Urlabaripage.com

Home
Nepal
Amardaha
Urlabaripage.com

UrlabariPage.com is a first online news portal of Urlabari. Featuring new services: Online Bazar, YellowPage, Job Search
(67)

Services: True journalism (News, Entertainment, Audio/Video) Yellow Pages, Online Shopping, Jobs Search

21/06/2024

Boost your knowledge by joining APPEX Tuition Class
यहाँ ट्युसन कक्षाहरु संचालन गरिन्छ ।

21/06/2024

कर्मचारी आवश्यकता!

20/06/2024

उर्लाबारी वडा नम्बर ५ स्थित दिनया ईन्टरप्राईजेजमा हिरो एक्सचेन्ज र इभल्भ सोरुम एक्सचेन्ज स्किम सुरु भएको छ ।
नेपालका लागि हिरो मोटोकर्पका आधिकारीक बिक्रेता सिजी मोटर्सले पहिलो पटक ‛हिरो एक्सचेञ्ज ’ र इभल्भ सोरुम एक्सचेन्ज आयोजना गर्ने घोषणा गरेसँगै बिहिबारदेखी हिरोको उर्लाबारीको लागि आधिकारीक विक्रेता समेत रहेको दिनया ईन्टरप्राईजेजमा सो स्किम लागु गरिएको छ ।
आजदेखी सुरु भएको सो स्किम असार १५ गतेसम्म संचालन हुनेछ । उक्त स्किममा ग्राहकले कुनै पनि ब्राण्डका मोटरसाइकल एक्सचेन्ज गर्दा बजार मूल्याङ्कनभन्दा ८ हजार बढीको मूल्याङ्कन पाउने ईन्टरप्राईजेजका संचालक सुरेन्द्र लिम्बुले जानकारी दिए ।
यस्तै सो एक्सचेन्ज अफरमा ७ हजार रुपैयाँसम्मको नगद छुट तथा नि:शुल्क हेल्मेट पनि वितरण गरिने संचालक लिम्बुले जानकारी दिए ।
उनका अनुसार उक्त अफरमा ग्राहकहरुले हिरो एक्स पल्स, सुपर स्प्लेण्डर, स्प्लेण्डर प्लस, स्प्लेण्डर र जुमका दुई प्राङग्रे सवारी लिन सक्नेछन् ।
यसका अलबा ग्राहकहरुलाई उक्त ईन्टरप्राईजेजमा हिरो ब्राण्डका नया मोटरसाईकल तथा स्कुटर खरिदमा विषेश छुट उपलब्ध गराईदै आएको छ ।
हिरोका मोटरसाइकल तथा स्कुटरहरू अहिले नेपालमै एसेम्बल भईरहेका छन् । नवलपरासी जिल्लास्थित सिजी ईन्ड्रस्ट्रियल पार्कमा प्रतिवर्ष ७५ हजार युनिट मोटरसाइकल एसेम्बल गर्नसक्ने क्षमताको अत्याधुनिक प्लान्टको उद्घाटन भैसकेको छ ।
नेपालमा सबैभन्दा बढी बिक्रि हुने मोटरसाइकल ब्राण्ड मध्येको एक हिरोले नयाँ बेन्चमार्कहरू समेत कायम गर्दै आएको छ ।
लोकप्रिय उत्पादन सुपर स्प्लेण्डर, स्पलेण्डर प्लस, एक्स पल्सका साथै नयाँ जुम १ सय १० स्कुटर बिएस सिक्स एसआई सिजि मोटर्सले नेपालमा भित्र्याएको छ । साथै, सो उत्पादनमा यूनिक फिचर समेत रहेको कम्पनीले जनाएको छ ।

20/06/2024

दमकको रतुवा खोलाले बगाएर झापामा एकजनाको मृत्यु भएको छ । आज बिहान अन्दाजी ८ बजेको समयमा दमक नगरपालिका वडा नम्बर ७ स्थित रतुवा पुलछेउमा तत्काल नाम थर वतन नखुलेको एक व्यक्तिको शव फेला परेको हो ।
रतुवा खोलाले बगाएर ल्याइरहेको अवस्थामा स्थानीयले देखेर तत्काल खोलाबाट बाहिर किनारमा निकाली हेर्दा मृत्यु भइसकेको प्रहरीले जनाएको छ ।इलाका प्रहरी कार्यालय दमकमा खबर प्राप्त हुनासाथ थप अनुसन्धान तथा कानुनी प्रक्रियाको लागि टोली खटिएको थियो ।
जिल्ला प्रहरी कार्यालय झापाका अनुसार निज मृतक दमक १ सरस्वती टोल बस्ने ५३ वर्षीय मोहन रामदाम (विक) रहेको सनाखत भएको छ । सो सम्बन्धमा थप अनुसन्धान कार्य जारी रहेको र विकका आफन्त घटनास्थलमा आइसकेको जिल्ला प्रहरी कार्यालय झापाले जनाएको छ ।

20/06/2024

सुनसरीको दुहबी घर भएका एक जना युवकको विराटनगरमा छुरा प्रहार गरी हत्या भएको छ ।
सुनसरीको दुहबी नगरपालिका–१२ का २३ वर्षीय अक्लेशकुमार यादवको हत्या भएको मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले जानकारी दिए । अक्लेश विराटनगर महानगरपालिका–४ इक्राहीस्थित रामलोचन यादवको घरमा पाहुना आएका थिए । रामलोचन अक्लेशका ठुलोबुवा रहेको प्रहरीले जनाएको छ । ठुलीआमाकी छोरी (बहिनी)को बिहेमा आएका बेला विराटनगर–४ का २४ वर्षीय गणेश यादवले चक्कु प्रहार गरेर अक्लेशको हत्या गरेको मोेरङ प्रहरीले जनाएको छ ।
अक्लेशका ठुलोबुवा रामलोचन र गणेश छिमेकी हुन् । डीएसपी बस्नेतका अनुसार बिहेको कार्यक्रम सकिएपछि गणेश र अक्लेशबीच सामान्य विवाद र भनाभन भएको पाइएको छ । उनीहरु एक साता अगाडी मोवाईको विषयमा विवाद भएको प्रहरीले स्रोतले जनाएको छ ।
विवादपछि मोटरसाइकल चढेर आफ्नो घरतर्फ जाने तयारी गरिरहेका अक्लेशलाई बुधबार राति १० बजेतिर गणेशले चक्कु प्रहार गरेको प्रहरीले जनाएको छ । चक्कु प्रहारबाट बायाँ कोख र पेटमा चोट लागेर अवस्था गम्भीर बनेका अक्लेशलाई उद्धार गरी उपचारका लागि नोबेल शिक्षण अस्पताल पुर्याइएको थियो ।
अक्लेशको उपचारकै क्रममा बिहीबार बिहान ३ बजेतिर अक्लेशको मृत्यु भएको थियो । घटनामा संलग्न गणेश फरार छन् । फरार रहेका उनको खोजी भइरहेको डिएसपी बस्नेतले जानकारी दिनुभयो । अक्लेशको शव अहिले पनि नोबेल शिक्षण अस्पतालमा नै रहेको मृतकका आफन्तले बताएका छन् ।
यता मृतकका आफन्तले भने अक्लेशको उपचारमा चिकित्सकले ध्यान नदिएको र उपचारको क्रममा लापरबाहीका कारणले मृत्यु भएको आरोप लगाएका छन्।

20/06/2024

अन्तर्राष्ट्रिय योग दिवस
१०औं अन्तर्राष्ट्रिय योग दिवसको अवसरमा रोटरी क्लब अफ उर्लाबारीद्धारा सुनझोडा मा.वि. उर्लाबारी २ मा योग गुरु जयधर्म आचार्यबाट हुने कार्यक्रममा हार्दिक आमन्त्रण गर्दछौं ।
– रोटरी क्लब अफ उर्लाबारी

20/06/2024

मोरङको मिक्लाजुङ गाउँपालिका वडा नं. २ ले वडाभित्र रहेका सुत्केरी महिलाहरूलाई पौष्टिक आहार वितरण कार्यक्रम सम्पन्न गरेको छ ।
सुत्केरी महिलाहरूमा पौष्टिक आहारको कमी हुन नदिन सो कार्यक्रम सञ्चालन गरेको मिक्लाजुङ–२ का वडाध्यक्ष बलबहादुर श्रेष्ठ (अर्पण) ले जानकारी दिनुभयो । सुत्केरी आमाहरूलाई प्रतिब्यक्ति एक क्रेट अण्डा, एक बट्टा घिउ, एक बट्टा मह र १ थान झुल बितरण गर्दै आएको वडाध्यक्ष श्रेष्ठको भनाई छ ।
वडा कार्यालयमा एक कार्यक्रमको आयोजना गरी ४२ जना सुत्केरी महिलाहरूलाई सो पौष्टिक आहार बितरण गरिएको छ । वडा कार्यालयको महिला लक्षित कार्यक्रम अन्तर्गत सुत्केरी महिलाहरूलाई पौष्टिक आहारको वितरण गरिएको छ । वडाबाट पौष्टिक आहार र झुल पाउँदा खुसि लागेको सहभागीहरुले बताएका छन् ।

20/06/2024

उर्लाबारी नगरपालिका नगरसभाको १२औँ अधिवेशन सुरु भएको छ । कोशी प्रदेश सभा सदस्य विद्या चाम्लिङको प्रमुख आतिथ्यतामा बुधबार नगर उपप्रमुख मिना खतिवडा पौडेलले आर्थिक वर्ष २०८१/०८२ को लागि १ अर्ब ५ करोड १६ लाख ४३ हजार ५ सय रुपियाँको अनुमानित बजेट प्रस्तुत गरेकी थिईन् ।
नगरपालिकाको सभाहलमा आयोजित कार्यक्रममा उपप्रमुख पौडेलद्वारा प्रस्तुत बजेटमा नगरले सङ्घीय सरकार वित्तीय समानीकरणबाट १६ करोड २१ लाख,सङ्घीय सरकार विशेष अनुदान ३ करोड, सङ्घीय सरकार सशर्त अनुदान ४५ करोड ८४ लाख, सङ्घीय सरकार समपूरक अनुदान १ करोड ५० लाख, सङ्घीय सरकार वन रोयल्टी ३७ लाख, विज्ञापन करबाट ३ लाख ५० हजार प्रदेश सरकारबाट वित्तीय समानीकरण १ करोड १३ लाख १८ हजार ,प्रदेश सरकार समपूरक अनुदान १ करोड ५० लाख ,प्रदेश सरकार सवारीसाधन करबाट प्राप्त हुने ९७ लाख ७५ हजार, प्रदेश सरकार शसर्त अनुदान ५८ लाख २ हजार रुपियाँ प्राप्त हुने अनुमान गरिएको छ ।
यस्तै मूल्य अभिवृद्धि करबाट प्राप्त हुने १० करोड ,जनसहभागिताबाट १ करोड ९० लाख र आन्तरिक आम्दानी तर्फ ९ करोड ९१ लाख ८७ हजार गरी कुल १ अर्ब ५ करोड १६ लाख ४३ हजार ५ सय रुपियाँको अनुमानित बजेट प्रस्ताव गरिएको छ ।
यस्तै खर्चतर्फ प्रशासनिक खर्च १४ करोड ९१ लाख ६० हजार ,नगर गौरवको आयोजनाका लागि १ करोड, समपूरक कोषका लागि २ करोड, भवन निर्माण १ करोड, विपत् व्यवस्थापन १ करोड २५ लाख , नगरपालिका विशेष क्षेत्रगत योजना तथा कार्यक्रम २७ करोड ४७ लाख ८१ हजार रुपियाँ विनियोजन गरिएको छ । नगरले चालु खर्च ४२ करोड ८१ लाख १० हजार अर्थात् बजेटको ४०।७१ प्रतिशत र पुँजीगत तर्फ ६२ करोड ३५ लाख ३३ हजार ५ सय रुपियाँ खर्च हुनेसक्ने बजेटमा प्रस्तुत गरिएको छ ।
उक्त बजेट आर्थिक वर्ष ०८० /०८१ कोभन्दा ८ करोड ३१ लाख ८१ हजार ५०२ रुपियाँले कमी हो ।
नगरपालिकाले व्यवायिक फलफुल खेतिमा सहुलियत दिने, वैदेशिक रोजगारबाट फर्किएकाहरूलाई पाँच वर्षमा फिर्ता गर्ने गरि बिऊ पुँजी प्रदान गर्ने कार्यक्रम , मञ्जुल मितेरीबाट निर्मित मुर्ती र कला संरक्षण र सम्वर्द्धन गर्न संग्राहलय निर्माण गर्ने, मावा करिडोर सौन्दर्यकरण योजना कार्यान्वयन गर्ने, स्थानिय जातजातिको संस्कृतिको संरक्षण गर्दै पर्यटन विस्तारको लागि होमस्टे संचालनमा प्रोत्साहन गर्ने, श्रमिकहरुको पहिचान गरि परिचयपत्र वितरण एवम् श्रिमिक लक्षीत विषेश कार्यक्रम, विपन्न महिलाहरुको पाठेघरको अप्रेसनमा अनुदान , मदन भण्डारी अस्पताल तथा ट्रमा सेन्टरमा साझेदारीमा उपचार सहायताको कार्यक्रम, गर्भवती महिलाको घर घरमा पुगेर स्वास्थ्य परीक्षण; आयुर्वेद- प्राकृतिक चिकित्सा, योग तथा होमियोप्याथीक चिकित्सा प्रणालिको विकास र विस्तारमा विषेश कार्यक्रम, प्रत्येक शुक्रबार बुक फ्रि डेको व्यवस्था गरिने, लिडर र फिडर विद्यालय त‍ोकेर शिक्षामा अघी बढिने कार्यक्रम, घर निर्माणमा कलर कोर्डिङ् निति लागु गरिने, प्लाष्टिक झोला प्रयोगलाई निरुत्साहित गरिने, एक घर दुई बिरुवा रोपन निति; मंगलबारे, उर्लाबारी र दुर्गापुरीमा सार्वजनिक सौचालय निर्माण अवधारणा , नागरिकको सुचनाको हक प्रयोग नितीलाई व्यवस्थित तरिकाले कार्यान्वयन गरि सुचना पाटिमा प्रकाशन गर्ने निति, व्यवसायिक पसलहरुमा कर चुक्ताको स्टीकर टास्ने निती, राजस्व र प्रशासनलाई थप व्यवस्थित प्रविधिमैत्री बनाउने लगायतका कार्यक्रमहरु ल्याएको छ ।

18/06/2024

मोरङको रतुवामाई नगरपालिका ४ मा चट्याङले लागेर मंगलबार (आज) बिहान एकजना किशोरीको मृत्यु भएको छ।
वर्षासँगै परेको चट्याङले १६ वर्षीया विपना महतोको मृत्यु भएको मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले जानकारी दिए ।
उनका अनुसार घरमै बसिरहेका बेला बिहान ७ः३० बजेतिर चट्याङले लागेर विपना गम्भीर घाइते भएकी थिइन्।
चट्याङले लागेर बेहोस भएकी उनलाई उपचारका लागि रंगेली अस्पताल पुर्याउनसाथ ८ः३० बजेतिर चिकित्सकले मृत घोषित गरेको प्रहरीले जनाएको छ।
शव पोस्टमार्टमका लागि रंगेली अस्पतालमा राखेर घटनाबारे थप अनुसन्धान भइरहेको प्रहरीले जनाएको छ ।

18/06/2024

झापाको बिर्तामोडस्थित मुख्यचोकमा पिकअप भेनले ठक्कर दिँदा पैदलयात्री महिलाको मृत्यु भएको छ ।
आज बिहान ०९ः३० बजे पश्चिमबाट पूर्वतर्फ गइरहेको पिकअप भेनले वानस्टप मलअगाडि बाटो काट्दै गरेकी महिलालाई ठक्कर दिएको थियो ।
भेनको ठक्करबाट सख्त घाइते भएकी मोरङ रतुवामाई-८ की ७० वर्षीया टंकमाया सुवेदीको घटनास्थलमै मृत्यु भएको प्रहरीले जनाएको छ ।ठक्कर दिने मे. १ च ६६१३ नम्बरको भेन र चालक बिर्तामोड १ का ४५ बिर्खबहादुर थेवेलाई प्रहरीले नियन्त्रणमा लिएको छ ।

18/06/2024

राष्ट्रिय प्रजातन्त्र पार्टी राप्रपाका अध्यक्ष राजेन्द्र लिङ्देनले प्रतिनिधिसभाको रोष्ट्रममै भौतिक पूर्वाधार मन्त्रालयको बजेट पुस्तिका च्यातेका छन् ।मंगलबार मन्त्रालयगत बजेटमाथिको छलफलमा भाग लिँदै उनले बजेट पुस्तिका च्यातेका हुन् ।
‘सामान्यतया म आफूलाई हेर्दा कम आक्रोश पोख्ने, कम रिसाउन मान्छे हो । रिस उठ्छ कहिलेकाहीँ तर एकछिन पछि सेलाउने र मन बुझाउने खालको मान्छे ठान्छु । तर, जब भौतिक पूर्वाधार मन्त्रालयको बजेटको पुस्तिका हातमा पर्‍यो त्यो दिनदेखि म यसरी तातिएको छु कि यसरी च्यातेर (च्यात्दै) हुर्‍याउने मन छ । उनले भने, ‘तर, यो संसदीय मर्यादा विपरीत हुन्छ भनेर कहाँ हुर्‍याउनुपर्ने त्यहाँ नहुर्‍याएर यहाँ (पोडियम) राख्छु मैले।’
सामान्य लाज घिन पनि नराखेर राज्य स्रोतमाथि मनपरी गरिएको भन्दै लिङ्देनले कति दिन सहेर बस्ने भनेर प्रश्न गरे।उनले जिल्लाको नाम धेरै राखेको भनेर टिप्पणी हुन्छ भनेर ठेगाना समेत नलेखेर योजनामा बजेट राखिएको भन्दै आक्रोश व्यक्त गरे। अहिलेको व्यवस्था र राज्य संरचना नै असफल बनाउन स्वयम् नेताहरु लागेको उनको तर्क थियो।

18/06/2024

१५ वर्षीय बालिकालाई जबरजस्ती करणी गरेको आरोपमा विराटनगरका एक व्यवसायी धनकुटाको भेडेटारबाट पक्राउ परेका छन्।
सर्लाही घर भएकी १५ वर्षीय बालिकालाई जबरजस्ती करणी गरेको अभियोगमा विराटनगर महानगरपालिका–११ बस्ने ५१ वर्षीय प्रविन अग्रवाललाई धनकुटा प्रहरीले पक्राउ गरेको हो ।
अग्रवालले ती किशोरीलाई असार २ गते आईतबार ललाई फकाई धनकुटा साँगरुगढी गाउँपालिका–६ भेडेटारस्थित होटेलमा लगेर जबरजस्ती करणी गरेको भन्ने उजुरीको आधारमा इलाका प्रहरी कार्यालय भेडेटारबाट खटिएको प्रहरीले उनलाई पक्राउ गरेको धनकुटा प्रहरीले जनाएको छ ।घटना सम्बन्धमा थप अनुसन्धान भइरहेको प्रहरीले जनाएको छ ।

17/06/2024

कुकुरको बच्चालाई कुट्दै जिउँदै खाल्डोमा पुरेको आरोपमा तीन जनालाई प्रहरीले इलामबाट पक्राउ गरेको छ ।
पशु कल्याण संघ काठमाडौंले दिएको जाहेरीको आधारमा उनीहरुलाई इलामको देउमाई नगरपालिकाको जितपुरबाट पक्राउ गरिएको जिल्ला प्रहरी कार्यालय इलामले जनाएको छ ।
भिडियो बनाउने हेतुले ती युवकहरुले कुकुरको बच्चालाई तड्पाई–तड्पाई हत्या गरेको भिडियो भाइरल भएको थियो । सुगम मोराहाङ लिम्बू नामको फेसबुक एकाउन्टमा उक्त भिडियो पोस्ट भएको थियो, जुन अहिले हटाइएको छ ।‘कुकुरको बच्चालाई क्रूरतापूर्वक मारेको देखिन्छ,’पशु कल्याण संघकी अध्यक्ष स्नेहा श्रेष्ठले भनिन्, ‘यो हदसम्मको अपराध गर्नेहरुलाई प्रचलित कानुनअनुसार दण्ड सजाय हुनैपर्छ ।’ संघले काठमाडौंबाट प्रतिनिधि पठाएर जिल्ला प्रहरी कार्यालय इलाममा उजुरी दर्ता गराएको थियो ।
नेपालको प्रचलित कानुनले कुनैपनि पशु प्राणीलाई निर्दयी व्यवहार गर्न, क्रुरतापूर्वक हत्या गर्न बन्देज गरेको छ । यस्ता कृत्य गर्नेलाई तीन महिनासम्म कैद र पाँच हजार रुपैयाँसम्म जरिवाना हुनसक्ने प्रावधान छ ।

17/06/2024

ग्रामथान गाउँपालिकाका अध्यक्ष गच्छदारको निधन
मोरङको ग्रामथान गाउँपालिका अध्यक्ष जयप्रकाश गच्छदारको निधन भएको छ ।
१० माघ २०८० मा ब्रेन ह्यामरेज भएर थलिएका अध्यक्ष गच्छदारको सोमबार दिउँसो मृत्यु भएको हो । स्थानीय तह निर्वाचनमा उनी नेपाली कांग्रेसबाट निर्वाचित भएका थिए ।
थारु गत माघमा भएको राष्ट्रिय सभा निर्वाचनको दिन एक्कासी बिरामी भएर अस्पताल भर्ना भएका थिए । गच्छदारको मंगलबार अन्तिम संस्कार गरिनेछ । चार महिनादेखि अर्धचेत रहेका उनी एक महिनायता घरमै थिए ।
अध्यक्ष गम्भीर बिरामी परेपछि चार महिनायता ग्रामथान गाउँपालिकाकी उपाध्यक्ष गुणवतीदेवी थारुले कार्यवाहक अध्यक्षको रुपमा काम गरिरहेकी छन् ।

17/06/2024

मोरङको पथरी शनिश्चरेमा जिल्ला स्तरीय चित्रकला प्रतियोगिता २०८१ सम्पन्न भएको छ।
सोमबार पथरीशनिश्चरे २ को सिन भिलेज पार्टी प्यालेसमा निजी तथा आवासीय विद्यालय अर्गनाइजेसन नेपाल (प्याब्सन) मोरङ जिल्ला कार्य समितिले सो प्रतियोगिता आयोजना गरेको हो।
प्याब्सन पथरीशनिश्चरेले आतिथ्यता गरेको सो प्रतियोगितामा कूल ४९ वटा विद्यालयका ८४ जना विद्यार्थीहरूले सहभागिता जनाएका थिए।सोहि अवसरमा १३ जना विभिन्न चित्रकारहरूले आ आफ्ना सुन्दर चित्रहरू स्केच गरी कार्यशाला सहभागी भएका थिए ।
उक्त प्रतियोगिताको जुनियर तर्फ (कक्षा (५ देखि मुनी) तर्फ (ग्रेटग्रेस पथरी शनिश्चरेकी प्रश्ना तामाङ प्रथम, (सुपब् मोडल पथरीमा सेसेहाङ लिम्बु दोस्रो, (पूर्वाञ्चल विद्या सदन विराटनगरकी एन्जेलिना श्रेष्ठ तेस्रो स्थान हासिल गरेका थिए भने सिद्दार्थ सुन्दर हरैंचाका सिम्रन खड्का र एभरेष्ट अंग्रेजी स्कूल पथरीकी आभा केरूङले सान्त्वना स्थान हासिल गरेका हुन्। यसै गरी, सिनियर (कक्षा ६देखि १० तह ) तर्फको प्रथम ग्रेडेट स्कूल, विराटनगरकी कृतिका यादव , दोस्रो बाल देवदुत रंगेली, तेस्रो माउण्ट मकालु रंगेलीका चन्चल मण्डल, सान्त्वना तर्फ पूर्वाञ्चल विद्या सदन विराटनगरकी अनिसा राई र जुपीटर सुन्दर हरैंचाका अनुनय कोइराला भए।
प्याब्सन मोरङका अध्यक्ष प्रेमलाल सुवालको सभापतित्वमा सम्पन्न भएको सो पुरस्कार वितरण समारोहमा प्याब्सन केन्द्रीय सचिव हेमन्त कार्कीले शुभ कामना मन्तव्य राखे । सोहि क्रममा प्याब्सनका केन्द्रीय उपाध्यक्ष राजेश कुमार दास ,नेपाल अभिभावक संघका देवी पन्थी, विभिन्न पालिकाहरूका मध्यें प्याब्सन मिक्लाजुङका अध्यक्ष नवराज दवाडी , लगायतले शुभकामना मन्तव्य राख्दै विद्यार्थीहरूको सर्वांगीण विकासका लागि मोरङ प्याब्सनले गरेको भन्दै प्रशंसा गरेका थिए।कार्यक्रम जिल्ला सचिव जगत बस्नेतले कार्यक्रम संचालन गरेका थिए।भूमिप्रसाद पाठकबाट

17/06/2024

मोरङको मिक्लाजुङमा नवदीप युवा क्लबको आयोजनामा आइतबार बाट शुरु मधुमल्ला कप फुटबल प्रतियोगिताको उद्घाटन खेलमा आयोजक मिक्लाजुङलाई ट्राइवेकरमा ४–२ गोल अन्तरले हराउदै गौरीगंञ्ज गाउँपालिका प्रतियोगिताको सेमीफाइनल प्रवेश गरेको छ ।
आइतबारको खेल सुरुवाती चरणबाट नै निक्कै आक्रामक बने पनी खेलको निर्धारीत समय गोलरहीत बराबरीमा सकिए पछी खेल सोझै ट्राइवेकरमा परिणत भएको थियो ।
ट्राइवेकरमा गौरीगञ्जले मिक्लाजुङलाई ४–२ गोल अन्तरले हराउँदै सेमीफाइनलको यात्रा तय ग¥यो ।
आइतबारको खेलको उद्घाटन मोरङ जिल्ला फुटबल संघ मोरङका अध्यक्ष संजीब बुढाथोकी र क्लबका अध्यक्ष देउमान तामाङले खेलका प्रमुख रेफ्री इजु तामाङलाई बल हस्तान्तरण गरेर गरिएको थियो । भेलीको खेल मंगलबारे र कमल गाउँपालिका बिच मध्यान्ह् ३ बजे बाट मिक्लाजुङ गाउँपालिका वडा नं. ७ मा रहेको खेल मैदानमा हुने खेल संयोजक युवराज तामाङले बताए । प्रतियोगीतामा प्रथम र द्धीतीय हुने ले क्रमश ५५ हजार पाँच सय ५५, ३३हजार, तीन सय ३३, ट्रफी, मेडल र प्रमाण पत्र पाप्त गर्ने नवदीप युवा क्लबका अध्यक्ष देउमान तामाङले बताउनु भयो

17/06/2024

Beauty Parlour @ Urlabari
उर्लाबारी ब्युटिपार्लर सम्बन्धी स्तरीय सेवा उपलव्ध छ साथै स्वदेश तथा विदेशमा रोगजारीको लागि तालिम पनि दिइन्छ ।
Beautician Course:
👉Nail
👉Makeup
👉Manicure/Pedicure
👉Mahendi
👉Eye Lashes Extension
👉CTEVT Course (L1 & L2)

Contact:
Beauty Lord, Urlabari-6, Madhumalla Road
☎️ 9842546831, 9806061511

16/06/2024

विविध कार्यकमका साथ धिमाल सिरिजात तथा जातिरि २०८१ समापन
विजय धिमाल
उर्लाबारी २ असार
मोरङको उर्लाबारी नगरपालिका–३ धिमाल परियोजाना दश विगेमा धिमाल जातिको महान पर्व जातिरि÷सिरिजात पर्वको अवसरमा बृहत साँस्कृतिक कार्यक्रम तथा सम्मन सहति सम्पन्न भएको छ ।
जातीय विकास केन्द्रले “धिमाल जातिको पहिचान राष्टको शान" धिमाल स्वायत्तक्षेत्र हाम्रो अभियान” भन्ने मुलनाराका साथ प्रदेश नम्बर–१ का आन्तरिक मामिला तथा कानुन मन्त्री लिलाबल्लभ अधिकारीबाट कार्यक्रमको समुद्घाटन गरिएको थियो ।
कार्यक्रममा केन्द्रले प्रत्येक वर्ष धिमाल युवा प्रतिभा पुरस्कार सम्मान प्रदान गर्दै आइको छ । जसमा धिमाल युवा प्रतिभा पुरस्कार बेलबारी नगरपालिका १०, माटिगाउँ मोरङकी स्वरस्ती धिमाललाई प्रदान गरिएको थियो । उनलाई आन्तरिक मामिला तथा कानुन मन्त्री लिलाबल्लभ अधिकारी, केद्रिय अध्यक्ष, विशिष्ठ अतिथि र उपस्थित अतिथिहरुबाट सम्मान पत्र, आल्गी धावा र नगद रु पाँच हजार सहित सम्मान गरिएको थियो । उनले गिनिज बुक अफ वर्ड रेकर्डमा सबैभन्दा उच्च स्थान ५,२७८ मिटर उचाईमा कोरियोग्राफि गरेर नाम लेखाउन सफल, एक सफल नृत्यङ्गना हुन । डान्सिङ स्टार नेपाल, स्कुल डान्सिङ च्याम्स, शिखर डान्स आईकनको उपाधि विजेता हुन भने उनले विभिन्न गितमा कोरियोग्राफरको रुपमा काम समेत गरीसकेकी छिन ।
मेला तथा साँस्कृतिक कार्यक्रममा मोरङ, झापा, सुनसरी, काठमाण्डौ जिल्ला समेतबाट धिमाल लगायत गैह्र धिमालहरु हजारौंको संख्यामा सहभागी थिए । साँस्कृतिक कार्यक्रमा बिभिन्न धिमालटोलहरुबाट आएका धिमाल नृत्य, गायन विधाका धिमाल राष्ट्रिय कलाकार संजिव धिमाल, गायक डिकबहादुर धिमाल, सुरेश भिमाल, हास्य कलाकार बिक्रम धिमाल संगै विभिन्न गाउँटोलबाट आएका धिमाल सामुकि नृत्यबाट मनोरञ्जन दिलाएका थिए ।
१ नम्बर प्रदेशसभा सदस्य माननिय उमाकान्त गौतमले धिमाल समुदायको भाषा, धर्म र संस्कृतीको संरक्षणमा तीनै तहको सरकारले ध्यान दिन आवश्यक रहेको बताउदै अल्पसंख्यक धिमाल समुदायको सबै संस्कृति, भेषभुसा, खानापरिकार यहाँस्थित धिमाल परियोजना स्थलमा भेटिनुपर्ने बताए । कार्यक्रमका प्रमुख अतिथी प्रदेश नम्बर १ का आन्तरिक मामिला तथा कानून मन्त्री लिलाबल्लभ अधिकारीले धिमालहरू नेपालका सबैभन्दा पुराना आदिवासी र भूमिपुत्र भएको उल्लेख गर्दै हिजो राज्यको विभेदकारी नीति भएकै कारण आदिवासी जनजातिहरू राज्यले वितरण गरेका सेवा सुविधाबाट वञ्चित भएको बताउदै लोकतान्त्रिक गणतन्त्रमा मात्रै सबै जात, धर्म र लिङ्ग भएका नागरिकले राज्यको सुविधा समान रुपमा प्राप्त गर्ने उनको भनाइ रहेको थियो ।
विक्रम सम्वतको नयाँ वर्ष प्रवेशसंगै वैशाख २ गते मोरङको लेटाङ नगरपालिकाको भोगटेनी राजारानी धिमाल डाँडाबाट जात्रि पर्व प्रारम्भ हुने गर्दछ । मोरङ, झापा, सुनसरी, र काठमाण्डौ जिल्ला लगायत नेपाल भर रहेका एक साय भन्दा बढी धिमाल बस्तिहरुमा फरक फरक गतेमा जातिरि÷सिरिजात मनाउने गरिन्छ । सबै ठाउँमा मनाईसकेपछि असार २ गते धिमाल जातीय बिकास केन्द्र परियोजना स्थल दश बिगेमा जात्रि सम्पन्न हुनेगरेको बिकास केन्द्रका अध्यक्ष अम्मबर बहादुर धिमालले जानकारी दिए । उनले भने, धिमाल समुदाय भरि कुनै ठाउँ पुजा त कुनै ठाउँ मेला लगाउदै २ महिना सम्म लगातार मनाउदै आएका छन । नेपालमै लामो समय सम्म जातीय पर्व मनाउने धिमाल जाति बाहेक अन्य जाति नरहेको उनको भनाई छ ।
अतितमा जंगलका हिंस्रक जनावर, अनेकौँ रोगव्याधि, महप्रलय, अनाबृष्टि, अतिबृष्टि, अनिकाल, खडेरी, आगलागि लगायत अनेकौँ संकटहरुबाट बच्न र बचाउनका खातिर ग्रामथान÷महाराजथानमा देरादिर ृभगवाने घरदेखि केहिपर वा धिमाल समुदायको पूर्वपट्टी थान र्र्निमाण गरि वर्षको एक पटक पुजाआजा परापूर्वदेखि हाल सम्म जातिरि मनाउनदै आएको धिमाल जातीय विकास केन्द्रका महासचिव मात्रिका धिमाल बताउछन । उनका अनुसार जात्रिमा ग्रामथान तथा महाराजथानमा पुजाआजा गर्दा फलफुल लगायत सुँगुर, बोका, बाख्रा, हाँस, कुखुरा, परेवा आदिको बलिदिने र रक्सी पनि चढाउने चलन रहेको छ । मूख्य बाजा ढोल बजाएर प्रतिस्पर्धा गरि प्रथम, द्वितिय, त्रितिय र सानत्वना हुनेलाइ पुरस्कृत समेत गरिन्छ । ढोल प्रतिस्पर्धामा सबै गाँउ टोलका धिमाल जाति नै हुन्छन । सहभागी १०५ टोल सहभागी मध्धये प्रथम नलबारी दमक झापा , द्वितिय आम्बारी उर्लाबारी मोरङ र तृतिय ठुलो अर्नाखाडी दमक झापा गाउँटोल भएभने नगद सहित प्रमाण पत्रद्वारा पुरस्कृत गरिएको थियो ।
कार्यक्रमका प्रमुख अतिथि प्रदेश नम्बर १ प्रदेशका आन्तरिक मामिला तथा कानुन मन्त्री लिलाबल्लभ अधिकारी रहेको थियो भने, विषिश्ठ अतिथिहरुमा प्रदेश सरकारका पूर्वमन्त्रीहरु तिलकुमार मेन्याङ्बो, निर्मला लिम्बू, संघिय सांमसद उमाकान्त गौतम, प्रदेश सांसद सोभा पालुङवा, विद्या चाम्लिङ राई, पुर्व सभासद तथा सम्विधान सभा सदस्य नगेन्द्रबहादुर धिमाल, प्रदेश साम्शद नम्बरलाल धिमाल, उर्लाबारी नगरपालिकाका नगर प्रमुख गंगाप्रसाद खरेल, उपप्रमुख मीना खतिवडा पौडेल र विभिन्न संघ संस्ताका प्रतिनिधि, राजनैतिक दलका प्रतिनिधि, स्थानिय बुद्धीजिवि समाजसेवि लगायतको आतिथ्यता रहेको थियो । कार्यक्रममा स्वागत मनतव्य धिमाल जातीय विकास केन्द्रका केन्द्रीय सह अध्यक्ष केदार धिमालले गरेका थिए भने कार्यक्रम संचालन धिमाल जातीय विकास केन्द्रका केन्द्रीय महासचिव मात्रिका धिमालले गरे विविध सांस्कृतिक कार्यक्रमका साथ जात्री समापन भएको हो । धिमाल जातीय विकास केन्द्रका केन्द्रिय अध्यक्ष अम्मबर बहादुर धिमालको सभापतित्वमा कार्यक्रम समापन भएको थियो ।

16/06/2024

एसइईको नतिजा राष्ट्रिय परीक्षा बोर्डले असारको दोस्रो साताभित्र सार्वजनिक गर्ने तयारी गरेको छ । विद्यार्थीले हरेक विषयमा कम्तीमा ३५ प्रतिशत अंक ल्याउनुपर्नेछ । योभन्दा कम प्रतिशत अंक ल्याए अनुत्तीर्ण मानिनेछ । गत वर्षभन्दा फरक शैलीले परीक्षाफल प्रकाशन हुने भएकाले नतिजामा पनि फेरबदल आउने बोर्डले जनाएको छ ।

14/06/2024

न्यूनतम तलब सुविधासहित विभिन्न सातसूत्रीय माग राख्दै स्वास्थ्य बिमा दर्ता सहयोगीहरुले आन्दोलन थालेका छन् ।
स्वास्थ्य बिमा दर्ता सहयोगीहरुले बिहीबार कोशी प्रदेशको मुख्यमन्त्रीको कार्यालयको गेटमा धर्ना दिएका छन् ।
न्यूनतम पारिश्रमिक तोक्न, १० प्रतिशत प्रोत्साहन रकम कायम गर्न, दर्ता सहयोगी पद हटाइ उचित पदको नामकरण गर्नुपर्ने, पोसाकको व्यवस्था गर्नुपर्ने, बिमा गरेबापत दिइने कमिसन कटाएको, कमिसनमा लाग्दै आएको १ प्रतिशत करलाई वृद्धि गरेर १५ प्रतिशत लिन थालिएको उनीहरुको गुनासो छ ।
२०७९ सालदेखिको कमिसनमा उल्टै जरिवाना गरेर बेरुजु देखाएको, महालेखाका कारण स्वास्थ्य बिमा दर्ता सहयोगीहरुमा निराशा पैदा भएको भन्दै आन्दोलन गर्न बाध्य भएको स्वास्थ्य बिमा दर्ता सहयोगी कोशी प्रदेशकी संयोजक गंगा सुवेदीले बताईन ।
मुख्यमन्त्री कार्यालयको गेटमा धर्ना बसेपछि मुख्यमन्त्री हिक्मतकुमार कार्कीले आन्दोलनरत पक्षलाई बोलाएर प्रदेश सरकारले यसको माग सम्बोधन गर्न नसक्ने तर संघीय सरकारलाई माग सम्बोधन गर्न दबाब दिने आश्वासन दिनुभएको थियो । मुख्यमन्त्री कार्कीले आन्दोलनरत पक्षको मागलाई सम्बोधन गर्न संघीय सरकारलाई पहल गर्ने आश्वासन दिएपछि उनीहरु धर्नाबाट हटेका थिए । तर, उनीहरुले आन्दोलन निरन्तर रहने जनाएका छन् ।
स्वास्थ्य बिमा दर्ता सहयोगीहरुले स्वास्थ्य बिमा बोर्डको कार्यालय विराटनगरमा चाबी लगाएर विरोध प्रदर्शन गरेका थिए । मागहरु पूरा नभएसम्म आन्दोलन नरोकिने र आन्दोलनलाई अझ सशक्त बनाएर लैजाने सुवेदीले बताउनुभयो । स्वास्थ्य बिमा बोर्ड कोशी प्रदेशका संयोजक अर्जुन पण्डितले आन्दोलनरतहरुको मागको विषयमा केन्द्रसँग छलफल भइरहेको जानकारी दिए।

14/06/2024

मोरङको जहदा गाउँपालिका १ झैलाचोकमा करेन्ट लागेर सासूको मृत्यु भएको छ भने बुहारी घाइते भएकी छन्।
करेन्ट लागेर ४५ वर्षीया रेवतीदेवी सरवरियाको मृत्यु भएको मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले जानकारी दिए ।उनका अनुसार गम्भीर घाइते भएकी उनको उपचारका क्रममा विराटनगरको मकालु अस्पतालमा बिहीबार दिउँसो २ बजेतिर मृत्यु भएको हो।
करेन्ट लागेर रेवतीदेवीकी बुहारी २५ वर्षीया चन्द्रिका सरवरिया घाइते भएकी छन्। उनको विराटनगरस्थित कोशी अस्पतालमा उपचार भइरहेको छ।मोटर चलाएर कपडा धुने क्रममा दिउँसो विद्युत् सर्ट भई करेन्ट लागेको प्रहरीको प्रारम्भिक अनुसन्धानबाट खुलेको छ। घटनाबारे थप अनुसन्धान भइरहेको प्रहरीको भनाइ छ ।

13/06/2024

मोरङको मिक्लाजुङका युवा महेन्द्र थेगिम लिम्बू नेपाल आदिवासी जनजाति महासंघ मिक्लाजुङ गाउँपालिकाको अध्यक्षमा सर्बसम्मत चयन हुनुभएको छ ।
सामाजिक कार्यमा सक्रिय थेगिम अध्यक्षमा सर्वसम्मत चयन हुनुभएको हो । उहाँले नेपाल आदिवासी जनजाति समुदायको संस्कार, संस्कृतिको उत्थानमा विशेष जोड दिने बताउनुभएको छ । मिक्लाजुङ गाउँपालिकासँग सहकार्य गरेर आदिवासी जनजाति समुदायको हितमा विशेष कार्यक्रम सञ्चालन गर्ने उहाँले जानकारी दिनुभयो ।

12/06/2024

मोरङको जहदा गाउँपालिकामा मोटरसाइकलले साइकललाई ठक्कर दिँदा चार जना घाइते भएका छन् ।
मंगलबार राति १० बजेतिर जहदा(४ रामचोकमा जहदामा तीन जना सवार मोटरसाइकलले साइकललाई ठक्कर दिएको थियो ।
रामचोक पोखरिया सडकखण्डमा रामचोकबाट पोखरियातर्फ जाँदै गरेको साइकललाई विपरीत दिशाबाट आँउदै गरेको को ७ प १५०१ नम्बरको मोटरसाइकलले ठक्कर दिएको हो ।
जसमा साइकल यात्री रंगेली नगरपालिका ७ बस्ने अन्दाजी ६० वर्षका रामप्रसाद मण्डल, मोटरसाइकल चालक विराटनगर महानगरपालिका २ बस्ने अन्दाजी २५ वर्षका महाकान्त कामत घाइते भएका छन् ।
यस्तै, मोटरसाइकलमा पछाडि सवार भारतको उत्तर प्रदेश बस्ने २६ वर्षीय सुरेन्द्र राजपुत र पछाडि सवार सोही स्थानका अन्दाजी २६ वर्षका रोहित माहल घाइते भएका हुन् ।उनीहरूलाई उपचारको लागि कोशी अस्पताल, विराटनगर ल्याइएको प्रहरीले जनाएको छ ।मोटरसाइकलमा तीन जना चढेर तीव्र गतिमा कुदाउँदा दुर्घटना भएको प्रहरीको प्रारम्भिक अनुसन्धानले औंल्याएको छ ।

12/06/2024

मोरङ पथरीशनिश्चरे—१ नंं. वडा कार्यालयले तीन जना छात्रालाई आज साइकल वितरण गरेको छ ।
छोरीबुहारी शिक्षा कार्यक्रम अन्तरर्गत सुनाखरी मावि कक्षा १० मा अध्ययनरत सुमित्रा गुरुङ, ९ मा अध्ययनरत गंगा राई र ५ कक्षामा पढदै आएका झर्ना राईलाई साइकल वितरण गरिएको हो ।
सुनाखरी माविको सभाहलमा बुधबार साइकल वितरण कार्यक्रमको आयोजना गरि छात्राहरुलाई प्रदान गरिएको हो ।
वडा अध्यक्ष भीमकुमार राईको प्रमुख आतिथ्यतामा भएको कार्यक्रममा नगर कार्यपालिका सदस्य वीरध्वज शिवा, शिक्षक अभिावक संघका अध्यक्ष उपेन्द्र मादेन लिम्बू, वडा सदस्यहरु बसन्ति गुरुङ, आरती बिक लगायतको उपस्थिति रहेको थियो ।
विद्यालय व्यवस्थापन समितिको अध्यक्ष प्रदिपकुमार राईको सभापतित्वमा भएको कार्यक्रममा प्रधानाध्यापक नरेन्द्र घिसिङले स्वागत गर्नुभएको थियो । कार्यक्रममा शिक्षिका भूमिका मगरले सञ्चालन गर्नुभएको थियो ।

12/06/2024

धिमाल युवा प्रतिभा पुरस्कार २०८१ बाट नृत्यङ्गना सरस्वती धिमाललाई सम्मान गरिने
उर्लाबारी
धिमाल जातिय विकास केन्द्र, केन्द्रिय समितिले यस वर्ष “धिमाल युवा प्रतिभा पुरस्कार २०८१” बाट नृत्यङ्गना सरस्वती धिमाललाई सम्मान गर्ने भएको छ ।
धिमाल जातिय विकास केन्द्र, केन्द्रीय समितिका सचिवालय सदस्य मोहनकुमार धिमालको संयोजकत्वमा रहेको पुरस्कार छनौट समितिको बैठकले बेलबारी १०, माटिगाउँ, मोरङकी सरस्वति धिमाललाई सम्मान गर्ने निर्णय गरेको हो । गिनिज बुक अफ वर्ड रेकर्डमा सबैभन्दा उच्च स्थान ५,२७८ मिटर उचाईमा कोरियोग्राफि गरेर नाम लेखाउन सफल सरस्वति धिमाल एक सफल नृत्यङ्गना हुन । डान्सिङ स्टार नेपाल, स्कुल डान्सिङ च्याम्स, शिखर डान्स आईकनको उपाधि विजेता उनले विभिन्न गितमा कोरियोग्राफरको रुपमा काम समेत गरीसकेकी छिन ।
धिमाल जातिय विकास केन्द्र, केन्द्रीय समितिका सचिवालय सदस्य मोहनकुमार धिमालको संयोजकत्वमा रहेको पुरस्कार छनौट समिति नारायण राजदोङ्गे, शंकर धिमाल, पुष्पा धिमाल, पितबहादुर धिमाल रहेका थिए ।
धिमाल जातीय विकास केन्द्रले युवा प्रतिभाहरुलाई प्रोत्साहन गर्ने उदेश्यले हरेक बर्ष धिमाल युवा प्रतिभा पुरस्कारले सम्मान गरिरहेको महासचिव मातृका धिमालले जानकारी दिए । यसअघि बडिबिल्डर विकास धिमाल, फुटबलर रजिन धिमाल, गायिका मेचु धिमाल, बडिबिल्डर ललित धिमाल, तेक्वान्दो खेलाडी दिपेन धिमाल, गायक राजेश धिमाललाई धिमाल युवा प्रतिभा पुरस्कारले सम्मान गरिएको छ । पुरस्कृत व्यक्तित्वलाई नगद ५ हजार रुपैयाँ, प्रमाण पत्र र आल्गी धावा ओडाएर सम्मान गरिने छ ।

Address

Urlabari
Amardaha
56604

Telephone

+97721540745

Website

http://www.urlabaripage.com/

Alerts

Be the first to know and let us send you an email when Urlabaripage.com posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Urlabaripage.com:

Videos

साविक वडा स्तरीय खुल्ला भलिबल प्रतियोगिता २०८० अरुण गाउँपालिका भोजपुर Final game Boya Vs Charambi

*** 25% Discount Offer *** कफि विशेषज्ञ तथा नेपालकै पहिलो बारिस्ता तथा १६ हजार भन्दा बढि विद्यार्थीहरुलाई प्रशिक्षण दिएर ख्याती प्राप्त कफि प्रशिक्षकद्धारा आफ्नै जन्म स्थान उर्लाबारी र इटहरीमा नयाँ बारिस्ता प्रशिक्षण केन्द्र संचालनमा आएको छ । यहाँ तालिम दिएको विद्यार्थीहरुलाई मुख्य कार्यालय काठमाण्डौमा १० दिन निःशुल्क तालिम पनि दिइने छ । सम्पर्कः उर्लाबारी–५, मधुमल्ला रोड (शाक्य फार्मेसीको अगाडि) ९८४९३६१७११, ९८१८२७२३५२, ९७४१६६२०४१

25% Discount on New Year Offer कफि विशेषज्ञ तथा नेपालकै पहिलो बारिस्ता तथा १६ हजार भन्दा बढि विद्यार्थीहरुलाई प्रशिक्षण दिएर ख्याती प्राप्त कफि प्रशिक्षकद्धारा आफ्नै जन्म स्थान उर्लाबारी र इटहरीमा नयाँ बारिस्ता प्रशिक्षण केन्द्र संचालनमा आएको छ । यहाँ तालिम दिएको विद्यार्थीहरुलाई मुख्य कार्यालय काठमाण्डौमा १० दिन निःशुल्क तालिम पनि दिइने छ । सम्पर्कः उर्लाबारी–५, मधुमल्ला रोड (शाक्य फार्मेसीको अगाडि) ९८४९३६१७११, ९८१८२७२३५२, ९७४१६६२०४१

दशै अफर नेपालकै प्रख्यात Barista (कफि मेकर) Training Center उर्लाबारीमा दशैंको अवसरमा 10% Discount Offer रहेकोले ईच्छुक विद्यार्थीहरुलाई चाँडै बुकिङ गर्नुहोला । Contact: 9849361711, 9818272352, 9741662041 (Ktm)

नेपाल कै पहिला कफी प्रशिक्षक, पहिलो बारिस्ता, कफि मास्टर, कफि विशेषज्ञ, नेपालको Top 3 स्कुल, काठमाण्डौको शाखा हाम्रो सुन्दर नगरी उर्लाबारीमा खुलेको छ । यहाँका विद्यार्थीलाई काठमाण्डौमा पनि ७,१० दिनको निःशुल्क प्रशिक्षण दिइने छ । सम्पर्कः उर्लाबारी–५, मधुमल्ला रोड ९शाक्य फार्मेसी अगाडि 9849361711, 9818272352, 9741662041 (Ktm)

बारिस्ताको नयाँ कक्षाको लागि भर्ना खुल्ला नेपालकै पहिलो Barista (कफि मेकर) तथा २३ वर्षको अनुभव प्राप्त प्रशिक्षकद्धारा तालिम दिई Espresso Organic Coffee House को उर्लाबारी शाखामा पनि Barista Training का लागि भर्ना खुल्यो । नोटः १. राष्ट्रिय तथा अन्तर्राष्ट्रिय ख्यातिप्राप्त प्रशिक्षक टिमद्धारा ७ हजार भन्दा बढि जनशक्ति उत्पादन गरिसकेको हुनाले गुणस्तरका लागि ढुक्क हुनुहोसु । २. यहाँबाट कोर्ष पुरा गरिसकेपछि पुनः रिभिजनका लागि प्रधान कार्यालय काठमाण्डौमा पनि निःशुल्क १ हप्ते तालिम उपलव्ध छ । सम्पर्कः उर्लाबारी–५, मधुमल्ला रोड (शाक्य फार्मेसी अगाडि) 9849361711, 9818272352, 9741662041 (Ktm)