19/11/2022
📌 TSENAN'I VOALAVO
Anisan'ny sakafo mafilotra ny voalavo, any Inde 🇮🇳 amin'ny tanàna antsoina hoe Kumaritaka avaratra atsinanan'i Inde dia misy mihitsy ny tsenan'i voalavo.
Amidy 200 roupies eo ny iray kilao, izany hoe 2,5 Euro eo, mitovy vidy amin'ny kilaon'ny akoho sy ny kisoa any an-toerana, araka ny nolazain'i Samba Sorne mpivarotra voalavo dia misy mahatratra 1 kilao mihitsy ny iray.
Andrahoina izy ary afangaro amin'ny lasaosy misy épice na atao rôti.
Amporisihin'ny fanjakana (Ministeran'ny mponina) any an-toerana mihitsy ny fihinanana voalavo satria be protéine kokoa nohon'ny akoho izy ary tsara tsiro lavitra nohon'ny akoho. Anisan'ny vaindohan-draharahan'ny ministera ny hamokatra fiompiana voalavo lehibe isaky ny faritra any.
Mety ho gaga isika fa eto Madagasikara misy mihinana voalavo, vazika moa no fiantso azy ary ahitana azy manamorona an'Alaotra iny, mipetraka any anaty zetra ireo voalavo lehibe ireo na hoe vazika ka sakafo tsara sy misy mampandroso ho an'ny vahiny raha sendra mivahiny amin'iny amoron'Alaotra iny. Tsy voalavo an-tanàna izy araka izany fa voalavo an-tsaha ary azo hohanina tsara.
©️ Page Tsetsatsetra tsy aritra