MTD Group

28/06/2022

پڕۆفیسۆری یاریدەدەر د.ادریس عزت حمەخان
لەساڵی 1995 بە پلەی یەکەم لەسەر بەشی ئەندازیاری میکانیک بکالۆریۆسی بەدەستهێناوە لەزانکۆی صلاحدین
لەساڵی 2002 ماستەری تەواو کردوە لەهەمان زانکۆ
لەساڵی 2010 دکتۆرای تەواوکردوە لەزانکۆی کوین-مارین لەندەن لەبریتانیا

بەداخەوە ئەمڕۆ بە ڕووداوێکی دڵتەزێن شەهیدکرا

19/06/2022

ڤاکیوم پاککەرەوەی زیرەک

جۆرێکی نوێی کۆکەرەوە و پاککەرەوەیە بەشێوازێکی نوێ و سەردەمیانە دروستکراوە وە هەروەها تەکنەلۆجیایی زیرەکی دەستکردی تیادا بەکارهاتووە، وە دەتوانرێت لە ڕێگەی مۆبایلەوە کۆنتڕۆڵ بکرێت ...

16/06/2022

پاش هەڵبژاردنی ۳۲ کەس لەسەر ئاستی هەموو پارێزگاکانی عێراق لە ڕێی cv وە بۆ خولی Photovoltaic Systems Technology وە بەخشی محمد طاهر محمد پاش ئەنجامدانی چەندین تاقیکردنەوە و assignment سەرکەوتوانە پلەی یەکەمی بەدەستهێنا لەسەر ئاستی پارێزگای سلێمانی و یەکێک بوو لە یەکەمەکانی سەر ئاستی عێراق .

بۆ بەشداری کردن لەو خولە بۆ ماوەی 140 کاتژمێر کەلەلایەن ئەکادیمیای renac ئەڵمانی و GIZ و BMZو European Union بەڕێوەدەبرا ،دوای هەڵبژاردنی ۱٤ بەشداربوو لەسەر ئاستی عێراق وە تاکە بەشداربوو لەسەر ئاستی پارێزگای سلێمانی بەخشی محمد طاهر بانگێشتکرا بۆ وڵاتی ئەڵمانیا بۆ درێژەپێدان بەخولی solar photovoltaic energy بۆ ماوەی 10 ڕۆژ،

دوای بەشداریكردنی توانی سەرکەوتوانە خولەکە تەواو بکات و بڕوانامەیMaster Train the Trainer لەبواری وزەی خۆر بەدەستبهێنێت.

بەخشی محمد طاهر محمد لەساڵی ۱۹۹٥ لە شاری سلێمانی لەدایکبوووە ساڵی ۲۰۱٦ زانکۆی سلێمانی بەشی ئەندازیاری کارەبای بە پلەی دووەم تەواوکردوە ، لە ساڵی ۲۰۱۹ بڕوانامەی training of Trainer ی لەبواری وزەی خۆر بەپلەی یەکەم بەدەستهێناوە ،ساڵی ۲۰۱۹ لە زا

16/06/2022

گەنجێکی پارێزگای هەولێر بڕوانامەیەکی نێودەوڵەتی بەدەست هێنا لە بواری ئەندازیاریی کارەبا

ئەڤین مرسوم نصرالدین دانیشتووی شاری هەولێر، دەرچووی زانکۆی سەلاحەددین-هەولێر بەشی ئەندازیاریی کارەبا ساڵی 2017 لە یەکەمەکانی ئەم بەشە بووە.

لە ساڵی 2020 وەکو ڕاهێنەر لە بواری سیستەمەکانی ووزەی خۆر لەگەڵ چەندین ڕێکخراوی بیانی کاری کردووە.

لە ساڵی 2021 سەرپەرشتیار و ڕێکخەر بووە لە کردنەوەی خولێکی سۆلار بۆ ئاشنا کردن و پتەوکردنی ئاستی زانستی گەنجان بەم بوارە.

لە 1ی 11ی 2021 دوای هەڵبژاردنی 32 کەس لەسەر ئاستی هەموو پارێزگاکانی عێراق لە ڕێی CV لە خولی Photovoltaic System Technology بەشداری کردووە بۆ ماوەی 140 کاتژمێر کە لە لایەن ئەکادیمیای نێودەوڵەتی Renac ی ئەڵمانی و GIZ و BMZ و European Union بەرێوەدەبرا.

پاش ئەنجامدانی چەندین تاقیکردنەوە و assignment سەرکەوتووانە تەنها کوردێک بووە کە توانیویەتی لە سەر ئاستی پارێزگای هەولێر پلەی یەکەم بەدەست بهێنێت وە یەکێکە لە یەکەمەکانی ئاستی عێراق.

لە ساڵی 2022 دوای هەڵبژارنی 14 بەشداربوو لەسەر ئاستی عێراق بانگێشتکراوە بۆ ووڵاتی ئەڵمانیا بۆ درێژە پێدان بە خولی Photovoltaic System Technology وە بە سەرکەوتوویی ئەم خولەی تەواو کردووە وە بڕوانامەی Master Trainer the Trainer ی لە بواری ووزەی خۆر بە دەست هێناوە.

وه‌رگیراوه

15/06/2022

china's huge & fascinating road network

تۆڕی ڕێگای چین و پێشکەوتن تێیدا !

لە ساڵی ١٩٨٨دا چین هیچ ڕێگایەکی باشی وشکانی نەبوو تا هاوڵاتیانی بە ئاسوودەیی هاتوچۆی پێدا بکەن لە ناوچە شاخاویەکاندا ئەمیش بەهۆی ئەوەی کە هەڵکەوتەی وڵاتی چین زۆربەی شاخ و بەرزو نزمیە.

بەڵام دوای ٣٤ ساڵ ئێستا چین وەک یەکەم وڵات لەو رێژەدا خاوەنی زیاتر لە ١٣٥٠٠٠ کیلۆمەتر ڕێگای وشکانیە کە پێشەنگی گرتوە کە ئەوەی جێی سەرسوڕمانە ئەوەیە لە ساڵی ٢٠١١ دەستکراوە بە کاری جدی لەم ناوچانەدا کە هەموو ساڵیك زیاتر لە ٩٥٠٠ کیلۆمەتر ڕێگایی وشکانی دروست کراوە کە ئەم ڕێژە باوەڕکردن پێی زۆر ئەستەمە وەک بڵێ هیچ بەرزونزمیەک نیە لەم وڵاتەدا تا ڕێگریان لێبکات.

14/06/2022

چۆن لاپتۆپێکی باش بکرین ؟
کامیان باشترن ؟

سەرەتا با تێبگەین کۆمپیوتەر چیە و پارچەکانی چین تاکو بزانین چ جۆرێک هەلبژێرین،چونکە ئەوەی جیاوازی لە نێوان لاپتۆپەکان دروست دەکات تەنها تایبەتمەندیەکەی ناویتیان نەک ئەو مارکەیەی کە دروستی دەکات

- بەشە سەرەکیەکانی کۆمپیوتەر لە ئەنجامدانی تاسک و کارو بار بریتیە لە:
پرۆسێسەر
رام
هارد
گرافیک کارد
جۆری شاشە
- بەشە لاوەکیەکان بریتین لە:
ماوس
کیبۆرد
بڵندگۆ
دیڤیدی رایتەر
دیزاین و شێوە
رەنگ

- بەشە لاوەکیەکان هەر کامێکیان بێت بۆ پرۆگرامەرێک هەمووی یەک جۆرە ئیش دەکات و هیچ جیاوازی نیە، واتا لێرە کێشەمان لەگەڵ بەشە لاوەکیەکان نیە

- با بێینە سەر بەشە سەرەکیەکان
1- رام
کاری رام ئەوەیە داتای داواکراوی ناو هارد لەخۆیدا خەزن دەکات بە شێوەیەکی کاتی
بۆ نمونە کە تۆ پرۆگرامێک دەکەیتەوە و کۆد دەنوسی، ئەو پرۆگرامە لەناو رام کار دەکات، ئەو کۆدانەی دەینوسی هەمووی لەناو رام زەخیرە کراوە بە شێوەیەکی کاتی، دوای ئەوەی کە کۆدەکانت سەیڤ دەکەی و بەرنامەکە دا دەخەی ئیدی کۆدەکان لەناو هاردەکە بە شێوەیەکی هەمیشەیی خەزن دەبن و پرۆگرامەکە و کۆدەکان لەناو رامەکە دەچنە دەرەوە.
واتا هەر پرۆگرامێک کە هەڵبێت ئەوا لەناو رام کار دەکات و هەر کاتێک پرۆگرامەکە داخرا لەناو رام نامێنێت، ئەو بەرنامانەی پێویستیان بە رام هەیە لە بەرنامەیەکەوە بۆ بەرنامەیەکەوە جیاوازە
بۆ نمونە
ڤیشوەل ستودیۆ وا باشترە رامت 8 گێیا بایت بێ، ئەگەر زیاتریش بێ باشترە
ئەندرۆید ستودیۆ وا باشترە رامت 8 بێ و زیاتر بێ باشترە
بۆ ئەدۆب پرێمەر نابێ رامت لە 8 کەمتر بێ، ئەگەر ڤیدیۆی فول ئێچ دی دروست بکەیت پێویستە رامت 16 بێ یان زیاتر، ئەگەر ڤیدیۆی فۆرکەی دروست بکەی وا باشترە 32 کەمتر نەبێ
بۆ کۆد بلۆکس و ئەوانەی سی پلەس پلەس و سی بەکاردێنن رام 8 گێگا زۆریشە
لە پرۆگرامینگدا بە گشتی 8 گێگا کێشەی نیە و بۆ
هەموو زمانەکان دەبێ و قورس نابێ
رامیش خێرایی هەیە، DDR2, DDR3, DDR4
لاپتۆپەکانی جینیرەیشن 7 و بەرەو سەرەوە زۆربەی زۆریان DDR4ن کە لە هەموویان خێراترە، رامی DDR5 هەیە بەلام لە ئێستادا تەنها لەسەر گرافیک کارد جێگیر کراوە.
ئەوە باسێکی رام بوو زۆر بە کورتی

2- پرۆسێسەر
ناوەندی چارەسەرکردنی زانیاری
ئەوە گرنگترین بەشە، ئەگەر ئەو بەشەت باش و بەهێز بێ بە گشتی زۆربەی پارچەکانیتر دەبێ باش و بەهێز بێ
بۆ کۆمپیوتەری لاپتۆپ و دێسکتۆپ دوو کۆمپانیای سەرەکی هەیە کە پرۆسێسەر دروست دەکەن
AMD & intel

باوترینیان لە کوردستان و عێراق بریتیە لە ئینتێل، کە لە رووی نرخەوە لە ئەی ئێم دی گرانترە زۆربەی کات
جۆرەکانی پرۆسێسەری ئینتێل بریتیە لە
Xeon
Core
Atom
Celeron
Pentium
Itanium
Quark
کامیان بۆ من باشە؟
لە بازاردا باوترینیان کۆر و سیلیرۆن و پێنتیۆمە
زیۆنیش زیاتر بۆ دیزاینەر و ئەو کەسانە باشە کە کاری گرافیک و ئیدیت دەکەن
سیلیرۆن تەنها بۆ ئۆفیس و کاری سادە باشە و کارەبایەکی زۆر کەمی پێویستە
ئەتۆم لە لاپتۆپی بچوکدا هەیە کە ئەویش بۆ کاری سادە باشە
پێنتیۆم بۆ کاری سادە باشە بەلام تۆزێک لە سیلیرۆن بەهێزترە، بۆ کاری پرۆگرامینگ باشە ئەگەر تەنها کۆد بنوسی بەلام ئەگەر ستودیۆیەکان بەکاربێنیت ئەوا باش نیە
باوترینیان کۆرە بە تایبەت لە رووی بازار و لە کوردستان
کۆر لە ئێستادا چوار زنجیرەی هەیە
Core i3
Core i5
Core i7
Core i9
Core X
Core M
هەر زنجیرەیەکیشیان چەند جۆرێکی هەیە
H
HQ
HK
U
MQ
M
T
QM
باوترینیشیان لە کوردستان U, H, HQ
جیاوازی ئێچ لەگەل ئێچ کیو ئەوەیە کە ئێچ کیو لە جینیرەیشنی 7 و بەرەو خوارەوەیە، لە جینیرەیشنی 8 و بەرەو سەرەوە دەبێتە ئێچ بە تەنیا، واتا تەنها ناوەکەی گۆردراوە
پرۆسێسەری جۆری U نرخیان زۆر هەرزانە و لایەنە باشیەکەیان ئەوەیە کە کارەبا کەم سەرف دەکەن، بۆ پرۆگرامەر زۆر باشە بەلام بۆ گەیمەر و دیزاینەر و ئەو کەسانەی کاری قورس دەکەن باش نیە
پرۆسێسەری جۆری H و HQ زۆر بەهێزن بەلام نرخیان گرانترە و بۆ هەموو جۆرە ئیشێک دەبن، زیاتر گەرم دەبن و کارەبایەکی زیاتر سەرف دەکەن.
چۆن بزانین پرۆسێسەرەکە جینیرەیشنی چەندە و ساڵی چەند دروستکراوە؟
هەموو پرۆسێسەرێک مۆدێل نەمبەری هەیە
بۆ نمونە پرۆسێسەری
Intel core i7-8750H
لە گووگل بنوسە
Intel core i7-8750H release date
پێت دەلێ سالی چەند دروست کراوە
بە هەمان شێوە بۆ ئەی ئێم دیش هەمان شت لە گووگل بنوسە و پێت دەڵی ساڵی چەند دروستکراوە

وە پرۆسێسەرێکی وەک intel core i5-8300H لە رووی خێراییەوە لە هەموو کۆر ئای حەوتێکی جینیرەیشن حەوت و بەرەو خوار بەهێزترە
وە تێگەیشتنێکی هەڵەش هەیە کە دەووترێ ئینتێل باشترە لە ئەی ئێم دی، بەلام لە ساڵی 2018وە تا ئێستا پێچەوانەکەی راستە

ئەوە باسی پرۆسێسەر بوو زۆر زۆر بە کورتی و بە سادەیی

3- هارد
هاردیش زۆر جۆری هەیە
کۆنەکان زۆر گرنگ نین بەلام نوێیەکان ئێستا باوترینیان دوو جۆری سەرەکین
HDD
SSD

ئێچ دی دی میکانیکیە و زۆر خاوە و بە بەربوونەوە و زەبر بەرکەوتن تێک دەچێ، ئەوەیان ئێستاش زۆر باوە چونکە نرخەکەی هەرزانە

ئێس ئێس دی باشترین جۆری هاردە و کە زۆر جۆری هەیە، باوترینیان
Sata
M.2
NVme
ئێن ڤی ئێم ئی لە ئێستادا باشترین و خێراترین و گرانترین هاردە لە لاپتۆپدا
ئەگەر لاپتۆپەکەت هاردەکەی ئێس ئێس دی بێ و کۆر ئای سێ بێ باشترە لە لاپتۆپێک کۆر ئای نۆ بێ و هاردەکەی ئێچ دی دی بێ
ئەگەر لاپتۆپەکەت بە هاردێکی ئێچ دی دی بە 50 چرکە دابگیرسێ ئەوا بە هاردێکی ئێس ئێس دی بە 10
چرکە دادەگیرسێ
هاردی ئێچ دی دیش خێرایی هەیە
5200RPM
7200RPM
10000RPM
15000RPM

بە هەمان شێوە ئێس ئێس دیش خێرایی هەیە، واتا مەرج نیە ئێچ دی دی هەموو وەک یەک بن و ئێس ئێس دی ئێن ڤی ئێم ئی هەموو وەک یەک بن

ئەوە باسی هارد بوو زۆر بە کورتی

4-گرافیک کارد
یان ناسراو بە کارت شاشە
سێ کۆمپانیای سەرەکی گرافیک کارد بۆ لاپتۆپ دروست دەکەن
Intel
AMD
Nvidia

گرافیک کاردیش دوو جۆرن
1-Integrated
ئەو جۆرە لە لایەن ئەی ئێم دی و ئینتێلەوە دروست
دەکرێ
زۆرجار پێی دەووترێ داخلی یان مُتَّصِل
کە هەموو کۆمپیوتەرێک دەبێ بە لایەنی کەم گرافیک کاردێکی داخیلی هەبێ لەناو پرۆسێسەرەکەدا.
ئەگەر تۆ گەیم و مۆنتاژ و ئیدیت و گرافیک و کاری دیزاین ناکەیت ئەوا گرافیکی داخیلی باشە بۆت
واتا بۆ پرۆگرامینگ هیچ پێویستت بە خارجی نیە
هی ئینتێل بە گشتی لە 128مێگا بایت و کەمترن
هی ئەی ئێم دی بە گشتی 512 مێگابایتن

2-Dedicated
ئەوەیان کە پێی دەووترێ مُنفَصِل یان خاریجی
واتا لە دەرەوەی پرۆسێسەر جێگیر کراوە
ئەوانەی ئەو جۆرە گرافیک کاردانە دروست دەکەن بۆ لاپتۆپ و دێسکتۆپ دوو کۆمپانیای سەرەکین
AMD
Nvidia

لێرە زیاتر نڤیدیا باوترە بەلام نرخەکەی لە ئەی ئێم دی گرانترە
جۆرە باوەکانی بریتین لە
GTX
RTX
Quadro

کوادرۆ بۆ وۆرکستەیشن و دیزاین زۆر باشە بەلام بۆ
یاری باش نیە
کوادرۆش زۆر جۆری هەیە کە هەندێکیان بە هەزارەها دۆلار دەفرۆشرێن

ئەوانەی بۆ یاری و کاری دیزاین دەبن بریتین لە GTX و RTX.
ئار تی ئێکس باشترە لە گی تی ئێکس لە رووی گرافیک و پیرفۆرمانسەوە و هەروەها پشتگیری لە کوالێتی HDR دەکات

وە هەروەها هەر گرافیک کاردێک قەبارەی هەیە، ئەو داتا و گرافیکەی کە دێتە سەر شاشەکەت سەرەتا دەبێ بە گرافیک کاردیشدا تێپەر ببێت، یاری وا هەیە کوالێتی فۆرکەی و ریسۆلیوشنی زۆر بەرزە، کە ئەو وێنانەی نیشانتی دەدات لە هەر چرکەیەک رەنگە قەبارەی هەبێ
جاری وا دەگاتە 5 گێگا لە یەک چرکەدا، ئەوکات دەبێ گرافیک کاردەکەی قەبارەی لە 6 گێگا کەمتر نەبێ، ئەگەر کەمتر بێ یاریەکە یان ئیشەکە لاگ دەکات و دەوەستێ چونکە توانای وەرگرتن و پەخش کردنی ئەو قەبارە زۆرەیەی نیە.
بەلام لە هەمان کاتدا گرافیک کاردیش خێرایی هەیە
بۆ نموونە
Nvidia GTX 1060 3GB
قەبارەکەی سێ گێگایە
بەلام خێراترە لە
Nvidia GTX 1050 4GB
ئەمەیان قەبارەکەی چوار گێگایە بەلام لە رووی نرخەوە هەرزانترە و هەروەها لە رووی خێراییەوە نزمترە لە 1060 3GB

گرافیک کارد پێویستی بە شەرحێکی زۆر زۆر هەیە
ئەوە زۆر بە کورتی باسمان لێوە کرد

5- شاشە

لە رووی قەبارەوە بە گشتی لاپتۆپی شاشە 15 ئینج باوترین و هەرزانترینن.

17 ئینج بۆ کارکردن خۆشە و چاو لەگەلی کەمتر ماندوو دەبێ لە رووی نرخەوە لە 15 ئینجەکە گرانترە

لاپتۆپی بچوک وەک 14 ئینج و 13 ئینج و بەرەو خوارەوە بۆ هەلگرتن ئاسانن و بێ کێشەترن، نرخیان هەرزانترە لە چاو 15 ئینج و 17 ئینج
بەلام ئەگەر پیرفۆرمانسی زیاتر بێ و مواسەفات بەرز بێ هەندێک جار نرخی زۆر زۆر بەرز دەبێ.

لاپتۆپیش هەیە لەمسە، بە دلنیاییەوە شاشە لەمسەکان لە رووی نرخەوە گرانترن
بۆ بزنس باشە بەلام بۆ کاری پرۆگرامینگ و گەیمینگ و دیزاین شتێکی پێویست نیە

لە رووی ریسۆلیوشنەوە باشترین شاشە فول ئێچ دیە
1080
لە پاشان ئێچ دی
720 کە لە رووی نرخەوە هەرزانترە
بۆ پرۆگرامینگ لەو دووە بەرزتر زۆر پێویست نیە چونکە نرخەکانیان زۆر گرانتر دەبن

پریسارە باوەکان
-دەستی دوو باشترە یان نوێ؟
ئەگەر نوێیەکە کوالێتی ئەمریکیە یان ئەوروپیە تەبعەن نوێ بکری باشترە لە دەستی دووەکە
- ئایا دەستی دوو هەرزانترە لە نوێ؟
هەندێک کات نەخێر، بە حوکمی ئەوەی دەستی دوو داواکاریەکی زۆرتری لەسەرە و ئینتاجی نیە هەندێکجار نرخەکەی لە نوێ گرانتر دەکەوێ.
- بۆچی دەستی دوو بکرم؟
ئەگەر لە نوێیەکە هەرزانترە و گرەنتی لەگەڵە بیکری خراپ نیە
- کام مارکە باشترە؟
وەکو مارکە هیچیان فەرقی نیە
وەک ووتمان هەموویان پارچەکانیان لەو کۆمپانیایە سەرەکیانە دەکرن کە باسمان کرد
- لاپتۆپی ئەپل بۆمن دەبێ؟
بە حوکمی ئەوەی سیستەمەکەی ماکە بۆ کەسی سەرەتا بە هیچ شێوەیەک بە کەڵک نایێ، بۆ کەسی پرۆفیشنال رەنگە باش بێ بەلام وەک نرخ لە هەموویان گرانترە و کەمترین سوود و خێراییشی هەیە لە چاو هەر مارکەیەکیتر.

وەرگیراوە

13/06/2022

گەورەترین وێستگەی بەرهەم هێنانی کارەبا لەڕێگای گەرمی خۆرەوە دروست دەکرێت لە سعودیە.

اMA'ADEN ئەبێتە گەورە ترین وێستگەی کارەبای هەڵمی لە جیهاندا کە لە ڕێگەی خۆرەوە وزەکەی وەرئەگرێت و توانای هەیە 1500 مێگاوات کارەبا بەرهەم بهێنێت.

هیچ شارەزاییەکت لە وێستگەی کارەبای هەڵمی هەیە لە ڕێگای خۆرەوە؟ ئایە ئەزانیت فەرقی تاقە شەمسی و ئەمە چییە؟

12/06/2022

هەستەوەرێکی زۆر بچووک و ناوازە !!

لە زانکۆی واشنتۆن کۆمەڵێك داهێنەر هەستاون بە پێشنیار کردن و دروستکردنی جۆرە هەستەوەرێکی بچووک کە دەتوانرێت بەکاربهێنرێت بۆ پێوانی پلەی گەرمی یان خێرایی با و زۆر شتی تر ،بێگومان بەپێی خواستی بەکارهێنەر کە کام جۆرەیانی پێویستە.

ئەم هەستەوەرە بچووکە سوود لە تیشکی خۆر وەردەگرێت بۆ چالاک بونی وە خاوەن پاتریەکی زۆر بچوکە تا لە شەویشدا کاربکات وە کێشی بە ئەندازەیەک کەمە کە بایەکی ئاسایی دەتوانی بیبات لەگەڵ خۆی.

دەتوانرێت بەکار بهێنەرێت بۆ پێوانی پلەی گەرمی شوێنێکی زۆر فراوان بە بڵاو کردنەوەی و بەىێ بارگاوی کردنی وە دەتوانرێت ئاگادارمان بکاتەوە لە ڕوداوەکنی ئاگر کەوتنەوە لە دارستانە زۆر فراوانەکان.

11/06/2022

تەلسکۆبی جەیمس وێب توشی پێکان بوو😲

ناسا پێنجشەممە وتی "ئاوێنەیەک لەسەر تەلیسکۆپی بۆشایی جەیمس وێب مانگی ڕابردوو بەردێکی بچوک خۆی پیاکێشاوە بەڵام پێشبینی دەکرێت بەردەوام بێت لە کارکردنی ئاسایی"

10/06/2022

خوێندن لە وڵاتی پۆڵەندا بۆ مانگی 10ی 2022؛

پۆڵەندا یەکێکە لە وڵاتانی یەکێتی ئەوروپا لەوێ خوێندن لە ئاستێکی باش دایە ، وە نرخی خوێندنیش تا ڕادەیەک گونجاوە وە زۆربەی بەشەکان دەگرێتەوە ..

ئێستا دەتوانن داواکاری خوێندن پێشکەش بکەن بۆ ئاستەکانی بەکالۆریۆس و ماستەر لە زانکۆکانی پۆڵەندا بۆ وەرزی خویندنی مانگی 10ی ساڵی 2022.

لیستی زانکۆ و کۆلێژ و بەشەکان بەنرخەکانیانەوە لە کۆمێنت دانراوە ....

09/06/2022

بەکارهێنانی چاپکەری سێ ڕەهەندی لەلایەن کۆمپانیاکانی خانووبەرە لە هەندێ وڵات بۆ دروستکردنی پڕۆژەکان بەکاتێکی کەمتر و کۆستێکی کەمتر پڕۆژەکە بنیات دەنرێت ...

06/06/2022

(su***de machine)

ئەمەی خوارەوە ئامێرێکی تەکنەلۆجی خۆکووشتنی پێشکەوتووە لە ووڵاتی سویسرا. ” وولاتی جوان و دڵڕفێن...

شێوەکەی وەکو سەیارەیەکی بچوو وایە ، ئەو کەسەی کە ئەیەوێ خۆی بکوژێت ئەچێتە ناوی و ئینجا گازی نایترۆجین هەڵئەمژێ لەناو جەوێکی ڕۆمانسی و کەمێ هەستیش بەچێژ ئەکات پێش ئەوەی لەهۆش خۆی بچێ و 5-10 دەققەی پێ ئەچێ!
سویسرا یەکێکه لەو ووڵاتانەی کە ڕێژەی خۆ کووشتنی زۆر بەرزە و دەوڵەت چەندین ڕێگەی یاساییان بۆ داناون تا خۆیان بکوژن (ماڵیان ئاوابێ !!) و سەرەڕای ئەو خۆشگوزەرانی و پێشکەوتنەی ووڵاتەکە هەیەتی، بەڵام زۆرینەیان گەر بۆ یەك جاریش بێت بیریان لە خۆکووشتن کردۆتەوە.
تەنها بۆ خەڵکی سویسرا نیە، هەموو کەسێ ئەتوانێ بچێ بۆ سویسرا و بەڵام بۆ کەسانێ کە خەڵکی سویسرا نەبن بە پارەیە و بۆ خەڵکی سویسرا تەنها پارەی چوونە ناو عەیادە ئەدەیت، بەلاشە، ماڵی حکومەت ئاوابێ!!!

05/06/2022

نمونەیەک لە بەرهەمی سریدی پرینتەر ....

ئەم بەرهەمە ناوازانەشی پێ دەکرێت ...

04/06/2022

هۆتێلێک بە دیزاینێکی ناوازە

هۆتێلی (Desert lotus horel )

بە دیزاینێکی جیاواز و لە شوێنێکی جیاواز دروستکراوە ، دەکەوێتە 800کم دووری لە خۆرئاوای پەکین لە مەنگۆلیا ، زۆر بەجوانی دروستکراوە هەموو بەشەکانی پەیوەندی بەیەکەوە هەیە وە لە شێوەی گوڵی توس دروسکراوە ....

03/06/2022

ئەو شارەی ئەبێتە پێشکەوتوو ترین شاری دنیا لە ڕوی تەکنەلۆجیەوە ژینگەی فەرامۆش نە کردووە.
شاری نیۆم (Neom city)
ئاژانسی هەواڵی فەرمی سعوودی لە ڕۆژی دووشەممە بڵاویکردەوە، نیۆمی سعودییە(Neom) دەستپێشخەرییەکی کردەوە بۆ چاندنی 100 ملیۆن دار و گیای ڕەسەن تا ساڵی 2030.

ئەو دەستپێشخەرییە کە بە هاوکاری سەنتەری نەتەوەیی ڕووەکی و بەرەنگاربونەوەی کۆچ دەستی پێکرد، هەروەها بەلایەنی کەمەوە لە 1.5 ملیۆن هێکتار زەوی پێکدێت کە دەبێتە هۆی چاککردنەوەی ژینگەی کێوی وە یارمەتیدان بۆ نۆژەنکردنەوەی زەوییە وێرانکراوەکان.

02/06/2022

بە فەرمی عێراق یەکەمین درۆن (فرۆکەی بێ فڕۆکەوان) سەربازی بە ناوی 'Saqr 1' درووست دەکات و درۆنەکە توانای هەیە بە بەرزی 4 کیلۆمەتر و مەودای 30 کیلۆمەتر بفڕێت.
لە ڕۆژی چوارشەمەدا
سەرۆکی ڕێکخراوی دی ئای سی محەمەد ساحیب ئەلداراجی بەئاژانسی هەواڵی عێراقی (INA)ی ڕاگەیاند: پێشکەوتنێکی گەورە لە پیشەسازییە سەربازییەکاندا هەیە کە بۆمبی هاوەن و فڕۆکەی بێفڕۆکەوان لەخۆدەگرێت.
ئاماژەی بەوەدا کە "پیشەسازییە سەربازییەکان تفەنگی (ڕافیدەین) بەرهەمدەهێنن"

01/06/2022

31/05/2022

ئیڤڵ و ژەنگ

ئەم تاوەرە لە ساڵی 1889 بە ئاسن لە شاری پاریسی فەرەنسا دروستکراوە. لە ئێستادا بەرزیی 324 مەتری هەیە بۆ لووتکەکەی. تەمەنی ئیڤڵ دەبێت بە 133 ساڵ ، لەبەر ئەوەی ئاسن لەگەڵ ئاو و ئۆکسجیندا کارلێکدەکات و ژەنگ دروستدەکات بۆیە پێویستە هەر حەوت ساڵ جارێک تاوەرەکە دووبارە بۆیاغ بکرێتەوەو ڕووپۆشبکرێت بە چینێکی نوێ تاوەکو پارێزراوبێت و بەم شێوەی ئێستای بمێنێت.

وێنەکەی خوارەوە کارمەندێکە لە کاتی بۆیاغکردنی تاوەرەکەدا....

28/05/2022

جەیمس دایسۆن دوای (5,127) جار هەوڵدان ئینجا توانی داهێنانەکەی بەسەرکەوتویی تەواو بکات.

بیهێنە پێش چاوت کە پێنج ساڵ لە ژیانت بەسەر بەری 5,127 جار هەوڵی دروستکردنی بدەیت کە سەرکەوتوو نەبێت، ئەوە بوو کە داهێنەری تەکنەلۆجیای بۆشایی سایکلۆنی، جەیمس دیسۆن کردی. هەتا لە کۆتاییدا، ڕۆژێکی جادوییانە، لە کۆتاییدا سەرکەوتوو بوو لە دروستکردنی یەکەم گسکی کارەبای بێ تورەکەی خۆڵ لە جیهاندا.

لەوەیە ئەگەر لە ئێمە بپرسن ئەو داهێنانە شایەنی ئەو هەموو کاتەیە کە بۆی تەرخان کردووە ؟ بڵێین پاکەرەوەیەک گەر ئەو پارچەیەی هەبێت و نەی بێت چی دەگۆڕێت ، بەڵام گەر کەسێکی داهێنەر بیت لە بیر کردنەوەیا ئەو کاتە وەکو دیسۆنت لێدێت .لە ئەمڕۆدا ، دایسۆن زیاتر لە 65 وڵات لە جیهاندا ئەو بەرهەمەی دەفرۆشرێت.
لە چاوپێکەوتنێکدا ڕوونی کردەوە کە چۆن توانی زنجیرەیەکی درێژ لە شکستەکان قبوڵ بکات بەبێ ئەوەی ڕێگە بدات بێهیوایی بەسەریدا زاڵ بێت.

27/05/2022

(Massachusetts Institute of Technology)

پەیمانگای تەکنەلۆجیای ماساچوست

کۆمەڵگەی (MIT) بە شێوەیەکی هاوبەش بەڕێوەدەبرێت،بۆ ئەوەی جیهانێکی باشتر لە ڕێگەی پەروەردە و توێژینەوە و داهێنانەوە دروست بکرێت، و داهێنەر و هونەری و خولیای ژمارەکان و پێشوازی کردن لە کەسانی بەهرەمەند بەبێ گوێدانە ئەوەی لە کوێوە دێن ئامانجیانە ، وە دامەزراوە بۆ خێراکردنی شۆڕشی پیشەسازی جیهانی.

24/05/2022

ڕەنگەکانی کڵاوی سەلامەتی

لەکاتی کارکردن لە پڕۆژە و کارگە و کۆمپانیاکاندا هەر ڕەنگێکی کڵاوی سەلامەتی تایبەتە بە جۆرە کارمەندێک ئەمەش بۆ ناسینەوەی کارمەنداکان و جۆری ئیشەکەیان لێرەدا بۆمان باسکردون کە هەر ڕەنگێک تایبەتە بەکام کارمەند

کڵاوی سپی ⚪ : ئەندازیار ، سەرپەرشتیار ، بەڕێوبەر ، سەرکار

کڵاوی سور 🔴: کارمەندی ئاگر کوژێنەوە

کڵاوی شین 🔵 : کارەباچی ، دارتاش ، تەکنیککار

کڵاوی زەرد 💛 : کرێکار ، بەکارخەری گواستنەوەی زەوی

کڵاوی پرتەقاڵی 🔶 : لەحیمچی ، کرێکار ، ئەو کەسانەی لەشوێنی پلەی گەرمی بەرز کاردەکەن

کڵاوی سەوز 💚: کارمەندانی سەلامەتی

کڵاوی ڕەساسی 🏐 : سەردانیکەرانی سایت

23/05/2022

ئەمە پەیمانگای ماساچوستە (MIT).

سەیری قەبارەی ئەو درۆنە😯

ئەبێت لە چەند ساڵی داهاتوو چیتر ڕو بدات؟

22/05/2022

کۆمپانیای تاترا بۆ بواری بەرهەم هێنانی سەیارە لە ساڵی 1934 بەو شێوازە هێزی هەواو چارەسەرەکەی دەخاتە ڕوو بۆ ئەوەی هەموو کەسێک لێی تێ بگات.

بەڕای ئێوە ئەم ڕونکردنەوەیە پڕ بە پێستی خۆیەتی؟

21/05/2022

دیمەنی بەنداوی فۆزیلینگ لە وڵاتی چین یەکێکە لە هەرە بەنداوە گەورەکان و لەسەر شێوەی کەوانەیی دروستکراوە ...

20/05/2022

یەختێک بە دیزاینێکی سەرنجڕاکێش

ستۆدیۆی تایبەتی دیزاینی یەخت لە هیندستان " Bhushan Powar Design" یەختێکی نوێ بە دیزانێکی سەرنجڕاکیش دروست دەکات و ناوی دەنێت زیۆن

زیۆن درێژییەکەی 110 مەترە و بەشێکی بە شوشە لە شێوەی چاو دا دروستکراوە ، سەرنشینانی یەختەکە دەتوانن لەم ڕێیەوە چێژ لە بینینی دیمەنە جوانەکانی دەرەوە ببینین.
#کوردسات

19/05/2022

هەموو جارێک کە لەگەڵ تەلەفۆنەکەت لە گیرفانی پشتەوە دات ناوە دادەنیشیت، ڕاستییەکی بنەڕەتیت بەبیر دەهێنیتەوە: جەستەی مرۆڤ نەرم و ئەلیکترۆنیەکان ڕەق.

بەڵام بەم زووانە، لەوانەیە ئامێرێک بێتە بوون کە بتوانێت خۆیان درێژبکەنەوە و خۆیان بچەمێننەوە و تەنانەت چاکی بکەنەوە کاتێک زیانیان پێگەیشتووە. بە دروستکردنی تایبەتمەندیە نائاساییەکانی کانزای شل کە پێی دەوترێت گالیۆم، زانایانی ماددە، ئامانجیان ئەوەیە کە نەوەیەکی نوێ لە ئامێرە نەرمەکان دروست بکەن بۆ ڕووکاری ڕاستەقینە، چاودێرە پزیشکیەکان، ئامێرەکانی هەستکردن بە جوڵە و زیاتر.

17/05/2022

ئەو سارد کەرەوەیەی لە بۆشای ئاسمان سارد ترە.

زاناکانی کالیفۆڕنیا توانیویانە سارد کەرەوەیەکی هێندە سارد دروس بکەن کە تەنها 2 پلە لە سفری ڕەهاوە دوورە واتە (-٢٧١ پلەی سیلیزی )

سفری ڕەها ئەو پلە یەیە کە تێیدا جوڵەی ئەلیکترۆنەکانیش ئەوەستێنێت بە شێوازێکی بیر دۆزی ئەگەر تەنێک یان بونەوەرێک بگاتە ئەو دەرەجەیە ئەو کاتە بوونی نامێنێت و بەتەواوەتی لەناو ئەچێت.

16/05/2022

دیمەنی لەت بوونی هەورەکان لە پۆڵاندا

هۆکاری لەت بوونەکەی بە وێنەوە لەیەکەم کۆمێنت ببینن.

15/05/2022

شەقامی بارهەڵگرە کارەبایەکانی ئەڵمانیا نزیک فرانکفۆت....