07/06/2022
केही दिन यता अछामका संचारकर्मी र पत्रकारहरुलाई लक्षित गरी सामाजिक सञ्जाल फेसबुक र युटुबमा आएका नकरात्मक टिकाटिप्पणी र आरोपप्रति नेपाल पत्रकार महासंघ जिल्ला शाखा अछामको गम्भीर ध्यानाकर्षण भएको छ । सामाजिक सञ्जालको दुरुपयोग गरी पत्रकार एवंम संचारकर्मीलाई तथानाम गाली गर्ने, बिभिन्न किसिमका आरोप र लालक्षना लगाउने कार्य खेदजनक छ । संचारमाध्ययममा आएका कुनै वियषमा चित्त नबुझे न्याय खोज्नेहरुका लागि कानुनी बाटो हुदाँहुदैँ यसरी सामाजिक सञ्जालको दुरुपयोग गरी मानहानी हुने खालका तथ्यहिन, भाम्रक र झुट्टा आरोपको महासंघ खण्डन गर्दै घोर र्भत्सना गर्दछ। पत्रकारहरू सधैँ विधिको शासन, न्याय, सुशासनका पक्षमा उभिने कुरामा नेपाल पत्रकार महासंघ अछाम दृढ छ । पत्रकारहरु माथि संकाको दृष्टीले यस्ता खालका गैरजिम्मेवार अभिव्यक्ती नदिन सम्बन्धित सबै पक्षलाई महासंघ अछाम आग्रह गर्दछ । पत्रकारको खोल ओडेर युटुब र फेसबुकको दुरुपयोग गरी भाम्रक सामाग्री सार्वजनिक नर्गन समेत महासंघ अछाम अपिल गर्दछ । जुनसुकै बेला पनि पीडितका पक्षमा कलम चलाउन र आवाज बुलन्द गर्दै न्याय दिलाउने पक्षमा नागरिक संगठनको दायित्व निर्वाह गर्दै अछामी संचारजगत सधैँ एकढिक्का रहेर काम गरिरहेको हामी प्रष्ट पार्न चाहान्छौँ । अगामी दिनमा समेत यस्ता खालका गतिबिधी नरोकिए महासंघ अछाम यसको कानुनी उपचार खोज्न बाध्य हुनेछ। कुनै पनि घटनाको समाचार सम्प्रेषण गर्दा पत्रकार आचारसंहिताको पूर्ण पालना गर्न पनि महासंघ सबै संचारकर्मीहरुलाई सचेत गराउन चाहान्छ।