ຫຼັງກ້ອງ - LangKorng: The Photographic Society of Laos

ປະຫວັດໂດຍຫຍໍ້
---------------------
ກຸ່ມຖ່າຍພາບຫຼັງກ້ອງກໍ່ຕັ້ງຂື້ນໃນເດືອນ ມີນາ 2010 ໂດຍມີຈຸດປະສົງເພື່ອຮວບຮວມເອົາບຸກຄົນທີ່ມີຈິດໃຈຮັກມັກ ໃນດ້ານຖ່າຍພາບ ກໍ່ຄືຄວາມຕ້ອງການຢາກພັດທະນາປະເທດຕາມຄວາມສາມາດຂອງຕົນເອງຜ່ານການຖ່າຍພາບ ແລະ ເຜີຍແຜ່ໃຫ້ຊາວໂລກໄດ້ເຫັນຄວາມງາມຂອງປະເທດລາວຢ່າງແທ້ຈີງ. ດ້ວຍຄວາມຕັ້ງໃຈອັນໜັກແໜ້ນ ປະກອບກັບຄວາມຫ້າວຫັນຂອງສະມາຊິກຫຼັງກ້ອງ, ໃນຊ່ວງ 5 ປີທີ່ຜ່ານມາ ຫຼັງກ້ອງໄດ້ຈັດຫຼາກຫຼາຍກິດຈະກຳ ເພື່ອສົ່ງເສີ

ມສັງຄົມລາວເຊັ່ນ: ງານລະດົມທຶນຊ່ວຍເຫຼືອຜູ້ປະສົບໄພນ້ຳຖ້ວມ 3 ແຂວງພາກໃຕ້ປີ 2011, ຈັດງານຝຶກອົບຮົມເຕັກນິກການຖ່າຍພາບໃຫ້ແກ່ນັກຂ່າວລາວຈາກ 12 ສຳນັກພິມ ຮ່ວມກັບສະຖານທູດອາເມລິກາ ປີ 2012, ງານວາງສະແດງຮູບພາບໃນຫົວຂໍ້ ລາວມື້ນີ້ ແລະ ກິດຈະກຳຝຶກອົບຮົມຖ່າຍພາບອື່ນໆ.
ຄວາມໝາຍຂອງຊື່ “ຫລັງກ້ອງ”
ຄຳວ່າ "ຫຼັງກ້ອງ" ທີ່ເປັນຊື່ຂອງກຸ່ມກໍ່ມີຄວາມໝາຍວ່າ "ການຖ່າຍພາບໜື່ງໃຫ້ງາມໄດ້ນັ້ນ ບໍ່ຈຳເປັນຕ້ອງມີອຸປະກອນເປັນແສນ, ເປັນລ້ານ...ແຕ່ແທ້ຈີງແລ້ວ, ມັນຂື້ນຢູ່ກັບຄວາມຄິດ ແລະ ຄວາມເຂົ້າໃຈຂອງຜູ້ທີ່ຢູ່ເບື້ອງຫຼັງກ້ອງຕ່າງຫາກ.ເຊີ່ງກໍ່ຍອມຕ້ອງເປັນຄົນທີ່ມີໃຈມັກ ຮັກ ແລະ ຍອມທຸ່ມເທຕົນເອງເພື່ອສົ່ງຕໍ່ພາບແຫ່ງຄວາມສຸກ ແລະ ມູມມອງອັນແຕກຕ່າງໃຫ້ຜູ້ອື່ນໄດ້ສຳຜັດນຳອີກດ້ວຍ”.