What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

Taste Window Food Magazine

Home
Myanmar
Yangon
Taste Window Food Magazine

Food, Cooking, Lifestyle and Health
Monthly Magazine, Issued on every 27th of a month
(181)

02/09/2024

ဝက်သားလုံးပဲကြာဆံစွပ်ပြုတ်
အခုလုပ်ပြမယ့် စွပ်ပြုတ်က ထိုင်းမိသားစုရဲ့ အိမ်အများစုမှာ ပုံစံတစ်မျိုးမျိုးနဲ့ လုပ်စားလေ့ရှိကြပါတယ်။ ရိုးရှင်းပြီး အဖြူထည် စွပ်ပြုတ်(clear soup) တစ်မျိုးလို့ ဆိုရပါမယ်။ အစပ်အပါအဝင် အရသာပြင်းပြင်းတွေမပါတာကြောင့် ရိုးရှင်းတဲ့စွပ်ပြုတ် ပြယုဂ်တစ်ခုဖြစ်ပါတယ်။ ဗီယက်နမ်၊ ဂျပန်ပုံစံစွပ်ပြုတ်များနဲ့ ဆင်တယ်လို့ ထင်ရပေမယ့် ကွဲပြားပါတယ်။ ထိုင်းတွေကတော့ ထမင်းနဲ့တွဲဖက်စားကြပါတယ်။

၄ ယောက်စာ
ကြာချိန် - ၃၀ မိနစ်
ပါဝင်ပစ္စည်းများ
ပဲကြာဆံ - ၅၀ ဂရမ်
ဆီ - စားပွဲဇွန်း ၁ ဇွန်း
ကြက်သွန်ဖြူ - ၅ မြွှာ (နုပ်နုပ်စဉ်း)
ကြက်ပြုတ်ရည် - ၁ လီတာ
မုန်ညင်းဖြူ - ၂၀၀ ဂရမ်
ပဲငံပြာရည်အကျဲ - စားပွဲဇွန်း ၁ ဇွန်း + လက်ဖက်ရည်ဇွန်း ၁ ဇွန်း
ငံပြာရည် - လက်ဖက်ရည်ဇွန်း ၂ ဇွန်း
သကြား - လက်ဖက်ရည်ဇွန်း ၁/၂ ဇွန်း
ကြက်သွန်မြိတ် - ၂ ပင်
ငရုတ်ကောင်းမှုန့် - လက်ဖက်ရည်ဇွန်း ၁ ဇွန်း
အသားလုံးအတွက် ပါဝင်ပစ္စည်းများ
ဝက်သားစဉ်းကော - ၃၀၀ ဂရမ်
ပဲငံပြာရည် - စားပွဲဇွန်း ၁ ဇွန်း
ငံပြာရည် - စားပွဲဇွန်း ၁/၂ ဇွန်း
သကြား - လက်ဖက်ရည်ဇွန်း ၁ ဇွန်း
ငရုတ်ကောင်းမှုန့် - လက်ဖက်ရည်ဇွန်း ၁/၄ ဇွန်း

ပြုလုပ်နည်း
ပဲကြာဆံကို ၁၀ မိနစ်ခန့် ရေစိမ်ထားပါ။ မီးအနေတော်ဖြင့် အပူပေးထားသော စွပ်ပြုတ်တည်မည့်အိုးထဲသို့ ဆီထည့်ပါ။ ကြက်သွန်ဖြူ နုပ်နုပ်စဉ်းထည့်ပါ။ ၅ မိနစ်ခန့် ကြက်သွန်ဖြူ ကြွပ်လာသည်အထိ တည်ပါ။ မတူးအောင် ဂရုစိုက်ဖို့လိုပါမယ်။ ရွှေညိုရောင်သန်းပြီးကျက်လျှင် ပန်းကန်တစ်ခုတွင် ဖယ်ထားပါ။
ထို့နောက် စွပ်ပြုတ်အိုးထဲသို့ ကြက်ပြုတ်ရည်ထည့်ပြီး ဆူအောင်တည်ပါ။ အသားလုံးအတွက် ပါဝင်ပစ္စည်းများအားလုံးကို ဇောက်ပန်းကန်လုံးတစ်ခုတွင် ထည့်ပြီး သမာအောင် နယ်ပါ။
ကြက်ပြုတ်ရည်ဆူလာလျှင် နယ်ထားသောအသားများကို ဇွန်း ၂ ချောင်း အသုံးပြုပြီး တစ်ခါစားအနေတော် အတုံးလေးများဖြစ်အောင် ခြစ်ထည့်ပါ။ လုံးဝန်းနေဖို့ မလိုပါဘူး။ အသားလုံးများအကုန်ထည့်ပြီးလျှင် ဂေါ်ဖီ၊ ပဲငံပြာရည်၊ ငံပြာရည်၊ သကြားတို့ကို ထည့်ပါ။ ဆူအောင်ပြန်တည်ပါ။ ထို့နောက် ရေစိမ်ထားသော ပဲကြာဆံများထည့်ပြီး ၃ မိနစ်ခန့်တည်ပါ။ ရလျှင် အရသာမြည်းပါ။ ကြက်သွန်မြိတ်ဖြူးပြီး မီးပိတ်ပါ။ ပြီးလျှင် တစ်ယောက်စာ ပန်းကန်တစ်လုံးထဲ ထည့်ပြီး ကြော်ထားသောကြက်သွန်ဖြူ၊ ငရုတ်ကောင်းမှုန့်တို့ဖြူးပြီး အရသာရှိတဲ့ ဝက်သားလုံးပဲကြာဆံစွပ်ပြုတ်ကို သုံးဆောင်နိုင်ပါပြီ။

#ဝက်သားလုံးပဲကြာဆံစွပ်ပြုတ်

01/09/2024

Coconut water Strawberry Barbon
❝ သောက်လိုက်တိုင်းမှာ ခပ်ပါးပါးလေး ရီဝေသွားစေမယ့် Strawberry Barbon Cocktail ❞
ဘယ်အချိန်ဘယ်နေရာမှာမဆို ဘာနဲ့ပဲတွဲဖက်ဖျော်စပ်ပါစေ ချိုမြိန်မှုနဲ့ အကောင်းဆုံးအရသာကို တစ်ပြိုင်တည်းပေးစွမ်းနိုင်တဲ့ တစ်ခုတည်းသော အသီးတစ်မျိုးကတော့ စတော်ဘယ်ရီသီးလေးတွေပါပဲ။
အကောင်းဆုံးသော Whiskey တစ်မျိုးဖြစ်တဲ့ အမေရိကန်နိုင်ငံရဲ့ လူကြိုက်အများဆုံး နံပါတ်တစ်စာရင်းဝင် 𝐉𝐢𝐦 𝐁𝐞𝐚𝐦 𝐁𝐨𝐮𝐫𝐛𝐨𝐧 𝐖𝐡𝐢𝐬𝐤𝐞𝐲 ကို စတော်ဘယ်ရီသီးတွေထဲကမှ အချိုမြိန်ဆုံးအရသာကိုပေးနိုင်တဲ့ USA စတော်ဘယ်ရီသီးလေးတွေနဲ့ သဘာဝကျကျရောနှောဖျော်စပ်ပြီး . . .
𝐇𝐞𝐫𝐬𝐡𝐞𝐲'𝐬 𝐒𝐭𝐫𝐚𝐰𝐛𝐞𝐫𝐫𝐲 𝐒𝐲𝐫𝐮𝐩 နဲ့ ပေါင်းစပ်လိုက်မယ်ဆိုရင်တော့ဖြင့် ရီဝေဝေ အဆုံးသတ်လေးတစ်ခုနဲ့ သောက်ပြီးတိုင်းသောက်ချင်နေစေမယ့် Cocktail လေးတစ်ခွက်ကို ရနိုင်ပါပြီ။
ဒီလိုမျိုး အနံ့သင်းသင်းနဲ့ အုန်းရည်ချိုုချိုလေးရယ်၊ USA စတော်ဘယ်ရီသီးလေးတွေရယ်နဲ့ အကောင်းဆုံး Whiskey တစ်မျိုးရယ်ကို ပေါင်းစပ်ပြီး ခပ်မိုက်မိုက် Cocktail လေးတစ်မျိုးကို လွယ်ကူစွာဖျော်စပ်ဖို့အတွက် Video လေးကို အဆုံးထိ အတူကြည့်လိုက်ကြရအောင်နော်။

31/08/2024

ပူပူနွေးနွေးမားမားသုပ်
နာမည်အတိုင်း ပူပူနွေးနွေးသုံးဆောင်နိုင်ပါတယ်။ မားမား အသင့်စားခေါက်ဆွဲခြောက်ထုပ်က ထိုင်းနိုင်ငံမှာ လူသိများတာကြောင့် အသင့်စားခေါက်ဆွဲခြောက်လို့ဆိုတာနဲ့ မားမားလို့သာ လူသိများပါတယ်။ ထိုင်းနိုင်ငံသားတွေ နှစ်သက်ကြပါတယ်။ မားမားသုပ်လို့ဆိုတာကြောင့် မားမားခေါက်ဆွဲခြောက်ထုပ်သုံးတာ ပိုကောင်းပါမယ်။ တခြား တံဆိပ်တွေသုံးမယ်ဆိုရင် အထုပ်ထဲမှာပါတဲ့ အရသာမှုန့်တွေက ကွဲပြားတာကြောင့် အရသာချိန်ညှိဖို့ လိုပါတယ်။ ကြည့်လိုက်ကြရအောင်။

၂ ယောက်စာ
ကြာချိန် - ၂၀ မိနစ်
ပါဝင်ပစ္စည်းများ
ငရုတ်သီးစိမ်း - ၆ တောင့်(ထောင်းထားပါ)
သံပရာသီးအရည်ညှစ် - စားပွဲဇွန်း ၃ ဇွန်း
ထန်းလျက်သကြား - လက်ဖက်ရည်ဇွန်း ၁/၂ ဇွန်း
ဝက်သားစဉ်းကော - ၂၅၀ ဂရမ်
ငံပြာရည် - လက်ဖက်ရည်ဇွန်း ၂ ဇွန်း
ဂေါ်ဖီ - ၈၀ ဂရမ် (အတုံးလှီးထားပါ)
ကြက်သားအရသာမားမားခေါ်က်ဆွဲခြောက်ထုပ် - ၂ ထုပ်
ကြက်သွန်နီ - ၃၀ ဂရမ် (ပါးပါးလှီး)
ခရမ်းချဉ်သီး - ၁၀၀ ဂရမ် (အတုံးလှီးထားပါ)
တရုတ်နံနံ - ၃ ပင် (အရိုးပါအပါပါးပါးလှီးထားပါ)
နံနံပင် - ၄ ပင် (နုပ်နုပ်စဉ်း)
ပြုလုပ်ပုံ
ခေါက်ဆွဲပြုတ်ရန်အတွက် ရေနွေး ကျိုထားပါ။
သုပ်မယ့်ဇလုံတစ်ခုတွင် ငရုတ်သီးစိမ်း၊ သံပရာရည်၊ ထန်းလျက်သကြားတို့ထည့်ပြီး သကြားများပျော်သွားသည်အထိ မွှေပါ။
အိုးတစ်လုံးကို မီးပြင်းပြင်းဖြင့် အပူပေးပါ။ အိုးပူလာရင် ဝက်သားစဉ်းကော ထည့်ပါ။ ငံပြာရည် ထည့်ပါ။ ဝက်သားများကျက်သည်အထိ ၃ မိနစ်ခန့် ချက်ပါ။ ကျက်ပါက ဂေါ်ဖီထည့်ပါ။ မားမားထုပ်ထဲတွင်ပါတဲ့ အရသာမှုန့်များထည့်ပြီး သမအောင် မွှေပါ။ ဂေါ်ဖီများ အနည်းငယ်နွမ်းလာလျှင် မီးပိတ်ပြီး သုပ်မယ့် ဇလုံထဲသို့ ထည့်ပါ။
မားမားခေါက်ဆွဲများကို လေးပိုင်းခြေပြီး ခေါက်ဆွဲပြုတ်ရန် တည်ထားသောအိုးတွင် ထည့်ပြီး ၃ မိနစ်ခန့် ပြုတ်ပါ။ ရလျှင် ခေါက်ဆွဲများကို ဆယ်ပြီး တတ်နိုင်သမျှ ရေပြောင်အောင်စစ်ပါ။ ထို့နောက် သုပ်မယ့် ဇလုံထဲ ထည့်ပါ။ ကြက်သွန်နီ၊ ခရမ်းချဉ်သီး၊ တရုတ်နံနံပင်တို့ ထည့်ပြီး သမအောင်မွှေပါ။ ပြီးလျှင် အပေါ်မှ နံနံပင် ဖြူးပြီး ပူပူနွေးနွေးသုံးဆောင်နိုင်တဲ့ မားမားသုပ် ရပါပြီ။

#ပူပူနွေးနွေးမားမားသုပ်

30/08/2024

ဝက်မှိုလုံးငရုတ်ပွအဆာသွတ်
ဒီတစ်ပတ်မှာတော့ ပိုပိုကောင်းရဲ့ ဝက်မှိုလုံးနဲ့ ချက်ပြပေးမယ့် ဟင်းလျာကတော့ ဝက်မှိုလုံးငရုတ်ပွအဆာသွတ် ဖြစ်ပါတယ်။ လုပ်ရတာလည်း လွယ်ကူပြီး စားလို့ကောင်းတဲ့အတွက် အားလုံးအဆင်ပြေစေဖို့ လုပ်နည်းလေးကို တင်ဆက်ပေးလိုက်ပါတယ်။ ကလေးတွေလည်း အကြိုက်တွေ့စေမှာမို့ လုပ်စားကြည့်ကြပါနော်။
ပါဝင်ပစ္စည်းများ
ကြက်ဥ - ၄ လုံး (ခလောက်ထားပါ)
ပိုပိုကောင်းဝက်မှိုလုံး - ၂၀၀ ဂရမ် (အနေတော်အတုံးလေးတွေတုံးပါ)
ခရမ်းချဉ်သီး - ၂ လုံး (နုပ်နုပ်လှီးထားပါ)
ကြက်သွန်နီ - ၂ လုံး (နုပ်နုပ်လှီးထားပါ)
ကြက်သွန်မြိတ် - ၁၅ ဂရမ် (ပါးပါးလှီးပါ)
ဆား - လက်ဖက်ရည်ဇွန်း ၁ ဇွန်း
ငရုတ်ကောင်းမှုန့် - လက်ဖက်ရည်ဇွန်း ၁ ဇွန်း
ငရုတ်ပွအစိမ်း - ၃ လုံး
ဆီ - စားပွဲဇွန်း ၂ ဇွန်း
ပြုလုပ်နည်း
ငရုတ်ပွအစိမ်းများကို လက်တစ်ဆစ်အရွယ်လေးတွေ လှီးဖြတ်ပြီး အထဲမှ အစေ့များကို ထုတ်ထားပါ။ ပြီးလျှင် ကြက်ဥခလောက်ထားတဲ့ ဇလုံထဲ အနေတော်လှီးထားတဲ့ ဝက်မှိုလုံး၊ ခရမ်းချဉ်သီး၊ ကြက်သွန်နီ၊ ကြက်သွန်မြိတ်၊ ဆား၊ ငရုတ်ကောင်းမှုန့်တို့ထည့်ပြီး သမအောင် မွှေထားပါ။ ပြီးလျှင် ဒယ်အိုးကို အပူပေးပြီး ဆီထည့်ပါ။ ဆီပူလာလျှင် လှီးထားတဲ့ ငရုတ်ပွအစိမ်းအကွင်းလေးတွေကို စီထည့်ပါ။ ပြီးလျှင် ရောမွှေထားတဲ့ ဝက်မှိုလုံးကြက်ဥအရောကို ဇွန်းလေးနဲ့ ငရုတ်ပွအစိမ်းအကွင်းအပြည့် လိုက်ထည့်ပါ။ ပြီးလျှင် အဖုံးအုပ်ပြီး တည်ပါ။ အထဲကအဆာများ ကျက်ပြီဆိုလျှင် ရပါပြီ။

#

#ဝက်မှိုလုံးငရုတ်ပွအဆာသွတ်
#ပိုပိုကောင်းဝက်မှိုလုံး

29/08/2024

နို့လက်ဖက်ရည် ဘာဘယ်တီး

"နို့လက်ဖက်ရည် ဘာဘယ်တီး" စာအုပ်မှ သခွားဖျော်ရည်အဆီ လုပ်နည်းအဆင့်ဆင့်ကို ကောက်နှုတ်ဖော်ပြပေးလိုက်ပါတယ်။
ဒီ"နို့လက်ဖက်ရည် ဘာဘယ်တီး" စာအုပ်မှာဆိုရင် ဘိုဘာဖျော်စပ်နည်းအခြေခံ၊ ယိုလုပ်နည်များ၊ ဖျော်ရည်အဆီလုပ်နည်းများ၊ နို့လက်ဖက်ရည်ဖျော်နည်းများ နဲ့ speciality drinks ဖျော်နည်းများလည်း ပါဝင် ပါတယ်။
အသီးဖျော်ရည်အဆီ ပြုလုပ်တဲ့အခါမှာ ဓာတုပစ္စည်းနဲ့ ဆိုးဆေးတွေထည့်မသုံးထားအတွက် အသီးရဲ့ သဘာဝပင်ကိုယ်အရသာကို မပျောက်သွားစေဘဲ ကျန်းမာရေးနဲ့လည်း ညီညွတ်စေပါတယ်။ အသီးဖျော်ရည်အဆီတွေကို ကြိုက်နှစ်သက်တဲ့ ပရိသတ်တွေအနေနဲ့ အိမ်မှာ လိုက်လုပ်ကြည့်ကြဖို့ အကြံပေးပါရစေနော်။

သခွားဖျော်ရည်အဆီ - Cucumber Syrup
ဖျော်ရည်အဆီ ၂ ခွက်စာ (၄၇၅ မီလီ) ပြုလုပ်ရန်
သခွားသီး - ၁ လုံး (အခွံနွှာပြီးသား)
ရေ (ပမာဏ အပြောင်းအလဲရှိ)
သကြား (ပမာဏ အပြောင်းအလဲရှိ)
ဆားအနည်းငယ်
၁။ အရည်ညှစ်ယူရန် သခွားသီးများကို အသီးညှစ်စက်ထဲ ထည့်ပါ။
၂။ ရရှိလာသော အသီးရည်ပမာဏကို တိုင်းတာ၍ ရေကို ၎င်း အတိုင်းအတာ၏ တစ်ဝက်ထည့်ပါ။ သကြားကို အသီး ရည်ပမာဏအတိုင်း ဆတူထည့်ပါ။ (ဥပမာ - ညှစ်ပြီးသားအရည် ၁ ခွက်စာ/၂၄၀ မီလီရပါက ရေ ခွက်တစ်ဝက်/ ၁၂၀ မီလီနှင့် သကြား ၁ ၁/၂ ခွက်/ ၃၀ဝ ဂရမ် အသုံးပြုပါ။)
၃။ ထို့နောက် အလယ်အလတ် အရွယ်အစားရှိ လက်ကိုင်တပ်ဒယ်ထဲ ပြောင်းထည့်ပြီး အပူချိန်ကို အလယ်အလတ်ခန့် ထား၍ ကျိုပေးပါ။ (ကျိုထားသောအိုးကို မပြတ်စောင့်ကြည့်ပေးပါ။ ဝေကျနိုင်သောကြောင့် ဖြစ်သည်။)
၄။ အထားခံစေရန်အတွက် ဆားအနည်းငယ် ထည့်ပေးပါ။
၅။ ထို့နောက် ၅ မိနစ်ခန့် ထပ်ကျို၍ အချိန်ပြည့်ပါက မီးဖိုပေါ်မှချကာ အအေးခံပါ။
၆။ အလုံပိတ်ထားသော ဘူးထဲ ထည့်၍ ရေခဲသေတ္တာထဲ ထည့်သိမ်းပါက (၁) ပတ်အထိ အထားခံနိုင်ပါသည်။

“နို့လက်ဖက်ရည် ဘာဘယ်တီး” စာအုပ်ကို အမြို့မြို့ အနယ်နယ်ရှိ စာအုပ်ဆိုင်များ နှင့် စီးတီးမတ်ဆိုင်ခွဲများ အားလုံးတွင် ဝယ်ယူရရှိနိုင်ပါတယ်။
Taste Window page Messenger တွင်လည်း မှာယူနိုင်သလို ဖုန်းနံပါတ်
၀၉ ၂၅၄ ၀၀၆ ၀၄၉ သို့လည်း ဖုန်းဆက်မှာယူနိုင်ပါတယ်။
အမြို့မြို့အနယ်နယ်ရှိ စာဖတ်သူ ပရိသတ်တွေအတွက် စာတိုက်ကြီးမှတစ်ဆင့် ပို့ဆောင်ပေးနေပါတယ်။

#နို့လက်ဖက်ရည်ဘာဘယ်တီး
#သခွားဖျော်ရည်အဆီ

28/08/2024

ကြက်တောင်ပံတုန်ယမ်းဟင်းချို
၄ ယောက်စာ
ကြာချိန် - ၃၀ မိနစ်

ထိုင်းတုန်ယမ်းဟင်းချိုကို အသား၊ ငါး၊ ပင်လယ်စာတို့နဲ့ ချက်ပြုတ်နိုင်ပါတယ်။ သို့ပေမဲ့ ပုစွန်တုန်ယမ်းဟင်းချိုကိုတော့ နိုင်ငံတကာမှာ အကြိုက်များပါတယ်။ ထိုင်းဟင်းချက်ငရုတ်သီးနှစ်၊ ပုစွန်၊ အုန်းနို့၊ ဟင်းခတ်ရွက်တွေနဲ့ ခပ်ပြင်းပြင်းပြည့်ပြည့်ဝဝရှိလှတဲ့ အနံ့အရသာကြောင့်လို့ ထင်ပါ
တယ်။ ခုချက်ပြတဲ့ တုန်ယမ်းဟင်းချိုကိုတော့ ကြက်တောင်ပံ(drumettes) နဲ့ ချက်ပြထားပါတယ်။ ထိုင်းဟင်းချက်ငရုတ်သီးအနှစ်၊ အုန်းနို့ မသုံးထားပါဘူး။ အစပ်အတွက် ငရုတ်သီးအနီအခြောက်တောင့်ကို သုံးထားပါတယ်။ အရိုးလွတ်ကြက်သားသုံးမယ်ဆိုရင်တော့ ဟင်းခတ်မှုန့်လိုပါမယ်။ ကြည့်လိုက်ကြရအောင်။
ပါဝင်ပစ္စည်းများ
ရေ - ၁.၅လီတာ
ကြက်တောင်ပံ - ၆၀၀ ဂရမ်
ကြက်သွန်နီ - ၆၀ ဂရမ်
ငံပြာရည် - စားပွဲဇွန်း ၄ ဇွန်း
သကြား - လက်ဖက်ရည်ဇွန်း ၃ ဇွန်း
ငရုတ်သီးအနီအခြောက်တောင့် - ၅ တောင့်
စပါးလင် - ၂ ချောင်း (အရင်းပိုင်း ၂ လက်မ အရွယ်)
ပတဲကော - ပါးပါးလှီးထားတာ ၁၀ ခု
ရှောက်ဘီလူးရွက် ၁၀ ရွက်
အောက်စတာမှို - ၁၀၀ ဂရမ်
ခရမ်းချဉ်သီး - ၂၀၀ ဂရမ်(လေးစိတ်စိတ်ပါ)
သံပရာရည် - စားပွဲဇွန်း ၃ ဇွန်း
နံနံပင် - ၁၀ ဂရမ် (နုပ်နုပ်စဉ်း)
ပြုလုပ်နည်း
အိုးတစ်ခုတွင် ရေထည့်ပြီး ဆူသည်အထိတည်ပါ။ ရေဆူလာလျှင် ကြက်သား၊ ကြက်သွန်နီ၊ ငံပြာရည်၊ သကြား အစဉ်လိုက်ထည့်ပြီး မီးအနေတော်ဖြင့် ကြက်သားနူးလာသည်အထိ မိနစ်၂၀ ခန့်တည်ပါ။
ကြက်သားတည်ထားစဉ် ငရုတ်သီးအနီအခြောက်တောင့်ကို အနံ့မွှေးလာသည်ထိ လှော်ပါ။
ကြက်သားကျက်ပါက လှော်ထားသော ငရုတ်သီးအနီအခြောက်တောင့်( အစပ်ကြိုက်လျှင် အစေ့များခွဲခြမ်းပြီး များများထည့်နိုင်ပါတယ်)။ စပါးလင်၊ ပတဲကော၊ မှိုထည့်ပါ။ ရှောက်ဘီလူးရွက် အနံ့ထွက်လာသည်ထိ ခြေမွပြီး ထည့်ပါ။ မီးအနေတော်ဖြင့် ၇ မိနစ်ခန့် တည်ပါ။
ထို့နောက် ခရမ်းချဉ်သီး ထည့်ပါ။ နူးလာအောင်၂ မိနစ်ခန့်တည်ပါ။ ခရမ်းချဉ်သီးများ အရောင်ဖျော့သွားပြီး ပုံစံမပျက်ပါစေနဲ့။ မီးပိတ်ပြီး သံပရာရည်ထည့်ပါ။ အရသာမြည်းပြီး လိုအပ်ပါက ငံပြာရည်၊ သကြား၊ အချဉ် လိုက်ပါ။ အချိုအရသာထက်စာရင် အငန်၊ အချဉ် အရသာ ပိုပေါ်လွင်ဖို့ လိုပါမယ်။ နံနံပင်ဖြင့်ထည့်ပြီး အရသာရှိရှိ သုံးဆောင်နိုင်ပါပြီ။

#ကြက်တောင်ပံတုန်ယမ်းဟင်းချို

27/08/2024

ငံပြာရည်ဆော့စ်နှင့်ကြက်ပေါင်ကင်
ရိုးရှင်းလွယ်ကူတဲ့အပြင် လုပ်ရတာလည်း မြန်ပါတယ်။ ဒီနေရာမှာ အဓိကပြောချင်တာက ငံပြာရည်ဆော့စ်ပါ။ ရိုးရှင်းတဲ့ အသားကင်များနဲ့ လိုက်ဖက်သလို အကြော်အလှော်များနဲ့လည်း တွဲဖက်သုံးဆောင်ရင် လိုက်ဖက်တယ်လို့ ပြောရပါမယ်။ ငံပြာရည်ဆော့စ်ဆိုတဲ့အတိုင်း ရှုပ်ရှုပ်ထွေးထွေးမဟုတ်ပါဘူး ရိုးရှင်းပါတယ်။ ပါဝင်ပစ္စည်းတွေက ငံပြာရည်၊ ငရုတ်သီးစိမ်း၊နီ၊ သံပရာရည် (သို့) လီမွန်ရည်၊ စားတတ်ရင်တော့ ကြက်သွန်ဖြူ၊ ကြက်သွန်နီ ဒါဆိုရင် ရပါပြီ။ ငံပြာရည်ကောင်းကောင်းသုံးဖို့တော့ လိုပါမယ်။ ကြက်ပေါင်ကင်ကလည်း ဆား၊ ငရုတ်ကောင်းသာ လိုပါတယ်။ ကြည့်လိုက်ကြရအောင်။

ငံပြာရည်ဆော့စ်နှင့်ကြက်ပေါင်ကင်
၂ ယောက်စာ
ကြာချိန် - ၂၀ မိနစ် + နှပ်ရန်ကြာချိန် ၂၀ မိနစ်
ပါဝင်ပစ္စည်းများ
ကြက်ပေါင်နှပ်ရန်
အရိုးလွတ်ကြက်ပေါင် - ၄၀၀ ဂရမ်
ဆား - လက်ဖက်ရည်ဇွန်း ၁ ဇွန်း
ငရုတ်ကောင်းမှုန့် - လက်ဖက်ရည်ဇွန်း ၂ ဇွန်း

ငံပြာရည်ဆော့စ် စပ်ရန်
ငံပြာရည် - စားပွဲဇွန်း ၄ ဇွန်း
ငရုတ်သီးစိမ်း၊ နီ - ၂၀ ဂရမ်
သံပရာသီး - ၂ လုံး

ပြုလုပ်နည်း
ကြက်ပေါင်များဖြန့်ခင်းလို့ရတဲ့ ဗန်း (သို့) ပန်းကန် တစ်ခုထဲ ကြက်ပေါင်များ ထည့်ပါ။ ဆား၊ ငရုတ်ကောင်းမှုန့်ထည့်ပြီး ဟိုဘက်ဒီဘက်လှန် နယ်ပြီး မိနစ် ၂၀-၃၀ ခန့် နှပ်ထားပါ။
ကြက်ပေါင်နှပ်ထားတာရပြီဆိုရင် ကင်မယ့်အိုးကို မီးအနေတော်ဖြင့် အပူပေးပါ။ ဆီစားပွဲဇွန်း တစ်ဝက်ခန့် ထည့်ပါ။ ဆီပူလာရင် ကြက်ပေါင်များ ထည့်ပါ။ အဖုံးအုပ်ပါ။ တစ်ဖက်ကို ၃ မိနစ်ခန့် ကင်ပြီး တစ်ဖက်သို့လှန်ပြီး စုစုပေါင်း ၃ မိနစ် လေးကြိမ်ကင်ပါ။ အကြိမ်တိုင်း အဖုံးအုပ်ပါ။ ရပြီဆိုလျှင် မီးပိတ်ပြီး ၃ မိနစ်ခန့် အအေးခံပါ။
ကြက်ပေါင်အအေးခံထားစဉ်အတွင်း ငံပြာရည်ဆော့စ်စပ်ရန် ပါဝင်ပစ္စည်းများအားလုံးကို ပန်းကန်တစ်ခုထဲတွင် ထည့်ပြီး သမအောင်မွှေပါ။ သံပရာသီးအရည်ညှစ်ထည့်ပါ။ ကြက်သွန်ဖြူ၊ ကြက်သွန်နီ နုပ်နုပ်စဉ်းထည့်တယ်ဆိုရင် ၁၀ မိနစ်ခန့် ခဏ နှပ်ထားပါ။ ပြီးလျှင် အရသာရှိတဲ့ ကြက်ပေါင်ကင်နှင့် တွဲဖက်သုံးဆောင်နိုင်ပါပြီ။

#ငံပြာရည်ဆော့စ်နှင့်ကြက်ပေါင်ကင်

26/08/2024

Japan Ramen Soup
ပါဝင်ပစ္စည်းများ
ကြက်ရိုး -၂၅၀ ဂရမ်
ရေညှိ -၂၅ ဂရမ်
ကြက်သွန်ဖြူ - ၇ ဂရမ်
ကြက်သွန်နီ - ၃၀ ဂရမ်
ချင်း - ၅ ဂရမ်
သစ်ကြံပိုးခေါက် - ၁ ခု
ကြက်သား - ၁၀၀ ဂရမ်
ခရုဆီ - စားပွဲဇွန်း ၃ ဇွန်း
ပဲငံပြာရည်အကြည် - စားပွဲဇွန်း ၃ ဇွန်း
သကြား - လက်ဖက်စားဇွန်း ၂ ဇွန်း
ခေါက်ဆွဲ - ၁၀၀ ဂရမ်
ရေညှိရွက် - ၁၀ ရွက်
ဘဲဥ - ၅ လုံး
ကြက်သွန်နီကြော် - ၅ ဂရမ်
ကြက်သွန်မြိတ် - အနည်းငယ်
ပြုလုပ်နည်း
ဦးစွာ ကြက်ရိုးလေးတွေကို စွပ်ပြုတ်ရအောင် အရင်ဆုံးပြုတ်ထားပေးဖို့ လိုပါတယ်။
အိုးတစ်လုံးထဲကို ကြက်ရိုး၊ ကြက်သွန်ဖြူ၊ ချင်း၊ သစ်ကြံပိုးခေါက်၊ ကရဝေးရွက်၊ ရေညှိ၊ ရေ၊ ကြက်သားတို့ကို ထည့်ပြီး မီးအေးအေးနဲ့ ၄၅မိနစ်လောက် တည်ထားပေးရပါမယ်။
ခေါက်ဆွဲကိုတော့ အလုံးသေးလေးတွေနဲ့ပိုပြီး လိုက်ဖက်ပါတယ်။ ခေါက်ဆွဲခြောက်သုံးမယ်ဆိုရင်တော့ ခေါက်ဆွဲကို ပြုတ်ထားပေးပါ။ ကြက်ဥကိုလည်း မီးအလယ်အလတ်လောက်နဲ့ အဆင်သင့်ပြုတ်ထားပေးပါ။
ကြက်သားစွပ်ပြုတ်ထားတာ မိနစ် ၃၀လောက်ကြာပြီဆိုရင်တော့ ကြက်သားတုံးကို ဖယ်ထုတ်ပြီး အအေးခံကာ အမျှင်လေးတွေ လုပ်ထားပေးပါ။
ကြက်သားစွပ်ပြုတ်ရပြီဆိုရင်တော့ အဖတ်တွေအကုန်လုံးကိုစစ်ထုတ်ပြီး အရည်ကိုသတ်သတ်ထားပေးထားရပါမယ်။
စစ်ထုတ်ထားတဲ့ကြက်သားစွပ်ပြုတ်ရေထဲကို ခရုဆီ၊ ပဲငံပြာရည်အကြည်၊ ဆား၊ သကြားထည့်ပြီးတော့ ဆူလာအောင်ပြန်တည်ထားပေးပါ။
စားသုံးရန် ပန်းကန်ထဲကို ခေါက်ဆွဲထည့်၊ ကြက်သားထည့်၊ ကြက်ဥပြုတ်ထည့်၊ ကြက်သွန်နီကြော်ထည့်၊ ရေညှိရွက်လေးထည့်ပြီး စွပ်ပြုတ်အရည်လေးစမ်းလိုက်ရင်တော့ အရသာရှိလှတဲ့ ဂျပန်စတိုင် Ramenစွပ်ပြုတ်လေး ရပါပြီ။

25/08/2024

ငံပြာရည်ကြက်တောင်ပံကြော်
ထိုင်းဟင်းလျာအစားစာများအတွက် လိုအပ်မယ့် အခြေခံမီးဖိုချောင်သုံး ပါဝင်ပစ္စည်းများအကြောင်း ပြောပြခဲ့ပြီး ဖြစ်ပါတယ်။ ကဲအခုတစ်ခါတော့ ထိုင်းအစားအစာ ချက်ကြရအောင်ပါ။
ထိုင်းအစားအစာဟင်းလျာများမှာ ငံပြာရည်အသုံးများကြပါတယ်။ အခုလုပ်ပြမယ့် ကြက်တောင်ပံကြော်မှာဆို အဓိကလျှို့ဝှက်ချက်က ငါးငံပြာရည်ပါ။ ကြော်နည်းက ရိုးရှင်းပြီး လွယ်ကူပါတယ်။ ဒါပေမဲ့ အရသာက မထင်မှတ်လောက်အောင်ကောင်းတာကြောင့် ကြော်စားပြီးရင် လက်ကမချနိုင် ခဏ ခဏကြော်စားဖြစ်နေစေမယ့် ငံပြာရည်ကြက်တောင်ပံကြော်လို့ ဆိုချင်ပါတယ်။ ငံပြာရည်ကြက်တောင်ပံကြော်လို့ဆိုတဲ့အတိုင်း ငံပြာရည်က အဓိကဖြစ်တာကြောင့် ငံပြာရည်ကောင်းကောင်းသုံးဖို့ လိုပါမယ်။ ကြက်တောင်ပံ အလယ်ပိုင်း( middle wings )ကိုသာ အသုံးများပါတယ်။ ကြော်တဲ့အခါ ဆီထဲနှစ်( deep fry )ကြော်နိုင်သလို၊ ဆီနည်းနည်းနဲ့ ( shallow fry ) လည်း ကြော်နိုင်ပါတယ်။ ကြော်တာမကြိုက်ရင်တော့ ကင်စားလို့ရပါတယ်။ သံပရာသီးလေးညှစ်လို့ အာရှသားပီပီ ထမင်းဖြူနဲ့ တွဲဖက်စားမယ်ဆို ကောင်းမှကောင်းပါဘဲ။ ကြည့်လိုက်ကြရအောင်။
ငံပြာရည်ကြက်တောင်ပံကြော်
၂ ယောက်စာ
ကြာချိန် - ၂၀ မိနစ်+ နှပ်ရန်ကြာချိန် ၂၀ မိနစ်
ပါဝင်ပစ္စည်းများ
ကြက်တောင်ပံ(middle wings ). - ၅၀၀ ဂရမ် ( ၁၅ ခုခန့် )
ငံပြာရည် - စားပွဲဇွန်း ၂ ဇွန်း
ငရုတ်ကောင်းမှုန့် - လက်ဖက်ရည်ဇွန်း ၂ ဇွန်း
ပြောင်းဖူးကော်မှုန့်(သို့) ဆန်မှုန့် - ၅၀ ဂရမ် (ကင်မယ်ဆိုရင်တော့မလိုပါဘူး)
ဆီ - ၂၀၀ မီလီလီတာ (ဆီနှစ်ကြော်မယ်ဆိုပိုလိုပါမယ်)
ပြုလုပ်နည်း
ကြက်တောင်ပံများ ဖြန့်ပြီး ထည့်လို့ရမယ့် ဗန်းတစ်ခုထဲသို့ ကြက်တောင်ပံများ ထည့်ပါ။ ပြီးလျှင် ငံပြာရည်ထည့်ပြီး နယ်နှပ်ပါ။ မိနစ် ၂၀ - ၃၀ ခန့်နှပ်ပါ။ နှပ်ထားစဉ် ဟိုဘက်ဒီဘက်လှန်ပေးပါ။
နှပ်ပြီးသားကြက်တောင်ပံများကို ညှပ်(tong) (သို့) တူဖြင့်ယူပြီး Kitchen Tower သို့ ရေစုပ်သော လက်သုတ်ပဝါ အသန့်ဖြင့် ရေခြောက်အောင်ဖွဖွသုတ်ပါ။ ရေခြောက်သွားပြီဆိုလျှင် ငရုတ်ကောင်းမှုန့် ဖြူးပါ။ ပြီးလျှင် ကြက်တောင်ပံမှာ ကပ်သွားအောင် သာသာဖိပေးပါ။ ဆီနည်းနည်းဖြင့်ကြော်မယ်ဆို ဆီမပေါက်ရန်နဲ့ အပေါ်ယံကျောများ တင်းတင်းကြွပ်ကြွပ်လေးဖြစ်စေဖို့အတွက် ကြက်တောင်ပံများကို ပြောင်းကော်မှုန့် (သို့) ဆန်မှုန့် အပေါ်မှ ဖြန့်ပြီး ဖြူးပေးပါ။ နောက်တစ်ဖက်သို့လှန်ပြီး ဖြူးပါ။ ပြီးလျှင် ကော်မှုန့်များ မများစေရန် ခါချပစ်ပါ။ ကြက်တောင်ပံများတွင် ကော်မှုန့်များ ပါးပါးလေးသာ ကပ်နေရပါမယ်။ ပြီးလျှင် ကြော်မယ့်အိုးကို မီးအနေတော်ဖြင့် အပူပေးပြီး ဆီထည့်ပါ။ ဆီပူလာလျှင် ကြက်တောင်ပံများ ထည့်ကြော်ပါ။ ၄ မိနစ်ခန့် ကြော်ပါ။ ၂ မိနစ်တွင် အခြားတစ်ဖက်သို့ လှန်ပါ။ ထိုနည်းအတိုင်း ၂ ကြိမ်လုပ်ပါ။ ၂ မိနစ်ခန့်အအေးခံပြီး အရသာရှိတဲ့ ငံပြာရည်ကြက်တောင်ပံကြော်ကို သံပရည်ညှစ် သုံးဆောင်နိုင်ပါပြီ။

#ငံပြာရည်ကြက်တောင်ပံကြော်

24/08/2024

ဝက်မှိုလုံးပဲကြာဆံသုပ်
အခုတစ်ခါမှာတော့ ဝက်မှိုလုံးဆိုတာနဲ့ ကလေးရော၊ လူကြီးပါ ကြိုက်ကြပြီး ဟော့ပေါ့၊ မာလာရှမ်းကော၊ မာလာကင်သုပ် စတဲ့ အစားအစာတွေမှာ အများဆုံးထည့်သွင်းစားသုံးကြတာကို တွေ့ရပါတယ်။ အဲ့လိုကြိုက်နှစ်သက်ကြတဲ့ ဝက်မှိုလုံးကို အခု ပဲကြာဆံနဲ့ရောပြီး ချဉ်ငန်စပ်အရသာနဲ့ သုပ်ပြပေးထားပါတယ်။ ဒီလုပ်နည်းလေးမှာ အသုံးပြုထားတဲ့ ဝက်မှိုလုံးကိုတော့ POPO KAUNG ကထုတ်တဲ့ ဝက်မှိုလုံးနဲ့ လုပ်ပြပေးထားပါတယ်။ အရသာရှိပြီး အရမ်းစားကောင်းလို့ အားလုံးပဲ အိမ်မှာ လုပ်စားကြည့်ကြပါနော်။
ပါဝင်ပစ္စည်းများ
ပိုပိုကောင်း ဝက်မှိုလုံး - ၂၀၀ ဂရမ်
ပဲကြာဆံ - ၃၀၀ ဂရမ်
ငရုတ်သီးစိမ်း - လက်ဖက်ရည်ဇွန်း ၁ ဇွန်း (နုပ်နုပ်စဉ်းပါ)
ကြက်သွန်ဖြူ - လက်ဖက်ရည်ဇွန်း ၁ ဇွန်း (နုပ်နုပ်စဉ်းပါ)
နံနံပင် - လက်ဖက်ရည်ဇွန်း ၁ ဇွန်း (နုပ်နုပ်စဉ်းပါ)
ငရုတ်သီးဆော့စ်အချို - ၁၅ ဂရမ်
ငံပြာရည် - စားပွဲဇွန်း ၁/၂ ဇွန်း
သံပရာသီး - ၂ လုံး (အရည်ညှစ်ရန်)
ကြက်သွန်နီ - ၃ လုံး (ပါးပါးလှီးပါ)
ခရမ်းချဉ်သီး - ၂ လုံး (ပါးပါးလှီးပါ)
ကြက်သွန်မြိတ် - ၅ ဂရမ် (အနေတော်ပိုင်းဖြတ်ပါ)
ပြုလုပ်နည်း
အရင်ဆုံး ပိုပိုကောင်းရဲ့ ဝက်မှိုလုံးများကို ရေနွေးဆူဆူအိုးထဲ ထည့်ပြုတ်ပါ။ ဝက်မှိုလုံးများ ကျက်ပြီဆိုလျှင် ဆယ်ပြီး ရေစစ်ထားပါ။ ပြီးလျှင် ပဲကြာဆံကို ထည့်ပြုတ်ပါ။ ရပြီဆိုလျှင် ဆယ်ပြီး ရေစစ်ထားပါ။ ဇလုံတစ်လုံးထဲ ငရုတ်သီးစိမ်း၊ ကြက်သွန်ဖြူ၊ နံနံပင်၊ ငရုတ်သီးဆော့စ်အချို၊ ငံပြာရည်တို့ကို ထည့်ပါ။ သံပရာသီးကို အရည်ညှစ်ထည့်ပြီး သမအောင် မွှေပါ။ ပြီးလျှင် ကြက်သွန်နီ၊ ခရမ်းချဉ်သီး၊ ပဲကြာဆံတို့ကို ထည့်မွှေပါ။ အားလုံးသမသွားပြီဆိုလျှင် ကြက်သွန်မြိတ်နဲ့ ဝက်မှိုလုံးများကို ထည့်မွှေပါ။ ပြီးလျှင်တော့ အရသာရှိတဲ့ ဝက်မှိုလုံးပဲကြာဆံသုပ်လေး ရပါပြီ။

#ဝက်မှိုလုံးပဲကြာဆံသုပ်
#ပိုပိုကောင်းဝက်မှိုလုံး

23/08/2024

တူနာထိုင်းစတိုင်လ်သုပ်
၂ ယောက်စာ
ကြာချိန် - ၅ မိနစ်

ဒီတစ်ခါတော့ ချက်တာပြုတ်တာတွေခဏထားပြီး တူနာထိုင်းစတိုင်လ်သုပ်လေး လုပ်ကြည့်ရအောင်ပါ။ ထိုင်းအစားအစာအတွက် အခြေခံ ပါဝင်ပစ္စည်းတွေ အသင့်ရှိတယ်ဆို ငါးမိနစ်အတွင်း အဆင်သင့်ဖြစ်တာကြောင့် အလုပ်ရှုပ်သက်သာစေပါတယ်။ ထမင်းဖြူ ပူပူနွေးနွေး နဲ့စားရင် လိုက်ဖက်ပါတယ်။ ဒါမှမဟုတ် သူ့ချည်းသက်သက် အဆာပြေစားလည်းရပါတယ်။ ကြည့်လိုက်ကြရအောင်။

အသုပ်အတွက်ဆော့စ် ပါဝင်ပစ္စည်းများ
ငရုတ်သီးစိမ်း - ၃ တောင့် ( ထောင်းထားပါ )
သံပရာရည် - စားပွဲဇွန်း ၁ ၁/၂ ဇွန်း
ငံပြာရည် - စားပွဲဇွန်း ၁ ဇွန်း
ထန်းလျက် - စားပွဲဇွန်း ၁ ဇွန်း (နုပ်နုပ်စဉ်း ခြေထားပါ)
ဆီ - လက်ဖက်ရည်ဇွန်း ၁ ဇွန်း (ဆီစိမ်ထားသော တူနာဘူးဆိုလျှင် မလိုပါ )

အသုပ်အတွက် ပါဝင်စ္စည်းများ
တူနာ - ၁ ဘူး (၁၁၅ ဂရမ်) (စစ်ထားပါ)
စပါးလင် - ၁ ချောင်း ( အောက်ခြေပိုင်း ပါးပါးလှီးထားပါ )
ချင်း - တစ်လက်မအရှည် (၁၅ ဂရမ်) (ပါးပါးအရှည်လိုက်လှီးထားပါ )
ရှောက်ဘီလူးရွက် - ၅ ရွက် (ပါးပါးအရှည်လိုက်လှီးထားပါ)
ကြက်သွန်နီ - ၂၀ ဂရမ် (ပါးပါးလှီးထားပါ)
နံနံပင် - ၄ - ၅ ပင် (နုပ်နုပ်စဉ်းထားပါ)
ငံပြာရည် - လက်ဖက်ရည်ဇွန်း ၁ ဇွန်း ( လိုအပ်ရင် )
သီဟိုဠ်စေ့လှော် - ၃၅ ဂရမ်

ပြုလုပ်ပုံ
အနေတော်ပန်းကန်လုံး ၁ လုံး ထဲတွင် အသုပ်အတွက်ဆော့စ်ပါဝင်ပစ္စည်းများအားလုံး ထည့်ပြီး သမအောင်၊ ထန်းလျက်သကြားများ ပျော်သွားအောင် မွှေပါ။ ထို့နောက် တူနာ၊ စပါးလင်၊ ကြက်သွန်နီ၊ ရှောင်ဘီလူးရွက်၊ နံနံပင် ထည့်ပြီး သမအောင်ရောမွှေပါ။ အရသာြမည်းပြီး လိုအပ်ရင် ငံပြာရည် ထပ်ထည့်ပါ။ သီဟိုဠ်စေ့လှော်၊ လှီးထားသော ချင်း၊ ရှောက်ဘီလူးရွက် အနည်းငယ်ကို အပေါ်က တင်ပြီး သုံးဆောင်နိုင်ပါပြီ။

#တူနာထိုင်းစတိုင်လ်သုပ်

22/08/2024

Tori Karaage

ဂျပန်စတိုင်လ် ကြက်သားကြော်တစ်မျိုးပါ။ KFC တို့လိုမျိုး လူကြိုက်များလှပါတယ်။ ပြုလုပ်ရတာလည်း လွယ်ကူရိုးရှင်းပြီးတော့ အရမ်းအရသာရှိလှပါတယ်။ ဂျပန်ကို သွားရင်ပဲဖြစ်ဖြစ် ဂျပန်ဆိုင်မှာပဲ သွားစားစား ဒီဟင်းပွဲလေးကိုတော့ မဖြစ်မနေ စမ်းစားကြည့်စေချင်ပါတယ်။

ပါဝင်ပစ္စည်းများ
ကြက်ပေါင်သား (အရိုးထွင်ပြီး) - ၁ ခု
ချင်း - ၁၀ ဂရမ်
ကြက်သွန်ဖြူ - ၁၀ ဂရမ်
ပဲငံပြာရည်အနေက် - ၂၀ ဂရမ်
နှမ်းဆီ - အနည်းငယ်
ပြောင်းမှုန့် (သို့) အကြော်မှုန့် - ၂၀၀ ဂရမ်
ငရုတ်ကောင်းမှုန့် - အနည်းငယ်
ဆီ - ၃၀၀ ဂရမ်

ပြုလုပ်နည်း
ကြက်ပေါင်ကို အနေတော် အတုံးလေးများ တုံးထားပြီး ပဲငံပြာရည်အနောက်၊ ချင်း၊ ကြက်သွန်ဖြူ၊ ငရုတ်ကောင်းမှုန့်တို့နှင့် နာရီဝက်ခန့် နှပ်ထားရပါမယ်။ ကြော်ခါနီးအချိန်မှ ကြက်သားကို (ကာယာကေးကို) အမှုန့်တို့နှင့် ကပ်ပြီး ဆီပူထဲသို့ ထည့်၍ ကြော်ပါ။ ကြက်သားကို ရွှေအိုရောင်ရသည်အထိ ကြော်ရပါမယ်။ ထို့အပြင် ကြက်သားအတွင်းသား ကျက် မကျက်ကိုလည်း သတိပြုရပါမည်။
ကြက်ကြော်ကို မိမိကြိုက်နှစ်သက်ရာ သံပရာရည်ညှစ်၍လည်းကောင်း၊ မရောနိစ်ဖြင့်လည်းကောင်း စားသုံးနိုင်သလို ကြက်ကြော်ချည်းသတ်သတ်လည်း စားသုံးနိုင်ပါတယ်။

Kyaw Lin Tun

21/08/2024

ဝက်သားလုံးပဲကြာဆံစွပ်ပြုတ်
အခုလုပ်ပြမယ့် စွပ်ပြုတ်က ထိုင်းမိသားစုရဲ့ အိမ်အများစုမှာ ပုံစံတစ်မျိုးမျိုးနဲ့ လုပ်စားလေ့ရှိကြပါတယ်။ ရိုးရှင်းပြီး အဖြူထည် စွပ်ပြုတ်(clear soup) တစ်မျိုးလို့ ဆိုရပါမယ်။ အစပ်အပါအဝင် အရသာပြင်းပြင်းတွေမပါတာကြောင့် ရိုးရှင်းတဲ့စွပ်ပြုတ် ပြယုဂ်တစ်ခုဖြစ်ပါတယ်။ ဗီယက်နမ်၊ ဂျပန်ပုံစံစွပ်ပြုတ်များနဲ့ ဆင်တယ်လို့ ထင်ရပေမယ့် ကွဲပြားပါတယ်။ ထိုင်းတွေကတော့ ထမင်းနဲ့တွဲဖက်စားကြပါတယ်။

၄ ယောက်စာ
ကြာချိန် - ၃၀ မိနစ်
ပါဝင်ပစ္စည်းများ
ပဲကြာဆံ - ၅၀ ဂရမ်
ဆီ - စားပွဲဇွန်း ၁ ဇွန်း
ကြက်သွန်ဖြူ - ၅ မြွှာ (နုပ်နုပ်စဉ်း)
ကြက်ပြုတ်ရည် - ၁ လီတာ
မုန်ညင်းဖြူ - ၂၀၀ ဂရမ်
ပဲငံပြာရည်အကျဲ - စားပွဲဇွန်း ၁ ဇွန်း + လက်ဖက်ရည်ဇွန်း ၁ ဇွန်း
ငံပြာရည် - လက်ဖက်ရည်ဇွန်း ၂ ဇွန်း
သကြား - လက်ဖက်ရည်ဇွန်း ၁/၂ ဇွန်း
ကြက်သွန်မြိတ် - ၂ ပင်
ငရုတ်ကောင်းမှုန့် - လက်ဖက်ရည်ဇွန်း ၁ ဇွန်း
အသားလုံးအတွက် ပါဝင်ပစ္စည်းများ
ဝက်သားစဉ်းကော - ၃၀၀ ဂရမ်
ပဲငံပြာရည် - စားပွဲဇွန်း ၁ ဇွန်း
ငံပြာရည် - စားပွဲဇွန်း ၁/၂ ဇွန်း
သကြား - လက်ဖက်ရည်ဇွန်း ၁ ဇွန်း
ငရုတ်ကောင်းမှုန့် - လက်ဖက်ရည်ဇွန်း ၁/၄ ဇွန်း

ပြုလုပ်နည်း
ပဲကြာဆံကို ၁၀ မိနစ်ခန့် ရေစိမ်ထားပါ။ မီးအနေတော်ဖြင့် အပူပေးထားသော စွပ်ပြုတ်တည်မည့်အိုးထဲသို့ ဆီထည့်ပါ။ ကြက်သွန်ဖြူ နုပ်နုပ်စဉ်းထည့်ပါ။ ၅ မိနစ်ခန့် ကြက်သွန်ဖြူ ကြွပ်လာသည်အထိ တည်ပါ။ မတူးအောင် ဂရုစိုက်ဖို့လိုပါမယ်။ ရွှေညိုရောင်သန်းပြီးကျက်လျှင် ပန်းကန်တစ်ခုတွင် ဖယ်ထားပါ။
ထို့နောက် စွပ်ပြုတ်အိုးထဲသို့ ကြက်ပြုတ်ရည်ထည့်ပြီး ဆူအောင်တည်ပါ။ အသားလုံးအတွက် ပါဝင်ပစ္စည်းများအားလုံးကို ဇောက်ပန်းကန်လုံးတစ်ခုတွင် ထည့်ပြီး သမာအောင် နယ်ပါ။
ကြက်ပြုတ်ရည်ဆူလာလျှင် နယ်ထားသောအသားများကို ဇွန်း ၂ ချောင်း အသုံးပြုပြီး တစ်ခါစားအနေတော် အတုံးလေးများဖြစ်အောင် ခြစ်ထည့်ပါ။ လုံးဝန်းနေဖို့ မလိုပါဘူး။ အသားလုံးများအကုန်ထည့်ပြီးလျှင် ဂေါ်ဖီ၊ ပဲငံပြာရည်၊ ငံပြာရည်၊ သကြားတို့ကို ထည့်ပါ။ ဆူအောင်ပြန်တည်ပါ။ ထို့နောက် ရေစိမ်ထားသော ပဲကြာဆံများထည့်ပြီး ၃ မိနစ်ခန့်တည်ပါ။ ရလျှင် အရသာမြည်းပါ။ ကြက်သွန်မြိတ်ဖြူးပြီး မီးပိတ်ပါ။ ပြီးလျှင် တစ်ယောက်စာ ပန်းကန်တစ်လုံးထဲ ထည့်ပြီး ကြော်ထားသောကြက်သွန်ဖြူ၊ ငရုတ်ကောင်းမှုန့်တို့ဖြူးပြီး အရသာရှိတဲ့ ဝက်သားလုံးပဲကြာဆံစွပ်ပြုတ်ကို သုံးဆောင်နိုင်ပါပြီ။
* ကြက်ပြုတ်ရည်လုပ်နည်းကို ပုံတွင်ထောက်ပြီး ကြည့်နိုင်ပါသည်။

#ဝက်သားလုံးပဲကြာဆံစွပ်ပြုတ်

20/08/2024

ရို့စ်မယ်ရီ (သတိရပေးပါဟု အမည်တွင်သည့် ဟင်းခတ်အမွှေးအကြိုင်)
ရို့စ်မယ်ရီဆိုတာ သတိတရရှိစေဖို့ပဲလေ ငါဆုတောင်းထားတယ် ငါ့ကိုချစ်သလို သတိလည်းရပေးပါ။ ရှိတ်စပီးယားရဲ့ Hamlet ပြဇာတ်ထဲက ဒီစကားကိုဒီနေ့အချိန်ထိ အမြဲတမ်းအမှတ်တရ ရှိနေဦးမှာပါ။ ဒီလို အမှတ်ရဖွယ် ထူးခြားစွမ်းအင်တွေနဲ့ ဟင်းခတ်အမွှေးအကြိုင်တစ်မျိုးကို ဟင်းလျာတွေနဲ့လိုက်ဖက်တဲ့ ဟင်းခတ် အဖြစ်သာမက ဆေးဘက်ဆိုင်ရာမှာပါ အသုံးဝင်တဲ့ဟင်းခတ်အဖြစ် ရေးသားပြောဆို ဆွေးနွေးနေကြဦးမှာပါ။
ရို့စ်မယ်ရီက ပူဒီနာမျိုးနွယ်ဝင်ဖြစ်ပြီး မြေထဲပင်လယ်ဒေသမှာ အများဆုံးပေါက်ရောက်ပေမဲ့ ကမ္ဘာအနှံ့ အပူချိန် အလယ်အလတ်အဆင့်ရှိတဲ့ ဒေသတွေမှာလည်း ပေါက်ရောက်ပါတယ်။ အပြာရောင်၊ ပန်းရောင် ဒါမှမဟုတ် ခရမ်းရောင် အပွင့်အဖူးလေးတွေနဲ့ လှိုင်လှိုင်ပေါက်ရောက်တဲ့ ရို့စ်မယ်ရီပင် ဟာ အိုးထဲမှာထည့်စိုက်ရင်ဖြစ်ဖြစ် ချုံတန်းစည်းရိုးနဲ့ စိုက်ရင်ဖြစ်ဖြစ် အလွယ်တကူပေါက်ပြီး ခြောက်သွေ့ဒဏ်နဲ့ နှင်းခဲဖုံးတဲ့ဒဏ်တွေကို ကောင်းကောင်းခံနိုင်ရည်ရှိပါတယ်။ ဟိုးအရင်ကတည်းက ရို့စ်မယ်ရီဟာ ဆေးဘက်ဆိုင်ရာမှာ အရေးပါတဲ့ ဟင်းခတ်အမွှေးအကြိုင်တစ်မျိုး ဖြစ်ခဲ့ပါတယ်။ လွန်ခဲ့တဲ့ဆယ်စုနှစ်များစွာကတည်းက ရှေးဟောင်းဂရိနဲ့ ရောမ ဒဏ္ဍာရီတွေမှာ ရို့စ်မယ်ရီအကြောင်းမှတ်တမ်းတွေ အများကြီးရှိခဲ့ပါတယ်။ ဒီလိုရနံ့မွှေးကြိုင်ပြီး များစွာပေါက် ရောက်တတ်တဲ့ ဟင်းခတ်အမွှေးအကြိုင်ကို ရသာထူးကဲပစ္စည်းတစ်မျိုးအဖြစ် အသုံးပြုတဲ့ ၎င်းရဲ့အရေးပါလှတဲ့ ဆေးဘက်ဆိုင်ရာအသုံးဝင်မှုတွေကြောင့် အမွှမ်းတင်ခံခဲ့ရတာပါ။ ဟစ်ပိုကရေးတီးရဲ့ ဆေးပညာစည်းမျဉ်းဖြစ် တဲ့ ဓာတ်ကြီးလေးပါးကို လိုက်နာကြတဲ့ ယခင်ဆေးပညာရှင်တွေဟာ ဒီနေ့ထိတိုင် ရို့စ်မယ်ရီရဲ့ ဦးနှောက်ပိုင်း ဆိုင်ရာလုပ်ဆောင်ချက်တွေ အထူးသဖြင့် မှတ်ဉာဏ်တွေနဲ့ ပတ်သက်ပြီး ယုံကြည်နေကြစမြဲပါ။ (ကျွန်မလည်း ရို့စ်မယ်ရီကိုရှူရှိုက်နေရင်း ဒီစာကိုရေးနေတာပါ) ရို့စ်မယ်ရီမှာပါဝင်တဲ့ အက်တစ်ကွန်ပေါင်း cineole ဟာ ထင်းရှူးပင်လို ယူကလစ်ပင်လိုအနံ့ ထုတ်လွှတ်ပေးပြီး အခြားပါဝင်ပစ္စည်း carnosic အက်ဆစ်ကတော့ ဦးနှောက်အတွင်းက ထိခိုက်မှုများနဲ့ အိုမင်းရင့်ရော်မှုတွေကို ကာကွယ်ပေးတယ်လို့ ယုံကြည်ကြပါတယ်။ ခြံထဲမှာအိုးနဲ့စိုက်ပျိုးရုံနဲ့ ဘယ်လောက်အကျိုးများလိုက်ပါလဲ။
သန်မာတဲ့ ပင်စည်တွေကနေ ထိုးထွက်လာတဲ့ ရို့စ်မယ်ရီရဲ့ ဆူးချွန်ပါတဲ့အရွက်လေးတွေက အသားကင်ရာမှာ တံစို့ကောင်းကောင်းအဖြစ်လည်းကောင်း သိုးသား၊ ကြက်သားနဲ့ နာနတ်သီးစိတ်တွေအတွက်တောင် မီးဖိုခံ အဖြစ်လည်းကောင်း အသုံးဝင်ပါတယ်။ ရို့စ်မယ်ရီကို သိုးကင်၊ ကြက်ကင်၊ ဒိန်ခဲ၊ လတ်လတ်ဆတ်ဆတ်နဲ့ ကြာရှည်ခံအောင် သိမ်းဆည်းထားတဲ့ ရှောက်ခွံ၊ သံလွင်သီး၊ ကြက်သွန်ဖြူနဲ့ ခရမ်းချဉ်သီး စတဲ့အရသာတွေနဲ့ တွဲဖက်စားသုံးလို့ရတဲ့ ဟင်းလျာတွေထဲမှာ အချိုအနေနဲ့ရော အချဉ်အနေနဲ့ပါ ထည့်သွင်းသုံးစွဲကြပါတယ်။ ရို့စ်မယ်ရီအုပ်ထားတဲ့ အဆီထုတ်သံလွင်ဆီပန်ကိတ်၊ ရို့စ်မယ်ရီနဲ့ ကမ္ဗလာချောကလက်နှစ်၊ ရို့စ်မယ်ရီအုပ် ထားတဲ့ ပန်းသစ်ကြားသီးကိတ် တို့လို ထူးခြားတဲ့အချိုပွဲတွေမှာ ရို့စ်မယ်ရီရဲ့ အစွမ်းက အံ့မခန်းပါ။ စာမေးပွဲနီးမှ စာတွေအသည်းအသန်ကျက်နေရချိန် လက်ဖက်ရည်လေးတစ်ခွက်လောက် သောက်ချင်ရင် ရို့စ်မယ်ရီအရွက်ခြောက် လက်ဖက်ရည်ဇွန်း ၁ ဇွန်းခွဲခန့် ဒါမှမဟုတ် လတ်လတ်ဆတ်ဆတ် လှီးဖြတ်ထားတဲ့ ရို့စ်မယ်ရီရွက် လက်ဖက်ရည်ဇွန်း ၁ ဇွန်းနဲ့ ကိုကိုးမှုန့် ၂ ဇွန်းတို့ကို ရောပြီးသောက်လိုက်ပါ။ ရေနွေးတစ်ခွက်နဲ့ရောမွှေပြီး အဖုံးအုပ်ထားပါ။ ပြီးရင် ၅ မိနစ်ကနေ ၇ မိနစ်လောက်ထိ အနည်ထိုင်အောင်စောင့် ပါ။ လိမ္မော်ရည်တစ်ဇွန်းနဲ့ လိမ္မော်ခွံလေးနည်းနည်းပါ ရောထည့်နိုင်တယ် ဒါမှမဟုတ် ကြိုက်နှစ်သက်ရာအချို ထပ်ထည့်လို့လည်းရတယ်။ ပြီးရင်တစ်ငုံလောက်သောက်ပြီး စာဆက်ကျက်ပါ။ ရို့စ်မယ်ရီက ခေါင်းကြည်လင် အောင်နဲ့ ကိုကိုးက စွမ်းအင်တွေပေးစွမ်းနိုင်ပါလိမ့်မယ်။

နှင်းဦးဝေ

#ရို့စ်မယ်ရီ
#ဟင်းရွက်ဟင်းခတ်အမွှေးအကြိုင်

19/08/2024

ကွေ့တီယို

ပါဝင်ပစ္စည်းများ
ကြက်သား - ၃၀၀ ဂရမ်
ကြက်သားလုံး - ၂၀၀ ဂရမ်
မုန်လာဥဖြူ - ၂၀၀ ဂရမ်
ကွေ့တီယိုအမှုန့် - ၅၀ ဂရမ်
ကန်စွန်းရွက် - ၃၀ ဂရမ်
ပဲပင်ပေါက် - ၃၀ ဂရမ်
ပဲငံပြာရည်အကြည် - ၅၀ ဂရမ်
ကြက်သွန်ဖြူဆီချက် - ၁၀၀ ဂရမ်
ဆန်ခေါက်ဆွဲ - ၂၀၀ ဂရမ်
ငရုတ်သီးမှုန့် - ၂၀ ဂရမ်

ပြုလုပ်နည်း
အိုးထဲ ကြက်သား၊ ကြက်သားလုံး၊ မုန်လာဥဖြူ၊ ကွေ့တီယိုအမှုန့်နဲ့ ပဲငံပြာရည်အကြည်တို့ကို ထည့်ပြီး ကြက်သားနူးလာသည်အထိ ပြုတ်ပါ။ ကြက်သားရပြီဆိုလျှင် ကြက်သားကို ဆယ်ပြီး အတုံးလေးတွေ တုံးထားပါ။
ဆန်ခေါက်ဆွဲကို ရေနွေးနဲ့ ၂ မိနစ်ခန့် ပြုတ်ပါ။ ပြီးလျှင် ကန်စွန်းရွက်နဲ့ပဲပင်ပေါက်ကို ၁ မိနစ်ခန့် ရေနွေးဖျောပါ။ ပြီးလျှင် ပန်းကန်တစ်လုံးထဲ ဆန်ခေါက်ဆွဲ၊ ကန်စွန်းရွက်၊ ပဲပင်ပေါက်၊ ကြက်သွန်ဖြူဆီချက်၊ ငရုတ်သီးမှုန့်၊ ကြက်ပြုတ်ရည် အနည်းငယ်တို့ ထည့်ပြီး သုပ်ပါ။ ပြီးလျှင် ကြက်သားတုံး၊ ကြက်သားလုံးတို့ကို အပေါ်ကတင်ပြီး သုံးဆောင်နိုင်ပါပြီ။

David

17/08/2024

ကြက်တောင်ပံတုန်ယမ်းဟင်းချို
၄ ယောက်စာ
ကြာချိန် - ၃၀ မိနစ်
ထိုင်းတုန်ယမ်းဟင်းချိုကို အသား၊ ငါး၊ ပင်လယ်စာတို့နဲ့ ချက်ပြုတ်နိုင်ပါတယ်။ သို့ပေမဲ့ ပုစွန်တုန်ယမ်းဟင်းချိုကိုတော့ နိုင်ငံတကာမှာ အကြိုက်များပါတယ်။ ထိုင်းဟင်းချက်ငရုတ်သီးနှစ်၊ ပုစွန်၊ အုန်းနို့၊ ဟင်းခတ်ရွက်တွေနဲ့ ခပ်ပြင်းပြင်းပြည့်ပြည့်ဝဝရှိလှတဲ့ အနံ့အရသာကြောင့်လို့ ထင်ပါတယ်။ ခုချက်ပြတဲ့ တုန်ယမ်းဟင်းချိုကိုတော့ ကြက်တောင်ပံ(drumettes) နဲ့ ချက်ပြထားပါတယ်။ ထိုင်းဟင်းချက်ငရုတ်သီးအနှစ်၊ အုန်းနို့ မသုံးထားပါဘူး။ အစပ်အတွက် ငရုတ်သီးအနီအခြောက်တောင့်ကို သုံးထားပါတယ်။ အရိုးလွတ်ကြက်သားသုံးမယ်ဆိုရင်တော့ ဟင်းခတ်မှုန့်လိုပါမယ်။ ကြည့်လိုက်ကြရအောင်။
ပါဝင်ပစ္စည်းများ
ရေ - ၁.၅လီတာ
ကြက်တောင်ပံ - ၆၀၀ ဂရမ်
ကြက်သွန်နီ - ၆၀ ဂရမ်
ငံပြာရည် - စားပွဲဇွန်း ၄ ဇွန်း
သကြား - လက်ဖက်ရည်ဇွန်း ၃ ဇွန်း
ငရုတ်သီးအနီအခြောက်တောင့် - ၅ တောင့်
စပါးလင် - ၂ ချောင်း (အရင်းပိုင်း ၂ လက်မ အရွယ်)
ပတဲကော - ပါးပါးလှီးထားတာ ၁၀ ခု
ရှောက်ဘီလူးရွက် ၁၀ ရွက်
အောက်စတာမှို - ၁၀၀ ဂရမ်
ခရမ်းချဉ်သီး - ၂၀၀ ဂရမ်(လေးစိတ်စိတ်ပါ)
သံပရာရည် - စားပွဲဇွန်း ၃ ဇွန်း
နံနံပင် - ၁၀ ဂရမ် (နုပ်နုပ်စဉ်း)
ပြုလုပ်နည်း
အိုးတစ်ခုတွင် ရေထည့်ပြီး ဆူသည်အထိတည်ပါ။ ရေဆူလာလျှင် ကြက်သား၊ ကြက်သွန်နီ၊ ငံပြာရည်၊ သကြား အစဉ်လိုက်ထည့်ပြီး မီးအနေတော်ဖြင့် ကြက်သားနူးလာသည်အထိ မိနစ်၂၀ ခန့်တည်ပါ။
ကြက်သားတည်ထားစဉ် ငရုတ်သီးအနီအခြောက်တောင့်ကို အနံ့မွှေးလာသည်ထိ လှော်ပါ။
ကြက်သားကျက်ပါက လှော်ထားသော ငရုတ်သီးအနီအခြောက်တောင့်( အစပ်ကြိုက်လျှင် အစေ့များခွဲခြမ်းပြီး များများထည့်နိုင်ပါတယ်)။ စပါးလင်၊ ပတဲကော၊ မှိုထည့်ပါ။ ရှောက်ဘီလူးရွက် အနံ့ထွက်လာသည်ထိ ခြေမွပြီး ထည့်ပါ။ မီးအနေတော်ဖြင့် ၇ မိနစ်ခန့် တည်ပါ။
ထို့နောက် ခရမ်းချဉ်သီး ထည့်ပါ။ နူးလာအောင်၂ မိနစ်ခန့်တည်ပါ။ ခရမ်းချဉ်သီးများ အရောင်ဖျော့သွားပြီး ပုံစံမပျက်ပါစေနဲ့။ မီးပိတ်ပြီး သံပရာရည်ထည့်ပါ။ အရသာမြည်းပြီး လိုအပ်ပါက ငံပြာရည်၊ သကြား၊ အချဉ် လိုက်ပါ။ အချိုအရသာထက်စာရင် အငန်၊ အချဉ် အရသာ ပိုပေါ်လွင်ဖို့ လိုပါမယ်။ နံနံပင်ဖြင့်ထည့်ပြီး အရသာရှိရှိ သုံးဆောင်နိုင်ပါပြီ။

#ကြက်တောင်ပံတုန်ယမ်းဟင်းချို

16/08/2024

အာလူးထမင်းနယ်

ပါဝင်ပစ္စည်းများ
ရှမ်းဆန်ချက်ပြီးသား - ထမင်းစားပန်းကန်လုံး ၁ လုံး
အာလူး - ၂ လုံး
နနွင်းမှုန့် - အနည်းငယ်
ကြက်သွန်ဖြူ - ၅ မြွှာ (နုပ်နုပ်စဉ်းပါ)
ဆီ - စားပွဲဇွန်း ၂ ဇွန်း
အရသာမှုန့် - အနည်းငယ်
ဆား -အနည်းငယ်
ငရုတ်သီးထောင်း - အနည်းငယ်
မြေပဲလှော် -အနည်းငယ်

ပြုလုပ်နည်း
ရေနွေးအိုးဆူဆူထဲမှာ အာလူးကို နူးသည်အထိ ပြုတ်ထားပါ။ ဆီချက်ချက်ရန် ဒယ်အိုးထဲ ဆီထည့်ပါ။ ဆီပူလာရင် နနွင်းမှုန့်နှင့် ကြက်သွန်ဖြူ နုပ်နုပ်စဉ်းထားတာကို ထည့်ပါ။ အနံ့မွှေးပြီး အရောင်ရလာပြီဆို ပန်းကန်လုံးတစ်လံဒးထဲ ထည့်ထားပါ။ အာလူးရပြီဆိုလျှင် အခွံခွာပြီး ခြေပါ။
ထမင်းနယ်ရန် ဇလုံတစ်လုံးထဲ ထမင်း၊ အာလူး၊ ဆား၊ အရသာမှုန့်၊ ဆီချက်တို့နဲ့ စေးလာသည်အထိ နယ်ပါ။ အရသာအနေအထားပြည့်စုံပြီဆိုလျှင် ပန်းကန်ပြင်ပြီး နယ်ထားတဲ့ ထမင်းထည့်ပါ။ ပြီးလျှင် အပေါ်မှ ကြက်သွန်ဖြူဆီချက်ဖတ်လေးတင်ပြီး ငရုတ်သီးထောင်း၊ မြေပဲလှော်တို့နဲ့ အရသာရှိစွာ သုံးဆောင်နိုင်ပါပြီ။

15/08/2024

ဘာဘယ်လ်တီး (Boba Tea) ၏ ကျန်းမာရေးဆိုင်ရာ အချက်အလက်များ
ဘိုဘာက ကျန်းမာရေးနဲ့မညီညွတ်တဲ့ သောက်သုံးစရာတစ်ခုလား

ဘိုဘာလို့ပဲခေါ်ခေါ်ဘာဘယ်လ်တီးလို့ပဲခေါ်ခေါ်ဒီလိုလူတိုင်းနီးပါး ကြိုက်နှစ်သက်ကြတဲ့ သောက်သုံးစရာ လေးတစ်ခုက ကမ္ဘာအနှံ့ကနေရာတော်တော်များများမှာ အခုအချိန် ရေပန်းအစားဆုံးဖြစ်လို့နေပါတယ်။ အဲဒီ လက်ဖက်ရည်မှာ antioxidant လို့ခေါ်တဲ့ ဓာတ်တိုးဆန့်ကျင်ပစ္စည်းတွေကစလို့ နှလုံးကျန်းမာရေးအတွက် အထောက်အကူပြုပေးနိုင်တဲ့ ဓာတ်တွေအထိပါဝင်တာကြောင့် ကျန်းမာရေးအတွက်ကောင်းမွန်တဲ့ လက်ဖက် ရည်တစ်မျိုးဖြစ်သည့်တိုင်အောင် ဘိုဘာမှာပါဝင်တဲ့ အာဟာရဓာတ်တွေကို ရံဖန်ရံခါဆိုသလို တော်တော်များ များ စိတ်ဝင်တစားနဲ့ ဆန်းစစ်လေ့လာတာမျိုးတွေ ပြုလုပ်လာကြပါတယ်။

ခေတ်စားတဲ့အရာတွေကို မလိုက်တတ်တဲ့သူတွေ၊ ဝေဖန်တတ်တဲ့သူတွေကပဲ ဘိုဘာကို မကြိုက်ကြတာလား၊ ဒါမှမဟုတ် ဘိုဘာကတကယ်ပဲ ကျန်းမာရေးနဲ့မညီညွတ်တဲ့ သောက်သုံးစရာတစ်ခုလား…။ ပီလောပီနံမှုန့်ကနေ စားချင်စဖွယ်ဖြစ်အောင်၊အမြင်လည်းဆန်းသစ်အောင်ပြုလုပ်ထားတဲ့ဒီဘိုဘာတီးရဲ့အာဟာရဓာတ်ပါဝင်မှုနှုန်းတွေကို ခွဲခြမ်းစိတ်ဖြာကြည့်ရအောင်။

ဘိုဘာကတကယ်ပဲ ကျန်းမာရေးနဲ့ မညီညွတ်ဘူးလား။

ကိုယ်သောက်သုံးမယ့်ဘိုဘာထဲမှာ အချိူပမာနကို သတိမထားဘဲ စိတ်ကြိုက်လိုအပ်တာတွေ ထည့်မယ်ဆိုရင်တော့ ပီလောပီနံအမှုန့်ကနေ ပြုလုပ်ထားတဲ့ အလုံးလေးတွေနဲ့ နို့နဲ့ရောစပ်ထားတဲ့ လက်ဖက်ရည်တစ်မျိုးမှာတော့ ကိုကာကိုလာတစ်ဘူးမှာ ပါဝင်တဲ့ သကြားပမာဏထက် ပိုပါဝင်တာတော့ အမှန်ပါပဲ။ ဒါက အချိုပါဝင်မှုပမာဏဘက်ကနေ ကြည့်မယ် ဆိုရင် သိရှိနိုင်မယ့်ပထမဦးဆုံး အချက်ပါ။

နည်းနည်းလေးပိုပြီး အသေးစိတ်ကြည့်လိုက်မယ်ဆိုရင် သူ့ပါဝင်ပစ္စည်းတွေမှာ လက်ဖက်ရည်၊ နို့ ဒါမှမဟုတ် ခရင်မ်မာနဲ့ အပေါ်ကလောင်းထည့်ရတဲ့ အဆာပလာတို့ ပါဝင်ပါတယ်။ ထပ်ပြီးရွေးချယ်လို့ရမယ့် အမျိုးအစား တွေကို ကြည့်လိုက်မယ်ဆိုရင်လည်း ရေခဲခြစ်လိုပုံစံနဲ့ ချိစ်ပါဝင်တဲ့ အမြှုပ်ပုံစံ သောက်စရာမျိုးတွေထပ်တွေ့ရ မှာဖြစ်ပါတယ်။ အဲဒီအမျိုးအစားတွေကတော့ အချိုတည်းစရာတစ်ခုလို ဖြစ်သွားပါတယ်။

ဒီထက်ပိုနားလည်အောင်လို့ နို့လက်ဖက်ရည်မှာပါဝင်တဲ့ အမျိုးအစားတွေကို ထပ်လေ့လာကြည့်ရအောင်။

ဘိုဘာတွင်ပါဝင်သော ကယ်လိုရီပမာဏ

ဘာဘယ်လ်တီးမှာပါဝင်တဲ့ ကယ်လိုရီပမာဏက ဘာဘယ်လ်အလုံးလေးတွေကို ပြင်ဆင်တုန်းက ထည့်သုံးထားတဲ့ပါဝင်ပစ္စည်း (ပျားရည် ဒါမှမဟုတ် သကြားရည်) တွေအပေါ်မှာ မူတည်ပါတယ်။ အမေရိကက ဘိုဘာလက်ဖက်ရည်ကုမ္ပဏီ တချို့အရတော့ ဘိုဘာနို့လက်ဖက်ရည်မှာ ကယ်လိုရီ ၄၃၀ ကနေ ၆၁၆ လောက် ထိ ပါဝင်နေတာတွေ့ရပါတယ်။

ဒီနေရာမှာတစ်ခုပြောချင်တာက ဘိုဘာဆိုင်တော်တော်များများက ဘိုဘာမှာလိုက်ပြီဆိုတာနဲ့ ကိုယ်လိုချင်တဲ့ အချိုပမာဏကို မေးမြန်းလေ့ရှိပါတယ်။ သူ့ရဲ့အမျိုးအစားစုံလင်လှတဲ့ မီနူးထဲမှာ အချိုဓာတ်ပါဝင်မှုနှုန်းပေါ် မူတည်ပြီး ကယ်လိုရီပမာဏကလည်း ကွဲပြားသွားပါတယ်။

၁၆ အောင်စပမာဏရှိတဲ့ Starbucks က ခရင်မ်အပြည့်နဲ့ matcha frappuccino တစ်ခွက်မှာ ၄၂၀ ကယ်လိုရီ ပါဝင်ပါတယ်။ နို့လက်ဖက်ရည်တစ်ခွက်မှာ ပါဝင်တဲ့ပမာဏက အရမ်းနည်းတယ်လို့လည်း ပြောလို့မရပါဘူး။

အမေရိကတွင်ရောင်းချသည့် နံမည်ကြီး ဘိုဘာဆိုင်များရှိ နို့လက်ဖက်ရည်များတွင် ပါဝင်သည့်
ကယ်လိုရီပမာဏ
ကုမ္ပဏီ ပါဝင်သော ကယ်လိုရီပမာဏ (၁၀၀% သကြားဖြင့် ဖျော်စပ်ထားသော)
Kung Fu Tea 449
ShareTea 616
Gong Cha 430

Kung Fu ဆိုင်က တွက်ချက်ထားမှုတွေအရတော့ သောက်သုံးစရာအဆင့်မရောက်သေးတဲ့ ဘိုဘာအလုံးလေး တွေမှာတင် ကယ်လိုရီပမာဏက ၁၉၉ ရှိနေပြီလို့ သိရပါတယ်။ ထပ်တိုးထည့်ရတဲ့ အဆာပလာ လုံးဝမပါဝင်တဲ့ ရိုးရိုးနို့လက်ဖက်ရည်တစ်ခွက်မှာ ကယ်လိုရီပမာဏ ၁၇၃ ပါဝင်ပါတယ်။ တစ်နည်းပြောရရင် ဘိုဘာအလုံးလေး တွေပဲထည့်ပြီး သကြားအချိုဘာမှမပါဝင်တဲ့ ရိုးရိုးနို့လက်ဖက်ရည်တစ်ခွက် မှာသောက်ရင်တောင် ၃၇၂ ကယ်လိုရီ သောက်သုံးမိပြီးသား ဖြစ်နေပါပြီ။

ကျန်းမာရေးရှုထောင့်

ဘိုဘာကို ကျန်းမာရေးအမြင်အရ ထပ်ပြီးလေ့လာကြည့်မယ်ဆိုရင် သကြားနဲ့ ကယ်လိုရီပါဝင်မှုနှုန်းတွေအပြင်အခြားအချက်တွေကိုလဲလေ့လာသင့်ပါတယ်။သကြားပါဝင်တဲ့ တခြားသောက်စရာအချိူရည်တွေလိုပဲ ဘာဘယ်လ်တီးကိုအလွန်အကျွံ သောက်သုံးတဲ့အခါမှာ ကျန်းမာရေးကို ရေရှည်ထိခိုက်နိုင်ပါတယ်။ ကိုယ်အလေးချိန်တိုးပွားမှုနှုန်း တက်လာ တာတွေ့ရပါတယ်။
ဘိုဘာကိုအရမ်းနှစ်ခြိုက်လို့ အလွန်အကျွံသောက်သုံးတဲ့ ကလေးငယ်တွေမှာတော့ အဝလွန်တဲ့ပြဿနာတွေ ရှိတယ်လို့ ဖော်ပြထားတာတွေ့ရပါတယ်။

ဒါ့အပြင် သကြားအချိုဓာတ်ပါဝင်တဲ့ သောက်စရာနဲ့ ADHD လို့ခေါ်တဲ့ စိတ်ကစဉ့်ကလျားဖြစ်တာ အာရုံစူးစိုက်မှုမရှိတာလိုမျိုး ရောဂါလက္ခဏာတစ်ခုတို့အကြား ဆက်နွှယ်မှုရှိနေတယ်လို့ လေ့လာမှုတစ်ခုက ဖော်ပြထားပြန်ပါတယ်။ တိကျတဲ့ကြောင်းကျိုးဆက်နွှယ်မှုမျိုး သက်သေပြထားခြင်းမရှိပေမဲ့ နှစ်ခုကြား ဆက်နွှယ်မှုတစ်ခုခုတော့ ရှိနေနိုင်ပါတယ်။ ဒါပေမဲ့ သကြားပါဝင်တဲ့ သောက်စရာတွေက ADHD လက္ခဏာမျိုး ဖြစ်ပေါ်စေနိုင်တဲ့ အဓိကအကြောင်းရင်းတော့ မဖြစ်နိုင်ပါဘူး။

ဒါဆိုရင် ဘာဘယ်လ်တီးမှာ ပါတဲ့ ပါဝင်ပစ္စည်းတွေထဲကဘယ်ပါဝင်ပစ္စည်းတွေက ကျန်းမာရေးအတွက် ဘယ်လိုဆိုးကျိုးတွေပေးလဲ။ နည်းနည်းထပ်ပြီး တွေးတော စရာအချက်လေးတွေ အောက်မှာဖော်ပြထားပါတယ်။

နို့ထွက်ပစ္စည်းမဟုတ်တဲ့ခရင်မ်မာ

တစ်ခါတလေမှာ နို့လက်ဖက်ရည်ထဲကို ထည့်တဲ့နို့အမျိုးအစားက နို့ထွက်ပစ္စည်း ဒါမှမဟုတ် တကယ့်နို့စစ်စစ် ဖြစ်ချင်မှဖြစ်မှာပါ။ ခရင်မ်မာအမျိုးအစားတွေကိုလည်း တချို့အသုံးပြုကြပါတယ်။ အဲဒီ ခရင်မ်မာထဲမှာ ဂလူးကို့စ်၊ အသီးအရွက်ကရတဲ့အဆီ၊ ဆိုဒီယမ်ကက်စီနိတ် နဲ့ dipotassium တို့ပါဝင်ပါတယ်။

စင်ကာပူက ဆေးရုံတစ်ခုရှင်းပြထားချက်အရ ခရင်မ်မာက အဆီနဲ့သကြားပါဝင်မှုနှုန်းကို ပိုတိုးပွားစေပြီး နာတာရှည်ရောဂါ ဖြစ်ပွားမှုကိုလည်း ပိုတိုးစေတယ်လို့ သိရပါတယ်။ ဥပမာပြောရရင် သာမန် လူအသုံးများတဲ့ ပါဝင်ပစ္စည်းတစ်ခု - စားအုန်းဆီက နှလုံးရောဂါနဲ့လေဖြတ်ရောဂါတို့ ဖြစ်ပွားစေတယ်ဆိုတဲ့ ဆက်နွှယ်မှုရှိနေသလိုပါပဲ။ ဒါကြောင့်ဘိုဘာ ဖျော်စပ်မယ်ဆို အဆီထုတ်ထားတဲ့နွားနို့ ဒါမှမဟုတ် နွားနို့စစ်စစ်ကိုသာသုံးရင်ပိုကောင်းပါတယ်။

ပီလောပီနံအမှုန့်မှရရှိသည့် ဘိုဘာအလုံးလေးများ

ဘိုဘာအလုံးလေးတွေဟာ နို့လက်ဖက်ရည်ထဲက တခြားပါဝင်ပစ္စည်းတွေနဲ့စာရင် ကျန်းမာရေးနဲ့သင့်တော်တဲ့ အရာလို့ ရေးပြဖို့ကလွယ်ပါတယ်။ ဒါပေမဲ့လည်း သေချာတွက်ဆကြည့်မယ်ဆိုရင် အဲဒီအလုံးလေးတွေမှာ သကြားပါဝင်မှုနှုန်းနဲ့ ကယ်လိုရီပမာဏတွေ များစွာရှိနေတာတွေ့ရမှာပါ။ ပီလောပီနံကနေပြုလုပ်ထားတာ ဖြစ်ပြီး ဖျော်ရည်ထဲထည့်သုံးဖို့ ချက်လိုက်တဲ့အခါမှာလည်း သကြားရည်တွေနဲ့ ရောစပ်ရတာကြောင့် အထွေအထူး ပြောနေစရာတောင် လိုမယ်မထင်ပါဘူး။

ဘိုဘာမှထွက်ပေါ်လာသော ဒဏ္ဍာရီဆန်ဆန် မှားယွင်းတဲ့အချက်အလက်တချို့

ပြောရမယ်ဆိုရင် ကျွန်မတို့အရမ်းနှစ်သက်ကြတဲ့ ဒီသောက်စရာလေးက အဆိုးချည်းပဲရှိနေတာလည်း မဟုတ် ပါဘူး။ ဟိုးလွန်ခဲ့တဲ့နှစ်တွေကတည်းက ဘိုဘာမှာပါဝင်တဲ့ အာဟာရဓာတ်တွေနဲ့ပတ်သက်ပြီး စစ်ဆေးတာတွေ အများကြီးပြုလုပ်ခဲ့ကြတယ်၊ ဒါပေမဲ့ မှားယွင်းတဲ့ပြောဆိုချက်တွေပဲ ထွက်လာတာများခဲ့ပါတယ်။ ဘိုဘာက ဘယ်လောက်တောင်ဆိုးရွားလဲဆိုပြီး ပြောထားကြတဲ့ ဒဏ္ဍာရီဆန်ဆန် မမှန်မကန်အချက်အလက်တချို့ကို အောက်မှာကြည့်ကြရအောင်နော်။

၁။ ပီလောပီနံမှုန့် ဘိုဘာအလုံးလေးတွေက ကင်ဆာရောဂါ ဖြစ်ပွားစေတယ်

၂၀၁၂ ခုနှစ်က ဂျာမန်လေ့လာမှုတစ်ခုမှာ ဘိုဘာမှာပါဝင်တဲ့ ပီလောပီနံမှုန့် ဘိုဘာအလုံးလေးတွေက ကင်ဆာ ရောဂါနဲ့ ဆက်နွှယ်နေပါတယ်လို့ ဖော်ပြထားတာတွေ့ခဲ့ရပါတယ်။ အဲဒီကိစ္စက တစ်ကမ္ဘာလုံးနီးနီး ရိုက်ခတ် သွားခဲ့ပြီး ဘိုဘာကိုအငမ်းမရ တောင်းတတ်တဲ့သူတွေတောင် လုံးဝမတောင်းတတော့လောက်တဲ့ အခြေအနေ အထိဖြစ်သွားခဲ့ပါတယ်။ နောက်ပိုင်း ထိုင်ဝမ်နိုင်ငံက စားသုံးသူကာကွယ်ရေးကော်မတီနဲ့ အမေရိကက အစားအသောက်နှင့်ဆေးဝါး ကွပ်ကဲရေးအဖွဲ့ (FDA) တို့ စုံစမ်းစစ်ဆေးမှုတွေပြုလုပ်ပြီးမှ ဘိုဘာမှာ ကင်ဆာ ရောဂါဖြစ်ပွားစေတဲ့ ဘာအကျိုးသက်ရောက်မှုမှ မရှိဘူးလို့ထုတ်ပြန်ပြီး အဆုံးသတ်ခဲ့ပါတော့တယ်။

အဲဒီအကြောင်းက မီဒီယာတွေမှာ ထပ်ဖောင်းပွသွားတဲ့အချိန်မှာတော့ ဂျာမန်လေ့လာမှုက ပြန်လည်သုံးသပ် ထုတ်ဝေတဲ့ဂျာနယ်ကနေတစ်ဆင့် ထုတ်ဝေလိုက်တာမဟုတ်ဘူးလို့ ဖြစ်သွားပါတော့တယ်။ အဓိပ္ပာယ်ကတော့ ဒီအငြင်းပွားဖွယ်ရာ လေ့လာမှုက ကျွမ်းကျင်ပညာရှင်တွေ အကဲဖြတ်ထားတာမဟုတ်ဘဲ ထုတ်ဝေမှုမပြုခင်မှာ တိကျတဲ့ စစ်ဆေးသုံးသပ်တာမျိုးတွေလည်း မလုပ်ခဲ့ဘူးဆိုတဲ့သဘောပါပဲ။

၂။ ဘိုဘာအလုံးလေးတွေက အစာအိမ်ထဲမှာ ကပ်ပြီးကျန်နေခဲ့တယ်

ဝမ်းချုပ်ဝေဒနာခံစားနေရတဲ့ ကောင်မလေးတစ်ယောက်ရဲ့ ဗိုက်ထဲမှာ ဘိုဘာအလုံးတွေ ရာနဲ့ချီရှိနေပြီး အဲဒါတွေကလုံးဝ အစာမကြေနိုင်ဘူးလို့ x-ray နဲ့ရိုက်ပြထားတဲ့ဗီဒီယိုတစ်ခု အင်တာနက်မှာပျံ့လာခဲ့ပါတယ်။ အဲဒီလိုနဲ့ပဲ ဘိုဘာအလုံးတွေက အစာကြေမလွယ်ဘူး၊ အစာအိမ်လမ်းကြောင်းအတွက် အန္တရာယ်ဖြစ်စေတဲ့ အရာတစ်ခုဆိုပြီး ဂယက်ထသွားပါတော့တယ်။

အဲဒီပြဿနာမျိုးဖြစ်လောက်အောင်ထိ ဘိုဘာနို့လက်ဖက်ရည် ပမာဏ အများကြီး သောက်ခဲ့တာဖြစ်မှာလို့ University of Pittsburgh Medical Center က အရေးပေါ်ဌာနဆရာဝန် Dr. Ryan Marino က အင်တာဗျူး တစ်ခုမှာ ဖြေသွားခဲ့ပါတယ်။ သေချာကျိုချက်မထားတဲ့ ဘိုဘာက ကျိုချက်ထားတဲ့ဘိုဘာထက် အစာချေဖို့ ခက်ခဲတာလည်းပါတယ်လို့ သူကတော့ယုံကြည်ပါတယ်။

ဘိုဘာ၏ အာဟာရတန်ဖိုးများ

ဘိုဘာအလုံးလေးတွေကို ပီလောပီနံအမှုန့်ကနေ ပြုလုပ်တာဖြစ်ပြီး ၂၀ ရာစုအစောပိုင်းလောက်က ဂျပန်တွေ သိမ်းပိုက်ထားတဲ့ကာလအတွင်း ဘရာဇီးကနေ ထိုင်ဝမ်ကိုဆင်းသက်လာရာက အစပြုတယ်လို့သိရပါတယ်။ yuca လို့လည်း ခေါ်ကြပါသေးတယ်။

ပီလောပီနံက အဆီဓာတ်မပါဘူး၊ ကိုလက်စထရောကင်းတယ်၊ အမျှင်ဓာတ်ကြွယ်ဝစွာပါဝင်တယ်။ ဒါပေမဲ့ အဲဒါတွေကြောင့်ပဲ ဘာဘယ်လ်တီးကို ကျန်းမာရေးနဲ့ညီညွတ်တဲ့ သောက်စရာတစ်ခု ဖြစ်သွားစေရောလား။ အဲလိုတော့လည်း မဟုတ်ပြန်ပါဘူး။ ကာဗိုဟိုက်ဒရိတ် ကြွယ်ဝတဲ့အစားအသောက်တစ်ခုမို့ တကယ်လို့ ကိုယ် ကိုယ်တိုင်က ကာဗိုဟိုက်ဒရိတ်ပါတဲ့ အစားအသောက်တွေကို လျှော့ချပြီးစားနေရတဲ့သူဆိုရင် မနက်စာအဖြစ် တော့ ဘာဘယ်လ်တီးတစ်ခွက် သောက်လိုက်တာ လုံးဝမကောင်းပါဘူး။ နောက်တစ်ချက်က သူ့ရဲ့ကုန်ကြမ်း ဖြစ်တဲ့ ပီလောပီနံအမှုန့်ကနေ ဘာဘယ်လ်တီးတစ်ခွက်ဖြစ်လာအောင် အဆင့်ဆင့်ပြုပြင်လိုက်တဲ့အခါမှာ နဂို ပီလောပီနံအမြစ်မှာပါဝင်တဲ့ အာဟာရဓာတ်တွေက လျော့ကျကုန်တယ်ဆိုတာပါပဲ။ သတိထားစရာလေးပေါ့ နော်။

ဒါ့ထက် လက်ဖက်ရည်ဆိုတာကလည်း antioxidant နဲ့ flavonol တို့ပါဝင်တာကြောင့် ကျန်းမာရေးအကျိုး ကျေးဇူးများစွာထဲကမှ ကင်ဆာရောဂါကို တားဆီးကာကွယ်‌စေနိုင်တဲ့ ဓာတ်တွေအများကြီး ရှိနေပါသေးတယ်။

ဘိုဘာလက်ဖက်ရည်ထဲမှာရော ကဖိန်းဓာတ်ပါဝင်လား။

ဘိုဘာအလုံးလေးတွေက ကဖိန်းဓာတ်မပါဝင်အောင် ပြုလုပ်ထားတာမျိုးမဟုတ်တာကြောင့် ဒီအချက်ကတော့ သင်ရွေးချယ်တဲ့ လက်ဖက်ရည်အမျိုးအစားပေါ်မှာ မူတည်ပါလိမ့်မယ်။ Camellia sinensis လို့အမည်ရှိတဲ့ လက်ဖက်ပင်ကနေရတဲ့ လက်ဖက်ရွက်တွေမှာ အဖြူရောင်၊ အစိမ်းရောင်၊ အမည်းရောင်နဲ့ oolong အရွက်တွေ ရရှိပြီး သဘာဝအရတော့ အဲဒီလက်ဖက်ရွက်အမျိုးအစားတွေက ကဖိန်းဓာတ်ပါဝင်ပါတယ်။ ပိန်းဥ၊ နှမ်းမည်း၊ အသီးဖျော်ရည် ဒါမှမဟုတ် yakult နို့ချဉ်တို့လို ရွေးချယ်စရာတွေလည်း အများကြီးရှိလို့နေပါတယ်။

ဘိုဘာကို ကျန်းမာရေးနဲ့ညီညွတ်အောင် ဘယ်လိုဖျော်စပ်ကြမလဲ

ဒါဆိုရင် ဘိုဘာကိုအရမ်းစွဲလမ်းပြီး ဖြတ်မရနိုင်အောင်ဖြစ်နေတယ်၊ ဒါပေမဲ့ ကျန်းမာရေးနဲ့ညီညွတ်အောင် လည်း သောက်ချင်တယ်ဆိုရင် ဘယ်လိုလုပ်ကြမလဲ။ အောက်ကလွယ်ကူတဲ့ နည်းလမ်းလေးတွေကို တစ်ချက် လေ့လာပြီး ဖျော်စပ်ကြည့်မယ်ဆိုရင် စိတ်အေးအေးထားပြီး သောက်သုံးနိုင်မှာဖြစ်ပါတယ်။
၁။ ဘိုဘာကို အိမ်မှာကိုယ်တိုင် ဖျော်ကြည့်ပါ - ဘိုဘာအလုံးလေးတွေကို အိမ်ဝယ်လာပြီး ကိုယ်တိုင် ပြင်ဆင်ကျိုချက်ကြည့်ခြင်းက ဈေးသက်သက်သာသာနဲ့ များများစားစားရနိုင်တဲ့အပြင် ပြင်ဆင်ပုံမှာ လည်း အများကြီးထိန်းချုပ်နိုင်စွမ်းတွေ ပြလုပ်နိုင်မှာပါ။ ကျွန်မအခုအိမ်မှာ သုံးနေတဲ့အထုပ်တစ်ထုပ် ဆိုရင် ခွက်ရဲ့လေးပုံတစ်ပုံစာမှာ ၈၀ ကီလိုရီပဲပါဝင်ပါတယ်။ ပြီးတော့ သကြားရည်အစား ဘိုဘာမှာ လိုအပ်တဲ့အချိုအရသာအတွက် ပျားရည်ကိုသုံးလိုက်တယ်။ လက်ဖက်ရည်အတွက်တော့ အကြိုက်ဆုံး လက်ဖက်ခြောက်လေးကျိုပြီး နို့လေးနည်းနည်းရောလိုက်တာနဲ့ ကိုယ့်တစ်ကိုယ်စာအတွက် အရသာ လည်းရှိ၊ ကျန်းမာရေးလည်းညီညွတ်တဲ့ ဘိုဘာတစ်ခွက်ရလာမှာပါ။ ဒါလေးပါပဲ၊ လွယ်လွယ်လေးပါ။ ပြုပြင်စီမံထားတဲ့ ဆေးသကြားတွေလည်းမပါဘူး၊ ခရင်မ်မာတွေလည်း မလိုပါဘူး။
၂။ သကြားပါဝင်မှုနှုန်းကို ပြုပြင်ကြည့်ပါ - ဒါကသိပ်ပြီး အားစိုက်ထုတ်စရာကိစ္စတော့ မဟုတ်ပေမဲ့ သကြားလုံးဝမပါဝင်တဲ့ 0% သောက်စရာတစ်ခု လုပ်ဖို့ကလည်း လွယ်တော့မလွယ်ကူနေပါဘူး။ ဆေးသကြားအချို လုံးဝမပါဝင်တဲ့ ဘာဘယ်လ်တီးက အရမ်းခါးနေတယ်ဆိုရင် လက်ဖက်ရည်ရဲ့ အရသာကို ပေါ်ပေါ်လွင်လွင်လေး ခံစားမိစေလောက်တဲ့ထိပဲ သကြားကို ပမာဏများများသုံးနေရာ ကနေ နည်းနည်းချင်းစီလျှော့ချပြီး သုံးကြည့်ကြည့်ပါ။ အဓိကက လက်ဖက်ရည်ရဲ့အရသာကို ခံစားပြီး သောက်ဖို့ပဲလိုတာပါ (သကြားရဲ့အရသာ မဟုတ်ဘူးနော်)။ ကျွန်မကတော့ လက်ဖက်ရည်ကို ဘာမှ အဆာပလာတွေရောမထားတဲ့ ရိုးရိုးအရသာကို ကြိုက်တဲ့သူဆိုတော့ ဒါကကျွန်မအတွက်တော့ ထွေထွေထူးထူးလုပ်စရာ မလိုတဲ့အရာပါပဲ။
၃။ ခရင်မ်မာမထည့်ဘဲ မှာကြည့်ပါ - နို့လက်ဖက်ရည်တွေမှာသုံးကြတဲ့ ခရင်မ်မာတွေ ဟာ တကယ်တမ်းအဆီတွေပါဝင်ပြီး ကယ်လိုရီပမာဏအများကြီး ရှိနေပါတယ်။ ဂလူးကို့စ်နဲ့ အသီး အရွက်ကရတဲ့ အဆီတွေလည်း အပြည့်ပါပဲ။ တကယ်တမ်း ခရင်မ်မာလုံးဝမသုံးဘဲနဲ့ အရသာရှိရှိ သုံးဆောင်လို့ရမယ့် ဘိုဘာလက်ဖက်ရည်တွေလည်း ရွေးချယ်စရာအများကြီး ရှိနေပါတယ်။ အဲလိုတွေ စမ်းပြီးသောက်ကြည့်ရင်းနဲ့ အမြဲတမ်းသောက်နေကျ လက်ဖက်ရည်အရသာထဲက ခွဲထွက်ပြီး အရသာ အသစ်တွေတောင် မြည်းစမ်းကြည့်မိနိုင်ပါတယ်။
၄။ topping အသစ်အဆန်းတစ်မျိုးနဲ့ စမ်းသောက်ကြည့်ပါ - ဘိုဘာလက်ဖက်ရည်တွေမှာသုံးတဲ့ topping များစွာထဲကမှ ချိစ်အမြှုပ်တွေပါတဲ့ toping တွေက ကယ်လိုရီအများကြီး ပါဝင်နေပါတယ်။ အဲဒီအစား တခြား topping တွေဘာမှမထည့်တော့ဘဲ သူ့ထက်ကယ်လိုရီနည်းတဲ့ grass jelly လို ပူတင်းလို topping အသစ်အဆန်းလေးတွေနဲ့ စမ်းသောက်ကြည့်လိုက်ပါ။
၅။ ကျန်းမာရေးနဲ့ညီညွတ်အောင်ရောင်းတဲ့ ဘိုဘာဆိုင်တွေကို ရှာဖွေစူးစမ်းကြည့်ပါ - နေရာတော်တော် များများမှာ နာမည်ကြီးနေတဲ့ ဘာဘယ်လ်တီးဆိုင်တွေရဲ့ ပြဿနာတစ်ခုက သူတို့ရောင်းချပေးရတဲ့ brand (ကုန်အမှတ်တံဆိပ်) ပေါ်လွင်စေဖို့အတွက် တင်းကျပ်တဲ့စည်းမျဉ်းတစ်ခုကို လိုက်ပြီးပဲရောင်း ချပေးနေရတာပါ။ စားသုံးသူတွေဘက်က စိတ်ကြိုက်ရွေးချယ်လို့ရအောင် ပေးထားတာမျိုးသိပ်မရှိဘူး။ တစ်ချိူ့ဘိုဘာဆိုင်တစ်ဆိုင်ဆိုရင် သူတို့ဖျော်ပေးတဲ့ ဘာဘယ်လ်တီးတွေထဲ မှာ တကယ့်နွားနို့စစ်စစ်ကိုသုံးတယ်၊ သူတို့ဆိုင်လုပ်ဖြစ်တဲ့ ပျားရည်ကိုသုံးတယ်။ အဆီနည်းတာမျိုး သောက်ချင်တယ်ဆိုရင်လည်း အယ်လ်မွန်တို့ ပဲပိစပ်တို့နဲ့လုပ်ထားတဲ့ အဆီဓာတ်မပါဝင်တဲ့နို့တွေ သုံးပေးပါတယ်။

#ဘိုဘာတီး
ဘာသာပြန်တင်ပြသည်။

Address

No3, Gantgaw Myaing 1st Street, 1st Floor, Near Thuwunna Market, Thingangyun
Yangon
11072

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00

Telephone

09254006049

Website

https://www.betterdaymedia.com/

Alerts

Be the first to know and let us send you an email when Taste Window Food Magazine posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Taste Window Food Magazine:

Videos

ဝက်သားလုံးပဲကြာဆံစွပ်ပြုတ်

Coconut water Strawberry Barbon

Coconut water Strawberry Barbon ❝ သောက်လိုက်တိုင်းမှာ ခပ်ပါးပါးလေး ရီဝေသွားစေမယ့် Strawberry Barbon Cocktail ❞ ဘယ်အချိန်ဘယ်နေရာမှာမဆို ဘာနဲ့ပဲတွဲဖက်ဖျော်စပ်ပါစေ ချိုမြိန်မှုနဲ့ အကောင်းဆုံးအရသာကို တစ်ပြိုင်တည်းပေးစွမ်းနိုင်တဲ့ တစ်ခုတည်းသော အသီးတစ်မျိုးကတော့ စတော်ဘယ်ရီသီးလေးတွေပါပဲ။ အကောင်းဆုံးသော Whiskey တစ်မျိုးဖြစ်တဲ့ အမေရိကန်နိုင်ငံရဲ့ လူကြိုက်အများဆုံး နံပါတ်တစ်စာရင်းဝင် 𝐉𝐢𝐦 𝐁𝐞𝐚𝐦 𝐁𝐨𝐮𝐫𝐛𝐨𝐧 𝐖𝐡𝐢𝐬𝐤𝐞𝐲 ကို စတော်ဘယ်ရီသီးတွေထဲကမှ အချိုမြိန်ဆုံးအရသာကိုပေးနိုင်တဲ့ USA စတော်ဘယ်ရီသီးလေးတွေနဲ့ သဘာဝကျကျရောနှောဖျော်စပ်ပြီး . . . 𝐇𝐞𝐫𝐬𝐡𝐞𝐲'𝐬 𝐒𝐭𝐫𝐚𝐰𝐛𝐞𝐫𝐫𝐲 𝐒𝐲𝐫𝐮𝐩 နဲ့ ပေါင်းစပ်လိုက်မယ်ဆိုရင်တော့ဖြင့် ရီဝေဝေ အဆုံးသတ်လေးတစ်ခုနဲ့ သောက်ပြီးတိုင်းသောက်ချင်နေစေမယ့် Cocktail လေးတစ်ခွက်ကို ရနိုင်ပါပြီ။ ဒီလိုမျိုး အနံ့သင်းသင်းနဲ့ အုန်းရည်ချိုုချိုလေးရယ်၊ USA

ပူပူနွေးနွေးမားမားသုပ်

ဝက်မှိုလုံးငရုတ်ပွအဆာသွတ်

ငံပြာရည်ကြက်တောင်ပံကြော်

ဝက်မှိုလုံးပဲကြာဆံသုပ်

တူနာထိုင်းစတိုင်လ်သုပ်

Weight loss juice သခွားသီး - ၁၂၀ ဂရမ် (အနေတော်တုံးထားပါ) တရုတ်နံနံ - ၃ ပင် သံပရာသီး - ၁ လုံး (လေးစိတ်စိတ်ပါ) ချင်း -၂ တက် (ပါးပါးလှီးပါ) Equal Sugar - 1 pkt ရေ - အနည်းငယ် ပြုလုပ်နည်း ပါဝင်ပစ္စည်းများအားလုံးကို ဖျော်စက်ထဲ ထည့်ပြီး ကြိတ်ပါ။ #Taste_Window_Food_Magazine #Half_Potato_Food_Television #Pyone #Weightlossjuice

ကြက်တောင်ပံတုန်ယမ်းဟင်းချို

ငံပြာရည်ဆော့စ်နှင့်ကြက်ပေါင်ကင်

ငှက်ပျောသီးရွှေချီ ပါဝင်ပစ္စည်းများ ငှက်ပျောသီး - ၄ လုံး (အခွံနွှာပြီး ခြေထားပါ) ရွှေချီမှုန့် - ၂၅၀ ဂရမ် အုန်းနို့ - ၆၀၀ မီလီလီတာ ထောပတ် - ၁၂၅ ဂရမ် (အရည်ပျော်အောင် အပူပေးပါ) ကြက်ဥ - ၂ လုံး (ခေါက်ထားပါ) ဘိန်းစေ့ - စားပွဲဇွန်း ၂ ဇွန်း ပြုလုပ်နည်း ဒယ်အိုးကို အပူပေးပြီး ရွှေချီမှုန့်ကို ထည့်ပြီး လှော်ပါ။ အနံ့လေးမွှေးလာရင် အုန်းနို့၊ ထောပတ်၊ ကြက်ဥ၊ ခြေထားတဲ့ ငှက်ပျောသီး တို့ကို ထည့်ပြီး သမအောင် မွှေပါ။ မုန့်နှစ်ပျစ်လာတဲ့အထိ မီးအေးအေးဖြင့် အဆက်မပြတ် မွှေပေးပါ။ မုန့်နှစ်ရပြီဆိုလျှင် အာဗင်ထဲ ထည့်ဖုတ်မယ့် ခွက်ကို ထောပတ်ဆီသုတ်ပါ။ ပြီးလျှင် မုန့်နှစ်ကို ထည့်ပြီး မျက်နှာပြင်ညှိပါ။ ပြီးလျှင် အပေါ်မှ ဘိန်းစေ့များ ဖြူးပေးပါ။ ပြီးလျှင် အာဗင်မှာ ၁၅ မိနစ်ခန့် ဖုတ်ပါ။ မုန့်သားကျက်ပြီဆိုလျှင် အာဗင်ကထုတ်ပြီး အအေးခံပါ။ ပြီ

မာလာငါးဟင်း ပါဝင်ပစ္စည်းများ ကကတစ်ငါး - ၁ ကောင် ငါးငံပြာရည် - စားပွဲဇွန်း ၂ ဇွန်း ဆား - လက်ဖက်ရည်ဇွန်း ၂ ဇွန်း အသားမှုန့် - လက်ဖက်ရည်ဇွန်း ၂ ဇွန်း နနွင်းမှုန့် - လက်ဖက်ရည်ဇွန်း ၁ ဇွန်း ဆီ - ၁၀၀ ဂရမ် ကြက်သွန်ဖြူ - ၅ မြွှာ (နုပ်နုပ်စဉ်းပါ) ကြက်သွန်နီ - ၂ လုံး (နုပ်နုပ်စဉ်းပါ) ခရမ်းချဉ်သီးအသေး - ၅ လုံး (ထက်ခြမ်းခြမ်းပါ) မာလာအနှစ် - စားပွဲဇွန်း ၄ ဇွန်း ရေ - ၃၀၀ မီလီလီတာ မာလာခေါက်ဆွဲ - ၂၀၀ ဂရမ် ကြာစွယ် - ၃၀၀ ဂရမ် (ပါးပါးလှီးပါ) ငါးဖယ်လုံး - ၁၀၀ ဂရမ် ငါးတိုဟူး - ၁၀၀ ဂရမ် အသားမှုန့် - လက်ဖက်ရည်ဇွန်း ၂ ဇွန်း ဆား - လက်ဖက်ရည်ဇွန်း ၂ ဇွန်း မုန်ညင်းစိမ်း - ၁၀၀ ဂရမ် ငရုတ်သီးတောင့် - ၅ တောင့် ကြက်သွန်မြိတ်/ ရှမ်းနံနံ - ၁၀ ဂရမ် နံနံပင် - ၁၀ ဂရမ် ပြုလုပ်နည်း ငါးကို ဆေးကြောသန့်စင်ပြီး ဓားဖြင့် မွှန်းပါ။ ပြီးလျှင် ငါးငံပြာရည်၊ ဆား၊

အသဲအမြစ်ငရုတ်သီးစိမ်းချက် ပါဝင်ပစ္စည်းများ ကြက်အသဲအမြစ် - ၅၀၀ ဂရမ် (အနေတော်အတုံးလေးတွေလှီးပါ) ဆီ - စားပွဲဇွန်း ၃ ဇွန်း ကြက်သွန်ဖြူ - ၇ မြွှာ (ပါးပါးလှီးပါ) နနွင်းမှုန့် - အနည်းငယ် ကြက်သွန်နီ - ၃ လုံး (နုပ်နုပ်စဉ်းပါ) ငရုတ်သီးစိမ်း - ၁၅ တောင့် (ပါးပါးလှီးပါ) ခရမ်းချဉ်သီး - ၁ လုံး (ပါးပါးလှီးပါ) ငံပြာရည် - စားပွဲဇွန်း ၃ ဇွန်း ဆား - အနည်းငယ် အရသာမှုန့် - အနည်းငယ် ရေနွေး - ၅၀၀ မီလီလီတာ ပြုလုပ်နည်း အနေတော်လှီးဖြတ်ထားတဲ့ ကြက်အသဲအမြစ်များကို ရေစင်အောင်ဆေးပြီး စစ်ထားပါ။ ပြီးလျှင် ဒယ်အိုးကို အပူပေးပြီး ဆီထည့်ပါ။ ဆီပူလာရင် ကြက်သွန်ဖြူ၊ နနွင်းမှုန့်၊ ကြက်သွန်နီတို့ကို ထည့်ပြီး ဆီသတ်ပါ။ အရောင်ပြောင်းလာလျှင် ငရုတ်သီးစိမ်း ထည့်မွှေပါ။ ပြီးလျှင် ခရမ်းချဉ်သီး ထည့်ပါ။ ငံပြာရည် ထည့်ပါ။ ပြီးလျှင်တော့ ကြက်အသဲအမြစ်မျာ

ငါးကြွပ်ကြော်နှပ် ပါဝင်ပစ္စည်းများ ငါးမုန့် - ၂၃၀ ဂရမ် ဆီ - အနည်းငယ် ကြက်သွန်ဖြူ - ၅ ဂရမ် (နုပ်နုပ်စဉ်းပါ) ကြက်သွန်မြိတ် - ၃ ဂရမ် (အနေတော်ပိုင်းဖြတ်ပါ) ချင်း - ၃ ဂရမ် (အချောင်းလေးတွေလှီးပါ) မျှစ် - ၃၀ ဂရမ် (အနေတော်လှီးပါ) မှို - ၃၅ ဂရမ် (အနေတော်လှီးပါ) သကြား - လက်ဖက်ရည်ဇွန်း ၁ ဇွန်း ဆား - လက်ဖက်ရည်ဇွန်း ၁ ဇွန်း ပဲငံပြာရည်အကြည် - စားပွဲဇွန်း ၃ ဇွန်း ရေ - အနည်းငယ် ငရုတ်ကောင်း - အနည်းငယ် ဗီနီကာ - စားပွဲဇွန်း ၂ ဇွန်း ပြုလုပ်နည်း ငါးကို သေချာဆေးပြီး ဓားဖြင့် မွှန်းထားပါ။ ပြီးလျှင် ဆီပူထဲ ထည့်ကြော်ပါ။ ငါးအရောင်သန်းလာရင် ဆယ်ပြီး ဆီစစ်ထားပါ။ ဒယ်အိုးထဲ ဆီထည့်ပြီး အပူပေးပါ။ ဆီပူလာရင် ကြက်သွန်ဖြူ၊ ကြက်သွန်မြိတ်၊ ချင်းတို့ကို ထည့်ပြီး ဆီသတ်ပါ။ အနံ့မွှေးလာရင် မျှစ်၊ မှို ထည့်ပြီး မွှေပါ။ ပြီးလျှင် သကြား၊ ဆား၊ ပဲငံပြာရည်အကြည်

ငှက်ပျောဖူးသုပ် ပါဝင်ပစ္စည်းများ ငရုတ်သီးမှည့်အတောင့်ရှည် - ၃ တောင့် (ပါးပါးလှီးထားပါ) ငါးပိစိမ်းစား - စားပွဲဇွန်း ၂ ဇွန်း (မီးကင်ထားပါ) အုန်းနို့ - ၁၅၀ မီလီလီတာ ပုစွန် - ၁၂၀ ဂရမ် ကြက်သား - ၃၀၀ ဂရမ် (နုပ်နုပ်စဉ်းပါ) သံပရာရည် - စားပွဲဇွန်း ၃ ဇွန်း ဆား - စားပွဲဇွန်း ၁ ဇွန်း ငှက်ပျောဖူး - ၁ ဖူး ကြက်သွန်နီ - ၁ လုံး (ပါးပါးလှီးပါ) ရှောက်ဘီလူးရွက် - ၄ ရွက် (ပါးပါးလှီးထားပါ) သကြား - စားပွဲဇွန်း ၁ ဇွန်း သံပရာရည် - ၃ ဇွန်း ငရုတ်သီးစိမ်း - ၅ တောင့် (ပါးပါးလှီးထားပါ) ပြုလုပ်နည်း အရင်ဆုံး ငါးပိထောင်းအတွက် ငရုတ်သီးမှည့်အတောင့်ရှည်၊ ငါးပိစိမ်းစားတို့ကို ငရုတ်ဆုံထဲ ထည့်ပြီး ညက်အောင်ထောင်းထားပါ။ ပြီးလျှင် ပန်းကန်လုံးထဲ ထည့်ထားပါ။ ဒယ်အိုးကို မီးအပူပေးပြီး မီးပူလာရင် အုန်းနို့ ထည့်ပါ။ အနည်းငယ်ပွက်လာရင် ပုစွန်ထည့်ပါ။ ပုစွန်ပ

အိန္ဒိယစတိုင်လ် အသီးအရွက်လုံးကြော် ပါဝင်ပစ္စည်းများ ပဲသီး - ၃၀ ဂရမ် (ပါးပါးလှီးပါ) ရုံးပတီသီး - ၃၀ ဂရမ် ( ပါးပါးလှီးပါ) ပန်းဂေါ်ဖီ - ၅၀ ဂရမ် ခရမ်းသီး - ၃၀ ဂရမ် (အတုံးသေးသေးလေးတွေလှီးပါ) မုန်လာဥနီ - ၃၀ ဂရမ် (အတုံးသေးသေးနဲ့ပါးပါးလှီးပါ) နံနံပင် - ၂ ဂရမ် (ပါးပါးလှီးပါ) ကြက်သွန်နီ - ၃၀ ဂရမ် (နုပ်နုပ်စဉ်းပါ) ကြက်ဥ - ၁ လုံး ငရုတ်သီး - ၃ တောင့် (ပါးပါးလှီးပါ) နနွင်းမှုန့် - လက်ဖက်ရည်ဇွန်း ၁/၂ ဇွန်း ဆား - လက်ဖက်ရည်ဇွန်း ၁ ဇွန်း ငရုတ်သီးအစိမ်းမှုန့် - လက်ဖက်ရည်ဇွန်း ၁ ဇွန်း ဇီရာ - လက်ဖက်ရည်ဇွန်း ၁ ဇွန်း စမုန်စပါး - လက်ဖက်ရည်ဇွန်း ၁ ဇွန်း မဆလာ - လက်ဖက်ရည်ဇွန်း ၁ ဇွန်း ချင်း - ၂ ဂရမ် (နုပ်နုပ်စဉ်းပါ) ကြက်သွန်ဖြူ - ၃ ဂရမ် ( နုပ်နုပ်စဉ်းပါ) ပဲအစိမ်းမှုန့် - စားပွဲဇွန်း ၃ ဇွန်း မွှေးပြောင်းဖူးမှုန့် - ၁

ဝက်ကလေးရဲ့ ဒုတိယမြောက်ဆိုင်ခွဲဖြစ်တဲ့ Watkalay ဝက်ဆလတ်ဆိုင်ဖွင့်ပွဲ

ဝက်ကလေးရဲ့ ဒုတိယမြောက်ဆိုင်ခွဲဖြစ်တဲ့ Watkalay ဝက်ဆလတ်ဆိုင်ဖွင့်ပွဲ Master Chef Myanmar Season 1 က မေဖြိုးသီ ဖွင့်လှစ်ထားတဲ့ ဝက်ကလေး မောက်ချိုက်ဆိုင်ရဲ့ ဒုတိယမြောက်ဆိုင်ခွဲဖြစ်တဲ့ Watkalay ဝက်ဆလတ် ဆိုင်ဖွင့်ပွဲလေးမှာ သွားရောက်အင်တာဗျူးဖြစ်ခဲ့တာလေးကို ပြန်လည်တင်ဆက်ပေးလိုက်ပါတယ်။ လှည်းလေးနဲ့ စရောင်းလာခဲ့တဲ့ ဝက်ကလေးမောက်ချိုက်ဆိုင်ကနေ ယခုဒုတိယမြောက်ဆိုင်ခွဲကို ထပ်မံဖွင့်လှစ်ခဲ့တာပဲ ဖြစ်ပါတယ်။ ပထမဆိုင်ဖြစ်တဲ့ ဝက်ကလေး မောက်ချိုက်ဆိုင်မှာဆိုရင်လည်း အရင်လိုလှည်းလေးနဲ့မဟုတ်တော့ဘဲ ဆိုင်ခန်းလေးနဲ့အေးအေးဆေးဆေးထိုင်စားလို့ရနိုင်မှာဖြစ်ပြီးတော့ မီနူးကိုလည်း မောက်ချိုက်အပြင် မာလာရှမ်းကော၊ မာလာထန်ဆိုပြီးလည်း ထပ်တိုးရောင်းချထားပါတယ်။ ပူထုံစပ် ကြိုက်တဲ့သူတွေအတွက် သွားစားသင့်တဲ့ ဆိုင်လေးပဲ ဖြစ်ပါတယ်။ အခု တစ်ခါ ဒုတိယမြောက်ဆိုင်ခ

ဒူးရင်းသီးသာခွေယိုင် ပါဝင်ပစ္စည်းများ အောင်မဲညိုပန်းပွင့် - ၂၀ ပွင့် (အပြာရောင်အရည်ရလာအောင် ရေနွေးစိမ်ထားပါ) အုန်းနို့ - ၅၀၀ မီလီလီတာ သကြား - စားပွဲဇွန်း ၅ ဇွန်း ဆား - အနည်းငယ် ဆန်မှုန့် - စားပွဲဇွန်း ၃ ဇွန်း (ရေဖျော်ထားပါ) ဒူးရင်းသီး - ၁ လုံး (အစေ့များကိုဖယ်ထုတ်ပြီး အသားကို ခြေထားပါ) ကောက်ညှင်းဆန် - ၃၅၀ ဂရမ် (တစ်ညရေစိမ်ထားပါ) အုန်းနို့ - ၂၅၀ မီလီလီတာ ပြုလုပ်နည်း ဦးစွာ ဒယ်အိုးတစ်အိုးကို မီးအပူပေးပါ။ ပူလာရင် အုန်းနို့၊ သကြား၊ ဆား တို့ကို ထည့်ပြီး သမအောင်ရောမွှေပါ။ သကြားပျော်သွားပါက ရေဖျော်ထားတဲ့ဆန်မှုန့်ကို ထည့်မွှေပါ။ ပြီးလျှင် ခြေထားတဲ့ဒူးရင်းသီးအသားများကို ထည့်ပြီး မလိုင်တက်လာတဲ့အထိ အဆက်မပြတ်မွှေပါ။ ပြီးလျှင်တော့ မီးပိတ်ပြီး အိုးချလို့ရပါပြီ။ ကောက်ညှင်းပေါင်းရန်အတွက် တစ်ညရေစိမ်ထားတဲ့ ကောက်ညှင်းဆန်

အမဲသားနှင့် ပန်းငရုတ်ပွဟင်းလျာ၊ ငါးချိုချဉ်ကြော်

ဒီတစ်ပတ်အတွက် Stir Fry နည်းလမ်းတွေနဲ့ အမဲသားနှင့်ပန်းငရုတ်ပွဟင်းလျာ၊ ငါးချိုချဉ်ကြော် ဟင်းလျာတို့ကို ချက်ပြုတ်ပြသတင်ဆက်ပေးမှာ ဖြစ်ပါတယ်။ Stir Fry နည်းလမ်းရဲ့ အဓိကအချက်ကတော့ ချက်တဲ့အခါမှာ wok လို့ခေါ်တဲ့ ဇောက်နက်နက် ဒယ်အိုးကို အသုံးပြုပြီး မီးပြင်းပြင်းနဲ့ ချက်ပြုတ်ရမှာ ဖြစ်ပါတယ်။ wok ကို အသုံးပြုပြီး ချက်တဲ့အတွက် ဟင်းချက်တဲ့အခါမှာ လိုအပ်တဲ့ မီးရဲ့ပြင်းအားက အိုးတစ်ခုလုံးကို ပျံ့နှံ့ရရှိစေမှာဖြစ်ပါတယ်။ ဒီ Stir Fry နည်းမှာကျတော့ အစားအစာတွေကို မြန်မြန်ဆန်ဆန်ချက်ပြုတ်နိုင်ဖို့ အတွက် ပါဝင်တဲ့ အသား ဟင်းသီးဟင်းရွက်တွေကို Slice လုပ်ပြီး သေးသေးလေးတွေ လှီးထားရမှာ ဖြစ်ပါတယ်။ ချက်ပြီးတဲ့ အခါမှာလည်း ပူပူနွေးနွေးစားလိုက်မယ်ဆိုရင် ဟင်းရဲ့ အရသာကို အကောင်းဆုံးရရှိစေမှာ ဖြစ်ပါတယ်။ ချက်ရတာ လျင်မြန်လွယ်ကူတဲ့ Stir Fry ဟင်းလျာတွေကို အိမ်မှာ ခ

Shortcuts

Our Story

The Food Magazine is the first monthly magazine published by Better Day Media of its kind in Myanmar language and one of the best selling magazines in Myanmar. The magazine has begun to be published since January 2012. Its aims at an active, happy and prosperouns family and everyone who is interested in foods and drinks. Food Magazine is packed full of recipes of Food Magazine’s stars. And Food Magazine includes ”Celebrites in the Kitchen”, ”Kids in the Kitchen”, ”Food and Health”, “Food and Travel”, “Eating Out (Restaurant Review)”, “Chef Feature” and a lot more. It is issued on the 27th of every month and is available wherever books are sold. Also available at Apple Store Newsstand, Wun Zin Book Store and Magzter Digital Newsstand.