What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00

MLC Plus

Home
Myanmar
Yangon
MLC Plus

Support Myanmar Lethwei Sport...

02/12/2023

MLC Plus ပရိသတ်တွေအားလုံး ကျန်းမာရွှင်လန်းရှိကြပါစေ အားလုံးကို သတိရနေပါတယ်။

20/11/2023

ယခုလ နိုဝင်္ဘာလ(၄) ရက်နေ့တွင် ထိုင်းနိုင်ငံရဲ့ ခရီးသွားကမ်းခြေမြို့ ဖတ္ထယာမှာ ယှဉ်ပြိုင်ခဲ့သောပွဲဖြစ်သည်။ မွေထိုင်းထိပ်သီးများဖြစ်သည့် ဘူခေါင် နှင့် စန်ချိုင်းတို့နှစ်ဉီးက သရုပ်ပြတပိုင်း နည်းနည်းထိုးတဝက်နဲ့ ခေါင်ပွဲထွက်ခဲ့တဲ့ အဆိုပါပွဲစဉ်မှာ မြန်မာပြည်က လက်ဝှေ့ကျော် သပြေညိုကလည်း ပြိုင်ဘက် မွေထိုင်း “ချွန်ယောင်” ကိုလက်သီးဗလာပြိုင်ပွဲအဖြစ် သွားရောက် ယှဉ်ပြိုင်ခဲ့ခြင်းဖြစ်ကာ အမှတ်ဖြင့် ရှုံးနိမ့်သွားကြောင်း သိရသည်။

Source - BKFC Asia

12/11/2023

ချင်းအမျိုးသားဂျော့ရှ်ဝါဗန် UFC ဒုတိယနိုင်ပွဲ
---------------------------------------
ကမ္ဘာကျော် UFC လိုပြိုင်ပွဲအဆင့်အတန်းမှာ တဉီးတည်းသော မြန်မာပြည်ဖွား ချင်းအမျိုးသားအဖြစ် "ဂျော့ရှ်ဝါဗန်" က တိုက်ခိုက်ရေးပွဲတွေ ဆင်နွှဲနေတာ ဖြစ်ပါတယ်။ ယနေ့ညဉ့်နက် မနက်ပိုင်းမှာ UFC ဒုတိယမြောက်ပွဲထွက်စဉ်မှာတော့ သူဟာ ဒုတိယနိုင်ပွဲကို ဖော်ဆောင်နိုင်လိုက်ပါပြီ။ ပွဲကောင်းတပွဲဖြစ်ခဲ့လို့ "ကျွန်တော် အပိုဆုကြေး ဒေါ်လာ (၅) သောင်းလိုချင်တယ်" ဆိုတဲ့အကြောင်း သူကရင်ဖွင့်ပြောသွားပါသေးတယ်။ အမှတ်အသာစီးနဲ့သာနိုင်ခဲ့ပြီး ပြိုင်ဘက်အပေါ်မှတော့ ဂျော့ရှ်ဝါဗန်က ဒီတခါ အလဲထိုးစွမ်းရည်ကို မပြသနိုင်ခဲ့ပါဘူး။ "အလဲထိုးနိုင်ဖို့ထိကြိုးစားခဲ့ပေမယ့်လို့ ဒီတခါမဖြစ်နိုင်လည်း နောက်အခွင့်အရေးတွေမှာ ပိုမိုကြိုးစားသွားမယ့်အကြောင်းကိုလည်း ချင်းအမျိုးသားလူငယ်က ပြောပါတယ်။ သူ့အနေနဲ့ မြန်မာပြည်ဖွား အမေရိကန်ရောက် "ဝမ်းစတား အောင်လ" လို မြန်မာပြည်ပရိသတ်တွေရဲ့ အုံလိုက်ကျင်းလိုက် အားပေးလိုက်ပါမှုမျိုးကို မျှော်လင့်နေပုံရလို့ သူ့ကိုအားပေးကြဖို့ကိုလည်း ပြောကြားသွားပါတယ်။ ပီရူးနိုင်ငံသား ပြိုင်ဘက်ဖြစ်သူ Kevin Borjas ကို ချင်းလူငယ်က သုံးချီပွဲ အပြန်အလှန်အကြိတ်အနယ်ထိုးခဲ့ပြီး ဒိုင်သုံးဉီးလုံးက ဂျော့ရှ်ဝါဗန် Official Result: Josh Van def. Kevin Borjas by unanimous decision (29-28, 29-28, 29-28) ဖြင့် အနိုင်ပေးခဲ့ပါတယ်။

Photo - Credit

11/11/2023

သပြေညို
-----------
ကြိုးဝိုင်းထဲဝင်လည်းရုန်းကန်ရမယ် ကြိုးဝိုင်းထဲမဝင်လည်းရုန်းကန်ရမယ် လူတိုင်း ဘဝတိုင်း တမျိုးစီရုန်းကန်နေကြသူတွေချည်းပါပဲ ပန်းတိုင်မရောက်မချင်း (သို့မဟုတ်) အရာရာမပြီးဆုံးသွားခင်တနေ့အထိပေါ့ သပြေညို
လောကဓံဟာ လူတိုင်းရဲ့အကောင်းဆုံး လေ့ကျင့်ကွင်းတခုပါပဲ
ကျန်းမာပါစေညီလေး သပြေညို
သတိရလျက်

09/11/2023

ရိုးရာလက်ဝှေ့ရဲ့ ပထမတန်းပြိုင်ဘက်နှစ်ဉီး
-------------------------------------
ကရင်ပြည်နယ်နေ့ပွဲမှာ သွေးသစ်ဝင်းလှိုင် (နှင့်) ကျော်စွာဝင်း တို့နှစ်ဉီးယှဉ်ပြိုင်ရာ ပူးတွဲသရေ ဖြစ်ပါတယ်။
(9.11.2023)

05/11/2023

ယနေ့ နိုဝင်ဘာလ ၆ ရက်နေ့ ည၊ ကမ္ဘောဒီးယားမှာ ယှဉ်ပြိုင်ကြစဉ် ဒေ့ဗ်က
အိမ်ရှင်ပြိုင်ဘက် ပရမ်စမ်နန်ကို အသာစီးရသော်လည်း ပြိုင်ပွဲသတ်မှတ်စည်းမျဉ်းအရ ပူးတွဲသရေဖြစ်ခဲ့ပါတယ်။ (၉)မိနစ်တချီတွင်း လက်ကြိုးစည်း ပွဲစည်းမျဉ်းမှာ နှစ်ဦးလုံးက ပြတ်သားတဲ့ရလာဒ်ကို မစွမ်းဆောင်နိုင်ခဲ့ပါဘူး။ ဒေ့ဗ်ရဲ့ ယခုပြိုင်ဘက်သည် မကြာသေးခင်ပြီးစီးခဲ့တဲ့ ဆီးဂိမ်းပွဲမှာ ထွန်းထွန်းမင်းကို အမှတ်နဲ့နိုင်ပြီး ရွှေတံဆိပ်ရခဲ့ဖူးသူလည်းဖြစ်ပြီး ဒေ့ဗ်ရဲ့ ပွဲကြော်ငြာစွမ်းရည်ကြောင့် ယခုပွဲစဉ်အပေါ် လူသိများစောင့်ကြည့်ခံ ပွဲဖြစ်ခဲ့ပါတယ်။

12/10/2023

အောင်အောင်ထွန်း(မန္တလေး) ကွယ်လွန်ခြင်း
-------------------------------------
ဆရာပြူး(မန္တလေး) ဆုံးပါးပြီးနောက် ဆရာပြူးရဲ့ တပည့် ကိုအောင်အောင်ထွန်း(မန္တလေး) ကိုထပ်မံဆုံးရှုံးရပြန်ပါပြီ။ တဖြုတ်ဖြုတ် ကြွေကျနေတဲ့ခေတ်မှာ ခုလိုနာတာရှည်လူမမာ ဆုံးပါးတာ သိပ်မတုန်လှုပ်မိတော့ပေမယ့် လက်ဝှေ့ပညာရှင် နှစ်ဦးလုံးနဲ့ စကားလက်စရှိခဲ့တဲ့ MLC အဖို့ မနက်ခင်းဟာ စိတ်ထိခိုက်ခြင်းနဲ့ စတင်ခဲ့ရတယ်။ ဆရာပြူးကော ကိုအောင်အောင်ထွန်းကော နှစ်ဦးလုံးကို တွေ့ခဲ့ရစဉ် သူတို့တွေရဲ့ ပြုံးရွှင်တက်ကြွမှုတွေဟာ အခုလောက် (၁)နှစ် (၂) နှစ်ချိန်တွင်း ဘဝတပါးထွက်သွားတော့မယ်လို့ ထင်စရာမရှိခဲ့ပါဘူး။ ဒီလိုတွေးငိုင်နေမိတော့ သေခြင်းတရားက ကျနော်တို့ရဲ့ အထင်အမြင်ကို ဟားတိုက်ရယ်မောနေပါပြီ။ ကိုယ့်ဆီများတောင် မျက်စောင်းထိုးနေပလား တွေးမိလို့လည်း ကျောမချမ်းတော့ပါဘူး။ ညှိုးငယ်သောစိတ်နှလုံးကို အခါခါနှိုးရင်း ဒီစိတ်အပျက် ခေတ်အပျက် စနစ်အပျက် လောကအပျက်တွေကြား ကျန်ရစ်ရုန်းကန်နေပါရစေဦး ကိုအောင်အောင်ထွန်းခင်ဗျာ။ ဒီဘဝမှာလို ရှင်လျက်သေနေတာမျိုးမဟုတ်ဘဲ ဒီထက်ကောင်းတဲ့ဘုံဘဝမှာ စစ်မှန်တဲ့ရှင်သန်ခြင်းတွေနဲ့ အကိုရှိနေမယ်လို့ ကျနော်တို့ ညီအကိုတွေအားလုံးက မျှော်လင့်ကြပါတယ်ခင်ဗျာ။
-
မြန်မာ့ရိုးရာလက်ဝှေ့ အထက်မြန်မာပြည်ချန်ပီယံဟောင်း အောင်အောင်ထွန်း (မန္တလေး)သည် အောက်တိုဘာလ (၁၂)ရက်၊ မနက် (၃) နာရီအချိန်တွင် ကွယ်လွန်အနိစ္စရောက်သွားပါကြောင်း တအိမ်တည်း ဘားအံမြို့တွင်အတူနေသူ ကိုအောင်မွန်ထံမှတဆင့် သိရပါသည်။

08/10/2023

အောက်တိုဘာလ (၈) ရက်၊ ယနေ့ ကျင်းပပြီးစီးသွားတဲ့ ခွန်ခမာ‌တိုက်ခိုက်ရေးပွဲစဉ်မှာ ထွန်းလွင်မိုးရဲ့ ညီဖြစ်သူ သန့်ဇင်(တော်ဝင်ဧရာ) က ပြိုင်ဘက်ဖြစ်သူအိမ်ရှင်ခွန်ခမာ Cork Savin(ကမ္ဘောဒီးယား) ကိုအမှတ်နဲ့ အနိုင်ယူခဲ့ပါတယ်။ သူတပါးနိုင်ငံမှာ အိမ်ရှင်ကိုနိုင်ဖို့ဆိုတာ အရမ်းခက်ခဲပါတယ်။ လက်အိပ်စွပ်ထိုးရခြင်း အမှတ်ပေးစနစ်ဖြစ်ခြင်း အဖော်ဖြစ်သူ ရဲလင်းဦးက ပြိုင်ဘက်ကိုရှုံးခဲ့ခြင်း စတဲ့ ဖိအားတွေကြားမှာပဲ သန့်ဇင်ဟာ အကောင်းဆုံးဖြစ်အောင်ကြိုးစားရင်း အခုလိုရလာဒ်ကောင်းထွက်ပေါ်ခဲ့တာဖြစ်ပါတယ်။

23/09/2023

ပွဲစဖွင့်ကတည်းက စဉ်းစားစရာတွေဖြစ်ခဲ့ပြီး ပွဲပြီးတော့လည်း အချင်းများစရာ ရလာဒ်က အမှတ်ပေးပွဲပီပီထွက်လာပါတယ်။ ရော့ထန်ရဲ့ လျင်မြန်တဲ့လှုပ်ရှားမှုတွေနဲ့ ကြံ့ခိုင်မာကျောမှုကို ကိုယ်အလေးချိန်အသာရထားတဲ့ စူပါလက်က အသာမစီးနိုင်တဲ့အပြင် သူ့ခေါင်းထိပ်က သွေးတွေက စိုရွှဲနေပါတယ်။ ဒါပေမယ့် ဒိုင်တွေက စူပါလက်ကို အနိုင်လို့ သတ်မှတ်သွားပါတယ်။ သုံးချီတည်းဆိုပေမယ့် တကယ် အားကုန်ရုန်းသွားတဲ့ ခေါင်ပွဲစဉ် ပွဲကြမ်း အစဆုံးကို ကြည့်ရမှာပါ
-
Youtube မှာ Myanmar4you လို့ရိုက်ရှာရင် ကြည်လင်တဲ့ ရုပ်သံအရည်အသွေးပြည့် ပွဲအစဆုံးကို ကြည့်ရပါမယ်ခင်ဗျာ

22/09/2023

ကြိုးဝိုင်းထဲအတူဝင်ချိန်မှာတော့ သူငယ်ချင်းဆိုတဲ့ "စကားလုံး" ကို အောက်မှာ ထားရစ်ခဲ့ကြတော့မလား။ ငွေကြေးနှင့် ဂုဏ်သိက္ခာအတွက် ရင်းနှီးချစ်ခင်မှုတွေဟာ တချက်ချင်းရက်စက်မှုတွေအောက်မှာ တခုခုအဖြေမထွက်မချင်း ပျောက်ဆုံးနေတော့မှာပါပဲ။ စက်တင်ဘာလ ၂၂ ရက်နေ့ ညဦးပိုင်းမှာ ကြည့်ရမယ့် One Lumpinee 34 ပွဲစဉ်ပါ။ To create the greatest Muay Thai history in 50 years ဆိုတဲ့ ညွှန်းဆိုချက်များနှင့်အတူ ယှဉ်ပြိုင်ထိုးသတ်ကြရတော့မယ့် သူငယ်ချင်းနှစ်ဦးက နာမည်ကျော်များဖြစ်ကြသော "ရော့ထန်း" နှင့် "စူပါလက်" တို့ပါပဲ။ ပေါင် - ၁၄၀ တန်းမှာ မာဂုဏ်ချင်းပါဝါဂုဏ်ချင်း နှိုင်းယှဉ်ကြတော့မှာပါ။ စက်တင်ဘာလ ၂၂ ရက် ထိုင်းစံတော်ချိန် ၇နာရီခွဲ စမှာ ဖြစ်ပေမယ့် ဒီမောင်တို့ တွဲဆိုင်းက ခေါင်ပွဲတွဲဆိုင်းပါ။ ဝမ်းချန်ပီယံရှစ်သူဌေးရဲ့ ဖြစ်စေချင်မှုကြီးနှင့် ပရိသတ်အပေါင်းတို့ရဲ့ ဘယ်သူနိုင်မလဲ သိချင်စိတ်ကြီးများက သူငယ်ချင်းနှစ်ဦးကို တိုက်ခိုက်စေဖို့ ဖြစ်လာခဲ့ပါပြီ။

16/09/2023

ဝမ်းချန်ပီယံရှစ်(Thailand) မှာ(၃)ပွဲဆက် အလဲထိုးပြခဲ့တဲ့ကျားမဲလေး
-----------------------------------------------------------
ကရင်ပီပီ တိုက်ခိုက်ရေးနဲ့ အောင်မြင်မှုလမ်းကြောင်းပေါ်ရောက်ချင်တဲ့စိတ်ကတော့ ဘယ်နိုင်ငံရောက်ရောက် ဒီတိုင်းပါပဲ။ ငယ်စဉ်ကတည်းကစလို့ ပွဲပေါင်း ၃၀၀ ကျော်ထိ အတွေ့အကြုံနှင့်ပညာစုံခဲ့ပြီးတဲ့နောက် “ကျော်ကျစ်လေး” ဟာ ထိုင်းနိုင်ငံမှာ နတ်ရေကန်ကြီးသဖွယ်ဖြစ်တဲ့ One Lumpini ပွဲစဉ် ကြိုးဝိုင်းထဲရောက်လာပါတော့တယ်။ ဇွန်လ(၉) ရက်နေ့မှာ ထိုင်းပြိုင်ဘက်ကို အလဲထိုးပွဲရပ်။ သြဂုတ်လ (၁၁) မှာ အီတလီနိုင်ငံသားပြိုင်ဘက်ကိုလည်း ပွဲပြတ်။ အခုလ စက်တင်ဘာ(၈) ရက်နေ့မှာဆိုရင်လည်း ပြိုင်ဘက် ဂျပန်ကို ဒိုင်ပွဲရပ်သည်ထိ သုံးပွဲဆက် နောက်ကောက်ကျအောင် လုပ်ပြနိုင်ပြီဆိုမှတော့ ဝမ်းချန်ပီယံရှစ်သူဌေးရဲ့ ဘတ် သုံးသိန်းခွဲ ဘောနပ်စ်ကြေးတွေဟာ ဖြင့် သူ့မိသားစုအတွက် ဘဝပြောင်းဖို့ ဖြစ်လာခဲ့ပါပြီ။ ဒါ့ပြင် သူ့ရပ်ရွာမှာ သူ့လိုလက်ဝှေ့သမားတွေမွေးထုတ်ဖို့ ဝမ်းချန်ပီယံရှစ်ကပေးတဲ့ ဘတ်ငါးသိန်း သီးသန့်အလှူနဲ့ လက်ဝှေ့ရုံကြီးလည်း တည်ဆောက်နိုင်လိုက်ပါတယ်။ သူကတော့ ထိုင်းနိုင်ငံ ဖစ်ချဘူရီ ကင်ကကျန်မြို့ကနေ ဘန်ကောက်တက်ပြီး ထွန်းတောက်နိုင်ခဲ့ပြီဖြစ်တဲ့ ကရင်လို ကျော်ကျစ်လေး ၊ ထိုင်းလို ဘက်စေရ် ၊ အင်္ဂလိပ်လို BLACK TIGER ဆိုသော “ပါကညောကရင်” တိုင်းရင်းသားတဦးရဲ့ အကြောင်းပါ။ ဘယ်လိုတွေတောင် သုံးပွဲဆက် အလဲထိုးခဲ့လဲဆိုတာ ရှင်းရှင်းလင်းလင်းမြင်ရဖို့ youtube channel မှာ တင်ပြထားပါတယ်။
-
အလဲထိုးသုံးပွဲကိုကြည့်ရဖို့ Youtube ထဲမှာ “ Myanmar4you “ လို့ရိုက်ထည့်ပြီး MLCPLUS ကတင်ဆက်တဲ့ ပွဲများကို ဝင်ရောက် အားပေးစေချင်ပါတယ်ခင်ဗျာ။ ကျန်းမာကြပါစေ။

#เสือแบล็ค

27/08/2023

ANS က ယနေ့စီစဉ်ကျင်းပတဲ့ Future 1 ပွဲစဉ် ခေါင်တွဲဆိုင်းမှာ သန့်ဇင်(တော်ဝင်ဧရာ) နှင့် စောဂျွန်(နဂါးမာန်) တို့ ပူးတွဲသရေ ဖြစ်ပါတယ်
-
ANS page မှာ တိုက်ရိုက်ထုတ်လွှင့်ခဲ့တာဖြစ်ပြီး ပြန်လည်ကြည့်ရှုလို့ ရပါတယ်။

27/08/2023

ANS က ယနေ့စီစဉ်ကျင်းပတဲ့ ရိုးရာလက်ဝှေ့ပွဲ (၅) ချီတွဲဆိုင်းမှာ ကြယ်စင်ထွန်း(Lethwei Warrior) နှင့် ရဲလင်းဦး(Smart Fight) ပူးတွဲသရေ ဖြစ်ပါတယ်။ ANS page က တိုက်ရိုက်ထုတ်လွှင့်နေခြင်း ဖြစ်ပါတယ်ခင်ဗျာ

27/08/2023

ANS က ယနေ့စီစဉ်ကျင်းပတဲ့ ရိုးရာလက်ဝှေ့ပွဲမှာ နိုင်အောင်ရှင်(Lethwei Warrior) နှင့် မောင်ဇော်(ဟံသာဝတီသား) တွဲဆိုင်းဟာ ပွဲကောင်းသရေအဖြစ် ရလာဒ်ထွက်ပေါ်ခဲ့ပါတယ်။ ANS page မှတိုက်ရိုက်ထုတ်လွှင့်နေခြင်း ဖြစ်ကြောင်းပါ

27/08/2023

ANS က ယနေ့စီစဉ်ကျင်းပတဲ့ ရိုးရာလက်ဝှေ့ပွဲမှာ မျိုးဆက်သစ်များထဲမှ နာမည်ကျော် အောင်ထွန်းဘို(ဒို့ရိုးရာ) ဟာ ဆလိုင်းထန်ခွီးရှိန်(ကျားမနိုင်) ရဲ့ အလဲထိုးအနိုင်ယူခြင်းကို ခံလိုက်ရပါတယ်။ ဆလိုင်းထန်ခွီးရှိန်ရဲ့ လက်သီးပြင်းများနှင့် ချုပ်တိုက်ဒူးတရစပ်တိုက်ခိုက်ခြင်းတွေဟာ အောင်ထွန်းဘိုအတွက် အထိနာစေခဲ့လို့ ဆလိုင်းထန်ခွီးရှိန်တယောက် ဒုတိယချီတွင်းမှာပဲ အလဲထိုးအနိုင်ရသွားပါတယ်။ ANS page က တိုက်ရိုက်ထုတ်လွှင့်နေတာ ဖြစ်ပါတယ်ခင်ဗျား

27/08/2023

ANS က စီစဉ်ကျင်းပသော Future 1 အမည်နဲ့ ရိုးရာလက်ဝှေ့ပွဲစဉ်များကို ANS page မှ တိုက်ရိုက်ထုတ်လွှင့်ပြသလျက်ရှိပါတယ်ခင်ဗျာ။

20/08/2023

နှစ်ဦးစလုံး ထိုးနိုင်အားကော ခံနိုင်အားကော ကောင်းကြပါပေသည်။ ပူးတွဲသရေပါခင်ဗျာ။ ပရိသတ်များ ဘေးကင်းကျန်းမာရှိကြပါစေ

20/08/2023

ထွန်းမင်းအောင် နှင့် တိုခဲရှိ(ဂျပန်)
ဒုခေါင်ပွဲ
နှစ်ဦးလုံး အစွမ်းကုန်ဖွင့်ထိုးခဲ့ကြတဲ့
ပွဲကြမ်းပွဲကောင်းသရေပါ
Skynet ကတိုက်ရိုက်ပြသနေပါတယ်

20/08/2023

အာဗာတန်(ထိုင်း) ကို ကျော်စွာဝင်း အသာစီး ဖိထိုးပေမယ့် အာဗာတန်(ထိုင်း) က မလဲပါဘူး ပူးတွဲသရေပါ

20/08/2023

ယနေ့လက်ဝှေ့ပွဲ MLWC ပွဲစဉ်မှာ
ပထမတွဲဆိုင်း
ဝူသောဒို နှင့် တိုင်းကျော်
(တိုင်းကျော်က အနိုင်ရရှိ)
ဒုတိယတွဲဆိုင်း
ဟံသာဝတီ နှင့် စီတိုး
(လေးချီပူးတွဲသရေ)
စိန်လုံးချော နှင့် မိုးထက်အောင်
(မိုးထက်အောင်က အလဲထိုးအနို်ငရရှိ)
Skynet မှတိုက်ရိုက်ပြသနေပါသည်။

20/08/2023

သူတို့နှစ်ဦးရဲ့ မကျေပွဲက ဘာရလာဒ်အသစ်များ ထွက်လာနိုင်ပါလဲ။ လောင်းကြေးတွေအမြင့်ဆုံးနဲ့ လက်ဝှေ့သမိုင်းမှာ လူစိတ်ဝင်စားမှု အမြင့်ဆုံးပွဲတပွဲအဖြစ် နေရာယူထားနိုင်ခဲ့တာတော့ ငြင်းလို့မရပါဘူး။
-
ဒီပွဲစဉ်ကိုမျှော်ရင်း ကြော်ငြာလေးတချက်ဝင်ကြည့်မယ်ဆိုရင်တော့ ယူကျုထဲမှာ Myanmar4you လို့ရိုက်ထည့်ပြီး ဝင်ကြည့်သွားနိုင်ပါတယ်။ မကြာခင် အားလုံးကြည့်ရနိုင်တဲ့ လိုင်းပေါ်က ထုတ်လွှင့်မှုများကိုလည်း မြင်တွေ့ရလိမ့်မယ်လို့ မျှော်လင့်ပါတယ်ခင်ဗျာ
-
အမှတ်နဲ့ဆိုသွေးသစ်ဝင်းလှိုင်နိုင်တာ မြင်ရပြီးပါပြီ။ အလဲထိုးပွဲမှာကော သွေးသစ်ဝင်းလှိုင်က ထွန်းထွန်းမင်းကိုနိုင်သွားနိုင်ပါလား?

16/07/2023

ထွန်းမင်းနိုင်(နှင့်)ကဘီလန်ဂျလီဘန်(မလေးရှား)
----------------------------------------------
(သုံးပွဲမြောက်မှာကြုံတဲ့ရှုံးပွဲ)

မနိုင်ပါဘူးဆိုမှ ရှုံးတာပါပဲ။ အနိုင်အရှုံးကို ရိုးရိုးသားမခံယူလိုသူတွေအတွက် ဒီလိုလေးရေးလိုက်ချင်တာ ဖြစ်ပါတယ်။ ထွန်းမင်းနိုင်ဟာ သူစွမ်းသလောက်အကောင်းဆုံးလုပ်ခဲ့တာလို့ပဲ အက်ဒမင်ကမြင်ပါတယ်။ ထွန်းမင်းနိုင်ဟာ ထွန်းမင်းနိုင်လောက်ပဲ တတ်နိုင်မှာပါ။ ပထမချီတချီတွင်း သုံးကြိမ်အမှတ်စဉ်ရေခံထိလောက်အောင် မေးရိုးတွေကိုချည်းထိုးခံထိလိုက်တာပါ။ ပထမချီပြုတ်ကျသွားပြီး နောက် နောက်ထပ်နှစ်ကြိမ်တောင် ထပ်ခံလိုက်ရပါသေးတယ်။ ဒါကိုကြည့်ရင် သူဘယ်လောက်တောင် အားတင်းရုန်းကန်နေရလဲသိသာစေပါတယ်။ ပြိုင်ဘက်ရဲ့ တဖက်သတ်အသာစီးဝင်ထိုးတော့မှာကို ဟန်မပျက်ခုခံတွန်းလှန်ဖို့ကြိုးစားရင်း ထွန်းမင်းနိုင်ဟာ အလောကြီးတယ်လို့ ပရိသတ်တွေရဲ့ အမြင်ကိုပေါ်ပေါက်စေခဲ့တယ်။ အက်ဒမင်ကတော့ ဒီလိုမမြင်ပါဘူး။ မီဒီယာတွေနှင့် လော်ဘီတွေရဲ့ အလွန်အကြူး အသားပေးမှုတွေကြောင့် ထွန်းမင်းနိုင်ဟာ တည်ငြိမ်မှုအားနည်းခြင်းနှင့်အတူ စိတ်ကူးအမှားတွေ ကိုပုံဖော်မှားခဲ့ပါတယ်။ နိုင်သွားတဲ့မလေးရှားမောင်ကလည်း ထွန်းမင်းနိုင်လိုပဲ ဝမ်းပွဲတွေမရောက်ခင် မွေထိုင်းကြိုးဝိုင်းမှာ အကြိမ်ကြိမ်ရုန်းကန်ခဲ့ရသူပါ။ ဘေးတလုံးမေးတလုံးလက်သီးတွဲလုံးကို လက်ဝှေ့သမားပမာ ထိုးတတ်တဲ့သူ နှင့် ဘယ်ညာ
အမြင့်ခတ် တွဲလုံးပိုင်ရှင်နှစ်ဦးဆုံရာမှာ ပိုမိုတိကျပြင်းစွာလုပ်ပြနိုင်သူက နိုင်သွားတာ ဒီလောက်ပါပဲ။ ပထမချီကိုသာ ဆုတ်ရင်းရှောင်ရင်း အချိန်ပေးကုန်လိုက်ရမှာလို့ တွေးမိရင်တော့ ဒီပွဲဟာ မရောက်လိုက်တဲ့ ဒုတိယချီကိုလွမ်းစရာချည်း ဖြစ်နေတော့တာပဲ။ ပရိသတ်များခင်ဗျာ - ဒီပွဲစဉ် အစ/အဆုံးကို ပိုမိုကောင်းမွန်တဲ့ရုပ်သံအရည်အသွေးနှင့်အတူ နှစ်ဉီးသားပွဲဟောင်းများ ပေါင်းစပ်တင်ပြလို့ ဝင်ကြည့်လို့ရပါတယ်။ ယူကျုထဲဝင်ပြီး "Myanmar4you" လို့ရိုက်ထည့်ပြီး အက်ဒမင်တို့ရဲ့ MLC ချန်နယ်ကိုအရောက်သွား လိုက်ပါခင်ဗျာ။ ကျေးဇူးတင်ပါတယ်။

15/07/2023

ကြိုးဝိုင်းလောကဓံအောက်ရောက်ခဲ့သူထွန်းမင်းနိုင်
-----------------------------------------------
One Friday Nigth 25 (July 14) ညမှာ ဖလိုင်းဝိတ်တန်းအဖြစ် ဆူလိုင်မန်(ခ) ထွန်းမင်းနိုင် နှင့် မလေးရှားနိုင်ငံသားကဘီလန် တို့ ဆုံခဲ့ကြပါတယ်။ ဒီပွဲ ဒီတွဲမှာတော့ ရှေ့က အလဲထိုးပွဲနှစ်ပွဲဂုဏ်ရှိန်ကြောင့်ကော သတင်းစာမျက်နှာများရဲ့ အလွန်အကြူး အသားပေးဖော်ပြမှုကြောင့်ရော ထွန်းမင်းနိုင်ကသာ ကဘီလန်ကို အသာစီးယူသွားနိုင်ချေရှိကြောင်း ခန့်မှန်းချက်တွေက အများစုဖြစ်တာ တွေ့ရပါတယ်။ ကဘီလန်ဟာ ၂၀၁၈ ခုနှစ်ကတည်းက ဟောင်ကောင်မှာ မွေထိုင်းကမ္ဘာ့ ချန်ပီယံဖြစ်ခဲ့ပေမယ့် နောက်ပိုင်းမှာတော့သာမာန်လက်ဝှေ့သမားများနည်းတူပဲ FAIRTEX MUAY, MAXMUAY, MUAYXTREME စတဲ့ပွဲစဉ်များမှာ အခြားနိုင်ငံခြားသားမွေထိုင်းများနည်းတူ အရှုံးပွဲခပ်များများ ရုန်းကန်ခဲ့ရသူပါ။ ထိုးဟန်က ဘယ်ညာဝိုက်ရှည်လက်သီးတွဲကို စုံလိုက်အားပါပါထိုးတတ်သူဖြစ်ပြီး အသဲကောင်းသူတဦးဖြစ်ကြောင်းမြင်ရပါတယ်။ အခြားသော သတ်လုံးသတ်ကွက်ထူးချွန်ပြောင်မြောက်မှုကထွေထွေထူးထူးမရှိလှပါဘူး။ ဒီလိုနဲ့ ဆုံကြတော့ ထွန်းမင်းနိုင်ရဲ့ ဝမ်းချန်ပီယံရှစ် သုံးပွဲမြောက် ဒီပွဲဟာ နောက်ထပ်အဆင့်မြင့်တဲ့ ဝမ်းပွဲတွေဆီ ဦးတည်သွားတော့မလား စိတ်စောကြတာ
ကတော့ အားပေးသူပရိသတ်များရဲ့ ထုံးစံပါပဲ။ ပွဲစလို့ ခေါ် တင်တာနဲ့ မလေးရှားလူငယ်ဟာ မီဒီယာအားကောင်းတဲ့ပွဲစဉ်ဖြစ်မှန်းသိသူပီပီ သူ့ရဲ့ ရိုးရာဝတ်စုံကို ကျကျနနဝတ်ဆင်ပြီးပွဲထွက်လာပါတယ်။ နောက်မှာလည်း မလေးအလံကိုကိုင်လာသူ တဦးနဲ့အတူပါ။ ထွန်းမင်းနိုင်တုန်းကလည်း သူ့ပွဲတွေမှာ
ပလာတာရိုက်တဲ့ဟန်ပန်နဲ့ အသက်မွေးတဲ့ လုပ်ငန်းကို ဂုဏ်ယူထွက်လာဟန်ကို သူမြင်ထားဖူးတာ ဖြစ်မှာပါ ဒီလိုနဲ့ ထွန်းမင်းနိုင်ကိုခေါ်တင်တော့ ပလာတာရောင်းတဲ့ဝတ်စုံနှင့်အတူ ရှေ့ကပွဲပုံအတိုင်းပါပဲ။ ဒါပေမယ့် ဒီတခါ ပလာတာရိုက်တဲ့ ရေကာပိုင်းရှေ့မှာ မြန်မာအလံ တဖက် LOOKSUAN CAMP လိုဂိုတဖက်စီနဲ့ မျှတအောင်တပ်ဆင်ထားတာ အသစ်အနေနဲ့မြင်ရပါတယ်။ အောင်မြင်စပြုပြီဆိုတော့ တံဆိပ်တွေ လာကပ်ကြတာလည်းလူတွေ ထုံးစံပါပဲ။ နှစ်ဦးသားကိုယ်စီ ကြိုးဝိုင်းထောင့်စီဝင်ရောက်ပြီးကြတာတောင် ကဘီလန်(မလေးရှား) ဘက်ကတော့ မလေးရှားအလံကို တပြပြနဲ့မြင်နေရတုန်းပါပဲ။ ဗလကော အရပ်အမောင်းမျှတပါတယ်ခင်ဗျာ ပွဲစပါပြီ။ ထွန်းမင်းနိုင်ဘက်ကလက်နက်စထွက်ပါတယ်။ လှမ်းထိုးမီတာနဲ့ ဘယ်လက်သီးတလုံး ကိုယ်ထဲထိုးထည့်ပြီး ညာလက်သီးတလုံးက တဆက်တည်းဆိုသလို ကဘီလန်ထံ တန်းဝင်ထိသွားပါတယ်။ ခဏနေတော့ ထွန်းမင်းနိုင်က ပြေးဝင်ပူးကပ်ဖို့လုပ်ရာမှာ ကဘီလန်ရဲ့ တားခြေနဲ့တိုးပြီးနှစ်ဦးလုံးလန်ထွက်သွားကြပါတယ်။ တယောက်တချက်စီအောက်ခြေပိုင်းကြပြီးနောက်ထွန်းမင်းနိုင်က ဘယ်ဒူးလှမ်းပစ်သွင်းပါတယ်။ ကဘီလန်က နင်းခြေနဲ့အတူဝင်ဖို့ချောင်းနေပြီး ထွန်းမင်းနိုင်က ညာလက်သီးပစ်သွင်းပြီးညာအမြင့်ခတ်တွဲပါတယ်။ ကဘီလန်က သူ့ရဲ့ ပုံစံမှန်အတိုင်းပဲ ညာဝိုက်နဲ့ပြန်ထိုးထည့်ပါတယ်။ ခုထိတော့ ပွဲစဉ်က
စက္ကန့်သုံးဆယ်ပဲရှိသေးတယ် လက်ထွက်ခြေထွက်သွက်နေကြပါပြီ။ တွဲလုံးထိုးတဲ့ ထွန်းမင်းနိုင်ဟာ ဘယ်ညာလက်သီးဝမ်းတူးနှင့် ဘယ်အမြင့်တွဲကန်ထည့်ပါတယ်။ ထိပေမယ့် ကဘီလန်က မဖြုံသွားပါဘူး။ ပထမချီတွင်းမှာပဲ ဖြစ်တာရယ် သက်လုံကောခွန်အားပါ ပြည့်ဝနေချိန်ဖြစ်တာရယ်ကြောင့် ဒီလောက်ကတော့ အလုပ်မဖြစ်ခဲ့ဘူးဆိုရမှာပါ။ အဲ့ဒီနောက်မှာပဲ ကဘီလန်ဟာထွန်းမင်းနိုင်ဆီ မသိမသာချဉ်းကပ်ဝင်သွားပြီး ဘယ်လက်သီးကို ထွန်းမင်းနိုင်ကိုယ်ထဲ အဖြစ်လေးထိုးထည့်ကာ ညာဝိုက်ရှည်တလုံးကိုတော့ အားရပါးရ အပေါ်ကိုဝိုက်ထည့်လိုက်တာ ထွန်းမင်းနိုင်မေးဖျားထိပါတော့တယ်။ ထိချက်ကောင်းလွန်းလို့ ထွန်းမင်းနိုင်ခြေတဖက်ခွေကျသွားတဲ့အထိပါပဲ။ လက်နှစ်ဘက်ကိုမြှောက်ပြပြီး ပြန်လည်မားမတ်လာလို့သာ အမှတ်စဉ်မရေခံထိတာပါ။ စိတ်တည်ငြိမ်ပြီးအလောတကြီးမရှိတဲ့ ကဘီလန်ဟာ ဆက်လက်ပြီး ထွန်းမင်းနိုင်မျက်နှာကိုစူးစိုက်ကြည့်ပြီး တစစချဉ်းကပ်ပြန်ပါတယ်။ အပြီးသတ်လက်သီးထုတ်ဖို့ချဉ်းကပ်လာနေတဲ့ ပြိုင်ဘက်ကို ထွန်းမင်းနိုင်ကို လက်သီးဒူးတွဲပြီး ခွာစေပါတယ်။ ဒီလိုနဲ့လက်သီးအားသန်သူနှစ်ဦးသားဟာ အပိုင်ထိုးကွက်ရဖို့ အကွက်ချောင်းနေကြပါတော့တယ်။ ထိချက်ပြင်းပြင်းတလုံးခံထားရတဲ့ ထွန်းမင်းနိုင်ဟာ အလောမကြီးတော့ဘဲ နည်းနည်းလေးသွားပါပြီ ။ ထွန်းမင်းနိုင်ရဲ့ တခုခုဆိုလက်နှစ်ဖက်ကို စုံမြှောက်ပြတဲ့
အကျင့်က အတော်လေးရုပ်ဆိုးပြီး အန္တရာယ်ကြီးနေတာ မြင်ရပါတယ်။ သေချာချောင်းမြောင်းပြီးကပ်ဝင်လာနေတဲ့ ကဘီလန်ကိုထွန်းမင်းနိုင်က ညာတံတောင်တွန်းရိုက်ထည့်တာ လက်တံနဲ့ထိမိချော်ထွက်သွားလို့ နှမြောစရာကောင်းလှပါတော့တယ်။ ဒီနောက်မှာတော့ ဝမ်းချန်ပီယံရှစ်တတိယပွဲမှာလည်း အောင်ပွဲခံဖို့အားခဲ့ထားတဲ့ ထွန်းမင်းနိုင်တယောက် အကြောင်းမလှမှု စပါလေပြီ။
လက်သီးချင်းထိုးခပ်လှမ်းလှမ်းက အပြန်အလှန်ထိုးဖို့ကြိုးစားနေရာမှာ ထွန်းမင်းနိုင်ရဲ့လက်သီးတွေက အားမပါတော့တာစမြင်ရပါတယ်။ ဒါတောင် ညာဖြောင့်ပစ်ထိုးပြီး ဘယ်ခြေတွဲလုံးထိသွားလို့ ကဘီလန် လန်ထွက်သွားပါသေးတယ်။ ထိချက်မတိကျလို့သာ ပြန်တည်နိုင်ပါတယ်။ သုံးမိနစ်မှာ နှစ်မိနစ်ကတော့ ကုန်သွားပါပြီ။ ကဘီလန်ဟာ ခါးဖြတ်ကန်ထည့်ရင်း ဟန်ချက်အပျက်မှာ ထွန်းမင်းနိုင်ကို အပီဝိုက်ထည့်ဖို့ကြိုးစားနေပေမယ့် သူကိုယ်တိုင်လည်း ထွန်းမင်းနိုင်ကို ခပ်ရှိန်ရှိန်သတိကြီးနေပါသေးတယ်။ ဒီလိုနဲ့ လက်သီးရောက်နိုင်မရောက်နိုင် အနေအထားကို အကြာကြီးတွက်ဆနေတဲ့ ကဘီလန်ဟာ ညာလက်သီးတလုံးကိုခုန်ပြီးထိုးချတာ ထွန်းမင်းနိုင်မေးရိုးကို တန်းထိပြန်ပါတယ်။ ထွန်းမင်းနိုင်ဖင်ထိုင်ကျပြီး ချက်ချင်းပြန်ထပေမယ့် ဒိုင်က ဒါကိုအမှတ်စဉ်ထပ်ရေတွက်ပါတယ်။ သာနေပြီဖြစ်လို့ စီးနင်းဝင်ထိုးဖို့ကြိုးစားတဲ့ ကဘီလန်အဝင်ကို ထွန်းမင်းနိုင်စောင့်ထိုးတာကောင်းပေမယ့် သူ့ကောင်တာလက်သီးတွေက အနေအထားမမှန်နိုင်တော့တာ ရှေ့မှာထိထားလို့ အားဆုတ်သွားတာလားတွေးမိစေပါတယ်။ ကောင်တာထိုးချက်တွေ တချက်မှ သူမပိုင်လိုက်ပါဘူး။ နာနေပုံရပေမယ့် ထွန်းမင်းနိုင်ဟာ ပြိုင်ဘက်ကို အစီးခံလိုဟန်မရှိပါဘူး လက်ထုတ်ခြေထုတ် သူပဲ စထုတ်ပါတော့တယ်။ ဒူးလည်းတိုက်ပါတယ်။ ဒါပေမယ့် ဘာတလုံးမှ ပုံစံမှန်မဖြစ်တော့ပါဘူး အလွဲလွဲအချော်ချော်နဲ့ လုံးလုံးထွေးထွေးပါ။ ပထမချီပြီးဖို့ စက္ကန့် နှစ်ဆယ်သာကျန်ပါပြီ။ ရှေ့တချီတုန်းကအတိုင်းပဲကဘီဘန်ဟာ ဘယ်လက်သီးတလုံး ထွန်းမင်းနိုင်ကိုယ်ထဲကို ခပ်ငုံ့ငုံ့အားကုန်လွှဲထည့်ပြီး ချော်ထွက်သွားကာမှ ညာဝိုက်ပြင်းတလုံးက အပေါ်ပိုင်းကို ဝိုက်ထည့်ပါတယ်။ ထွန်းမင်းနိုင်လက်မောင်းနဲ့ထိခတ်မိပြီး ဒုတိယညာဝိုက်လက်သီးမထိလိုက်ဘူး။ ဒါကို ချက်ချင်း လက်ပြန်ရုပ်ပြီး ချက်ချင်းနောက်တလုံး ထပ်ထိုးထည့်တာ မျက်နှာပွင့်နေချိန်နဲ့ကွက်တိကြုံပြီး ထွန်းမင်းနိုင်ထိ/ကျပါတော့တယ်ဗျို့ - ခွေကျပြန်ထယိုင်ထွက်သွားပြီး ကြိုးဝိုင်းလယ် အတင်းပြန်ဝင်တည်ဖို့ကြိုးစားတဲ့ ဆူလိုင်မန်ခေါ်ထွန်းမင်းနိုင်ကို ဒိုင်ကအရှုံးပေးဖို့ ပွဲရပ်ပစ်လိုက်ပါတယ်ခင်ဗျာ။ ပထမချီပြီးဖို့ ဆယ်စက္ကန့်အလိုမှာ ဖြစ်ပါတယ်။ စိတ်ခံစားမှုများတဲ့အရွယ်မို့ လူငယ်အရွယ်ပီပီ ထွန်းမင်းနိုင်ဟာလက်တဖက်ကို မျက်နှာအုပ်ပြီး ငိုကြွေးပါတယ်။ မလေးရှားလူငယ် ကဘီလန်ကလည်း ကြိုးဝိုင်းထဲမှာ အကူလူနဲ့အတူ ဝိုင်းကြီးပတ်ပတ်ပြီး ဂျွမ်းတွေထိုး ဒိုက်တွေထိုးပေါ့ခင်ဗျာ။ ထွန်းမင်းနိုင် နိုင်ပွဲဆက်တုန်းကအတိုင်းပါပဲ။ ပုံစံတွေသာ မတူတာပါ။ အက်ဒမင်ကတော့ အောင်ပွဲခံတာကို အရသာခံပြီးကြည့်တတ်ကြိုက်တတ်ပေမယ့် အရမ်းများရင် မျက်စိနောက်တတ်တာ အသက်ကြီးသွားလို့ထင်တာပဲ။ ပြန်တွေးကြည့်နေမိတယ်။ နှစ်ဦးသားခွန်အားပြည့်နေချိန်ဖြစ်လို့ ထွန်းမင်းနိုင်ရဲ့ ကန်ချက်ဟာ တိကျအောင်ထိခဲ့ပေမယ့် အရာမရောက်ခဲ့ဘဲ။ တချီတည်းမှာမေးဖျားကို နှစ်ချက်ကျအောင် ထိုးခံထားရချိန် နာကျင်လေးလံနေပြီဖြစ်တဲ့ ထွန်းမင်းနိုင်ကို လက်သီးအနီးကပ်ထပ်ထိတာကတော့ ထွန်းမင်းနိုင် ထပ်ပြီးခံနိုင်ရည်ရှိဖို့ မဖြစ်နိုင်တော့တာမျိုးပါ။ ထွန်းမင်းနိုင်လောတာကိုးလို့ အများသုံးသပ်တာမြင်ရပေမယ့် အက်မင်ကတော့ လောတာပျာတာမမြင်ရပါဘူး။ နာနေတဲ့သူ့ကို ပြိုင်ဘက်က အနီးကပ်ထပ်ထိုးဖို့ စူးစူးရဲရဲကြည့်ပြီးတိုးဝင်နေတာကို သူကတော့ ဘာမှမဖြစ်တဲ့ပုံနဲ့ ပြန်လည်တိုက်ထုတ်ရတာပါပဲ။ ဟိုပတ်ဒီပတ် အချိန်ဆွဲနောက်ဆုတ်ပြီး ပထမချီပြီးသွားအောင် လုပ်လိုက်နိုင်ရင်တော့ ပိုကောင်းမှာပေါ့။ ဒါပေမယ့် အတွေ့အကြုံနည်းတဲ့လူငယ်ဆိုတာက မဆုတ်ချင်မရှောင်ချင်နဲ့ မာနကြီးတာလည်း သဘာဝ အမှားကြီးပါပဲ။ အတွေ့အကြုံတိုင်းကို ယူတတ်ရင်တော့ အမြတ်ကြီးပါပဲ အရှုံးအနိုင်ဆိုတာ
ယှဉ်ပြိုင်နေသူတွေအတွက် အဆန်းမှမဟုတ်တာနော်။

14/07/2023

ထွန်းမင်းနိုင် ဟာ Kabilan jelevan (Malaysia) ရဲ့ ဒိုင်ပွဲရပ်အနိုင်ယူခြင်းကို ပထမချီတွင်းမှာပဲ ခံလိုက်ရပါတယ်။

13/07/2023

နီဂရိုး၊မင်းထူးထူး၊SAMINGHAO
--------------------------------
မြန်မာတွေကြားသာမက ထိုင်းသတင်းစာမျက်နှာများပေါ်ထိ တက်ရောက်နေရာယူနိုင်ခဲ့တဲ့ ထွန်းမင်းနိုင်ဟာ ထိုင်းနိုင်ငံရဲ့ LOOKSUAN MUAYTHAI CAMP မှာနေရာယူအခြေပြုခဲ့တာဖြစ်ပါတယ်။ မနက်ဖြန်ဆိုရင် ထွန်းမင်းနိုင်ရဲ့ ONE FRIDAY FIGHT တတိယကြိမ်ပွဲထွက်ခြင်းကို ရှုစားရပါဦးမယ်။ ပရိသတ်အသိနည်းတဲ့ လက်ဝှေ့မောင်တဦးလည်း အဆိုပါ LOOKSUAN MUAYTHAI CAMP မှာရှိနေပါတယ်။ သူကတော့ နီဂရိုး(ပင) အမည်နဲ့ ရိုးရာလက်ဝှေ့သမားတဦးပါ ရှားရှားပါးပါးလက်ကျန်မွန်လူမျိုးလက်ဝှေ့သမားဖြစ်ပါတယ်။ နောက်ပိုင်းမှာတော့ နီဂရိုးဟာ မင်းထူးထူး(တောင်ကလေး) အမည်
နဲ့ ကြိုးဝိုင်းပေါ်မှာ နေရာယူခဲ့တာတွေ့ရပါတယ်။ အခုတော့ လက်ဝှေ့သမားအများစုနည်းတူပဲ အောင်မြင်မှုအခွင့်အလမ်း နည်းလွန်းတဲ့အခါ အိမ်နီးချင်းထိုင်းနိုင်ငံကိုကူးပြီး ကြုံရာအလုပ်လုပ်ကြရတာပါ။ လက်ဝှေ့သမားဖြစ်တာကြောင့်လည်း လက်ဝှေ့စင်ပေါ်မှာ အောင်မြင်မှုကိုရှာဖွေ အမြင့်ပျံနိုင်ဖို့ ကြိုးစားနေကြမြဲပါ။
-
ထွန်းမင်းနိုင်ဟာအခုဆိုရင် အောင်မြင်မှုလမ်းကြောင်းကို ခြေချနိုင်ခဲ့တာ မြင်ရပြီး နီဂရိုး(သို့မဟုတ်)မင်းထူးထူး(သို့မဟုတ်)SAMINGHAO LOOKSUAN တယောက်လည်း အောင်မြင်လာနိုင်ဖို့အရေး ကြိုးစားနေပါတယ်။SAMINGHAO LOOKSUAN ဆိုတာကတော့ ကလပ်အမည်နောက်ခံနှင့်အတူ သူ့ရဲ့ မွေထိုင်းလောကရောက် နာမည်အသစ်ပါ။ SAMINGHAO ရဲ့ ပြိုင်ဘက်များဟာ တိမ်တိုက်၊ ဟိန်းထွန်းအောင်၊ စောမင်းနိုင်၊ နိုင်ဝင်းထွန်း ၊ မာန်မင်းအောင်တို့ဖြစ်ခဲ့ပြီး သတ္တိနှင့်မာဂုဏ်အရင်းခံထိုးတတ်သူဖြစ်ပါတယ်။ သူဟာ ဇူလိုင်လ ၁၀ ရက်နေ့မှာတော့ MAXMUAYTHAI DAILYFIGTH ပွဲစဉ်မှာ တရုတ်နိုင်ငံသားပြိုင်ဘက်ကို ပထမချီတွင်းမှာပဲ အလဲထိုးနိုင်လိုက်တာ ပုံရိပ်များကို မျှဝေလိုက်ရပါတယ်။

photo - MAXMUAYTHAI

01/07/2023

ရိုးရာလက်ဝှေ့ရဲ့ ခေတ်သစ်ကို ဖွင့်လှစ်ခဲ့တဲ့ TGL - The Great Lethwei ရဲ့ #4 ဟာ အောင်အောင်မြင်မြင်ပြီးဆုံးသွားခဲ့ပါပြီ။ TGL #4 မှာအားရစရာ တွဲဆိုင်းတွေအောင်မြင်ခဲ့တာရှိသလို စိတ်တိုင်းမကျခဲ့ရတဲ့ တွဲဆိုင်းအချို့လည်း မြင်ခဲ့ရတာ ပရိသတ်များအားလုံး အသိပဲ ဖြစ်ပါတယ်။ (၁၀) ပွဲပေါင်းလုံးရဲ့ အကြောင်းခြင်းရာ အစုံအလင်ကို MLC က သုံးသပ်တင်ပြထားတာ ကြည့်ရှုအားပေးကြပါဦးခင်ဗျာ
-
ယခုပွဲစဉ်အပါအဝင် ရိုးရာလက်ဝှေ့ပွဲပေါင်းများစွာကို YOUTUBE ထဲ ဝင်ပြီး Myanmar4you လို့ရိုက်ထည့်ပြီး အားပေးကြည့်ရှုနိုင်ကြပါတယ္ခင်ဗျာ

25/06/2023

ရွှေရာမာန်ဟာ ကြိုးဝိုင်းထောင့်ထိအရောက်ဒူးပစ်တိုက်သွင်း ဖိထိုးနေရင်း မွေထိုင်းအိုလန်ရဲ့ လည်ပင်းကိုဘယ်လက်နဲ့ချုပ်တာလည်ပင်းတခုလုံးပတ်ပါလာပါတယ်။ ချုပ်ထားတဲ့သူ့ဘယ်လက်ကိုပဲ ညာလက်နဲ့တဖန်ပြန်ဖိညှစ်လိုက်ပြီး အိုလန်ကိုတကိုယ်လုံးတစောင်းပိုး လှဲချလိုက်ပါတယ်။ ဇက်ညှစ်ချုပ်ခံထားရတဲ့ပုံစံနဲ့ စိတ်လွတ်ကိုယ်လွတ်ပါသွားတဲ့ အိုလန်ဟာ ကြမ်းပြင်ကို ခေါင်းဇောက်ထိုးနဲ့ကျပြီး ဂွပ်ကနဲ မြည်သွားတာ ကြားရပါတယ်။ ပြိုင်ဘက်ရဲ့ ကိုယ်လုံးအောက်ကနေ ရွှေရာမာန်က ဖယ်ခွါထလာပေ
မယ့် မွေထိုင်းအိုလန်ကတော့ သူ့လည်ပင်းကို ဘယ်လက်နဲ့ဖိအော်လူးလိမ့်နေတာ မထတော့ပါဘူး။ စိတ်ပူစရာဖြစ်လို့ဒိုင်ပွဲရပ်လိုက်ပါတယ်။ (၁) မိနစ် (၃) စက္ကန့်တွင်းဖြစ်တဲ့ TGL #4 ရဲ့ ခေါင်ပွဲ တွဲဆိုင်းရလာဒ်က မြန်လွန်းသွားပါတယ်။
Photo - Canal+ Myanmar FG

25/06/2023

TGL #4 ခေါင်ပွဲ
ရွှေရာမာန်က မွေထိုင်း- အိုလန်ကို အလဲထိုးတာ
ပထမချီ (၁)မိနစ်(၃) စက္ကန့်အတွင်းဖြစ်ပါတယ်။

25/06/2023

TGL #4 ဒုခေါင်ပွဲ
ထွန်းမင်းအောင်(ထွန်းထွန်းမင်းကလပ်) က အောင်ခိုင်(စက်ရုံ) ကိုအမှတ်ဖြင့်အနိုင်ယူ

25/06/2023

သွေးသစ်မောင်က စောထူးအောင်ကို အမှတ်ဖြင့်အနိုင်ရ

25/06/2023

စူပါရေချမ်းက ဖိုးလပြည့်ကို အလဲထိုးအနိုင်ရ

25/06/2023

စောဂျွန် -နဂါးမာန် (နှင့်) အာရှနဂါး - မြကျည်ဆံ
စောဂျွန်က အမှတ်ဖြင့် အနိုင်ရ

25/06/2023

TGL #4 ပဉ္စမတွဲဆိုင်း
မင်းထက်ကျော် - နဂါးမာန် (နှင့်) ရဲသွေးအောင် - စက်ရုံ
မင်းထက်ကျော်က ဒုတိယချီမှာပဲ အလဲထိုးနိုင်

25/06/2023

TGL #4 စတုတ္ထတွဲဆိုင်း
(၆၃ - ၆၇ ကီလိုတန်း)
စိုးမိုးဇော် - နဂါးမာန် (နှင့်) ထွန်းလင်း - သုံးပန်လှ
စိုးမိုးဇော်က တဖက်သတ်တိုက်ခိုက်နေတာဖြစ်လို့ လက်ရည်မမျှ ဒိုင်ပွဲရပ်ဖြင့်
စိုးမိုးဇော်ကို အနိုင်ပေး

25/06/2023

TGL #4 တတိယတွဲဆိုင်း
(၆၃ - ၆၇ ကီလိုတန်း)
အောင်မိုးပြည့် - နဂါးမာန် (နှင့်) ဒေါနသွေး - ရွှေမြဝတီ
သုံးမိနစ်လေးချီပွဲ ဖြစ်ပြီး ဒီပွဲမှာ ဒေါနသွေးအမှတ

25/06/2023

TGL #4 ဒုတိယတွဲဆိုင်း
သားသား - ဒို့ရိုးရာ) (နှင့်) ဒေါနကျော်ကျော် - ရွှေမြဝတီ
သုံးမိနစ်လေးချီပွဲဖြစ်ပြီး ဒေါနကျော်ကျော်က အမှတ်ဖြင့်အနိုင်

25/06/2023

TGL #4 ပထမတွဲဆိုင်း
အောင်ထွန်းဘို (နှင့်) ဟဲကိုထူး
ဒုတိယချီမှာ အောင်ထွန်းဘိုအလဲထိုးအနိုင်

25/06/2023

(၁၀)တွဲမှာ(၅)တွဲ ယူကျုမှာ
------------------------
MLC ပရိသတ်များခင်ဗျာ
TGL #4 ပွဲစဉ်များ အားလုံး(၁၀) တွဲရှိတဲ့အနက် ရှေ့တွဲဆိုင်း (၅)တွဲကို Youtube မှာကြည့်လို့ရပါတယ်။ မကြာခင်လွှင့်တော့မှာပါ။ ကြည့်ရမယ့် ချန်နယ်ကတော့
Canal Plus Myanmar FG ဖြစ်ပါတယ်ခင်ဗျာ။ ကြည့်လို့ရသလောက် ကြည့်နိုင်ကြပါစေ။

25/06/2023

မှတ်တမ်းကောင်းများထားရစ်ဦးမယ့် TGL #4
-------------------------------------------
ဇွန်လ ၂၅ ရက်နေ့ ဒီနေ့မွန်းလွဲ (၂)နာရီ။ စုစုပေါင်း တွဲဆိုင်း (၁၀) ဆိုင်းလုံး ပြိုင်ဆိုင်အနိုင်လိုမှု မြင့်တက်နေပြီး အကြမ်းဆုံးတိုက်ပွဲတွေကို မြင်ရဦးမှာ အသေအချာပါပဲ။ ရိုးရာသမိုင်းတခေတ်ကို လမ်းသစ်ဖောက်ခဲ့တယ်ဆိုရမယ့် စီစဉ်မှုတွေမှာ အတိတ်ဟာ ခမ်းနားနေပြီး အခုအလှည့်ကျလာတဲ့ နံပါတ်လေး TGL #4 ရဲ့ အံ့မခန်းယှဉ်ပြိုင်မှုတွေကို အားပေးကြပါဦး။
-
စိုးလင်းဦးနှင့်သွေးသစ်ဝင်းလှိုင်၊ ရှူးခလိန်းမင်းနှင့် မွေထိုင်းတိုတို့၊ ထွန်းထွန်းမင်းနှင့်သွေးသစ်ဝင်းလှိုင်၊ စတဲ့အံ့မခန်းတွဲဆိုင်းတွေရဲ့ ခြေရာကောက်ပုံရိပ်များကို တစုတစည်းတည်း ပြန်လည်ရှုစားရမှာပါ။ မကြာခင်ရှုစားရမယ့် ရွှေရာမာန်ရဲ့ လက်ရည်ဘယ်လိုရှိလဲဆိုတာအပြင် အောင်ခိုင်နှင့်ထွန်းမင်းအောင်တို့ရဲ့ အကြမ်းတမ်းဆုံး ခွန်အား ပေါက်ကွဲမှုတွေဟာလည်း ပရိသတ်ရှေ့မှောက် ရောက်လာ မြင်ရတော့မှာပဲ ဖြစ်ပါတယ်။ TGL #4 ဖြစ်ပေါ်လာပုံအဆင့်ဆင့်ကို ယူကျုထဲဝင်ပြီး Myanmar4you ချန်နယ်မှာ ဝင်ရောက် ကြည့်ရှုလိုက်ပါ။

24/06/2023

ချင်းလူမျိုးဖိုက်တာ Joshua Van ဟာ ကမ္ဘာ့ထိပ်သီး MMA အဖွဲ့အစည်းဖြစ်တဲ့ UFC မှာ ကစားခွင့်ရတဲ့ ပထမဆုံး မြန်မာနွယ်ဖွား ထိုးသတ်ခွင့်ရသူဖြစ်ရုံမက အနိုင်လည်း ရရှိသွားပြီ။

Address

No 24/4, Thuwunna Paw San Hmwe Street 2
Yangon

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00

Telephone

+959883825323

Website

https://youtube.com/c/Myanmar4you

Alerts

Be the first to know and let us send you an email when MLC Plus posts news and promotions. Your email address will not be used for any other purpose, and you can unsubscribe at any time.

Contact The Business

Send a message to MLC Plus:

Videos

နိုင်ငံခြားသားဆိုတော့ ပြတ်ပြတ်သားသားဆော့ချင်တာပေါ့ -------------------------------------------------- အိုလန်(ထိုင်း) ရဲ့ ပုံရိပ်တွေကိုရှုစားရမှာပါ။ ပြတ်သားပြဖို့ချည်းပြောနေတဲ့ ရွှေရာမာန်ရဲ့ တိုက်ပွဲကို ဇွန်လ ၂၅ ရက်နေ့ကျရင် ကျားလားဖားလား ထင်ရှားမြင်ရတော့မှာပဲဖြစ်ပါတယ်။ ချန်ပီယံရည်မှန်းချက်ဟာ လက်တကမ်းပဲလိုတော့တာဆိုတော့ ရွှေရာမာန်အပြောကြီးနေသလား။ သူဟာ ရှူးခလိန်းမင်းကိုလည်း အလဲမထိုးနိုင်ခဲ့ပါဘူး သွေးသစ်ဝင်းလှိုင်နဲ့လည်း မရေမရာအဖြေရှာရပါဦးမယ်။ TGL#4 (ဇွန်လ ၂၅ရက်) နေ့မှာ ရွှေရာမာန်ဘာလုပ်ပြနိုင်မလဲ စောင့်ကြည့်ကြပါဦးစို့ - - CANAL+ ရဲ့ The Great Lethwei #4 လက်ဝှေ့ပွဲကြီးကို ဇွန်လ (၂၅)ရက်နေ့ သိမ်ဖြူအားကစားကွင်းမှာ လာရောက်ကြည့်ရှုနိုင်ဖို့ လက်မှတ်များကို ဝယ်ယူလို့ရရှိနိုင်ပါပြီ။ လက်မှတ်တွေကတော့ GA, VIP နဲ့ VVIP ဆိုပြီး သုံးမျိုးရှိပြီး စျေးနှုန်းတွေကတော့ ၅,၀၀၀ကျပ်၊

အမှတ်ပွဲကမသေချာလို့ ထွန်းမင်းအောင်ကိုအလဲထိုးဖို့ပဲပြင်ဆင်ထားတယ် ---------------------------------------------------------------------- မြိုင်ကလေးတန်(၉၀၀) ဘိလပ်မြေစက်ရုံက အောင်ခိုင်ပါ။ ၁၂ နှစ်သားကတည်းကလက်ဝှေ့စထိုးဖြစ်ပါတယ်။ လက်ဦးဆရာက မိုးပုလဲ၊ အောင်ဇေယျ၊ ကျည်ဆန်၊ ဆရာငွေချိုတို့ပါ။ ကျော်စွာဝင်းနဲ့ပွဲကတော့ အမှတ်ရဖြစ်ဆုံးပါပဲ။ သွေးသစ်ဝင်းလှိုင်နဲ့ထိုးဖြစ်တော့ ပရိသတ်တွေပိုသိလာကြပါတယ်။ အမှတ်က သိပ်မသေချာလို့ ထွန်းမင်းအောင်ကိုအလဲထိုးဖို့ပဲ လေ့ကျင့်ထားတယ်။ အဓိကလက်သီးပါဝါကောင်းအောင်ကျင့်ထားတယ်။ နည်းနည်းခက်ခဲမယ်ထင်တယ် ထရိန်နင်ကတော့ နှစ်ဆလောက် ပြင်ဆင်ထားတယ်။ - CANAL+ ရဲ့ The Great Lethwei #4 လက်ဝှေ့ပွဲကြီးကို ဇွန်လ (၂၅)ရက်နေ့ သိမ်ဖြူအားကစားကွင်းမှာ လာရောက်ကြည့်ရှုနိုင်ဖို့ လက်မှတ်များကို ဝယ်ယူလို့ရရှိနိုင်ပါပြီ။ လက်မှတ်တွေကတော့ GA, VIP နဲ့ VVIP ဆိုပြီး သုံးမျိုးရှိပြီး စျ

အကိုတွက်ကလဲ့စားချေမယ့်ထွန်းမင်းအောင် ----------------------------------------- (အောင်ခိုင်ကိုဖြတ်ကျော်ပြနိုင်မလား) ထွန်းမင်းအောင်ပါခင်ဗျာ လက်ရှိကျနော့်အကို ထွန်းထွန်းမင်းကလပ်မှာကစားနေပါတယ်။ လက်ဝှေ့ကို ၆ နှစ်သားကတည်းကစတင်လေ့ကျင့်ခဲ့တာပါ။ စထိုးခဲ့တာက ဝဏ္ဏကြီးကိုပါ ပြီးတော့ ထွန်းလင်းခန့်ကိုအလဲထိုးပြီး နေထူးထူးကိုဆက်ထိုးထားဖူးပါတယ်။ နေထူးထူးလိုမျိုး ကိုယ့်ထက်သမ္ဘာအရင့်ကြီးတွေအထိ အကောင်းဆုံးထိုးပြနိုင်ခဲ့တာ အားရပါတယ်။ ကျနော့် အကိုထွန်းထွန်းမင်းလည်း ကျနော့်ကို အများကြီးမျှော်လင့်ထားတယ် အကိုတွက်လည်း ကလဲ့စားချေမယ်။ အခုလာမယ့် ဇွန်လ ၂၅ ရက်နေ့မှာ ကိုအောင်ခိုင်ကိုထိုးဖို့ အကောင်းဆုံးပြင်ဆင်ထားတယ် - CANAL+ ရဲ့ The Great Lethwei #4 လက်ဝှေ့ပွဲကြီးကို ဇွန်လ (၂၅)ရက်နေ့ သိမ်ဖြူအားကစားကွင်းမှာ လာရောက်ကြည့်ရှုနိုင်ဖို့ လက်မှတ်များကို ဝယ်ယူလို့ရရှိနိုင

မြန်မာပြည်ချန်ပီယံတော့ မှန်းထားတာပေါ့ နော် အများကြီးမလိုတော့ပါဘူး

နိုင်ငံခြားသားဆိုတော့ အားနာစရာမလိုဘူးလေ -------------------------------------------- (TGL#4 ခေါင်တွဲဆိုင်း လက်ဝှေ့ကျော် ရွှေရာမာန်) ကျနော့်နာမည် ရာမာန်ပါ ကျနော်ကစားနေတဲ့ကလပ်က ရာဇာဓိရာဇ် မွန်ပြည်နယ်ကလပ်ပါ နိုင်ငံခြားသားကို ကျနော် မြန်မာ့လက်ဝှေ့ကိုထိုးရတာ အရမ်းဂုဏ်ယူပါတယ်။ နိုင်ငံခြားသားဆိုတော့အားနာစရာမလိုဘူးလေ။ မြန်မာချင်းချင်းဆိုတော့ ဟင့်... နည်းနည်းတော့ ညှာတာပေါ့ ဝိတ်တန်းတူရင် မြန်မာလည်းမရွေးဘူး နိုင်ငံခြားသားလည်းမရွေးဘူးထိုးမှာပဲ သူများပြောတိုင်းလည်း ရင်မခုန်တတ်ဘူးလေ။ သူများဘာပြောပြော ကိုယ်လုပ်တဲ့အလုပ်ပဲ အာရုံစိုက်တော့ ကျနော်က မြန်မာပြည်ချန်ပီယံတော့ မှန်းထားတာပေါ့ နော် အများကြီးမလိုတော့ပါဘူး လက်တကမ်းပါပဲ။ ဇွန်လ ၂၅ ရက်ဆိုတော့ (၅) ရက်သာ ပွဲကြည့်ရန် ရက်ကျန်ပါတော့တယ်။ ရွှေရာမာန်ရဲ့ အပြောနဲ့ အလုပ်သက်သေပြမယ့် ခေါင်တွဲဆိုင်းကို စ

TGL ဒုခေါင်တွဲဆိုင်းရဲ့ အစဉ်အလာ

ရိုးရာလက်ဝှေ့ရဲ့ ခေတ်သစ်တခုကိုထိုး‌ဖောက်နိုင်ခဲ့တဲ့ TGL - The Great Lethwei ပွဲစဉ်များထဲမှာ ဒုခေါင်ပွဲတိုင်းဟာ ပြိုင်ဆိုင်မှုပြင်းထန်ခြင်းဆိုတဲ့ အစဉ်အလာတခု ဖြစ်ခဲ့ပါပြီ။ အစဉ်အဆက် အကြိတ်အနယ်ရှိခဲ့ပြီး ရေကုန်ရေခမ်း ပညာကုန်ထုတ် ယှဉ်ပြိုင်ခဲ့ကြတာမြင်ရလို့ ပရိသတ်ရင်ထဲ ထိထိမိမိ စွဲငြိခဲ့ကြဖူးပါတယ်။ ဒီတစ်ခါ TGL#4 မှာလည်း အရွယ်ငယ်ပေမယ့် ပညာမငယ်တဲ့ ငယ်ဂုဏ်အပြည့်နဲ့ ထွန်းမင်းအောင်ကို အားပါပြင်းထန်တဲ့ ထိုးချက်တွေပိုင်ရှင် အောင်ခိုင်က ထိပ်တိုက်တွေ့လိုက်ပါတယ်။ မျိုးကောင်းရိုးကောင်း ရွှေရောင်မျိုးဆက်ပါပဲလို့ အမွှန်းတင်ခံထားရတဲ့ ထွန်းမင်းအောင်ရဲ့ ပညာစုံအားသာချက်တွေက စောအောင်ခိုင်ကိုအန်တုလို့ဖြင့် အခု ဒုခေါင်တွဲဆိုင်းဟာလည်း TGL#4 ကို ခမ်းနားစေဉီးမှာပါ။ ဒီယှဉ်ပြိုင်ပွဲမှုဟာ ကစားသမား နှစ်ဉီးလုံးအတွက်ရော ဘယ်လောက်ထိ အရေးပါနေလဲ

TGL#4 ရောက်လာပါတော့မယ်

"ဇွန်လ -၂၅" ရက်နေ့မှာ TGL#4 ထပ်မံရောက်လာပါတော့မယ်။ ခေါင်ပွဲက "ရွှေရာမာန် နှင့် မွေထိုင်း လက်ဝှေ့ကျော် အိုလန်" ဖြစ်ပြီး ဒု-ခေါင်ပွဲမှာတော့ အက်ဒမင်တွက်ပိုမိုစိတ်ဝင်စားစရာ "ထွန်းမင်းအောင် နှင့် အောင်ခိုင်" တို့အတွဲပါ။ TGL#1 မှာတုန်းက စိုးလင်းဦးကို သွေးသစ်ဝင်းလှိုင်နဲ့ တည့်ပေးလိုက်ပြီး၊ TGL#2 မှာ ရှူးခလိန်းမင်းရဲ့ စွမ်းအားကို မွေထိုင်းလက်ဝှေ့ကျော်"တိုတို့" နဲ့ စောင့်ကြည့်စေခဲ့ပါတယ်၊ TGL#3 မှာတော့ ဟိုးလေးတကျော်ကျော် "ထွန်းထွန်းမင်း နှင့် သွေးသစ်ဝင်းလှိုင်" ပွဲဖြစ်စေခဲ့တဲ့အထိ ခြေလှမ်းကြဲခဲ့တဲ့ TGL - The Great Lethwei ရဲ့ စီစဉ်မှုတွေဟာ ခုတခါအလှည့်ကျလာတဲ့ TGL#4 မှာတော့ ရေးမြို့နယ်က ရွှေရာမာန်၊ ကျိုက်မရောမြို့နယ်က ထွန်းမင်းအောင်တို့ကို ခေါင်တွဲဆိုင်းများမှာ အလှည့်ပေးလို့ " ဇွန်လ ၂၅ရက်နေ့" မှာပရိသတ်ကိုဆွဲဆောင်လိုက်ပြန်ပါတယ်။ - ဇွန်လ ၂၅ရက်နေ့ (တန

ကရင်ပြည်နယ် ဘားအံမြို့နယ် လွန်းညစံပြကျေးရွာ မဟာသင်္ကြန် ရိုးရာလက်ဝှေ့ပွဲ (၃) ရက်။ ပွဲစဉ်များကို MLC ကရိုက်ကူးတင်ဆက်ပေးနေတာဖြစ်ပြီး စာချုပ်ပွဲစဉ်များကို ယူကျုချန်နယ်ထဲမှာ ပိုမိုကောင်းမွန်စွာ ကြည့်ရှုဖို့ ဖိတ်ခေါ်ပါတယ်။ Youtube ထဲဝင်ပြီး Myanmar4you လို့ရိုက်ထည့်လိုက်ပြီးရင် Subscribe နှိပ်ကာ ပုံမှန်ကြည့်ရှုလို့ရပါပြီခင်ဗျာ။ ဘေးကင်းရန်ကွာ အိမ်မှာနေကြတဲ့ မိတ်ဆွေများအတွက် ရှေ့ပွဲစဉ်များကို LIVE STREM ထုတ်လွှင့်ပေးဖို့ အဆင်မပြေတဲ့ကြား ကြိုးစားကြည့်ပါဦးမယ်။ နှစ်သစ်မှာ ကြံစည်သမျှ အောင်မြင်ပြီး ဘေးဘယာကင်းဝေးပါစေကြောင်း MLC ကဆုတောင်းလိုက်ပါတယ်။ #MLC #Myanmar4you #Lunnya_village

02/12/2023

20/11/2023

12/11/2023

11/11/2023

09/11/2023

05/11/2023

12/10/2023

08/10/2023

23/09/2023

22/09/2023

16/09/2023

27/08/2023

27/08/2023

27/08/2023

27/08/2023

27/08/2023

20/08/2023

20/08/2023

20/08/2023

20/08/2023

20/08/2023

16/07/2023

15/07/2023

14/07/2023

13/07/2023

01/07/2023

25/06/2023

25/06/2023

25/06/2023

25/06/2023

25/06/2023

25/06/2023

25/06/2023

25/06/2023

25/06/2023

25/06/2023

25/06/2023

25/06/2023

25/06/2023

24/06/2023

Address

Opening Hours

Telephone

Website

Alerts

Contact The Business

Videos

မြန်မာပြည်ချန်ပီယံတော့ မှန်းထားတာပေါ့ နော် အများကြီးမလိုတော့ပါဘူး

TGL ဒုခေါင်တွဲဆိုင်းရဲ့ အစဉ်အလာ

TGL#4 ရောက်လာပါတော့မယ်

Shortcuts

Share

Category

Other Video Creators in Yangon

You may also like