Le Samoa News

18/08/2024

Faatausia i lona Alofa
Vaega 47 & 48:
O Lanita o loo nofo i le nofoa vaevaeloloa (stool) ma faataupup**a ia Sebastian ma ona uiga e tumu i le faaaloalo. O Sebastian o loo faalagolago le isi ona lima i le sofa, ma ona vae uumi o loo gapevae, o loo uu i le isi ona lima le sikaleti ma tata i le talefulefu tioata, ma ona foliga mata ita ma uiga faalepopoi.
I le tamai laulau mo iputi i lo la va, o loo tumu i taumafa suamalie ma fualaau taumafa mata.
E aofia ai sukalati, pinati, chips, e aofia ai ma le maoi o le teine o Lanita o le pulini samasama e ave i ai le fualaau o le peach.
O le teine o Sabrina e na te le aia lava nei taumafa e ui e na te iloa ma momoo i ai, ae ona o le taugata aua o nisi o ia taumafa e ninii pe na o le tasi lava le mama e maua ai, ae silia i le 20 tala le tau.
Ao nofo le teine o Sabrina i le fale o le aiga o Lin, e masani ona ia vaai ia Lanita o taumafa i meaai ia.
O Lanita sa lelei lava lona olaga mai lava i lona laitiiti, aua sa faia e Moira ma Jarod mea uma e manao ai le teine, ao lea ua faauo ma le alii sili ona mauoloa o le aai, ma ua faatau e Sebastian soo se mea mo ia, e na o le pau lava le mea a Lanita e fai o le tago i ai ma taumafa.
O Sabrina i lea taimi ua tei lava ua suamalie lona gutu, ma ua na o le folo faua aua o loo ia lagona lona fiaai.
O le taeao sa matua fefefe lava Lanita ma ona matua ina nei toatamai Sebastian ia i latou ma sa latou o ai i le falemai ma lalafi ma maitau uiga o Sebastian.
Na latou iloa mulimuli ane sa pisi Sebastian e vaimalu le teine o Sabrina ma fesoa*oani e faamaualalo le fiva o le teine ae sa lei aveesea ai lo latou popole ma le fefefe.
Ma sa lalafi lava le aiga i totonu o le latou taavale ma maitau poo fea e iu i ai le tausiga mai a Sebastian, aua afai e iloa e le tamaloa o ia e ana le pepe o loo mamafa ai le teine o Sabrina, o lona uiga o le a*o lava e lau ai le iuga o le latou aiga atoa.
O le mavae o nai itula, ae sau i fafo Sebastian e fai lana telefoni ma sa latalata mai lava i le latou taavale, ma sa latou lagona uma tala a le tamaloa o loo fai i lana telefoni. O le leo o Sebastian o loo filemu lava e aunoa ma ni uiga toatamai. “O togafitiga uma o le teine sa totogi muamua ao lei faia togafitiga, afai e i ai nisi tupe totogi faaopoopo, taatia ia te ia e na te totogia.”
O upu ia o le talanoaga a Sebastian i le telefoni na vave ai ona toe toafilemu Lanita ma ona matua. Ua latou iloa ai e mafua lava ona fesoa*oani Sebastian ia Sabrina ona o le tausiga lelei mo lona tina. Ua latou iloa foi e lei tau ane lava se mafaufau o Sebastian o sona suli le tagata o loo mamafa ai Sabrina.
Sa faavave ona fai isi togafiti a le aiga o Lin, ma o le aoauli o le a*o lava lea, ua alu ane ai Lanita ma ua tutu i le faitotoa o le fale o Sebastian. Ina ua ia iloa le agai mai o Sebastian i lona fale sa ia faafeiloai o ia. “Tuagane Sebastian o a mai Sabrina? Ou te iloa o le a faanoanoa lou tina, pe a na e le laveaia o ia, ma e tatau lava ona e faaolaina o ia.”
“Ao a na mea e te uu?” o le fesili lea a Sebastian.
“I le taeao, ae e te lei alu e ave Sabrina i le falemai, sa ou faalogo i lou leo e pei e fa. Ma sa ou alu i le fale ma faatau fualaau ia mo oe. E aoga e puipuia ai oe mai le flu. Ua ou sau e aumai mo oe, tuagane Sebastian ia e inua loa i le taimi lenei, ao au o le a ou alu.” O upu ma tala a Lanita e faatosina loto ma ua ia tuu atu ia Sebastian fualaau ma ia liliu loa ma savali ese.
Ua tago Sebastian i lona lima ma fesili atu, “Ua fai sau taumafataga?”
Ua ia manatua sa faatali le teine i le po atoa anapo i le faitotoa, ao lea foi ua toe faatali i le a*o atoa mo ia.
“Sa…ou ai, ..ai.” e lei maea le tali mai a le teine o Lanita a ua sosoo lana tale.
O lea taimi e lei toe faatali le tamaloa ae ua la faanatinati loa i le taavale ma faatau mai meaai ia o loo tumu ai le laulau.
O Lanita ua ia lagona lava i lona loto e pei ua liu suavai lona fatu.
E ui lava o loo ia vaaia foliga ita ma le saua o Sebastian, ae o loo fai lelei lava o ia e Sebastian mai le taele o lona fatu.
O le taimi lava na laulau ai le taumafataga, ua suia foi ma uiga o le teine o Lanita ma ua oso i le ulu lona fia teine i le taimi lea, ma ua fai foi ana fika e pei o le pepe ia Sebastian, ma ua ia sufi le tamaloa e fia moe i lona fale i le po nanei.
Ae faafuasei loa ona iloa mai e Lanita le teine o Sabrina ma ua atili ai uiga matanana o le teine o Lanita ia Sebastian, “Matai Talavou, masalo sa e misia o ia…”
O Sabrina ua manao lava i ni mea e pupuni ai ona taliga. Ua ia manao e toe tapuni le faitotoa ma toe alu i fafo ae ua tuai.
Ua ia faaulumalo ma savali i totonu, faafeagai ma le pup**a faasiasia mai o mata o Sebastian.
“Sabrina ua e sau? Na fai mai tuagane Sebastian o loo e mai ma e tatau ona e vave malosi. O loo manaomia e le tina o tuagane Sebastian lau tausiga.” O Lanita o loo tilotilo ia Sabrina ma ona mata faafoliga alofa.
O foliga o Sabrina ua fole e o faatasi lona tigaina i lona mai faatasi ma le lusi o lona tino i lona maitaga
Talu mai anapo e oo mai i lenei taimi o le a*o, e lei tele sana ai, ma ua ia foliga paee ma ona ioimata ua foliga lapopoa ma ua oomo.

Vaega 48:
E lei tali le teine o Sabrina i se upu e tasi i le mau faafesili mitavale a Lanita ae ua ia tilotilo ma talanoa ia Sebastian i se leo filemu, “O te alu e ave lau ato i le potu, ona ou toe alu ese faavave ai lea, ma ou toe foi mai i le fale pe tusa o le tolu i le fa itula. Ae … faaauau pea le lua fiafia.”
E lei faaalia ni ona foliga le fiafia pe ataata foi, ae sa toafimalie lana pup**a.
Ao Sebastian ua ia lagona i lona fatu le alofa, ua pei e lavelavea se mea maai i lona fatu, aua ua ia iloa lona le mafaia ona puipuia lagona faamanualia o le teine o Sabrina.
O lea taimi ua oo ifo se faanaunauga i le loto o Sebastian o le a ia taumafai e manumalo i le teine o Sabrina i soo se auala.
Talu ona ia iloa le tautinoga a le teine ma lona faanaunauga, ua ia faaseseina lona tina ma le loto i ai, ae o loo ia tauaveina se maitaga mai se isi tagata, ao Sebastian o loo i ai lava lona faanaunauga ia manumalo i le loto o Sabrina.
O foliga o le tamaloa sa lei lelei lana pup**a i le amataga, ae ua atili ona aliali i lona taumafai e taofiofi lona ita.
Ua alu Sabrina i lona potu ma ua tuu lana ato, ma faitau nai tupe mai ana siliva o sui o ana faatauga, ua ave le lima tala, ma ua toe savali i fafo mai le potu.
O le taimi lea, ua ia le toe tilotilo ia Sebastian ma Lanita.
O le faitotoa ua pao masau ina ato faafuasei.
O Lanita ua ita ma ua valaau, “Sabrina, e le iloa foi poo se tamaloa taa lena ua e alu i ai. Ua fai ma au amio…”
“Alu ese!”
O Lanita ua tei ma ua pei e mafuie lona tino, “Tuagane Sebastian, o le a lau tala?”
Pe tusa o le afa itula taluai, na la tietie ai e faatau se meaai, aua e na te le iloa mea e fia tausami ai lana afioga, ma sa ia totogia mea uma.
Pe sao lana faalogo ua fai mai le tamaloa ia te ia e alu?
“Alu i le fale!” O le leo ita ma le le fiafia o Sebastian, faatasi ma ona foliga e faaumatia ai tagata.
Ua iloa lava e Lanita le matautia o Sebastian. Na pei o le emo o le mata lona faatoilaloina o le aiga o Ford. Ua tete le tino o le teine ma lana tautala ua tau le matala ma si ana ataata, “Tuagane Sebastian, tautuana ia e inuina fualaau o le flu, o le a ou alu vave ese loa.”
Ina ua maea ona tautala atu, ua ia tu i luga ma alu ese loa.
Ina ua ia alu i fafo ma ulufale i le lifi, na faalagolago atu nei Lanita agai i le puipui o le lifi, ma tagi faataio ma le leo tele. O le meamoni, o le tele o le maitaita ma uiga saua o Sebastian, o le atili foi lea o le pipii mai o le loto o le teine o Lanita ia Sebastian.
O lea taimi ua toe faia ai foi le tautoga faalilolilo a Lanita mo ia lava, ‘Sebastian, e tatau ona ou faaipoipo ia te oe! O le a ou fanauina se atalii mo oe! Sabrina, o le a ou faia ina ia e matamata mai i lou tuugamau i lou olaga fiafia faatasi ma Sebastian.’
E leai ma se malamalama o Sabrina i lenei fetuu a Lanita ia te ia.
O le taimi lea, ua faatau e le teine o Sabrina keke puaa e tolu mai le faleaiga, ua ia saofai i fafo i tafatafa o le togalaau o loo fuamatala fuagalaau ma amata ona ai.
Ina ua maea ona tali lana sua i keke puaa e tolu, ua mou faafuasei lona galala ma lona fiaai sa i ai.
E ui lava ua fai si malulu o fafo, ae ua musu e alu i le maota o Sebastian i lenei taimi aua e le fia vaai i uiga o le toalua lea e faaali mai ia te ia.
Ao ia saofai i le togalaau mo se taimi umi, ua tago le teine o Sabrina i lana telefoni ma omiomi ni numela. Ua koneti le valaau ma sa ia lagona le pisapisao o le isi itu o le laina.
O le faapogai lea o lona ee ma valaau, “Shao Ling…”
O le tagata ua talanoa mai ma le le onosai, “Oi leai, leai, ua e toe tiai galuega foi i lenei a*o, ae aua e te popole, latou te le tulia oe, o le tagata mo galuega eseese, o ia a lea! Ia e milo faatasi ai pea ma i latou.”
Ua ii mai le telefoni. Ao Sabrina ua ia iloa le onosai o Ioane mo ia.
Ao ia lagona le mafanafana o le pai mai o Ioane, ma ua oo mai ai ma se lagona fou i lona loto e fia faigaluega faamaoni pea mo ia.
O ioimata o le teine o Sabrina ua susu i loimata.
Ao ia nofo toatasi mo se taimi umi, na ia manatu pe ua tatau ona agai Sebastian ma Lanita i le potu o Sebastian, ma ua ia tu loa i luga ma toe foi i le fale.
Ua ia tatala le faitotoa ma ia iloa ai ua pogisa le potumalolo.
Ae ia faalogoina loa se leo oolo o loo momoli mai ai se faatonuga, “Sau sao ia te au!”
[E Faia Pea]

10/08/2024

Faamanuia atu le A*o Sa faapitoa mo Tama uma o Samoa. Avea le pese a le susuga Malaesaili e faamanuia atu ai le A*o o Tama mo outou uma lava.

Provided to YouTube by Precise Digital LimitedDaddy Tama Lelei · Malaesaili SagaThe Best of Malaesaili Saga℗ 1991 Malaesaili Saga MusicReleased on: 1991-09-2...

10/08/2024

“Faatausia i lona Alofa.”
Vaega 46;
“Leaga e lei faigofie le auala na savalia e tina. Ina ia faasaoina si au tama, o mafatiaga ma puapuaga na ou savalia atonu e na te le o manatuaina, ae o le auala na ia toe sailia ma faasaoina ai au, e le o se mea sa ou mafaufauina i le avea ai o au ma se tina. O lea ua avea o ia ma alii sili o le aiga, ma o loo toatele pea ona fili. Pe afai o le a ia iloa lou faanaunauga faalupe o naumati i lou fia ulufale i le Maota tuai o le aiga o Ford, o le a ia ave au i ai, e tusa lava pe o le a feagai ai o ia ma faigata e oo lava i le lamatia ai o lona ola.” O le leo o le loomatua o Shanna o loo atagia ai lagona ootia ma o loo maualuga ia te ia le saogalemu o lana tama.
O lea taimi i le teine o Sabrina, ua ia lagonaina faalogona o se tina nofotoatasi.
O Shanna e na te lei laeiina se ofu faaipoipo i lona olaga, ma e lei amanaia o ia e le aiga o Ford. E ui lava o lana tama lea ua pulea le aiga ma ua ia te ia le malosi e faia ai faaiuga i mea uma e oo lava i le faa*oaina o le tamaoaiga o le aiga sili ona maumea i le aai, ae o Aunt Sia e lei faataunuuina lava lona faanaunauga e tusa o manaoga o lona loto.
Ua mafaufau le teine o Sabrina pe faapefea ona lafoia mai ia te ia le ata o le loomatua o Aunt Sia?
Ua tutusa i laua, o Shanna e lei faaipoipo i lona olaga, ao ia e faakonekarate lana faaipoipoga.
O Shanna o se tina nofo toatasi i lona olaga atoa, ao ia foi e uma loa le ola o Shanna ona faamuta lea o lana konekarate, ona avea foi lea o ia ma tina nofo toatasi i lona olaga atoa.
Ao tomanatu le teine o Sabrina i ia tulaga, sa leai se mea e na te mafaia a ua na o le misialofa i le loomatua o Aunt Sia.
“Tina, o le a ou asiasi atu taeao ma avatu lou maoi o le ia falai ma le salati pateta. Faatali mai ta te feiloai i le taeao.” E fai tala a le teine o Sabrina ma ataata i luga o le telefoni.
Ina ua maea le la talanoaga, ua tago le teine o Sabrina i le pepa o faamatalaga faapisinisi (business card) a le alii o Darius o loo i totonu o lana ato ma vili le numera telefoni o loo tusia ai.
Na umi se taimi o tatagi le telefoni faatoa tali mai.
I le isi itu o le laina o se leo tamaitai o loo tali mai. “Talofa o ai oe?”
“Faamolemole pe o le numera lea o le telefoni feaveai a Darius?” o le fesili lea a Sabrina.
“Ioe, ae o Peresitene Shu o loo faia lana fonotaga i le taimi nei, ae o au o lana failautusi. E i ai se mea o faaletonu ai oe?” o le toe fesili mai lea a le failautusi.
“E leai faafetai.” Ua iloa lava e Sabrina ua lafi le tama o Darius ia te ia.
Na ia aumai ia te ia lana pepa o faamatalaga faapisinisi ma sa ia tapa mai i lana numera telefoni, ma sa na o se mailei e faafoliga ma e faapasi ai tagata aisi tupe e pei o ia.
O ia ituaiga o metotia e le o se faiga leaga e pei o le faamatau o tagata ma tutuli ese. Ina ua maea lana talanoaga i le telefoni, ua tago Sabrina i lana ato ma savali loa i le faitotoa. Ina ua ia taunuu i le faitotoa pito i luma o le falemai, sa ia vaaia le auauna sili a Sebastian le alii o Christopher o loo tu mai fafo.
O uiga o Christopher e agamalu ma e le gaoia lava, ma e lei tautala mai foi ia te ia.
E lei manatu Sabrina o Christopher na sau e momoli o ia i le fale. E lei i ai sona manatu o toe faaauau pea se faiga lelei faapea mo ia. E lei fia faatalofa foi pe faamalo atu ia Chris, ma ua faaauau lana savaliga ma ua ia pasia o ia, ma ua savali sao lava agai i le fale faatali pasi faafeagai ma le falemai.
O Christopher ua tei ina ua le ano mai le teine ia te ia.
E na te le o iloaina o tala pepelo ma mea faafoliga o le a maua ai lava le eseesega o mea uma.
Ae ua ia iloa e tele se eseesega o Sabrina ma Lanita.
E ui lava o Lanita o le fafine lea o le a faaipoipo i ai Sebastian i le lumanai, ae ua iloa lelei lava e Christopher e le manao Sebastian ia Lanita, e aofia ai ona uiga fia tausi mamalu ma le aliali o lona fia faitoalua ia Sebastian.
O Sabrina e matua ese lava.
Ua matua malamalama lelei lava Christopher o le teine o Sabrina e le faalialia vale pe faailoa o ia o le faletua o Matai Talavou Sebastian, ma o se uiga e viia e Christopher.
Ua agai atu le taavale a Christopher i le fale faatalipasi ma ua ia valaau atu i si ona leo malu, “Miss Scott, o Matai Talavou na fai mai ou te sau e piki oe ma momoli i le fale, faamolemole susu mai i totonu o le taavale.”
Ua savali mai Sabrina ma ua oso i totonu o le taavale.
Sa ia saofai ma tilotilo i fafo i le faamalama i le taimi atoa o le faigamalaga e aunoa ma se tala.
Ina ua taunuu le taavale i le fale o Sebastian, e leai ma se upu e oo i se faafetai na tautala atu ai Sabrina i le alii auauna o Christopher.
Pe o le a nei sana upu o le a fai?
E na o lana tamai ato taitai lea e a*oa ma alu i luga o le lifi. Ina ua matala le faitotoa sa ia lagona ni tagata o talanoa i totonu o le potu malolo ao sui ona seevae i le vaega e ulufale ai i totonu o le maota.

Sa ia lagona se leo faatauanau ma taufaasee, “Tuagane Sebastian, o le a*o lenei… e mafai ona ou moe iinei i le po nanei?”
Na falo atu le ulu o Sabrina i le faitotoa ma ia iloa ai o Lanita.
[E Faia Pea]

02/08/2024

Faatausia i lona Alofa.
Vaega 45;
Ao tu Sebastian ma faataupup**a atu ia Sabrina i se igoa o le a pau mai i laugutu o le teine.
Aepeitai o Sabrina ua tali mai ma le totoa, “Ua oti.”
O lea taimi ua ofo Sebastian, aua sa leai sona manatu o se ituaiga tali lea e aumai e Sabrina.
Ua vaaia i laugutu o le tamaloa lona ataata ma ia fai mai, “Na uma ona toto le fatu ona fasioti lea? E lei i ai sou manatu e te pepelo faaaliali.”
Ao Sabrina ua le toe tali mai.
I tulaga o tama tane totoa, o le toe sufi o se isi faamalamalamaga atili o se laasaga toilalo ma le palaai, ae sili ai ona taatia faapea seia oo i le iuga.
Ua tepa i luga le teine ma fai mai, “O i ai pea sou manao ou te nofo faatasi ma oe ma tausi lou tina?”
“Aua e te fesili mai ia te au, ua e manao e faamuta lau konekarate?” O Sebastian e le o manao e faatupu se maseiga.
“O lena ua e iloa lau agasala, na ou faapea ua e …”
Ua faasalavei e Sebastian ao lei maea mai le tala a le teine; “O le konekarate ua maea ona sainia, e tatau ona e faatali sei maliu lou tina! Ao lau agasala? O le a sei vaai i lau agasala pe le fetoai ai oe ma lou alofilima!”
O Sabrina ua tei ma ua le gagana mai.
Ua liliu le tamaloa o le a savali ese, ae ua taofi e Sabrina. “Faatali ea…faatali mo sina minute.”
Ua toe tepa mai Sebastian i le teine.
“Aumai se lua afe tala mo au.” O le faatalosaga lea a le teine.
“E le o se matafaioi a au le tausia o le tagata o loo i lou manava.” Ina ua maea ona ia tautala mai, ua tapuni e le tamaloa le faitotoa ma alu loa.
O Sabrina ua saofai faalagolago i le ulu o le moega ma opo ona tulivae.
O le mativa o ni a*o leaga ia ma faigata tele. Ua ia leiloa pe o le a faapefea ona taui le meapueata ua leiloa. Toe tasi lona faamoemoega o le tama o Darius, sa faimai ia te ia i le po fiafia, o le a vili mai i le taimi lenei, ma o le a ia faamatuu maia lana aitalafu e lua afe tala.
E ui o lea, ua ia taoto na o ia i totonu o le falemai seia oo i le aoauli, e lei tatagi lava lana telefoni.
O le taulalata i le afiafi, ua toe foi lava le tino o Sabrina i tulaga e masani ai. sa ia maua togafitiga a fomai, ma ua manao le teine e tea i tua. Sa totogi e Sebastian togafitiga uma o le teine ae na te lei tuua le falemai.
Sa popole le teine i lana galuega ona e le tatau ona toe tiai galuega. Afai o le a tuli o ia ma le galuega lenei, o le a matua tele sona aafiaga i lona olaga.
Ao tapena mo lona tuua o le potu, ae tatagi lana telefoni. Sa ia saeu ma tali e aunoa ma lona vaai muamua poo ai lea e vili mai.
“Talofa…”
O loo ia mafaufau pe o Darius ua vili mai.
Ae ui o lea o le leo filemu o Shanna, “Purinisese.”
“Oi tina, malie sa ….”
“E le afaina Purinisese.” E lei faatali le loomatua o Shanna sei maea mai le tala a Sabrina. “Na fai mai le tama sa e pisi ma e vaivai i le toatele o malo ma le aufaafiafia sa auai e faafiafia mo ia ananafi, ma sa ia fai mai o lou laei ma lou sakete e manifinifi ma ua maua ai oe i le fiva i le taeao nei ma ua ave ai oe i le falemai.
“Purinisese e tuuaia lava au le tina. Ua galo ia tina o oe sa ave faamalosia i nai a*o taluai, ma o loo vaivai lava lou tino, ma ua ou fosia oe e te alu i lena faatasiga pisi ma tumutumu ma ua e mai ai. ia e malolo lelei ma ia aua e te popole. O lea e iinei tina, ma o loo i ai le tama e fesoa*oani atu i soo se mea.”
“Tina…” Ua liua i le mumu mata o Sabribna.
E ui lava o le la mafutaga ma Shanna e faafoliga, ae ua na o Shanna lava e aumaia lagona o le ola i lona loto.
“Tina, ua le…” O le leo o Sabrina o loo atagia ai se faatoesega. “Sa ou... sa ou matua pisi lava ananafi, ma ua maea le po fiafia ma sa ou le maua se faalogona lelei. Sa ou le maua se taimi e pue ai ni ata o le fale tuai o le aiga o Ford…”
Ua le tali le loomatua.
“Tina?”
“E le afaina afafine.” O le leo o Shanna ua vaivai. “O lou tino e sili atu ona taua. I le lumanai, o le a e maua ai le avanoa e pue ai ni ata mo tina.”
O le leo o Shanna ua iu lava ina le lagona atu.
Ua iloa lava e Sabrina le faanaunauga o le loomatua o Shanna, aua ua leai lava se avanoa e mafai ai ona vaai i le Maota o le aiga o Ford.
“Purinisese faalogo mai, ia e tautino mai ia tina, o le a e le taua ia Sebastian, sa ou manao ou te fia vaai i le Maota tuai o le aiga o Ford? Ua e maua mai?” O le augani lea a le loomatua o Shanna i luga o le telefoni.
Ao Sabrina ua ia le mautonu ma ua le mafai ona taofi lona fia iloa. “Tina, aisea?”
[E Faia Pea]

30/07/2024

O le vaveao nei, 4:50am taimi Niu Sila, ua maua ai le uluai pine a Niu Sila i taaloga o loo faaga*olo i totonu o Falani, ina ua manuia le taumafaiga a le au taitoafitu a tamaitai Black Fern i le pine auro o le lakapi.
Sa faatoilalo e Niu Sila le au a Kanata i le sailiga o le Auro ma le Siliva, 19 i le 12. Ao le sailiga o le Apamemea ua sola ma Amerika ina ua malolo ai le au a Ausetalia i le 14 i le 12.
O le taaloga sili ona faateia ai le aumaimoa o le au malosi a Peretania sa faitau e oo i sailiga pine ae na faatoilalo e Saina 19 i le 15.
O le isi au sa lei faitauina ae na oo i le sailiga o le pine auro o le au a Kanata lea na latou faatoilaloina Ausetalia i le semifinal, 21 i le 12.
Sa maua lava le avanoa o Ausetalia i le sailiga o le pine Apamemea ae na toe fao lava e Amerika ina ua misi le pue ma maua ai le sikoa e manumalo ai Amerika a ua maea foi le taimi o le taaloga. O Amerika sa lei faitauina o le a latou maua se pine mai taaloga lakapi, ao lea ua latou maua le Apamemea.
O le taunuuga, pine auro Niu Sila, pine siliva Kanata, pine apamemea Amerika, tulaga 4 Ausetalia, 5 Farani, 6 Saina, 7 Peretania, 8 Aialani, 9 Iapani, 10 Brazil, 11 Aferika i Saute, 12 Fiti.
E fai lava si maoae o le tulaga ua saofai ai Amerika, faapea le tulaga 6 o loo i ai Saina faapea ma le tulaga 10 o Brazil o loo pito i luma o Aferika ma Fiti o atunuu lakapi.

30/07/2024

30/07/2024

28/07/2024

Tele se aafiaga o taumafaiga a le afioga Tupuola Seuai Ato Plodzicki-Faoagali ona o le tuumalo faafuasei o lana faiaoga le susuga Lionel Elika Fatupaito ao lumanai ai ana taaloga i Palisi i Falani.
Na ia taua i sana tusitusiga i luga o upega o fesootaiga sa oo mai lava ia te ia lagona o le a faamaamulu ese mai ma taaloga, ae sa maualuga ia te ia le tapuaiga a lona atunuu pele o Samoa.
Sa ia faamaualalo foi i le tapuaiga a le atunuu aua sa ia lagona lava i ana faatinoga e lapelapea. Sa ia misia le susuga Lionel i lana tulimanu ao alofaiva mo se ai o le tapuaiga a le atunuu.
E ui lei maea ana taumafaiga i se pine mo lona atunuu, ae na faaalia o le a taalo ma lona fatu mo le tapuaiga a lona atunuu aemaise o lana faiaoga.
E leai se isi e faitio i le tulaga faigata ua feagai ma le alii fusu, aua sa ia le maua le malosi faalemafaufau ma ua le atoa ai ana faatinoga.
Ia faamaise pea le Atua i lau afioga Tupuola Seuai Ato Plodziki Faoagali aemaise o le aumasii a Samoa o loo faaopea i Falani mo faalagamaea a le lalolagi, ona o le tuua ai o le malo e le susuga Lionel Elika Fatupaito o le faiaoga o aufusu a Samoa.
O Ato Plodzicki Faoagali na ia maua pine auro mo Samoa i taaloga a le Pasefika sa faia i Apia 2019 faapea ma Honiara i le tausaga na tea nei na ia maua ai foi le Auro mo Samoa. Sa ia maua foi le pine siliva i taaloga a le Commonwealth i Birningham i le tausaga 2022.
O le susuga Ato Faoagali e alaala i Ausetalia ma o loo ia umia le suafa Tupuola o lona aiga i Saaga Siumu faapea le suafa Seuai o lona aiga i Tuanai. Ia manuia au taaloga o loo totoe.

28/07/2024

Apia, Samoa – 28 July 2024 – Samoa’s Olympics mission has been hit with sad news as Boxing Coach Lionel Fatu Elika passed away Saturday morning at the Games Village. In a statement, the Samoa Association of Sport and National Olympic Committee (SASNOC) announced the passing “with extreme sad...

26/07/2024

“Faatausia i lona Alofa.”
Vaega 43 & 44
O le toatolu o le auaiga o Lin, o loo lalafi ma maitau mamao mai ma le fefefe gaioiga uma a Sebastian o loo fai.
Ua latou iloa atu Sebastian ua toe ulufale atu i totonu o le potu o gasegase tigaina faatasi ma le alii fomai, i le moega o loo taoto mai ai le teine o Sabrina o loo koma ma leiloa se tagata, o loo moeiini ona mata, ma ona laumata uumi mafitifiti o loo susu i loimata. O lona taoto mai o loo atagia lava lona lalelei e le avea.
O ona foliga faaauiti e pei o se alofilima ua mumu i le malosi o le fiva.
E fetaui le oo mai o Sebastian ma le faalogo atu i le moe tautala a le mai. “Pepe, aua e te tuua tina, ua e iloa… aua e te tuua Tina, aua o tina e leai sona aiga, o tina o le a tuua toatasi, o tina … e manaomia sana paga ina ia ola…”
O lona leo ua vaivai, ma e oo lava i le fomai sa i ona tafatafa ua maligi ona loimata.
I lona tilotilo atu ma foliga nutimomoia, ua tautala atu Sebastian i lona leo oolo, “Ina ia le faaogaina tui ma vailaau malolosi e faalalo ai le fiva, ua tatau ona faaoga auala faalenatura e faamalu ai lona tino.”
“Ua lelei.” O le tali mai lea a le fomai ma lona ulu o le a gau i le lue.
“Faamalu i auala faanatura!” O le faatonuga lea a Sebastian ma ua pisi ai lava ma ia faatasi ma fomai.
O le auala lea o le a faalalo ai le fiva o le teine o Sabrina, o le a vaimalu lona tino e faaoga ai solo susu ma le ea malulu. Ua tulei atu nei le moega o le teine agai i le potu malulu. Ma ua tuua e fomai tamaloloa le potu e nao teine fomai faatasi ma Sebastian.
O teine fomai ua tilotilo mai ia Sebastian i lona le alu i fafo.
Ona tali atu lea o Sebastian i teine fomai, “O au o lana paaga.”
O teine fomai ua le tali mai ae ua feuai ma toetoe a talie i le tetei.
Ao lei aumaia se faatonuga a teine fomai i le mea e fai, ae ua amata ona talai e Sebastina faamau o ofu o Sabrina. Ua agai mai teine fomai ma solo susu ma polo vavae ua solo ma tatau i le tino o le teine, ma ua tuu i vaega sili ona vevela o le tino o le teine o Sabrina.
Pe tusa o le silia ma le itula o faia lea galuega a tamaitai fomai, ae latou maitauina loa ua agai i lalo le fiva o le teine o Sabrina.
O le taimi lea na agai mai ai fomai ma amata faia isi togafitiga i le teine, ma ua toe foi i le tulaga masani. O le taimi lea na aveese mai ai loa o ia mai le vaega o gasegase tigaina ae ua ave i le vaega o gasegase taofia.
E ala mai Sabrina i le aoauli, e lei tuua lava e Sebastian le potu o loo taofia ai le teine.
O le tatagi soo o le telefoni ma talanoaga a Sebastian i ana telefoni o le kamupani, na vave ai ona ala le teine o Sabrina. O loo moeiini ona mata ma ona foliga ua amata ona pauli e pei o foliga o se tagata ua oti.
Ua ia iloa o loo i ai lava lana pepe i lona manava.
E ui i lona fiva ma lona matapogia. Ae pei lava sa ia lagona talanoaga sa fai, ona o le tamaitiiti o loo i lona manava. Ma ua faia ai togafiti faaa*o anamua i le faavaimalulu o lona tino. Ao lona mafaufau sa mamafa i lona fia maua o ni tupe se tele.
Ua ia iloa lava o le manaoga numera tasi lava o Sebastian e ala ai ona ia fesoa*oani ia te ia, ona o lana auaunaga faifai pea i lona tina.
Ua manino lona mafaufau, ma ua ia iloa e pei lava sa vaimalu e Sebastian lona tino, ma ua atili ai lava ona oo mai lagona le maalofia o le maasiasi ia te ia.
Ua pei lava o ia o se laulaau p**a ua lealea solo i totonu o le aai, ma ua lelea atu i totonu o le vaitaele a le aumaumea.
O Sebastian o loo avea ma ona malutaga, ma ua le tasi se taimi na laveai ai o ia e Sebastian.
O Ioane foi ia o se atalii mauoloa ae e na ona sau ia te ia e maua ai lona fiafia ma maua ai lana ata.

Vaega 44:

Ao Darius e na o le tasi le taimi na la talanoa ai.
O i latou uma o ni tamalii maumea ma tulelei o latou aiga, ao ia ua na o se meaata i o latou luma, e faatoa manaomia o ia pe a fia talie ma faapasi ai lo latou taimi.
E ui lava ua maualalo lona fiva ma ua ia ala manuia mai, ae o loo lagona lava e le teine o Sabrina lona tinovaivai ma gapelu.
Sa i ai lava i le mafaufau o Sabrina i le taimi na toe foi ai i le fale o Sebastian i le taeao, o le a ia faamatala ia Sebastian lona olaga i totonu o le aiga o Lin. O le mafuaaga o lona oo i le falepuipui, o se mea sa fafau e le aiga ina ia faasao ai Lanita ae amo e ia le faasalaga faafalepuipui. E oo foi i le latou faamalosia o ia e momoe ma le tamaloa ua oti, ao lea ua mafua ai ona maitaga, ae ua oti le tamaloa.
Aepeitai ina ua vaai Sabrina ia Lanita o loo opo e Sebastian i ona lima i le taeao, sa toe loka faalelei e Sabrina lana sefe ua le tautala i se mea e tasi.
Sa ia iloa lelei lava, o le mafutaga a Sebastian ma Lanita, o se mafutaga moi ma e le mafai ona ia faalavelaveina.
Aua o le taimi e tautala atu ai o le vave foi lea o le oo mai o le oti ia te ia.
Na faafuasei ona ia faalogoina se leo malu i ona luga ae o tautala mai ia te ia, “Pup**a ou mata pe afai ua e ala, o lea ou te fia talanoa atu ia te oe!”
O Sabrina ua pup**a ona mata, ma ua fetaui ma le pup**a saua mai o mata o Sebastian e pei o le maai o se pelu ua sulu i ona totoga. O ona mata e le gata e saua ae matua inoino e le fiavaai i ai.
Sa lelei lava si a la mafutaga, ma sa faa*olosolo lava le agalelei o Sebastian ia te ia.
E i ai le taimi sa ia faamatuu maia ai lana aitalafu e limasefulu afe tala, lea sa manaomia e le aiga o Lin e taui ai lo latou tausiga o ia mo le valu tausaga.
Sa ia laveaia lona ola mai lima o le vaega leaga lea sa totogi e Lanita.
Sa ia agalelei foi ia te ia ma sa ia togafitia ona manuanua mai lea faalavelave ma fofo lona tino.
Ao le taimi la lenei, o le vaai a Sabrina i le pup**a a Sebastian, ua pei lava o le taimi na ia faatoa vaai ai ia te ia i le uluai taimi na ia tatala maia ai o ia mai le falepuipui.
O ona uiga faaalia ia te ia ua toe foi i le amataga.
Ao le mea moni lava ia, o lona fia tama ita mai ia te ia, e fetoai ma lona mulivae. Ua avealuga foi le isu o Sabrina ma ua pup**a atu foi i ona foliga faasiasia, “Mr. Ford, sei ta toe talanoa la.”
O Sebastian ua le tautala, ae pei e fiafia pe a vaai ia Sabrina ua lototele e talanoa mai ia te ia.
Ua nofo i luga le teine o Sabrina ma ua pup**a mai ia Sebastian ma ona mata le fiafia, ma ua oso ese lava lana agoso, “Ioe! Sa i ai lau fuafuaga mai lava i le amataga ou te sufia le loto o lou tina. Sa ou fia faaipoipo ia te oe! Sa ou manao ou te aeae i se olaga manuia ma ola fiafia, sa ou iloa e aunoa ma sou masalosalo e te iloa lava i se taimi. Ou te lei maua mai ia te oe, ma sa ou maitaga ae ta te lei fetaui. Ae ona ua o gatusa vae o le uati, ou te faalauiloa faalauaitele ai nei, o lena fuafuaga ua taunuu ma le manuia!”
“Ao oe!” O Sebastian ua taamilomilo i le mea o loo tu ai ma uu ana moto ma o loo lagona e Sabrina le pao o sooga o ponaivi o ona tamatamailima. Ae faaiu i le mau o le uu a Sebastian i lona ua. “E te mai ae matua tumu oe i le kuluku!”
Ua ataata Sabrina e pei e taufaalili, “Titina, Mr. Ford titina loa au ia oti.”
Ua leai se tali mai a Sebastian.
“Afai e te le mafaia ona fasioti au, faamolemole aveese ou lima mai lou ua.” E fai tala a Sabrina ma faataupup**a atu i mata o Sebastian ma le le fiafia. “O lea ou te iloa lelei lava e tutusa lou ola ma le loi i ou lima, ma e pei o le emo o le mata lou faatamaia o au i soo se taimi. Manatua e i ai lava sou aoga itiiti i lou tina.
“Pe afai o le a e fasiotia nei au, o se mea talafeagai pe a le mafai e lou tina ona aulia taeao?”
Ua faafetoai e Sebastian ona nifo ma tilotilo mai ia Sabrina, “E sao lena mea e te fai mai ai?”
“Ioe!”
“Na fai mai Lanita ia te au, sa lei lelei lou olaga i le amataga, e le pepelo o ia?”
“Ao ai lena tamaloa?” o le toe tatao mai lea o le fesili a Sebastian.
“O le a le tamaloa?” O Sabrina e le o malamalama i le tamaloa o loo fesili ai Sebastian.
Ao Sebastian o loo tilotilo i le manava o Sabrina, “O ai na e maitaga ai?”
[E Faia Pea]