PUK Press

20/10/2024

كۆمیسیۆن: ئەوەی پەنجەمۆری نەخوێندرێتەوە و تۆماركرابێت حاڵەتی تێپەڕاندن دەیگرێتەوە دەتوانن بچنەوە بۆ دەنگدان و دەنگبدەن

15/10/2024

خاتوو شاناز ئیبراهیم ئەحمەد هاوڕێ لەگەڵ قوباد تاڵەبانی ئامادەی کەرنەڤاڵی فراوانی لیستی ١٢٩ی یەکێتی نیشتمانی کوردستان بوو لە شاری هەولێر کەتێیدا سەرۆک بافڵ جەلال تاڵەبانی وتارێکی ئاگرینی پێشکەشکرد و رایگەیاند ئەمە ئەو یەکێتییەیە کە دوژمنانی هەر چوار پارچەی کوردستان لێی تۆقیون.

11/10/2024

هەڤاڵ ئەبوبەكر پارێزگاری سلێمانی: بێبەریبوونی خۆم لە هەردوو ماڵەکەی بزوتنەوەی گۆڕان رادەگەیەنم و لە ئەرکەکانی خۆم بەردەوامدەبم

08/10/2024

ئەمڕۆ لەگەرمیانی سەوز ونەبەردایەتییەوە ،کاک بافڵ عەرشی خۆسەپێن وشکستخواردوەکان ئەهەژێنێت.

02/10/2024

دیداری عومەر شێخ موس وورە و گوڕی زیاتری پێدام

لەکافێیەکی ئاساییدا لەگەڵ یەکێک لەدامەزرێنەرانی یەکێتیی نیشتمانیی کوردستاندا گفتوگۆمان کرد و باسی ساتەوەختی دامەزراندنی یەکێتی و کۆبونەوەکانی دەستەی دامەزرێنەر بەسەرۆکایەتی مامی رابەری لە قاوەخانەکانی تاراوگە بۆ گێڕامەوە، ئەو یەکێتیەی یەکێک لە ئامانجەکانی دامەزراندنی ئەوەبوو ببێتە رێکخراوێکی فراوان بۆکۆکردنەوەی جەماوەر و جوڵانەوە و هەڵگیرساندنی شۆڕشگێری نوێ کەئێستا هەمووان شانازی پێوە دەکەین.

هەمیشە لەدیداری دامەزرێنەران و قارەمانانی ئەم حزبە تێکۆشەرە بووم و بەهرەمەندبوون لە سەربوردە و رێنماییەکانیان، بەخۆشحاڵییەوە چاوم بە عومەر شێخ موس کەوت گوێم لە ئامۆژگاری و سەرنجەکانی گرت لەسەر کارەکانی رێکخراوەیی و سیاسی و ئەو پەیامانەی کەپێویستە بدرێت بەدەنگدەر تا متمانە بهێنێت بەبەرنامەی لیستەکە و کاندیدەکانی.

29/09/2024

29/09/2024

یەکێتی کەرنەڤاڵی بوژانەوە و نوێبونەوەی خۆی ساز کرد

ئێوارەی ئەمڕۆ شاری هەڵمەت و قوربانی ئامێزی بۆ سەوزپۆشان و دڵسۆزانی یەکێتی نیشتمانی کوردستان کردەوە و لەنێو ئاپۆڕای جەماوەر و حەماسەتی سەرۆک بافڵ جەلال تاڵەبانی دا کەرنەڤاڵی بانگەشەی لیستی ١٢٩ و ناساندنی ئێمەی کاندیدانی ئەو لیستە ساز کرا.
گوڕو تینی جەماوەر و وتارە پڕ پەیامەکانی سەرۆک بافڵ و پەرۆشی بۆ کۆتاییهێنان بەدەسەڵاتی خۆسەپێنی ، موژدەی سەرکەوتنی یەکێتی و کاندیدەکانی بەیار و نەیار دا.
دەنگ بدەن بە رەوەز احمد شاه
کاندیدی ژمارە ٦١

29/09/2024

کۆتایی بەدەسەڵاتی خۆسەپێن دەهێنین
ئەمڕۆ سەعات 4ی دوانیوەڕۆ لەیاریگای یانەی وەرزشی سلێمانی لەچوارباخ (مەلعەبەكە) یەکێتی بەئامادەبوونی سەرۆك بافڵ جەلال تاڵەبانی یەکەمین کەرنەڤاڵی فراوانی خۆی بۆ بانگەشەی هەڵبژاردنی خولی شەشەمی پەرلەمان رێكدەخات

28/09/2024

مەسرور بارزانی دانی پێدانا کەدەسەڵاتی خۆسەپێنە

25/09/2024

لەسەرۆک بافڵەوە بۆ کوڕانی کۆسرەت رەسوڵ

12/08/2024

پارتی : چاوپۆشیمان کرد

30/06/2024

قوباد تاڵەبانی مۆزەخانەیەكی شەهیدانی لە چەمچەماڵ کردەوە

قوباد تاڵەبانی، جێگری سەرۆک وەزیران، ئەمڕۆ یەکشەممە (30ی حوزەیرانی 2024) لە سەردانەکەیدا بۆ چەمچەماڵ بە یاوەری دکتۆر دارا رەشید، وەزیری پلاندانان و لیوا چەتۆ ساڵح، بریکاری وەزیری ناوخۆ و قایمقامی چەمچەماڵ و بەڕێوەبەری شەهیدانی چەمچەماڵ سەردانی مۆنۆمێنتی ئەنفالی کرد و بە یادی هەموو شەهیدانی ئەنفال، تاجە گوڵینەی رێز و وەفای لە مۆنۆمێنتەکە دانا.

دواتر جێگری سەرۆک وەزیران مۆزەخانەی پێشمەرگەی شەهیدەکانی شەڕی داعشی کردەوە، کە مۆزەخانەکە بۆ رێزگرتن لە گیانفیدایی پێشمەرگە و پاراستنی بیرەوەرییەکانی شەهیدەکانی شەڕی دژ بەو گروپە تیرۆرستییە دروستکراوە و جلوبەرگ و کەلوپەلە تایبەتەکانی شەهیدانی پێشمەرگەی تێدا هەڵگیراوە.

قوباد تاڵەبانی لە کاتی سەردانەکەیدا ئاماژەی بە گرنگیی کردنەوەی ئەم مۆزەخانەیە کرد و رایگەیاند، ئەم مۆزەخانەیە کارێکی بچوکە بۆ نیشاندان و پاراستنی قارەمانێتیی شەهیدانی پێشمەرگە، چونکە گیانفیدایی و لەخۆبوردوویی پێشمەرگە و شەهیدانی پێشمەرگە لە شەڕی تیرۆردا ئەوەندە گەورەیە کە دەبێت نەوە لە دوای نەوە چیرۆکی ئەم قارەمانانەی کورد لەڕێگەی فیلم و نووسین و کاری هونەرییەوە بۆ هەموو خەڵکی جیهانی بگێڕنەوە.

29/06/2024

بە چاودێری سەرۆك کۆمار د.لەتیف جەمال رەشید، چالاکییەکانی (دیداری رۆشنبیریی عەرەبی-کوردی) لە بەغداد دەستیپێکرد، کە سەنتەری رۆشنبیری عەرەبی-کوردی رێکیخستوە.

14/06/2024

خێرێکی نەبڕاوە پاداشتەکەی لای خودایە
گەنجێکی سلێمانی بەناوی رەوەز ئەحمەد شاه ژمارەیەک منداڵی بێ سەرپەرشتی خانەکانی منداڵانی سلێمانی دەباتە گەشت و سەیران و جەژنانەشیان پێ دەدات

08/06/2024

قوباد تاڵەبانی پرۆژەى یەکتربڕى باخی بەختیارى لەسلێمانی کردەوە

جێگرى سەرۆک وەزیران رۆژى شەممە 8ی حوزەیرانی 2024، بەئامادەبوونی سەرۆکی شارەوانی و بەرێوەبەرى گشتی وەبەرهێنان لەسلێمانی، پرۆژەى یەکتربڕى باخی بەختیارى کردەوە.
لەمیانی بەسەرکردنەوەى پرۆژەکەدا، قوباد تاڵەبانی سووپاس و ستایشی کۆمپانیاى جێبەجێکار و سەرۆکایەتی شارەوانی بەستاف و ئەندازیارانیەوە کرد بۆ بەجێگەیاندنی ئەم پرۆژە گرنگەى رێگاوبان کەبەتەواوبوونی چارەسەرى گرفتى ترافیک و قەرەباڵغی هاتوچۆ دەکات لەدەروازەى شارى سلێمانی.
هەروەک جێگرى سەرۆکی ئەنجومەنى وەزیران دەستخۆشی لەهەوڵەکانی دکتۆر هەڤاڵ ئەبوبەکر پارێزگارى سلێمانی کرد کەبەردەوام بەدواداچوونی کردووە بۆ پرۆژەکە لەپێناو بەزوویی تەواوکردن و چارەسەرکردنی لەمپەڕەکانی بەردەم جێبەجێکردنی و چارەسەرى گرفتى قەرەباڵغی هاتوچۆ لەدەروازەى شاردا.
جێگری سەرۆک وەزیران پرۆژەى یەکتربڕى باخی بەختیارى بە نمونەیەکی جوانی هەماهەنگی نێوان حکومەت و کەرتی تایبەت وەسفکرد کە مەترسییەکانی هەر جۆرە رووداوێک کەم دەکاتەوە و کارئاسانی دەکات بۆ هاوڵاتیان، ئاماژەى بەوەشکرد کە تەواوبوونی ئەم پرۆژەیە و پێنج پرۆژەى ترى هاوشێوە کەلەقۆناغی جێبەجێکردندایە، شارى سلێمانی دەگەیەنێتە ئاستێکی زۆر پێشکەوتوو لەبوارى هاتوچۆدا.
هاوکات قوباد تاڵەبانی سوپاسی وەزارەتی شارەوانی و ئەو کۆمپانیایانەى کرد کەتەمویلی پرۆژەکان دەکەن و لەخەمی جوانترکردنی شار و شەقامەکاندان و کارئاسانیان بۆ هاتوچۆ لەئەستۆگرتووە و لەخەمی بەهێزکردنی ژێرخانی شاری سلێمانی-ن.

15/05/2024

قوباد تاڵەبانی، جێگرى سەرۆک وەزیران چەند پرۆژەیەکی وەزارەتی کشتوکاڵ و سەرچاوەکانی ئاوی لەسنورى کۆیە بەسەرکردەوە و بەهەوڵێکی گرنگی لەقەڵەمدان بۆ بەهێزکردنی ژێرخانی ئابورى.

رۆژى چوارشەممە 15ى ئایارى 2024 ، لەو سەردانەیدا جێگرى سەرۆک وەزیران، هاوڕێ لەگەڵ بێگەرد تاڵەبانی، وەزیری کشتوکاڵ و سەرچاوەکانی ئاو، بەنداوی شەوگێڕی بەسەرکردەوە و دەستخۆشی لەهەوڵەکانی وەزارەتی کشتوکاڵ و سەرچاوەکانی ئاو کرد بۆ بنیاتنانی بەنداو لەناوچە جیاوازەکاندا و بەهەنگاوێکی گرنگی لەقەڵەمدا بۆ رووبەڕووبونەوەى کاریگەرییەکانی گۆڕانی کەشوهەوا.

هەرلەوبارەیەوە و بەلەبەرچاوگرتنی تواناى بەنداوی شەوگێڕ بۆ گلدانەوەى 1.3 ملیۆن مەترەسێجا ئاو و سەررێژبوونی لەمساڵدا، قوباد تاڵەبانی خۆشحاڵى خۆى نیشاندا و بنیاتنانی بەنداوەکانی بە فاکتەرێکی گرنگ زانی بۆ بەهێزکردنی سەرچاوەکانی ئاو لەهەرێم و زامنی ئاسایشی ئاو و پەرەپێدانی کەرتی کشتوکاڵ.

دواى گوێگرتن لەسودەکانی بەنداوەکە بۆ گەشتیارى و کشتوکاڵ و سامانی ماسی بۆ گوندەکانی سنورەکە، جێگرى سەرۆک وەزیران ئاماژەى بەوەکرد دەبێ هانی برا جوتیارەکانمان بدەین کە شێوازی کشتوکاڵى پێشکەوتوو بگرنەبەر لەپێناو کەمتر بەفیرۆدانی ئاو، بەتایبەت کەمکردنەوەى ئەو بڕەى پێویستە بۆ ئاودانی بەرووبوومەکان و زیاترکردنی ئاستی بەرهەمى کشتوکاڵى جوتیاران.

قوباد تاڵەبانی لەدووەم وێستگەشدا، ئامادەى رێورەسمی بەکارخستنی پرۆژەى کارگەى ئالیکی تەبارە بوو لەکۆیە و گرنگی وەبەرهێنانی لەم بوارەدا دووپاتکردەوە و بەهەنگاوێکی پێویستی زانی بۆ زامنکردن و پاراستنی سامانی ئاژەڵ.

لەرێورەسمەکەدا گرنگی بەگەڕخستنی کارگەکە خرایەڕوو لەرووى بەرهەمهێنان و کەمکردنەوەى تێچووى کڕین و هاوردەکردنی ئالیک، هەروەها لەڕووى خۆراکیی و سودەکانی بۆ پاراستنی تەندروستی ئاژەڵى.

جێگرى سەرۆک وەزیران، لەمیانی بەسەرکردنەوەى بەشەکانی کارگەکەدا ئاماژەى بەوەکرد کە کارگەکانی ئالیک دەکرێ ببنە باشترین بزوێنەرى پیشەسازی پەلەوەر و ماسی و ئاژەڵى، لەرێى سودوەرگرتن لەبەرهەم و پاشماوەى کێڵگە کشتوکاڵییەکان بۆ بەرهەمهێنانی ئالیکی گونجاو بەپێى ستانداردی جیهانی و پێکهاتەى خۆراکی جگە لەوەش ببنە هۆکارێک بۆ دابینکردنی دەرفەتی هەلى کار بۆ هاوڵاتیانی سنورەکە.

قوباد تاڵەبانی داواى لەوەزیری کشتوکاڵ و سەرچاوەکانی ئاو کرد کە ئاسانکارى زیاتر بۆ دامەزراندنی ئەم جۆرە پرۆژانە بکەن لەپێناو پڕکردنەوەى پێداویستی ناوخۆ و کەمتر پشت بەستن بەهاوردەکردنی ئالیک لەدەرەوە، هاوکات زامنی ساغکردنەوەى بەرهەمى جوتیاران و کەمکردنەوەى تێچووى بەرهەمهێنانی گۆشت و پەلەوەر و ماسی کەدواجار بەدابەزاندنی نرخەکانیان لەبازاڕدا دەکەوێتەوە بۆ کەمکردنەوەى بارگرانی لەسەر هاوڵاتیان