https://www.facebook.com/100269615113531/

ຂ່າວສານລາວ, Vientiane (2024)

28/02/2024

ປກສ ເມືອງຫົງສາ ຈັບໄດ້ພ້ອມຢາໄອສ໌ 1.000 ກິໂລກຼາມ
--------------- +++ ---------------
ວັນທີ 10 ກຸມພາ 2024 ນີ້, ເຈົ້າໜ້າທີ່ ປກສ ເມືອງຫົງສາ ແຂວງໄຊຍະບູລີ ສາມາດຈັບເປົ້າໝາຍຢາເສບຕິດລາຍໃຫຍ່ ໄດ້ ຊື່ ທ້າວ ຄົວເນັງ ຢ້າງ ອາຍຸ 36 ປີ ຢູ່ບ້ານລາວຫຼວງ ເມືອງຫ້ວຍຊາຍ ແຂວງບໍ່ແກ້ວ ພ້ອມຢາໄອສ໌ 33 ເປົາ ລວມນ້ຳໜັກ 1.000 ກິໂລກຼາມ.

12/02/2024

ປກສ ແຂວງບໍ່ແກ້ວ ຢຶດຢາບ້າໄດ້ 8.000.000 ເມັດ
------------- +++ -------------
ວັນທີ 31 ມັງກອນ 2024 ນີ້,ເຈົ້າໜ້າທີ່ ປກສ ເມືອງຕົ້ນເຜີ້ງ ແຂວງບໍ່ແກ້ວ ອອກກວດກາລາດຕະເວນ ລະ ຫວ່າງ ບ້ານໃຫຍ່ສີເມືອງງາມ ຫາ ບ້ານດອນທາດ ເມືອງຕົ້ນເຜີ້ງ ສາມາດຢຶດຢາບ້າໄດ້ ຈຳນວນ 8.000.000 ເມັດ.
ເຈົ້າໜ້າທີ່ ປກສ ແຂວງບໍ່ແກ້ວ ໃຫ້ຮູ້ວ່າ: ໃນມື້ເກີດເຫດ, ເຈົ້າໜ້າທີ່ ກວດກາລາດຕະເວນໄດ້ພົບເຫັນລົດກະ ບະເປົ້າໝາຍ ຂັບຂີ່ມາແຕ່ທາງບ້ານດອນທາດ ຈຶ່ງໄດ້ສະກັດລັດຄັນດັ່ງກ່າວ, ແຕ່ຜູ້ຂັບຂີ່ໄດ້ຈອດລົດ ແລ້ວຍົກປືນສັ້ນໃສ່ເຈົ້າໜ້າທີ່.ຈາກນັ້ນ,ຜູ້ຂັບຂີ່ໄດ້ແລ່ນລົບໜີເຂົ້າປ່າ.
ຜ່ານການກວດກາເບີ່ງລົດຄັນດັ່ງກ່າວ ພົບເຫັນຢາບ້າຢູ່ໃນເປົາລາຍ ຈຳນວນ 40 ເປົາ.ໃນນີ້,ຢູ່ໃນລົດ 28 ເປົາ ແລະ ຢູ່ໃນກະບະລົດ12 ເປົາ,ລວມມີຢາບ້າ ທັງໝົດ 4.000 ມັດ, ເທົ່າກັບ 8.000.000 ເມັດ, ນ້ຳໜັກ 800 ກິໂລກຼາມ.

08/02/2024

ບໍ່ລອດ...! ຖືກຈັບຄາລົດຕູ້ ພ້ອມຢາບ້າ 6.000 ເມັດ
--------------- +++ -------------
ວັນທີ 3 ກຸມພາ 2024, ຕຳຫຼວດຈະລາຈອນ ປກສ ແຂວງຈຳປາສັກ ໄດ້ລົງຕັ້ງຈຸດກວດກາຢູ່ເຂດບ້ານຫຼັກ16 ເມືອງບາຈຽງ ແຂວງຈຳປາສັກ ໄດ້ກັກລົດຕູ້ຮຸນໄດ ສີຂາວ ທະບຽນ ກກ 5256 ອຸດົມໄຊ, ກວດຄົ້ນພົບເຫັນ ຢາບ້າ 6.000 ເມັດ ຊຸກເຊື່ອງໄວ້ຢູ່ພາຍໃນລົດ.
ຜູ້ຖືກຫາ ທັງສອງ ຊື່ ທ້າວແສງດາວ ຫຼື ນ້ອຍ ອາຍຸ 41 ປີ ຢູ່ບ້ານແກແລ ເມືອງປະທຸມພອນ ແລະ ທ້າວ ວັນນີ ຫຼື ແກ ອາຍຸ 42 ປີ ຄົນບ້ານດຽວກັນ.

31/01/2024

ຈັບ 6 ເປົ້າໝາຍຢາ ໄດ້ພ້ອມຂອງກາງ ລວມ 5.275 ເມັດ
---------------- +++ ---------------
ວັນທີ 24 ມັງກອນ 2024 ນີ້, ເຈົ້າໜ້າທີ່ ປກສ ເມືອງປາກຊ່ອງ ແຂວງຈຳປາສັກ ໄດ້ສົມທົບກັບກອງກໍ່ສ້າງຮາກ ຖານ ປກສ ແຂວງ ເຂົ້າຈັບເປົ້າໝາຍຢາເສບຕິດ ສາມາດຈັບໄດ້ 3 ຄົນ ໄປດຳເນີນການສອບສວນຂະຫຍາຍຜົນ.
ຜູ້ຖືກຫາທັງ 3 ຄົນ ຊື່: ນາງ ກອງ ອາຍຸ 28 ປີ ຢູ່ບ້ານເຊນໍ້ານ້ອຍ ມີຢາບ້າ 818 ເມັດ,ເງິນ21.400.000 ກີບ,ຕ້າງ ຫູສີເຫຼືອງຄ້າຍຄືຄໍາ1 ຄູ່,ສາຍຄໍສີເຫຼືອງຄ້າຍຄືຄໍາ1 ເສັ້ນ, ທ້າວ ແພະ ອາຍຸ 24 ປີ ຢູ່ບ້ານທົ່ງຫວາຍ ແລະ ທ້າວ ບົວໄລ ອາຍຸ 20 ປີ ຢູ່ບ້ານໜອງເຂືອງໃຫຍ່ ທັງສາມບ້ານຂຶ້ນກັບ ເມືອງປາກຊ່ອງ ແຂວງຈຳປາສັກ.
ຈາກການສອບສວນ ກໍຕິດຕາມຈັບຜູ້ຖືກຊັດທອດໄດ້ອີກ 3 ຄົນ ຊື່: ນາງ ຫ່ຽນ ຫຼື ເສືອງ ອາຍຸ 51 ປີ,ທ້າວ ຍອມ ອາຍຸ 28 ປີ ມີຢາບ້າ 4.395 ເມັດ ແລະ ທ້າວ ເບີ່ງ ອາຍຸ 40 ປີ ທັງສາມຄົນ ຢູ່ບ້ານທົ່ງກາຫຼົງ ເມືອງປາກຊ່ອງ ແຂວງຈຳປາສັກ.

17/01/2024

ຈັບເປົ້າໝາຍຢາ ໄດ້ 4 ຄົນ ພ້ອມຢາໄອສ໌ 20 ກິໂລກຼາມ
---------------- +++ ---------------
ວັນທີ 9 ທັນວາ 2023 ຜ່ານມາ, ເວລາປະມານ 10:00 ໂມງ, ເຈົ້າໜ້າທີ່ ປກສ ແຂວງຈຳປາສັກ ຮ່ວມກັບເຈົ້າໜ້າ ທີ່ ປກສ ເມືອງໂຂງ ເຂົ້າຈັບເປົ້າໝາຍຢາເສບຕິດຢູ່ໃນໂຮງ ແຮມແຫ່ງໜຶ່ງ ທີ່ບ້ານຂີ້ນາກ ເມືອງໂຂງ ສາມາດຈັບເປົ້າ ໝາຍໄດ້ 4 ຄົນ ພ້ອມຢາໄອສ໌ ນ້ຳໜັກ 20 ກິໂລກຼາມ.
ຜູ້ຖືກຫາ 4 ຄົນ ຊື່ ທ້າວ ຄຳມິ່ງ ອາຍຸ 46 ປີ ຢູ່ບ້ານພອນໄຊ ເມືອງຫຼວງພະບາງ ແຂວງຫຼວງພະບາງ, ນາງ ຊາຍ ອາຍຸ 37 ປີ ຢູ່ບ້ານດອນແອນ ເມືອງງາ ແຂວງອຸດົມໄຊ, ທ້າວ ຈໍ ອາຍຸ 25 ປີ ຢູ່ບ້ານຫ້ວຍຊາຍ ເມືອງຫ້ວຍຊາຍ ແຂວງບໍ່ແກ້ວ ແລະ ທ້າວຈັນ ອາຍຸ 31 ປີ ຢູ່ບ້ານຫ້ວຍຊາຍ ເມືອງຫ້ວຍຊາຍ ແຂວງບໍ່ແກ້ວ.
ນອກຈາກນີ້, ຍັງມີເຄື່ອງຂອງກາງທີ່ພົວພັນໃນການເຄື່ອນໄຫວຄ້າຂາຍຢາເສບຕິດຄັ້ງນີ້,ມີ ລົດຟໍຈຸເນີ ສີດໍາ 1 ຄັນ, ລົດເກງສີແດງ 1 ຄັນ, ໂທລະສັບ 3 ເຄື່ອງ, ເງິນກີບ 41.525.000 ກີບ ແລະ ເງິນບາດ 22.140 ບາດ.

11/01/2024

ຈັບຊາຍໜຸ່ມ 24 ປີ ພ້ອມຂອງກາງ ຢາບ້າ 24.000 ເມັດ
---------------- +++ ---------------
ວັນທີ 4 ມັງກອນ 2024, ເຈົ້າໜ້າທີ່ພະແນກຕຳຫຼວດ ສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ ສາມາດຈັບເປົ້າໝາຍຢາ ໄດ້ຢູ່ເຂດບ້ານໄຊສະຫ່ວາງ ເມືອງປາກຊ່ອງ ແຂວງຈຳປາສັກ,ພ້ອມຂອງກາງ ຢາບ້າ 24.000 ເມັດ.
ຜູ້ຖືກຫາຊື່: ທ້າວ ຫຼື ດໍາ ອາຍຸ 24 ປີ ຢູ່ບ້ານທົ່ງກາຫຼົງ ເມືອງປາກຊ່ອງ ແຂວງຈຳປາສັກ ແລະ ເຄື່ອງຂອງກາງອີກຈຳນວນໜຶ່ງ ລວມມີ: ໂທລະສັບ 1 ເຄື່ອງ,ເງິນ 600.000 ກີບ, ເງິນໂດລາ 100 ໂດລາ ແລະ ລົດຈັກຮອນດາເວບໄອ ສີດໍາ ປ້າຍທະບຽນ ຈລ 9564 ຈຳປາສັກ ໄປດຳເນີນຄະດີ.

20/12/2023

ຖືກຕຳຫຼວດຈະລາຈອນ ຈັບຄາດ່ານ ພ້ອມຢາບ້າ 40.000 ເມັດ.
-------------- +++ -------------
ວັນທີ 14 ທັນວາ 2023 ເວລາປະມານ 11:00 ໂມງ ຕຳຫຼວດຈາລະຈອນ ປກສ ແຂວງຈໍາປາສັກ ປະຈຳຈຸດກວດກາຄວາມໄວ ຢູ່ເຂດບ້ານໂພນສີໄຄ ນະຄອນປາກເຊ ໄດ້ກັກລົດເກັງສີຂາວ ປ້າຍທະບຽນ ກກ 5924 ບໍລິຄຳໄຊ ກວດຄົ້ນລົດ ພົບເຫັນຢາບ້າ 40.000 ເມັດ ຢູ່ພາຍໃນລົດ.
ເຈົ້າໜ້າທີ່ຕຳຫຼວດຈະລາຈອນ ຈັບຜູ້ຂັບຂີ່ໄດ້ 2 ຄົນຊື່ ທ້າວ ສຸລິສັກ ອາຍຸ 32 ປີ ແລະ ທ້າວ ແຫຼ້ ອາຍຸ 24 ປີ ທັງ ສອງຢູ່ບ້ານຫ້ວຍເພັດ ເມືອງປາກກະດິງ ແຂວງບໍລິຄຳໄຊ ສົ່ງໃຫ້ກອງບັນຊາການ ປກສ ແຂວງ ດຳເນີນຄະດີ.
ຈາກການສອບສວນໃນເບື້ອງຕົ້ນ,ເຈົ້າໜ້າທີ່ ກໍຕິດ ຕາມຈັບຜູ້ຖືກຊັດທອດໄດ້ ຊື່ ທ້າວ ໂໝດ ອາຍຸ 24 ປີ ຢູ່ບ້ານຫຽງ ເມືອງສຸຂຸມາ ແຂວງຈຳປາສັກ.

12/12/2023

ປກສ ເມືອງເມິງ ໄລ່ຈັບເປົ້າໝາຍ ພົບຢາບ້າ 1.600.000 ເມັດ
-------------- +++ --------------
ວັນທີ 6 ພະຈິກ ຜ່ານມາ, ເຈົ້າໜ້າທີ່ ປກສ ເມືອງເມິງ ແຂວງບໍ່ແກ້ວ ສືບຮູ້ຈະມີການຂົນສົ່ງຢາເສບຕິດຈຳນວນ ຫຼາຍ ແຕ່ເຂດບ້ານຜາດຳ ຫາ ບ້ານຊຽງດາວ ແລ້ວຈະຂົນ ສົ່ງຜ່ານເທດສະບານເມືອງເມິງ.
ຮອດເວລາປະມານ 22:00 ໂມງ ໄດ້ມີລົດກະບະວີໂກ້ແຄັບ ໝາຍເລກທະບຽນ ກກ 6264 ບໍ່ແກ້ວ ແລ່ນມາແຕ່ທາງບ້ານປຸງຈອມແສງ ມຸ້ງໜ້າມາບ້ານມອນແຫຼມ,ເຈົ້າໜ້າ ທີ່ ກໍໄດ້ສັນຍານໃຫ້ຈອດລົດ ແລະ ມີກຸ່ມຄົນ ລວມມີປະ ມານ 8 ຄົນ ໄດ້ຢຸດລົດ ແລ້ວພາກັນລົບໜີເຂົ້າປ່າ,ສ່ວນລົດວີໂກ້ ອີກຄັນ ທີ່ຂັບມາຕາມໄດ້ລ້ຽວກັບຄືນ,ແຕ່ເຈົ້າໜ້າທີ່ ກໍໄດ້ໄລ່ຕິດຕາມບໍ່ທັນ.
ຕອນເຊົ້າເວລາປະມານ 4:00 ໂມງ ມື້ຕໍ່ມາ, ເຈົ້າໜ້າ ທີ່ ກໍຕິດຕາມກັກຕົວຜູ້ຖືກສົງໄສ ໄດ້ 1 ຄົນ ຊື່ ທ້າວ ເຢຍຕົວຢາງ ອາຍຸ 33 ປີຢູ່ບ້ານນໍ້າປອງ ເມືອງຫ້ວຍຊາຍ ແຂວງ ບໍ່ແກ້ວ ແລະໄດ້ພົບເຫັນລົດວີໂກ ສະມາດແຄັບ ບໍ່ຕິດປ້າຍ ທະບຽນ ຈອດຢູ່ກາງທົ່ງນາ ເຂດບ້ານຊຽງດາວ ແຕ່ບໍ່ພົບເຫັນສິ່ງທີ່ຜິດກົດໝາຍ.
ມາຮອດວັນທີ 8 ພະຈິກ, ເຈົ້າໜ້າທີ່ທະຫານ ແລະ ປກສ ເມືອງເມິງ ໄດ້ລົງກວດກາລາດຕະເວນຕາມຂອບ ເຂດສະຖານທີ່ເກີດເຫດ ເຂດສວນຢາງພາລາ ພົບເຫັນຢາເສບຕິດ ປະເພດຢາບ້າ ຈໍານວນ 8 ເປົາ ລວມມີ 800 ມັດ ເທົ່າກັບ 1.600.000 ເມັດ .

07/12/2023

ຕັດສີນປະຫານຊີວິດ 2 ຈໍາເລີຍ ຄະດີຢາເສບຕິດ
-------------- +++ --------------
ວັນທີ 1 ທັນວາ 2023 ນີ້, ສານປະຊາຊົນແຂວງວຽງ ຈັນ ໄດ້ພິຈາລະນາຕັດສີນປະຫານຊີວິດຈໍາເລີຍ 2 ຄົນ ໃນສະຖານການຂົນສົ່ງຢາເສບຕິດ ປະເພດ ຢາບ້າ ແລະ ຢາໄອສ໌
ຈຳເລີຍ ຊື່: ນາງ ກັນຕິສາ ອາຍຸ 46 ປີ ຢູ່ບ້ານວັດໄຕນ້ອຍທົ່ງ ເມືອງສີໂຄດຕະບອງ ນະຄອນຫຼວງວຽຈັນ ແລະ ນາງ ບຸດສະດີ ອາຍຸ 49 ປີ ຢູ່ບ້ານທ້າວແກ່ນ ເມືອງແກ່ນທ້າວ ແຂວງໄຊຍະບູລີ,ຖືກເຈົ້າໜ້າທີ່ ປກສ ຈັບໄດ້ໃນຄັ້ງວັນທີ 3 ມີນາ 2022 ພ້ອມຂອງກາງ ຢາບ້າ 3.398.000 ເມັດ ແລະ ຢາໄອສ໌ ນໍ້າໜັກ 25 ກິໂລກຼາມ.

30/11/2023

ຈັບຊາຍອາຍຸ 23 ປີ ມີຂອງກາງ ຢາບ້າ 60.000 ເມັດ
--------------- +++ --------------
ວັນທີ 19 ພະຈິກ 2023,ເວລາປະມານ 16:00 ໂມງ ເຈົ້າໜ້າທີ່ ປກສ ແຂວງຈຳປາສັກ ໄດ້ລົງມ້າງຄະດີຢາເສບ ຕິດ ຢູ່ເມືອງປາກຊ່ອງ ແຂວງຈຳປາສັກ ສາມາດເປົ້າໝາຍໄດ້ ຊື່ ທ້າວວຽງ ອາຍຸ 23 ປີ ຢູ່ບ້ານຈາເມີຍ ເມືອງໃໝ່ ແຂວງຜົ້ງສາລີ.
ກວດຄົ້ນພົບຂອງກາງ ຢາບ້າ 30 ມັດ ເທົ່າກັບ 60.000 ເມັດ,ລົດຈັກຮອນດາເວບ 125 ສີດຳ,ໂທລະສັບ 1 ເຄື່ອງເງິນ 10.900.000 ກີບ ແລະ ແຫວນ 1 ວົງ ໄປດຳເນີນຄະດີຕາມກົດໝາຍ.

10/11/2023

ຈັບເປົ້າໝາຍຢາເສບຕິດ 17 ຄົນ ລວມຂອງກາງ ຫຼາຍພັນເມັດ
---------------- +++ --------------
ວັນທີ 7 ພະຈິກ ນີ້, ເຈົ້າໜ້າທີ່ ປກສ ເມືອງປະທຸມພອນ ແຂວງຈຳປສສັກ ສາມາດຈັບເປົ້າໝາຍຢາເສບຕິດ ໄດ້ຢູ່ເຂດບ້ານຫົວດອນ 3 ຄົນ ພ້ອມຂອງກາງ ຢາບ້າ 8 ເມັດ ພ້ອມໃບກະທ່ອມ ແລະ ສ່ວນປະສົມໃຊ້ປຸງແຕ່ງນ້ຳກະທ່ອມ.
ຜ່ານການສອບສວນຂະຫຍາຍຜົນ ກໍຕິດຕາມຈັບຜູ້ຖືກຊັດທອດ ໄດ້ອີກ 5 ຄົນ ຢູ່ບ້ານໜອງນ້ຳຂາວ ແລະ ບ້ານຫົວແຊ ເມືອງບາຈຽງຈະເລີນສຸກ ພ້ອມຢາບ້າ ຈຳນວນ 14.457 ເມັດ ແລະ ໃບກະທ່ອມ ພ້ອມດ້ວຍຢາດາທິຊິນ ( ຢາດີໄອທີ່ໃຊ້ປຸງແຕ່ງນ້ຳໃບກະທ່ອມ) ອີກຈໍານວນໜຶ່ງ.
ມື້ຕໍ່ມາ, ກໍສາມາດຈັບເປົ້າໝາຍໄດ້ອີກ 3 ຄົນ ຢູ່ບ້ານໝໍ້ພຸ ເມືອງປະທຸມພອນ ພ້ອມຢາບ້າ 200 ເມັດ ແລະ ມາວັນ ທີ 9 ພະຈິກ ກໍຈັບໄດ້ຕື່ມອີກ 6 ຄົນ ຢູ່ບ້ານລົ່ມສັກເໜືອ ເມືອງບາຈຽງຈະເລີນສຸກ ພ້ອມຢາບ້າ 5.800 ເມັດ.

10/11/2023

ວິສາຫະກິດຄໍາເຫຼັກ ມອບເຄື່ອງກິລາໃຫ້ສະຫະພັນແມ່ຍິງກະຊວງ ປກສ
--------------- +++ ----------------
ວັນທີ 10 ພະຈິກ 2023, ທ່ານ ສີວຽງແກ້ວ ທຳມະວົງ ອຳນວຍການວິສາຫະກິດຄຳເຫຼັກຖ່າຍ ຮູບຕິດເອກະສານນັກຮຽນ ຮ່ວມກັບທີມກິລາບານເຕະເພື່ອນຕຳຫຼວດ ໄດ້ນຳເອົາຂອບຮູບ ຈຳນວນ 50 ອັນ ແລະ ເຄື່ອງກິລາ 10 ຊຸດ ລວມມູນຄ່າ 3.500.000ກີບ ໄປມອບ ໃຫ້ສະຫະພັນແມ່ຍິງ ກະຊວງປ້ອງກັນຄວາມສະຫົງບ.
ກ່າວຮັບເຄື່ອງດັ່ງກ່າວໂດຍ ພັອ ນາງ ຄຳຢາດ ວິໄລວັນ ປະທານສະຫະພັນແມ່ຍິງກະຊວງ ປກສ. ເຄື່ອງທີ່ນຳມາມອບໃນຄັ້ງນີ້ ເປັນການປະກອບສ່ວນເຂົ້າໃນການຍ້ອງຍໍ ນາຍ ແລະ ພົນຕຳຫຼວດ ທີ່ມີຜົນງານດີເດັ່ນໃນການປະ ກອບສ່ວນເຂົ້າໃນວຽກງານປ້ອງກັນຄວາມສະຫງົບ ແລະ ປະກອບສ່ວນສ້າງຂະບວນການຕ້ອນຮັບວັນສຳຄັນຕ່າງໆຂອງພັກ-ຂອງຊາດ ກໍຄື ການກະກຽມໃຫ້ແກ່ການສ້າງຂະ ບວນການກິລາຕ້ອນຮັບວັນຊາດທີ 2 ທັນວາ ຄົບຮອບ 48 ປີ ໃຫ້ມີບັນຍາກາດຟົດຟື້ນ ແລະ ພ້ອມພາກັນປະຕິບັດໜ້າ ທີ່ວຽກງານ ທີ່ການຈັດຕັ້ງຂັ້ນເທິງມອບໝາຍໃຫ້ມີຜົນສຳ ເລັດ.
ໃນໂອກາດນີ້, ພັອ ນາງ ຄຳຢາດ ວິໄລວັນ ໄດ້ມອບໃບກຽດຕິຄຸນ ໃຫ້ວິສາຫະກິດຄຳເຫຼັກ ຖ່າຍຮູບຕິດເອກະສ່ນນັກຮຽນ,ພ້ອມທັງກ່າວສະແດງຄວາມຂອບໃຈ ແລະ ອວຍ ພອນໄຊໃຫ້ແກ່ວິສາຫະກິດຄໍາເຫຼັກ ແລະ ພາກສ່ວນທີ່ມາຊຸກຍູ້ໃນຄັ້ງນີ້ ປະສົບຜົນສຳເລັດໃນການດຳເນີນທຸລະກິດ.

09/11/2023

ຖືກຈັບຄາລົດເມໂດຍສານ ພ້ອມຢາບ້າ 60.000 ເມັດ
-------------- +++ -------------
ເວລາປະມານ18:00 ໂມງ ຂອງວັນທີ 7 ພະຈິກ 2023, ເຈົ້າໜ້າທີ່ ປກສ ແຂວງອຸດົມໄຊ ລັດກວດກາລົດເມໂດຍ ສານ ອຸດົມໄຊ-ນະຄອນຫຼວງວຽງຈັນ ພົບຢາບ້າ 60.000 ເມັດ ຊຸກເຊື່ອງມານຳລົດເມ.
ເຈົ້າໜ້າທີ່ ກໍສາມາດຈັບເຈົ້າຂອງຢາບ້າໄດ້ ຊື່ ທ້າວ ເພຍ ລືຈ່າ ແລະ ທ້າວ ບີ ລືກູ່ ທີ່ລັດຂຶ້ນລົດລະຫວ່າງທາງ. ຈາກນັ້ນ, ມື້ຕໍ່ມາ ເຈົ້າໜ້າທີ່ ກໍໄດ້ເຂົ້າກວດຄົ້ນເຮືອນຂອງພວກກ່ຽວ ພົບເຫັນປືນສັ້ນ 1 ກະບອກ ພ້ອມລູກປືນ 7 ລູກ, ຢາຝິ່ນ 2 ກ້ອນນ້ອຍ, ຢາບ້າ 2 ເມັດ ແລະ ປືນແກັບ 1 ກະ ບອກ, ເງິນ 1.078.000 ກີບ ແລະ ເງິນບາດ 2.000 ບາດ.

01/11/2023

ວິສາຫະກິດຄໍາເຫຼັກ ມອບຊຸດກິລາ ໃຫ້ກອງຮ້ອຍຈະລາຈອນ ປກສ ເມືອງທຸລະຄົມ
--------------- +++ --------------
ວັນທີ 31 ຕຸລາ 2023 ວິສາຫະກິດຄຳເຫຼັກຖ່າຍຮູບຕິດເອກະສານນັກຮຽນ ຮ່ວມກັບອົງການປົກຄອງບ້ານໜອງປີງ ເມືອງຈັນທະບູລີ ໄດ້ນຳເອົາເຄື່ອງກິລາ 16 ຊຸດ ລວມມູນຄ່າ 2.500.000 ກີບ ໄປມອບໃຫ້ກອງຮ້ອຍຈະລາຈອນ ປກສ ເມືອງທຸລະຄົມ ແຂວງວຽງຈັນ ເພື່ອປະກອບສ່ວນຊຸກຍູ້ເຂົ້າໃນການສ້າງຂະບວນການກິລາຕ້ອນຮັບວັນສຳຄັນຕ່າງໆ ກໍຄື ວັນຊາດທີ 2 ທັນວາ ຄົບຮອບ 48 ປີ ໃຫ້ມີບັນຍາກາດຟົດຟື້ນ.
ກ່າວຮັບຊຸດກິລາດັ່ງກ່າວ, ໂດຍ ພັທ ໄຊພອນ ຈັນທະລາດ ຮອງກອງບັນຊາການ ປກສ ເມືອງທຸລະຄົມ, ເຄື່ອງທີ່ນຳມາມອບໃນຄັ້ງນີ້ ແມ່ນຈະມອບຕໍ່ໃຫ້ກອງຮ້ອຍຈະລາຈອນ ນຳໃຊ້ເຂົ້າໃນການສ້າງຂະບວນການກິລາ ຂອງກອງບັນຊາການ ທີ່ມີແຜນຈະຈັດຂຶ້ນໃນໄວໆນີ້ ເພື່ອຕ້ອນຮັບວັນຊາດທີ 2 ທັນວາ ຄົບຮອບ 48 ປີ ໃຫ້ມີບັນຍາກາດມ່ວນຊື່ນ, ສ້າງຄວາມສາມັກຄີ ແລະ ມິດຕະພາບ ລະຫວ່າງນາຍແລະພົນຕຳຫຼວດ ພາຍໃນກອງບັນຊາການ ປກສ ເມືອງທຸລະຄົມ.
ໃນໂອກາດນີ້, ພັທ ໄຊພອນ ຈັນທະລາດ ໄດ້ມອບໃບກຽດຕິຄຸນ ໃຫ້ວິສາຫະກິດຄຳເຫຼັກ, ພ້ອມກ່າວສະແດງຄວາມຂອບໃຈ ແລະ ອວຍພອນໄຊ ໃຫ້ວິສາຫະກິດຄໍາເຫຼັກ ປະສົບຜົນສຳເລັດໃນໜ້າທີ່ວຽກງານສ່ວນຕົວ ແລະ ຄອບຄົວ,ທຸລະກິດຈະເລີນຮຸ່ງເຮືອງຍິ່ງໆຂຶ້ນ.

06/10/2023

ວິສາຫະກິດຄໍາເຫຼັກ ມອບເຄື່ອງກິລາໃຫ້ຫອ້ງການສຶກສາ ທິການແລະກິລາ ເມືອງຊົນນະບູລີ
------------- +++ -------------
ວັນທີ 5 ຕຸລາ 2023, ວິສາຫະກິດຄໍາເຫຼັກຖ່າຍຮູບຕິດເອກະສານນັກຮຽນ ໄດ້ມອບເຄື່ອງກິລາ ຈໍານວນ 20 ຊຸດ ມູນຄ່າ 2.500.000 ກີບ ໃຫ້ຫອ້ງການສຶກສາທິການແລະກິລາ ເມືອງຊົນນະບູລີ ແຂວງສະຫັວນນະເຂດ ເພື່ອນຳໄຊ້ເຂົ້າໃນຂະບວນການກິລາ ເນື່ອງໃນໂອກາດວັນຄູແຫ່ງຊາດ ຄົບຮອບ 29 ປີ, ມອບໂດຍ ທ່ານ ສີວຽງແກ້ວ ທໍາມະວົງ ອຳນວຍການວິສາຫະກິດຄໍາເຫຼັກຖ່າຍຮູບຕິດເອກະສານນັກຮຽນ.
ທ່ານ ຄຳແດງ ສຸພັນດີ ຮອງຫົວຫນ້າຫອ້ງການສຶກສາ ທິການແລະກິລາເມືອງຊົນນະບູລີ ແຂວງສະຫວັນນະເຂດ ຮັບເຄື່ອງຈໍານວນດັ່ງກ່າວ ພ້ອມທັງໄດ້ກ່າວສະແດງຄວາມຂອບໃຈນຳວິສາຫະກິດຄຳເຫຼັກຖ່າຍຮູບຕິດເອກກະສານນັກຮຽນ. ພ້ອມອວຍໄຊໃຫ້ ທ່ານ ສີວຽງແກ້ວ ທຳມະວົງ ພ້ອມຄະນະ ຈົ່ງມີສຸຂະພາບແຂງແຮງ, ປະສົບຜົນສຳເລັດໃນໜ້າທີ່ວຽກງານສ່ວນຕົວ,ຄອບຄົວ ແລະ ທຸລະກິດມີຜົນສຳເລັດຍິ່ງໆຂຶ້ນ.

29/09/2023

ຂົນຢາບ້າມາແຕ່ແຂວງບໍ່ແກ້ວ ບໍ່ລອດມີຂອງກາງ 243.000 ເມັດ
--------------- +++ --------------
ວັນທີ 19 ສິງຫາ 2023 ທີ່ຜ່ານມາ,ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງວຽງ ຈັນ ໄດ້ສົມທົບກັບເຈົ້າໜ້າທີ່ກອງບັນຊາການ ປກສ ເມືອງກາສີ ເຂົ້າກວດຄົ້ນລົດຂົນສົ່ງສິນຄ້າ ພົບເຫັນຢາບ້າ 1 ເປົາ ລວມມີຢາບ້າ ຈຳນວນ 243.000 ເມັດ ຈຶ່ງໄດ້ຈັບຜູ້ຂັບລົດ ຊື່ ທ້າວ ຄຳສອນ ຢູ່ບ້ານທົ່ງແສງຈັນ ເມືອງຫ້ວຍຊາຍ ແຂວງບໍ່ແກ້ວ ມາດຳເນີນຄະດີ.

27/09/2023

ຈັບອ້າຍນ້ອງຄ້າຢາບ້າ ພ້ອມຂອງກາງ 288.000 ເມັດ
------------- +++ ------------
ວັນທີ 8 ກັນຍາ 2023,ເຈົ້າໜ້າທີ່ ປກສ ເມືອງທ່າແຂກ ແຂວງຄຳມ່ວນ ສາມາດຈັບເປົ້າໝາຍຢາເສບຕິດ ໄດ້ພ້ອມ ຢາບ້າ ຈຳນວນ 144 ມັດ ເທົ່າກັບ 288.000 ເມັດ ໄປດຳ ເນີນຄະດີ.
ເຈົ້າໜ້າທີ່ ປກສ ເມືອງທ່າແຂກ ໃຫ້ຮູ້ວ່າ: ຜູ້ຖືກຫາ 2 ຄົນ ຊື່ ທ້າວ ນ້ອຍ ອາຍຸ 34 ປີ ແລະ ທ້າວ ຮັກຈ່ອຍ (ອ້າຍນ້ອງ) ຢູ່ບ້ານທົ່ງນາມີ ເມືອງປາກກະດີງ ແຂວງບໍລິຄຳໄຊ ແລະ ຢຶດພາຫະນະທີ່ນຳໃຊ້ເຂົ້າໃນການເຄື່ອນໄຫວກະທຳ ຜິດໃນຄັ້ງນີ້ ໄດ້ 2 ຄັນ ຄື: ລົດກະບະຣີໂວ້ ໝາຍເລກທະ ບຽນ ມລ 8988 ກຳແພງນະຄອນ ແລະ ກະບະຣີໂວ້ ໝາຍເລກທະບຽນ ກອ 1125 ກຳແພງນະຄອນ.

13/09/2023

ຕັດສິນປະຫານຊີວິດ 4 ຈຳເລີຍ ໃນຂໍ້ຫາຂົນສົ່ງເຮໂຣອິນ ແລະ ຢາໄອສ໌
-------------- +++ -------------
ວັນທີ 1 ກັນຍາ 2023 ສານປະຊາຊົນຂັ້ນຕົ້ນແຂວງອຸ ດົມໄຊ ໄດ້ພິຈາລະນາຕັດສິນປະຫານຊີວິດ 4 ຈໍາເລີຍ ຊື່ ທ້າວ ຟົງວາ ອາຍຸ 35 ປີ ຢູ່ບ້ານສາລາ ເມືອງຫ້ວຍຊາຍ ແຂວງບໍ່ແກ້ວ, ທ້າວ ເອ່ຍວາ ອາຍຸ 24 ປີ ຢູ່ບ້ານຫ້ວຍເງິນ ເມືອງຄອບ ແຂວງໄຊຍະບູລີ, ທ້າວ ບຸນມີວາ ອາຍຸ 27 ປີ ບ້ານ ຈອມຈຸກ ເມືອງຫ້ວຍຊາຍ ແລະ ທ້າວ ຈາວາ ຫຼື ເຮີວາ ອາຍຸ 19 ປີ ຢູ່ບ້ານຫ້ວຍສະລາ ເມືອງ ຫ້ວຍຊາຍ ຈັບຕົວໃນເດືອນພະຈິກ 2020.
ຜ່ານການສອບສວນ ທັງ4 ຄົນ ຮັບສະລະພາບວ່າ: ເຄື່ອງຂອງກາງຢາເສບຕິດ ແລະ ພາຫະນະຮັບໃຊ້ຂົນສົ່ງຢາເສບຕິດຈໍານວນດັ່ງກ່າວແມ່ນຂອງພວກຕົນແທ້ ຜ່ານການສັງລວມຂໍ້ມູນຫຼັກຖານຢ່າງລະອຽດຄົບ ຖ້ວນ ແລະ ພາວະວິໄສບວກກັບຄຳສາລະ ພາບຂອງຈຳ ເລີຍສານປະ ຊາຊົນຂັ້ນຕົ້ນແຂວງອຸດົມໄຊພິຈາລະນາລົງໂທດປະຫານຊີວິດ ທ້າວ ລາວຟົງ ຫຼື ຟົ້ງວາ (ຈໍາເລີຍ1); ທ້າວ ເອ່ຍວາ (ຈໍາເລີຍ2); ທ້າວ ບຸນມີ ວາ (ຈໍາເລີຍ3) ແລະ ທ້າວ ຈາວາ ຫຼື ເຮີວາ (ຈໍາລີຍ4) ຕາມລະບຽບກົດໝາຍ.
ຮິບເຮໂຣອິນ ຈໍານວນ 4 ເປົາ ມີ 400 ເເທ່ງ ນໍ້າຫນັກ 152 ກິໂລກຼາມ ແລະ ຢາໄອສ໌ ຈໍານວນ 41 ເປົາ ມີ 1.604 ຫໍ່ ນໍ້າຫນັກ 1.604 ກິໂລກຼາມ ຂອງພວກຈໍາເລີຍ ມາທໍາລາຍຖິ້ມ.

ພາບ-ຂ່າວ: ຮທ ສີພາວັນ

10/09/2023

ຈັບໄດ້ແລ້ວ ຜູ້ກໍ່ເຫດຍິງຄົນຈີນ ຢູ່ຫຼັກ20
-------------- +++ -------------
ເຈົ້າໜ້າທີ່ສາມາດຈັບໄດ້ແລ້ວ ຜູ້ກໍ່ຍິງຄົນຈີນ ຢູ່ທາງແບ່ງ ຫຼັກ 20 ບ້ານວຽງຄຳ ເມືອງປາກກະດິງ ແຂວງບໍລິຄຳໄຊ.
ສອບຖາມເບື້ອງຕົ້ນ ເປັນຄົນຈີນຄືກັນ ຍ້ອນຄວາມ ແຄ້ນສ່ວນຕົວ.ກ່ອນຈະມາກໍ່ເຫດ,ຜູ້ກ່ຽວກໍ່ໄດ້ເສບຢາເສບຕິດ.

07/09/2023

ພົບຢາບ້າ 21 ເປົາ ໃນລົດກະບະທີ່ເກີດອຸບັດຕິເຫດຢູ່ເຂດສາມຫຼ່ຽມຄຳ
-------------- +++ -------------
ເວລາປະມານ 3:45 ໂມງຂອງວັນທີ 16 ສິງຫາ ຜ່ານມາ ໄດ້ມີເຫດການລົດກະບະວີໂກ້ ສີປອນເງິນ ໝາຍເລກທະ ບຽນ ກກ 4394 ບໍ່ແກ້ວ ແລ່ນມາແຕ່ທາງບ້ານມ້ວງຄຳ ມຸ່ງໜ້າໄປຕົ້ນເຜິ້ງ ແຂວງບໍ່ແກ້ວ ມາຮອດປະຕູ 2 ທາງເຂົ້າຂດເສດຖະກິດພິເສດສາມຫຼ່ຽມຄຳ ລົດໄດ້ເສຍຫຼັກໄປຕຳເອົາທ້າຍລົດດຸດ.ເວລານັ້ນ,ລປພ ເຂດເສດຖະກິດພິເສດ ໄດ້ອອກໄປເບິ່ງເຫດການ ແລ້ວໄດ້ເຫັນຄົນຂັບລົດກະບະຄັນດັ່ງກ່າວແລ່ນໜີ.ຈາກນັ້ນ, ກໍມີຄົນມາຮັບເອົາໄປ, ລປພ ຈຶ່ງແຈ້ງຕໍ່ເຈົ້າໜ້າທີ່ ປກສ ເຂດເສດຖະກິດພິເສດສາມຫຼ່ຽມຄຳ.
ເຈົ້າໜ້າທີ່ ປກສ ເຂດເສດຖະກິດພິເສດສາມຫຼ່ຽມຄຳ ຈຶ່ງເຂົ້າກວດກາຈຸດເກີດເຫດ ພົບເຫັນຢາເສບຕິດ ປະເພດຢາບ້າ ຈຳນວນ 21 ເປົາ ມີຢາບ້າ 3.150 ມັດ ເທົ່າກັບ 6.300.000 ເມັດ ນໍ້າໜັກ 756 ກິໂລກຼາມ ໃນລົດກະບະຄັນດັ່ງກ່າວ,ຈຶ່ງໄດ້ກັກລົດ ແລະ ຢືດຢາເສບຕິດຈໍານວນດັ່ງກ່າວໄວ້ ເພື່ອສືບຕໍ່ສືບສວນ-ສອບສວນ ຕາມຈັບເປົ້າໝາຍທີ່ກ່ຽວຂ້ອງມາດຳເນີນຄະດີ.

31/08/2023

ລວງສາວໄປຂົ່ມຂືມ ແຕ່ບໍ່ສໍາເລັດ ເລີຍກໍ່ເຫດຄາດຕະກຳ
--------------- +++ ----------------
ໃນເວລາ 05:00 ໂມງ ຂອງວັນທີ 30 ສິງຫາ 2023 ເຈົ້າໜ້າທີ່ ປກສ ເມືອງອາດສະພັງທອງ ໄດ້ຮັບແຈ້ງເຫດມີຄົນເສຍຊີວິດຢູ່ຄອງນໍ້າ ສວນປູກໄມ້ວິກ ເຂດບ້ານນາແຜກ ເມືອງອາດສະພັງທອງ ແຂວງສະຫວັນນະເຂດ, ຜູ້ເສຍຊີ ວິດ ຊື່ ນາງ ພາບ ອາຍຸ 17 ປີ ບ້ານນາແຜກ ເມືອງອາດສະພັງທອງ. ສ່ວນຜູ້ກໍ່ເຫດຄາດຕະກຳ ຊື່ ທ້າວ ໃສ ອາຍຸ 35 ປີ ຄົນຢູ່ບ້ານດຽວກັນ.

25/08/2023

ປກສ ແຂວງວຽງຈັນ ຈັບໄດ້ 2 ຄົນ ມີຢາບ້າ 2.675 ເມັດ
-------------- +++ -------------
ວັນທີ 30 ກໍລະກົດ ຜ່ານມາ, ເຈົ້າໜ້າທີ່ພະແນກຕຳ ຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງວຽງ ຈັນ ຈັບເປົ້າໝາຍຢາໄດ້ ຊື່ ທ້າວ ແຫຼ້ ອາຍຸ 26 ປີຢູ່ບ້ານຖິ່ນຍຸງ ເມືອງວຽງຄຳ ແຂວງວຽງຈັນ ພ້ອມຂອງກາງຢາບ້າ 83 ເມັດ.
ຈາກການສອບສວນຂະຫຍາຍຜົນ ກໍຕິດຕາມຈັບຜູ້ຖືກຊັກທອດໄດ້ ໃນວັນທີ 1 ສິງຫາ ຊື່ ທ້າວ ໝາຍ ອາຍຸ 42 ປີ ຄົນຢູ່ບ້ານດຽວກັນ ພ້ອມຢາບ້າ 2.592 ເມັດ ໄປດຳເນີນຄະດີ.

24/08/2023

ຈັບຄາລົດຕູ້ ພ້ອມຂອງກາງ ຢາໄອສ໌ 250 ກິໂລ
------------- +++ --------------
ວັນທີ 21 ສິງຫາ 2023 ນີ້,ເຈົ້າໜ້າທີ່ ປກສ ແຂວງຄຳມ່ວນ ສາມາດຈັບຈັບເປົ້າໝາຍຢາ ໄດ້ 3 ຄົນ ຄາລົດຕູ້ພ້ອມຢາໄອສ໌ 10 ເປົ໋າ ນ້ຳໜັກ 250 ກິໂລກຼາມ.
ຜູ້ຖືກຫາທັງ 3 ຄົນ ຊື່ ທ້າວ ສຸລິສັກ ຫຼື ດຳ ອາຍຸ 35 ປີ ຢູ່ບ້ານວັງຊາຍ ເມືອງໄຊເສດຖາ ນະຄອນຫຼວງວຽງຈັນ, ທ້າວ ທະນູເພັດ ຫຼື ແອ ອາຍຸ 32 ປີ ຢູ່ບ້ານທົ່ງພານທອງ ເມືອງສີສັດຕະນາກ ນະຄອນຫຼວງວຽງຈັນ ແລະນາງ ນາງ ຫຼື ອາລັນ ອາຍຸ 29 ປີ ຢູ່ບ້ານນາປ່າໃຜ່ ເມືອງໝື່ນ ແຂວງ ວຽງຈັນ.

ຂໍ້ມູນຈາກ: ປກສ ແຂວງຄໍາມ່ວນ.

21/08/2023

ໜຸ່ມ 22 ປີ ລັກລອບຂາຍໃບກະທ່ອມ... ບໍ່ລອດ
------------ +++ ------------
ເວລາປະມານ 13:50 ໂມງຂອງວັນທີ 15 ສິງຫາ 2023 ຜ່ານມາ,ເຈົ້າໜ້າທີ່ ປກສ ແຂວງຄຳມ່ວນ ເຂົ້າຈັບທ້າວ ແຂກ ອາຍຸ 22 ປີ ບ້ານຫນອງບອນ ເມືອງໄຊບົວທອງ ແຂວງຄຳມ່ວນ ພ້ອມໃບກະທ່ອມ ຈຳນວນ 37 ຖົງ ແລະ ຢານ້ຳແກ້ໄອ 12 ແກ້ວ ໄປດຳເນີນຄະດີ.

20/08/2023

ປກສ ເມືອງວຽງພູຄາ ຈັບໄດ້ 2 ຄົນ ພ້ອມຢາບ້າ 406 ເມັດ
------------- +++ -------------
ວັນທີ 27 ກໍລະກົດ ຜ່ານມານີ້,ເຈົ້າໜ້າທີ່ ປກສ ເມືອງວຽງພູຄາ ແຂວງຫຼວງນ້ຳທາ ຈັບເປົ້າໝາຍຢາໄດ້ 2 ຄົນ, ກວດຄົ້ນລົດຈັກຂອງພວກກ່ຽວ ພົບເຫັນຢາບ້າ 406 ເມັດ.
ຜູ້ຖືກຫາທັງສອງຊື່ ທ້າວ ສາລີ ອາຍຸ 32 ປີ ຢູ່ບ້ານດອນໃໝ່ ມີຂອງກາງຢາບ້າ 101 ເມັດ ແລະ ທ້າວ ສີພັນ ອາຍຸ 39 ປີ ຢູ່ບ້ານນໍ້າຂອງນ້ອຍ ມີຢາບ້າ 305 ເມັດ ທັງສອງບ້ານຂຶ້ນກັບເມືອງວຽງພູຄາ ແຂວງຫຼວງນ້ຳທາ.
ຜ່ານການສອບສວນທັງສອງ ຮັບສາລະພາບວ່າຢາບ້າຈຳນວນດັ່ງກ່າວ ໄດ້ພົວພັນຊື້ນຳຄົນຮູ້ຈັກຢູ່ບ້ານຫ້ວຍຫະ ເມືອງຫ້ວຍຊາຍ ແຂວງບໍ່ແກ້ວ.

19/08/2023

ຈັບຜູ້ທີ່ແອບອ້າງ...ເກັບເງິນຂີ້ເຫຍື້ອ

ຈັບຜູ້ແອບອ້າງ ເປັນເຈົ້າພະນັກງານ ເກັບເງິນຄ່າຂີ້ ເຫຍື້ອນຳປະຊາຊົນ ທີ່ບ້ານຄຳສະຫວາດ ເມືອງໄຊເສດຖາ ນະຄອນຫຼວງວຽງຈັນ.

19/08/2023

ປອມເປັນຕຳຫຼວດ ຂູ່ເອົາເງິນນຳຜູ້ຂັບຂີ່... ບໍ່ລອດຄຸກ

ໃນເວລາ 23:30 ໂມງ ຂອງວັນທີ 17 ສິງຫາ 2023 ຕຳຫຼວດປ້ອງກັນເຄື່ອນທີ່ ປກສ ແຂວງສະຫວັນນະເຂດ ຈັບໄວລຸ້ນ 2 ຄົນ ໄດ້ແຕ່ງກາຍນຸ່ງຊຸດເຄື່ອງແບບຄ້າຍ ຄືຕຳຫຼວດ (ຊຸດດຳ).
ພວກກ່ຽວ ໄດ້ພາກັນຂີ່ລົດເລາະຊອກລັດກວດລົດຈັກທີ່ຂັບຂີ່ຊ້ອນ 3 ຄົນ ແລະລົດທີ່ດັດແປງເພື່ອຂົ່ມຂູ່ເອົາເງິນ.

18/08/2023

ກໍ່ເຫດລັກລົດ ໜີມາຖືກຈັບຢູ່ນະຄອນຫຼວງວຽງຈັນ
----------- +++ -----------
ໃນວັນທີ 18 ສິງຫາ 2023, ເຈົ້າໜ້າທີ່ ປກສ ສາມາດຕິດຕາມຈັບໂຈນ ກໍ່ເຫດລັກລົດໃຫຍ່ ໄດ້ຢູ່ເຂດບ້ານນາຄວາຍ ເມືອງໄຊເສດຖາ ນະຄອນຫຼວງວຽງຈັນ.
ຜູ້ກ່ຽວລັກລົດຄັນດັ່ງກ່າວ ມາແຕ່ບ້ານໂພນຈະເລີນ ເມືອງປາກກະດິງ ແຂວງບໍລິຄຳໄຊ.

16/08/2023

ຍິງອາຍຸ 54 ປີ ຄ້າຢາບ້າ ຖືກຈັບພ້ອມຂອງກາງ 536 ເມັດ
-------------- +++ --------------
ວັນທີ 20 ກໍລະກົດ 2023 ຜ່ານມາ, ເຈົ້າໜ້າທີ່ ປກສ ເມືອງໂພນໂຮງ ແຂວງວຽງຈັນ ຈັບເປົ້າໝາຍຢາເສບຕິດ ໄດ້ຊື່ ນາງ ຍົນຄໍາ ອາຍຸ 54 ປີ ຢູ່ບ້ານໂພນສູງ ເມືອງໂພນໂຮງ ພ້ອມຂອງກາງ ຢາບ້າ 536 ເມັດ ໄປດຳເນີນຄະດີ.
ຜ່ານການສອບສວນ ນາງ ຍົນຄໍາ ຮັບສາລະພາບວ່າ: ໃນຄັ້ງວັນທີ 19 ກໍລະກົດ 2023,ໄດ້ໂທລະສັບສັ່ງຊື້ຢາບ້ານໍາຄົນຮູ້ຈັກ ຈໍານວນ 3 ຖົງ ເທົ່າກັບ 600 ເມັດ. ຫຼັງຈາກໄດ້ຢາບ້າມາແລ້ວ,ກໍເອົາໄປຂາຍໃຫ້ກັບກຸ່ມມົ້ວສຸມຢາເສບ ຕິດ ຢູ່ພາຍໃນບ້ານ ແລະ ບ້ານໃກ້ຄຽງ, ເຊິ່ງຍັງເຫຼືອ ຈຳ ນວນ 536 ເມັດ.ມື້ຕໍ່ມາ ,ກໍຖືກຈັບພ້ອມຂອງກາງຈຳນວນດັ່ງກ່າວ ໄປດຳເນີນຄະດີຕາມກົດໝາຍ.
ຜູ້ຖືກຫາ ຍັງສາລະພາບ ອີກວ່າ: ນັບແຕ່ເດືອນກໍລະ ກົດ 2022 ເປັນຕົ້ນມາ ໄດ້ເຄື່ອນໄຫວຊື້-ຂາຍຢາບ້າ ມາແລ້ວຫຼາຍຄັ້ງ,ຊື້ຄັ້ງລະ 2-5 ຖົງ (ຖົງລະ 200 ເມັດ),ສ່ວນເງິນໄດ້ຈາກຂາຍຢາບ້າ ແມ່ນເອົາມາໃຊ້ຈ່າຍພາຍໃນຄອບ ຄົວ.

15/08/2023

ປກສ ແຂວງບໍ່ແກ້ວ ພົບລົດ 2 ຄັນ ຂົນໄອສ໌ 720 ກິໂລ
------------ +++ ------------
ວັນທີ 9 ສິງຫາ 2023 ເວລາປະມານ1:45 ໂມງ,ເຈົ້າໜ້າ ທີ່ ປກສ ແຂວງບໍ່ແກ້ວ ກວດພົບລົດກະບະ 2 ຄັນ ຂົນຢາເສບຕິດປະເພດ ຢາໄອສ໌ 720 ຖົງ ນ້ຳໜັກ 720 ກິໂລກຼາມ ຢູ່ບ້ານສີດອນມີ ເມືອງຕົ້ນເຜິ້ງ ແຂວງບໍ່ແກ້ວ, ສ່ວນຄົນຂັບຂີ່ລົດຂົນຢາເສບຕິດ ໄດ້ຫຼົບໜີ ກ່ອນເຈົ້າໜ້າທີ່ໄປພົບເຫັນລົດ.