15/08/2024
බිස්නස් ඉගෙනගන්න මොන තරම් සම්පත් අන්තර්ජාලයේ තිබුණත්, ඩිජිටල් සාක්ෂරතාව අවම, ස්මාර්ට් දුරකථන භාවිතයට එතරම් කැමති නැති කලින් ජෙනරේෂන්වල ශ්‍රී ලාංකිකයෝ තවමත් කැමති බිස්නස් පත්තරෙන් කියවන්න.තවත් අතකට තරුණ පරපුරෙත් සැලකිය යුතු කොටසක් ඉන්නවා, ඔවුන්ට අවශ්‍ය ව්‍යපාර අධ්‍යනය, මූල්‍ය සාක්ෂාරතාවය වගේ විෂයයන් පිටු පෙරලලා ඉගෙන ගන්න.ඉතින් ඒ කැමැත්තට වුවමනාවට උපරිම සාධාරණය කරලා, සුළු පරිමාණ ව්‍යාපාරිකයන්ට ලෝකෙ තියෙන updated ම ව්‍යාපාරික දැනුම ගෙනියන්න තමයි 'මව්බිම බිස්නස්' සතිපතා නිකුත් වෙන්නේ.මව්බිම බිස්නස් කණ්ඩායම, හැම සතියකම රට පුරාම ඉන්න ශ්‍රී ලාංකික‍යන්ට තේරෙන සිංහලෙන් මේ බිස්නස් කෙරුවාව කියාදෙන්න තමයි සතිපතා වෙහෙස මහන්සි වෙන්නේ.
මේ වෑයමත් එක්ක අපි තියපු අලුත්ම පියවර තමයි සතියකට එක ප්‍රදේශය බැගින් තෝරගෙන ඒ ප්‍රදේශයේ ඉන්න සාර්ථක ව්‍යාපාරිකයෝ කිහිපදෙනෙක්ව පුවත්පත් සාකච්ඡාවකට සම්බන්ධ කරගන්න එක.ඒ සාකච්ඡාව සඳහා අපි ගමින් ගමට යද්දී ඔවුන්ගේ සාර්ථකත්වයේ කතාන්දරය රටටම කියන්න අවකාශයක් විවර වෙනවා විතරක් නෙමෙයි ඒ ඔස්සේ ලංකාවේ තව කොහේ හරි තැනක ඉන්න කුඩා ව්‍යාපාරයක් කරන ව්‍යවසායකයෙක් කුමක් හෝ වැදගත් දෙයක් ඉගෙනගන්නවා.මොකද අපි අත්දැකීමෙන් විශ්වාස කරන දෙයක් තමයි සමහර බහු ජාතික සමාගම්වල ප්‍රධාන පුටවල ඉන්න ව්‍යාපාරික නායකයන්ගෙන් තරමටම ගමක කොනක කුඩා ව්‍යාපාරයක් කරගෙන යන මුදලාලි කෙනෙකුගෙත් ඉගෙන ගන්න බොහෝ දේවල් - හැමවෙලාවෙම තියෙනවා.
අපි පළමු සතියේ ගියා වාද්දුවට.දෙවැනි සතියේ ගියා අලවතුගොඩට.එලැඹෙන සතියේ අපි තවත් නගරයකට, ගමකට යනවා.
අපිට ඔබට කියන්න අවශ්‍ය ඔබේ ගමටත් අපි එනවා.ඔබේ නගරය ගැනත් අපි ලියනවා.හැබැයි මතක ඇතුව එහෙම ව්‍යාපාරිකයෝ ඔබේ නගරයේ ඉන්නවා කියන එක අපිට කියන්න.සමහරවිට ඔබත් ගමක හැංගිලා ඉන්න නමුත් සාර්ථකව බිස්නස් කරන ව්‍යාපාරිකයෙක් කියලා ඉන්බොක්ස් පණිවුඩයකින් අපිට දැනුම් දෙන්න. ඒක අපිට ඔබව හොයාගන්න, හඳුනාගන්න ලොකු පහසුවක් වෙයි.
ඔබ නොදන්නවා වුණාට, ඔබ එකවරම විශ්වාස නොකළාට, ඔබ තවත් ව්‍යාපාරිකයෙක්ට විශ්ව කෝෂයක් වෙන්න පුළුවන්❤️
ප.ලි : මේ පහළ පින්තූරවල තියෙන්නේ, අලවතුගොඩ ව්‍යාපාරිකයන් ගැන පුවත්පතේ පළවීමෙන් පස්සේ පුවත්පත මිලදීගන්න ආපු, පුවත්පත කියවපු පාඨකයන්ගේ පින්තූර.පින්තූර එවපු අලවතුගොඩ ජයසිරි ස්ටෝර්ස් හි අධිපති හසිත ජයවර්ධනටත් ස්තූතියි📰
