴 𝗠𝗮𝗸𝗮𝘁𝗮

Murang edad pa lamang ay lapis na ang nagsisilbing laruan. Dahan-dahang ineensayo ang sarili sa paghawak nito, makalikha lamang ng isang obrang nakakapanindig-balahibo. Itinatama ang mga pagkakamali, gamit ang pambura nito, angking kakayahan ng isang makata —malikhain at makatotohanan— ay dapat isakatuparan.

Sa mga susunod na yapak ay unti-unti nang maglalaho ang tinta ng isang makata, sapagkat ang mga pagkakamali ay hindi na maaari pang burahin at ulitin. Ang bagwis ng lapis at tinta ng makata ay bahagi lamang ng kanilang tagumpay, ngunit ang plumang pamana ng mga guro’t magulang ay hindi kailanman maglalaho, bagkus siyang magsisilbing gabay sa kanila sa mga susunod na kabanata.

04/08/2024

𝙂𝙊𝙇𝘿𝙀𝙉 𝘽𝙊𝙔 𝙎𝙏𝙍𝙄𝙆𝙀𝙎 𝘼𝙂𝘼𝙄𝙉!🥇🥇

𝗬𝘂𝗹𝗼, 𝗻𝗮𝗽𝗮𝘀𝗮𝗸𝗮𝗺𝗮𝘆 𝗮𝗻𝗴 𝗽𝗮𝗻𝗴𝗮𝗹𝗮𝘄𝗮𝗻𝗴 𝗴𝗶𝗻𝘁𝗼 𝘀𝗮 𝗣𝗮𝗿𝗶𝘀 𝗢𝗹𝘆𝗺𝗽𝗶𝗰𝘀

Umukit muli ng kasaysayan si Carlos Edriel Yulo matapos nitong sungkitin ang pangalawang Olympic gold ng Pilipinas nang mangibabaw sa Men's Artistic Gymnastics - Vault, 15.116, sa Paris 2024 Olympics sa Bercy Arena sa Paris, France nitong Agosto 4.

Nagkamit si Yulo ng 15.433 na iskor sa first vault habang 14.800 naman sa second vault na bumubuo sa kaniyang final vault score na 15.116.

Pumapangalawa sa Men's Vault si Arthur Davtyan ng Armenia, 14.966, habang pangatlo naman si Harry Hepworth ng Great Britain, 14.949.

Ito ang pangalawang Olympic gold medal ni Yulo matapos niyang kamtin ang kaniyang unang Olympic gold medal sa Men's Floor Exercise kahapon, Agosto 3.

Umakyat naman ang Pilipinas sa 19th sa overall medal rankings ng Paris Olympics.

Si Yulo ang kauna-unahang double Olympic gold medalist ng bansa.

Mga larawan mula: GMA News, OneSports, Olympics

03/08/2024

𝗬𝘂𝗹𝗼, 𝗻𝗮𝘀𝘂𝗻𝗴𝗸𝗶𝘁 𝗮𝗻𝗴 𝘂𝗻𝗮𝗻𝗴 𝗴𝗶𝗻𝘁𝗼 𝗻𝗴 𝗣𝗶𝗻𝗮𝘀 𝗺𝘂𝗹𝗮 𝗣𝗮𝗿𝗶𝘀 𝗢𝗹𝘆𝗺𝗽𝗶𝗰𝘀

Dinomina ni Carlos Edriel Yulo ang Men's Artistic Gymnastics - Floor Exercise Finals matapos nitong magtamo ng iskor na 15.000 (6.600 difficulty, 8.400 ex*****on) para maiuwi ang unang ginto ng Pilipinas sa Paris 2024 Olympics sa Bercy Arena, Paris, France nitong Agosto 3.

Kabilang sa mga pinatumba ni Yulo sina Tokyo 2020 Olympic Champion at 2023 Artistic Gymnastics World Champion Artem Dolgopyat ng Israel (14.966, 2nd Placer) at Jake Jarman ng Great Britain (14.933, 3rd Placer) na top-scorer sa qualification ng floor exercise.

Namayagpag si Yulo bilang kauna-unahang Pilipinong nakatapak sa podium ng Olympics sa larangan ng Gymnastics.

Nakamit ni Yulo ang pangalawang gintong medalya ng bansa matapos ang unang medalya mula kay Hidilyn Diaz noong Tokyo 2020 Olympics.

Mga larawan mula: Reuters, The Olympic Games, GMA News

02/08/2024

𝐌𝐀𝐋𝐈𝐆𝐀𝐘𝐀𝐍𝐆 𝐁𝐔𝐖𝐀𝐍 𝐍𝐆 𝐖𝐈𝐊𝐀𝐍𝐆 𝐏𝐀𝐌𝐁𝐀𝐍𝐒𝐀! 🇵🇭

Ang wikang Filipino ay higit pa sa isang paraan ng pakikipag-usap sa ating kapwa Pilipino. Ito ay isang mahalagang bahagi ng ating pagkakakilanlan at isang simbolo ng ating pagkakabuklod at pagkakaisa. Ang ating wika ang nag-uugnay sa ating lahat, saanman tayo nagmula at nakatira.

Ngayong Agosto, samahan ninyo kami sa pagdiriwang ng buwan ng ating wikang Filipino - ang wikang nagbibigay-kulay sa ating kasarinlan bilang isang bansang mayaman sa kultura at kasaysayan.

Tuwing Biyernes, magbabahagi kami ng mga espesyal na posts bilang pagbibigay-halaga sa ating wikang kinagisnan.

31/07/2024

𝗔 𝗧𝗥𝗜𝗣 𝗧𝗢 𝗧𝗛𝗘 𝗙𝗢𝗢𝗧 𝗢𝗙 𝗠𝗧. 𝗜𝗦𝗔𝗥𝗢𝗚 | D-5—Beyond the Paper

As we count down the five (5) days left until we grace the walls of Pisay-Bicol, let us take a look at the various respectable centers of campus journalism serving their communities across the Philippine Science High School System.

With all 16 campuses bearing host to their own campus publications, truly, the future of campus journalism is looking brighter than ever.

We join the fellow publications of The Bicol Scholar in serving the various people in their communities, and in their constant embodiment of truth and the advocacies they hold close to their heart.

—

𝘈 𝘛𝘳𝘪𝘱 𝘵𝘰 𝘵𝘩𝘦 𝘍𝘰𝘰𝘵 𝘰𝘧 𝘔𝘵. 𝘐𝘴𝘢𝘳𝘰𝘨 𝘪𝘴 𝘢𝘯 𝘪𝘯𝘪𝘵𝘪𝘢𝘵𝘪𝘷𝘦 𝘰𝘧 𝘛𝘩𝘦 𝘉𝘪𝘤𝘰𝘭 𝘚𝘤𝘩𝘰𝘭𝘢𝘳, 𝘴𝘦𝘳𝘷𝘪𝘯𝘨 𝘢𝘴 𝘣𝘰𝘵𝘩 𝘢 𝘤𝘰𝘶𝘯𝘵𝘥𝘰𝘸𝘯 𝘵𝘰 𝘵𝘩𝘦 𝘯𝘦𝘸 𝘴𝘤𝘩𝘰𝘰𝘭 𝘺𝘦𝘢𝘳 𝘢𝘯𝘥 𝘢 𝘴𝘩𝘰𝘳𝘵𝘩𝘢𝘯𝘥 𝘷𝘪𝘦𝘸 𝘰𝘧 𝘵𝘩𝘦 𝘢𝘥𝘷𝘰𝘤𝘢𝘤𝘪𝘦𝘴 𝘪𝘵 𝘴𝘵𝘢𝘯𝘥𝘴 𝘧𝘰𝘳 𝘢𝘯𝘥 𝘵𝘩𝘦 𝘱𝘳𝘪𝘯𝘤𝘪𝘱𝘭𝘦𝘴 𝘪𝘵 𝘱𝘳𝘰𝘵𝘦𝘤𝘵𝘴.

25/07/2024

𝗡𝗔𝗧𝗜𝗢𝗡𝗔𝗟 𝗖𝗔𝗠𝗣𝗨𝗦 𝗣𝗥𝗘𝗦𝗦 𝗙𝗥𝗘𝗘𝗗𝗢𝗠 𝗗𝗔𝗬

Sa kabila ng madilim na panahon ng pagsupil at mabilis na paglaganap ng mga maling impormasyon, ating patuloy na pasiklabin ang tunay na diwa ng pangkampus na pamamahayag at ng mga mamamahayag na walang humpay sa paglilingkod sa bayan bilang boses ng katotohanan.

12/06/2024

Lumubog man ang araw,
Lumipas man ang mga gabi,
Hindi pa rin paaapi.

Mabuhay ang Pilipinas!

08/05/2024

𝗔𝗻𝗴 𝗦𝗶𝗸𝗹𝗮𝗯, 𝗺𝘂𝗹𝗶𝗻𝗴 𝗻𝗮𝗴-𝗮𝗹𝗮𝗯 𝘀𝗮 𝗥𝗦𝗣𝗖 𝟮𝟬𝟮𝟰

Patuloy ang pamamayagpag ng Ang Siklab matapos umani ng tatlong gantimpala sa school paper contest, pito sa group contest, at dalawa sa individual contest sa idinaos na Regional Schools Press Conference (RSPC) 2024 sa Tuguegarao City, Cagayan nitong Mayo 1-4.

Nakopo ng publikasyon ang ika-8 puwesto sa pahinang balita, ika-7 puwesto sa pahinang lathalain, at ika-8 puwesto sa pahinang isports.

Aabante ang mga pahinang nabanggit sa National Schools Press Conference (NSPC) 2024 na gaganapin sa Carcar City, Cebu sa Hulyo 7-12, 2024 bilang natatanging pambato ng SDO Nueva Vizcaya sa School Paper Contest - Secondary Filipino.

Samantala, nakamit naman ng TV Broadcasting and Script Writing team, 4 mula sa 7 miyembro ay mga Lambak-isko na sina Claire Quines, Prince Rivera, Fate Rapanan at Joshua Birco, ang 5th best script, 4th best technical application, 4th best dev com at 5th overall production.

Iginawad din kina Fate Rapanan ang 3rd best reporter at Prince Rivera ang 2nd best anchor.

Natamo rin ng Radio Broadcasting and Script Writing team, 5 mula sa 7 miyembro ay mga Lambak-isko na sina Precious Accad, Julio Gabuyo, Jan Ilumin, Earvin Seva at Pia Zipagan ang 2nd best infomercial.

Pinarangalan naman si Raphael John Dasalla bilang ikatlong pinakamahusay na kalahok sa larangan ng Pagwawasto ng Sipi at Pag-uulo ng Balita sa sekundarya, habang nagwagi naman si Prince Rivera bilang ikaapat na pinakamahusay sa larangan ng Mobile Journalism.

29/04/2024

Online Synchronous Classes, ipapatupad sa PSHS-CVC bunsod ng High Heat Index�

Bilang tugon sa inaasahang High Heat Index, ilulunsad ang Online Synchronous Classes sa lahat ng baitang sa Philippine Science High School - Cagayan Valley Campus sa Mayo 2-3, 2024 ayon sa Memorandum No. 011, Series of 2024.

19/01/2024

BIGKIS 2024, ipinasilip
MVT Mamba

Pinasinayaan ang pampaaralang assembly para sa pagbunyag ng iba’t-ibang aktibidad para sa BIGKIS 2024 kasama ang pagsalubong sa bagong pangkat : Rajah Likas Yaman, sa Gymnasium, Enero 19, 2024. #

24/11/2023

BUKLOD 2023

Buong pwersang nagbuklod ang mga ALA groups ng Pisay - Lambak ng Cagayan sa pakikiisa sa iba't-ibang palaro sa ALAlympics 2023 sa PSHS-CVC Gymnasium nitong Nobyembre 24, 2023. #

21/11/2023

Pisay Lambak ng Cagayan, dinumog para sa SRS-UNICEF

Malugod na tinanggap ng Mataas na Paaralang Pang-Agham ng Pilipinas - Lambak ng Cagayan ang mga kalahok mula sa iba't-bang kampus ng Pisay para sa Science Research Summit - UNICEF Edition sa PSHS-CVC Gymansium, nitong Nobyembre 21, 2023. #

31/10/2023

𝗛𝘂𝘀𝗮𝘆 𝗣𝗶𝘀𝗮𝘆 𝗖𝗮𝗺𝗽𝘂𝘀 𝗝𝗼𝘂𝗿𝗻𝗮𝗹𝗶𝘀𝘁𝘀
𝗞𝗨𝗗𝗢𝗦, 𝗣𝗜𝗦𝗔𝗬-𝗖𝗔𝗚𝗔𝗬𝗔𝗡!
𝗘𝘅𝗰𝗲𝗹𝗹𝗲𝗻𝗰𝗲 𝗳𝗿𝗼𝗺 𝗣𝗦𝗛𝗦-𝗖𝗮𝗴𝗮𝘆𝗮𝗻 𝗩𝗮𝗹𝗹𝗲𝘆 𝗖𝗮𝗺𝗽𝘂𝘀
The Philippine Science High School System commends 𝗔𝗡𝗚 𝗦𝗜𝗞𝗟𝗔𝗕 of PSHS-Cagayan Valley Campus for winning as First Runner-up in the Gawad Dalumat Best Science School Publication during the National Youth Science, Technology, and Innovation Festival (NYSTIF) 2023. We are proud of you!

Photo by Beaver Sean Caraan, PSHS-CVC alumnus & former editor-in-chief of Ang Siklab

28/10/2023

PAGPUPUGAY!

Kinilala bilang Best School-based/Student-led Science Publication 1st Runner Up ang Ang Siklab, ang opisyal na pahayagang pangkampus ng Pisay Lambak ng Cagayan sa larangan ng bukod-tanging pagbabahagi ng mga kalidad na kuwentong agham sa 2023 Gawad Alunig x Dalumat: Empowering Science Stories through Citizen Journalism na ginanap sa Philippine International Convention Center Forum Tent, Pasay City nitong Sabado, Oktubre 28, 2023.

Walang sawang pasasalamat sa lahat ng mga nagbigay suporta sa paglalakbay ng aming pahayagan mula sa tagapayo, konsultant, hanggang sa aming mga mambabasa. Aming inaalay ang tagumpay na ito sa inyong lahat at sa patuloy na pamamayagpag ng malayang pamamahayag.

Mula sa buong pamatnugutan ng Ang Siklab, asahan ang patuloy na pagningas ng tanglaw ng katotohanan at pagbubukas ng isipan ng lipunan sa pagdalumat ng agham sa ating bayan!

28/10/2023

Mga mamahayag-isko ng Ang Siklab, nakiisa sa ScienHayag 2023

24/10/2023

NAGBABAGANG BALITA

Patnubay sa unang markahang pagsusulit, inilatag ng Discipline Office

Inaasahan ang malawakang pagsunod sa mga ito sa gaganaping markahang pagsusulit. Matatagpuan ang buong gabay sa mga respektibong Batch GC na inihanda ng mga Discipline Officer na sina Ginoong Heherson C. Tolentino at Ginoong Orcene D. Cancino. #

Sa patuloy na pagningas sa karunungan, pasiklabin ang talino at katapatan sa pagsasanay. Nawa'y magkaroon ang lahat ng matagumpay na Linggo ng Pagsusulit! 🔥

23/10/2023

NAGBABAGANG BALITA

Inaanyayahan ang bawat mag-aaral na makiisa sa ebalwasyon para sa kalidad ng serbisyong hatid ng ating kantina. Mangyaring bisitahin ang kani-kanilang mga Batch GC para sa evaluation link at karagdagang impormasyon.

21/10/2023

PAGPUPUGAY!

ANG SIKLAB, UMANI NG PUWESTO BILANG GRAND FINALIST SA GAWAD ALUNIG X DALUMAT

Asahan ninyong patuloy kaming magsisikap na maging mga boses ng kaalaman at karunungan, siklab ng pag-asa, at tanglaw ng katotohanan sa ating bansa sa larangan ng pagbabahagi ng kuwentong pang-agham para sa madla.

20/10/2023

Adbokasiya kontra To***co at V**e Smoke, isinulong

17/10/2023

Taiwan Education Fair, inilunsad na sa PSHS-MC

10/10/2023

SIKLAB RB LIVE AIRING

10/10/2023

Tara na’t buksan ang isipan sa pagdalumat ng agham sa ating bayan! 🔥

********

09/10/2023

— Pencil Day | 10.09.23

Ipinagdiwang ang Pencil Day para sa Batch 2024 sa pamamagitan ng pagbibigay ng mga lapis bilang pabaon sa kanilang darating pang College Entrance Tests. #

📸 ZMK CORPUZ

09/10/2023

Ipinagdiwang ang Pencil Day para sa Batch 2024 sa pamamagitan ng pagbibigay ng mga lapis bilang pabaon sa kanilang darating pang College Entrance Tests. #

Address

Bayombong
3700

Telephone

+639568195097

Website

http://cvc.pshs.edu.ph/

Alerts

Be the first to know and let us send you an email when Ang Siklab posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ang Siklab:

Videos

10.10.2023

SIKLAB RB LIVE AIRING

Sa pagliyab sa larangan ng malayang pamamahayag, handa nang mag-alab ang Ang Siklab. Likha ni JJ ILUMIN #AngsiklabDekadaDos

Sa naudlot na bakasyon, tanging kinasasabikan ay ang bagong taon. 🗓️ Hudyat ng pagkupas ng minsa'y tahimik na paaralan, at muling pagdomina ng daang-daang boses na iisa ang hiyaw. 🏫 Back to Lambak ! ⛰️ — #SumisiklabNaBalita Sanib-Pwersa!: PSHS-CVC, nagbukas-pinto para sa 655 iskolar na magbabalik-eskwela K.M. TIONGSON Matapos ang matagumpay na taong panuruan sa nakaraang taon, muling nagbukas ang Philippine Science High School - Cagayan Valley Campus (PSHS-CVC) sa 655 na iskolar upang pasinayaan ang taong panuruan 2023-2024 sa Multipurpose Gymnasium ng PSHS-CVC noong Agosto 23, 2023. Nagsimula ang programa sa isang flag raising ceremony na pinamunuan ni Dr. Raymund T. Velasco at sinundan ng bating pagtanggap ni G. Erick John H. Marmol, ang direktor ng kampus. Pinakilala rin nina G. Raymundo C. Manaligod, Dr. Harold V. Gallo at G. Garry Jun Mayawin ang mga guro at kawani. Sunod na pinakilala ng mga naatasang koordineytor ang mga seksyon sa homeroom. Pagkatapos, nagkaroon ng oryentasyon tungkol sa mga handog na kurso, pag-assess sa mga estudyante, paglinaw sa grading system at pag-alala sa PPTG Guidelines. Pinaliwanag din ang Code of Conduct sa mga iskolar mula sa ika-7 hanggang ika-9 na baitang sa pangunguna ni Dr. Heherson C. Tolentino, ang Discipline Officer ng mga nasabing baitang. Sa kabilang banda, tumungo sa kani-kanilang seksyon ang mga nasa ika-10 hanggang ika-12 na baitang para sa homeroom orientation na siyang sinundan ng mga nasa ika-7 hanggang ika-9 na baitang kinahapunan. Tinalakay naman ang Code of Conduct sa mga estudyante mula sa ika-10 hanggang ika-12 na baitang sa pamumuno ni Dr. Orcene Cancino, ang Discipline Officer sa mga nabanggit na baitang. Nagwakas ang programa sa pagsasagawa ng mga emergency drills bilang pagsasanay. # #AngSiklabDekadados

Sa likod ng bawat pahina, tinta'y sumisiklab. 🖋️ Mga kuwento'y bumubukas, inspirasyon lumiliyab. 🔥 Abangan ang Bagong Kabanata. 📖 #AngSiklabDekadaDos

Bakuna, bakuna... paano ka ginawa?

Sinong mas angat? 📈 Sinong mas sikat? 👏 Moderna, AstraZeneca, o ang SinoVac ng Tsina? 🤔 Bago sila paghambingi'y alamin muna natin kung paano ba sila nilikha. 🤩 --- Bakuna, Bakuna… Paano Ka Ginawa? ni Jubz Balonkita Malamang sa malamang, ang hiling mo rin noong Pasko ay bakuna kontra Covid-19. Lahat tayo nawiwindang na sa social distancing, saradong mga sinehan, at tigidig sa mukha dahil sa pagsusuot ng face mask. Nagsimula ang pandemya sa Pilipinas noong Enero 30, 2020 at isang taon lamang mula na maitala ang unang kaso ng Covid-19 sa Pilipinas ay sa wakas, may bakuna na! Sinasabi kong mabilis ang aksyon ng mga siyentista sa iba’t ibang panig ng mundo para mapag-aralan ang veerus na SARS-CoV-2 at makagawa ng mabisang bakuna. Pero paano ko nasabi? Ang pagbuo ng bagong gamot (injection, tablet, capsule, o syrup) ay dumadaan sa isang mahabang proseso na kadalasang tumatagal ng buwan hanggang taon. Ang kadalasang tagal ng prosesong ito ay 10 hanggang 15 taon. Ang bakuna kontra Ebola (isang vayrus na kumalat sa Africa noong 2014) ay nabuo sa loob ng 5 taon mula Phase I ng clinical trials hanggang sa pag-apruba nito para ibenta pang-komersyo. Mabilis na iyon kung tutuusin, ngunit ang bakuna kontra Covid 19 ay ginawa lamang sa loob ng 12 hanggang 18 na buwan. Record breaking nga talaga, walastik! Salamat na lang rin sa bagong kaalaman at teknolohiya sa larangan ng genetics. Preliminary studies ang unang proseso sa pagbuo ng bakuna. Inaalam ang katangian ng antigen at receptors na tatanggap dito. Maaring gumawa ng mga modelo sa kompyuter tungkol sa kemikal na istraktura ng mga ito upang lubusang maunawaan ang mekanismo nito sa loob ng katawan. Preclinical studies ang susunod na pagdadaanan. Kaya ito pre-clinical dahil ito ay hindi pa sinusubukan sa mga tao bagkus ay sa mga hayop, cell culture o mga kemikal muna. Isinasagawa ang acute at chronic toxicity test kung saan tinitignan kung may negatibong epekto ang bakuna tulad ng pagkamatas, panging