https://www.facebook.com/112509167132405/

NSE-Media

هیوادارین نسێ بێت بۆ هونەرمەندان و رۆشنبیران بەتایبەتی بۆ گەنجانی بەهرەدار لە کچان و کوڕانی کوردستان
(1)

21/11/2024

ئەی ثەماڵ بە موزیکەوە

19/06/2024

شایی ڕەزا: خوام لە پشتە

خاتوو شایی ڕەزا کەبە نواندن و ڕۆڵە جیاواز و ناوازەکەی جێی خۆی لە دڵی بینەراندا کردوەتەوە بۆ نسێ دەدوێت و دەڵێت: "کورتە فیلمێکی نوێم هەیە و هەتا ئێستا نمایش نەکراوەو کارێکی تری کورتە فیلمم هەیە کەبەهۆی کۆرۆناوە دواکەوت و هەتا ئێستا ئەویش نمایش نەکراوە، کۆتا کاریشم درامای باران بوو کە دوای خوێندنەوەی سیناریۆکە خۆم دەوری پرژەم هەڵبژارد و پێم خۆشبوو رۆڵێکی نوێ تاقی بکەمەوە".

شایی دەشڵێت: "سەرکەوتنی من لە کارەکانم بینەر بڕیاری لێدەدات، بەڵام هەمیشە دەڵێم خێزانەکەم و خوام لە پشتە و هێزێکی زۆرم هەیە بۆ بەرگەگرتنی سەختییەکان، زۆرێک کەس هەن ناتوانن ئەو دەورە جیاوازەی وەریدەگرن بیگەیەنن، کاتێک من هەست ئەکەم ئەتوانم، هەموو هەوڵی خۆمی بۆ ئەیەم ، لەهەمانکاتیشدا من بەخۆم ناڵێم هونەرمەند تەنها دەڵێم حەزم بەهونەرە".

ئەوەش دەڵێت: "بەڕای من نواندن لە شانۆ قورسترە، چونکە راستەوخۆیە و بینەر بەرامبەرتە، هەمیشەش وتومە هونەر خۆشەویستی خەڵکی پێبەخشیوم و ئەو فیدباکە باشانەی پێم دەگات دڵخۆشم دەکات، هونەر ژیانە و رۆح پێویستی بە هونەرە بەهەموو جۆرەکانییەوە، من چێژ لەکارەکانم ئەبینم و بەشێکی زۆریشیان لەکەسایەتی خۆمەوە زۆر دورە".

شایی ڕەزا ئەکتەری بواری شانۆو درامایە و کۆلێجی هونەر بەشی سینەمای تەواو کردوەو لەچەندین درامادا رۆڵی جیاوازی بینیوە.

18/06/2024

بۆ كۆچی هونەرمەند بەرزانی قالەی خەڵوز

ئەی هاوڕێ گیان ئاگات لێیە
پیری چی بەسەر هێناوین
خەمی رۆژگار وای لێكردووین
تەنیا هەر بە رووكەش ماوین

وا تەمەنمان هەمووی رۆیی
هەروەكوو خەوێكمان دی بێ
ژیان هیچی بۆ نەكردین
ئاخۆ ئەوەی ماوە چی بێ

ئەی هاوڕێ گیان من ئەزانم
قەدەر چ داخێكی كردی
تۆ زامێكی ساڕێژ نەبووی
كەسەر نیوەی عومری بردی

ئیسماعیل محمد
◦

01/06/2024

مامۆستا کەریم کابان بە دەنگی چ هونەرمەندێک دەگریا؟

24/05/2024

سایە دەیەوێت ببێتە چی؟

سایە کچێکی بەهرەمەندی پەنجە ڕەنگینی سلێمانیەو وێڕای سەختییەکان دەیەوێت ببێتە نموونە بۆ کچانی کورد، ئەو لە نسێ-وە دەڵێت: "لەمنداڵیەوە خ*لیای موزیکی تێدا بووە، توانیویەتی لە ڕێگەی زانکۆوە پەرەی پێبدات، وتێشی "بە پاڵپشتی خێزانەکەم توانیم کۆلیجی ھونەرەجوانەکان ھەڵبژێرم، بەخۆشحاڵییەوە توانیم بە ئاستێکی زۆر باش تەواوی بکەم".

سایە دەشڵێت: "بۆ هاتنە ناو دنیای هونەر پێویستە بەھرەکەت تێدا بێت تاوەکو پەرەی باشی پێبدەیت، پاشان دەتوانیت لەڕێگەی خوێندنەوە بەشێوەیەکی ئەکادیمی فێری ھونەر ببیت، ئامنجم ئەوەیە کە ببمە نموونە بۆ کچانی کورد، کەبتوانن بێنە نێو دنیایی موزیک، زۆرترین کەس فێری موزیک بکەم".

ئەوەش دەڵێت: "لەکۆمەڵگەی کوردی سەختە بۆ خانمێک کەکاری هونەری بکات، بەڵام بۆ گەیشتن بەئامانجەکانمان پێویستە قسەی خەڵک وەلا بنێین".

سایە بەھادین تەمەنی ٢٢ ساڵە و لەشاری سلێمانی لەدایک بووە، مامۆستای موزیکە لەیەکێک لەقوتابخانەکانی شاری سلێمانی.

23/05/2024

رازە رەزا: سەرچاوەکان لە ئینتەرنێتدا یارمەتیدەرم بوون

رازە شێوەکارێکی پەنجە رەنگینی پایتەختی رۆشنبیرییەو لە نسێ_وە باس لە هونەرەکەی دەکات و دەڵێت: "شێوەکاری یەکێکبووە لە خ*لیاکانی منداڵیم، لەتەمەنێکی منداڵییەوە دەستم بە کاری وێنەکێشان کردووە، بەبەردەوامی و سەرنجدانە دەستی هونەرمەندەکان گرنگیم پێداوەو توانیومە بگەمە ئاستێکتی زۆر باش، دوای تەواوکردنی خوێندن ونەبونی هەلی کار زیاتر پەرەم بە شێوەکاری داوەو وەک بزنسێکی بچوکە بۆم، خۆشەویستیم بۆ کارەکە زۆرە و دەتوانم بەرەو پێشی بەرم، شێوەکاری کاری سەرەکیمە، هەمیشە کاتێکی زۆری پێ دەبەخشم، سۆشیاڵ میدیاش زۆر هاوکارم بووە".

دەشڵێت: "مانای هونەر لەناخی کەسێکەوە بۆ کەسێکیکە دەگۆڕدرێت، لەهونەردا ئاسوودەبون وژیان ئەدۆزینەوە، شێوەکار متمانە بەخۆبونم زیاد دەکات کاتێک دەبینم دەتوانم ئەندازەی شتەکانی چواردەورم بکەم و بیخەمە سەر ڕووکەشەکەی بەرامبەرو بەفڵچەکان ڕەنگ بکەم بە بەریاندا، هەمیشە هانی بەردەوام بونم دەدات، چاوو دیدگای شێوەکار لەکەسانی ئاسایی جیاوازترە".

ئەم خانمە دەست رەنگینە ئەوەش دەڵێت: "بۆ فێربوونی شێوەکاری سەرەتا بەهرە و خۆشەویستی و خ*لیا گرنگترەو لە پێشترە لە ناوەندێکی ئەکادیمی، کەتەنها یارمەتیدەرێکە، خودای گەورە بە پێی تواناو سروشتی مرۆڤ بەهرەیەکی پێ دەبەخشێت، یەکێکیش لەوانە شێوەکارییە، وەک خودی خۆم لە هیچ ناوەندێک یاخود کۆرس و فێرگەیەک بەشداریم نەکردووە، بۆ زیاتر ئاشنابوون و قوڵبوونەوە لە هونەرەکە کتێب یاخود سەرچاوەکان لە ئینتەرنێتدا یارمەتیدەرمبوون".

رازە ئەوەش دەڵێت: "هەمیشە لە کاردا باس لە ڕەگەز و توانایەکی زۆر ناکرێت باس لە لێهاتووی و شارەزای دەکرێت کاری هونەریش بۆ هەر خانمێک هەرگیز کارێکی قورس نییە، پەیوەستە بە توانا و لێهاتووی خانمەکەوە، هەروەها بۆ کاری شێوەکاری ئامرازەکانی دەستت زۆر بە ئاسانی دەتوانی بەکاریبهێنیت و بەردەستی بخەیت".

ڕازە رەزا کچێکی تەمەن 23 ساڵانە و دانیشتوی شاری سلێمانییە و زانستی جیۆلۆجی لە زانکۆی سلێمانی خوێندوە.

11/02/2024

کارزان کاردۆزی : سیناریۆی بەشی دووەمی "گێلگامێش" دەنوسم

کارزان کاردۆزی دەرهێنەری فیلمی “گلگامێش لە کوێیە؟” لە دیمانەیەکیدا تایبەت بۆ ‘نسێ’ دەدوێت و باس لە کار و پڕۆژەکانی دەکات و دەڵێت :”ئێستا خەریکی بڵاوکردنەوەی فیلمی "گێلگامێش لە کوێیە؟"م کە لە ئێستادا دەستکراوە بە نمایشکردنی لە سینەماکانی کوردستان، لە هەمان کاتدا خەریکی نووسینی سیناریۆی بەشی دووەمی زنجیرەی "گێلگامێش" م، بە هیوای ئەوەی بتوانم لە کۆتایی ئەمساڵدا دەست بە وێنەگرتنی بەشی دووەمی زنجیرەکە بکەم، ئەوە لە ئێستادا بەرنامەیەکی داهاتوومە، لە ڕابردوودا بە گشتی خەریکی نووسینی پەرتووک بووم لە بارەی سینەما، بە تایبەتی زنجیرە پەرتووکی "سەد ساڵ سینەما، سەد دەرهێنەر" ئەوە قوتابخانەیەکی گرنگی فێربوون بووە بۆ من لە بواری سینەمادا “.

وتیشی :” وەکو کەسێک کە خۆشەویستی هەیە بۆ سینەما، بە زۆر لە دەرهێنەرە مەزنەکانی سینەما سەرسامم، لە ناو دەرهێنەرانی کوردیشدا، خۆشەویستیەکی مەزنم هەیە بۆ یەڵماز گیونەی، هەم بۆ فیلمەکانی، هەم بۆ کەسایەتی، وەکو کوردێک کە لە دۆخێکی زۆر سەختدا، تەنانەت لە زیندانەکانی تورکیادا توانیویەتی چەندان شاکاری سینەما دروست بکات “.

کارزان کاردۆزی، لە شاری سلێمانی لە دایکبووە ، لە ساڵی (٢٠٠٧)ەوە لە بواری سینەمادا دەستی کردوە بە خوێندن و کارکردن .

10/02/2024

شانۆ كەمال ئەزمونی ھونەری خۆی دەگێڕێتەوە

10/02/2024

نەسرین خزری سەرقاڵی هونەری گوڵدوورییە لەسەر کڵاشی ژنان

هونەری گوڵدووری یەکێکە لە هونەرە جوانەکان کە خانمانی زۆر دەستیانکردووە بەم کارە و چەندین نەخشی جۆراجۆر دەکەن، بەڵام نەسرین خزری یەکێکە لەو خانمانەی راهێنانی سەرەتایی لەم بوارەدا وەرگرتووە و ماوەی‌ دوو ساڵە سەرقاڵی ئەم هونەرەییە.

نەسرین خزری، دەستڕەنگین و بەهرەمەند لە دیمانێکدا تایبەت بە (نسێ) رایگەیاند:"ماوەی دوو ساڵە هونەری گوڵدووری و دیزاین لەسەر کڵاشی ژنان دەکەم، هونەرێکی جوانی کوردییە بە جۆرێک ناسنامەی کوردایەتی تێدایە و لە رێگەی ڤیدیۆکانی تۆڕە کۆمەڵایەتیەکان فێر بووم و دەستمپێکرد".

وتیشی:"پێداویستیەکانی ئەم هونەرە بریتیە لە دەرزی تایبەتی گوڵدۆزی بەنی کە بۆ گوڵدۆزی و دیزاینەکە بەکاری دەهێنم. ئەم هونەرە زیاتر‌لەسەر کڵاش دەکرێت. هەرچەندە هێشتا ئەم هونەرە بە تەواوی لەناو کوردستاندا جێی نەکراوەتەوە بەڵام لەلای خەڵک سەرنج راکێشە و خواستی زۆری لەسەرە".

نسرین خزری باسی لەوە کرد:"لە شاری بۆکان چاڵاکی و فێستیڤاڵ کەم ئەجامدەدرێت و بۆیە ناتوانین بەشدار‌ بین لە ناساندنی بەرهەمەکانمان، بۆ ئەمەش زیاتر پێگەی تۆڕە کۆمەڵایەتیەکان بەکاردەهێنین. هیوادارم کە بتوانم ئەو هونەرە بە کۆمەڵگا زیاتر بناسێنم و بتوانم پەرە بەم هونەرە بدەم و بازرگانیەکی گەورەم لەم بوارەدا هەبێت".

لە کۆتایی قسەکانیدا ووتی:"ئێمەی خانمان شانازی بەبەهرەمەندی و دەستڕەنگینی و توانای خۆمان دەکەین و کەدەتوانین بەشێک بین لە گەشەکردنی هونەر و لە نێو کۆمەڵگەدا وەک هونەرمەندێکی دەستڕەنگین دەناسرێن، وە هونەر بەشێکە لە ژیانم".

نەسرین خزری تەمەن 28 ساڵ خەڵکی شاری‌بۆکانی رۆژهەڵاتی کوردستانە.

09/02/2024

کوردەوان: لە داهاتوودا بە کاری جوانەوە دەگەڕێمەوە

کوردەوان محمد، گەنجێکی بەتوانای نێو هونەرە و ئەکتەرە لە دیمانەیەکیدا تایبەت بە ‘نسێ ‘ باس لە کار و چالاکییەکانی دەکات و دەڵێت :” ماوەی (٨) ساڵە بە تەواوی سەرقاڵی کاری هونەریم، چ وەکو ئەکتەر چ وەکو فۆتۆگرافی، لە ئێستادا سەرقاڵی هیچ کارێک نیم، بەڵام لە داهاتوودا بە نیازم بەشداری درامایەک بکەم بەڵام هێشتا ئەو ڕۆڵەی کە بۆم دانراوە نازانم چییە ئایندەیەکی پلان وایە ئیشی لەسەر بکرێت،زیاتر لە (١٠) بەرهەم هەیە کە بریتین لە (داستانی گلگامێش ، فیلمی ئاڵوودە ، کۆمەڵێک کاری دیکۆمێنتاریش ، شانۆگەری ( هەنگاوی ئازادی ) ، شانۆگەری (بۆ نەخۆشخانەی هیوا ) ، درامای کۆشکی هەنار…) “.

وتیشی :” کارەکانی رابردووم ئەوەیان پێ بەخشیوم کە بتوانم ڕێز بگرم لە هەموو چین و توێژ و ڕەگەزێک، بۆیە شانازی بە ڕابردووی خۆمەوە دەکەم، حەزم دەکرد لە داهاتوودا توانام هەبێت خزمەتی هەموو فەقیر و هەژاڕێک و ئەو کەسانەی دایک و باوکیان نییە بکردنایە ئەوەنەی لە توانامدا بووایە خزمەتم بکردنایە “.

کوردەوان محمد ابوبکر، لە شاری سلێمانی نیشتەجێیە، ماوەیەکی زۆرە لە نێو کاری هونەریدایە و خاوەنی کۆمەڵێک بەرهەمە و بەردەوامە

08/02/2024

دوو بەرهەمی کتێبی هاوکار محەمەد بڵاوکرایەوە

ساڵانێکی زۆرە بۆ هەموو چین و توێژەکان دەنووسێت و کاری وەڕگێران دەکات. هەر وەک نووسەر دەڵێت:"نووسین خ*لیایە و پێم وایە مرۆڤ کاتێک زۆر دەخوێنێتەوە و بیر دەکاتەوە پڕ دەبێت، دواتر دەبێتە بەرهەمی نووسین. وە زیاتر لەبوارەکانی ژیاننامە و ئەدەبیات و عیرفانی و کارگێڕی دەنوسێت.

هاوکار محەمەد، نووسەر و وەڕگێر لە دیمانێکدا تایبەت بە (نسێ ) رایگەیاند:"لە ئێستادا سەرقاڵی ئامادەکردنی دوو بەرهەمی کتێبم لە بواری کارگێری، هەروەها نوێترین بڵاوکراوەم بریتی بوون لە دوو بەرهەمی کتێبم بەناوەکانی (دڵم بۆ باخچە دەسوتێت"فروغ فروخزاد"، لەبارەی سەیدی عاشقان مەولانای ڕۆمی بۆتان دەدوێم) کەلەم چەند ڕۆژەدا بەچاپ گەیەندران و بڵاوکرانەوە".

وتیشی:"کتێبەکەی فروغ فروخزاد دەربارەی ژیان و بەرهەم و وتەکان و دەقە شیعرەکانیەتی بەشێوەیەکی فرە لایەن لەسەر ژیانی. پاشان ئەوێتریان تەواوی ژیان و ڕووداوەکانی مەولانا و شەمسی تەبرێزی بەشیوەکی پوخت و گشتگیر و هەمەلایەنەباسکراوە. وە بەرهەمەکانم ئەدەبی و عیرفانی و کارگێڕییە و لەم بوارانەدا دەنووسم".

زۆرێک لە نووسەران باس لەوە دەکەن تا ئێستا نووسین و بڵاوکراوەکانیان نەبۆتە سەرچاوەیەک بۆ پەیداکردنی بژێوی، هەروەک هاوکار محەمەد ئاماژەی بەوەکرد:"زۆربەی نوسەران لە سەر ئەرکی خۆیان کتێبەکانیان چاپ دەکەن و بڵاودەکەنەوە، لەڕووی مادییەوەزیانیان پێدەگات و دەزگاکانیش زۆر هاوکاری نوسەران نین، سەرەڕای ئەوەش ڕێژەی خوێنەر کەمبۆتەوە، هەرچەندە بڵاوبوونەوەی کتێب زۆر بووە.

لەکۆتاییدا سوپاسی میدیایی نسێ دەکات و ووتی:"سوپاس و خۆشەویستی بۆ ستافی پێگەی نسێ،ماندوونەبن و کارو چالاکییەکانتان جیگای ڕیزە".

هاوکار محەمەد تۆفیق لە شاری کۆیە نیشتەجێیە، بڕوانامەی دیبلۆم و بەکالۆریۆس و ماجستێری لە کارگێری ئێدارە بەدەستهێناوە. بەرپرسی راگەیاندنی ماڵی رۆشنبیرانی کۆیە و بەرپرسی چالاکیەکانی دەزگای راگەیاندنی دیموکراسە و لەهەمانکات لەبواری راگەیاندن خزمەت دەکات، چەندین بڕوانامەو سوپاس و پێزانینی پێ بەخشراوە لە بواری ڕاگەیاندن.

07/02/2024

ئیدریس شەوکەت : لەناوەندێکی هونەریدا هونەرمەندان کۆدەکەینەوە

ئیدریس شەوکەت گەنجێکی سەرکەوتووی نێو بواری شانۆیە خاوەنی کۆمەڵێک بەرهەمی هونەرییە کە وەکو شانۆ (١٩) بەرهەم و وەکو نواندن (٣) بەرهەمی هەیە، وەکو دەرهێنان ( گرفتەکانی پیاوێکی مردوو ) کە براوەی باشترین دەرهێنان بوو لە ڤیستیڤاڵی (نیو نەتەوەی هەولێر، خ*لی شەشەم )ە و ( سیوی بیستو یەک ) وەکو نواندن کە براوەی (٥) خەڵاتی نێودەوڵەتییە کە لە هەر یەک لە فیستیڤاڵەکانی شانۆی شەقام لە وڵاتانی ئێران و بەغداد و دەربەندیخان، هەروەها شانۆی ( گۆڕ هەڵکەن عەبا رەشەکان) کاری دەرهێنانی بۆ کردوە لەگەڵ (گۆرانییەکانی نا ئومیدی) کە براوەی خەڵاتی باشترین سینۆگرافیا بوو لە فیستیڤاڵی شانۆی قەزاکان لە چەمچەماڵ ساڵی (٢٠١٢)، لە دیمانەیەکیدا تایبەت بۆ سایت و پەیجی ‘نسێ’ دەدوێت و دەڵێت :” ئیستا سەرقاڵی نواندنم لە درامای (تۆڵە) لەکۆتا گرتەکانی تەسویری دراماکەداین، جگەلەوە لەگەڵ هاوڕێیانم ناوەندێکی هونەریمان دامەزراندووە بۆ کۆکردنەوەی هونەرمەندان و پێگەیاندنی گەنجەکانمان لە بوارەکانی (شانۆ و شێوەکاری و موزیک …)، پڕۆژەی داهاتوومان بریتییە لە فیلمێکی دیکۆمێنتاری دەربارەی شاڵاوی ئەنفال لە ناوچەی سەنگاو ئەگەر کێشەمان بۆ دروست نەبیت بەم نزیکانە دەست دەکەین بە کاری وێنەگرتنی “.

وتیشی :” وابڕیارە دوای نۆژەنکردنەوەی بینای ناوەندی هونەری چەمچەماڵ دەست بکەینەوە بە خ*ل و ۆرکشۆپ بۆ گەنجان و فێرخوازانی چەمچەماڵ ، کارەکانی ڕابردووم قورسایەکیان خستۆتە سەر شانی من کە بتوانم ئەوانەی لە پێشودا پێیدا تێپەڕیوم هەموویانم خۆش بوێت، چونکە کارەکانی پێشوم منی ناساندوە بەو هەموو ئازیزەی کە ڕۆژانە خۆشەویستی خۆیان دەردەبڕن بۆم ئەوە زۆر جێگەی دڵ خۆشی منە “.

ئیدریس شەوکەت، لەدایکبووی چەمچەماڵە، خاوەنی کۆمەڵێک بەرهەمی هونەرییە وەکو ئەکتەر و دەرهێنەر

06/02/2024

خۆشناو محمد: سەرقاڵی نووسینی شرۆڤەسازی فیلم و درامام

خۆشناو محەمەد شرۆڤەسازی بەتوانا تایبەت بە ‘نسێ’ دەدوێت و باس لە کار و پڕۆژەکانی دەکات و دەڵێت:” ئێستا سەرقاڵی نووسینی شرۆڤەسازی فیلم و درامام، کاتێک کە سەیری لاپەرەکانی تۆڕەکۆمەڵایەتی و ڕاگەیاندن و بڵاوکراوەکانم کرد لە کوردستان بینیم بوارێکی زۆر هەیە و فەوزایەک هەیە کە تێیدا فیلم و دراما تێیدا نمایش دەکرێت، هەڵبەتە فیلم و دراما بەشێکی گەورەی هەیە لە فەرهەنگی هەر گەل و وڵاتێکدا، بۆیە پێم باش بوو من قەڵەم و پێنوسێکی تازە بمم و بتوانم بە ئایدیاییەکی جیاواز بتوانم شرۆڤەسازی فیلم و دراماکان بکەم و بتوانم فیلمی باش و خراپ لەیەکتری جیابکەمەوە، وەکو ڕەخنەگرێکی سینەمایی بتوانم شرۆڤەسازییەکانم پڕبکەم لە ڕەخنەی جدی کە بتوانێت گۆڕانکاری لە کایەی فیلم و درامادا بکات لە کوردستاندا وە قسەکردن لەسەر ئەو فیلم و درامایانەی کە نمایش دەکرێن ئیتر بیانی بن یاخود ناوخۆیی و بەتایبەت ئەو فیلم و درامایانەی لەسەر شاشەی کەناڵە لۆکاڵییەکان نمایش دەکرێت و لە سینەماکان نوێگەرییان بۆ دەکرێت و بەشیوەیەکی نوێ و جیهانی داڕشتنی بۆ دەکرێنەوە، من پێم باشبوو شرۆڤەسازییەک بکەم کە لە ئاستێکدا بێت بینەر بتوانێت سوود لە شرۆڤەسازییەکانم ببینێت، هەمیشە لە چاوپێکەتن و نووسین و ئەو ڕۆژنامە و گۆڤارانەی کە کارم کردووە تێیدا، بەشێکی گەورە بوونە لە ناسنامە و ئایدیا و ڕابردووی من، هەمیشە لەگەڵم دەبن و دەبنە یادەوەرییەی جوانی من کە هاندانێکە بۆم تا بەردەوام بم وە ئەگەر سەرقاڵی ئەم کارەم نەبوومایە پێم خۆشبوو لە ڕاگەیاندندا بەردەوام بوومایە و ببومایە بە بێژەرێکی کەناڵێکی کوردی یاخود عەرەبی، جگە لەوە ئەکتەری ئاواتی مناڵی من بوو بەڵام بە داخەوە ژیان دەرفەتی ئەوەی نەدا وەکو ئەکتەرێکی سینەمایی لە فیلمدا بەشداری بکەم بۆیە بواری شرۆڤەسازیم هەڵبژارد “.

وتیشی:” لە بەرنامەمدایە ئەو شرۆڤەسازییانەی کە نووسیومە بیکەمە کتێب و بڵاوکراوەیەک کە کتێبخانەی کوردی پێ دەوڵەمەند بکەم، چونکە شرۆڤەسازیی گرنگە بۆ فیلم و دراما بۆ ئەوەی کە بینەر وە خوێنەر بە باشی بچنە ناو قوڵایی و چڕی درامی ئەو فیلم و درامانەی کە پەخشدەکرێن و ئەو فیلمانەی لەسەر شاشەی سینەماکاندا پەخشدەکرێن بتوانن لە ڕێگەی کتێبێکەوە زیاتر بەرچاو ڕوونیان هەبێت لەسەر کوالێتی و ڕووداوەکانی پشت دراما و فیلمەکە بۆ ئەوەی بتوانن زیاتر ژانەرەکان وەکو خۆیی ببینن و بچنە ناو گرێچنی ڕووداوەکان و بچنە ناوەڕۆکی فیلمەکە و بتوانن ڕەخنەی لێبگرن و شتە جوان و باشەکان جیابکەنەوە، خۆم ئاواتمە لە داهاتوودا ئەوەندە شرۆڤەسازی فیلم و دراماکان بکەن بۆ فیلم و دراماکان کە بۆ هەر گەڕانێک کە گەنجێک یان تاکێکی ئەم کۆمەڵگایە بە کوردی لە تۆڕەکۆمەڵایەتییەکدا گەڕانی بۆ بکات بتوانێ شرۆڤەسازییەکی ورد و باش لەسەر هەر فیلم و درامایەک بێت دەستی بکەوێت و بتوانێ بچێتە ناو ژانەری فیلمەکە و بتوانێت لایەنە باش و خراپەکانی فیلمەکەی دەست بکەوێت، دەمەوێت زۆرترین شرۆڤەسازی بۆ فیلم و دراماکان بکەم بۆ بینەر و خوێنەری کورد “.

خۆشناو محەمەد ئەحمەد، لە خورماڵ لەدایک بووە، ماوەیەکی زۆرە سەرقاڵی نووسینە لە چەند بوارێکی جیاوازدا بەتایبەتی بواری هونەر، نزیکەی (١٥٠)شرۆڤەسازی کردووە بۆ فیلم و دراماکان، هەموویشی بڵاوکردۆتەوە لە سایت و پەیج و ئەکاونتی خۆی.

06/02/2024

سروە مستەفا لەڕێگەی تابلۆكانیەوە تواناكانی نیشان دەدات

05/02/2024

سۆزان: دەمەوێت خ*لێکی فێربوونی وێنەکێشان بۆ فێرخوازان بکەمەوە

سۆزان سۆران وێنەکێشی گەنج لە دیمانەیەکیدا تایبەت بە ‘نسێ’ دەدوێت و باس لە کار و پڕۆژەکانی دەکات و دەڵێت :” لە ئێستادا سەرقاڵی بەرەوپێشبردنی ئاستی هونەری خۆمم لە بواری وێنە کێشاندا بەتایبەت کێشانی وێنەی سروشت، سەرقاڵی دیزاینی هونەریشم ، لە پلانمدایە بۆ داهاتوو بتوانم خ*لێکی فێربوون بۆ ئەو گەنج و فێرخوازانەی ئارەزووی وێنەکێشانیان هەیە بکەمەوە و بشتوانم بەشداری چەند پێشانگایەک بکەم هەتا بتوانم تواناکانی خۆم دەربخەم و خزمەتی زیاتر بکەم “.

سۆزان وتیشی :” هەر لە مناڵییەوە حەز و ئارەزووی وێنەکێشانم هەبووە و ماوەی نزیکی ساڵێکە بە تەواوەتی چومەتە ناو بواری هونەری و وێنەکێشان و ئیشی تابلۆوە ، ئەزمونێکی زۆر باشم لە بوارەکەی خۆم وەرگرتووە و توانیومە لە کارەکانم سەرکەوتووبووم “.

سۆزان سۆران حسێن ناسراوە بە (ڕویا) ، ساڵی (٢٠٠٢) لە چەمچەماڵ لە دایکبووە ، ماوەی نزیکی ساڵێکە لە نێو هونەر بە گشتی و وێنەکێشان بە تایبەتی سەرقاڵە

04/02/2024

تورەج پاکپوور سەرقاڵی نووسینی کورتە فیلمێکە و بەشداریی شانۆیەک دەکات

لە ساڵی 2012 ەوە بەشێوەی پیشەیی و ئەکادیمیی دەستی بەکاری شانۆیی کردووە و تا ئێستا وەک شانۆکار کاری نواندنی زیاتر لە 10 شانۆ ئەنجامداوە.

تورەج پاکپوور، شانۆکار لە دیمانێکدا تایبەت بە (نسێ) رایگەیاند:"لە داهاتوویەکی نزیکدا، کارێکی شانۆیی نوێ نمایش دەکەین کە لە ئێستادا لە قۆناغی هەڵبژاردنی شانۆکارە. هەروەها سەرقاڵی نووسینی کورتە فیلمێکم کە بەمزووانە دەستدەکرێت بە بەرهەمهێنانی. ئەزموونم لە دروستکردنی فیلم و پلاندانانم هەیە و چێژ لە کاری سینەمایی وەردەگرم بەڵام تا ئێستا کارم لە سینەمادا نەکردووە. بۆ یەکەمینجار کاری دەرهێنەریم بەشێوەی ئەکادیمیی بۆ شانۆگەریی زێری‌ بوکی مردوو ئەنجامدا".

وتیشی:"سەرەتایی کاری شانۆییم، بەشداریکردنم لە شانۆنامەیەکدا بەناوی (ئێمە نابینە مرۆڤ) بوو کە ڕۆڵم تیادا بینی و لە نووسینی رەسوڵ بانگین بوو. دواتر لە چەند شانۆگارییەکی دیکە کارمکردووە لەوانە،(تکایە جگەرە مەکێشن، پەیکەری ورچ، سەتڵی خاشاک کە دەستی نەبوو، دزیکردن لە جۆری یەکەم، مالیک جەمشید، دەروێش عودەی، مەم و زین، زێری بوکی مردوو، .......هتد".

تورەج پاکپوور لە ساڵی 1993 لە شاری ئورومیە لەدایکبووە. تا ئێستا بەشداری لە فێستیڤاڵی نێودەوڵەتی سەقز، هەولێر، فێستیڤاڵی شانۆی فۆلکلۆری ئازەربایجانی ڕۆژئاوا کردووە.

03/02/2024

ئەکتەرێکی فیلمی شین بۆ نسێ دەدوێت

کارۆ ساماڵ ئەکتەری بە توانا لە دیمانەیەکیدا تایبەت بە ‘نسێ’ باس لە کار و پڕۆژەکانی دەکات و دەڵێت :”سەرقاڵی پرۆڤەکردنی شانۆییەکم بەناوی ٧ چرکە وەک ئەکتەر تێدا بەشدارم کە لە (١٧) ئەم مانگی یەکەوە دەست بەنمایشکردن دەکەین ، بەرنامەم لە دوای ئەم شانۆگەرییە ئەوەیەکە لە فیلمێکدا بەشدارم و لە مانگی (٢)دا دەست دەکرێت بە کاری وێنەگرتنی ، ئەمە جگە لەوەی کە لە فیلمی شینیشدا بەشداریم کردووە “.

وتیشی :” من بەوکارانەی ڕابردوومەوە دەژیم ھەر کارەکتەرێک کە بەرجەستەم کردووە وەکو مناڵێکی خۆمم خۆشدەوێت ، ئەگەر ئەکتەر نەبوومایە ئەوا حەز و خ*لیای ئەوەم دەکرد کە میوزیک ژەن بوومایە “.

کارۆ ساماڵ ئەنوەر ، لە سلێمانی لەدایکبووە ، ساڵی (٢٠٠٤) چۆتە پەیمانگای ھونەرە جوانەکانی سڵیمانی ، لەساڵ (٢٠٠٦) خەریکی کاری ھونەرییە بەتایبەت شانۆ ، لە (٤) درامادا بەشداری کردوو بە ناوەکانی ( ئاکامی نهێنییەکان ٢٠١٠ ، خانەکەی حاجی ئاغا ٢٠١١ ، غوربەت ٢٠١٢ ، بالەخانە ٢٠٢٢ ) ، لە شانۆکانی ( هەردەم ئەو وەنەزەوە گیانم دەرچوو ٢٠٠٦ ، شاری تابلۆ ٢٠٠٩ ، خوای کوشتار ٢٠٢١ ، هیچ نهێنیەک لا ئارادانییە ٢٠٢٢ ، ٧ چرکە ٢٠٢٤) و فیلمی درێژ ( شین) و کورتە فیلم ( یاری شەترەنج ، ١ بۆ ٦) بەشداری کردووە.

Address

RZGARI
As Sulaymaniyah
46002

Telephone

+9647740881538

Website

facebook.com

Alerts

Be the first to know and let us send you an email when NSE-Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to NSE-Media:

Videos

ئەی ثەماڵ بە موزیکەوە

مامۆستا کەریم کابان بە دەنگی چ هونەرمەندێک دەگریا؟

شانۆ كەمال ئەزمونی ھونەری خۆی دەگێڕێتەوە

سروە مستەفا لەڕێگەی تابلۆكانیەوە تواناكانی نیشان دەدات

ڕۆژگار ئەحمەد_ دەفژەن

گۆران مەحمود گەنجێكی موزیكژەنی گەرمیانە

نەورەس عومەری گۆرانیبێژ بۆ نسێ دەدوێت

مامۆستایەكی موزیك باس لە بەرھەمە ھونەرییەكانی دەكات

گۆران ئایار باسی بەرھەمە ھونەرییەكانی دەكات

دیاکۆ ئافەرینی بڵاوکرایەوە دیاکۆ خالقی ماوەی 13 ساڵە دەستیکردووە بەکاری هونەری و میوزیک دەکات و زیاتر لە هەزار‌ بەرهەمی هونەری بۆ هونەرمەندانی دیکە دروستکردووە. دیاکۆ خالقی، گۆڕانیبێژ لە لێدونێکدا تایبەت بە (نسێ) رایگەیاند:"نوێترین بەرهەمی گۆڕانیم بە ناوی ئافەرین بڵاوکرایەوە، کە خۆم کاری ئەرینجمێنت و ئاواز و تێکستم بۆ ئەنجامداوە". وتیشی:"ئەم گۆرانیە پێنج ساڵ پێش ئێستا لە شاری سقز تۆمار کراوە و ئەمساڵ بڕیارمدا بڵاوی پکەمەوە. هەروەها ئەلبومە نوێکەم تەواو کردووە و هەر بە 15 ڕۆژ جارێک بەرهەمێکی لێی بڵادەکەمەوە". دیاکۆ خالقی خەڵکی شاری سەقزی ڕۆژهەڵاتی کوردستانە و تا ئێستا خاوەنی 40 بەرهەمی هونەرییە.