Қасым-Жомарт Тоқаев:
«Үкіметтің негізгі міндеті – еліміздегі экономикалық мәселелерді шешумен айналысу. Бұл – Үкімет мүшелерінің, әкімдердің, ұлттық компания басшыларының тікелей жауапкершілігі. Сондықтан, мен Премьер-Министр Әлихан Асханұлы Смайыловтан шынайы жауап алғым келеді.
Жалпы, Жаңа жылға Үкіметтің осы құрамымен аяқ басуға бола ма? Президенттің сайлауалды бағдарламасын жүзеге асыру Үкіметтің қолынан келе ме? Үкімет іштен және сырттан болатын барлық экономикалық қауіп-қатерлерге қарсы тұра ала ма?
Меніңше, бұл мәселелер Мемлекет басшысының Премьер-Министрмен және Парламент депутаттарымен өткізетін консультациялары кезінде мұқият талқылануы керек»
Қарулы күштердің Мемлекеттік әскери-тарихи музейінде Мәскеуден Астанаға Қазақстан Қарулы күштерінің әскери бортымен жеткізілген Ұлы Отан соғысы жылдарында қаза тапқан қазақстандық жауынгерлер Сапарбай Имахаев пен Дәдікбай Құлтасовтың сүйектерін табыстаудың салтанатты рәсімі өтті.
Рәсім Қорғаныс министрлігі басшылығының, құрмет қарауыл ротасы әскери қызметшілерінің, қоғам өкілдерінің, Қарулы күштер ардагерлері және қаза тапқан жауынгерлердің туыстарының қатысуымен өтті.
“Біз бүгін болашақ ұрпақ үшін өздерін құрбан еткен жауынгерлерге құрмет көрсетіп отырмыз. Қазіргі Отан қорғаушылар үшін олар мықты рухтың, көзсіз батырлық пен антқа шын берілгендіктің үлгісі болып табылады. Олардың ерлігі келер ұрпақтың жадында мәңгі қалады. Іздеу жұмыстарына белсенді қатысып, жастарды әскери-патриоттық тәрбиелеуге зор үлес қосқандарға Қарулы күштер басшылығы атынан зор алғысымды білдіремін” – деді Бас штаб бастығының орынбасары генерал-майор Асан Жүсіпов.
Қасым-Жомарт Тоқаев Путинмен кездесуінде Ресейге қандай мақсатпен келгенін айтты.
“Қазақстан үшін Ресей Федерациясы негізгі стратегиялық серіктес мемлекет болады және солай болып қала береді. Бізді түрлі саладағы терең қарым-қатынастар байланыстырады. Сіз Өңіраралық ынтымақтастық форумының кезекті отырысын меңзедіңіз. Бұл жолы ол Орынборда өтіп жатыр. Менің топшылауымша, қарым-қатынасымызды әрі қарай жылжытуға салмақты негіздер бар. Елдеріміз арасындағы сауда көлемі пандемиямен байланысты бүкіл қиындықтарға қарамастан 24 млрд долларға жетті. Ресей капиталының біздің елімізге бағытталуына қатысты үлкен жоспарымыз бар. Мен Мемлекет басшысы ретінде және біздің Үкіметіміз өзара тиімді шарттар негізінде Ресей капиталы Қазақстанда тұрақты жұмыс істеуі үшін қолымыздан келгеннің бәрін жасаймыз. Әріптестік орнатылған салалардың бәрін тізбелеп атаудың қажеті жоқ деп ойлаймын. Екі ел арасындағы ынтымақтастықтың даму деңгейіне көңіліміз толады деуге негіз бар. Дей тұрғанмен, әрдайым алға қарап, бет түзеуіміз керек. Бұл жерге дәл осы мақсатпен келіп отырмын», - деді Тоқаев.
Желіде елге деген сүйіспеншілігін білдіру мақсатында басына туымыздың суретін салдырған блогер видеосы тарады. Ақтаулық блогер Махмуд Хикматов @mahmud.hikmatov -тың ерекше шаш үлгісі алдағы президент сайлауына орай жасалған.
Естеріңізге сала кетейік, елімізде 20 қараша күні кезектен тыс Президент сайлауы өтеді.
📌 Сіз сайлауға барасыз ба?
Ыстамбұлдың Истикляль көшесінде жарылыс болды, зардап шеккендер бар. БАҚ мәліметінше, жарылыс салдарынан бірнеше адам зардап шеккен.
⠀
Сағат 16.20-да болған жарылыстан кейін ауданға бірнеше жедел жәрдем қызметі және өртсөндіруші келген.
⠀
Аудан қоршауға алынды. Азаматтарға ауданға кіруге тыйым салынды. Бастапқыда кейбір БАҚ-тар 11 адам зардап шеккенін хабарлады. Кейінірек губернатор Али Ерликай 4 адам қаза тауып, тағы 38 адам зардап шеккенін хабарлаған.
Абай облысында құрамында алтын бар кенді заңсыз өндіру тоқтатылды. Қылмыстық топтың мүшелері ұсталды, олардың арасында шетелдіктер де бар. Бұл туралы Polisia.kz хабарлады.
“ІІМ Ұйымдасқан қылмысқа қарсы күрес департаментінің бөлімшелері Абай облысы Жарма ауданындағы “Еділбай” учаскесінде құрамында алтын бар материалды заңсыз өндірумен, өңдеумен, жер қойнауын өз бетінше пайдаланумен және заңсыз көші-қонды ұйымдастырумен айналысқан қылмыстық топты ұстады”, - делінген хабарламада.
Бұл факт ҚР ҚК-нің 287-бабы 3-бөлігі бойынша СДТБТ-да тіркелген.
“Өткізілген іс-шаралар барысында Жаңғызтөбе кентінен 30 шақырым жерде құрамында алтын бар кенді қайта өңдеу бойынша 2 заңсыз цех таратылды. 13 “алтын іздеуші” ұсталды, оның ішінде 7-уі шетелдік. Іздеу іс-шараларын жүргізу кезінде құрамында 100 тонна алтын бар кен, сондай-ақ 2 килограмнан астам жарылғыш (аммонит) және улы (сынап) заттар, сондай-ақ өндіруге қажетті жабдықтар табылып, тәркіленді”,- делінген хабарламада.
Құрамында алтын бар материалды өндіру және қайта өңдеу бойынша “іздеушілер бригадасын” жинаған, заңсыз цехтардың иесі болы
Президенттікке кандидат Қарақат Әбден теледебат барысында “қазақ қыздарының шет елдерге тұрмысқа шығу жағдайларының көбеюіне және оны қандай да бір заңды жолмен реттеуге бола ма” деп сұрақ қойған азаматқа жауап берді.
"Бұл өте маңызды сұрақ. Қызылорда облысында да маған осындай сұрақ қойылды. Егер қыз тұрмысқа шыққысы келсе, мен не айта аламын – бақытты болсын. Бірақ қазір есеппен үйленетін жастар көп. Біз дәстүрді сақтау тұрғысынан қарауымыз керек. Біздің қыздар – біздің құндылығымыз. Мен шетелдік азаматқа тұрмысқа шыққысы келетіндерге үлкен салық салуды ұсынамын. Содан кейін қыздар мен олардың ата-аналары ойланатын шығар", - деп жауап берді Әбден.
Айта кетсек, Қазақстан президенттігіне кандидаттардың арасында теледебат өтті. Көрсетілім "Хабар" арнасында тікелей эфирде болып жатыр. Пікірталасқа Қарақат Әбден, Нұрлан Әуесбаев, Жигули Дайрабаев, Мейрам Қажыкен, Салтанат Тұрсынбекова қатысуда. Қазіргі президент Қасым-Жомарт Тоқаевтың дебатқа қатыспайтыны бұдан бұрын белгілі болған. Оның орнына пікірсайысқа мәжіліс спикері Ерлан Қошанов келген.
Төтенше жағдайлар департаментінің мәліметінше, сағат 11:00 шамасында Жетісу ауданы, Солтүстік айналма жол маңындағы 7Б мекенжайында контейнер өртенген. Өрттің салдарынан қалың түтін пайда болды.
Өрт сөндірушілер оқиға орнына 8 минутта жетті. Үш жедел штаб қызметкерлері жұмыс істеп жатыр. Полиция оқиға орнын қоршап қойды.
🇰🇿Елордадағы «Барыс» пен ресейлік «Витязь» хоккей командалары арасында болған кездесудің алдында ең үлкен ту желбіреді. Көк туды 30 хоккейші ұстап, мұз алаңына шығарған. Байрақтың көлемі 800 шаршы метр, салмағы 90 келі.«Менің елім! Менің туым!» акциясына қазақстандық кәсіпкерлер, белгілі қоғам және мәдениет қайраткерлері ұйытқы болды.Акцияны ұйымдастырушылардың бірі Тілек Каналиннің айтуынша, Қазақстанның ең үлкен туын ашу идеясы бір жыл бұрын пайда болған.#меніңтуым #меніңелім #қазақстан #көкту