https://www.facebook.com/102473466255342/

Poss-ອັບເດດ

ຂ່າວສານການເມືອງ

04/11/2023

พนักงานรัฐเรี่มลาออกหลายคน เงินเดือนหน้อยสู้เงินเฟ้อไม่ไหว

02/11/2023

สสช ยุดการสร้างเขื่อนไฟฟ้าแล้วส่งเสรีมการท่องเที่ยวแทน

09/10/2023

ຂໍ້ຕົກລົງ ກະຊວງການເງິນ ເລກທີ 0200/ກງ ວ່າດ້ວຍກຳນົດໝາຍການໃຊ້ຈ່າຍງົບປະມານຂອງລັດ, ການປະຢັດ ແລະ ຕ້ານການຟູມເຟືອຍ.

05/10/2023

ວັນທີ 05 ຕຸລາ 2023, ໄດ້ມີພິທີມອບ-ຮັບໜ້າທີ່ ເລຂາຄະນະບໍລິຫານງານພັກແຂວງ ເຈົ້າແຂວງຫົວພັນ (ຜູ້ເກົ່າ) ແລະ ເລຂາຄະນະບໍລິຫານງານພັກແຂວງ ວ່າການເຈົ້າແຂວງຫົວພັນ (ຜູ້ໃໝ່)".

ທ່ານ ຄຳແພງ ໄມສົມແພງ ລັດຖະມົນຕີສຳນັກງານນາຍົກ ຂື້ນເປັນວ່າເຈົ້າແຂວງຫົວພັນຜູ້ໃໝ່ ແທນ ທ່ານ ວັນໄຊ ແພງຊຸມມາ.

05/10/2023

ຂ່າວດ່ວນ!!!.

ວັນທີ 05 ຕຸລາ 2023, ໄດ້ມີພິທີມອບ-ຮັບໜ້າທີ່ ເລຂາຄະນະບໍລິຫານງານພັກແຂວງ ເຈົ້າແຂວງອັດຕະປື (ຜູ້ເກົ່າ) ແລະ ເລຂາຄະນະບໍລິຫານງານພັກແຂວງ ວ່າການເຈົ້າແຂວງອັດຕະປື (ຜູ້ໃໝ່)".

ທ່ານ ພົຕ ວັນທອງ ກອງມະນີ ກຳມະການສູນກາງພັກ ເລຂາຄະນະບໍລິຫານງານພັກແຂວງ ແລະ ວ່າການເຈົ້າແຂວງອັດຕະປື (ຜູ້ໃໝ່, ຍົກຍ້າຍຈາກ ຮອງລັດຖະມົນຕີກະຊວງປ້ອງກັນຄວາມສະຫງົບສຸກ).

05/10/2023

ອັດຕາແລກປ່ຽນມື້ນີ້ 05.10.2023

04/10/2023

ຂ່າວດີ! ປັບລົງລາຄານ້ຳມັນແອັດຊັງ
ແຕ່ລາຄານ້ຳມັນກະຊວນຂື້ນ.

04/10/2023

ອັດຕາແລກປ່ຽນມື້ນີ້ 04.10.2023.

03/10/2023

ແມ່ນຄວາມເພີ່ນເວົ້າ.

03/10/2023

ລາວ-ບຣູໄນ ຍົກລະດັບສາຍພົວພັນ ຂຶ້ນເປັນຄູ່ຮ່ວມຍຸດທະສາດ.
=================
ໂດຍຕອບສະໜອງຕາມຄໍາເຊື້ອເຊີນຂອງ ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ, ສົມເດັດ ຊຸນຕານ ຮາຈິ ຮັດຊານານ ໂບນເກຍ ແຫ່ງ ບຣູໄນ ແລະ ຄະນະຜູ້ແທນຂັ້ນສູງ ໄດ້ເດີນທາງມາຢ້ຽມຢາມທາງລັດຖະກິດ ທີ່ ສປປ ລາວ ແຕ່ວັນທີ 2-4 ຕຸລາ 2023 ເພື່ອເພີ່ມທະວີຮັດແໜ້ນສາຍພົວພັນມິດຕະພາບ ແລະ ການຮ່ວມມື ທ່າມກາງການສະເຫລີມສະຫລອງ ການສ້າງຕັ້ງສາຍພົວພັນການທູດລະຫວ່າງ ສອງປະເທດ ລາວ-ບຣູໄນ ຄົບຮອບ 30 ປີ.

ພິທີຕ້ອນຮັບຢ່າງເປັນທາງການ ໄດ້ຈັດຂຶ້ນຢ່າງສົມກຽດ ທີ່ ທໍານຽບປະທານປະເທດ, ໃນຕອນເຊົ້າຂອງວັນທີ 3 ຕຸລາ 2023, ພາຍຫລັງສໍາເລັດພິທີ ທ່ານ ທອງລຸນ ສີສຸລິດ ແລະ ສົມເດັດ ຊຸນຕານ ຮາຈິ ຮັດຊານານ ໂບນເກຍ ແຫ່ງ ບຣູໄນ ໄດ້ນໍາພາຄະນະຜູ້ແທນຂັ້ນສູງຂອງທັງສອງປະເທດ ພົບປະສອງຝ່າຍຢ່າງເປັນທາງການ ເພື່ອປຶກສາຫາລື ແລະ ທົບທວນຄືນການພົວພັນຮ່ວມມືສອງຝ່າຍ ໃນໄລຍະ 30 ປີຜ່ານມາ ພ້ອມທັງກໍານົດທິດທາງການຮ່ວມມືໃນຕໍ່ໜ້າ.

ໂອກາດນີ້, ທ່ານ ປະທານປະເທດ ທອງລຸນ ສີສຸລິດ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການເດີນທາງມາຢ້ຽມຢາມທາງລັດຖະກິດ ທີ່ ສປປ ລາວ ຂອງ ສົມເດັດ ຊຸນຕານ ຮາຈິ ຮັດຊານານ ໂບຍເກຍ ແຫ່ງ ບຣູໄນ ໃນຄັ້ງນີ້ ເຊິ່ງຖືວ່າເປັນການເດີນທາງຢ້ຽມຢາມລັດຖະກິດ ຄັ້ງທີ 3 ທີ່ ສປປ ລາວ ນັບແຕ່ສອງປະເທດ ໄດ້ສ້າງຕັ້ງສາຍພົວພັນການທູດຮ່ວມກັນ ໃນປີ 1993 ເປັນຕົ້ນມາ.
ການຢ້ຽມຢາມຄັ້ງນີ້ ຍັງມີຄວາມໝາຍຄວາມສໍາຄັນ ແລະ ເປັນຂີດໝາຍປະຫວັດສາດອັນສໍາຄັນອີກບາດກ້າວໜຶ່ງ ໃນການເພີ່ມທະວີຮັດແໜ້ນ ສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງສອງປະເທດ ກໍຄື ປະຊາຊົນສອງຊາດ ທີ່ມີມາແຕ່ດົນນານແລ້ວນັ້ນ ໃຫ້ສະໜິດແໜ້ນຍິ່ງໆຂຶ້ນ. ພ້ອມນີ້, ທ່ານປະທານປະເທດ ແຫ່ງ ສປປ ລາວ ໄດ້ຕາງໜ້າໃຫ້ປະຊາຊົນລາວບັນດາເຜົ່າ ສະແດງຄວາມຂອບໃຈ ແລະ ຮູ້ບຸນຄຸນຕໍ່ການສະໜັບສະໜູນຊ່ວຍ ເຫລືອຂອງ ລັດຖະບານ ບຣູໄນ ໃຫ້ແກ່ ສປປ ລາວ ໃນຕະຫລອດໄລຍະຜ່ານມາ ໂດຍສະເພາະໃນຂົງເຂດການສຶກສາ ແລະ ການພັດທະນາຊັບພະຍາກອນມະນຸດ ລວມທັງການເປັນປະທານອາຊຽນຂອງ ສປປ ລາວ ໃນຄັ້ງຜ່ານມາ ແລະ ໃນປີ 2024 ທີ່ຈະມາເຖິງນີ້.

ໂອກາດພົບປະຄັ້ງນີ້, ຜູ້ນໍາສອງປະເທດ ລາວ-ບຣູໄນ ໄດ້ແຈ້ງສະພາບການພັດທະນາເສດ ຖະກິດ-ສັງຄົມ ພາຍໃນປະເທດໂດຍຫຍໍ້ໃຫ້ກັນຊາບ, ໄດ້ຕີລາຄາສູງຕໍ່ການພົວພັນດ້ານການເມືອງຂອງສອງປະເທດ ທີ່ຢູ່ບົນພື້ນຖານຄວາມເຂົ້າອົກເຂົ້າໃຈກັນ, ມີຄວາມເຊື່ອໝັ້ນ, ສະໜັບສະໜູນ ແລະ ແລກປ່ຽນທັດສະນະເຊິ່ງກັນ ແລະ ກັນ ຢູ່ເວທີພາກພື້ນ ແລະ ສາກົນ, ພ້ອມທັງມີການແລກປ່ຽນຢ້ຽມຢາມກັນຢ່າງເປັນປົກກະຕິ ຂອງການນໍາຂັ້ນສູງຂອງສອງປະເທດ ມາໂດຍສະ ຫລອດ. ພິເສດ, ໃນໂອກາດສະເຫລີມສະຫລອງ 30 ປີ ແຫ່ງການສ້າງຕັ້ງສາຍພົວພັນການທູດ ລາວ-ບຣູໄນ ແລະ ໃນໂອກາດການຢ້ຽມຢາມທາງລັດຖະກິດຂອງ ສົມເດັດ ຊຸນຕານ ແຫ່ງ ບຣູໄນ ໃນຄັ້ງນີ້, ສອງປະເທດ ໄດ້ເຫັນດີເປັນເອກະພາບກັນ ຍົກລະດັບການພົວພັນຂຶ້ນເປັນ ຄູ່ຮ່ວມຍຸດທະສາດ, ອັນໄດ້ສ່ອງແສງໃຫ້ເຫັນເຖິງຄວາມມຸ່ງມາດປາຖະໜາຂອງສອງລັດ ແລະ ປະຊາຊົນສອງຊາດ ລາວ-ບຣູໄນ ໃຫ້ມີການພົວພັນທີ່ເລິກເຊິ່ງ ແລະ ສະໜິດແໜ້ນກວ່າເກົ່າ. ສອງຝ່າຍ ໄດ້ເຫັນດີຈະສືບຕໍ່ສົ່ງເສີມການຮ່ວມມືດ້ານເສດຖະກິດ ກໍຄື ການຄ້າ ແລະ ການລົງທຶນ ໃຫ້ຫລາຍຂຶ້ນ ໂດຍສະເພາະແມ່ນຂະແໜງການທີ່ສອງຝ່າຍມີທ່າແຮງ ເປັນຕົ້ນ ການບໍລິການຂົນສົ່ງ, ການກະສິກໍາສະ ອາດ, ການຜະລິດສິນຄ້າເພື່ອສົ່ງອອກ, ພະລັງງານ, ການທ່ອງທ່ຽວສີຂຽວ ແລະ ອື່ນໆ. ນອກຈາກນັ້ນ, ສອງຝ່າຍ ຍັງໄດ້ແລກປ່ຽນຄໍາຄິດຄໍາເຫັນຕໍ່ສະພາບການພາກພື້ນ ແລະ ສາກົນ ທີ່ສອງຝ່າຍມີຄວາມສົນໃຈ.

ໂອກາດດຽວກັນ, ສົມເດັດ ຊຸນຕານ ຮາຈິ ຮັດຊານານ ໂບຍເກຍ ແຫ່ງ ບຣູໄນ ກໍໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນໃນຄັ້ງນີ້ ແລະ ສະແດງຄວາມປິຕິຍິນດີເປັນຢ່າງຍິ່ງທີ່ ລັດຖະບານ ແຫ່ງ ສປປ ລາວ ໄດ້ຕົກລົງເຫັນດີປະດັບຫລຽນຄໍາແຫ່ງຊາດ ໃຫ້ຕົນເອງໃນຄັ້ງນີ້ ເຊິ່ງສະແດງເຖິງການພົວພັນຮ່ວມມືສອງຝ່າຍ ມີຄວາມໃກ້ຊິດກັນຫລາຍຂຶ້ນ. ສົມເດັດ ຊຸນຕານ ຢືນຢັນວ່າ ບຣູໄນ ຈະສືບຕໍ່ສະໜັບສະໜູນ ສປປ ລາວ ໃນການເປັນປະທານອາຊຽນ ໃນປີ 2024 ໃຫ້ມີຜົນສໍາເລັດຢ່າງຈົບງາມ.

ພາຍຫລັງສໍາເລັດການພົບປະ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ແລະ ສົມເດັດ ຊຸນຕານ ຮາຈິ ຮັດຊານານ ໂບຍເກຍ ແຫ່ງ ບຣູໄນ ກໍໄດ້ຮ່ວມກັນລົງນາມຖະ ແຫລງການຮ່ວມ ວ່າດ້ວຍ ຄູ່ຮ່ວມຍຸດທະສາດ ລາວ-ບຣູໄນ. ຫລັງຈາກນັ້ນ, ທ່ານ ທອງລຸນ ສີສຸລິດ ກໍໄດ້ຕາງໜ້າໃຫ້ລັດຖະບານ ແຫ່ງ ສປປ ລາວ ປະດັບຫລຽນຄໍາແຫ່ງຊາດ ໃຫ້ແກ່ ສົມເດັດ ຊຸນຕານ ຮາຈິ ຮັດຊານານ ໂບຍເກຍ ແຫ່ງ ບຣູໄນ ເພື່ອເປັນການສ່ອງແສງໃຫ້ເຫັນເຖິງຄວາມຮູ້ບຸນຄຸນອັນເລິກເຊິ່ງ, ເປັນການຍ້ອງຍໍສັນລະເສີນ ແລະ ການຕີລາຄາສູງຂອງ ລັດຖະບານ ແລະ ປະຊາຊົນລາວບັນດາເຜົ່າ ຕໍ່ການປະກອບສ່ວນຂອງ ສົມເດັດ ຊຸນຕານ ທີ່ຍາມໃດກໍເອົາໃຈໃສ່ຖະນຸບໍາລຸງ ແລະ ເສີມຂະຫຍາຍສາຍພົວພັນຮ່ວມມືຂອງສອງປະເທດ ຕະຫລອດໄລຍະ 30 ປີຜ່ານ ມາ ພ້ອມທັງໃຫ້ການສະໜັບສະໜູນ ໃຫ້ແກ່ ສປປ ລາວ ມາໂດຍຕະຫລອດ.
ໃນຕອນເຊົ້າວັນດຽວກັນ, ສົມເດັດ ຊຸນຕານ ແລະ ຄະນະ ກໍໄດ້ໄປວາງພວງມາລາ ຢູ່ ອະນຸສາວະລີນັກຮົບນິລະນາມ ເພື່ອສະແດງຄວາມເຄົາລົບ ແລະ ລະນຶກເຖິງອ້າຍນ້ອງທະຫານນັກຮົບ ທີ່ໄດ້ຕໍ່ສູ້ເສຍສະຫລະເລືອດເນື້ອ ເພື່ອປະເທດຊາດ ແລະ ປະຊາຊົນ ໃນສະໄໝສົງຄາມ.

02/10/2023

ຫົວໜ້າຄະນະພົວພັນຕ່າງປະເທດສູນກາງພັກ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ສ.ຣັດເຊຍ.
===========
ຕອບສະໜອງຕາມການເຊື້ອເຊີນຂອງຝ່າຍຣັດເຊຍ, ທ່ານ ທອງສະຫວັນ ພົມວິຫານ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມມິດຕະພາບ ແລະ ເຮັດວຽກ ໃນລະຫວ່າງວັນທີ 21-22 ກັນຍາ 2023 ຢູ່ ສະຫະພັນຣັດເຊຍ ໂດຍໄດ້ຮັບກຽດຮັບຕ້ອນ ຈາກ ທ່ານ ຣຸດສະຕາມ ມີນີຄານົບ, ປະທານສາທາລະນະລັດ ຕາຕາສະຖານ ແຫ່ງ ສະຫະພັນຣັດເຊຍ.

ໃນການພົບປະສອງຝ່າຍ, ທ່ານ ທອງສະຫວັນ ພົມວິຫານ ໄດ້ແຈ້ງສະພາບໂດຍສັງເຂບກ່ຽວກັບການພັດທະນາເສດຖະກິດ-ສັງຄົມຂອງ ສປປ ລາວ, ພ້ອມທັງຕີລາສູງຕໍ່ການພົວພັນຮ່ວມມືທີ່ມີມາແຕ່ດົນນານລະຫວ່າງ ສປປ ລາວ ແລະ ສະຫະພັນຣັດເຊຍ; ສອງປະເທດມີການພົວພັນທາງດ້ານການເມືອງທີ່ດີ ແຕ່ການຮ່ວມມືທາງດ້ານເສດຖະກິດ, ການຄ້າ ຍັງຈະຕ້ອງສືບຕໍ່ຊຸກຍູ້ໃຫ້ຂະຫຍາຍຕົວຫຼາຍຕື່ມອີກ; ໄດ້ສະເໜີໃຫ້ ລັດຕາຕາສະຖານ ພິຈາລະນາຊ່ວຍພັດທະນາຊັບພະຍາກອນມະນຸດ ເປັນຕົ້ນແມ່ນ ການພັດທະນາວິຊາຊີບ, ສົ່ງເສີມຂະແໜງອະຊິວະສຶກສາ (ຊັ້ນກາງ), ການຮ່ວມມືລະຫວ່າງທ້ອງຖິ່ນ ໂດຍສະເພາະແມ່ນການໄປມາຫາສູ່ລະຫວ່າງປະຊາຊົນຂອງສອງຝ່າຍ, ການທ່ອງທ່ຽວ, ການຮ່ວມມືດ້ານພະລັງງານ, ອຸດສາ ຫະກຳ, ການຄ້າ ແລະ ເຕັກໂນໂລຊີ ເຊິ່ງຝ່າຍຕາຕາສະຖານມີທ່າແຮງອັນໃຫຍ່ອັນຫລວງໃນດ້ານນີ້.

ໃນໂອກາດດັ່ງກ່າວ, ທ່ານ ມີນີຄານົບ ໄດ້ຕີລາຄາສູງຕໍ່ການຢ້ຽມຢາມຂອງຄະນະຜູ້ແທນ ສປປ ລາວ ໃນຄັ້ງນີ້, ພ້ອມທັງມີຄວາມຍິນດີທີ່ຈະເສີມຂະຫຍາຍການຮ່ວມມືດ້ານຕ່າງໆກັບ ສປປ ລາວ ຕາມການສະເໜີ ແລະ ທ່າແຮງບົ່ມຊ້ອນຂອງລັດຕາຕາສະຖານ ແລະ ຍິນດີທີ່ຈະຢ້ຽມຢາມ ສປປ ລາວ ໃນເວລາທີ່ເໝາະສົມ.

ນອກຈາກນັ້ນ, ຫົວໜ້າຄະນະພົວພັນຕ່າງປະເທດສູນກາງພັກ ຍັງໄດ້ຢ້ຽມຢາມພື້ນຖານການຜະລິດ ແລະ ເສດຖະກິດ ຂອງ ລັດຕາຕາສະຖານ ໂດຍໄດ້ພົບປະກັບຫົວໜ້າສະພາອຸດສະຫະກຳ ແລະ ການຄ້າ, ຫົວໜ້າສຳນັກງານໃຫຍ່ບໍລິສັດນໍ້າມັນ ຕັສ໌ນຽບ (Tatneft), ຫົວໜ້າສູນກາງຂໍ້ມູນການລົງທຶນ, ຫົວໜ້າສຳນັກງານໃຫຍ່ບໍລິສັດຜະລິດລົດບັນທຸກຍີ່ຫໍ້ກາມັດ (KAMAZ), ຢ້ຽມຢາມໂຮງງານເຮືອບິນເຮລີກົບແຕ ແລະ ບູຮານສະຖານທີ່ເປັນມໍລະດົກໂລກ ແລະ ເອກະລັກທາງດ້ານວັດທະນະທຳຕ່າງໆ.

ການມາຢ້ຽມຢາມ ລັດຕາຕາສະຖານ ຂອງຫົວຫົວໜ້າຄະນະພົວພັນຕ່າງປະເທດສູນກາງພັກໃນຄັ້ງນີ້ ຖືເປັນບາດກ້າວ ໃໝ່ທີ່ສຳຄັນ ເພື່ອສ້າງສະພາບແວດລ້ອມທີ່ເອື້ອອຳນວຍ ໃຫ້ແກ່ການເສີມຂະຫຍາຍສາຍພົວພັນມິດຕະພາບທີ່ມີມູນເຊື້ອອັນດີ ງາມລະຫວ່າງ ສປປ ລາວ ແລະ ສະຫະພັນຣັດເຊຍ ກໍຄືໃນສະໄໝສະຫະພາບໂຊວຽດໃນເມື່ອກ່ອນ, ໂດຍສະເພາະແມ່ນແນໃສ່ຊຸກຍູ້ການຮ່ວມມືຂົງເຂດ ການສຶກສາ, ເສດຖະກິດ, ການຄ້າ, ພະລັງງານ, ການລົງທຶນ ແລະ ການທ່ອງທ່ຽວ ກໍຄື ການສ້າງພື້ນຖານສົ່ງເສີມວຽກງານການທູດປະຊາຊົນ (ແຂວງແຮກສ່ຽວ) ລະຫວ່າງ ລັດຕາຕາສະຖານ ແລະ ແຂວງໃດໜຶ່ງຂອງ ສປປ ລາວ ໃນຕໍ່ໜ້າ.

ສາທາລະນະລັດ ຕາຕາສະຖານ ເປັນລັດໜຶ່ງຂອງ ສະຫະພັນຣັດເຊຍ ຕັ້ງຢູ່ພາກກາງຂອງປະເທດດັ່ງກ່າວ, ມີເນື້ອທີ່ 67,847 ກມ2, ມີພົນລະເມືອງ 4 ລ້ານກວ່າຄົນ ເຊິ່ງປະກອບດ້ວຍຊົນເຜົ່າ ຣັດເຊຍ ແລະ ຊົນເຜົ່າ ຕາຕາ ເປັນສ່ວນໃຫຍ່, ເຊື່ອຖືສາສະໜາຄຼິດນິກາຍໂອໂຕດົກ ແລະ ມຸດຊະລິມ. ລັດດັ່ງກ່າວມີພື້ນຖານເສດຖະກິດທີ່ເຂັ້ມແຂງຖັດຈາກນະຄອນຫຼວງມົດສະກູ, ມີການຂະຫຍາຍຕົວທາງອຸດສະຫະກຳ, ກະສິກຳ, ທ່ອງທ່ຽວ ແລະ ການສຶກສາ ດັ່ງນີ້ເປັນຕົ້ນ.

Cr: ຄຕພ

02/10/2023

ພົບຊິງຊັ່ງບໍ່ໄດ້ມາດຕະຖານ 4 ໜ່ວຍ ແລະ ສິນຄ້າໝົດອາຍຸ.
===============
ວັນທີ 28 ກັນຍາ 2023 ທີ່ຜ່ານມານີ້, ອົງການປະຕິບັດວຽກງານກວດກາການຄ້າ ເມືອງປາກກະດິງ ແຂວງບໍລິຄຳໄຊ ໄດ້ລົງລົງຕິດຕາມ, ກວດກາ ສິນຄ້ານອກລະບົບ ແລະ ການລະເມີດກົດໝາຍ-ລະບຽບການ ກ່ຽວກັບການຄຸ້ມຄອງການຄ້າ ຢູ່ຕະຫຼາດທົ່ງນາມີໂຊກມີໄຊ.

ການລົງເຄື່ອນໄຫວໃນຄັ້ງນີ້ໄດ້ເນັ້ນໃສ່ກວດກາ ລາຄາສິນຄ້າ-ລາຄາຊີ້ນຕາມທ້ອງຕະຫຼາດ, ກວດກາຊິງຊັ່ງໜ້ຳໜັກ 150 ກິໂລລົງມາ, ກວດກາການຕິດສະຫຼາກສິນຄ້າເປັນພາສາລາວ-ການຕິດລາຄາເປັນເງິນກີບ, ກວດກາແຫຼ່ງທີ່ມາຂອງອາຫານທະເລສົດ ແຊ່ແຂງ, ກວດກາການການດຳເນີນທຸລະກິດທີ່ບໍ່ຂຶ້ນທະບຽນວິສາຫະກິດຖືກຕ້ອງຕາມລະບຽບກົດໝາຍ ແລະ ສິນຄ້າເສື່ອມຄຸນ.

ເຊິ່ງຜົນການລົງກວດກາຄັ້ງນີ້ ເຫັນໄດ້ວ່າຊິງຊັ່ງບາງໜ່ວຍບໍ່ໄດ້ມາດຖານ, ການຕິດສະຫຼາກ ແລະ ລາຄາສິນຄ້າ ແມ່ນມີພຽງລາຄາຊີ້ນເທົ່ານັ້ນ.

ນອກນີ້, ຍັງໄດ້ກວດພົບສິນຄ້າເສື່ອມຄຸນອີກຈຳນວນໜຶ່ງ. ອົງການປະຕິບັດວຽກງານກວດກາການຄ້າ ເມືອງປາກກະດິງ ຈຶ່ງໄດ້ແນະນຳ, ກ່າວເຕືອນ, ພ້ອມທັງເຮັດບົດບັນທຶກ, ຢຶດຊິງຊັ່ງນ້ຳໜັກຈຳນວນ 4 ໜ່ວຍ ແລະ ສິນຄ້າເສື່ອມຄຸນອີກຈຳນວນໜຶ່ງ ເພື່ອໄປທຳລາຍຖິ້ມ.

02/10/2023

#ດຳລັດວ່າດ້ວຍ
ການແຕ່ງດອງລະຫວ່າງພົນລະເມືອງ
ລາວກັບຄົນຕ່າງປະເທດ, ຄົນຕ່າງດ້າວ ແລະ ຄົນບໍ່ມີສັນຊາດ ສະບັບເລກທີ 184/ລບ, ລົງວັນທີ 10/3/2021 ປະກອບມີ 7 ໝວດ ແລະ ມີ 28 ມາດຕາ.

Address

Vientiane

Website

facebook.com

Alerts

Be the first to know and let us send you an email when Poss-ອັບເດດ posts news and promotions. Your email address will not be used for any other purpose, and you can unsubscribe at any time.