MassThas Entertainment

10/04/2024

அன்பான உறவுகள் அனைவருக்கும் பகவான் ஸ்ரீ ராமகிருஷ்ணரின் அருளாசிகளோடு, எங்களுடைய நெஞ்சார்ந்த வணக்கங்கள். இலங்கையின் கிழக்கு மாகாணத்தின் மட்டக்களப்பு மாவட்டத்தில் தன்னலமற்ற சமய, சமூக சேவைகளிளை ஆற்றி வருகின்ற, மட்டக்களப்பு ராமகிருஷ்ண மிஷனின் ஒரு புதிய முயற்சியாக மாற்றுவலுவுடைய மக்களின் எதிர்காலத்தினைக் கருத்தில் கொண்டு Inclusive Resources And Training Center எனும் பெயரில் பயிற்சி மையம் உருவாக்கப்பட்டு, இலங்கையில் தமிழ் மொழி மூலமாகப் பாடசாலைக் கல்வியினைத் தொடர்ந்து வருகின்ற விழிப்புல வலுவிழந்த, பார்வைக் குறைபாடுடைய மாணவர்களின் கல்வி வளர்ச்சியினை கருத்திற் கொண்டு, இலங்கை கல்வி அமைச்சினால் இலவசமாக வழங்கப்படுகின்ற பாடப் புத்தகங்களினை ஒலி வடிவப் புத்தகங்களாக உருவாக்கி, அத்தகைய மாணவர்களின் கல்வி வளர்ச்சியில் உதவும் முகமாக, முதலாவதாக க. பொ. த சாதாரண தரப் பரீட்சையினைக் கருத்தில் கொண்டு, தரம் 11 இல் கல்வி கற்கும் விழிப்புல வலுவிழந்த, பார்வைக் குறைபாடுடைய மாணவர்கள் பயன்படுத்தும் நோக்கில், பாடப் புத்தகங்கள் ஒலி வடிவப் புத்தகங்களாக உருவாக்கப்பட்டு, மட்டக்களப்பு ராமகிருஷ்ண மிஷனின் உத்தியோகபூர்வ YouTube தளத்திலும் பதிவேற்றப்பட்டுள்ளன👇🏻 https://youtube.com/?si=BaVv7JZROsKAqu6b இவ் ஒலி வடிவப் புத்தகங்களினை விழிப்புல வலுவிழந்த, பார்வைக் குறைபாடுடைய மாணவர்கள் மாத்திரமின்றி, எந்த ஒரு மாணவனோ/ மாணவியோ பயன்படுத்த முடியும். அத்துடன், ஏனைய தரங்களில் பாடசாலைக் கல்வியினைத் தொடர்ந்து கொண்டிருக்கின்ற மாணவர்களுக்கான இலவசப் பாடப் புத்தகங்கள் ஒலி வடிவப் புத்தகங்களாக, மட்டக்களப்பு ராமகிருஷ்ண மிஷனின் உத்தியோகபூர்வ YouTube தளத்தில் மிக விரைவில் பதிவேற்றப்படும்.
https://youtube.com/playlist?list=PLq8iR6cLJOAbrYcUTftPBOcr14de4akSe&si=4fZUJtzAiZ6Ujldn எம்முடைய எதிர்கால சந்ததியினரின் கல்வி வளர்ச்சியினை முழுமையான நோக்கமாகக் கொண்டு, எம்மால் வழங்கப்படுகின்ற இச் சேவைத் திட்டத்தினை அனைவருக்கும் பகிர்ந்து வழிப்படுத்துவதுடன்,மட்டக்களப்பு ராமகிருஷ்ண மிஷனின் இக் கைங்கரியத்தில் இணைந்து, பகவானின் அருட்கடாட்சத்தினையும் பெற்றுக் கொள்ளுமாறு அன்புடன் அழைக்கின்றோம்.

12/08/2023

வழிப்படுத்தி வளப்படுத்த வாரீர்... !!

விழிப்புல வலுவிழந்த மக்களின் எதிர்காலம் என்ற தலைப்பிலான செயலமர்வானது 31.07. 2023 திங்கட்கிழமை மு.ப 10 .30 தொடக்கம் 12 மணி வரை சுன்னாகம் வாழ்வக விழிப்புல வலுவிழந்தோர் இல்லத்தின் அனுசரணையுடன் வவுனியா பிரதேச செயலகத்தின் பிரதேச செயலாளர் மதிப்பிற்குரிய நாகலிங்கம் கமலதாசன் அவர்களின் அனுமதியுடன், வவுனியா பிரதேச செயலகத்தின் குணநாயகம் கலந்துரையாடல் மண்டபத்தில் சிறப்பாக இனிதே நிறைவு பெற்றது. இச் செயலமர்வின் பிரதான நோக்கம் வவுனியா பிரதேசத்தில் விழிப்புல வலுவிழந்த மக்களை முறையாக இனம் கண்டு அவர்களின் வாழ்வை வளப்படுத்துவதாகும். கல்வி கற்கும் வயதில் கல்வி கற்க முடியாமல் அல்லல் படுகின்ற விழிப்புல வலுவிழந்த குழந்தைகளை கல்வி நீரோட்டத்துடன் இணைப்பதும், கல்வி கற்கும் வயதை தாண்டிய, கல்வி கற்க இயலாத விழிப்புல வலுவிழந்த மக்களுக்கான வாழ்வாதார உதவிகளை பெற்றுக்கொடுத்தலும் இந்த செயலமர்வின் முக்கிய நோக்கமாகும். இவ்வாறான மக்களை கண்டால் அவர்களுடன் தொடர்புகளை ஏற்படுத்தி அவர்களை வழிப்படுத்தி வளப்படுத்த தொடர்பு கொள்ளுமாறு பணிவன்புடன் கேட்டுக்கொள்கின்றேன்.

குறிப்பு
யாழ்ப்பாணம் சுன்னாகத்தில் இயங்கி வருகின்ற வாழ்வக நிறுவனமானது கண் பார்வையற்ற, கண்பார்வை பிரச்சனையுடைய பிள்ளைகளின் கல்வி வளர்ச்சியில் அற்பணிப்புடன் சேவையாற்றுவதுடன், வாழ்வக நிறுவனத்தின் நிறுவுனர் கலாநிதி அன்னலட்சுமி சின்னத்தம்பி அம்மாவின் ஞாபகார்த்தமாக பாடசாலைகளில் கல்வி பயில்கின்ற கண் பார்வை பிரச்சனையுடைய மாணவர்களுக்கான இலவச மூக்கு கண்ணாடிகளையும் வழங்குகின்றார்கள். இலங்கையின் எப்பாகத்தில் இருந்தும் மூக்கு கண்ணாடிகளுக்கு கண் பார்வை பிரச்சனையுடைய மாணவர்கள் விண்ணப்பிக்க முடியும் என்பதையும் தெரிவித்துக் கொள்கின்றோம்

தொடர்புகளுக்கு,
0773054935

விழிப்புல வலுவிழந்த மக்களின் எதிர்காலம் என்ற தலைப்பில் யாழ்ப்பாணம் சுன்னாகத்தில் கண்பார்வையற்ற பிள்ளைகளின்...

31/07/2023

விழிப்புல வலுவிழந்த மக்களின் எதிர்காலம் என்ற தலைப்பில் யாழ்ப்பாணம் சுன்னாகத்தில் கண்பார்வையற்ற பிள்ளைகளின் கல்வி வளர்ச்சியில் பாடுபட்டு வருகின்ற வாழ்வக நிறுவனத்தின் அனுசரணையுடன் மேற்படி செயல மர்வானது யாழ்ப்பாண பல்கலைக்கழகத்தில் பட்டப் படிப்பினை மேற்கொண்டு வருகின்ற மாணவர்களாகிய எங்களால் செயற்றிட்ட முகாமைத்துவம் என்ற கற்கையின் கீழ் வவுனியா பிரதேச செயலகத்தில் கடமையாற்றுகின்ற அபிவிருத்தி உத்தியோகத்தர்களுக்கும், வெளிக்கல உத்தியோகத்தர்களுக்கும் ஒழுங்குபடுத்தப்பட்டு இன்றைய தினம் வெற்றிகரமாக நிறைவேற்றப்பட்டது. இந்த செயலமர்விற்கு பூரண அனுமதியினை தந்து இந்த நிகழ்வு சிறக்க பல வழிகளிலும் உதவிய வவுனியா பிரதேச செயலகத்தின் பிரதேச செயலாளர் மதிப்பிற்குரிய நாகலிங்கம் கமலதாசன் அவர்களுக்கு நன்றி பூக்களை காணிக்கையாக்குவதுடன், இந்த செயலமர்வில் கலந்துகொண்டு செயல் அமர்வினை கருத்துள்ள செயலமர்வாக மாற்றிய வளவாளர்களுக்கும் மற்றும் இந்த செயல் அமர்வில் கலந்து கொண்டு வவுனியா பிரதேச செயலக உத்தியோகதர்களுக்கும் வாழ்வக நிர்வாக சபை அங்கத்தவர்கள், இச் செயலமர்வில் கலந்து கொண்ட விழிப்புல வலுவிழந்த மக்கள் மேலும் இந் நிகழ்வு சிறக்க பல வழிகளில் உதவிய அனைவருக்கும் செயற்றிட்ட குழு சார்பாக இதய பூர்வமான நன்றிகளைத் தெரிவித்துக் கொள்கின்றோம்.

இச் செயலமர்வின்போது எடுக்கப்பட்ட புகைப்பட ங்கள்
👉

30/07/2023

🙏 🙏

27/07/2023

வழிப்படுத்தி வளப்படுத்த வாரீர் ..!!

யாழ்ப்பாண பல்கலைக்கழகத்தில் பட்டப் படிப்பினை தொடர்ந்து வரும் மாணவர்களாகிய எங்களால் செயறிட்ட முகாமைத்துவம் என்ற கற்கைநெறியின் கீழ் சமூக நோக்கிலான ஒரு செயற்திட்டமாக வவுனியா பிரதேசத்தில் வாழ்கின்ற விழிப்புல வலுவிழந்த மக்களின் வாழ்வை வளப்படுத்தும் நோக்கில் விழிப்புல வலுவிழந்த மக்களின் எதிர்காலம் என்ற தலைப்பில் யாழ்ப்பாணம் சுன்னாகத்தில் விழிப்புல வலுவிழந்த மாணவர்களின் கல்வி வளர்ச்சியில் பங்காற்றுகின்ற வாழ்வக நிறுவனத்தின் அனுசரணையுடன், வவுனியா பிரதேச செயலகத்தில் கடமையாற்றுகின்ற அபிவிருத்தி உத்தியோகத்தர்களுக்கும் வெளிக்கல உத்தியோகத்தர்களுக்குமான செயல் அமர்வு மதிப்பிற்குரிய வவுனியா பிரதேச செயலகத்தின் பிரதேச செயலாளர் திரு .ந.கமலதாசன் அவர்களின் அனுமதியுடன் ஒழுங்குப்படுத்தி உள்ளோம். இதில் செயற்திட்டத்தின் தலைவராக சிறீதரன் யோகதாஸ் ,மொழிபெயர்ப்புகற்கை,யாழ்ப்பாணப்பல்கலைக்கழகம் ,செயற்றிட்ட குழு உறுப்பினர்களாக பாக்கியராஜா ஸ்டீபன்,யாழ்ப்பாணப்பல்கலைக்கழகம்
நடராசா கோபிராம் ,யாழ்ப்பாணப்பல்கலைக்கழகம் ஆகியோர்களுடன் இதில் வனவாளர்களாக
யாழ்ப்பாணம் கோப்பாய் தேசிய கல்வியற் கல்லூரியின் ஓய்வுபெற்ற விசேட கல்வி விரிவுரையாளரும், அகில இலங்கை சமாதான நீதிவானும் வாழ்வக விழிப்புல வலுவிழந்தோர் இல்லத்தின் தலைவருமாகிய திரு.ஆறுமுகம் இரவீந்திரன் அவர்களும், வவுனியா பிரதேச செயலகத்தின் அபிவிருத்தி உத்தியோகத்தரும் வன்னி விழிப்புலனற்றோர் சங்கத்தின் உப தலைவருமாகிய திரு.வி.விக்கினேஸ்வரன் அவர்களும், யாழ்ப்பாணம் நல்லூர் பிரதேச செயலகத்தின் அபிவிருத்தி உத்தியோகத்தரும், வாழ்வக நிறுவனத்தில் பகுதி நேர கணனி ஆசிரியராகவும் பணிபுரியும் திரு.சிவபாதசுந்தரம் பிரதீபன் ஆகியோரும் கலந்து சிறப்பிக்க உள்ளனர்.

01/06/2023

Mass Thas Entertainment தளத்தின் அன்பு உறவுகள் அனைவருக்கும் வணக்கம்.

துரித கதியில் வேகமாகப் பயணிக்கும் உலகில் பல்வேறு சவால்களுக்கும் மத்தியில் ஏதோ ஒன்றைத் தேடி ஓயும் வரை ஓடிக் கொண்டிருக்கின்றோம்.

அப்படி ஓடிக் கொண்டிருந்தாலும் இன்றைய காலங்களில் எம்மை ஒன்றுபடுத்துகின்ற ஒரு களமாக சமூக ஊடகங்கள் பெரும் பங்கினை ஆற்றுகின்றன. நேரடியாக உறவுகளுடன் நேரத்தினைக் கழித்த காலம் மலையேறி விட்டது. அவ்வாறான அவசர உலகினில் வாழ்ந்து வருகின்றோம்.

என்ன?

தான் நவீனம் செவ்வாயில் காலடி வைத்தாலும் சரி, மனிதனுக்கு இறக்கை முளைத்துப் பறந்தாலும் சரி பல விடயங்கள் பற்றிய அறியாமை இன்றளவும் பலரிடத்தில் காணப்படுகின்றன.

அவற்றினை முடிந்தளவு எங்களுடைய தமிழ் மக்களுக்குக் கொண்டு சேர்க்கும் ஒரு முயற்சியாக இத்தளத்தினை உருவாக்கியுள்ளேன்.

ஏனெனில் ஏனைய மொழிகள் சார்ந்தவையாக பல விடயங்கள் இருப்பதை நான் அறிகின்றேன்.

அதற்காக நான் எந்த மொழிவாதியிமில்லை, மதவாதியுமில்லை. குறிப்பாக, விசேட தேவைக்குட்பட்டவர்கள் பற்றி நீங்கள் அறிந்திருப்பீர்கள் அல்லது நேரடியாகப் பார்த்திருப்பீர்கள்.

ஒரு கணம் அவர்களைப் பற்றி நீங்கள் எண்ணிப் பார்த்ததுண்டா?

அவர்கள் மீது இரக்கம் ஏற்படுவது வழமை தான். ஆனால் அதற்கும் மேலாக அவர்களால் என்ன செய்ய முடியும்?

அவர்களுக்கான வாய்ப்பு மட்டங்கள் எந்தளவிற்கு இருக்கின்றன? அவர்கள் வாழ்வில் என்ன சாதிக்கிறார்கள்? என்பன பற்றி நீங்கள் எண்ணியதுண்டா? இது ஒரு புறம் இருக்கட்டும்.

என்னுடைய இத் தளத்தினைப் பின்பற்றுவது மூலம் நீங்கள் இவற்றினை அறிந்து தெளிவடைய முடியும் என்பதில் எவ்வித ஐயமுமில்லை. உங்களுக்கு முழுமையான விளக்கங்களுடன் போதியளவு தகவல்களைத் தருவதற்கு நான் தயாராக உள்ளேன்.

நவீன தொழிநுட்பம், வாழ்க்கை முன்னேற்றக் குறிப்புக்கள், நாடகங்கள், நகைச்சுவைகள் மேலும் நீங்கள் இதுவரை அறிந்திராத பல அம்சங்களினை சுவாரஷ்யமான முறையில் நான் தரத் தயாராக உள்ளேன். மேலும் எனது எண்ணங்களை எனது செயலில் காட்டலாம் என நினைக்கின்ன்றேன்.

இத்துடன் எனது தளத்தின் அறிமுகத்திற்கு முற்றுப்புள்ளி வைத்து எனது தளத்தின் அன்புப் பிரியர்களுக்கு வாழ்வில் உங்களுடைய குறிக்கோளை அடைய எனது நல்வாழ்த்துக்களைத் தெரிவிப்பதோடு Mass Thas Entertainment சார்பில் இருகரம் கூப்பி வரவேற்பதில் மிக்க மகிழ்ச்சி அடைகின்றேன்.

- Mass Thas -