26/02/2024
Arjaa ilma Sooreeysaa
Kennataa kuma caaluu,
Yaadataafiin barreeysaa✍️
Xiqqo waajechuuf yaalu,
Jechuufiis nayaaddeysa
Dhugaa jechin madaalu!!
Gingilchee guggulaalu
Jecha funaanee coree,
Himnin ibsuun wallaalu
Yoomiyyuu dogongoree,
Leenci gubbaa gallaalu
Addunyaa tolluu koree,
Carraan hin u'utaaluu
Dhiira carraaqee h**e.
Gufuuf gaadii saakaalu
Cufa ciqqaawee muree,
Dhabaafi dhibdee yaalu
Rakkoo hiyyummaa fure.
Dirmataa gaafa rakkoo
Tufteeyyu qaawa maraa,
Dureeysa, lammiif irkoo
Quuqamaa laafu garaa.
Arjummaantun dhaloota
Dabareen dhufte waaraa,
Abbaa Sooreeysa, gootaa
Lubbuulubbuun baraaraa,
Leeccalloodhaan Oromoo
Hambaa kaa'eef bahaaraa,
YAADATAA ilma JAARRAA
Dhiira kaznaan haddaaraa.
Milkii hawwee haraaraa
Galii-dhaaf karoorfatee,
Bu'aa bu"iidhaan qaaraa
Hawwiisaa dhugoomfate,
Tuujii too'ee hammaaraa
Carraaqaan guduunfate,
Baasee beelaa fi daara
Dhabaa harka hiixatee,
Dhihaaf barii gargaaraa
Garaadhaan tufsiifatee,
Eybaan dagaagee saara
Onnee qalbii dhunfatee,
Leenca lammii hadaraa
Sooreysitti dhaammate,
Hin mucucaanne karaa
Haqaarraa shigigaatee.
Goblaa baasee bararaa
Roga maraan jabaate.
Abbaa qabeenya guddaa
Diinagdeen tarkaanfataa,
Wirtuudha lafee duuydaa
Biyya guutuun dhaabbata,
Tola ooltummaan hundaa
Kiishaa waadhadhawataa ,
Daaddaan qabu arjummaa
Kakka-saa yoom dhalata!
Muraad Saanii Yaadataa
Gameeysa murtii guutuu
Biyyaaf lammiis jaalataa
Hoongee agabuun buutu,
Wabii lubbuuf dhaabbata
Deegaa biraattin duutuu.
Dhabaa dhibee cimtuu
Cimimmuu hafarfataa,
Kanrakkate hundumtuu
Furmaata barbaaddataa,
Gubaa hongee finiintuu
Affeellaan hobbaafataa,
Tuujiin irratteen dhumtu
Hammaaree waraabbata,
Haaja baas hojiin himtuu
Faarsee ittiin dhaaddata.
Caayaa haara baafataa
Gaaddisa lammii balloo,
Uuda haddaar raabsata
Boolla callaa leeccalloo,
Leenca ilmaa yaadataa
Habaqaala Afran Qalloo.
Arjaa abbaa hiyyeeysa
Beela qabu nyaachisee,
Qaamni daaru dureeysa
Daara baasu uuwwisee.
Qabeenya dhangalaasaa
Dhibamaa wallaan-sisee,
Manbarnoota Hawaasaa
Bakka meeqat jaarsisee,
Deeggarsaa fi gargaarsa
Heeluun malee taasisee,
Tolangoomne olmaasaa
Kan maqaa nuyaamsise!
Baga keenya taasise.🙏🥰♥️
Walaloon, ✍️ Numoosis Jawar iin.
Guyyaa gammaachuu milkaa'ina cidha Kitaaba, HIIGAA Obboleeysa kiyya Nasru Kush baga goobaan galte.
