https://www.facebook.com/104763345676323/

Raparin Media :: ڕاپــەڕیــن مــیــدیــا

Home
Iraq
Sulaimaniya
Raparin Media :: ڕاپــەڕیــن مــیــدیــا

Raparin Media :: ڕاپــەڕیــن مــیــدیــا پێگەیەکی ئەهلی بێلایەنە، کاردەکات لەپێناو بەخشینی زۆرترین هەواڵ و زانیاری

02/06/2023

🔻سبەی ، رۆژی شەممە ، ٣ی ٦ی ٢٠٢٣ ، یەکەم رۆژی تاقیکردنەوە گشتییەکانی پۆلی ١٢ ی ئامادەیی ( زانستی - وێژەیی- پیشەیی) یە ، هیوای ئەنجامێکی باش بۆ قوتابیان و خوێندکاران دەخوازم .
🔻پێویستە لەماڵەوە و لە هۆڵی تاقیکردنەوەکانیش کەشێکی ئەرێنی و گونجاو بۆ قوتابیان و خوێندکاران فەراهەم بکرێت. هەروەها پێویستە تەواوی رێکارەکانی پشکنین ئەنجام بدرێت و رێنماییەکان جێبەجێبکرێن ، بۆ ئەوەی دادپەروەری بەدی بێت.
🔻 ژمارەی ئەو قوتابیانەی مافی بەشداربوونیان هەیە:
زانستی : ٧٥٢٣٩
وێژەیی: ٣٩١١٣
پیشەیی : ٣٠١٢
کۆی گشتی = ١١٧٣٦٤ قوتابی و خوێندکار

ئالان حمە سعید
وەزیری پەروەردە
٢ی ٦ی ٢٠٢٣

30/05/2023

یەکەم کاروانی حاجیانی عێراق لە بەغداوە بەرە و سعودیە بەڕێکەوتن..
#عێراق #کوردستان #حاجی #حەج #سعودیە

29/05/2023

ئاگاداریەك لەبەڕێوەبەرایەتی پاسپۆرتی پارێزگای هەولێر
*ئاگاداری*
١-ئاگاداری هاووڵاتیانی سنوری پارێزگای هەولێر دەکەینەوە لە رێکەوتی(٢٠٢٣/٥/٧) نووسینگەی پاسپۆرتی (١)یەک لە بەڕێوەبەرایەتی پاسپۆرتی پارێزگای هەولێر مامەڵەکردنی (دەرهێنان و نوێکردنەوەی)پاسپۆرت لەم نووسینگەیە رادەگێرێت بە هۆی دانانی ئامێرەکانی کۆمپیوتەر و دانانی سیستەمی پاسپۆرتی نوێ(پاسپۆرتی ئەلیکترۆنی) تاکو رێکەوتی (٢٠٢٣/٦/٥)،بۆیە داوا لە هاووڵاتیان دەکەین ئەوانەی مامەڵەی پاسپۆرت لەم نووسینگەیە (دەرهێنان و نوێکردنەوەی) پاسپۆرت دەکەن پێویستە سەردانی نووسینگەی پاسپۆرتی (٢)دووی هەولێر بکەن کە دەکەوێتە سەر شەقامی (١٥٠)مەتری لەناو بەێوەبەرایەتی هاتووچۆی پارێزگای هەولێر،لە کات ژمێر(8:00)ی بەیانی تاکو کات ژمێر (6:00)ی ئێوارە.
٢-داوا لەو هاووڵاتیانە دەکەین ئەوانەی مامەڵەی پاسپۆرتیان کردووە وە ناوەکانیان گەڕاوەتەوە پاسپۆرتەکانیان تەواو بووە پێویستە بە زووترین کات سەردانی نووسینگەی پاسپۆرتی (١)یەک بکەن بەمەبەستی وەرگرتنەوەی پاسپۆرتەکانیان لە کات ژمێر (8:00) ی بەیانی تاکو کات ژمێر (3:00)ی دوای نیوەڕۆ لە هەمان شوێنی پێشووی خۆیان کە دەکەوێتە سەر شەقامی (١٢٠)مەتری لە گەڕەکی سەربەستی (٣٢)پارک.

ڕاگەیاندن وپەیوەندییەكان
بەڕێوەبەرایەتی گشتی ڕەگەزنامەی هەرێمی كوردستان

22/05/2023

ئاگاداریەك لەفەرمانگەی كارتی نیشتیمانی بەردەڕەش

گەڕانەوەی کارتی نیشتیمانی ھاوڵاتیان
وەجــــــبـــەی نوێ

‏‎‏‎📢داواكارین له‌و هاوڵاتیانەی کە مامەڵەی کارتی نیشتمانیان کردوە تاکۆ ڕێکەوتی ٢٠٢٣/٢/١٤کارتەکانیان گەراوەتەوە تکایە
سەردانمان بکەن بۆ وەرگرتنەوەیان
⛔️ رۆژانە 📅لە یەکشەممەوە تا پێنج شەممە
له‌ ⏰كات ژمێر (٢)ی دوای نیوەڕۆ تاکو (٦)ی ئێوارە ده‌توانن سه‌ردانی‌ فەرمانگەی کارتی نیشتیمانی بەردەرەش بکەن ‌ بۆ وه‌رگرتنه‌وه‌ی‌ كارتی‌ نیشتمانیەکانیان‌
‏‎‏‎‏‎پێداویستیكان‌‌︎:-

‏‎‏‎‏‎1-ره‌گه‌زنامه‌ی‌ عیراقی‌
‏‎‏‎‏‎2-پێناسی‌ باری شارستانی‌
‏‎‏‎‏‎3-وه‌صلی‌ وه‌رگرتنه‌وه‌ی‌ كارتی نیشتیمانیەکە ناوی ئەو
کەسەی کە تۆمار کراوە بۆ وەرگرتنەوەکەی دەبێت ھەر ئەو کەسە بچێتەوە بۆ کارتەکە

22/05/2023

ئاگادارییەک لە وەزارەتی کارەباوە

ئاگاداری هاوبەشانی کارەبا دەکەینەوە کۆمپانیای داناگاز بۆ ماوەی 10 ڕۆژ دەست بە پرۆسەی چاکسازیی ساڵانە لە کێڵگەی کۆرمۆر دەکات، بەهۆیەوە گواستنەوەی سوتەمەنی بە هەندێ لە وێستگەکان کەم دەبێتەوە.
وەزارەتی کارەبا بە هەماهەنگی لەگەڵ وەزارەتی سامانە سرووشتیەکان لە هەوڵی بەردەوام دایە بۆ ئەوەی کەمترین کاریگەری لەسەر کەمبوونەوەی کاتەکانی پێدانی کارەبا هەبێت.

"وەزارەتی کارەبای هەرێم"

21/05/2023

ڕانیە _ سەنتەری ددانی ئەمیر داخرا

لیژنە هاوبەشەکانی تەندروستی ڕاپەڕین و قائیمقامیەتی قەزای ڕانیە ئەمڕۆ ٢١ / ٥ / ٢٠٢٣ بە هاوبەشی و ئەندامێتی نوێنەری سەندیکای ددان سازان/ لقی ڕاپەرین سەردانی سەنتەری ددانی ئەمیریان کرد لە شاری ڕانیە بەمەبەستی بەدواداچوون بۆ مەرجی تەندروستی و ڕێنمایێەکانی سەندیکای پزیشکانی ددان و بەهۆی پابەند نەبوون بە بە مەرج و ڕێنماییە تەندروستیەکان داخرا بەهۆی :-
نەبوونی مۆڵەتی سەندیکای پزیشکانی ددان
بوونی موادی ئێکس پایەر.
بەکارهێنانی ئامێری تاقم دروست کردن بە نایاسایی
نەبونی تابلۆی کارکردن
بونی علاجی ستیکەری ئێرانی
بایەخنەدان بە پاک و خاوێنی
نەبوونی بروانامەی تایبەتمەند
بۆجاری دووەم شوێنکارەکەی پێداخرا و ڕێکاری یاسایی بەرامبەر دەگیرێتەبەر.

بەھيواى پابەندبوون لە پێناو سەلامەتى گيانى ھاولاتيانمان...

"بەڕوەبەرێتی گشتی تەندروستی ڕاپەڕین"
#تەندروستی

21/05/2023

کارەبای ماوەت.. راگه‌یاندنی هه‌لی كار

بەڕێوەبەرایەتی دابەشکردنی کارەبای سلێمانی/ڕۆژهەڵات، ژماره‌یه‌ك هه‌لی كار بۆ کارمەندی ڕۆژانە بۆ هۆبەی کارەبای ماوەت بۆکاری عدادی راده‌گه‌یه‌نێت.

ئەوانەی کە ئارەزووى کارکردنیان لەم بوارەدا هەیە ده‌توانن فۆڕمی هاوپێچ پڕبكه‌نه‌وه‌ له‌ماوه‌ی (5) رۆژدا له‌ به‌رواری (21/5/2023) تا (26/5/2023).

https://docs.google.com/forms/d/e/1FAIpQLSejLHt-neAZUBfQKN8LI3ZAIjIxwsZHlGyfWymp-NWzAvS0vA/viewform

ڕاگه‌یاندنی

21/05/2023

"لەسەر کاراکردنەوەی کۆمسیۆنی هەڵبژاردن و ڕاپرسی هەرێم، یەکێتی ڕاگەتەندراوێکی توندی دژی پارتی بڵاوکردەوە، کە ئەمەی خوارەوە دەقەکەیەتی"⬇

ڕاگەیەنراوی فراکسیۆنی سەوز لە پەرلەمانی کوردستان

بەداخەوە جارێکی تر پارتی دیموکراتی کوردستان بە بەکارھێنانی نوێنەری بەناو پێکھاتەکان، لە ھەنگاوێکی تاک لایەنەی نایاسایی ، بڕگەیەک بۆ بەرنامەی کاری دانیشتنی رۆژی ٢٢-٥-٢٠٢٣ زیاد دەکەن، ئەویش کاراکردنەوەی کۆمسیۆنی ھەڵبژاردن و راپرسیە ،.
بۆ ڕای گشتی رایدەگەیەنین ئەم ھەنگاوە تەواو ناپەیرەویە و پێچەوانەی ماددەی (٤٨ )ی بڕگەی (٤ )لە پەیرەوی ناخۆی پەرلەمانی کوردستانە ، لەبەر ئەوەی (٢٤ )کاتژمێر تەواو بەر لە دانیشتنی پەرلەمان رانەگەیەنراوە ، ھاوکات پێچەوانەی رێکەوتنی سیاسی نێوان ھێزە سیاسیەکان و فراکسیۆنەکانی پەرلەمانە کە پرسی ھەمواری یاسای ھەلبژاردن و کاراکردنەوەی کۆمسیۆن دوو پرسی نیشتمانین دەبێت دوای رێکەوتن و سازانی ھێزە سیاسیەکان ھاوتەریب بەیەکەوە بخرێنە بەرنامەی کار و کاریان لەسەر بکرێت ، کەچی جارێکی تر پارتی نوێنەری بەناو پێکھاتەکانی لە دەستەی سەرۆکایەتی پەرلەمان بەکارھێناوە بۆ واژۆکردن لەسەر بابەتێکی ناپەیرەوی ، ئەمەش ھەنگاوێکە بە ئاراستەی قوڵکردنەوەی ململانێ سیاسی ،دواجار ئەنجامدانی ئەم کارە بەشێوەی تاکرەوی وێرای ئەوەی سەرپێچی تەواوی پەیرەوی ناوخۆی پەرلەمانی کوردستانە ، لەھەمان کاتدا دەبێتە ھۆی تێکدانی بنەمای سازانی نیشتیمانی ، بۆیە ئێمە لە فراکسیۆنی یەکێتی نیشتمانی کوردستان بەتەواوی ئەم ھەنگاوە نا یاسایی و ناپەیرەویە رەتدەکەینەوە ، ئۆباڵی لێکەوتەکانی دەخەینە ئەستۆی ئەنجامدەرانی .

فراکسیۆنی سەوز لە پەرلەمانی کوردستان
٢١-٥-٢٠٢٣

#کوردستان #پارتی #یەکێتی #هەڵبژاردن

21/05/2023

ڕێگە بەمنداڵ و خێزانی دەرۆزەکەر نادرێت لە ئوتێلەکاندا بمێننەوە

لیژنە هاوبەشەکانی قائیمقامیەتی سلێمانی لەرێگەی لیژنەی پاراستنی منداڵەوە رێگە بەهیچ ئوتێلێک نادات کە داڵدەی منداڵی ئیشکەرو دەرۆزەکەرو خێزانەکانیان بدات.

بەمەبەستی چاودێری و پاراستنی ئەو منداڵانەی کارو دەرۆزەیان پێئەکریت و بەکاردەهێنرین لەلایەن خێزانەکانیان شەوی ڕابردوو، لیژنەی چاودێریکردن و پاراستنی منداڵی ئیشکەر و دەرۆزەکەر بەهاوکار لەگەڵ پشکنەری کار لە وەزارەتی کاروکاروباری کۆمەڵایەتی سەردانی 5 ئوتێلیان کرد بەمەبەستی دڵنیابونەوە لەنەبونی منداڵی ئیشکەرو دەرۆزەکەر لەشوێنەکانیاندا و هۆشیارکردنەوەی زیاتری خاوەنکارەکان و ئاگادارکردنەوەیان لەبونی هەرسەرپێچیەک کەڕووبەڕووی لێپرسینەوەی یاسایان بکات. لە ئەنجامی بەدواداچونەکان 3 ئوتێل پسولەی ئاگادارکردنەوەیان بۆ کرا چونکە ڕێگەیان دابوو خێزانی پەنابەر لە ئوتێل بمێننەوەو مناڵەکانیان بەکاربهێنن بۆ سواڵ و ئیشکردن .

لیژنەی پاراستنی منداڵ کە سەربە لیژنە هاوبەشەکانی قائیمقامیەتی سلێمانییە،
بەردەوامە لە دەستنیشانکردنی منداڵی ئیشکەرو دەرۆزەکەر و ئاگادارکردنەوەو پێدانی هۆشیاری و رێنمایی بە سەرۆک خێزان و خاوەن کارو ئوتێلەکان سەبارەت بە کاریگەریە خراپەکانی کارپێکردنی منداڵ.

21/05/2023

هەڵمەتی کوتان لەسنوری ئیدارەی ڕاپەڕین دەستیپێکرد.

هەڵمەتی کوتانی هەمەچەشنە بۆ منداڵانی دوواکەوتوو لەکوتان ئەمڕۆ یەکشەممە ٢٠٢٣/٥/٢١ دەستی پێکردو بۆ ماوەی ( ١٠ )ڕۆژ بەردەوام دەبێت هەڵمەتەکە هەموو ئەو منداڵانە دەگرێتەوە کە دوواکەوتون لەکوتان و وە ئەوانەی کاتی کوتانیان هاتووە بەپێی خشتەی کوتان تیمەکانی کوتان ماڵ بەماڵ دەگەڕێن. سەردانی هەموو کۆڵان و گەڕەک و گوندەکان دەکەن، داوا لەدایکان و باوکانی ئازیز دەکەین هاوکاری تیمەکانی کوتان بن لەپێناو تەندروستی منداڵەکانیان.

بەشی ڕاگەیاندن و پەیوەندیەکان
ب.گ.تەندروستی ڕاپەڕین

21/05/2023

نرخی 100 دۆلار, ئێستا لە بازاڕەکانی دراو لە عێراق و کوردوستاندا .....
146,900 دینار 🔒🔐

#عێراق #کوردستان #دۆلار #دینار

20/05/2023

بەهۆی هەرەسهێنانی تونی بابا دوو کەس گیانیانلەدەستدا..

قائیمقامی دەربەندیخان ڕایگەیاند: لە ئەنجامی هەرەسهێنانی چیای تونی بابان دوو شاخەوان گیانیانلەدەستداوە و یەکێکی دیکەش بریندارە.

ئەمڕۆ شەممە، سلێمان سەعید قائیمقامی قەزای دەربەندیخان بە دیجیتاڵ میدیای ئێن ئاڕ تی راگەیاند، سێ کەس بە مەبەستی شاخەوانی سەردانی تونی بابایان کردووە لە قەزای دەربەندیخان و دواتر بەشێکی ئەو چیایە هەرەسی هێناوە.

ئاماژەی بەوەشکرد، لە ئەنجامی هەرەسهێنانی بەشێکی تونی بابا دوو لە شاخەوانەکان بوون بە ژێر بەرد و خۆڵی شاخەکەوە و گیانیانلەدەستداوە و یەکێکی دیکەشیان بریندارە.

لەلایەکی دیکەوە کەیوان ئەحمەد بەرپرسی بنکەی بەرگری شارستانی دەربەندیخان لە لێدوانێکدا بە ئێن ئاڕ تی وت، ئەو شاخەوانانە خەڵکی سلێمانین و لە کاتی هەرەسهێنانی چیاکەدا گیانیانلەدەستداوە.

#کوردستان #دەربەندیخان #مردن

19/05/2023

‎:نما و چیا نەوشیروان مستەفا
‎دان بەو راستیەدا دەنێین: لە دوای کۆچی دوای باوکمان لە چەند ئاستێکدا کۆمەڵێک هەڵەی گەورەمان بەسەردا تێپەڕی

‎بڕیاری باوکمان ئەوەیە کە گردی زەرگەتە تا ئەو کاتەوەی گۆڕان لە بەرەی گەلدا بێت و قەڵای گۆڕانخوازان بێت، هیچ کەس مافی ئەوەی نیە بۆ بەرژەوەندی خۆی بەکاری بهێنێت

‎ماوەتەوە بڵێین، سەرەڕای بونی هەر جیاوازییەک لە رابردو بە چاوی رێزەوە لە هەوڵ و ماندوبونی کۆی هاوڕێکانی باوکمان، بە تێکۆشەر و گەنجەکانەوە، تەواوی هەڵسوڕاوان و دەنگدەرانی بزوتنەوەی گۆڕان دەڕوانین.

بەناوی خودای گەورە و میهرەبان

هاوڵاتیان و گۆڕانخوازانی بەڕێز،

لە کاتێکدا ئەمڕۆ شەشەمین ساڵیادی کۆچی رەوانشاد نەوشیروان مستەفایە، هەموان گەواهیدەری ئەو راستیە تاڵەن کە لەم شەش ساڵەدا ژیانی خەڵک و دۆخی حکومڕانی لە هەرێمی کوردستان زۆر خراپتر بووە.

بزوتنەوەی گۆڕان پاشەکشەی کردوە.

دان بەو راستیەدا دەنێین: بەڵێ، لە دوای کۆچی دوای باوکمان لە چەند ئاستێکدا کۆمەڵێک هەڵەی شوێندانەر بەسەر هەموماندا تێپەڕی. ئەمەش یەکێكە لە وانەکانی ژیانی رەوانشاد کە بەبێ پاکانە دانی بە هەڵەکاندا دەنا و تەواوی ژیانی تێکۆشان بو بۆ رێگری لە دوبارە بونەوەیان و راستکردنەوەیان. لە باوکمان فێربوین ئێمە وەک کوڕی ئەم میللەتە هەمیشە لەگەڵتان راشکاو بین و هەرگیز خۆمان لە ئێوە جیانەکەینەوە.

ئەو هەڵانە هۆکار بون کە گۆڕانخوازان و دەنگدەرانی هوشیاری بزوتنەوەی گۆڕان، سزایەکی راست و رەوای بزوتنەوەکەمان بدەن تاکو خۆی رێکبخاتەوە و جارێکی دیکە ببێتەوە بە قەڵا و قەڵغانی خەڵکی کوردستان.

ئێمە مسقاڵە زەڕەیەک شکمان نیە ئەگەر رەوانشاد لە ژیاندا بمایە ژیانی خەڵک، خەبات و کاروانی گۆڕان و گۆڕانخوازی و ژیانی رێکخراوەی بزوتنەوەکە بۆ ساتێك لە هاوڵاتیان و شەقام دانەئەبڕا و ترپەی دڵی لەگەڵ ترپەی دڵی خەڵک ئەبو.

لەم رۆژەدا ئێمە کوڕانی نەوشیروان مستەفا، بە دەرفەتی ئەزانین لە دڵەوە داوای لێبوردن لە گەلی خۆنەویست و قوربانیدەری خۆمان بکەین لەوەی بەهۆی ئێمەوە بە بچوکترین شێوە دڵیان شکا بێت. هەروەک داوای لێبورن لە رۆحی پاکی باوکمان دەکەین لە هەر هەڵەیەک گەر ئەنجاممان دابێت.

لە هەمان کاتدا وەک چۆن هەر هەڵسوڕاوێک بەپێی دەستوری ناوخۆی بزوتنەوەکە مافی خستەڕوی را و پیشنیازی هەیە، ئێمە ئەم پێشنیازانە دەخەینەڕو:

١. هەرچی زوە بە کردار نەک تەنیا گوفتار، ئاشتەوای و خۆڕێکخستنەوەی گۆڕان کە بڕیاری هەردو جڤاتی نیشتیمانی و گشتیە سەرپێ بخرێت. هەمو هاوڕێکانی دە ساڵ کاری گۆڕانخوازی بەسەر بکرێنەوە و راستەوخۆ داوایان لێبکرێت بگەڕێنەوە ناو بزوتنەوەکەی خۆیان.

ئێمە پێشتر وتومانە زۆرینەی گۆرانخوازان لە ئێستادا نیگەرانن لە شێوازی بڕیاردان و بەڕێوەبردنی گۆڕان. لەسەر ئەم بنەما هەر هەنگاوێک بەبێ بەشداری و رەزامەندی زۆرینەی هەڵسوڕاو دەنگدەران بدرێت هەڵەیەکی ترە بە ئاراستەی لاوازتر بونی گۆڕان و نابێ رێگەی پێبدەین.

وای دەبینین بۆ ئەم کارە هەمو ئەو برادەرانەی ئێستا گۆڕان ئەبەن بەڕێوە بەرپرسیارێتی یەکەمیان لە ئەستۆیە تاکو وەک دامەزراوەکانی سەرکردایەتی بڕیاری خۆیان بۆ خۆڕێکخستنەوە و ئاشتەوایی بگەیەنن بە ئەنجام.

٢. پێویستیەکانی ئەم قۆناغەی گۆڕان و خواستی گۆڕانخوازان ئەخوازێ کە جڤاتی نیشتیمانی لیژنەیەکی کاتی پێکبهێنێت لەو هاوڕێیانەی لە ئێستادا لە ناو بزوتنەوەی گۆڕان بەردەوامن، بەشێک لە تیمی حکومەت و هەڵسوڕاوە دیار و بە توانا و دڵسۆزانەی کە جێگەی رەزامەندی هاوڵاتیان و گۆڕانخوازان و هەڵسوڕاوانی بزوتنەوەکەن لە ئێستادا کار ناکەن.

ئەم لیژنە دەسەڵاتی تەواوی ئەبێت تاکو لەگەڵ دامەزراوەکان، بە تایبەت جڤاتی گشتی و جڤاتی نیشتیمانی، بۆ بڕیاردان و بەڕێوەبردنی ژیانی رێکخراوەیی و سیاسی بزوتنەوەی گۆڕان بۆ: بڕیاردان لە پرسی بونی گۆڕان لە حکومەتی هەرێم، پەرلەمان و حکومەتە خۆجێیەکان، کۆنفرانسی نیشتیمانی، سیاسەتی میدیایی و دارایی، پەیوەندی سیاسی و دیپلۆماسی و هەڵبژاردنی داهاتو. بۆ جێبەجێکردنی ئەم هەنگاوەش، ئێمە نەخشەڕێگای کارکردنمان لەو نامەیەدا پێشنیارکردوە کە چەند مانگێک پێش ئێستا لە لیژنەی ئامادەکاری کۆنفرانس و هەر دو جڤاتەکەدا خوێنرایەوە.

٣. ئێمە پێمانوایە مادام ئامانجمان ئەوەیە هەنگاوی بوێرانە بۆ بەهێزکردنەوەی بزوتنەوەی گۆڕان بنێین، ئەم ئامانجە هێندە پیرۆزە، شایەنی هەمو قوربانیدانێکە. دەخوازێت پێش هەر کەس ئێمە کوڕانی نەوشیروان مستەفا، ئینجا ئەو هاوڕێ بەرێزانەی ئێستا گۆڕان بەڕێوە دەبەن، هاورێیانی بەرێزی حکومەتی هەرێم پشتیوان و پابەند بڕیارەکان بن کە لە خاڵی دوەمدا باس کراوە.
ئەو کات هەمومان پێکەوە بە یەکدەنگی داوا لە هاوڵاتیان و گۆڕانخوازان بکەین دەرفەت بدەن بە ئەو هاوڕێیانەی لە قۆناغی داهاتودا ئەرکی بزوتنەوەکە دەگرنە ئەستۆ، پێکەوە کار بۆ سەرخستنی پرۆسەکە بکەین. چونكە بۆ هەموو لایەك ڕوون بویەوە كە لە غیابی ڕەوانشاد نەوشیروان مستەفا و پاشەكشی بزووتنەوەی گۆڕاندا دۆخی هەرێم و هاوڵاتیان خراپتر بووە نەك باشتر.
٤. ئێمە پێمانوایە دۆخی هەرێمی کوردستان و عێراق، چاوەڕوانی هاوڵاتیان و گۆڕانخوازان دەخوازێت لە نێو خۆماندا لێبوردەیی و هەڵگرتنی بەرپرسیارێتی بکەین بە دو کۆڵەکەی سەرەکی چارەسەری کێشە و ناکۆکیەکان لە هەنگاوەکانی داهاتودا. بیرکردنەوە لە یەکتر گوشین و تۆڵەکردنەوە و خۆ خۆری، لە رابردودا زیانی گەورەی لە میللەتەکەمانداوە، با ئێمە خاڵێک بۆ ئەم نەریتە ژەهراویە دابنێین.

رو دەکەینەوە هەڵسوڕاوە دیار و دڵسۆزەکان کە لە ئێستادا لە ماڵی خۆیاندان و پێیان ئەڵێین: ئەگەر تا دوێنێ هاوڕێیان لە گردەکە بەرپرسیار بوبن، لە ئەمڕۆوە حەقە ئێوەش شان بدەنە بەر ئەرکی ئەم قۆناغە و چیدی تەماشاکەر مەبن.

پلان و خواستی باوکمان ئەوە بو لە گردەکە کۆمەڵێک دامەزراوەی رۆشنبیری و توێژینەوە و پەروەردەیی تێدا جێبەجێ بکات بۆ پێگەیاندنی نەوەکانی ئایندە. کات دەرفەتی نەدا ئەم ئاواتە بکات بە ئامانج. ئێمە کوڕانی نەوشیروان مستەفا بە پلەی یەکەم جێبەجێکردنی ئەم خواستەی باوکمان بە ئەرکی خۆمان دەزانین و ماوەیەکە کاری بۆ ئەکەین و بە هیمەت و پشتیوانی دڵسۆزانی رەوانشاد ئەگەیەنین بە ئامانج.

هەمو هەوڵی ئێمە بۆ کاری پێکەوەی و گێڕانەوەی متمانە و بەهێزکردنەوەی بزوتنەوەی گۆڕان و ئومێدە بۆ میللەتەکەمان. بۆ گەیشتن بەم ئامانجە داوا ئەکەین هەموان ئەرکی سەرشانی خۆیان جێبەجێ بکەن. ئێمەش دەرگای دڵ و ماڵ و دەستمان کراوەیە بۆ هەموان و ئامادەین بۆ هەموو پشتیوان و ئەرکێک بە ئێمە جێبەجێ بکرێ.

نما نەوشیروان مستەفا
چیا نەوشیروان مستەفا

19/05/2023

ئامێری لێکردنەوەی توێکڵی گوێز ..

#کشتوکاڵ #گوێز

19/05/2023

ئاوات جەناب: تاوەکو کێشەی گەندەڵی چارەسەر نەکرێت لە هەرێم، دواکەوتنی مووچە بەردەوام دەبێت..

#کوردستان #مووچە

19/05/2023

بە ئامانجی زیادکردنی بەرهەمی خورما، حکومەتی عێراق لەڕێی پڕۆژەیەکەوە دەستیکردووە بە چاندنی دارخورما، هەتا لەدوای نەوتەوە، ببێت بە دووەم سەرچاوەی بەدەستهێنانی داهات..

#عێراق #خورما

19/05/2023

بەنداوی گۆمەسپان لە هەولێر، ئەو بەنداوەی دەتوانێت 115 ملیۆن مەتر سێجا ئاو کۆبکاتەوە و بەتەواوبوونیشی
“دەبێتە ناوچەیەکی گەشتیاریی سەرنجڕاکێش”

"حکومەتی ماوەبەسەرچووی هەرێمی کوردستان"

#کوردستان #گۆمەسپان #بەنداو

18/05/2023

ئەمڕۆ پێنجشەممە، وەزارەتی دارایی عێراق ڕایگەیاند: دوای تەواوکردنی ڕێکارەکان و ئامادەکردنی مووچە لە فەرمانگەی ژمێریاری، دەست بە دابەشکردنی موچەی مانگی ئایار دەکرێت..
ئاماژە بەوەشدراوە، بۆ ئەو مەبەستە داوا لەسەرجەم دامەزراوە و فەرمانگەکان کراوە بۆ ناردنی لیستی موچە..

#عێراق #کوردستان #مووچە

Address

Ranya
Sulaimaniya
46012

Website

facebook.com

Alerts

Be the first to know and let us send you an email when Raparin Media :: ڕاپــەڕیــن مــیــدیــا posts news and promotions. Your email address will not be used for any other purpose, and you can unsubscribe at any time.