11/12/2025
जनकपुर उपमहानगरपालिका -१३ को मणिमण्डप अहिले सेल्फी स्पट बने पनि अव्यवस्थाले चेप्टिएको छ। त्रेतायुगको पवित्र विवाहस्थलमा सरकारकै १८ करोड ५३ लाख २१ हजार ७८० रुपैयाँ १४ पैसा खर्चेर निर्माण भएको सीतापुष्पवाटिका आज फोहरमैला र बेवास्ताको प्रतीक जस्तो देखिनु कति लज्जास्पद!डस्टबिन छ तर फोहर डस्टबिनबाहिर। पर्यटकीय गन्तव्य बनाउने कुरा ठूलो, तर सरसफाइ गर्ने जिम्मेवार निकाय कहाँ हरायो? कसैलाई सरोकार छैन? किन मौन छ सम्बन्धित कार्यालय?स्थानीय युवाहरू किन बोल्दैनन्? आफ्नै थातथलो सिधिँदै जाँदा पनि किन बेफिक्री?करोडौंको लगानी भएको ठाउँ फोहोरले छोपिएको छ-यो कसको लापरवाही? जनकपुरको गौरव बन्नुपर्ने स्थल आज उपेक्षाको चित्र बन्दै गएको छ। अब त जाग्ने कि अझै कुर्दै बस्ने?
भिडियो : धर्वेन्द्र कुमार यादव"यदुवन्शी",महोत्तरी न्युज,महोत्तरी
