Mangalbare page

Home
Nepal
urlabari
Mangalbare page

Provides news and the current affiars of Urlabari and its surrounding places. We believe in work not the fate !
(1)

We do provide free awareness, motivate and encourage other to do good works and serve the society.

14/03/2024

सुनपकुवा माविले ६७ औँ वार्षिकोत्सव तथा अभिभावक दिवस मनाउने

१ चैत/ उर्लाबारी
उर्लाबारी-२ स्थित सुनपकुवा माध्यमिक विद्यालयले आफ्नशध ६७औँ वार्षिकोत्सव तथा अभिभावक दिवस मनाउने भएको छ । शुक्रबार मोरङ् क्षेत्र नम्बर १ मा संघीय संसद तथा निवर्तमान युवा तथा खेलकुदमन्त्री डिगबहादुर लिम्बको प्रमुख आतिथ्यतामा उक्त कार्यक्रम सम्पन्न हुने विद्यालयका प्रधानाध्यापक भुमीराज प्याकुरेलले बताए ।

यस्तै सो अवसरमा विद्यार्थीहरुलाई पुरस्कार वितरण तथा सम्मानीत गरिने प्रअ प्याकुरेलले बताए । यसका साथै उनले विद्यालयमा नवनिर्मित सरस्वती मन्दिर र स्वर्ण स्मारक निर्माणमा सहयोगी दातालगायत विद्यालयका अक्षयकोषदातालाई समेत सम्मान गरिने जानकारी दिए ।

विहान १० बजेदेखी विद्यालयको प्राङ्गणमा एक भव्य समारोहबीच आयोजना गरिने सो कार्यक्रममा पुर्व मन्त्री लिम्बुद्वारा नवनिर्मित ६६ औँ स्वर्ण स्मारिका स्तम्भ अनावरण समेत गरिने विद्यालय व्यवस्थापन समिती सदस्य चेतन कोईरालाले जानकारी दिए ।

वि.सं. २०१३ सालमा स्थापित सो विद्यालयमा हाल १ हजार ३ सय २९ जना विद्यार्थी अध्ययनरत रहेका छन् ।

14/03/2024

B+ve रगत आवश्यकता

छातीमा ईन्फेक्सन भई विराटनगरस्थित नोवेल मेडिकल कलेजको आईसीयुमा उपचाररत पथरीका महेन्द्र महतेलाई तत्काल ३÷४ पिन्ट B+ve फ्रेस ब्लड आवश्यक रहेकोले सहयोग गरिदिनुहुन अनुरोध गर्दछौँ ।

सम्पर्क :9814349387

13/03/2024

पाचौँ मेयर कप फुटबल प्रतियोगिता : वडा नम्बर ६ फाईनलमा

३० फागुन/ उर्लाबारी
उर्लाबारीमा जारी पाँचौ मेयर कप फुटबल प्रतियोगिता २०८० को पहिलो सेमीफाईनल खेलमा वडा नम्बर ६ विजयी भएको छ । वडा नम्बर ५ र वडा नम्बर ६ बीच बुधबार भएको खेलमा ट्राईबेकरमा २-३ को अन्तरले वडा नम्बर ६ विजयी भएको हो ।

खेलको निर्धारित समयमा दुवै टीमले निर्णायक गोल गर्न नसकेपछि खेल ट्राईबेकरमा गएको थियो ।

सो खेलमा विजेता टिमका कमल घिमिरे म्यान अफ दी म्याच घोषित भए । उनी नगदसहित मेडलले पुरस्कृत भए ।

उर्लाबारी फुटबल क्लबको आयोजनामा सुरु भएको उक्त प्रतियोगीता आगामी चैत ३ गतेसम्म संचालन हुनेछ । सो प्रतियोगितामा उर्लाबारीका ९ वटै वडाको सहभागिता रहेको छ ।

उर्लाबारी–६ स्थित राधिका माविको खेलमैदानमा संचालन भएको उक्त प्रतियोगिताको विजेताले नगद १ लाख , उपविजेताले ५० हजारसहित दुवै टिमले ट्रफी, मेडल र प्रमाणपत्र प्राप्त गर्ने आयोजक क्लबका सचिव घनश्याम भण्डारीले जानकारी दिए ।

पाचौँ संस्करणको मेयर कप फुटबल प्रतियोगीतामा उर्लाबारी नगरपालिका मुख्य प्रायोजक रहेको छ ।

यसैबिच प्रयोगिताको दोस्रो सेमीफाईनल खेलमा वडा नम्बर ३ र वडा नम्बर ९ बीच बिहिबार दिउसो ३ बजेदेखी संचालन हुने आयोजकले बताएको छ ।

13/03/2024

उर्लाबारीका विद्यालयमा किशोरकिशोरीसँग उपमेयर कार्यक्रम

३० फागुन/ उर्लाबारी
उर्लाबारीका दुई वटा विद्यालयमा किशोरकिशोरी तथा बालबालिकासँग उपमेयर कार्यक्रम सम्पन्न भएको छ ।

हिंसा र कुरीतिका सम्बन्धमा आज राजघाट आधारभुत विद्यालय उर्लाबारी–९ का कक्षा ७ र ८ मा अध्ययनरत किशोरकिशोरी तथा बहादुर बाबा चौधरी आधारभुत विद्यालय उर्लाबारी–८ का बालबालिकासँग उपमेयर मीना खतिवडा पौडेल र सामाजिक विकास शाखाकी विष्णुमाया रम्तेलले अन्तरक्रिया गरेका छन्।

समाजमा विद्यमान कुरीति तथा परिवार, विद्यालय, समाजमा हुने गरेका विभिन्न किसिमका विभेद, विकृतिका विषयमा जनचेतना जगाउने उद्देश्यले यो कार्यक्रम आयोजना गरिएको उपप्रमुख मीना खतिवडा पौडेलले बताईन् ।

सो अवसरमा किशोरकिशोरी तथा बालबालिकाको विद्यालय, परिवार, समाजसँगको अपेक्षाका बारेमा पनि जानकारी लिइएको थियो ।

यस प्रकारको कार्यक्रम यसअघि उर्लाबारीका ६ वटा विद्यालयमा सम्पन्न भइसकेको छ भने नगरका सबै सामुदायिक विद्यालयमा कार्यक्रम गरिने उपप्रमुख पौडेलले बताईन् ।

12/03/2024

सञ्चार माध्यमको संरक्षण गर्न प्रदेश सरकारसँग पत्रकार महासंघ मोरङको माग

२९ फागुन/ विराटनगर
नेपाल पत्रकार महासंघ मोरङ शाखाले स्थानीय सञ्चार माध्यमको विकास र संरक्षणको लागि प्रदेश तहबाट पनि लोक कल्याणकारी विज्ञापन वितरण गर्नुपर्नेलगायतका माग कोशी प्रदेश सरकारलाई बुझाएको छ ।

नेपाल पत्रकार महासंघ मोरङका कार्यबाहक अध्यक्ष मोहन भट्टराईको नेतृत्वमा गएको टोलीले मंगलबार प्रदेशका आन्तरिक मामिला तथा कानुनमन्त्री शमशेर राईलाई भेटेर मागपत्र बुझाएको हो ।

महासंघले प्रदेश र स्थानीय सरकारका सूचना तथ विज्ञापन संघीयताको मर्म अनुसार स्थानीय सञ्चार माध्यमले नै प्राप्त गर्ने नीति र कानून निर्माण गरिनुपर्ने, विज्ञापनको क्षेत्रमा सरकारले गरिरहेको खर्चको ठूलो हिस्सा विचौलियाको हातमा गइरहेकोले सञ्चार माध्यमलाई सिधै समानुपातिक रुपमा विज्ञापन प्रदान गर्ने व्यवस्था गरिनुपर्ने, सञ्चार माध्यमलाई काठमाडौंबाट प्रकाशित भएपछि राष्ट्रिय हुने र काठमाडौं बाहिरका राष्ट्रिय नहुने भनी गरिने विभेदपूर्ण व्यवहार अन्त्य गरिनुपर्ने माग राखेको छ । यस्तै प्रदेश तहबाट सिंगो सञ्चार क्षेत्रको विकास र प्रबद्र्धनको लागि आवश्यक कानुनी र नीतिगत प्रबन्ध छिटोभन्दा छिटो गरिनुपर्ने र प्रदेश सरकारले यसअघि पत्रकार महासंघ शाखा कार्यालयहरुलाई दिँदै आएको सहयोगलाई निरन्तरता दिनुपर्ने माग पनि शाखाले गरेको छ ।

पछिल्लो समयमा सञ्चार क्षेत्र अत्यन्त संकटग्रस्त अवस्थाबाट गुज्रिरहेकोले सरकारको सहयोग आवश्यक रहेको महासंघका कार्यबाहक अध्यक्ष भट्टराईले बताए । सञ्चार संस्थाहरू बन्द हुने र त्यहाँ कार्यरत श्रमजीवीहरू कामबाट धमाधम निकालिने अवस्था रहेको भन्दै उनले त्यसले सरकारी र सार्वजनिक निकायमा सञ्चारकर्मीको निगरानी कमजोर बनेको मागपत्रमा उल्लेख छ । यो अवस्था लोकतन्त्र, सुशासन र नागरिक अधिकारको लागि चुनौति रहेको भन्दै सरकारले ध्यान दिनुपर्ने माग गरिएको छ ।

महासंघ शाखाको मागपत्र बुझ्दै कोशी प्रदेश सरकार प्रवक्तासमेत रहेका मन्त्री राईले पत्रकार महासंघले उठाएको मागहरु आगामी आर्थिक वर्षको बजेटमा समावेश गरेर अगाडि बढ्ने प्रतिवद्धता जनाएका छन् । ‘आगमी आर्थिक वर्षको बजेट बनाउनुभन्दा अगाडि ठिक समयमा महासंघले सरकारको ध्यानाकर्षण गराएको छ’ उनले भने, ‘तपाईहरुले उठाउनुभएको मागलाई प्रदेश सरकारले ध्यानमा राखेर बजेट निमार्ण गर्नेछ ।’

11/03/2024

हराईरहेका बालक करिव १ घण्टापछि फेला परेको जानकारी गराईन्छ । उनी खेल्ने क्रममा ५ तला माथी पुगेका रहेछन् ।

खोजी कार्यमा सहयोग गर्नुहुने सम्पूर्णमा हार्दिक धन्यवाद !

11/03/2024

हराएका बालक भेटिए

उर्लाबारी-३ मंगलबारे चोकस्थित कला बुटिक सेन्टरबाट हराईरहेका बालक फेला परेका छन् । चन्दने निवासी प्रकाश थापा( हाल कोरिया) को ३ वर्षिया छोरा द्रोर्ण थापा खेल्ने क्रममा सोमबार साँझ करिव ६:१५ मा हराएका थिए ।

स्थानिय र प्रहरीले उनको खोजी गर्ने क्रममा बुटिक सेन्टर छेउमै रहेको पाँच तले घर( पाथीभरा) को छतमा एक्लै खेलिरहेको अवस्थामा उनी फेला परेका थिए ।

खोजी कार्यमा सहयोग गर्नुहुने सम्पूर्णमा हार्दिक धन्यवाद व्यक्त गर्दछौँ ।

11/03/2024

उर्लाबारीमा फागुन २९ गतेदेखि दादुरा रुबेला खोप अभियान

२८ फागुन/उर्लाबारी
उर्लाबारीमा फागुन २९ गतेदेखि दादुरा रुबेला खोप अभियान सञ्चालन हुने भएको छ । उर्लाबारी नगरपालिकाको स्वास्थ्य शाखाले अभिमुखीकरण कार्यक्रको आयोजना गरि अभियानबारे जानकारी दिएको हो ।

आइतबार दादुरा रुबेला खोप अभियानको पूर्व तयारीका लागि पालिका स्तरीय अभिमुखीकरण कार्यक्रम गरिएको हो । नगर उपप्रमुख मीना खतिवडा पौडेलको अध्यक्षतामा भएको अभिमुखीकरणमा राजनीतिक दलका प्रमुख तथा प्रतिनिधि, जनप्रतिनिधिहरु, संघसंस्थाका प्रतिनिधि, पत्रकारलगायतको उपस्थिति रहेको थियो ।

उर्लाबारीका सबै वडामा तोकिएको केन्द्रमा खटिएका स्वास्थ्यकर्मीले ९ महिनादेखि १५ वर्षसम्मका बालबालिकालाई यो खोप लगाउने स्वास्थ्य शाखाका जनस्वास्थ्य निरीक्षक रेणुकाप्रसाद काफ्लेले जानकारी दिए। उनका अनुसार सर्वसाधारणलाई सो रोग सबन्धी जनचेतना जगाउने उद्देश्यले अभिमुखीकरण कार्यक्रम आयोजना गरिएको हो ।

कार्यक्रममा कोशी प्रदेश स्वास्थ्य निर्देशनालयका खोप अधिकृत श्याम भण्डारीले खोप नलाउँदाको हानी–नोक्सानी, खोपबाट बञ्चित हुँदाको असर, खोपपछिको फाइदा लगायतका बारेमा सहभागीहरुलाई सहजीकरण गरेका थिए ।

11/03/2024

पाचौँ मेयर कप फुटबल प्रतियोगिता : तेस्रो दिनको खेलमा वडा नम्बर १ विजयी

२८ फागुन/ उर्लाबारी
शुक्रबारदेखि उर्लाबारीमा सुरु भएको पाँचौ मेयर कप फुटबल प्रतियोगिता २०८० को तेस्रो दिनको खेलमा वडा नम्बर १ विजयी भएको छ । वडा नम्बर १ र वडा नम्बर ७ बीच आईतबार भएको खेलमा ४-० को फराकिलो अन्तरले वडा नम्बर ६ विजयी भएको हो ।

सो खेलमा विजेता टिमका रोहन चौधरी म्यान अफ दी म्याच घोषित भए । उनी नगदसहित मेडलले पुरस्कृत भए ।

उर्लाबारी फुटबल क्लबको आयोजनामा सुरु भएको उक्त प्रतियोगीता आगामी चैत ३ गतेसम्म संचालन हुनेछ । सो प्रतियोगितामा उर्लाबारीका ९ वटै वडाको सहभागिता रहने आयोजकले जनाएको छ ।

यसैबिच प्रयोगिताको पाँचौ दिनको खेलमा वडा नम्बर ४ र वडा नम्बर ५ बीच सोमबार दिउसो ३ बजेदेखी संचालन हुने आयोजकले बताएको छ ।

10/03/2024

सनसाइन बोर्डिङ ३३ औं वर्षमा, धुमधामसँग मनाइयो अभिभावक दिवस

२७ फागुन/उर्लाबारी
गौरवमय तीन दशक बढीको लामो इतिहास, उदाहरणीय विरासत र अनवरत अब्बल नतिजा हाँसिल गर्दै आएको सनसाइन अंग्रेजी सेकेण्डरी बोर्डिङ स्कुलको वार्षिकोत्सव तथा अभिभावक दिवस कार्यक्रम सम्पन्न भएको छ । विद्यार्थी तथा अभिभावकको रोजाइमा पर्न सक्ने सनसाइन इङ्लिस बोर्डिङ स्कुल उर्लाबारीका उत्कृष्ट संस्थागत विद्यालयमध्येको एक हो ।

उर्लाबारी-३ मंगलबारेमा अवस्थित सो विद्यालयले आइतबार विविध सांगीतिक तथा सांस्कृतिक कार्यक्रम गरी ३३ औं वार्षिकोत्सव मनाएको छ ।

उर्लाबारी नगरपालिकाकी नगर उपप्रमुख मीना खतिवडा पौडेलको प्रमुख आतिथ्यता रहेको कार्यक्रममा उर्लाबारी ३ का वडाध्यक्ष भीष्मराज बुढाथोकी, प्याब्सनका पुर्व केन्द्रिय सदस्य लेखनाथ भट्टराईको विशिष्ट आतिथ्यता रहेको थियो ।

कार्यक्रममा बोल्दै नगर उपप्रमुख पौडेलले शिक्षा क्षेत्रको विकास र उन्नयनका लागि अभिभावक, विद्यार्थी र शिक्षकको समान भूमिका हुने बताईन् । उनले यी तीन पक्षमा कुनै एकको भुमिका कमि भएमा शैक्षिक गुणस्तर खस्किने बताईन् ।

विद्यालयका प्रिन्सिपल तथा निर्देशक सुरेन्द्र सुवेदीको अध्यक्षतामा भएको कार्यक्रममा शिक्षासेवी हर्कबहादुर खड्का र विद्यालयका पुर्व प्रिन्सिपल प्रेमकुमार बुढाथोकीलाई दोसल्ला ओढाइ कदरपत्रले सम्मान गरिएको थियो ।

कार्यक्रममा विद्यार्थीहरुले नृत्य, गायन तथा नाटक लगायतका विभिन्न सांस्कृतिक कार्यक्रम आयोजना गरिएका थिए ।

कार्यक्रममा अभिभावकहरुका तर्फबाट उर्लाबारी-३ निवासी डा. हरिबाबु दाहालले मन्तव्य राखेका थिए । विद्यालयको सेवा, सुविधा र मुलतः गुणस्तरीय शिक्षाले सन्तुष्टि मिलेको उनको भनाई थियो ।

विद्यालय संयोजक दिनेश भट्टराईले संचालन गरेको सो कार्यक्रममा विद्यालयका सहायक प्रिन्सिपल भक्त बस्नेतले स्वागत मन्तव्य राखेका थिए । यस्तै, प्याब्सन उर्लाबारीका नगर अध्यक्ष दिनेश पोख्रेलसँगै स्थानीय निजी विद्यालय संचालकहरु आनन्द कार्की, हेमचन्द्र भट्टराई, एलपी राई, सुर्य पौडेल, सन्दिप पौडेल, अमर काफ्लेलगायतको आतिथ्यता रहेको थियो ।

कार्यक्रममा सभापतित्व ग्रहण गरेका निर्देशक तथा प्रिन्सिपल सुवेदीले विद्यालयलाई थप उचाई दिन आफुहरु लागिपरेको बताए । समयअनुसार प्रविधिको भरपुर प्रयोग गर्दै विद्यार्थीले इच्छाए अनुसारका अतिरिक्त क्रियाकलापहरुमा पनि विद्यालय अब्बल रहेको उनको भनाइ थियो । उनले भने– ‘कोर्स बुकहरु त भइहाल्यो, यसका अलवा हाम्रा विद्यार्थीहरु खेलकुद लगायतका क्रियाकलापहरुमा पनि अगाडी छन् । हामीले स्रोत साधनमा कमि हुन दिएका छैनौँ ।’

वि.सं. २०४७ सालमा स्थापित सो विद्यालयमा हाल ५ सय ९३ जना विद्यार्थीहरु अध्ययनरत रहेका छन् ।

10/03/2024

पाचौँ मेयर कप फुटबल प्रतियोगिता : दोस्रो दिनको खेलमा वडा नम्बर ६ विजयी

२७ फागुन/ उर्लाबारी
शुक्रबारदेखि उर्लाबारीमा सुरु भएको पाँचौ मेयर कप फुटबल प्रतियोगिता २०८० को दोस्रो दिनको खेलमा वडा नम्बर ६ विजयी भएको छ । वडा नम्बर ६ र वडा नम्बर २ बीच शनिबार भएको खेलमा १-० को अग्रताले वडा नम्बर ६ विजयी भएको हो ।

खेलको दोस्रो हापको अन्तिम समयमा वडा नम्बर ६ का विशाल तामाङले गरेको १ गोल नै खेलको निर्णायक बनेको थियो । यसैबीच जितसँगै वडा नम्बर ६ सेमीफाईनल प्रवेश गरेको छ । सो खेलमा विजेता टिमका गोलकिपर असीम खड्का म्यान अफदी म्याच घोषित भए । उनी नगदसहित मेडलले पुरस्कृत भए ।

उर्लाबारी फुटबल क्लबको आयोजनामा सुरु भएको उक्त प्रतियोगीता आगामी चैत ३ गतेसम्म संचालन हुनेछ । सो प्रतियोगितामा उर्लाबारीका ९ वटै वडाको सहभागिता रहने आयोजकले जनाएको छ ।

उर्लाबारी–६ स्थित राधिका माविको खेलमैदानमा संचालन भएको उक्त प्रतियोगिताको विजेताले नगद १ लाख , उपविजेताले ५० हजारसहित दुवै टिमले ट्रफी, मेडल र प्रमाणपत्र प्राप्त गर्ने आयोजक क्लबका सचिव घनश्याम भण्डारीले जानकारी दिए ।

पाचौँ संस्करणको मेयर कप फुटबल प्रतियोगीतामा उर्लाबारी नगरपालिका मुख्य प्रायोजक रहेको छ ।

यसैबिच प्रयोगिताको तेस्रो दिनको खेल वडा नम्बर १ र वडा नम्बर ७ बीच आईतबार दिउसो ३ बजेदेखी संचालन हुने आयोजकले बताएको छ ।

09/03/2024

मोरङ मोडलले मनायो फुड फेष्ट र सांगीतिक उत्सवसँगै वार्षिकोत्सव

२६ फागुन/ उर्लाबारी
उर्लाबारीकै अग्रणि संथागत विद्यालय मोरङ मोडल आवासीय माविले विद्यार्थीहरुको अन्तर्निहित कलालाई प्रस्फुटन गर्ने उद्देश्यले आयोजना गरेको फुड फेस्टिबल र
सांगीतिक उत्सवसँगै आफ्नो वार्षिकोत्सव धुमधामसँग मनाएको छ ।

शनिबार उर्लाबारी – ६ स्थित विद्यालय परिसरमा आयोजना गरिएको ‘मोरङ मोडल फेयर २०८०’ मा विद्यार्थीहरुले आफ्ना विविध कला प्रस्तुत गरेका थिए । विद्यार्थीले तयार गरेका खाजा सामग्री किन्न अभिभावक तथा आगन्तुकहरुको भीड लागेको थियो ।

सो अवसरमा साँस्कृतिक तथा सांगीतिक कार्यक्रम, बालबालिकाको फेसन शोसँगै विभिन्न खेल तथा मनोरञ्जनका स्टल , विज्ञान प्रदर्शनी ,थ्री डि शो, चित्रकला प्रदर्शनी र खानाका स्टल समेत राखिएको थियो । कार्यक्रममा कक्षा ३ देखि ८ सम्मका विद्यार्थीहरुले विविध खेल तमासाको स्टल संचालन गरेका थिए ।

यस्तै विद्यार्थीले परिकारहरुको स्टल संचालन गर्नुका साथै सचेतनामुलक नाटक समेत प्रस्तुत गरेका थिए । विद्यालयका शिक्षकहरु विपी भट्टराई, अंकित गोस्वामी, रश्मी पाँचकोटी, सरिता दाहाल र सुनिता कार्कीको लेखन तथा व्यवस्थापनमा दुई वटा नाटक प्रस्तुत गरिएको थियो । तमसोमा ज्योतिर्गमय र सबैका लागी शिक्षा नाम दिईएको सो नाटक हेरेर दर्शकहरुले भरपुर मनोरञ्जन लिएका थिए ।

खानापिनको सैद्धान्तिक ज्ञान मात्र नभएर प्रयोगात्मक सिकाईले विद्यार्थीको आत्मविश्वास जगाउने भएकाले विगत वर्षझै यस्ता कार्यक्रमलाई निरन्तरता दिइएको प्रिन्सिपल सन्दिप पौडेलले बताए ।

बजारमा थुप्रै चीजहरु किनेर खाएका तर आफैले कुकिङ् गरेर अरुलाई परिकारहरु चखाउँदा बेग्लै मज्जा आउने विद्यार्थीहरुले बताए । साथै यसबाट आफुहरुले ब्यापार भनेको के हो र ब्यापार कसरी गर्न सकिन्छ भन्ने कुरा सिकेको कक्षा ८ मा अध्ययनरत छात्र विज्ञान आचार्यको भनाई छ । उक्त फुड फेस्टिबलको संयोजन विद्यार्थीहरुले आफै गरेको विद्यालयका संयोजक भुपाल काफ्लेले जानकारी दिए ।

कार्यक्रममा नर्सरीदेखि कक्षा १२ सम्मका विद्यार्थीले नृत्य, गायनलगायत स्टेज प्रस्तुति पस्किएका थिए ।

औपचारीक र अनौपचारिक रुपमा दिनभर सञ्चालन भएको कार्यक्रममा सहभागी अभिभावकले विद्यार्थीहरुको विविध कलाबाट मनोरञ्जन लिएका थिए ।

सो अवसरमा विद्यालयका संचालक समिती अध्यक्ष अमृत कुमार श्रेष्ठको सभापतित्वमा पहिलो शत्रको औपचारीक कार्यक्रम सम्पन्न भएको थियो । सो अवसरमा विद्यालयका प्रमोटर सिताराम ओझाले स्वागत मन्तव्य राख्ने क्रममा पठनपाठनका साथै विद्यार्थीहरुको चौतर्फी विकासका लागि यस प्रकारको कार्यक्रमको आयोजना गरिएको बताए ।

प्ले ग्रुपदेखि स्नातकसम्म सञ्चालित मोरङ मोडलमा हाल १ हजार ५ सय ३८ जना विद्यार्थी अध्ययनरत छन् ।

वि.सं. २०३७ सालमा स्थापित उक्त विद्यालयले हरेक वर्ष उत्कृष्ट रिजल्ट निकाल्दै आएको छ ।

09/03/2024

उर्लाबारीमा एक दिवसीय प्रदेशस्तरीय रिकोभरी फुटसल प्रतियोगीता सम्पन्न

२६ फागुन/ उर्लाबारी
उर्लाबारीमा एक दिवसीय कोशी प्रदेशस्तरीय रिकोभरी फुटसल प्रतियोगीता सम्पन्न भएको छ । उर्लाबारीस्थित जिवन बचाउ उपचार सेवा गृहको आयोजनामा सम्पन्न सो प्रतियोगीताको उपाधि दमकको सेरीनिटी फुटबल क्लवले जितेको छ । रिकोभरी धरान र सेरीनिटी दमकबीच भएको फाईनल खेलमा सेरीनिटीले ट्राईबेकरमा ३-२ को अग्रता हाँसिल गर्दै फाईनलको उपाधि हात पारेको हो ।

जितसँगै सेरीनिटीले २० हजार नगद, ट्रफी,मेडल र प्रमाणपत्र हात पारेको थियो । यस्तै उपविजेता बनेको रिकोभरी धरानले भने १२ हजार ५ सय नगदसहित ट्रफी,मेडल र प्रमाणपत्र हात पारेको थियो । दुवै टीमलाई कार्यक्रमका प्रमुख अतिथी वडा नम्बर ३ का वडाध्यक्ष भिष्मराज बुढाथ‍की र ईलाका प्रहरी कार्यालय उर्लाबारीका प्रशिक्षार्थी प्रहरी निरिक्षक ईन्द्रराज भट्ट, सेवा गृहका अध्यक्ष पवन थापालगायतले पुरस्कार वितरण गरेका थिए।

खेलको निर्धारित समयमा दुवै दिमले गोल गर्न नसकेपछि उक्त खेल ट्राईबेकरमा गएको थियो ।

सो अवसरमा आफ्नो मन्तव्य राख्ने क्रममा प्रमुख अतिथी बुढाथोकीले पहिलोपटक उर्लाबारीमा सुधार गृहद्वारा आयोजित उक्त प्रतियोगीताको प्रशंसा व्यक्त गर्दै उनले रिकोभरीलाई समाजले हेर्ने दृष्टिकोण सकरात्मक हुनुपर्ने बताए । यस्तै उनले सुधार गृहले उर्लाबारीमा लागुऔषधमुक्त नगर बनाउन योगदान पुर्याउदै आएकोमा धन्यवाद व्यक्त गरे ।

उर्लाबारी-३ मंगलबारेस्थित प्रार्थना रिट्रिटको फुटसल मैदानमा सम्पन्न उक्त प्रतियोगीतामा कोशी प्रदेशका ८ वटा रिकोभरी टीमको सहभागीता रहेको खेल संयोजक ताङ्साम सुब्बाले जानकारी दिए ।

सेवा गृहको अध्यक्ष थापाको सभापतित्वमा सम्पन्न कार्यक्रमको संचालन सेवा गृहका काउन्सीलर शिषिर भट्टराईले गरेका थिए ।

09/03/2024

नेपाल खेलकुद महासंघ उर्लाबारीको आयोजनामा रक्तदान कार्यक्रम सम्पन्न

२६ मंसिर/ उर्लाबारी
उर्लबारी-८ दुर्गापुरीमा नेपाल खेलकुद महासंघ उर्लाबारीको आयोजनामा रक्तदान कार्यक्रम सम्पन्न भएको छ । शनिबार विहान दुर्गापुरीस्थित द आर्ट स्टुडियोको प्राङ्गणमा आयोजित सो कार्यक्रममा १४ जना महिला र २३ जना पुरुषसहित जम्मा ३७ जना सहभागी भएको कार्यक्रम संयोजक विष्णु थापाले जानकारी दिए ।

महासंघका उर्लाबारी नगर कमिटी अध्यक्ष विशाल गुरुङको सभाध्यक्षतामा सम्पन्न सो कार्यक्रममा प्रमुख अतिथी खेलकुद महासंघका केन्द्रिय सचिव सन्तोष वान्तवाले ब्लड बैंकहरुमा रगत संचिति घटेकोले रगतको कमी हुन नदिन रक्तदान गरिएको भन्दै संघको उर्लाबारी शाखा कमिटीको प्रशंसा गरे । यस्तै उनले खेलकुद स्वास्थ्यसँग जोडिने बताउदै हरेक तिन÷ तिन महिनामा रक्तदान गर्दा मानिस स्वास्थ्य रहने बताए । साथै यसबाट सामाजिक भावना समेत विकास गर्ने बताउदै उनले रक्तदान गर्न समेत सबैमा प्रेरित गरे ।

नेपाल रेडक्रस सोसाईटी उर्लाबारी उप-शाखाको प्राविधीक सहयोग रहेको सो कार्यक्रममा विशिष्ट अतिथी कोशी प्रदेशका प्रदेश सभा सदस्य उमाकान्त गौतम, नेपाल रेडक्रस सोसाईटी उर्लाबारी उप-शाखाका सचिव गोपाल प्रसाद रिमाललगायतले मन्तव्य राखेका थिए ।

कार्यक्रममा खेलकुद महासंघका कोशी प्रदेश सह-ईन्चार्ज योगेश बस्नेत, महासंघका मोरङ जिल्ला अध्यक्ष मनोज खड्का र जिल्ला सह-सचिव मिलन खत्री , उर्लाबारी नगर उप-प्रमुख मिना खतिवडा पौडेल, वडाध्यक्षद्वय भिष्मराज बुढाथोकी र कुल बहादुर कार्की, नगर कार्यपालिका सदस्य मनमाया तामाङ, एमाले नगर अध्यक्ष गंगाप्रसाद बाँस्तोला, एमाले मोरङ जिल्ला सदस्य सुरेन्द्र शेर्मालगायतको आतिथ्यता रहेको थियो ।

महासंघका उलाबारी नगर कमिटी सह-सचिव राजिव दियालीले संचालन गरेको सो कार्यक्रममा उपाध्यक्ष केशव न्यौपानेले स्वागत मन्तव्य राखेका थिए ।

नेकपा एमालेको भातृ संगठन समेत रहेको नेपाल खेलकुद महासंघको उर्लाबारी नगर कमिटी गत फागुन १२ गते गठन भएको थियो ।

09/03/2024

उर्लाबारी वडा नम्बर २ को टीमलाई खेलकुद सामाग्री हस्तान्तरण

२६ फागुन /उर्लाबारी
उर्लाबारी वडा नम्बर २ को टीमलाई खेलकुद सामाग्री हस्तान्तरण गरिएको छ । शनिबार पाँचौ संस्करणको उर्लाबारी मेयर कपको तयारीस्वरुप वडा नम्बर २ को कार्यालयले आफ्नो टीमलाई फूटबल जर्सीलगायतका खेलकुद सामाग्री हस्तान्तरण गरेको छ ।

शनिबार वडाध्यक्ष राजन कडेँलले उर्लाबारी-३ सालबारीस्थित प्रस्तावित रंगशालामा उक्त सामाग्री टीम कोच सनम भुजेललाई हस्तान्तरण गरेका हुन् ।

खेलकुद सामाग्री हस्तान्तरण गर्दै वडाध्यक्ष कडेँलले लगनशील र मर्यादित भएर खेल खेल्न सुझाव दिदै आवश्यकताअनुसार वडाले थप खेलकुद सामाग्री उपलब्ध गराउने प्रतिबद्धता व्यक्त गरे ।

यस्तै उक्त अवसरमा उर्लाबारी-२ स्थित युनिक संजय डिजिटल केवल नेटवर्क प्रालीले २० थान टिर्सट सहित केहि नगद समेत हस्तान्तरण गरेको छ । केवल नेटवर्कका संचालक सञ्जय पाख्रीन तामाङ्ले उक्त सामाग्री हस्तान्तरण गर्दै वडा नम्बर २ को टीमलाई मर्यादित भएर खेल खेल्न सुझाव दिदै हौसला प्रदान गरेका छन् ।

सो केवल नेटवर्कले यसअघि पनि वडामा हुने विभिन्न खेलकुदहरुमा प्रायोजकको रुपमा रहेर सहयोग गर्दै आएको छ ।

शुक्रबारदेखी सुरु पाँचौ संस्करणको उर्लाबारी मेयर कप फुटबल प्रतियोगिता २०८० मा आज वडा नम्बर २ को टीम वडा नम्बर ६ सम्म भिड्दैछ ।

08/03/2024

महिला दिवसमा उर्लाबारीका पाँच श्रमिक महिलालाई सम्मान, व्यवसाय गर्ने ३८ महिलालाई सामग्री वितरण

२५ फागुन/ उर्लाबारी
११४ औं अन्तर्राष्ट्रिय महिला दिवसको अवसरमा उर्लाबारी नगरपालिकाले पाँच जना श्रमिक महिलालाई नगदसहित सम्मान गरेको छ । सो अवसरमा तालिम लिएर व्यवसाय गरिरहेका ३८ महिलाहरुलाई व्युटीपार्लर र सिलाईका सामग्री प्रदान गरिएको छ ।

नगर उपप्रमुख मीना खतिवडा पौडेलको अध्यक्षतामा नगरपालिकाको सभाहलमा आयोजित कार्यक्रममा सृजना राई माझी, कालीमाया राई, चन्द्रमाया तिम्सिना, लक्ष्मी रोक्का र बालकुमारी उराउलाई नगद दुई हजार रुपैयाँसहित सम्मान गरिएको छ ।

नगर प्रमुख गंगाप्रसाद खरेलको प्रमुख आतिथ्यतामा भएको कार्यक्रममा व्यवसायिक तालिम लिएर व्युटीपार्लर सञ्चालन गरिरहेका १३ जनालाई विभिन्न सामग्री र सिलाइकटाइका २५ जना महिलालाई सिलाई मेसिन वितरण गरिएको हो ।

महिलाहरुलाई व्यवसायिक बन्न प्रोत्साहन गर्ने उद्देश्यले उक्त सामग्री प्रदान गरिएको हो ।

कार्यक्रममा नगर प्रमुख खरेल, उपप्रमुख मीना खतिवडा पौडेल, निवर्तमान उपप्रमुख लक्ष्मीदेवी भण्डारी, महिला विकास शाखा प्रमुख चन्द्रकला सुब्बा, ब्रह्मकुमारी राजयोग सेवा केन्द्र उर्लाबारीकी सञ्चालिका मीरालगायतले महिला हक अधिकारका विषयमा आ–आफ्नो धारणा राखेका थिए ।

यसैबीच, उर्लाबारी वडा नं. ६ मा पनि महिला दिवस विविध कार्यक्रम गरी मनाइएको छ । सिद्देश्वर बाबा धाममा आयोजित कार्यक्रममा चार जना वृद्ध महिलाहरुलाई नगदसहित सम्मान गरिएको थियो ।

नगर उपप्रमुख मीना खतिवडा पौडेलको प्रमुख आतिथ्यतामा भएको कार्यक्रममा उनीसहित विशिष्ट अतिथि वडाध्यक्ष चिन्तामणि पौड्याल, वडा सदस्य दुर्गावती सुब्बालगायतले मन्तव्य राख्नुभएको थियो ।

विविध सांस्कृतिक कार्यक्रमका साथ कार्यक्रम सम्पन्न भएको थियो । उता, वडा नं. ९ दुर्गापुरीमा वडा नं. ८ र ९ का महिला विकास समितिले संयुक्त रुपमा महिला दिवस मनाएका छन् । नगर उपप्रमुख मीना खतिवडा पौडेलको प्रमुख आतिथ्यतामा सो कार्यक्रम भएको हो ।

08/03/2024

उर्लाबारीमा पाचौँ मेयर कप फुटबल प्रतियोगिता सुरु: उद्घाटन खेलमा वडा नम्बर ३ विजयी

२५ फागुन/ उर्लाबारी
उर्लाबारीमा शुक्रबारदेखि पाँचौ मेयर कप फुटबल प्रतियोगिता २०८० सुरु भएको छ । वडा नम्बर ८ र वडा नम्बर ३ बीच आज भएको उद्घाटन खेलमा वडा नम्बर ३ ट्राईबेकरमा विजयी भएको छ ।

खेलको ३५ औँ मिनेटमा वडा नम्बर ३ का सन्जिव राईले १ गोल गरेर आफ्नो टीमलाई अग्रता दिलाएका थिए । लगत्तै त्यसको प्रतिरक्षमा वडा नम्बर ८ का योगेन्द्र कार्कीले खेलको ३६ औँ मिनेटमा गोल गरेर खेललाई बराबरीमा पुर्याएका थिए ।

आज भएको एकदमै प्रतिश्पर्धात्मक खेलमा दुवै टीमले थप गोल गरी निर्णायक नतिजा दिन नसकेपछि उक्त खेल ट्राईबेकरमा गएको थियो ।

यसैबीच चौथो संस्करणको मेयर कपको फाईनलमा हार व्यहोरेको वडा नम्बर ३ ले शुक्रबार डिफेन्डिङ च्याम्पियन उर्लाबारी वडा नं. ८ लाई हराउदै आफ्नो खेल प्रस्तुतीलाई अब्बल साबित गरेको छ ।

यस्तै आजको प्रतियोगीतामा वडा नम्बर ३ का समिर तामाङ् म्यान अफ दि म्याच ‍घोषित भएका छन् । उनी नगदसहित मेडलले पुरस्कृत भए ।

उर्लाबारी फूटबल क्लबको आयोजनामा आजदेखी सुरु भएको उक्त प्रतियोगीता आगामी चैत ३ गतेसम्म संचालन हुनेछ । सो प्रतियोगितामा उर्लाबारीका ९ वटै वडाको सहभागिता रहने आयोजकले जनाएको छ ।

उर्लाबारी–६ स्थित राधिका माविको खेलमैदानमा संचालन भएको उक्त प्रतियोगिताको विजेताले नगद १ लाख , उपविजेताले ५० हजारसहित दुवै टिमले ट्रफी, मेडल र प्रमाणपत्र प्राप्त गर्ने आयोजक क्लबका सचिव घनश्याम भण्डारीले जानकारी दिए ।

पाचौँ संस्करणको मेयर कप फुटबल प्रतियोगीतामा उर्लाबारी नगरपालिका मुख्य प्रायोजक रहेको छ ।

यसैबिच प्रयोगिताको दोस्रो दिनको खेल वडा नम्बर २ र वडा नम्बर ६ बीच शनिबार दिउसो ३ बजेदेखी संचालन हुने आयोजकले बताएको छ ।

08/03/2024

उर्लाबारी नगरपालिकाको अत्यन्तै जरुरी सुचना:

आदरणीय अभिभावक ज्युहरु, यहि मिति २०८० फागुन २९ गतेदेखि चैत ७ गतेसम्म उर्लाबारी नगरपालिकाका सबै वडाहरुमा ९ महिनादेखि १५ वर्षसम्मका सबै बालबालिकाहरुका लागि दादुरा – रुवेला खोप अभियान संचालन हुँदैछ ।सो अवसरमा विद्यालय र विद्यालय बाहिर रहेका आफ्ना ९ महिनादेखि १५ वर्ष मुनिका पहिले खोप लिएका वा नलिएका सबै बालबालिकालाई नजिकैको विद्यालय वा स्वास्थ्य संस्थाको खोप केन्द्रमा लगि नछुटाई खोप लगाउनु हुन अनुरोध छ ।

याद राख्नुहोस् : दादुरा अति संक्रामक रोग हो । यो अभियानमा थप खोप लिन नछुटाउनु हुन र पाँच वर्ष मुनिका बालबालिकाहको आफ्नो नियमित खोप कार्डसमेत लिएर आउनु हुन अनुरोध छ ।

Address

Urlabari, Morang, Province-1
Urlabari
56604

Telephone

+9779805382373

Website

http://www.mangalbarepage.com/

Alerts

Be the first to know and let us send you an email when Mangalbare page posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mangalbare page:

Videos

उर्लाबारीस्थित मावा खोलामा छठपर्व मनाईदै । श्रद्धालु भक्तजनहरु अस्ताउदो सूर्यलाई अर्घ दिदै ।

छठ पर्व २०८० : सजाउन थालीयो सोल्टि खोला । मैथिली समाज सेवा उप-समिती मंगलबारेको आयोजनामा सोल्टि खोलामा मनाईने छठपर्वलाई सभ्य, भव्य, सुरक्षित तथा व्यवस्थित बनाउने तयारी ।

उर्लाबारी आगलागी घटना, ४ प्रहरीसहित २८ घाइते

नेपालीहरुको महान चाड तिहारको अवसरमा उर्लाबारी-३ मंगलबारे किसान चौकस्थित प्राथना रिट्रीटको आयोजनामा चर्चित टिकटकर एवम् र्यापर कुलब्वाईसँगै चर्चित र्यापर मेक र भाईबर साईमनको बजोड प्रस्तुती ।

मंगलबारे चोकमा समसमायिक विषयवस्तुमा छलफल गर्दै पिपल गिरी र भिम थापा

शुक्रबार उर्लाबारीमा ड्रिम प्रोजेक्टको रुपमा रहेको प्रार्थना रिट्रेटको 'ग्राण्ड ओपनिङ्' हुने भएको छ । करोडौँको लगानीमा उर्लाबारी- ३ मंगलबारे (किसान चोक दक्षिण)मा अवस्थित उक्त रिट्रेट उर्लाबारीका युवाहरुले संचालन गर्दै आएका छन् । ३ विगाह क्षेत्रफलमा फैलिएको उक्त रिट्रिटमा सुविधा सम्पन्न सेमिनार हल, पार्टी प्यालेस, रेष्टुरेण्ड एण्ड बार, लज , बार बि क्यु, फुटसल, भलिबल, बास्केटबल, टेबल टेनस, स्केटिङ्,पेन्ट बल, स्नोकर र क्रिकेट लगायतका खेलको लागी छुट्टाछुट्टै प्लेग्राउण्ड रहेको छ । यस्तै प्रार्थनामा बालबालिकाहरुका लागी स्विलिङ्का अलवा छुट्टै बाल मनोरञ्जन कक्ष समेत रहेको छ । यस्तै प्रार्थनाले उर्लाबारीमै पहिलो पल्ट भि आर गेम जोन समेत संचालन गर्दै आएको संचालक रविन गुरुङ्ले जानकारी दिए । यसका अलबा प्रार्थनामा राष्ट्र र राष्ट्रियता झल्किने बास्तुक

यसरी नाचे सुनिल शर्मा: पथरीशनिश्चरे वडा नम्बर १० स्थित श्री डाँस मोरङ्गी सामुदायिक वन उपभोक्ता समुहको २२ औँ वार्षिक साधारण सभाको अवसरमा मोरङ्ग क्षेत्र नम्बर ३ का सांसद सुनिल शर्मा तिजको गितमा महिला दिदिवहिनीहरुसँग नाच्दै ।

उर्लाबारीमा बिजया दशमी तथा शुभदिपावलीको अवसर पारेर बृहत सांगीतिक कार्यक्रमको आयोजना गरिने भएको छ । न्यु सिद्धार्थ क्लव उर्लाबारीले आगामि असोज १६ गते उर्लाबारी—७ स्थित उर्लाबारी पार्टी प्यालेस परिसरमा बृहत सांगीतिक कार्यक्रमको आयोजना गर्ने भएको हो । फुलपाती साँझ नाम दिईएको उक्त कार्यक्रममा गायक नरेन लिम्बु टिमले भरपुर सांगीतिक मनोरञ्जन दिलाउने छन् । यसका साथैं डिजेहरुले डिजेईङ गदै भरपुर नचाउने छन् । थप जानकारीका लागि सम्पर्क: 9817968856 9815018215 9816994739 9811095686 ---ADVT.

मदन भण्डारी अस्पतालकाे बेथितीबारे बाेल्‍दा पिपल गिरी गिरफ्तार ।

उर्लाबारी वडा नं. ५ मा नेकपा एमालेबाट वडा अध्यक्षका उम्मेद्वार रविन लामाको अनुरोध । --ADVT

उर्लाबारी वडा नं. ३ मा नेकपा एमालेबाट वडा अध्यक्षका उम्मेद्वार भिष्म बुढाथोकीको अनुरोध । --ADVT

कांग्रेस मोरङ क्षेत्र नम्बर १ को क्षेत्रीय सभापतिमा यसकारण उठ्दैछन् खड्ग फागो ।

अविरल वर्षासँगै उर्लावारीको बक्राहा र सोल्टी खोलामा आएको बाढी । दुई दिनदेखिको वर्षाका कारण पानीको सतह बढेको छ । विभिन्न क्षेत्र डुबानमा परेका छन् । भिडियोमा सोल्टी र बक्राह खोला दोभान ।

Shortcuts

MangalbarePage

Hello Readers,Glad to get your love,affection to MangalbarePage. MPage will do its best to provide qualitative news,analysis and the issues on different sectors around Urlabari.

We should be clear that the bitter is the truth. We are here to check if anyone is doing wrong and any institution/organisation is in wrong track. Mpage Aims to promote Governmental Sectors. Promote the Whole Urlabari. Aims in raising awareness. Aims in providing qualitative and investigative news reports and the local events.

Have a good day. What we see we write the things.

Mpage needs the suggestions from the readers. Provide us the suggestions,give us the issues and we will bring the hidden truth to the outer world.