Mithila Pati

14/04/2024

भारतीय दूतावास अन्तर्गत स्वामी विवेकानन्द सांस्कृतिक केन्द्रको आयोजनामा द्वितीय जनकपुरधाम सान्स्कृतिक महोत्सवमा जानकीजीको जीवन र उनको लीला माथी प्रकाश पार्दै नीति आयोगका पुर्व उपाध्यक्ष हरिवंश झा

11/04/2024

ईद-उल-फित्र, २०८० को शुभकामना : मधेश प्रदेश , प्रदेश प्रमुख सुमित्रा सुवेदी भण्डारी द्वारा जारी शुभकामना संदेश ।

10/04/2024

माननीय उपप्रधानमन्त्री एवम् गृह मन्त्री रवि लामिछानेज्यूको प्रमुख आतिथ्यमा धनुषा, जनकपुरधाममा प्रदेशस्तरीय सुरक्षा गोष्ठी २०८० शुरू भएको छ ।

नेपाल सरकार, गृह मन्त्रालय र मधेश प्रदेशको गृह, सञ्चार तथा कानून मन्त्रालयको संयुक्त आयोजनामा सञ्चालित उक्त गोष्ठीमा मधेश प्रदेशका माननीय मुख्यमन्त्री, गृह, सञ्चार तथा कानून मन्त्रालयका माननीय मन्त्रीज्यू, श्रीमान् गृह सचिव एकनारायण अर्यालज्यू, नेपाल प्रहरी, सशस्त्र प्रहरी बल, नेपाल र राष्ट्रिय अनुसन्धान विभागका प्रमुखहरूका साथै मधेश प्रदेशका सुरक्षा निकाय प्रमुखहरुको समुपस्थिति रहेको छ ।

10/04/2024

नगर प्रमुख थापा विरुद्ध भ्रस्टाचार मुद्दा :
सर्लाहीको बागमती नगरपालिकाका प्रमुख भरत कुमार थापाविरुद्ध भ्रष्टाचार मुद्दा दायर भएको छ । अख्तियार दुरुपयोग अनुसन्धान आयोगले थापाविरुद्ध बुधबार विशेष अदालतमा मुद्दा दायर गरेको हो ।
उनले नगरप्रमुखको रूपमा २०७४ साल असोज ७ देखि २०७९ माघ २९ सम्म नगरप्रमुख रहँदाको अवधिमा सार्वजनिक पदको दुरुपयोग गरी ५ करोड ३३ लाख ५३ हजार सय ८९ रुपैयाँ बराबरको गैरकानुनी सम्पत्ति आर्जन गरेको अख्तियारको ठहर छ । त्यहीअनुसार बिगो कायम गरी अख्तियारले भ्रष्टाचार मुद्दा दायर गरेको हो । अनुसन्धानको जाँच अवधिमा थापाको सम्पूर्ण खर्च तथा लगानीमा १३ करोड २० लाख तीन हजार तीन सय ९१ रुपैयाँ ८४ पैसा खर्च तथा लगानी भएको देखिन्छ । त्यसमध्ये पाँच करोड ३३ लाख ५३ हजार एक सय ८९ रुपैयाँ ६६ पैसाको स्रोत नखुलेको आयोगले जनाएको छ ।

10/04/2024

प्रदेश स्तरीय सुरक्षा गोष्ठी जनकपुरधाममा सुरु , गृहमन्त्री रवि लामिछानेले गरे उद्घाटन । प्रदेशका मुख्यमंत्री लगायत सुरक्षा निकायका प्रमुख सहित आठ जिल्लाका प्रमुखजिल्ला अधिकारी सँगै प्रहरी प्रमुखहरु समेत सहभागी ।

09/04/2024

अहिले त ट्रेलर मात्र हो यो : रविन्द्र मिश्र , नेता राप्रपा ।
राष्ट्रिय प्रजातान्त्र पार्टीले मंगलबार काठमाडौंको भद्रकालीमा गरेको विरोध प्रदर्शनको एक तस्वीर ।

09/04/2024

राष्ट्रियसभा उपाध्यक्षमा नेकपा एमालेको तर्फबाट विमला घिमिरे र कांग्रेसबाट विष्णुदेवी पुडासैनीले उम्मेदवारी दर्ता गराएका छन्।
संसद भवन बानेश्वरमा पुगेर घिमिरे र पुडासैनीले उम्मेदवारी दर्ता गराएकी हुन्। घिमिरेलाई सत्ता गठबन्धनको पनि समर्थन छ। निर्वाचन भने बुधबार हुनेछ।

09/04/2024

मालपोत कार्यालय सार्न लागेको भन्दै स्थानीयहरुले विरोध:

जनकपुरधाम- धनुषाको पाँच वटा स्थानीय तहलाई सेवा दिने गरी मिथिला नगरपालिकास्थित ढल्केवरमा मालपोत कार्यालय सार्न लागेको भन्दै स्थानीयहरुले विरोध प्रदर्शन गरेका छन् ।

जनकपुरधाममा सोमबार जनकपुरधामको विकासमा अवरोध खडा गर्न खोजेको भन्दै मालपोत कार्यालय सार्ने निर्णय गरिएको भन्दै मालपोतविरुद्धको संघर्ष समिति गठन गरेर स्थानीय प्रदर्शन गरेका छन् । गोप्य रुपमा मालपोत कार्यालय सार्ने विषयमा आफूहरुलाई जानकारी भए लगत्तै प्रमुख जिल्ला अधिकारीलाई ज्ञापनपत्र बुझाए पनि वास्ता नगरेकाले संघर्षमा उत्रिनु परेको संघर्ष समितिका संयोजक रमण सिंहले बताए ।

सो प्रदर्शनमा उत्रिएका स्थानीय मालपोत कार्यालय धनुषाको काम एक घण्टा अवरुद्ध गर्नुका साथै एक घण्टा चक्का जामसमेत गरेका थिए । ०७२ साल असोज १४ गते मन्त्रीपरिषद्को निर्णयअनुसार धनुषाको ५ पालिकालाई सेवा प्रदान गर्नका लागि सार्न लागिएको हो । सो कार्यालयबाट धनुषाको धनुषाधाम नगरपालिका, क्षीरेश्वरनाथ नगरपालिका, गणेशमान चारनाथ नगरपालिका, सबैला नगरपालिका र बटेश्वर गाउँपालिकालाई सेवा प्रदान गरिने छ ।यद्यपि संघर्ष समितिले प्रत्येक पालिकामा मालपोतको सेवा प्रदान गर्ने गरी कार्यालय खोलिए मात्रै कार्यालय सार्ने निर्णय आफूहरुलाई मान्य हुने जनाएको छ ।

08/04/2024

आगामी जुनमा वेस्ट इन्डिज र अमेरिकामा हुने आइसिसी टी-२० विश्वकप २०२४ मा नेपाली क्रिकेट टिमले लगाउने जर्सी सार्वजनिक गरिएको छ। नेपाल क्रिकेट संघ (क्यान) ले आज नेपाली टिमले लगाउने जर्सी सार्वजनिक गरेको हो।

08/04/2024

"गणतन्त्र र नागरिक स्थान तथा मानवअधिकार रक्षकहरुको सुरक्षा:सरकारको दायित्व" विषयक प्रदेश स्तरीय कार्यशाला गोष्ठीमा मानव अधिकारकर्मीहरुले सुनाए आ-आफ्नो अनुभव एवम् पीडा।

08/04/2024

कागबेनीमा भक्तजनको घुइँचो ...
मुस्ताङको वारागुङ मुक्तिक्षेत्र गाउँपालिका–४ कागबेनीमा सोमबार बिहान पूजाअर्चनाका लागि आएका भक्तजनहरुको घुइँचो । चैते दशै अघिको औँसी तिथि पारेर दिवंगत आफन्तहरुको नाममा पिण्डदान गर्न आइतबार मात्र नेपाल र भारतका ११ हजार जना भन्दा बढी भक्तजन यो क्षेत्रमा भित्रिएका छन् ।
तस्वीर : सन्तोष गौतम / रासस

07/04/2024

श्रीलङ्कन नागरिकहरूलाई युरोपियन मुलुक पठाउने भनी नेपाल ल्याई बन्धक बनाई राख्ने कार्यमा सम्लग्न ४ जना पाकिस्तानी नागरिकहरू पक्राउ

#नेपालप्रहरी

06/04/2024

जनकपुरधामको रजौल स्थित श्री राम जानकी बहुद्देश्य अन्तराष्ट्रिय रंगशालामा भएको फाइनल खेलमा धनुषालाई ८ रनले हराउदै बारा दोस्रो मेयर कप जित्न सफल भएको छ।यता दोस्रो मेयर कपको पमुख अतिथिका रुपमा रहेका नेपाल सरकारका संघिय युवा तथा खेलकुद मन्त्री विराज भक्त श्रेष्ठले जनकपुरधाम सहित देशको विभिन्न शहरमा आधुनिक स्टेडियम बन्न सके अन्तराष्ट्रिय स्तरको क्रिकेट खेलहरु नेपालमै हुने प्रतिवद्वता आईसीसीले गरेको बताएका छन् ।खेल ऐन परिमार्जन गर्न लागेको जानकारी गराउदै मन्त्री श्रेष्ठले त्यसमा के कस्तो सुझाव छ लिखित रुपमा ल्याउन क्यानलाई आग्रह समेत गरेका छन् ।

06/04/2024

काठमाण्डू - प्रदर्शनकारीले ढुंगामुढा गरेपछि प्रहरीले गर्‍यो लाठी चार्ज, गाडी चढेर भागे राजेन्द्र महतो !

05/04/2024

जनकपुरधाममा जारी दोस्रो मेयर कप टी–२० क्रिकेट प्रतियोगिताको फाइनलमा साविककै विजेता र उपविजेता टिमबीच प्रतिस्पर्धा हुने भएको छ । शुक्रबार भएको दुई सेमिफाइनल खेलमा घरेलु टिम धनुषा र बारा विजयी भई फाइनलको यात्रा तय गरेको हो ।
शनिबार रामजानकी अन्तराष्ट्रिय बहुउद्देश्य रंगशालामा उपाधिको लागि धनुषा र बाराबीच ९ बजेदेखि प्रतिस्पर्धा हुने आयोजक संस्थाले जनाएको छ ।

05/04/2024

जनकपुरधाममा व्हिल चेयर म्याराथन प्रतियोगिता आयोजना हुने भएको छ । न्यु भिजन नेपाल र स्पाइनल इन्जरी संघ मधेस प्रदेशको संयुक्त आयोजनामा चैत २४ शनिबार व्हिल चेयर म्याराथन हुन लागेको जानकारी आयोजकले पत्रकार सम्मेलनमा मार्फत जानकारी दिएका छन ।

व्हिल चेयर म्याराथन जनकपुरधाम स्थित माछा पालन फार्मको कम्पाउन्डमा शनिबार १ बजे आयोजना हुनेछ र उक्त व्हिल चेयर म्याराथन १ किलोमिटरको हुने न्यु भिजन नेपालका अध्यक्ष अम्भु प्रसाद साहले बताए।

व्हिल चेयर म्याराथनमा मधेस प्रदेशमा बसोबास गरि रहेका व्हिल चेयर प्रयोगकर्ताहरुलाई सहभागी गराइने स्पाइनल इन्जरी संघ मधेस प्रदेशको सल्लाहकार सुशील कुमार साहले बताए। व्हिल चेयर प्रयोगकर्ताहरुलाई हौसला मिलोस उनीहरु पनि जीवन केही गर्न सक्छ्न भन्ने प्रेरणा मिलोस र सकारात्मक सोचको विकाश होस भन्ने उद्देश्यका साथ म्याराथन आयोजना हुन लागेको वहाँले बताए ।

उक्त म्याराथनका प्रथम,द्वितीय र तृतीय हुनेलाई मेडल,प्रमाणपत्र र पुरस्कारको पनि व्यवस्था रहेको न्यु भिजन नेपालका वरिष्ठ उपाध्यक्ष रन्जित पजियारले जानकारी दिएका छन । व्हिल चेयर म्याराथनमा व्हिल चेयर प्रयोगकर्ता जो सुकैले पनि भाग लिन सकिने आयोजकले प्रष्ट पारेका छ्न।

05/04/2024

"गणतन्त्र र नागरिक स्थान तथा मानवअधिकार रक्षकहरुको सुरक्षा:सरकारको दायित्व" विषयक प्रदेश स्तरीय कार्यशाला गोष्ठीमा नागरिक समाज तथा महिला मानव अधिकार रक्षकहरुको अवस्था एवम् सुरक्षाका विषयमा महिला मानव अधिकार रक्षक राष्ट्रिय सञ्जालकी अध्यक्ष श्याम साहले के भन्नुभयो त?(हेर्नुस भिडियो )

05/04/2024

News Break!
इटहरी– सुनसरीको हरिनगरा गाउँपालिकामा दुई समूहबीच भएको झडपमा प्रहरीले गोली चलाउँदा दुई जना घाईते भएका छन्। उनीहरुको विराटनगरस्थित नोबेल मेडिकल कलेजमा उपचार भइरहेको छ।

05/04/2024

धनुषा निर्माण व्यवसायी संघको निर्वाचनमा त्रिपक्षीय भिडन्त ।
रमेश , अशोक र जगदीश विच कड़ा टक्कर ।

05/04/2024

04/04/2024

पत्रकार महासंघको सदस्यता टुंगो नलगाई साधारणसभा, अधिवेशन सहितका कुनै पनि प्रक्रिया अगाडी नबढाउन नेपाल प्रेस युनियन धनुषाले नेपाल पत्रकार महासंघ धनुषा शाखालाई ध्यानाकर्षण गराएको छ।

04/04/2024

पूर्वमन्त्री शाही र दुई पूर्वसचिवसहित ३२ विरुद्ध भ्रष्टाचार मुद्दा दायर

* १ अर्ब ४७ करोड ८५ लाख ५ हजार ४ सय ८२ रुपैयाँ नोक्सानी गरेको अभियोग !

- नेपाल वायुसेवा निगमको वाइडबडी दुई जहाज खरिद गर्दा भ्रष्टाचार गरेको अभियोगमा अख्तियार दुरुपयोग अनुसन्धान आयोगले पूर्वपर्यटनमन्त्री जीवनबहादुर शाही, पूर्वसचिवद्वय शिशिरकुमार ढुंगाना र शंकर अधिकारी, वायुसेवा निगमका तत्कालीन प्रमुख सुगतरत्न कंशाकारसहित ३२ विरुद्ध मुद्दा दायर गरेको छ ।

03/04/2024

ताईवानमा ७.५ को भुकम्प पछिको अवस्था ।

03/04/2024

कांग्रेस संसदीय दल मधेश प्रदेशका उपनेतासमेत रहेका सिंहले मुख्यमन्त्री सरोजकुमार यादवलाई मधेश प्रदेशमा नागरिकको स्वास्थ्य सुरक्षा सम्वर्द्धन जनचेतना अभिवृद्धि र सुधारसम्बन्धी बहुआयामिक काम तिव्रताका साथ गर्नुपर्ने लगायत १२ बुँदे ध्यानाकर्षणपत्र बुझाएका छन्।
उनले प्रदेश सरकारले आव २०८०/०८१ को नीति कार्यक्रम र बजेटमा स्वास्थ्य सेवा प्रवाह सहज पहुँच र उपभोग वृद्धिका लागि योजनाबद्ध ढंगबाट मानव विकास सूचांकको अवस्था बलियो बनाउन स्वास्थ्य क्षेत्रमा रहेको विधमान वेथिति, विसंगति र विकृतिहरुलाई निर्मुल पारेर सर्वसाधारणको सहज पहुँच हुने गरी आधारभूत स्वास्थ्य सेवा र विशेषज्ञय स्वास्थ्य सेवाका लागि स्वास्थ्य संस्थाको विस्तार, स्तरोन्ति र गुणस्तर वृद्धि तथा प्रदेश भरमै पूर्ण सुरक्षित मातृत्व, पूर्ण खोप, कुपोषण मुक्त, गरिबीका कारण स्वास्थ्य उपचार गराउन नसक्ने गरिव जनताको निशुल्क उपचार, प्राथमिक स्वास्थ्य केन्द्रहरुको स्तरवृद्धि गर्न प्रदेश सरकारबाट जनशक्ति प्रदान, प्रादेशिक अस्पताको क्षमता अभिवृद्धि गर्न आवश्यक उपकरण, विशेषज्ञय चिकित्सक र स्वास्थ्यकर्मीको भर्ना, वित्तिय व्यवस्थापन सुधार योजना अघि सारेको स्मरण गराएका छन्।

साथै उनले प्रादेशिक अस्पतालहरु सिरहालाई १५० शैया, लहानलाई १०० शैया, जलेश्वरलाई १०० शैया, मलंगवालाई १०० शैया, गौरलाई १०० शैया र कलैयालाई १०० शैयामा स्तरोन्तति गर्न आफूले प्रक्रिया अगाडि बढाएको स्मरण गराएका छन्।

सिंह स्वास्थ्यमन्त्री छँदा भारदह, डुमरिया, बरहथवा, आमा तथा बाल अस्पताल धनकौल, पोखरिया गरी पाँच वटा अस्पताललाई नयाँ ५० शैयाको अस्पताल संचालन गर्न तथा मधेश स्वास्थ्य विज्ञान प्रतिष्ठान जनकपुरलाई विशिष्ट श्रेणीको अस्पताल बनाउन तथा छुट्टै क्यान्सर अस्पताल निर्माणका लागि प्रक्रिया तीव्र गतीमा अगाडि बढाइएको थियो ।

स्वास्थ्य बिमा, कुष्ठ रोग उन्मुलनका लागि पिईपी र अनुसन्धान कार्य प्रभावकारी सञ्चालन, जेनरल बेड फ्री, १३६ वटै पालिकामा जनस्वास्थ्य प्रयोगशाला व्यवस्थित संचालन र ज्येष्ठ नागरिक, अतिविपन्न नागरिकलाई प्रयोगशालाबाट स्वास्थ्य परिक्षणमा ९० प्रतिशत शुल्क छुट, प्रत्येक जिल्लाका प्रादेशिक अस्पतालमा ब्लड बैंक र डाइलासिस सेवा सञ्चालन थालिएको थियो।

तर, अचानक राजनितिक उथलपुथल भएर सरकार पुनःगठन भएपछि सरकारले लिएको गति अवरोध भएको र निति कार्यक्रम र बजेटको कार्यक्रमनै असफल हुनेगरी मन्त्रालय र मातहतका कार्यालयमा समयमा मन्त्री, कर्मचारी नबस्नु र मन्त्रालय र कार्यालय सुनसान देखिन थालेको उनले स्मरण गराएका छन्।

सिंहले प्रदेश सरकारको नीति तथा कार्यक्रम र बजेटबाट तीव्र गतिमा अगाडि बढेका काम सुचारु गर्न बुँदागत रुपमा ध्यानाकर्षण गराएका छन्

03/04/2024

चैत्र २१ गतेको रामनवमी विदा २०८१ वैशाखमा पर्न गएकाले मधेश प्रदेशमा आज दिइने गरिएको विदा सार्वजनिक विदाको सूचनाबाट हटाइएको छ।

03/04/2024

#विज्ञापन

02/04/2024

जनकपुरधाममा जारी दोस्रो मेयर कप टी–२० क्रिकेट प्रतियोगितामा बारा र पर्सा विजयी भएको छ । मंगलबार रामजानकी अन्तराष्ट्रिय बहुउद्देश्य रंगशालामा भएको खेलमा दुबै टिम विजयी भएको हो ।

02/04/2024

जनकपुरधाम स्थित माता राजदेवी मन्दिर मा हुने चैती दशैं कार्यक्रमको सम्पुर्ण जिम्मेवारीको संयोजकमा कार्यकारी सदस्य दिपक गुप्तालाई चयन गरिएको छ।

श्री महाविर युवा कमिटिको चैत १९ गते बसेको बोर्ड बैठकले चैत २७ गते देखि बैशाख ९ गते सम्म हुने चैती दशैं कार्यक्रमको संयोजकमा श्री महाविर युवा कमिटिको कार्यकारी सदस्य दिपक गुप्ता सर्वसहमतिले चयन गरिएको हुन ।

प्रत्येक बर्ष राजदेवी मन्दिरमा चैती दशै धुमधामका साथ मनाउने गरिन्छ।

02/04/2024

जन्मदर्ता लेबाक अत्तेक सहज बाटसभ होएतो अशिक्षा,गरिबी आ बेरोजगारी सँ लडिरहल सुकुम्बासी,भूमीहिन आ दलित वस्तीके लेल जन्मदर्ता,नागरिकता लगायत मौलिक हकके लेल आगा के आएत त?

31/03/2024

गुजरात ८ विकेटले पराजित :
त्रिकोणात्मक टी-२० सिरिज (फ्रेन्डसिप कप) अन्तर्गत आइतबार जारी खेलमा नेपालले गुजरातलाई ८ विकेटले पराजित गरेको छ। नेपालले ९९ रनको लक्ष्य १५.२ ओभरमा पूरा गरेको हो।
नेपालका लागि ब्याट्सम्यान अनिल शाहले सर्वाधिक ३२ रन बनाए। यस्तै कप्तान रोहित पौडेलले २६ बल खेल्दै ३१ रन जोडे। कुशल भुर्तेलले १५ बलमा १७ रन बनाए। यस्तै आशिफ शेखले १५ बल खेल्दै १६ रनको योगदान दिए।