Kelehanda - කැලෑහඳ

24/04/2024

05/04/2024

Top Actors In Apocalypto : Rudy Youngblood, Dalia Hernández, Raoul Max Trujillo & Rodolfo Palacios

05/04/2024

❤️

සැමරුමක ඇරඹුම...

විජය කුමාරතුංග සිනමාවට පිවිස හරඹ පෑවේ සුගතපාල සෙනරත් යාපා විසින් අධ්‍යක්ෂණය කළ හන්තානේ කතාව චිත්‍රපටයෙනි. යොවුන් නළුවකු ලෙසින් සිනමාවට පිවිසි ආකර්ෂණීය තරුණයා වැඩි කලක් ගතවන්නට පෙර ලාංකේය සිනමාවට නැතිවම බැරි රංගන ශිල්පියෙක් වේ යැයි කිසිවෙකු හෝ නොසිතන්නට ඇත

එමෙන්ම මාලනී සෙනෙහෙලතා ෆොන්සේකා සිනමාවට අත්පොත් තැබුවේ තිස්ස ලියනසූරිය නිර්මාණය කළ පුංචි බබා චිත්‍රපටයෙනි.ඒ 1968 වර්ෂයේදී ය. කෙසේ වෙතත් විජයට වඩා කෙටි කලකට පෙර සිනමාව හා සම්බන්ධ වීමට ඇයට අවස්ථාව ලැබුණි. නමුත් මේ දෙදෙනාම සමීපතම කාලයකදී සිංහල සිනමාවට එක් වූ රන් තරු යුගලයකැයි කීම අතිශයෝක්තියක් නොවේ. මේ ඔවුන් දෙදෙනාගේ සිනමාවේ මුණ ගැසීමයි

හතර දෙනාම සූරයෝ චිත්‍රපටය අධ්‍යක්ෂණය කළේ නීල් රූපසිංහ 1971 වසරේදීය. හැත්තෑව දශකයේ දී බිහි වූ හතර දෙනාම සූරයෝ චිත්‍රපටය ජනප්‍රියත්වයේ ඉහළින්ම තිබිණි . විජය ගාමිණී, ඇන්තනි සී, සේනාධීර රූපසිංහ රංගනයෙන් සම්බන්ධ වූ මෙහි ප්‍රථම වරට විජය හා මාලනී චිත්‍රපටයක් තුළින් රසිකයන්ට දැක ගැනීමේ වරම ලැබුණි. එතෙක් විජය හා මාලිනී කිසිදු සිනමා නිර්මාණයකින් හමු වී තිබුණේ නැත.
එම නිසා මෙම චිත්‍රපටය ලාංකේය සිනමාවේ හැරවුම් ලක්ෂයක් සනිටුහන් කළ චිත්‍රපටයක් ලෙසින් නම් දරනවාට සැකයක් නැත. මන්ද කවර කලකවත් සිනමා රසිකයන් ගේ සිත්වලින් බැහැර නොයන ප්‍රේමණීයම වූ යුවල, විජය -මාලනී සුසංයෝගය සිනමාවට කැන්දන් ආ හෙයිනි

ඒ එක් කතාවකි. නමුත් නිවැරදිව කරුණු සඳහන් කරන්නේ නම් විජය හා මාලනී මුලින්ම මුණගැසුණේ "මේ දෙ ඇස කුමටද' චිත්‍රපටය තුළිනි. නමුත් කවර හේතුවක් නිසා හෝ පසුව වැඩකටයුතු ආරම්භ කළ හතර දෙනාම සූරයෝ චිත්‍රපටය මුලින්ම තිරගත විය. වර්තමානයේ පවා විජය හා මාලනී රංගනයෙන් සම්බන්ධ වූ මුල්ම චිත්‍රපටය ලෙස සඳහන් වන්නේ හතර දෙනාම සූරයෝ චිත්‍රපටයයි. නමුත් ඔවුන් දෙදෙනා එක් වූ මුල්ම චිත්‍රපටය "මේ දෙඇස කුමටද" චිත්‍රපටයයි.

©️RB

31/03/2024

❤️

30/03/2024

විරාගයේ ටෝනි…

විරාගයේ පළමු අරවින්ද
ටෝනිද?...

මාර්ටින් වික්‍රමසිංහයන්ට කුතුහලයක් තිබිණි. එනම් පානදුරේ තම ඥාති නිවස අසල පිහිටි නිවසෙහි හුන් තනිකඩයා සම්බන්ධවය. මේ තනිකඩයා සම්බන්ධයෙන් වික්‍රමසිංහයන් දැන ගත්තේද තම ඥාතියාගෙනි.
ඥාතියා පැවසු තොරතුරුවලට අනුව හුදකලාවේ උන් මෙකී පුද්ගලයා ආණ්ඩුවේ කන්තෝරුවක සේවය කරන බවත් හව්හරණට කිසිවකු නැති බවත් සැලවිය. මෙම තනිකඩ පුද්ගලයා සම්බන්ධයෙන් වැඩිමනක් විස්තර දැන ගන්නට වික්‍රමසිංහයන්ට දැඩි ලෙසින් අණ කර සිටියේ ඔහුගේ සිත පුරා උපන් කුතුහලයයි.
එම නිවසේ සිටි පුද්ගලයා සම්බන්දයෙන් තොරතුරු සෙවීමේදී, ඔහු පැරණි පොතපත ආදිය එක්රැස් කරනා යම් දැනුමක් ඇති අයකු බවත්, පවුලේ ඥාතීන් ඔහුව හැරදමා ගොස් ඇති බවත් දැනගන්නට හැකි විය. මේ සියලු සාධක එක්රැස් කර ගැනීමෙන් අනතුරුව වික්‍රමසිංහයන්ගේ ඊළඟ ප්‍රයත්නය වුයේ මෙකී පුද්ගලයා හමුවීමයි. ඔහුව හමුවීමත් සමඟින් මේ පුද්ගලයාගේ අභ්‍යන්තරයේ තිබූ බොහෝ දෑ උකහා ගන්නට මාර්ටින් වික්‍රමසිංහයන් සමත් විය.

එම නිවසේ සිටි පුද්ගලයා යන්ත්‍ර, මන්ත්‍ර, හදි හූනියම්, ගුරුකම් සහ තවත් බොහෝ දෑ සමඟින් මනස තුළ අමුතුම ආකාරයක චිත්‍රයක් මවා පාගෙන සිටිනවා යැයි වික්‍රමසිංහයන්ට අවබෝධ විය. ඔහු හමුවූ අවස්ථාවේ සිට ක්‍රමිකව වික්‍රමසිංහ තුළ පැළපදියම් වූ මේ හුදෙකලා පුද්ගලයා නොයෙක් කතා බහ අවසානයේ ඔහුගේ පෑන් තුඩින් යළි උපන්නේ ‘විරාගයේ’ අරවින්ද ජයසේන ලෙසිනි. ඒ අයුරින් මාර්ටින් වික්‍රමසිංහයන්ගේ විරාගය නවකතාව ලියැවිණි. විරාගය නවකතාවක් වීමෙන් අනතුරුව පැමිණියේ විරාගයේ දෙවැනි කාල වකවානුවයි. එනම් විරාගය සිනමා පටයක් ලෙස ඇරඹීමේ මෙහෙයුමයි.

මේ ආකාරයෙන් සිනමාපටයක් ආරම්භ කිරීමට කටයුතු සුදානම් වුවද විරාගය නවකතාව සිනමාවට නැඟිය නොහැකිය යන විවිධ මතවාද පැන නගින්නට විය. එහෙත් ඒ සියලු කතා බහ මැද තිස්ස අබේසේකර විසින් විරාගයට තිර පිටපත ලියන ලද්දේ ලෙස්ටර් ජේම්ස් පීරිස් විසින් අධ්‍යක්ෂණය කරනු ලැබීමට ලක ලෑස්ති වූ විරාගය සිනමා පටය සඳහාය. ඔහුගේ අරවින්ද වූයේ ටෝනිය. නමුත් සිනමා පටය ආරම්භයක් නම් නොවීය. එය එක තැන ලොප් විය. කෙසේ හෝ කලකට පසුව යළිත් සිනමා පටයේ ආරම්භයේ ඡායාවක් මතුවිය. චිත්‍රපටය ආරම්භ කිරීමට අතගැසුවේ තිස්ස අබේසේකරය. චිත්‍රපට පිටපතද ඔහුගේය. ලෙස්ටර්ගේ අරවින්ද ටෝනි වුවත් තිස්සගේ අරවින්ද වූයේ සනත්ය. දෙවෙනි කැළැඹීම ඇති වූයේ එතැනදීය.

"සනත් ගුණතිලක වගේ කෙනෙක්ට පුළුවන්ද අර වගේ ප්‍රබල චරිතයකට පණ දෙන්න "
එය වටින් ගොඩින් ආ කතාවයි. එසේත් නැතිනම් තවත් කෙනකු සිතෙහි තබාගෙන හුන් කතාවයි. තවත් අය තැන් තැන්වල කතා කළ මාතෘකාවයි. කෙසේ වුවද කවුරු කවරාකාරයෙන් නිගමනවලට පැමිණියද තිස්ස අබේසේකර අධ්‍යක්ෂණය කළ විරාගයේ අරවින්ද වන්නට සනත් ගුණතිලක සමත් විය. මේසා කාලයක නැටුම්, ෆයිට් ගීත අතරේ සැරිසැරූ සනත්ට පැවරුණේ බැරෑරුම් කාර්යයකි.

එතැන් සිට ‘අරවින්ද ජයසේන’ මෙසේ විය.
අරවින්දගේ පෙම්වතිය සරෝජිනී විය. මේ ප්‍රේම කතාව ගලා යන අතරේ සරෝජනී ඔහුට යෝජනා කරන්නේ තමන් දෙදෙනා එක්විය යුතු බවයි. නමුත් හෙළ සිරිතට ගරු කරන අරවින්ද ජයසේන එයට කැමැත්තක් නොදක්වයි. එහි අහිතකර ප්‍රතිඵලය වන්නේ සරෝජනී අන් අයකු හා විවාහ වීමයි. එතැන් සිට අරවින්ද ක්‍රමිකව බතීට යම් කුළුපගුකමක් දක්වයි. එය කවර ලෙසකින්ද කිවහොත් බතීගේ යම් සම්බන්ධතාවක් සැලවීමෙන් ඔහු කිපීමට පවා පත්වෙයි. අරවින්ද බතීට ඇලුම් කළද අවසානයේ බතීව විවාහ කර දෙන්නේද අරවින්දමය.

ඒ අරවින්දය. සනත් ගුණතිලක මේ සමය වන විට වාණිජ චිත්‍රපට අතර ඉතා ජනප්‍රිය තලයේ හුන් නළුවෙකි. චිත්‍රපටයක පෙම්වතාට වටින්නේ තම රූ සපුවයි. කඩවසම් බවයි. නමුත් ඔහු ඒ සියල්ල අතහැර විරාගය හා සම්බන්ධ වූයේ සියල්ලම අනිත්‍ය බව පසක් කරනා අරවින්ද ජයසේන මෙනි.

විරාගය සම්බන්ධයෙන් කතා කරනා ඕනෑම අයකුට කතා කළ හැකි ප්‍රබලම චරිතය වන්නේ අරවින්දය. එමෙන්ම එහි ප්‍රකටම කරුණ වන්නේ චිත්‍රපටයේ අවසානය තෙක්ම සනත් කළ කැපවීමය. චිත්‍රපටය අවසාන වන විට සනත් කෘෂ ශරීරයක් ඇත්තකු විය. සනත් ඒ ආකාරයේ චරිතයක් කරනා තුරු එතෙක් මෙතෙක් ලාංකේය සිනමාවේ එවැනි අවදානමක් සහිතව ශරීරයට පීඩාවක් ගෙන දෙමින් චරිතයක් කළ ඇත්තකු වේදැයි සැක සහිතය.
අබේසේකරගේ තිර පිටපතට සාධාරණයක් කිරීමට අරවින්ද ජයසේනගේ භූමිකාවට සමවැදුණු සනත් ගුණතිලකට හැකිවූවා යැයි, එවකට සිනමා විචාරකයන් කිහිප දෙනෙක්ම තම විචාරයන්හි සඳහන් කර තිබිණි. අරවින්ද ජයසේන සියලු දේ අනිත්‍ය බව පසක් කරමින් තම ජීවන යාත්‍රාව පදවමින් දිවි ගෙවුවා යයි හැඟේ. සරෝජා තමා අතහැර ගිය පසු බතීට ඇලුම්කම් දැක්වූ ඔහු අවසානයේදී බතීවද විවාහ කර දුන්නේය. නමුත් අපට මේ මොහොතේ අසන්නට ඇත්තේ එකම එක පැනයකි එනම්,
"අරවින්ද බතීට තවමත් ආදරෙයිද?"

©️RAJITHA BASNAYAKE

Viragaya
Film No : 652
Released Date : 1987-11-06
Colorimeter : Colour
Video Format : 35 mm

28/03/2024

https://www.facebook.com/profile.php?id=61557147856404&mibextid=LQQJ4d

ගාමිණීගේ සෞන්දර්ය
----------------------------
ලාංකේය සිනමාවේ මහා නළුවා කවුරුන්දැයි කෙනෙකු ඇසුවොත් එක හෙලාම කීමට ඇත්තේ ගාමිණී ෆොන්සේකා බවයි. 1956දී රේඛාව චිත්‍රපටයේ දර්ශනයකට පෙනී සිටීමත් සමඟින් සිනමාවට පිවිසි ගාමිණී මිය යන විට චිත්‍රපට 113 කට තම රංග දායකත්වය සපයා තිබිණි. ඒ අතුරින් චිත්‍රපට ගණනාවකම ඔහු රංගනයෙන් සම්බන්ධ වූ චරිත ඉතා ඉහළ ජනප්‍රියත්වයක් ලබාගන්නට සමත් වූයේය.

එමෙන්ම වික්ටර් රත්නායක යනු ශ්‍රී ලාංකේය ගමන්මග නොමැකෙන සළකුණු සනිටුහන් කළ සංගීත ශිල්පියෙකි. ඒ මන්ද යත් ලංකාවේ පළමු වතාවට ගායන ශිල්පියෙකු පවත්වනු ලැබූ ඒක පුද්ගල සංගීත දැහැන 1973 දී වික්ටර් ඉරිපත් කිරීමත් සමගිනි.

කලාකරුවා යනු රාමුගත කරන ලද එක් අංශයකට කොටු නොවී තම හැකියාවන් ඒ ආශ්‍රිත සියලු මාධ්‍ය ඔස්සේ විහිදුවා හැරිය හැකි අපූරුතම චරිතයකි. එය ඒ ආකාරයෙන්ම ඉටු කරනු ලැබූ චරිතයක් ලෙස ගාමිණී ෆොන්සේකා නම් රංගදරයා හැඳින්විය හැකිය. වර්තමානයේ බොහෝවිට තමන් සම්බන්ධ අංශයෙන් එපිට අංශවලින් හැකියාවන් ප්‍රදර්ශනය කළ හැකි නළුවකු හෝ නිළියක සිටිනවා දැයි සැක සහිතය. මන්ද බහුතරයකට තමන්ට අදාළ දී සම්බන්ධයෙන් වූ දැනුමක් නොමැති කල අනෙකුත් දෑ සම්බන්ධයෙන් දක්ෂතා පෙන්නුම් කිරීම උගහටය. ඉදිරිපත් කිරීම් සිය ගණනක් වුව සිදු කළ හැකි මුත් දක්ෂතා පෙන්නුම් කිරීම සිදුකළ හැක්කේ එහෙමත් අයෙකුටය. ගාමිණී ෆොන්සේකා එවන් චරිතයකි

සිංහල සිනමාවේ මහා නළුවාගේ
ළගන්නා සුළු පද රචනයෙන් ද වික්ටර් රත්නායකගෙ මියුරු සංගීතයෙන් යුත් ඔහුගේ ආදරණීය හඬත් සමගින් මෙම ගීතය බොහෝ දෑ ඔබ සමග පවසාවි.

මේ ගාමිණී ෆොන්සේකා නම් වූ රංගධරයා ගේ සෞන්දර්ය චාරිකාවේ එක් සංධිස්ථානයක් පමණි. ඉතිං මොහොතකට ඒ හා සම වදින්න.

අහිමි වුණත් නුඹ ලඳේ මට
අඬන්න අවසර නෑ
වෙලෙන් එහා ඉඳ
නුඹේ සුවඳ වත
එතී ආ සුළං
මගෙ මුව සිම්බා....

නොපැතූ අතකට
අතදුන් දවසේ
හෙළු දුක් සුසුම්
මගෙ මුව සිම්බා
අහිමි වුනත් නුඹ ලඳේ...

නුඹ කැන්දන් ගිය
මංගල රිය නැඟි
දූලි වලාවෝ
මගෙ මුව සිම්බා
අහිමි වුනත් නුඹ ලඳේ...

කියාගන්න බැරි
දුකක් නිවන්නට
නෙත හෙළු කඳුළක්
මගෙ මුව සිම්බා
අහිමි වුණත් නුබ ලඳේ.

ඒ වික්ටර් රත්නායකයන් හා ගාමිණි ගාමිණී සිතෙහි උපන් ගී සෞන්දර්ය බෙදාගත් අයුරුය. නමුත් මීට පෙර එක්දහස් නවසිය හැත්තෑ නවයේදි "සරුංගලය" චිත්‍රපටය සඳහා ගාමිණී ගීතයක් රචනා කොට තිබුණේය. වික්ටර් රත්නායක විසින් සංගීතවත් කොට තිබූ එම ගීය ගායනා කරන මෙතුවක් කලකට ලංකාවට බිහිවූ අමරණීයම ගායක යුවළක් වූ පණ්ඩිත් අමරදේවයන් සහ නන්දා මාලනී යයි.

" බඹරිඳු බඹරිඳු
කුමට වඩින්නේ
වන මල් කැකුළිය
සොයා වඩින්නේ
වනමල් කැකුළිය
කුමට සොයන්නේ
ලැබුණොත් ඇය පෙම්
පවස නිවෙන්නේ..."

ඉතින් සරුංගලේහි නඩරාජා මහත්තයාත් ගම්පෙරළියේ ජිනදාසත් පරසතුමල්හි බොනී මහත්තයා මෙන්ම චන්ඩියාහි චුට්ටේත් හුලවාලිහි ධාරාත් යුගාන්තයේ සයිමන් කබලානත් නොයෙක් ලෙසින් ඔබ සිත්හි පැලපදියම්ව විවිධ චරිතයන් රඟදැක් වූවාට සැකයක් නැත. නමුත් සිනමා සක්විති ගාමිණී, ගාමිණී ෆොන්සේකා නම් වූ ගී පද රචකයා ලෙසින් ඔබ සවන් පතිත ගීවැල් අතර රැඳී හුන්නායැයි ඔබ මොහොතකටවත් සිතුවාද?

ඒ ගාමිණීගේ සෞන්දර්යයි

©️RB

27/08/2023

❤️

Shani..
ඉතාලි ගිය cartoon එක

Open For orders

✅contact
whatsapp no -076 945 1381

✅Like & Share,

22/08/2023

When talking about reality shows, the first name comes to our mind is Nilendra Deshapriya. When talking about Superstar, nilendra's name was mostly read there. However, before that he was the number one assistant director in Sri Lanka.

නිලේන්ද්‍ර නම් රියැලිටි ෂෝ .රියලිටි ෂෝ නම් නිලේන්ද්‍ර. ඒ නම තමයි කාගෙත් මුලින්ම මතකයට එන නම. සුපර්ස්ටාර් ගැන කතා කරනකොට වැඩි වශයෙන්ම එතැනදී කියවුනේ නිලේන්ද්‍ර දේශප්‍රිය ගැන..ඒ වුණත් ඊට පෙර කාලයේදී ඔහු ලංකාවේ හිටිය අංක එකේ චිත්‍රපට සහාය අධ්‍යක්ෂවරයෙක්.

Nilendra Deshapriya

Open For orders

✅contact
whatsapp no -076 945 1381

✅Like & Share

19/08/2023

It is said that the best vision is the first vision. We also remember the first look we saw, no matter how different the person's appearance. This is the memory. We read the "wassana sihinaya" when Sir was like this

ඔව් ඉතින් මේ ඒ කාලෙ. හොඳම දැක්ම පළමු දැක්ම කියලා කියනවා නේ. ඒ වගේම තමයි අපේ මතකෙ තියෙන්නෙත් හැඩරුව කවරාකාරයෙන් වෙනස් වුණත් අපි දැකපු මුල්ම පෙනුම. ඒ මතකය තමයි මේ. අපි වස්සාන සිහිනය කියෙව්වේ සර් මෙන්න මේ විදියට ඉන්නකො⁣ට. ඉතින් මේ ඒ කාලෙ. දැන් කාලෙ ඒව පසුකාලෙක 🙃😊
Upul shantha sannasgala

Open For orders
✅contact
whatsapp no -076 945 1381

✅Like & Share




Upul Shantha Sannasgala

15/08/2023

🖤⭕️

Open For orders

✅contact
whatsapp no -076 945 1381

✅Like & Share

10/08/2023

✔️🖤

Open For orders

✅contact
whatsapp no -076 945 1381

✅Like & Share

19/07/2023

🌸

19/07/2023

▶️

19/07/2023

❤️❤️

19/07/2023

🌸🌸