AMIA-Doh Farmer Digital TV

Home
Myanmar
Yangon
AMIA-Doh Farmer Digital TV

AMIA is the first and most trusted agribusiness news media for farmers and traders in Myanmar. We also provide market price and information to public.

09/12/2024

အိန္ဒိယ ဝယ်အား ကျသဖြင့် ပြည်တွင်းပဲဈေး ဆက်လက်ကျဆင်းနေ

အိန္ဒိယ နိုင်ငံမှ ဝယ်လိုအား ကျဆင်းနေခြင်းကြောင့် ပြည်တွင်း ဈေး ကွက်တွင် ပဲစင်းငုံ ဈေးနှုန်း ၇ရာခိုင်နှုန်းခန့် လျော့နည်းသွားသကဲ့သို့ အခြားပဲဈေးနှုန်းများလည်း ဆက် လက် ကျဆင်းနေပါတယ်။

အိန္ဒိယနိုင်ငံမှာ ယခုနှစ် မိုးရာသီ စိုက်ပျိုးသော ပဲများ ထွက်နေချိန်ဖြစ်သောကြောင့် အိန္ဒိယကုန်သည်များက မြန်မာ့ပဲကို ဝယ်အားလျော့ချသဖြင့် ဈေးနှုန်းများက လိုက်ပါ ကျဆင်းလာခြင်းဖြစ်ပါတယ်။

“လောလောဆယ်အခြေအနေ ပဲဈေးက အကျဖက်မှာဘဲရှိနေတယ်။ လာမယ့်နှစ် ဆန်းပိုင်းမှာတော့ ပြန်တက် လာမယ်လို့ ခန့်မှန်းတာဘဲ”ဟု ပြည်တွင်းပဲကုန်သည် တစ်ဦးကပြောပါတယ်။

မြန်မာ့လယ်သမားများ အဓိကစိုက်ပျိုးနေသော မတ်ပဲ၊ ပဲစင်းငုံနှင့် ပဲတီစိမ်းကို အိန္ဒိယ နိုင်ငံသို့ အဓိကထား တင်ပို့ ရောင်းချနေရတာကြောင့် အိန္ဒိယနိုင်ငံ၏ ပဲလိုအပ်ချက် ပေါ်မူတည်ပြီး ဈေးကွက်နှင့် ဈေးနှုန်းအပြောင်း အလဲဖြစ်ရခြင်းဟု ကုန်သည်အချို့ က ပြောပါတယ်။

လက်ရှိပြည်တွင်းဈေးကွက်တွင် ပဲစင်းငုံ ဈေးနှုန်းမှာ ဒီဇင်ဘာလ ပထမ အပတ်အတွင်း တစ်တန်လျှင် ကျပ်နှစ် သိန်း‌ေခြာက် သောင်းဈေးကျဆင်းသွားပါတယ်။

ဒီဇင်ဘာလ ၂ရက် တွင် ပဲစင်းငုံတစ်တန် ကျပ်သုံးဆယ့်ရှစ် သိန်း ကျော် မှ ဒီဇင်ဘာ ၆ရကွင် တစ်တန် သုံး ဆယ့်ငါးသိန်းငါးသောင်းကျော် သို့ ကျဆင်းလာပါတယ်။

ထို့အတူ မတ်ပဲကလည်း တစ်တန်လျှင် ကျပ်သုံးဆယ့်ငါးသိန်း လေးသောင်းကျော်မှ သုံးဆယ့်လေးသိန်း ငါး သောင်းကျော်သို့ ကျဆင်းလာသဖြင့် တစ်ပတ်အတွင်း ပဲတစ်တန်လျှင် ကျပ်တစ်သိန်းနီးပါး ဈေးလျော့သွား ပါတယ်။

ယခုနှစ် ကုန်ပိုင်းတွင် အိန္ဒိယ နိုင်ငံသို့ တင်ပို့နေသော ပဲများအပြင် ပြည်တွင်းစားသုံးသည့် ပဲအချို့ကလည်း ဈေးနှုန်းအကျဘက်မှာသာ ရှိနေတယ်လို့ ပဲကုန်သည်အချို့က ပြောပါတယ်။

PT(AMIA)

09/12/2024

၉.၁၂.၂၀၂၄

ယနေ့စက်သုံး‌ဆီဈေးနှုန်းဖြစ်ပါတယ်။

ဖော်ပြပါ ဈေးနှုန်းများသည် စက်သုံးဆီ တင်သွင်းဖြန့်ဖြူးခြင်း လုပ်ငန်းကြီးကြပ်ရေးကော်မတီမှာ ထုတ်ပြန် ပေါက်ဈေးဖြစ်ပြီး ပြင်ပပေါက်ဈေးများနှင့် ကွာခြားမှု ရှိနိုင်ပါသည်။

07/12/2024

ပေါ်ဆန်း စပါးအသစ်ပေါ်ချိန် သတ်မှတ်ရည်ညွှန်းဈေးဖြင့် ရောင်းရန် MRF တိုက်တွန်း

ပြည်တွင်း အဓိက စားသုံးသော ပေါ်ဆန်း ဆန်အမျိုးအစား စပါး အသစ်များ စပေါ်လာချိန်မှာ ပေါ်ဆန်းဆန် ဈေးနှုန်းကို စားသုံးသူရေးရာ ဦးစီးဌာန၏ ရည်ညွှန်း ဆန်ဈေးနှုန်းများဖြင့်သာ လိုက်နာ ရောင်းချဖို့ မြန်မာနိုင်ငံ ဆန်စပါး အသင်းချုပ်(MRF)က အသိပေးတိုက်တွန်း နှိုးဆော်လိုက်ပါတယ်။

ရွှေဘိုပေါ်ဆန်း၊ ဧရာဝတီပေါ်ဆန်း၊ ဧရာမင်း၊ ဧရာပဒေသာ မဂျမ်းတော စတဲ့ ဆန်အမျိုးအစာတွေကို သှိ‌ေလှာင် ဈေးကစားမှု မပြုလုပ်ဘဲ ရည်ညွှန်းသတ်မှတ်ဈေးအတိုင်းသာ ရောင်းချဖို့အသိပေးထားပါတယ်။

ယခုကာလမှာ လူမှုကွန်ယက်တွင် ဆန်ဈေးနှုန်းတိုးမြှင့် ရောင်းချမည့်ကြော်ငြာများ၊ ဈေးကွက်အတွင်း ရည်ညွှန်း ဈေးနှုန်းထက် ဈေးနှုန်း တိုးမြှင့် ရောင်းချခြင်းများ ၊ ရွှေဘို၊ ဧရာဝတီ ပေါ်ဆန်း စပါးအသစ်များ ပေါ်ချိန် တွင် ဈေးနှုန်းမြှင့်တင်ရန် ရည်ရွယ်ချက်ရှိရှိ လုပ်ဆောင်မှု တွေကိုလည်း ကြားသိနေရတယ်လို့ MRF ရဲ့ အသိပေး နှိုးဆော်စာမှာ ဖေါ်ပြထားပါတယ်။

ထို့ကြောင့် သင့်တင့်မျှတစေရးကို အထူးအလေးပေး လိုက်နာဆောင်ရွက်ဖို့ တိုက်တွန်းထားပြီး စားသုံးသူ ရေး ရာ ဦးစီးဌာန၏ ရည်ညွှန်း ဆန်ဈေးနှုန်းများအတိုင်း မရောင်းချဘဲ ဈေးတင်ရောင်းချပါက အရေးကြီးကုန်စည် နှင့် ဝန်ဆောင်မှု ဥပဒေ ပုဒ်မ (၅)အရ တရားစွဲဆိုခြင်း၊ ဒဏ်ငွေနှင့် အခွန်ငွေ ပေးဆောင်စေခြင်း စတဲ့ အရေး ယူ မှု တွေကို ထိရောက်စွာ ဆောင်ရွက်မယ်လို့ ဖေါ်ပြထားပါတယ်။

စားသုံးသူရေးရာ ဦးစီးဌာန၏ ရည်ညွှန်း ဆန်ဈေးနှုန်းများက ရွှေဘီပေါ်ဆန်းတစ်အိတ်ကို ၁၄၅၀၀၀ ကျပ်မှ ၁၅၀၀၀၀ ကျပ်၊ ဧရာဝတီပေါ်ဆန်းဆန်တစ်အိတ်ကို ၁၂၀,၀၀၀မှ ၁၂၅,၀၀၀ ကျပ် ဈေးသတ်မှတ်ထား ပါတယ်။

“ဆိုင်တွေမှာတော့ သတ်မှတ်ဈေးနဲ့ဝယ်ရင် ဆန်ကမကောင်းဘူး၊ ဆန်ကောင်းလိုချင်ရင် ဈေးကကြီးတယ်”ဟု အင်းစိန်မြို့နယ်မှ အိမ်ရှင်မတစ်ဦးကပြောပါတယ်။

လက်ရှိ လက်လီဆိုင်တွေမှာ ပြည်တွင်း အဓိကစားသုံးသည့် ပေါ်ဆန်းကို အမျိုးအစားများစွာ ခွဲခြားပြီး ရောင်းချ နေပါတယ်။ ရွှေဘိုပေါ်ဆန်းကိုပင် အရောအနှောကင်းသည့် အသန့်အမျိုးအစား၊ အရောအနှောများပါသည့် အမျိုး အစားဟုခွဲခြား ရောင်းချနေပါတယ်။

လက်လီဈေးကွက်တွင် ရွှေဘိုပေါ်ဆန်း အသန့်တစ်အိတ်လျှင် ၁၈၀,၀၀၀ ကျပ်မှ ၂၀၀,၀၀၀ကျပ် အထိ ဈေး ဖွင့် ရောင်းချပါတယ်။ အစိုးရသတ်မှတ်ဈေးဖြင့် ရောင်းသည့် ဆန်များက အရောအနှောများပါပြီး ထမင်း အရည် အသွေး မကောင်းကြောင်း စားသုံးသူအချို့က ပြောပါတယ်။

PT(AMIA)

07/12/2024

၇.၁၂.၂၀၂၄

ယနေ့စက်သုံး‌ဆီဈေးနှုန်းဖြစ်ပါတယ်။

ဖော်ပြပါ ဈေးနှုန်းများသည် စက်သုံးဆီ တင်သွင်းဖြန့်ဖြူးခြင်း လုပ်ငန်းကြီးကြပ်ရေးကော်မတီမှာ ထုတ်ပြန် ပေါက်ဈေးဖြစ်ပြီး ပြင်ပပေါက်ဈေးများနှင့် ကွာခြားမှု ရှိနိုင်ပါသည်။

06/12/2024

မိုးကြက်သွန်နီ ဈေးကွက်အတွင်း စဝင်နေခြင်းကြောင့် ဈေးဆက်တက်ရန် အလားအလာမရှိဟုဆို

ပြည်ပဝယ်အားရှိသော်လည်း မိုးကြက်သွန် အသစ်တွေ ဈေးကွက်အတွင်း စတင်ဝင် နေခြင်း ကြောင့် ပြည်တွင်း ကြက်သွန်နီဈေးနှုန်းမှာ ဆက်လက်မြင့်တက်ဖို့ အလားအ လာမရှိတော့ဘူးလို့ ကုန်သည်အ ချို့က ပြောပါ တယ်။

မြန်မာပြည်အလယ်ပိုင်းတွင် မိုးရာသီ ရာသီဥတု ဖောက်ပြန်ပြီး ကြက်သွန်စိုက်ခင်း တစ် ချို့ ရေနစ်မြုပ်မှု ရှိသော် လည်း အထွက်နှုန်းများစွာ မလျော့နိုင်ဘူးလို ၎င်းတို့ကဆိုပါ တယ်။

လက်ရှိ မလှိုင်မြို့နယ်၊ တောင်သာမြို့နယ်၊ ပခုက္ကူ မြို့နယ် နဲ့ မြစ်သား မြို့နယ်မှ လက်ကျန် ကြက်သွန်တွေ ဈေးကွက်အတွင်း စတင်ဝင်လာနေပါ တယ်။

“ဆောင်းလောက်မများပေမဲ့ မိုးကြက်သွန်အထွက်ကတော့ သိပ်ပြီးမလျော့ နိုင်ပါဘူး” လို့ ကြက်သွန်ကုန်သည် တစ်ဦးက ပြောပါတယ်။

ဆောင်းကြက်သွန်ပေါ်ချိန်မှာ ပုံမှန် တစ်ရက်ကို ပိသာချိန် တစ်သိန်းလောက် ဈေးကွက် အတွင်း အဝင်ရှိပြီး ယခုနှစ် မိုးကြက်သွန်ကလည်း ပိသာချိန် လေးသောင်းနဲ့ခြောက် သောင်း အကြား အဝင်ရှိလာနိုင်တယ်လို့ ၎င်း က သုံးသပ်ပါတယ်။

လက်ရှိပြည်တွင်း လက္ကားဈေး ကွက် မှာကြက်သွန်နီ (အဟောင်း) က တစ်ပိသာ ၂၀၀၀မှ ၄၀၀၀ ကျပ် ၊ မိုးကြက် သွန် အသစ် ကတစ်ပိသာ ၂၂၀၀ ကျပ်မှ ၃၆၀၀ကျပ် ဈေးဖွင့် ပါ တယ်။လက်လီဈေးကွက်တွင် ကြက်သွန်နီက အမျိုးအစား အလိုက် တစ်ပိသာ ကျပ် ၄၀၀၀ ကျော်မှ ၅၀၀၀ ကျော် ဈေးဖွင့် ရောင်းချနေပါတယ်။

ထို့အပြင် ယခုနှစ် ပြည်ပသို့ ကြက်သွန်နီ တင်ပို့မှုကလည်း အားကောင်းနေပြီး နှစ်မ ကုန်မီ တန်ချိန် သုံး သောင်းကျော်တင်ပို့ထားပါတယ်။

ပြည်ပတင်ပို့နေသော မြန်မာ့ကြက် သွန်နီဈေးက အမျိုးအစားအလိုက် FOB တစ်တန်ကို အမေရိကန်ဒေါ်လာ ၄၀၀ ကျော်မှ ၈၀၀ ဝန်းကျင်အထိ ရရှိပါတယ်။

လက်ရှိ ကြက်သွန်နီ အဟောင်းကို ဗီယက်နမ်နိုင်ငံသို့ တင်ပို့နေပြီး၊ ကြက်သွန်နီ အသစ်က ထိုင်းနိုင်ငံသို့ တင်ပို့နေပါတယ်။

PT(AMIA)

06/12/2024

ကုလား ပဲစျေးကောင်း နေ

ပြည်တွင်း အဝယ် ပုံ မှန် ရှိနေပြီး လက်ကျန်လျော့နည်းတဲ့ အတွက် ကုလား ပဲစျေး ကောင်း နေ ကြောင်း ပဲ ကုန်သည်များ ထံမှ သိရသည်။

“ ဆောင်းသီးနှံရာသီဝင်လေပြီ ကုလားပဲ ဂျုံ တချို့နယ်များလဲစိုက်နေကျပြီ၊ ဒီနှစ် ကုလားပဲစျေး ဂျုံ စျေးတွေကောင်းတယ် တောင် သူစိုက်လိုအားက တက်နေတယ်အထူးသဖြင့် ကုလားပဲစိုက်လိုအားများတယ်။ အခု ကုလားပဲ စျေးကောင်းရနေတယ်။ ကုလားပဲ မတ်ပဲ ပဲစင်းငုံ က India နိုင်ငံနှင့် G to G 2025 ထိ တင်ပို့ရန် နားလည်မှုလက်မှတ်ထိုးထားတယ်လဲ ကြားတယ် ။”ဟု အောင်လံ မြို့ မှ ကုန်သည် မင်းသူ ကပြောသည်။

လက်ရှိ မန္တလေး ကုန်စည်ဒိုင် တွင် ဒီဇင်ဘာ ပထမပတ်က ကုလားပဲ (929 ) တစ်အိတ်ကို၂၈၃၀၀၀ ကျပ် မှ ၂၈၅၀၀၀၊ ကုလားပဲ (TW) တစ်အိတ်ကို ၂၇၅၀၀၀ မှ ၂၈၀၀၀၀ ကျပ်နှင့် ကုလားပဲ (v2 ) က တစ်အိတ်ကို ၂၉၀၀၀၀ ကျပ် ၊ ကုလားပဲ (v7) က ၂၉၅၀၀၀ ကျပ်ထိ ရှိကြောင်း သိရသည်။

ပြည်တွင် စားသုံး မှုရှိ သည့် ကုလားပဲ အပါအဝင် ၊ ပဲကြီး ၊ စားတော်ပဲ များ မှာလည်း ပုံမှန် စျေးမြင့်တက်နေလျက်ရှိ ကြောင်း လည်း ကုန်သည်များ ထံမှသိရသည်။

“အရင်လတွေ နဲ့ စာရင်တော့ စျေးကောင်းတယ်။ အခု က အတက်စျေး မှာပဲ ၅၀၀၀၊၁၀၀၀၀ကို တက်လိုက် ကျ လိုက် နဲ့ သွားနေတယ်။ ပြည်တွင်း စားသုံးတဲ့ ပဲတွေ က တော့ အရင် တိုင်း စျေးတန်းတခု ကို ရောင်းနေမှာပဲ။ကုလား ပဲ ကို အိန္ဒိယ ဝယ်ရင် ပိုပြီး စျေးကောင်းရမယ်။ဒီနှစ်ကောင်းရတယ်ပြောရမယ်။ ပြည်တွင်းအဓိက စားသုံးတဲ့ ပဲ တွေကတော့အတက်စျေးမှာပဲ မပြောင်းလဲဘူး။ပြည်တွင်းစျေးကျ လဲ အများကြီး မကျဘူး။ စားသုံး သူ ရှိနေတော့ ပြည်ပပို့တဲ့ ပဲတွေ ထက်ဈေး ငြိမ်တယ် ။“ ဟု ရန်ကုန်မြို့ သင်္ဃန်းကျွန်း မှ ပဲအမျိုးမျိုးရောင်းချသူ ကို ကျော်ဝင်း က ပြောသည်။

လက်ရှိ မြန်မာကျပ်ငွေတန်ဖိုးကျဆင်းနေကာဒေါ်လာငွေလဲနှုန်း အနည်းငယ်ပြန် မြင့်တက်နေသော ကြောင့် တစ်ပတ်အတွင်း ကုလားပဲ အပါအဝင် ပြည်ပ တင်ပို့ နေသည့် ပဲမျိုးစုံဈေး များ ပါ မြင့်တက်နေကြောင်း ဈေးကွက် မှ သိရသည်။

“ ကုလားပဲစျေး က တစ်ဆယ်သား ကို၁၄၀၀ ဝယ်ရတယ် ။အရင် ကနဲ့ စာရင် တက်တာပေါ့ ၊ စျေးတွေ က အကုန်တယ်နေတယ်။ ပဲမျိုးစုံ ၊ဆီကော ၊ဆန်ကော ၊ကြက်သွန် အကုန်တက်တယ်။ “ ဟု သင်္ဃန်းကျွန်းမြို့နယ် နေသူ က အိမ်ရှင်မဒေါဝင်းကပြောသည်။

တောင်သူအများစု အနေဖြင့် ကုလားပဲ မျိုးကို မျိုးချန်စနစ်ဖြင့် စိုက်ပျိုးကြပြီး နှစ်စဉ် ကုလားပဲကို အောက်တိုဘာလနှင့် နိုဝင်ဘာလ များတွင် စစ်ကိုင်း၊ ပဲခူး၊ မကွေး၊ မန္တလေးနှင့် ဧရာဝတီ တိုင်းဒေသကြီးတို့တွင် ဧကပေါင်း တစ်သိန်းကျော်ထိ စိုက်ပျိုးကြကြောင်း သိရသည်။

ကုလားပဲသီးနှံကို ဆောင်း အဝင် အောက်တိုဘာလ နောက်ဆုံးပတ်မှ စတင် စိုက်ပျိုးကြပြီး ဇန်နဝါရီ လ ပထမ အပတ်အတွင်းမှ သာ ခူးဆွတ်ရကြောင်း သိရသည်။

မြန်မာနိုင်ငံတွင် နှစ်စဉ်ပဲမျိုးစုံ စိုက် ဧက ၁၁ သန်းကျော်ရှိပြီး ကုလားပဲ ၈ရာခိုင်နှုန်းထိ စိုက်ပျိုး ထုတ်လုပ်လျက်ရှိကြောင်းသိရသည်။

ပြည်တွင်းမှာတော့ V2 မျိုးနှင့် ရိုးရိုးကုလားပဲလုံး သေးမျိုးများကို စိုက်ပျိုးကြသည့်အနက် V2 ကုလားပဲမျိုးကိုသာ အများဆုံးစိုက်ပျိုးကြကြောင်းသိရသည်။

ဖိုးချဲ(AMIA)

သတင်းအား မြန်မာ့ဩဘာ မှ ကူညီပေးထားပါသည်။

06/12/2024

၆.၁၂.၂၀၂၄

ယနေ့စက်သုံး‌ဆီဈေးနှုန်းဖြစ်ပါတယ်။

၉၂ ဈေးက တစ်လီတာကို ၅၀ ကျပ် ဈေးမြင့်တက်လာပေမယ့် အခြား စက်သုံးဆီဈေးတွေကတော့ ဈေးကျဆင်းပါတယ်။

ဖော်ပြပါ ဈေးနှုန်းများသည် စက်သုံးဆီ တင်သွင်းဖြန့်ဖြူးခြင်း လုပ်ငန်းကြီးကြပ်ရေးကော်မတီမှာ ထုတ်ပြန် ပေါက်ဈေးဖြစ်ပြီး ပြင်ပပေါက်ဈေးများနှင့် ကွာခြားမှု ရှိနိုင်ပါသည်။

05/12/2024

ပြည်ပစျေးကွက်မရှိလို့ ထောပတ်သီးစျေးကွက်ကျ

မြန်မာ့ ထောပတ်သီးက ပြည်ပစျေးကွက်တင်ပို့မှုက ထိုင်းနိုင်ငံတစ်ခုတည်းရှိတာကြောင့် ပြည်တွင်း မှာ ထောပတ်သီးစျေးကွက်က ယခင်နှစ်ထက်ကျနေတယ်လို့သိရပါတယ်။

ပြီးခဲ့တဲ့နှစ်ထောပတ်သီးရာသီချိန်တုန်းက ပြည်တွင်းမှာ HASS အမျိုးအစား ထောပတ်သီး တစ်ကီလိုကို ၂၅၀၀ ကျပ်နဲ့စျေးစဖွင့်ခဲ့ပြီး ဒီဇင်ဘာလလောက်မှာ တစ်ကီလိုကို ၆၀၀၀ မှ၇၀၀၀ ကျပ်အကြား စျေးတန်းရှိခဲ့ပေမယ့် လက်ရှိထောပတ်သီးရာသီမှာတော့ တစ်ကီလိုကို ၁၅၀၀ မှ၄၀၀၀ ကျပ်လောက် သာစျေးပေါက်နေတယ်လို့သိရပါတယ်။

"ထောပတ်သီးကအခုနှစ်ထိုင်းကိုပဲနယ်စပ်ကနေပို့တာရှိတယ်။ကျန်တဲ့နိုင်ငံတွေမပို့နိုင်ဘူး။ထိုင်းကိုတော့ တန်ချိန်အများကြီးမပို့နိုင်ဘူး။ဆိုတော့ ထိုင်းနဲ့ပြည်တွင်းပဲရှိတယ်။ခုနှစ်ပြည်တွင်းမှာက ရာသီအစမှာ ၁၅၀၀ စဖွင့်တယ် အခုထိ၄၀၀၀ လောက်ပဲရှိတယ်။မနှစ်ကရာသီအစမှာ၂၅၀၀နဲ့ဖွင့်ပြီး ခုချိန်ဆိုရင် ၆၀၀၀ အထက်လောက်ဖြစ်နေတာဆိုတော့ဒီနှစ်စျေးတန်းကျတာပေါ့။" လို့ မြန်မာနိုင်ငံ ထောပတ် သီး စိုက်ပျိုး တင်ပို့ထုတ်လုပ်ရောင်းချသူများအသင်းဝင်တစ်ဦးကပြောပါတယ်။

ပြည်တွင်းထောပတ်သီးစိုက်ပျိုးတဲ့ကဏ္ဍမှာ ပြည်ပကိုတင်ပို့ဖို့အတွက် အရည်အသွေးကောင်းတဲ့ ထောပတ်သီး ထွက်ရှိမှုနည်းတာကြောင့်လည်း စျေးကွက်ကျဆင်းရခြင်းဖြစ်တယ်လို့သိရပါတယ်။

"အခုနှစ်ဆိုပိုဆိုးတယ်မိုးကဖျက်တော့ထောပတ်သီးတွေအရည် အသွေးပိုပျက်တယ်။အရည် အသွေးမကောင်းတော့ပြည်ပလည်းပို့မရသလိုပြည်တွင်းလည်းစျေးကောင်းမရဘူး။အဝေးပို့လည်းမခံတော့စျေးကကျတာပေါ့" လို့ သူကထပ်မံပြောပါတယ်။

ပြည်တွင်းစျေးကွက်မှာတော့ ထောပတ်သီးကို ဖျော်ရည်လုပ်ငန်းတွေကသာ အဓိကသုံးစွဲမှုရှိပြီး အခြား ထုတ်ကုန်အဖြစ် စားသုံးမှုကနည်းတယ်လို့သိရပါတယ်။

သို့သော် ထောပတ်သီးကို ပြည် တွင်းစားသုံးမှုအနေနဲ့ အရင်နှစ်တွေရဲ့ သုံးစွဲမှုနှုန်း ထက် ၂ ဆမြင့်တက် လာလို့ ပြည်တွင်းက ထောပတ်သီး တန်ချိန် ၃၀၀ နီးပါး အထိ ဖြုန်းအား ရှိလာတယ်လို့သိရပါတယ်။

အရင်က ထောပတ်သီးကို ထိုင်းနိုင်ငံ ၊ အိန္ဒိယ ၊ မလေးရှား ၊စင်္ကါပူနိုင်ငံတို့ကို အဓိကတင်ပို့မှုရှိပြီး လက်ရှိမှာတော့ထိုင်းတစ်ခုတည်းသာ တင်ပို့နိုင်တာဖြစ်ပါတယ်။

ထောပတ်သီး ကိုရှမ်းပြည်နယ် (တောင်ပိုင်း)၊ ရှမ်းပြည်နယ် (မြောက်ပိုင်း) နှင့် မန္တလေးတိုင်းဒေ သကြီး(ပြင်ဦးလွင်) တို့မှာ အများဆုံး စိုက်ပျိုးကြ ပြီးရှမ်းပြည်နယ် (တောင်ပိုင်း) ဆိုရင် တောင်ကြီး၊ ဟို ရွာငံ၊ ပုံး၊ ညောင်ရွှေ၊ ဆီဆိုင်၊ ကလော၊ ပင်းတယ၊ ရပ်စောက်၊ ပင်လောင်း၊ဖယ်ခုံ၊ လွိုင်လင်နဲ့ ရှမ်းပြည်နယ် (မြောက်ပိုင်း)မှာ ဆိုရင်လားရှိုး၊ ကွတ်ခိုင်၊ ကျောက်မဲ၊ သီပေါ၊ နောင်ချိုနှင့် မန္တလေးတိုင်းဒေသကြီး (ပြင်ဦးလွင်)တို့မှာ အများဆုံး စိုက်ပျိုးကြ တာဖြစ်တယ်လို့သိရပါတယ်။

မစံပယ်(AMIA)

သတင်းအား ထွက်တိုး app မှ ကူညီပေးထားပါသည်။

05/12/2024

၅.၁၂.၂၀၂၄

ယနေ့စက်သုံး‌ဆီဈေးနှုန်းဖြစ်ပါတယ်။

ဖော်ပြပါ ဈေးနှုန်းများသည် စက်သုံးဆီ တင်သွင်းဖြန့်ဖြူးခြင်း လုပ်ငန်းကြီးကြပ်ရေးကော်မတီမှာ ထုတ်ပြန် ပေါက်ဈေးဖြစ်ပြီး ပြင်ပပေါက်ဈေးများနှင့် ကွာခြားမှု ရှိနိုင်ပါသည်။

04/12/2024

၄.၁၂.၂၀၂၄

မတ်ပဲ နဲ့ ပဲစင်းငုံ ကတော့ ဆက်တိုက် ဈေးကျဆင်းနေပါတယ်။အခြား ဘိုကိတ် စားတော်ပဲ နဲ့ ပဲကြီး ဈေးတွေလည်း ကျဆင်းပါတယ်။ ကုလားပဲ ဈေးကတော့ အနည်းငယ်ပြန်တက်လာပြီး ပြောင်းကလည်း ထပ်ပြီး တက်ပါတယ်။ကြက်သွန်နီဈေး ဆက်တိုက်ပြန်တက်နေပါတယ်။

ရန်ကုန်ဘုရင့်နောင်

မတ်ပဲ (FAQ/RC)တစ်တင်း ၁၁၂၂၂၁
မတ်ပဲ(SQ/RC) တစ်တင်း ၁၂၄၃၄၀
မတ်ပဲ(Raw) တစ်ပိဿာ ၅၇၈၀ မှ ၅၈၂၀
ပဲစင်းငုံနီ တစ်တင်း ၁၁၇၃၆၅
ပဲတီစိမ်း(အညာ၊ပဲခူး၊ခရမ်း၊းခယ်မ) တစ်ပိဿာ ၄၅၅၀ မှ ၆၃၂၀
ကုလားပဲဖြူလုံး တစ်ပိဿာ ၄၉၈၀
ဘိုကိတ် တစ်ပိဿာ ၄၈၃၀ မှ ၅၃၃၅
စားတော်ပဲလုံး တစ်ပိဿာ ၇၆၆၅ မှ ၈၁၇၀
ပြောင်းဆံ တစ်ပိဿာ ၁၆၀၀ မှ ၁၆၂၀
ပဲကြီး(ရွှေကျွန်း)တစ်ပိဿာ ၄၉၅၅ မှ ၅၁၃၅
ကုလားပဲခြမ်း တစ်ပိဿာ ၆၆၅၀ မှ ၇၀၀၀
ကြက်သွန်နီ(ဆိပ်ဖြူ၊မြင်းခြံ၊ပခုက္ကူ၊တောင်သာ ) တစ်ပိဿာ ၂၃၀၀ မှ ၅၀၀၀
ကြက်သွန်ဖြူ(ရှမ်း)တစ်ပိဿာ ၁၂၅၀၀ မှ ၁၆၀၀၀
ငရုတ်ပန်းရဲ(တစ်ပိဿာ) ၆၀၀၀ မှ ၇၀၀၀
ထန်းလျက်တောင်သာမလိုင်ဒုံး တစ်ပိဿာ ၇၀၀၀ မှ ၇၂၀၀
အာလူး(အောင်ပန်း)တစ်ပိဿာ ၆၀၀၀ မှ ၉၀၀၀
အာလူး (တရုတ်) တစ်ပိဿာ ၉၀၀၀

မန္တလေးကုန်စည်ဒိုင်

နှမ်းနက်(စမုံ) တစ်အိတိ ၆၀၀၀၀၀ မှ ၆၇၀၀၀၀
နှမ်းဖြူ (‌ဗမာ) တစ်အိတ် ၃၇၀၀၀၀ မှ ၄၀၀၀၀၀
နှမ်းဖြူ(ဂျပန်) တစ်အိတ် ၄၁၅၀၀၀ မှ ၄၃၀၀၀၀
နှမ်းညို တစ်အိတ် ၃၀၅၀၀၀ မှ ၃၁၅၀၀၀
နှမ်းနီ တစ်အိတ် ၃၃၅၀၀၀ မှ ၃၄၂၀၀၀
ပဲတီစိမ်း တစ်အိတ် ၂၈၀၀၀၀ မှ ၂၉၀၀၀၀
ကုလားပဲ(V2)တစ်အိတ် ၂၉၀၀၀၀ မှ ၂၉၃၀၀၀
ကုလားပဲ(ထိုင်၀မ်)တစ်အိတ် ၂၈၀၀၀၀ မှ ၂၈၂၀၀၀
ကုလားပဲ (၉၂၉) တစ်အိတ် ၂၉၅၀၀၀
မတ်ပဲ (သ၊ဟ) တစ်အိတ် ၂၆၀၀၀၀ မှ ၃၂၀၀၀၀
စီပီပြောင်း (သ) တစ်အိတ် ၈၃၀၀၀ မှ ၈၄၀၀၀
ရှမ်းပြောင်း (သ) တစ်အိတ် ၈၃၀၀၀ မှ ၈၄၀၀၀
ထောပတ်ပဲ(က၊လ၊သ)တစ်အိတ် ၃၀၀၀၀၀ မှ ၃၉၀၀၀၀
စွန်တာပြာ(ရိုးရိုး၊ကသဲ)တစ်အိတ် ၂၃၀၀၀၀ မှ ၂၆၅၀၀၀
မြေပဲ အနီလုံးဆံ တစ်ပိဿာ ၈၆၀၀ မှ ၈၈၀၀
ပဲပုတ်(ရှမ်း)တစ်အိတ် ၃၅၀၀၀၀ မှ ၃၉၅၀၀၀

တောင်သူဦးကြီးများ စီးပွားတိုးတက်ပါစေရှင်

04/12/2024

၄.၁၂.၂၀၂၄

ယနေ့စက်သုံး‌ဆီဈေးနှုန်းဖြစ်ပါတယ်။

ဖော်ပြပါ ဈေးနှုန်းများသည် စက်သုံးဆီ တင်သွင်းဖြန့်ဖြူးခြင်း လုပ်ငန်းကြီးကြပ်ရေးကော်မတီမှာ ထုတ်ပြန် ပေါက်ဈေးဖြစ်ပြီး ပြင်ပပေါက်ဈေးများနှင့် ကွာခြားမှု ရှိနိုင်ပါသည်။

03/12/2024

ဆင်ဖြူဂိတ်ကနေ ကုန်ပစ္စည်း အချို့ အကန့်သတ်နဲ့ ပြန်လည် သယ်ယူခွင့် ပြု

ကုန်ပစ္စည်းသယ်ယူခွင့်ပိတ်ထားတဲ့ ရှမ်းပြည်နယ်မြောက်ပိုင်း၊ မူဆယ်မြို့နယ်ထဲက တရုတ်-မြန်မာနယ်စပ်ဂိတ်တစ်ခုဖြစ်တဲ့ ဆင်ဖြူဂိတ်ကနေ ကုန်ပစ္စည်း အချို့ကိုအကန့်အသတ်နဲ့သယ်ယူခွင့်ပြန်လည်ခွင့်ပြုပေးလိုက်တယ်လို့သိရပါတယ်။

ဆင်ဖြူဂိတ်ကနေ သယ်ယူခွင့်ပြုတဲ့ကုန်စည်က တရုတ်ပြည်ကြယ်ဂေါင်ကနေ မူဆယ်မြို့အတွင်းစားသုံးရန်ဖြစ်သောမီးဖိုချောင်သုံးအသီးအနှံ၊အသားနဲ့ငါးတွေကိုသာသယ်ခွင့်ပြုမှာဖြစ်ကြောင်း ၊ကျန်တဲ့ အေးခဲအသားနဲ့လူသုံးကုန်ပစ္စည်း အားလုံးသယ်ခွင့်မပြုဘူးလို့သိရပါတယ်။

" ဟုတ်တယ် ဂိတ်ပြန်ဖွင့်ပေမယ့် ကုန်အားလုံးသယ်ခွင့်မပြုဘူး။အဓိကမူဆယ်မြို့အတွက်ပဲခွင့်ပြုတာတောင် အသားငါးအသီးအနှံပဲရတယ်။လူသုံးကုန်အလှကုန်ဘာညာဘာမှမရသေးဘူး။အစားအစာပဲရလို့တော့မပြေဘူးလေ။ဂိတ်ကနေသယ်ခွင့်ပေးပြီဆိုတော့ တဖြေးဖြေးပြန်ခွင့်ပြုဖို့မျှော်ရတာပဲ" လို့ မူဆယ်ဒေသခံကပြောပါတယ်။

ဆင်ဖြူဂိတ်ကနေ ကုန်ပစ္စည်းသယ်ယူမယ်ဆိုရင် ကုန်ပစ္စည်းတင်ဆောင်မယ့် မော်တော်ယာဉ်နဲ့မော်တော်ဆိုင်ကယ်တွေအနေနဲ့သက်ဆိုင်ရာမှသတ်မှတ်ထားတဲ့ ခွင့်ပြုမိန့်ပါရှိရမှာဖြစ်တယ်လို့လည်းသိရပါတယ်။

ဒါ့အပြင် အိမ်စီးကားတွေနဲ့လည်း ကုန်ပစ္စည်းသယ်ယူခွင့်မပြုသလို စက်ဘီး၊လက်တွန်းလှည်းတွေနဲ့လည်း သယ်ယူခွင့်မပြုဘူးလို့သိရပါတယ်။သယ်ယူခွင့်ပြုထားတဲ့မော်တော်ဆိုင်ကယ်တွေအနေနဲ့လည်း ကုန်ပစ္စည်း ကိုအလွန်အကျွံသယ်ယူခွင့်မပြုဘဲ ရှေ့တစ်ထုပ်နောက်တစ်ထုပ်သာသယ်ခွင့်ပြုနေတယ်လို့သိရပါတယ်။

ဆင်ဖြူဂိတ်ကိုတော့ တရုတ်အစိုးရက နိုဝင်ဘာလ ၁၁ ရက်နေ့ကစပြီး ကုန်ပစ္စည်း သယ်ယူခွင့်မပြုဘဲ လူကိုသာဝင်ထွက်ခွင့်ပြုပြီးနောက် အခုပြန်လည်ခွင့်ပြုလိုက်တာဖြစ်ပါတယ်။

လက်ရှိမှာ ဆင်ဖြူနယ်စပ်ဂိတ်ကနေ နေ့စဉ်ကုန်ပစ္စည်းသယ်ယူဖို့အတွက် ကားအစီးရေ ၅၀ နဲ့ ဆိုင်ကယ်အစီးရေ ၂၀၀ ကို တရုတ်နိုင်ငံဘက် ဝင်ရောက်ဖြတ်သန်းသွားလာ ခွင့်ပြုထားကြောင်း၊ဖြတ်သန်းသွားလာခွင့်အတွက်ကိုတော့ အလှည့်ကျ နံပါတ်နဲ့ တရုတ်နိုင်ငံဘက်ကို ဝင်ထွက်ခွင့်ပြုနေတာဖြစ်တယ်လို့သိရပါတယ်။

ဒါကြောင့် တရုတ်ဘက်ခြမ်းမှာ မြန်မာနိုင်ငံထဲကို ဆင်ဖြူဂိတ်မှတစ်ဆင့် ဖြတ်သန်းဝင်ရောက်ဖို့အတွက် ကုန်ပစ္စည်း ကားနဲ့ ဆိုင်ကယ်အစီးရေ ရာနဲ့ချီ တန်းစီစောင့်ဆိုင်းနေကြပါတယ်။

ချစ်ခွန်းချို(AMIA)

03/12/2024

၃.၁၂.၂၀၂၄

မတ်ပဲ ရော ပဲစင်းငုံ ရော အကျကြမ်းနေပါတယ်။ပဲပုတ်‌‌ေဈးကုလားပဲ‌ေဈးကလည်း ကျပါတယ်။ပဲတီစိမ်းဈေးတက်သလို မြေပဲဈေး ပြောင်းဈေး ကလည်း တက်ပါတယ်။ကြက်သွန်နီကလည်း ဆက်တိုက်ဈေးပြန်တက်နေပေမယ့် ကြက်သွန်ဖြူ အာလူးဈေးငြိမ်ပါတယ်။နှမ်းဖြူ(ဂျပန်)ဈေးတက်ပြီး အခြား နှမ်းတွေ ဈေးအနည်းငယ်ကျပါတယ်။

ရန်ကုန်ဘုရင့်နောင်

မတ်ပဲ (FAQ/RC)တစ်တင်း ၁၁၂၅၄၀
မတ်ပဲ(SQ/RC) တစ်တင်း ၁၂၄၉၂၀
မတ်ပဲ(Raw) တစ်ပိဿာ ၅၈၃၀ မှ ၅၈၇၀
ပဲစင်းငုံနီ တစ်တင်း ၁၁၉၉၇၀
ပဲတီစိမ်း(အညာ၊ပဲခူး၊ခရမ်း၊းခယ်မ) တစ်ပိဿာ ၄၅၅၀ မှ ၆၃၂၀
ဘိုကိတ် တစ်ပိဿာ ၅၃၃၀ မှ ၅၆၇၀
ပြောင်းဆံ တစ်ပိဿာ ၁၆၀၀ မှ ၁၆၂၀
ကုလားပဲခြမ်း တစ်ပိဿာ ၆၆၅၀ မှ ၇၀၀၀
ပဲပုတ်(ဆီတိုး၊အထွက်တိုး)တစ်ပိဿာ ၇၁၆၅ မှ ၇၃၃၅
ကြက်သွန်နီ(ဆိပ်ဖြူ၊မြင်းခြံ၊ပခုက္ကူ ) တစ်ပိဿာ ၁၈၀၀ မှ ၄၇၀၀
ကြက်သွန်ဖြူ(ရှမ်း)တစ်ပိဿာ ၁၂၅၀၀ မှ ၁၆၀၀၀
ထန်းလျက်တောင်သာမလိုင်ဒုံး တစ်ပ်ဿာ ၇၀၀၀ မှ ၇၂၀၀
ရေစကြို ထန်းလျက် တစ်ပိဿာ ၈၀၀၀ မှ ၈၅၀၀
သကြား တစ်ပိဿာ ၄၈၀၀ မှ ၅၁၀၀
အာလူး(အောင်ပန်း)တစ်ပိဿာ ၆၀၀၀ မှ ၉၀၀၀
အာလူး (တရုတ်) တစ်ပိဿာ ၉၀၀၀

မန္တလေးကုန်စည်ဒိုင်

နှမ်းနက်(စမုံ) တစ်အိတိ ၆၁၀၀၀၀ မှ ၆၇၀၀၀၀
နှမ်းဖြူ (‌ဗမာ) တစ်အိတ် ၃၇၀၀၀၀ မှ ၄၀၀၀၀၀
နှမ်းဖြူ(ဂျပန်) တစ်အိတ် ၄၂၀၀၀၀ မှ ၄၄၀၀၀၀
နှမ်းညို တစ်အိတ် ၃၀၅၀၀၀ မှ ၃၁၅၀၀၀
နှမ်းနီ တစ်အိတ် ၃၃၅၀၀၀ မှ ၃၄၅၀၀၀
ပဲတီစိမ်း တစ်အိတ် ၂၉၀၀၀၀ မှ ၃၀၀၀၀၀
ကုလားပဲ(V2)တစ်အိတ် ၂၉၀၀၀၀
ကုလားပဲ(ထိုင်၀မ်)တစ်အိတ် ၂၇၅၀၀၀ မှ ၂၈၀၀၀၀
ကုလားပဲ (၉၂၉) တစ်အိတ် ၂၈၃၀၀၀ မှ ၂၈၅၀၀၀
မတ်ပဲ (သ၊ဟ) တစ်အိတ် ၂၆၀၀၀၀ မှ ၃၂၅၀၀၀
စီပီပြောင်း (သ) တစ်အိတ် ၈၁၀၀၀ မှ ၈၂၀၀၀
ရှမ်းပြောင်း (သ) တစ်အိတ် ၈၁၀၀၀ မှ ၈၂၀၀၀
ထောပတ်ပဲ(က၊လ၊သ)တစ်အိတ် ၃၀၀၀၀၀ မှ ၃၉၀၀၀၀
စွန်တာပြာ(ရိုးရိုး၊ကသဲ)တစ်အိတ် ၂၃၀၀၀၀ မှ ၂၆၅၀၀၀
မြေပဲ အနီလုံးဆံ တစ်ပိဿာ ၈၇၀၀ မှ ၉၀၀၀
ပဲပုတ်(ရှမ်း)တစ်အိတ် ၃၅၀၀၀၀ မှ ၄၀၅၀၀၀

တောင်သူဦးကြီးများ စီးပွားတိုးတက်ပါစေရှင်

03/12/2024

၃.၁၂.၂၀၂၄

ယနေ့စက်သုံး‌ဆီဈေးနှုန်းဖြစ်ပါတယ်။

ဖော်ပြပါ ဈေးနှုန်းများသည် စက်သုံးဆီ တင်သွင်းဖြန့်ဖြူးခြင်း လုပ်ငန်းကြီးကြပ်ရေးကော်မတီမှာ ထုတ်ပြန် ပေါက်ဈေးဖြစ်ပြီး ပြင်ပပေါက်ဈေးများနှင့် ကွာခြားမှု ရှိနိုင်ပါသည်။

02/12/2024

၂.၁၂.၂၀၂၄

မတ်ပဲ ပဲစင်းငုံဈေးကျဆင်းပြီး ပဲအများစုကတော့ ဈေးငြိမ်ပါတယ်။ကုလားပဲခြမ်း‌ေဈးကျပါတယ်။ နှမ်းဈေးကလည်း ငြိမ်သွားပါတယ်။ကြက်သွန်နီဈေး ပြန်တက်လာပြီး ကြက်သွန်ဖြူ အာလူး ဈေးတွေ အတက်ဈေးနဲ့ ငြိမ်နေပါတယ်။

ရန်ကုန်ဘုရင့်နောင်

မတ်ပဲ (FAQ/RC)တစ်တင်း ၁၁၃၈၂၅
မတ်ပဲ(SQ/RC) တစ်တင်း ၁၂၆၃၆၅
မတ်ပဲ(Raw) တစ်ပိဿာ ၅၉၁၅ မှ ၅၉၅၀
ပဲစင်းငုံနီ တစ်တင်း ၁၂၂၇၃၃
ပဲတီစိမ်း(အညာ၊ပဲခူး၊ခရမ်း၊းခယ်မ) တစ်ပိဿာ ၄၅၀၀ မှ ၆၂၇၀
ဘိုကိတ် တစ်ပိဿာ ၅၃၃၀ မှ ၅၆၇၀
ပြောင်းဆံ တစ်ပိဿာ ၁၅၅၀ မှ ၁၅၇၀
ကုလားပဲခြမ်း တစ်ပိဿာ ၆၆၅၀ မှ ၇၀၀၀
ကြက်သွန်နီ(ဆိပ်ဖြူ၊မြင်းခြံ၊တောင်သာ) တစ်ပိဿာ ၁၇၀၀ မှ ၄၃၀၀
ကြက်သွန်ဖြူ(ရှမ်း)တစ်ပိဿာ ၁၂၅၀၀ မှ ၁၆၀၀၀
ထန်းလျက်တောင်သာမလိုင်ဒုံး တစ်ပ်ဿာ ၇၀၀၀ မှ ၇၂၀၀
ရေစကြို ထန်းလျက် တစ်ပိဿာ ၈၀၀၀ မှ ၈၅၀၀
သကြား တစ်ပိဿာ ၄၈၀၀ မှ ၅၁၀၀
အာလူး(အောင်ပန်း)တစ်ပိဿာ ၆၀၀၀ မှ ၉၀၀၀
အာလူး (တရုတ်) တစ်ပိဿာ ၉၀၀၀

မန္တလေးကုန်စည်ဒိုင်

နှမ်းနက်(စမုံ) တစ်အိတိ ၆၂၀၀၀၀ မှ ၆၈၀၀၀၀
နှမ်းဖြူ (‌ဗမာ) တစ်အိတ် ၃၇၅၀၀၀ မှ ၄၀၅၀၀၀
နှမ်းဖြူ(ဂျပန်) တစ်အိတ် ၄၁၀၀၀၀ မှ ၄၃၅၀၀၀
နှမ်းညို တစ်အိတ် ၃၁၀၀၀၀ မှ ၃၁၅၀၀၀
နှမ်းနီ တစ်အိတ် ၃၄၀၀၀၀ မှ ၃၄၅၀၀၀
ပဲတီစိမ်း တစ်အိတ် ၂၉၀၀၀၀ မှ ၃၀၀၀၀၀
ကုလားပဲ(V2)တစ်အိတ် ၂၉၅၀၀၀
ကုလားပဲ(ထိုင်၀မ်)တစ်အိတ် ၂၈၀၀၀၀
ကုလားပဲ (၉၂၉) တစ်အိတ် ၂၈၂၀၀၀ မှ ၂၈၃၀၀၀
မတ်ပဲ (သ) တစ်အိတ် ၂၅၀၀၀၀ မှ ၂၇၀၀၀၀
စီပီပြောင်း (သ) တစ်အိတ် ၈၀၀၀၀
ရှမ်းပြောင်း (သ) တစ်အိတ် ၈၀၀၀၀
ပဲကြီး(က၊လ၊သ)တစ်အိတ် ၂၄၅၀၀၀ မှ ၃၀၀၀၀၀
ထောပတ်ပဲ(က၊လ၊သ)တစ်အိတ် ၃၀၀၀၀၀ မှ ၃၉၀၀၀၀
စွန်တာပြာ(ရိုးရိုး၊ကသဲ)တစ်အိတ် ၂၃၅၀၀၀ မှ ၂၆၅၀၀၀
မြေပဲ အနီလုံးဆံ တစ်ပိဿာ ၈၅၀၀ မှ ၈၉၀၀

တောင်သူဦးကြီးများ စီးပွားတိုးတက်ပါစေရှင်

02/12/2024

၂.၁၂.၂၀၂၄

ယနေ့စက်သုံး‌ဆီဈေးနှုန်းဖြစ်ပါတယ်။

ဖော်ပြပါ ဈေးနှုန်းများသည် စက်သုံးဆီ တင်သွင်းဖြန့်ဖြူးခြင်း လုပ်ငန်းကြီးကြပ်ရေးကော်မတီမှာ ထုတ်ပြန် ပေါက်ဈေးဖြစ်ပြီး ပြင်ပပေါက်ဈေးများနှင့် ကွာခြားမှု ရှိနိုင်ပါသည်။

30/11/2024

ပိုးမွှားကင်းရှင်းကြောင်းသတ်မှတ်ချက်နဲ့ညီတဲ့ မြန်မာနာနတ်သီးတွေ တရုတ်ကိုတင်ပို့ခွင့်ရရှိ

မြန်မာနာနတ်သီးများကို တရုတ်နိုင်ငံကို တရားဝင် တင်ပို့ရောင်းချခွင့် တရုတ်အစိုးရ ဘက်မှပြန်လည် ခွင့်ပြုပေးလိုက်ပြီဖြစ်တယ်လို့သိရပါတယ်။

နာနတ်သီးကို တရုတ်နိုင်ငံကိုတင်ပို့ခွင့်ပြုရာမှာ ပိုးမွှားကင်းရှင်းကြောင်း (Phytosanitary) သတ်မှတ် ချက်များ နဲ့ကိုက်ညီပြီး လတ်ဆတ်တဲ့နာနတ်သီးတွေကိုသာ တင်သွင်းခွင့်ပြုမှာဖြစ် ကြောင်းသိရပါ တယ်။

တရုတ်ကို မြန်မာနာနတ်သီး တရားဝင်တင်ပို့ခွင့်ရရှိပြီး စျေးကွက်ချဲ့ထွင်နိုင်ဖို့ အတွက်နှစ်ချီကြာ အောင် ဆွေးနွေးမှုတွေ ပြုလုပ်ခဲ့ ပြီး နောက်မှာမှတရုတ်က ယခုလိုတင်ပို့ခွင့်ပြု လိုက်တာဖြစ်တယ်လို့ သိရပါ တယ်။

"တရုတ်ကိုခုလို ပို့နိုင်ဖို့ကြိုးစားနေတာငါးနှစ်ရှိပြီအခုမှသူတို့က ခွင့်ပြုတာပေါ့။သူတို့ပိတ်လိုက်ပြီး ကတည်းက လုပ်နေတာ။ မနှစ်က နတ်သီးစစ်ဆေးတာဘာညာ သတ်မှတ်ချက်တွေ ဆွေးနွေးနေကြ တာခုနှစ်မှ တရားဝင်ဖြစ်သွားတာပေါ့။အဓိက တင်ပို့မယ့်နာနတ်သီးက ရောဂါ ပိုးမွှားကင်းစင်ကြောင်း ထောက်ခံချက်ပါရမယ်။တခြားသူတို့နိုင်ငံရဲ့သတ်မှတ် ချက်နဲ့ညီရမယ်ပေါ့။" လို့ နာနတ်သီးစိုက်ပျိုးသူ တစ်ဦးကပြောပါတယ်။

တရုတ်ကို မြန်မာနာနတ်သီးတွေ တင်ပို့ခွင့်အပေါ် တရုတ်ဘက်က ပြီးခဲ့တဲ့၂၀၁၉ ခုနှစ် ဇွန်လက တည်းက ပိတ်ခဲ့တာဖြစ်ပြီး ၂၀၂၄ ခုနှစ် နိုဝင်ဘာလမှာမှ ပြန်လည်တင်ပို့ခွင့်ပြုလိုက်တာဖြစ် တယ်လို့သိရပါတယ်။

မြန်မာနိုင်ငံကထွက်ရှိတဲ့ နာနတ် သီးကို တရုတ်စျေးကွက်ကိုတင်ပို့ခွင့်ရရှိခြင်းက ခိုင်မာတဲ့စျေးကွက် တခုကို ရရှိခြင်းဖြစ်ပေမယ့် လက်ရှိကနာနတ် သီး ရာသီကုန်ပြီး ရှားတဲ့အချိန်ဖြစ်နေတာကြောင့် တောင် သူ တွေအတွက် လာမယ့်နှစ်နာနတ်သီးရာသီချိန်ရောက်မှသာ အကျိုးအမြတ်စတင် ခံစားရနိုင် ဖွယ်ရှိ တယ်လို့သိရပါတယ်။

" အခုကနာနတ်သီးကရှားသွားပြီလေ။ဇွန် ၊ဇူလိုင် ၊ဩဂုတ်လလောက်ကဆို ရင်တော့ ပိုကောင်း တာ ပေါ့။ သူတို့ကလည်းခုနိုဝင်ဘာလမှာမှ ခွင့်ပြုတော့နောက်နှစ်မှပဲ အသက်ဝင်မယ်။ ခုနှစ်ပြည်တွင်း မှာ လည်းစျေးကောင်းတယ် " လို့ နာနတ်သီး ရောင်းဝယ်ရေးလုပ်ကိုင် သူတစ်ဦးကပြော ပါတယ်။

ယခုနှစ်ပြည်တွင်းမှာ နာနတ်သီးတစ်လုံးကို အလုံးအရွယ်အစားနဲ့အမျိုးအစားပေါ်လိုက်ပြီး ၄၅၀၀ ကျပ်အထိရှိတယ်လို့သိရပါတယ်။

မနှစ်က နာနတ်သီးရာသီချိန်တုန်းကဆိုရင် ပြည်တွင်း လက်လီ စျေးကွက်မှာ နာနတ်သီး တစ်လုံးကို ငွေကျပ် ၁၅၀၀ ကျပ် ကနေ ၃၀၀၀ ကျပ်အထိသာ စျေးကွက်ရှိခဲ့ပါတယ်။

မြန်မာနာနတ်သီးကို ရှမ်းပြည်နယ်မှာ အဓိကစိုက်ပျိုးကြသလို ရန်ကုန် အပါအဝင် ကျန်နေရာအချို့ မှာလည်း စိုက်ပျိုးမှုကြောင်း ၊ နာနတ်သီးရာသီက စက်တင်ဘာလ မှာကုန်ဆုံးတာဖြစ် တယ်လို့သိရ ပါတယ်။

မစံပယ်(AMIA)

သတင်းအား မြန်မာဩဘာမှ ကူညီပေးထားပါသည်။

30/11/2024

၃၀.၁၁.၂၀၂၄

ယနေ့စက်သုံး‌ဆီဈေးနှုန်းဖြစ်ပါတယ်။

ဖော်ပြပါ ဈေးနှုန်းများသည် စက်သုံးဆီ တင်သွင်းဖြန့်ဖြူးခြင်း လုပ်ငန်းကြီးကြပ်ရေးကော်မတီမှာ ထုတ်ပြန် ပေါက်ဈေးဖြစ်ပြီး ပြင်ပပေါက်ဈေးများနှင့် ကွာခြားမှု ရှိနိုင်ပါသည်။

Address

Yangon

Website

https://amiamm.com/

Alerts

Be the first to know and let us send you an email when AMIA-Doh Farmer Digital TV posts news and promotions. Your email address will not be used for any other purpose, and you can unsubscribe at any time.

Contact The Business

Send a message to AMIA-Doh Farmer Digital TV:

Videos

မတ်တဒေါ ရိတ်သိမ်းခြွေလှေ့စက်

MH88T စပါးပြန်လည်သန့်စင်စရာမလိုသည့် ရိတ်သိမ်းခြွေလှေ့စက် Win Motor ကုမ္ပဏီကနေ တင်သွင်းထုတ်လုပ်ဖြန့်ချိတဲ့ မတ်တဒေါ ရိတ်သိမ်းခြွေလှေ့စက်ကို သဘောကျလို့ ဝယ်ချင်ပေမဲ့ ကိုယ်တိုင်ကိုယ်ကျ လာပြီး မလေ့လာနိုင်သေးတဲ့ ချစ်မိတ်ဆွေ တောင်သူဦးကြီးများ အနေဖြင့် ဒီ Video ဖိုင်လေးမှာ လေ့လာနိုင်ပါတယ်။ အသေးစိတ် ဆက်သွယ်စုံစမ်းလိုပါက 09-5193 211 09-977 835 783 တို့ကို ဆက်သွယ်စုံစမ်းနိုင်ပါတယ်။ page: https://www.facebook.com/MatadorTractors #ရိတ်သိမ်းခြွေလှေ့စက်များ #WinMotorCoLtd #MatadorHarvester

ကျွန်တော်တို့ဟာ အခုဆိုရင် လက်တွန်းထွန်ကိုင်း NC PLus X Special နဲ့ ကူဘိုတာဒီဇယ်အင်ဂျင် ZT Plus တို့တွဲလျက်အသုံးပြုပြီး ဝင်ငွေကောင်းကောင်းရှာနိုင်တဲ့ တောင်သူတစ်ဦးနဲ့ သွားရောက်တွေ့ဆုံတော့မှာပဲဖြစ်ပါတယ်။ ဒီဇယ်အင်ဂျင်ကိုဘယ်လိုတွေ အသုံးပြုနေပြီး ဘယ်လောက်သဘောကျလျက်ရှိတယ်ဆိုတာကို အတူတူ မလွတ်တမ်းကြည့်ကြရအောင် လက်တွန်းထွန်ကိုင်း NC PLus X Special နဲ့ ကူဘိုတာဒီဇယ်အင်ဂျင် ZT Plus တို့ကိုစိတ်ဝင်စားပြီး တွဲလျက်အသုံးပြုချင်တယ်ဆိုရင်တော့ Kubota Power Tiller အက်မင်များကို လာရောက်မေးမြန်းလို့ရနေပါပြီနော် ဝယ်ယူလိုပါက စာရင်းပေးရန် လင့်ခ် : https://docs.google.com/forms/d/e/1FAIpQLSdzV5QV4h0pcPthTJybTZFL2xtIfxaC68A8v653x129DNnXqg/viewform?pli=1 အခြားအသေးစိတ်စုံစမ်းရန် : https://m.me/KubotaPowerTillerMyanmar #DieselEngine #Kubota #KUBOTA #ZTPlus #ZTPlusStrongDurablewithRealHardworker

လက်တွန်းထွန်ကိုင်း NC PLus X Special နဲ့ ကူဘိုတာဒီဇယ်အင်ဂျင် ZT Plus

ကျွန်တော်တို့ဟာ အခုဆိုရင် လက်တွန်းထွန်ကိုင်း NC PLus X Special နဲ့ ကူဘိုတာဒီဇယ်အင်ဂျင် ZT Plus တို့တွဲလျက်အသုံးပြုပြီး ဝင်ငွေကောင်းကောင်းရှာနိုင်တဲ့ တောင်သူတစ်ဦးနဲ့ သွားရောက်တွေ့ဆုံတော့မှာပဲဖြစ်ပါတယ်။ ဒီဇယ်အင်ဂျင်ကိုဘယ်လိုတွေ အသုံးပြုနေပြီး ဘယ်လောက်သဘောကျလျက်ရှိတယ်ဆိုတာကို အတူတူ မလွတ်တမ်းကြည့်ကြရအောင် လက်တွန်းထွန်ကိုင်း NC PLus X Special နဲ့ ကူဘိုတာဒီဇယ်အင်ဂျင် ZT Plus တို့ကိုစိတ်ဝင်စားပြီး တွဲလျက်အသုံးပြုချင်တယ်ဆိုရင်တော့ Kubota Power Tiller အက်မင်များကို လာရောက်မေးမြန်းလို့ရနေပါပြီနော် ဝယ်ယူလိုပါက စာရင်းပေးရန် လင့်ခ် : https://bit.ly/3Ql12FZ အခြားအသေးစိတ်စုံစမ်းရန် : https://m.me/KubotaPowerTillerMyanmar #DieselEngine #Kubota #KUBOTA #ZTPlus #ZTPlusStrongDurablewithRealHardworker

စစ်မှန်သော ကြံ့ခိုင် တာရှည်ခံအင်ဂျင်! အလုပ်တိုင်းအတွက် အသင့်ဖြစ်နေပြီ!

လယ်ယာလုပ်ငန်းတွေဟာ ရိုတရီပါထိုင်မောင်းထွန်ကိုင်း SP155 ရှိတဲ့အတွက်ပိုမိုလွယ်ကူ အဆင်ပြေသွားမှာဖြစ်ပြီး ကူဘိုတာ ZT Plus အင်ဂျင်ကြောင့်လည်း စွမ်းဆောင်ရည်ပိုင်းကိုများစွာအထောက်အကူပြုစေပါတယ်။ 👨‍🌾 ကျွန်တော်တို့ လက်ရှိအမှန်တကယ်အသုံးပြုသူနဲ့ သွားတွေ့ကြမှာဖြစ်ပြီး Kubota စက်ထုတ်ကုန်တွေကို ဘာကြောင့်ရွေးချယ်ကြခဲ့တာလဲဆိုတာ နားထောင်ကြည့်ကြရအောင်။ 🧡 ပိုမိုသိရှိလိုသည်များရှိပါက (သို့မဟုတ်) ဝယ်ယူရန် ဆုံးဖြတ်ချက်မချမီ စက်ကိုစမ်းသုံးကြည့်လိုပါက အောက်ပါအတိုင်း ဆက်သွယ်အကြောင်းကြာနိုင်ပါတယ်။ 💬 ဝယ်ယူလိုပါက စာရင်းပေးရန် လင့်ခ် : https://bit.ly/3QFcs8X အခြားအသေးစိတ်စုံစမ်းရန် : m.me/KubotaPowerTillerMyanmar စစ်မှန်သော အကြမ်းခံတာရှည်ခံ ဒီဇယ်အင်ဂျင်! အလုပ်တိုင်းအတွက် အသင့်ပဲ! #DieselEngine #Kubota #KUBOTA #SP155 #ZTPlus စစ်မှန်သော ကြံ့ခိုင် တာရှည်ခံအင်ဂျင်! အလုပ်တိုင်းအတွက် အသင့်ဖြစ်န