Azare Media

08/08/2022

Gwamnatin Shugaba Muhammadu Buhari na duba yiwuwar karin haraji a kan kiran waya a fadin kasar.

Minti daya na kiran waya zai kai kusan Naira 40. Ya wannan sabon shirin na karin haraji da ake gab da aiwatar da shi ya zo muku?

DW Hausa

07/08/2022

Tsohon Abokin Dan Kwallon Nijeriya, Ahmed Musa Tun Na Kuruciya Na Cigiyarsa

Tsohon abokin dan kwallon Nijeriya Ahmed Musa wanda s**a taso tun yarinta a Layin Giginya dake Unguwar Bukur a garin Jos yana cigiyar aminin nasa biyo ya rasa yadda zai yi su yi ido hudu.

Mutumin ya ce Ahmed Musa ya fi saninsa da Gwamna, wato sunan da ake kiransa da shi a lokacin, sannan kuma ya bayyana cewa bacci ne kawai yake raba su da Ahmed Musa a lokacin kuruciyar su, inda a wasu lokutan ma suna kwana ne a gidajen juna, wato wani lokaci ya kwana a gidan su Ahmed Musa, shi ma kuma Ahmed Musa ya kwana a gidansu.

Saidai rahotanni sun nuna cewa Gwamna yana cikin kuncin rayuwa wanda yake bukatar tallafi.

Ya ce ya fi wata biyar yana ta kokarin ganin yadda za a yi a hada shi da Aminin nasa, amma burinsa har yanzu bai cika ba, don haka ne ya ce bari ya biyo ta kafar sadarwa ko Allah zai sa Ahmed Musan ya gani ya neme shi.

A cikin wadannan hotunan za a iya ganin Ahmed Musa da Gwamna, inda aka sa musu alama akansu.

Don haka ne ma Gwamna ya ajiye lambarsa don kira kai tsaye idan Allah ya sa Ahmed Musan ya ci karo da labarin; 07069204905

04/08/2022

BBC Hausa ba ku kai shekaru 13 ba

Wani matashin ɗan Najeriya mai amfani da kafafen sada zumunta mai suna Ɗahiru Mukhtar
ya musanta ikirarin da BBC tayi a yau na cika shekara sha uku da buɗe shafin su na Facebook matashin yayi bayani dalla dalla akan shafin na BBC Hausa
To ga dai rubutun nasa a ƙasa

BBC Hausa ba ku kai shekara 13
da bude wannan shafin na ku ba sai nan da ranar 5 ga watan Janairun 2023 ne kuka cika shekaru 13 cif-cif. Saboda na duba "page transparency" na wannan shafi na ku, sai na ga kun bude shi ne a "January 5, 2010" Idan muka ce shekarar da muke ciki yanzu 2022 a debe 2010 shekarar da kuka bude shafin zai bada shekaru 12 kenan ba 13 ba.

- Sannan akwai mutane (47) dake kula maku da shafin BBC Hausa daga kasar Landan (United Kingdom 🇬🇧)

- Sai kuma mutane (29) dake kula maku da shafin BBC Hausa daga Nigeria 🇳🇬

- Akwai mutane (3) dake kula maku da shafin BBC Hausa daga kasar Kenya 🇰🇪

- Haka nan kuma akwai wasu mutum (1) daga kasar Cameroon 🇨🇲 , mutum (1) daga kasar India 🇮🇳, mutum (1) daga kasar Spain 🇪🇸 da kuma wani mutum (1) daga kasar America 🇺🇸

Duk wanda bai yarda da wannan bayanin nawa ba ya je ya duba "page transparency" na wannan shafi na BBC Hausa ya duba ta can kasa zai ga ranar da aka bude shafin da kuma mutanen da suke kula da shafin BBC Hausa daga wadancan kasashen dana lissafa. . - MD
Shin hakan yana nufin sun yi kuskure ne ko kuma dai kawai dai🤔

© Ɗahiru Mukhtar

03/08/2022

Ku kiyayi Wannan Asibiti mai suna General Hospital Azare wadda akafi sani da Asibitin Ali k'wara.

Ko miyasa nace haka ??
Y'ar uwata ta dauki danta cikin yanayi na rashin lpy mai tsanani takaiga yaron wuyansa yabar ikon gangar jikinsa saboda tsananin ciwon da yake damunsa ,Bayan taje wannan Asibiti taje Emergency domin abashi agajin gaggawa , hakan ta farune bayan sallar isha'i kadan ,anbawa yaronta gado to Amma babu wani wadda yazo domin ya duba yaron har garin Allah ya waye , hakan yasa mahaifiyar yaron taje Emergency ta sake report akan abunda ke faruwa Amma babu wani wadda ya shaurareta sai wani mutum guda daga cikin ma'aikatan yazo yace mata in zata biyashi zaizo ya dorawa yaronta ruwa hakan yasa ranta ya b'aci ta fara fad'a ganin haka yasa ya janye maganar karban kud'i yazo ya dorawa yaronta ruwan wadda hakanma bayan zuwan in charge na wurin ta gane bai samo jijiyar ba kawai ya lojana kalular ne ya tafi kayansa .

Bayan sun kwana 2 a Wannan Asibiti wani daga cikin ma'aikatan yazo ya rubuta musu allurai guda 2 yace a siyo yanzu yayi masa , bayan an siyo yayi masa allurar daganan yaron ya k'ara shiga wani hali fiyeda yadda yake ada. Dasafe saiga in charge ta wannan wuri tazo taga yadda yaron yake take tambaya aka nuna mata allurar da Wannan mutumi yayiwa yaron ganin haka tasa aka kirawoshi daga zuwansa ta fara masa fad'a ashe allurar masu ciwon k'oda yayiwa yaron da baya magana kuma a lokacin take tabbatar wa mahaifiyar yaron ashe shi mai shara ne (cleaner) .

To kunji yadda Wannan Asibiti yake kuma ga yadda suke aiki bisa ganganci da kuma wasa da rayuwar mutane.

Abdullahi Ibrahim tsafi

15/07/2022

Ɗan takarar shugaban kasa a karkashin jam'iyyar Labour party Peter Obi ya kai wa Babangida ziyarar girmamawa da neman tabarraki

Shin hakan zai sa ƴan Arewa su Zaɓe shi?

11/07/2022

Kimanin mutane dubu shida da ɗari uku da goma ne aka k**a a ƙasar Saudiyya suna ƙoƙarin yin aikin Hajji ba tare da iznin hukumomi ba

Shin kuna ganin ya dace a k**a su?

08/07/2022

A Najeriya, ga dukkan alamu yanayin tsaro na kara tabarbarewa a kasar inda a baya bayan nan aka kai hari kan ayarin shugaban kasa da gidan gyaran hali na Kuje da ke babban birnin kasar.

Sai dai masana na ganin rashin hukunta masu sakaci na kara dagula lamarin.

Tor me kuke ganin yake janyo daburcewar al’amuran tsaro a kasar?

Wasu daga cikin batutuwan da muke fatan tattaunawa ke nan a filinmu na Ra'ayi Riga na wannan makon.

© BBC Hausa

08/07/2022

Duk Wanda Yasan Ya Gudu Daga Gidan Yarin Kuje Ya Gaggauta Komawa Kafin Nan Zuwa Yamma.

-Muhammadu Buhari

07/07/2022

An k**a wasu matasa da ake zargi da satar turƙeƙen ragon Sallah
Rago

Jami’an ‘yan sandan jihar Ogun sun k**a wasumatasa biyubisa zargin satar ragon Sallar wani mutum Sadiq Abolore wanda kudinsa ya kai Naira 120,000.

Jami’in hulda da jama’a na rundunar ‘yan sandan jihar Mista Abimbola Oyeyemi ne ya bayyana k**a wadanda ake zargin.

Oyeyemi ya ce “An k**a wadanda ake zargin ne biyo bayan rahoton da Sadik Abolore ya kai hedikwatar ƴan sanda da ke Ogijo.

Ya ce yanzu haka za a ci gaba da gudanar da bincike kafin gurfanar da su a gaban kotu.

07/07/2022

Muhammad Sani Dattijo Yana Da Siffofin Da Ba Kowanne Matashi Bane Yake Da irinsu.

A lokacin da wasu ƴan siyasun ƙasar mu suke ƙyamar ta al’umma shi kuma a dai-dai wannan lokacin yake rike su hanu biyu-biyu domin inganta rayuwar su ta hanya madaidaiciya. Ayyukan sa a kullum bai wuce ganin rayuwa talaka ta inganta k**ar Kowa ba.

Ba karamin rabo Shiyar Kaduna ta tsakiya s**a yi ba na samun Hazikin Matashi, Jarumi, Ƙwararre a fannoni daban-daban yana da matuƙar wahala kasamu matashi mai sauƙin kai irinsa. Yana iya mu’amala da kowa baya raina mutum yana daraja kowa babba da yaro.

Ƙiran mu a kullum tare da rokon alfarmar mu. Bai wuce akan al’umma su bawa wannan Bawan Allah dama domin bada tasa gudummawar a yankin mu mai albarka ba. Muna masa kyakkyawan zato kasancewar sa mutumin kirki mai Dattaku da sanin Yak**ata.

02/03/2022

Zaben jin ra'ayin jama'a

Shin wanene zabin ku a cikin su?

23/02/2022

Kotu ta bada umarnin ƙwace kadarori 10 a Abuja da Kaduna da kuma wasu kuɗaɗe a Amurka ma su alaƙa da Yari

Wata Babbar Kotun Tarayya da ke Abuja ta bayar da umarnin kwace wasu kadarori 10 da kudade a bankuna na wucin-gadi, da a ke zargin na tsohon Gwamnan Jihar Zamfara, Abdulaziz Yari ne.

Jaridar The Nation ta rawaito cewa Mai shari’a Obiora Egwuatu ya bada wannan umarni ne a ranar Laraba ya yin da ya ke yanke hukunci kan karar da lauyan ICPC, Osuobeni Ekoi-Akponimisingha ya gabatar.

Egwuatu ya ce umurnin na wucin gadi da aka bayar zai dauki tsawon kwanaki 60 don baiwa hukumar ICPC damar kammala binciken ta, daga nan ne hukumar za ta iya neman a kwace kadarorin na dindindin.

Alkalin ya umurci ICPC da ta bayyana wannan umarni ga duk wani mutum ko masu sha’awar kadarorin na da kwanaki 14 don a nuna cewa kotu ta na da ikon ƙwace kadarorin na dindindin.

A cewa ICPC, wasu da ga cikin kadarorin na Maryland da ke Amurka, Abuja, Kaduna da sauran gurare.

Daily Nigerian Hausa

19/02/2022

Yau ƴan Najeriya suna cike da farin cikin dawowar shugaban kasa Muhammadu Buhari daga Turai bayan ziyarar aiki ta kwana huɗu da yayi

Shin da gaske ƴan ƙasa kuna cike da farin cikin?

14/02/2022

DA ƊUMI-ƊUMI: Abdulmalik Tanko ya musanta garkuwa da kuma kashe Hanifa

Abdulmalik Tanko, wanda a ke zargi da yin garkuwa da kuma kashe dalibarsa, Hanifa Abubakar, ƴar shekara 5, ya musanta garkuwa da kuma kashe ta.

A yau Litinin ne a ka sake kawo Tanko, da abokan aikata laifin da a ke zargi, Hashimu Isyaku da Fatima Jibrin a gaban Babbar Kotun Jihar Kano ƙarƙashin Alƙali Usman Na-Abba.

Bayan da a ka karanto musu tuhume -tuhumen da a ke yi musu, dukkan su sun musanta.

Da a ke tuhumar Tanko cewa ya yi garkuwa da kuma kashe Hanifa, sai ya ce "ban aikata ba."

Ƙarin bayani na nan tafe...

Daily Nigerian Hausa

13/02/2022

Da ɗumi-dumi:

Naziru Mai Waka ya yi alƙawarin bai wa Ladin Cima kyautar miliyan biyu domin ta k**a sana'a, sannan shi da ƴan uwansa za su ci gaba da ɗaukar ɗawainiyarta.

Nazirun ya kuma yi alƙawarin bai wa jaruma Fati Slow Motion kyautar miliyan guda.

Wannan dai ya biyo bayan dambarwar da ake tafkawa a wannan makon a masana'antar finafinan Hausa, sak**akon furucin Ladin Cima na ƙarancin abin da ake ba ta a fim.

11/02/2022

Kwastam ta k**a katan 383 na maganin ƙarfin maza a Legas

Hukumar kwastam mai hana fasaƙwaurin kayayyaki a Najeriya ta ce ta k**a maganin tari na codeine mai darajar naira miliyan 212 da kuma maganin ƙarfin maza.

Kwantirola na yankin Apapa da ke Jihar Legas, Hammi Swomen, ya ce sun k**a kwantena ɗauke da katan 2,875 na maganin tarin da kuma katan 383 na ƙwayar da ke ƙara ƙarfin jima'i, waɗanda aka bayyana da wani suna na daban.

Haka nan, akwai katan 99 na na'urar niƙa abubuwa a cikin kwantenar.

"Abin da aka ce an ɗauko shi ne flas na abinci, amma k**ar yadda kuke gani a bayana abubuwa ne daban kwatakwata," a cewarsa.

Ya ƙara da cewa "wannan ba ƙarya ba ce kawai, an shigo da haramtattun abubuwa".

BBC Hausa

11/02/2022

Birnin Legas kenan a Tsakanin shekarun 1960 kusan shekara sittin kenan

Ko hakan yana nufin da anfi bin dokoki a Najeriya?

08/02/2022

07/02/2022

Kotu ta daure Sadiya Haruna wata shida

Wata kotu a Kano ta yanke hukuncin daurin wata shida ba zabin tara a kan tsohuwar ‘yar fim din Hausa na Kannywood, kuma fitacciyar mai sayar da kayn mata, Sadiya Haruna a bisa laifin batanci ga wani darekta a harkar fina-finan, Isa I. Isa.

Kotun ta majistare wadda ke zama a filin jirgin sama na mallam Aminu Kano, ta same ta da laifin batanci ga darektan wanda ya kai ta kara, a shafinta na Istagram, a yau Litinin 07 ga watan Fabrairun 2022.

Kotun ta kuma zartar da cewa kada wadda aka samu da laifin ta kara wani rabutu ko sanya wani abu a wani shafinta na sada zumunta da muhawara, wanda zai zama na batanci ga wani nan da shekara daya, idan ba haka ba za a sake yanke mata wani hukuncin na shekara biyu.

Sai dai kuma Sadiya Harunar tana da damar daukaka kara kan hukuncin kotun.

BBC Hausa

07/02/2022

AL'AJABI: Ɗaya da ga cikin ɗaliban Bethel da a ka sace ya ce ya fi jin daɗin zama da ƴan fashin daji

Ɗalibi ɗaya tilo da ya yi saura a hannun ƴan fashin dajin da su ka yi garkuwa da ɗalibai 121 na Makarantar Bethel Baptist High School a Jihar Kaduna ya ce ya fi jin daɗin zama a hannun ƴan ta'addan.

A tuna cewa a ranar 5 ga watan Yulin 2021 ne ƴan ta'addan su ka kutsa kai cikin makarantar da ke kan titin Kaduna-Kachia, a ƙauyen Damishi, da ke Ƙaramar Hukumar Chikun su ka yi awon-gaba da ɗaliban.

Jaridar Vanguard ta rawaito cewa Shugaban Ƙungiyar Kiristoci ta Ƙasa, CAN, reshen Jihar Kaduna, Rabaran Joseph John Hayab ne ya baiyana hakan.

A cewar Hayab, duk da an biya kuɗin fansar sa, ɗalibin ya kafe ya ce shi ba zai dawo gida wajen iyayen sa ba.

"ɗalibi ɗaya da ya yi saura a hannun ƴan fashin daji, wanda shi ne mafi kankanta a cikin su, ya ce ba zai dawo gida ba.

"Ya ce shi zai ci gaba da zama da ƴan fashin dajin. Wannan abin al'ajabi ne ga ɗaukacin ƴan ɗariƙar Baptist da ma CAN baki ɗaya.

"An ce wai ƴan ta'addan na bashi kyautar kayaiyaki ne duk sanda su ka je su ka kai hari su ka dawo, shi ya sa ya ki yadda ya dawo gida.

"Ina ganin wayo su ka yi wa yaron su ka riƙa bashi kayan daɗi domin su yaudari zuciyarsa ya ji baya son komawa gida. An ce wai yaron ya ma gaya musu cewa shi ba ya son komawa wajen iyayen sa saboda wai dama dukan sa a ke yi gida idan yai laifi.

Hayab ya ƙara da cewa shima mutumin da ya saba kai wa ƴan ta'addan kuɗin fansa sun riƙe shi bayan da ya ke kai kuɗin fansar shi wannan yaron da ya ce ba zai dawo ba.

"Gaba ɗaya ma lamarin ya jefa mu cikin ruɗani. Shi mutumin da ya saba kai musu kuɗaɗen fansa, ko me ya faru?, ya je kai kuɗin fansar shi wannan yaron, ƴan ta'addan sun riƙe shi.

"To gaba ɗaya lamarin ya ɗauki wani sako na daban. Mu na dai roƙon Ubangiji ya kawo mana ɗauki," in ji Hayab.

Ya kuma yi kira ga mahukunta da su dage su ƙwato yaron nan da ga hannun ƴan ta'adda da ma sauran mutanen da a ka yi garkuwa da su.

Daily Nigerian

06/02/2022

Senegal ta lashe gasar kofin kasashen Afrika bayan ta doke ƙasar Masar

Kun yi farin ciki da wannan sak**akon?

06/02/2022

Innalillahi Wa'inna Ilaihin Raj'un!!!

SARKIN JAMA'ARE YA RASU !!! A wannan rana 06/02/2022 Allah Ubangiji Madaukakin Sarki Ya karbi Ran Mai martaba Sarkin Jama'are Alh. (Dr) Ahmadu Muhammadu Wabi lll OON.

Muna Addu'a Allah ubangiji Ya jikan Mai martaba Sarkin Jama'are, Ya Yafe masa dukkan kura kuran sa, Ya kuma bamu hakurin jure wannan Babban Rashin.

05/02/2022

Ƴar Atiku Abubakar, Nana, ta baiwa jarumin Nollywood kyautar fili a Abuja

Nana Atiku, ƴar tsohon Mataimakin Shugaban Ƙasa, Atiku Abubakar, ta baiwa wani jarumin masana'antar fina-finai ta kudancin Nijeriya, Nollywood, Zubby Michael kyautar fili a Abuja domin taya shi murnar cikar shekara 37 da haihuwa.

Zubby ya wallafa hotunan sa da Nana a shafinsa na instagram, inda ya baiyana cewa ta bashi kyautar filin.

Ya wallafa cewa "kyautar tunawa da ranar haihuwa mafi girma."

Jarumin ya godewa Nana, wacce mai harkokin filaye da gidaje ce a Abuja, in da ya ce "Nagode Allah Ya yi albarka."

Ita ma Nana ɗin ta wallafa hotunan ta da jarumin inda ta taya shi murnar zagayowar ranar haihuwar sa.

"Ina taya jarumin da ya fi kayatar da ni. Namiji mai zuciyar gwal. Ba zan dena samun farin ciki da ga gare ka ba. Allah Ya ci gaba da buɗa maka k**ar yadda ka ke taimakon wasu. Kullum ina mai alfahari da kai. Ina taya ka murnar zagayowar ranar haihuwar ka. Allah Ya sanyawa rayuwar ka albarka," in ji Nana.

Daily Nigerian Hausa

05/02/2022

Buhari ya bukaci sake nazari kan yawan haihuwa a Najeriya

Shugaban Najeriya Muhammadu Buhari ya kaddamar da sabon shirin yawan jama’a na kasa, inda ya bukaci sake nazari a kan yawan haihuwar da ake samu a cikin kasar.

Shugaban yace yanzu haka kashe 72 na yawan jama’ar Najeriya matasa ne dake kasa da shekaru 30, saboda haka ya dace a shawo kan yawan haihuwar da ake samu.

26/01/2022

TA FARU TA KARE: Jam'iyyar APC Ta Fitar Da Sharudan Tsayawa Takarar Shugaban Kasa A Zaben 2023

Jam'iyyar APC mai mulki ta yanke matsaya kan batun fitar da dan takaran shugaban kasa na jam'iyyar a zaben 2023

Jam'iyyar APC tace:

(1) Duk wanda zai tsaya takaran shugaban kasa a jam'iyyar APC dole ya fito daga yankin kudancin Nigeria

(2) Mataimakin shugaban kasa zai fito daga Arewacin Nijeriya

Idan APC taci zaben 2023:
(3) Shugaban majalisar Dattawa zai kasance daga yankin kudu

(4) Mataimakin shugaban majalisar Dattawa zai fito daga yankin Arewa

(5) Kakakin majalisar wakilai na tarayya zai fito daga yankin Arewa

(6) Mataimakin kakakin majalisar wakilai zai fito daga yankin kudu

(7) Shugaban Jam'iyyar APC zai fito daga yankin Arewa

(8) Sakataren Jam'iyyar APC zai fito daga Kudu

(9) Ma'ajin kudin jam'iyyar APC zai fito daga kudu

(10) Sakataren kudin jam'iyyar APC zai fito daga Arewa

(11) Mai kula da sashin shari'ah zai fito daga Arewa

(12) Mai kula da jin dadi da walwalar jam'iyyar APC zai fito daga kudu

(13) Babban mai bincike na jam'iyyar zai fito daga Arewa

(14) Shugaban matasan jam'iyyar APC zai fito daga yankin kudu

(15) Shugaban matan jam'iyyar APC zata fito daga yankin kudu

(16) Sakataren yada labarai na jam'iyyar APC zai fito daga yankin kudu

(17) Shugaban nakasassun mutane na jam'iyyar APC zai fito daga yankin kudu

Yanzu dai a APC ta haramtawa 'yan Arewa tsayar da dan takaran shugaban kasa a jam'iyyar inda ta yanke hukuncin mika kujeran zuwa ga yankin kudu

Jagoran jam'iyyar APC Alhaji Bola Ahmad Tinubu ko Professor Yemi Osibanjo a cikin wadannan mutane guda biyu daga yankin kudancin Nigeria APC zata zabi daya

Amma sai ina ganin k**ar wannan matsaya na APC da ta fitar lissafi ne gurgu, sannan babbar damace ga jam'iyyar PDP ta karbi mulki idan ta tsayar da Dan Arewa takaran shugaban kasa

Muna fatan duk wanda zai zama alheri ga Kasarmu Nijeriya Allah Ya bashi.

Daga Datti Assalafiy

14/12/2021

Al’ummar Najeriya Ga Mafita Wace Zata Dawo Da Martabar Najeriya.

Daga Sarkin Yaƙin Tambuwal.
+2348148354469

Aminu Waziri Tambuwal yana daga cikin ƴan siyasa waɗanda a kullum burinsu Bai wuce taimakon al’umma ba yana da ƙoƙarin inganta harkokin matasa yana da Burin kawo cigaba a kowanne lokaci yana da ƙoƙarin kwatanta adalci ga kowanne ɓangare.

Idan muka duba tarihin siyasar sa tabbas zamu fuskanci ya cimma nasarori a ɓangarori daban-daban wanda a yanzu mafi yawancin al’ummar Najeriya suna kwaɗayin mulkinsa kasancewar sa mutumin kirki mai tsaron Allah.

Idan al’ummar Najeriya s**a ɗauki Tambuwal muna da tabbacin al’amura zasu dawo dai-dai Ganin kyakyawan halaye da Dabi’u irin nasa da Kuma sanin mak**ar aiki Irin nasa Allah zai Bashi nasara wajen dawo da ƙasar kan dai-dai Insha Allah.

Muna addu’ar Allah ya kaimu 2023 sannan Allah yabawa ƴan Najeriya damar ɗaukan Tambuwal domin Hakan shine yafi dacewa da kowanne ɗan Najeriya Nagari Tambuwal 2023 Insha Allah.

20/09/2021

LARURAR CIZON KARE [RABIES DISEASE]
🐕🐕🐕🐕🐕🐕🐕🐕🐕🐕🐕🐕🐕🐕

Wani lamari me saka damuwa da ya faru shine; Na wata daga irin yaran nan Mata dakan rika zuwa taimakawa wajen aikace-aikace ga Matan da mazajensu kan basu wannan damar ta daukar yan aiki, domin su ragemusu ɗawainiya sannan kuma su irin waɗannan yaran ta ɓangarensu su sami abun rufawa kansu da iyayensu asiri wajen rage wasu hidindimun daga ɗan albashin da akan riƙa basu. Toh a gidan da yarinyar ke aikin ne tsautsayi ya gitta Karen 🐕 da aka aje agidan ya cije ta.

::::::::::::::::::::::::::::::::::::::::::::::::::::::::::::::::::::::::::::::

Toh abinka da rashin sani, ko rashin tausayi, ko rashin hankali ko duk baki daya tare da nuna halin ko inkula da rashin daukar rayuwar wani da mahimmanci na wasu shashashun Matan ko Magidantan masu jin suna da rufin asiri;
Sun fa gani sun san kare ya cijeta amma dake wawaye ne, Mijin ko Matar aka rasa me ɗaukar yarinyar ya kaita asibiti domin bata kulawa ai mata allurar rigakafin cizon kare da ake kira ANTI-RABIES.... saboda basason kashe kudi, wanda na tabbata da cikin ƴaƴansu ne ya ciji wani bana tsammanin zasu ƙi yin komi akai...

Tunda kowa ya sani in kare🐕 ya ciji mutum dole ana sanarwa akai ai masa rigakafi.

Haka sai sannu akaiwa yarinyar inda ya cijetan a kafa ta samu abu ta daure kafar... ta cigaba da aikace-aikace cikin dauriya.

Saboda galibi wasu rashin imaninsu yakai ko irin wadannan yan aikin nasu basa tausayawa inbasu lafiya, infact ko hutawa s**ai saboda tsiya da talauci yai musu yawa suna ganin damar cewa zasu zame a kudin albashin aikin yaran.... Domin ni gurina duk arzikin mutum inbaida tausayi da jin qai matalauci ne.

::::::::::::::::::::::::::::::::::::::::::::::::::::::::::::::::::::::::::::::

Karshe yarinyar zuwa kashe gari da safe da bata fito ba aka duba aka sameta duk ta wani barƙale dakin ya fita hayyacinsa tana buge-buge tare da haushi irin na kare.... wanda wannan ke nuna karen na dauke da kwayoyin cutar na REBIS kuma har kwayoyin cutar sun kai ga taba kwakwalwarta sak**akon halin ko inkula da aka nuna Mata 😥

A takaice de yarinyar nan de na halin gargara yanzu... domin ba abunda likita zai iyama idan kwayoyin Rebis s**a kai ga kwakwalwa, saide kurum yai ma allurar da zata iya saka kaji bacci da sauran yan dabaru... saboda akiyaye sauran mutane daga farmakinka, sannan kaima ka sami saukin dena haushin karnukan tare da duduma kafin mutuwa tazo ta daukeka.... domin karshen abunda zai faru kenan.

::::::::::::::::::::::::::::::::::::::::::::::::::::::::::::::::::::::::::::::

Mutanen mu walau na birni ko kauyuka suna da son kiwon dabbobi amma sam basusan sharrudan ajesu ba, basusan sui musu rigakafi ba, basusan hatsarin su ba, kai hatta dabbobin da ake iya yankawa aci irinsu Rago🐏 mutanen mu basusan in basu lafiya s**aisu asibiti adubasu ai musu karin ruwa ba, ko acire musu hakori in yana ciwo abasu magani in anga basa iya cin abinci... duk da ba ko ina ake da irin wadannan asibitocin ba, da yawa sunfi gane su sayar ko su yanka. Toh ballantana dabbobi irin su kare da bacin naman su ake ba, ko rukunin Maguna 🐈

Domin hatta mage 🐈‍⬛ kwai hatsari tattare da ita inba rigakafi tun ma ba ga Mace me ciki ba, tana iya sanadin da zaki haifo yaro me dauke da nakasa iri iri ajika, wato wata irin suffa me ban tsoro inkika hadu da Toxoplasmosis wato kwayar cutar da ake samu a kashin magen. Don haka ake hankali da kai al'umma.

::::::::::::::::::::::::::::::::::::::::::::::::::::::::::::::::::::::::::::::

A wannan gaɓar nakeson nusar da mutane kunga kare da kuke ganinsa ku kiyayesa, muddin ba dole ba banga amfanin ajesa agida ko anguwa ba matukar bazaka iya dawainiyar rika wankesa kana kaisa rigakafi ba... domin kana iya sanadin mutuwar bayin Allah a dalilinsa. Yafi kowa cikin dabbobi hatsarin debo kwayar cutar rabies, kuma shi inyana da ita ba wata alama zaka gani ba, saide in ya ciji wani agani.

Rebis hatsabibiyar kwayar cuta ce da inta shiga jiki ahankali take rubanya acikin jijiyoyi har ta samu takai ga kwakwalwa🧠, domin kwakwalwa itace babbar target din cutar, shyasa duk wannan rigakafin ana Maza ayi ne kafin kwayiyoyin s**ai ga kwakwalwa

::::::::::::::::::::::::::::::::::::::::::::::::::::::::::::::::::::::::::::::

Kwayar Rebis Virus ce, wanda duk abunda akace virus to yana da wuyar sha'ani domin magani bai cika tasiri kansa wanda shiyasa hatta cutar Kanajmau ka gaza samar da Maganinta.

Toh shima Rebis da kake gani bata jin wani magani, saboda kwayar cutar tana da SILKE wato k**ar kace "Bullet Proof" wanda a likitance mukan kira "Inclusive Bodies" da babu wani magani dake da karfin fasa wannan silken ballantana ya cimma virus din ya kashesa... yadda kaga bindiga bata fasa Bullet Vest.

Shyasa babban Mahimmin abu ai maza ai riga kafin dakile tafiyar virus din.

■ Idan Kare Me kwayar cutar ya cije ka a ƙafa toh ana tsammanin virus din zai isa ga kwakwalwa cikin Awa 24 da cizon

■ Idan Kare Me kwayar cutar ya ciji mutum a hannu toh ana tsammanin virus din zai isa ga kwakwalwa cikin Awa 12 da cizon.

■ Idan Kare Me kwayar cutar ya ciji mutum a jika ko wajen fuska toh ana tsammanin virus din zai isa ga kwakwalwa cikin Awoyi 4 da cizon.

Wannan tasa aje gaggawa, domin waccan yarinyar banda sun nuna ko inkula da ya cijeta a kafa bai k**ata akyale har dare yai taje ta kwanta ahaka ba.

::::::::::::::::::::::::::::::::::::::::::::::::::::::::::::::::::::::::::::::

Idan virus din yaje kwakwalwa k**ar yadda nace Babu abunda likitoci zasu iyayi sai addu'a da fatan sassauci gurin ubangiji, amma de 99.9% Mutuwa ce ke biyo baya. Kuma Eh ba karya bane haushin kare da haniniya zakaji mutum nayi intaje kwakwalwa, ana dannesa yana fisgewa...

::::::::::::::::::::::::::::::::::::::::::::::::::::::::::::::::::::::::::::::

KUNSAN WANI KARIN HATSARI

Duk wanda karen ya ciza tohfa kuma masu bashi kulawa asanda virus din yaje kwakwalwa sai kunyi a hankali dashi, inba haka ba duk wanda ya tsirtawa miyau har ya yawun ya shiga idonsa, bakinsa ko hancinsa tohfa shima ya harbu... ballantana ya gatsawa mutum cizo... cikin kasa da awa 4 kuma kuna iya zamowa a halin da yake.

Shyasa suke dalalar yawu yadda kare keyi, tare da tsoro in s**aga kofin ruwa, da jijjiga, KOH FA A GADON ASIBITI SAI AN HADA DAURESU, Saboda bala'in abun da irin yadda suke kai wawura.

::::::::::::::::::::::::::::::::::::::::::::::::::::::::::::::::::::::::::::::

Don haka sakon anan; Adena wasa da karnuka, babu wani batun jarumta malam; in kare ya biyoka wanda baka tabbacin komi kansa na rigakafi taka da gudu 🏃‍♂️ba yawa bane kare kaine ne. Yana cewa Wooum kaima ce masa Wooum... daga nan duqa kasa k**ar zaka dau dutse... zakaga yaja da baya.. saboda karw yafi tsoron jifa sama da ka dau abun duka... yana ja da baya karkai sauri dagowa kuma yin k**ar irin kyak dinnan zai kara baka tazara daganan maza ka rika tafiya ahankali kana yi kan duqawa... kana bashi tazara runtuma da gudu kurum ka auka wani gidan ko cikin mutane.

Duk sanda kare yai cizo karka tsaya tunanin kudi, ko kidney dinka zaka sayar gara ai ciniki ka sayar aima rigakafin... don kasan irin mahimmancin da take dashi.

Don Allah Jama'a ku dena aje karnuka haka kurum alhalin bazaku iya lura dasu ba, kuna saka rayuwar al'umma cikin hatsari gaskiya.

Allah kuma tsaremu amin

✍🏼
[Ibrahim Y. Yusuf]