https://www.facebook.com/105372745445686/

Dasalaty 4 دەسەڵاتی چوارەم

Home
Iraq
As Sulaymaniyah
Dasalaty 4 دەسەڵاتی چوارەم

لەگەڵ ئازادی و ئازادیخوازانین، دژی گەندەڵی و نادادپەر?

09/03/2024

سلێمانی ئەم حزبانەی ناوێ👇👇

26/02/2024

ئاشبەتاڵ بە هەرێمی کوردستان کراوە
خەڵکی کوردستان دەبێت ئەو خیانەتە قبوڵ نەکات
پێویستە تەواوی حزب و خەڵکی هەرێمی کوردستان بەرامبەر بڕیارێکی دادگای فیدڕاڵی بۆستنەوە، کە گورزێکی کەمەرشکێنە لە قەوارەی هەرێم دراوە.
هەفتەی رابردو دادگای فیدڕاڵی عێراق بەبڕیار چەند بڕگەیەکی لە یاسای پەرلەمانی کوردستان هەڵوەشاندەوە، یەکێک لەو بڕگانە نەهێشتنی قەوارەی هەرێمی کوردستانە بەبێ تەقە!.
چاوەڕێم کردو وتم، هەرایەکی گەورە دروست دەبێ و دادگای فیدڕاڵی بە بڕیارەکەیدا دەچێتەوە، بەڵام ئەوە روینەدا، ئیتر نازانم ئاشبەتاڵ کراوەو حزبەکان رای ناگەیەنن، یان عەقڵیان پێ ناشکێت!
دادگای فیدڕاڵی بڕگەی ٢ی مادەی ٥٦ی پەرلەمانی کوردستانی هەڵوەشاندەوە! تەنها بەو بڕگەیە قەوارەی هەرێمی ژێربۆش کرد. ئەو بڕگەیە دەڵێت "پەرلەمانی کوردستان نوێنەرایەتی خەڵکی کوردستان دەکات، بڕیار لەسەر پرسە چارەنوسسازەکانی دەدات، پەرلەمان مەرجەعی خەڵکی کوردستانە"، دادگای فیدڕاڵی ئەمەی هەڵوەشاندۆتەوە، واتە چیتر پەرلەمانی کوردستان مەرجەعی خەڵکی کوردستان نییە!
کوان سەرۆکی حزبەکان، سەری زمان و بنی زمانیان کوردستان و خوێنی شەهیدان و پاراستنی هەرێمە؟
کوان نیشتمانپەروەران؟ ئایا ئەو هەموو قوربانیدان و خەباتەی کرا، بەبڕیارێک تەواو!!
بۆیە داوا لە خەڵکی کوردستان دەکەم، بۆ بابەتی موچەو ژمارەی بازنەی هەڵبژاردن و بون و نەبونی کەمینە ئاساییە لەگەڵ بن یاخود دژ، بەڵام قبوڵکردنی ئەو بڕیارەی دادگا کە چیتر پەرلەمان مەرجەعی خەڵکی کوردستان نییە، نابێ قبوڵ بکرێت، گەر قبوڵ بکرێ، ئاڵای کوردستان داگرن و سبەی بەفەرمی هەرێم بدەنەوە بە بەغداد. تکایە چەتەیی و مافیایی و دزی و وڵاتدۆشینی ئەم حزبانە مەئاڵێنن لە نەمانی هەرێم، ئەو هەموو شەهیدە، ئەو هەموو ئەنفال و کیمیابارانە، ئەو هەموو قوربانی و کەمئەندامی و زیندانی سیاسییە بەبا مەدەن.
هاوڵاتیانی مافپێشێلکراوی دەستی ناوخۆ، دەبێ ئەوە بزانن کە دادگای فیدڕاڵی عێراق، دادگایەکی نیشتمانی نییە هەتا بتوانێت جیاوازی لەگەڵ تۆی کوردو عەرەب نەکات، نەخێر ئەویش وەک هەموو دامەزراوەکانی تر لەسەر بنەمای دابەشکاری حزبە باڵادەستەکان دروست بوە، واتە ئەوانەی دادگاکە بەڕێوە دەبەن لەلایەن حزبە باڵاکانی شیعەو سوننەو کوردەوە تەعینکراون، بە فیتی باڵاترینیان هەڵدەسوڕێ کە لەئێستادا شیعەیە.
بۆیە ئەگەر هیچ شتێک ئێوە نەجوڵێنێ دەبێ دژی ئەو بڕیارە نەک هەڵوێستان هەبێ، بەڵکو دەبێ هێندە توند بن، کەس جارێکی تر نەتوانێ قوربانیدان و شەهیدەکانمان لەبەرچاو نەگرێت.
ئێوە مافی خۆتانە چەندی بتوانن نەفرەت لەم نەزان و چەتەو مافیایانە بکەن، دەتوانن دەنگیان پێ نەدەن و دژیان بن و تەنانەت لەسەر دەسەڵاتیش لایان بدەن، لێ ئەمەی رویداوە، گەر دەستی ناوخۆی لەپشت بێ ئەوا خیانەتە لە نەتەوەو لەخاک و خەڵک.
هیچ بەدوریشی نازانم بۆ وەلاء و تۆخکردنەوەی جاشایەتی دەستی ناوخۆی تێدا نەبێت، چ لەئاستی شەخس یان لەئاستی لایەن، بەڵام ئەوە دەنگ و هەڵوێستی خەڵکی کوردستانە دەبێ دژی بوەستێتەوەو ئەو هەوڵ و بڕیارە شەرمەزار بکات.
گەرنا هەڵبژاردن بۆ بکرێت کە پەرلەمان پێناسەیەکی بۆ نەماوەتەوە.

سەردەشت حەمەساڵح

18/02/2024

کەرێک لە سێدارە دەدرێت!
پاشایەک هەبوو زۆر زاڵم بوو، لەگەڵ ئەوەشدا زۆر زیرەک بوو، باش میللەتەکەی خۆی دەناسی. ئیتر زوڵمەکانی زۆر زیادیان کردبوو، بۆیە هۆشیاران و بەعیزەتەکان بڕیاریاندا ئیتر دژی ئەم پاشایە بۆستنەوەو خەڵکی تێبگەیەنن و هۆشیاریان بکەنەوەو دژی پاشاو زوڵمکردنەکانی راپەڕن.
پاشاش هەرکە بەمەی زانی، ١٩ لە رۆشنبیرو چالاکەوانەکانی دەستگیر کردو لەگەڵ کەرێک (گوێدرێژ)کدا، حوکمی سێدارەی بەسەردا سەپاندن.
خەڵکەکەش هەمووی دەیپرسی و ببوە مەراقیان و دەیانوت، ئاخر ئەو کەرە داماوە چ تاوانێکی کردوەو خۆ ئەو دژی پاشا نەبوە!. واتە خەمی ١٩ کەسە هۆشیارەکەیان نەمابوو. میللەت کە چەوسێندرایەوەو گوێی نەدایە، وردە وردە بچوک دەبێتەوەو پرسیارو گلەییەکانیشیان بچوک دەبنەوەو ناتوانن جەوهەر ببینن و پرسیاری گەورەیان پێ ناکرێت.

لێرە کەر لە سێدارە نادرێت، چونکە وڵاتێکی دیموکراسییە! بۆیە بە فۆڕمی جیاواز پاشاکانی ئێرە، خەڵکی ناچاری پرسیاری بچوک دەکەن.
بۆچی هەرکاتێک باسی داگیرکاری زەویی و هەڕاجکردنی موڵکی گشتی دێتە پێشەوەو خەریکە رای گشتی لەسەر دروست دەبێت، روداوێکی گەورە دروست دەکرێت؟ خەڵکانێک دەکرێنە قوربانی بۆ کاڵکردنەوەی ستەمە باڵاکان، لە زانای قایمقامەوە هەتا کوێخا دێرین، وەک نمونە..
نمونەکان زۆرن، بەڵام بۆ ئەوەی ئەمەی دواییان بیری خەڵک نەبرێتەوە پێویستە بیخەینەوە بەرباس، ئەویش داتاشین و لەناوبردنی شاخی گۆیژەیە، کە بۆ کەرتی تایبەت و سودی چەند کەسێکی کەم، لەناو دەبرێت.
هیچ هێزو دەسەڵاتێک بۆی نییە موڵکی گشتی بۆ بەرژەوەندی تاک بەکاربهێنێت، بەراستی حوکمی قەرەقوشیش وەک ئێستای نەکردوە.
بەداخەوە یەک مەتر زەوی لە دامێنی شاخی گۆیژە نەماوە، هەمووی حەپەلوشکرا. ئێستا شاخەکە دەبڕن و حەفری دەکەن و پیایا هەڵدەگەڕێن و دەکرێت بە پڕۆژەو سیتی و شوققە، بۆ کەرتی تایبەت و بۆ بەرژەوەندی چەند کەسێک کە لە پەنجەی یەک دەست تێ ناپەڕن! هەڵبەت لێرەدا چەند کەس و کۆمپانیایەک کراون بە واجیهە، بۆ ئەوەی هەڕاجکەرانی نیشتمان دیار نەبن و خەڵکی داخی دڵی خۆیان بە دوعاو جنێو بەوان خاڵی بکەنەوە. ئەوانەی پشت ئەم بازرگان و کۆمپانیایانە وەک پاشاکە خەڵکناسن، جاروبار کەیسێک هاوشێوەی لە سێدارەدانی گوێدرێژەکە بۆ سەرقاڵکردنی خەڵک دروست دەکەن و عەوامیش وەک فریادرەس دەیانبینێت و چەپڵەیان بۆ لێدەدەن..
زۆر نابات و دەبینن کۆمەڵێک باڕو چێشتخانەو هۆتێل و کابینەی گەشتیاری لەسەر گۆیژە دروست دەکرێن، کە ئەوەش بۆ گیرفانە!!
ئەم خەڵکە تا کارەسات نەگاتە ماڵەکانی خۆیان قسە ناکەن.. دەی ئەوکاتیش درەنگە گوێت بۆ ناگیرێت. تۆی هاوڵاتی بەرپرسی لەوەی پارێزگاری لەنەوەی ئایندە بکەیت، بەڵام بەرامبەر بە تاڵانی بێدەنگیت و بەکۆمێنتێک کۆتایی بە هەڵوێستت دەهێنیت! سبەی سەرانە بەیاسا روپۆشکراو دەگاتە ماڵەکەت و دەبێ جیا لە پارەی خۆڵ و کارەبای مۆلیدەو رەئیسی و ئاوی حکومی و ئاوی کڕدراو، رەنگە پارەی شتانێکت لێ بسەنن هەرگیز بەبیرتا نەهاتوە، وەک ئەوەی کە دەویسترێ گەر تۆ خانو بکڕی یان بفرۆشی جگە لە زەڕیبەو کۆمەڵێ رسوماتی زۆر، دەبێ لەرێی بانکێکەوە ئاڵوگۆڕی پارەی کڕین و فرۆشەکە بکەی، جیا لەپارەی نوسینگەی کڕین و فرۆشی خانو، لەسەدا شتێکیش بدەیت بە بانکەکەو بەو کۆمپانیایەش کە دەیەوێ ئەوە رێکبخات! بۆیە دڵنیابە قبوڵکردنی ستەم، سەر بەهەوێ ستەمی ترت بەسەردا دەهێنێت.

سەردەشت حەمەساڵح

14/02/2024

ئەوەی بەرامبەر کوێخا دێرین کراوە نایاساییە👇👇👇

11/02/2024

کۆمپانیای قەیوان، مڵەکەی گۆیژە👇👇👇

03/02/2024

ئێران، چۆن بەهێز بوو👇👇

28/01/2024

ئەمریکا توشی کێشە بوو
تێکساس دەیەوێ لە ئەمریکا جیا بێتەوە👇👇👇

22/01/2024

کوردو حەشاشینەکان
ئیمام حەسەن سەباح، کە ئاراستەی مێژووی فاتیمیەکانی گۆڕیی تەنها ئەوەی کرد کە چەمکی سزای بەکارهێنا، بەڵام لەپێشدا سزا بۆ دۆست و یارانی خۆی و کۆمەڵەکەی، بە خەساندن و کوشتن و دژی ئینحیراف و تێکەڵکردنی غەریزەو سێکس و سیاسەت و عیبادەت وەستایەوە، ئینجا توانی باسی جێبەجێکردنی حوکمی قورس و سزای نەیارانی بکات، تاوەکو خواوەندی چیای ئه‌له‌موتی ڕاگەیاندو وەهمەکانی شوێنکەوتنی میسریەکانی بەجێ هێشت تا ئامانجەکانی وەدی هێناو بوویە نەهجێکی شۆڕشگێڕی و پەروەردەیی زیهنی و واقیعی، حەسەن سەباح ئیمامی ڕۆحی حەشاشینەکان و خاوەنی یەکەمین گروپی تۆڵەسێن لەمێژوودا دژی ڕواڵەتسازی و پێکەوە ژیانی درۆینە وەستایەوە لە سەردەمی خەلیفەی دەیەمی فاتمی، أبو علي منصور بن أحمد، الآمر بأحكام الله، پاشان هاتەوە قەزوێن و حاکمێکی خۆی خەساندو دۆستەکانی تەمبێ کرد، دواتر حەفتا حاکمی لە ئەوانیتر بەسزای کوشتن گەیاند، تا گەشت بە کوشتنی وەزیری پاشای سەلجوقیەکان، تاج المُلك أبو الغنائم.

کورد لە عێراق دەبێت وێنەی دەرەوەی ئەشکەوتەکە ببینێ خۆ هەر ناوەوە گرنگ نییە، خۆی پێناسە بکاتەوەو لەو قاڵب و ڕواڵەتسازییە دەرچێ کەهەیەو دەقی پێوە گرتوە، لەپێشدا ئەخلاق و دیدگای سیاسی خۆی بگۆڕێت بەرەو فەزیلەت و پاکسازی و سزای ئەو بەرخۆرییە پیسەی ناوخۆ بدات کە خۆرەی حوکمڕانیەکی ڕەشیدە، ئینجا دژی ئەو حوکمڕانیە ڕواڵەتیەی عێراق و حاکم و مەحاکم و دەستورو یاساکانی بوەستێتەوە، بەوە نابێ عێراق و پیاوەکانی چیان کرد تۆش نەزری بکەی لەسەرخۆت، بەوە دەبێ عێراق چی کرد تۆ نەیکەیت بەڵکو سزای بدەیت، کورد وجودی سیاسی هەیەو خاوەنی خەبات و گوتارەو دەبێت هێز بداتە بەرخۆی و ژیانی سیاسی بەو جۆرە ناڕوات بەڕێوە چاوی هەمیشە لەسەر دەوڵەتێکی نەخۆش بێت و دڵیشی لای نەیارەکانی و خۆشی پەرتەوازەبێت.

ئاسۆ عەبدوللەتیف

22/01/2024

"لە دوای شكستەكەی لە كەركوك دەبووایە شاسوار عبدالواحید و میدیاكەی پەند وەربگرن"

میدیای فەرمی یەكێتی لە روونكردنەوەیەكدا دەڵێت، رێكاری یاسایی بەرامبەر میدیا چەواشەكارییەكەی شاسوار عەبدولواحید دەگرینەبەر.

بەشی هەواڵی كەناڵی گەلی كوردستان هەواڵێكی چەواشەكاریی میدیاكەی شاسوار عەبدولواحید بەدرۆ دەخاتەوە و دەڵێت، "رێكاری یاسایی بەرامبەر دەگرینەبەر".

بەشی هەواڵی كەناڵی گەلی كوردستان روونكردنەوەیەكی بڵاوكردەوە و ئاماژە بەوە دەكات، ئێمە پێمانوابوو كە لە دوای شكستەكەی خۆی لە كەركوك، ئیدی شاسوار عبدالواحیدی سەرۆكی نەوەی نوێ و میدیاكەی،پەند وەردەگرن و جارێكی تر هەواڵی ناراست و چەواشەكارانە و ناوزراندن بڵاوناكەنەوە، بەڵام دوور لە هەموو بەها و ئاكارێكی سیاسی و میدیایی و تەنانەت كۆمەڵایەتی لە راپۆرتێكی تایبەت بە خستنەكاری كامێراكانی ناوشاری سلێمانی كە بە بڕیاری حكومەتی هەرێم كەوتوونەتەكار، وەك پیشەی هەمیشەیی خۆیان هەوڵی چەواشەكردنی جەماوەردەدەن و دەڵێن، "بافڵ جەلال تاڵەبانی سەرۆكی یەكێتیی نیشتمانیی كوردستان بڕیاریداوە كامێراكانی سلێمانی بخەنەكار".

هەر لە روونكردنەوەكەدا ئاماژە بەوەشكراوە، "ئێمە دەزانین هیچ هاوڵاتیەكی كوردستان بڕوا بەو چەواشەكارییە ناكات، بەڵام بۆ لەمەودوا بەرامبەر بەو چەواشەكاریانە بێدەنگ نابین و لەرێگای یاساوە وەڵاممان دەبێت و بەرامبەر هەر ناوزراندن و چەواشەكارییەك دەبێت سزای یاسایی خۆیان وەربگرن و یاسا رێگانەدات لەمە زیاتر ئەو ئازادییەی لەم سنوورە بۆیان فەراهەمكرارە بۆ مەرامی چەواشەكاری و بڵاوكردنەوەی هەواڵی ناراست و ناوزراندن بەكاربهێنن.

21/01/2024

ئێستا.. لەسەر هەڵوەشاندنەوەی خانەی راپەڕاندن، گرژی کەوتە کۆنفرانسەکەی گۆڕان👇👇👇

21/01/2024

دەربارەی کۆنفرانسی گۆڕان!
بەپێشەکی پیرۆزبایی لەو بزوتنەوەیەو لەهاوڕێیانم لەو جوڵانەوەیە دەست پێدەکەم، بەهیوام "گۆڕان" بتوانێ هەڵەکانی دەستنیشان بکات و هەستێتەوە، چونکە بونی گۆڕان گرنگە بەو ئاراستە راستەقینەیەی کەدەستوریان ئاماژەی پێکردوە.
گەرچی کۆنفرانس و کۆنگرەکان لە هەرێمی کوردستان کەوتونەتە ژێر پرسیارەوە، دەتوانم ناوی بنێم کۆنگرە یان کۆنفرانسی داتاشراو! شتگەلێ رودەدەن کە دورن لە بەهاو پێویستی و سیاقە راستەقینەکانی "کۆنگرە"، لەسەر ئەوە ناڕۆم، وەک وتم کۆنگرەکان داتاشراوی خواستی کەسەکانن بۆ زاڵبون، نەک بۆ نوێبونەوەو گەشە!.
ئەوەی لە کۆنفرانسی گۆڕاندا بینیم، دەتوانم بڵێم هەندێ دیوی جوانی هەبوو، کە کەس باسی نەکردن. بۆ نمونە، لەبەردەم کۆنفرانسەکەی بزوتنەوەی گۆڕاندا دیمەنێک سەرنجی راکێشام جیاواز بوو لە کۆنگرەکانی ناوچەکە؛ بۆ پاراستنی کۆنفرانس سەیارەی پۆلیس و نەجدە وەستابوون، کە سیمایەکی مەدەنییانەو جوان بوو، پڕ نەکرابوو لە فەوج و جۆرەها هێزی سەربازی و دەمامکدار! کە ئەمەش ئازادی بۆ ئەندامان زیاتر فەراهەم دەکات.
گۆڕان، هێزێکە لەسەر رەخنە بونیاد نرا، بۆیە ئەو حزبە دەبێ زیاتر لە حزبەکانی تر بەرامبەر رەخنەکان دڵفراوان بێت، تەنانەت ئەگەر بێت و رەخنەکانیش لەجێی خۆیدا نەبن.
من زۆرێک لەباس و خواستەکانی کۆنفرانسەکە نازانم، نازانم بڕیارەکانیان بۆ هەستانەوە چین، بەڵام وەک هاوڵاتییەکی ئەم هەرێمە بەهیوای سود سەرنجم دەنوسم، کە گۆڕانیش بەشێکە لە بەرپرسیاری هەرێم.
لەماوەی رابردودا گۆڕان جۆرێک لە غیابی هەبوو لە روداوەکاندا، گەرچی بەرپرسیش نەبوە لە زۆرێک لە روداوەکان، بەڵام دەبێ و گرنگیشە خۆی بە بەرپرس بزانێت، بەتایبەت لە "زۆنی سەوز" چونکە چەقی بزوتنەوەکەی تێدایە.
لەمەڕ پێشهات و روداوەکاندا گۆڕان، دەبێ هەڵوێست و دیدگای رون بێت، ئەم زۆنە خەریکە بەرەو تاریکی هەنگاو دەنێت، خوێندن تیایدا وەستاوە! ئەو بزوتنەوەیە نابێ بەتەنها بەیاننامەیەک دەربکات، بەڵکو دەبێ وەک خاوەن هەڵسوکەوت بکات، هەم لەخەمی مامۆستایان و هەمیش لەخەمی ئایندەی خوێندن و خوێندکاران قۆڵی لێهەڵماڵێ، بێدەنگبونی گۆڕان، ئینتحاری سیاسییەو لەکۆڵکردنەوەی خاوەندارێتییەتی، کە من پێموایە گۆڕانیش خاوەندارێتی لەم سنورە بەردەکەوێ! خۆ ناکرێ دور بێ لەبڕیارو لایەنێک بکات بە خاوەن بڕیار.
گۆڕان جیا لەهەڵەکانی، خاوەنی کۆمەڵێک دەستکەوتە، بەداخەوە خەریکە جێیاندەهێڵێ.
یەکێک لەو گورزانەی بەر ئەم بزوتنەوەیە کەوتوە، بەهۆی بەرپرسەکانییەوە بووە، کە جەماوەرو تەنانەت گۆڕانخوازانیشیان لەخۆیان رەنجاندوە. پێویستە هەڵبژاردنی ئەو کەسانەی کە دەیانخاتە پۆستەکانەوە، دور بخرێنەوە لەفلتەری شەخی! بەڵکو بەپێوەری زانستی و ئاست و توانا کەسەکان نیشان بکات بۆ ئەو بەرپرسیارێتییەی وەک پشک بەریان دەکەوێت، چونکە دواجار لەسەر خودی بزوتنەوەکە دەکەوێت ئیتر باش بن یان خراپ.
لەسەردەمی خوالێخۆش بوو کاک نەوشیرواندا، ئەو بزوتنەوەیە راوبۆچونی کەسانی شارەزاو بەتوانایان بەهەند وەردەگرت بەتایبەت لەوانەش کە گۆڕان نەبوون. ئێستا ئەم سیفاتە باشە لەو بزوتنەوەیەدا بەدی ناکرێت، بەداخەوە رەنگە هۆکارەکەی ململانێ ناوخۆییەکانی بێت کە ئەو دەرفەتەی بۆ نەهێشتۆتەوە.
دیوێکی تری کۆنفرانسەکەی گۆڕان کە لای من گرنگ و سەردەمیانە بوو، ئەوەبوو کە کەس و دوو کەس نەببون بە واجیهە، واتە هەیمەنەی شەخسی گەر هەشبوبێ ئەوەندە کاڵ بوو کە نەبینرێ.
ئومێد دەکەم گۆڕانی دوای کۆنفرانس، گۆڕانێکی چوست و چالاک بێت، رەخنەو هێرش جودا بکەنەوە.

سەردەشت حەمەساڵح

21/01/2024

گرژی و ئاڵۆزی لەناو کۆنفرانسی بزوتنەوەی گۆڕان دروست دەبێت
لەدوەم رۆژی کۆنفرانسی نیشتمانی بزوتنەوەی گۆڕان لەسەر بردنە ژورەوەی مۆبایل گرژی دروست دەبێت.
سەرچاوەیەکی تایبەت لە گردی زەرگەتە بە سایتی "دەسەڵاتی چوارەم"ی راگەیاند، لەسەر بردنەناوەوەی موبایل بۆ ناو هۆڵی کۆنگرە گرژی و ئاڵۆزی دروست بوە.
ئەو سەرچاوەیە وتی، یەکێک لەوانەی کە زۆر ناڕەزایی دەربڕی و هەڕەشەی کۆنگرەی رۆژنامەوانی دەکرد، یاسین خزری پەرلەمانتاری گۆڕان بو، کە رێگەیان پێ نەدا موبایل بەرێتە ژورەوە.

21/01/2024

یەكێتی نیشتمانی كوردستان داوای لە كۆماری ئیسلامی ئێران كردوە فشار بخاتە سەر لاهور شێخ جەنگی هاوسەرۆكی لابراوی حزبەكە بۆ ئەوەی كە لە هەڵبژاردنی پەرلەمانی كوردستاندا لیستی سەربەخۆی نەبێت، بۆ ئەوەی كاریگەری بۆ سەر دەنگی یەكێتی نەبێت.
سەرچاوەیەكی تایبەت بە سایتی "دەسەڵاتی چوارەم"ی راگەیاند: بەرپرسانی یەكێتی تا ڕادەیەك دڵنیان لەوەی كە لاهور شێخ جەنگی لیستی خۆی نابێت بۆ هەڵبژاردنی پەرلەمانی كوردستان، چونكە بە راشكاوی داوایان ئاراستەی كۆماری ئیسلامی ئێران كردوە تا فشار بخاتە سەر لاهور شێخ جەنگی.
سەرچاوەكە وتی: ئێران لە چەند پەیامێكدا، یەكێتی و سەرۆكی یەكێتی دڵنیا كردۆتەوە كە تاران پارێزگاری لە قەوارەی یەكێتی دەكات و ناهێڵێت لەو دۆخە لاوازتر بێت، بەڵام بەڵێنی رێگری لە لاهور شێخ جەنگی نەداوە.
رونیشی كردەوە: بەرپرسانی یەكێتی زۆر گەشبینن بە هەڵبژاردنی پەرلەمانی كوردستان و پێیانوایە لە هەڵبژاردنی ئەمساڵ، جیاوازی كورسیەكانی نێوان یەكێتی و پارتی بە رێژەیەكی بەرچاو كەم دەبێتەوە.

20/01/2024

انتهت اللعبة.. (یەکێتی نەیەوێت نابێت)!

ــ مامۆستایانی ناڕازی چۆن دەستگیرکران و چۆن ئازاد کـران ؟!

دەستەی مامۆستایانی ناڕازی لەبەیانیەکی زووی ئەمڕۆوە لەلایەن ئاسایشی سلێمانیەوە دەستگیرکراون و پێشیان گوتراوە ئیدی دەبێت بچنەوە قوتابخانەکان و دەوام بکەنەوە (اجباری نەک اختیاری، ئەوە مەرجی ئازاد بونیانیشیان بووە) ،

باشە ، ئەوەی تا ئێستا مامۆستایانی لەسەر شەقام هێشتبوەوە مەیلی یەکێتی بوو ، ئەو مەیلەی دەیگوت "نەکا هەڵبژاردن بکرێت و خەڵک لێم توڕە ببن قەینا مەکتەب با چۆڵیش بن" ئێستا کە دڵنیایە انتخابات تا دوای دوای مەکتەب ناکرێت یاڵای لە مامۆستایان کرد و فوی لە مۆمەکەیان کرد !

ــ ئەگەر یەکێتی پێشتر لەهەستی ئازادی خوازانەی بوو بۆ شەقام ئەی بۆ ڕێگای بە فەرمانگەی باج و مەرزەکان و تاپۆ نەدەدا بایکۆت بکەن ،؟
جارێک هاتووچۆی سلێمانی گوتیان ئێمەش بایکۆت دەکەین چونکە زەرەر بە پارەکان دەگەیشت تیمێکی گەورەی کۆماندۆ چونە نێو بەڕێوەبەرایەتی هاتووچۆ و ئەوەی دەستیان پێی گەیشت کوتایان بەدار و لیس !

ــ هەرچەنە یەکێتی فعلەن بەرپرسیارەتی چارەنوسی سەدان هەزار قوتابی لەئەستۆدایە بەڵام هێشتا و تا قیامەتیش پارە و زەریبە و مەرزەکانی لە ملیۆنان تەلەبە و چارەنوس و شت بەلاوە موهیمترە ..
نوقتە سەری دێڕ

بەشدار بازیانی

20/01/2024

ئایندەیەکی تەماوی

صلاح رەشید
ئەوەی زۆر رونە و رۆژ بە رۆژ زیاتر ئاشکرا دەبێت، ئەوەیە کە بارودۆخی کوردستان، عێراق، ناوچەی ناوەراست و زۆر شوێنی تر بەرەو نادیاری و گرژی و ئاڵۆزی دەچێت و دیار نیە سبەینێ چی روئەدات.
هێزە دەسترۆشتوەکانی ئەم هەرێمە بەم عەقڵیەتەی حوکمرانیە، نە ئێستا و نە لە ئایندەیەکی نزیکدا ناتوانن چارەسەری بنەرەتی کێشە گرنگ و چارەنوسازەکان بکەن، خەمی سەرەکی ئەوان هەوڵدانە بۆ جەسپاندنی دەسەڵاتی بنەماڵە و کەسانی دەوروپشتیان.
بە ئاشکرا هەردو هێزی سەرەکی بەسەر دو بەرەی جیاوازی دژ بەیەکدا دابەش بون.
پارتی خۆی لە میحوەری تورکیا و ئەمەریکی و یەکێتی لە هی ئێرانیدا دۆزیوەتەوە، ئەم دو هێزە هاوپەیمانی ئەم دەوڵەتانە نین، بەڵکو کار بۆ بەرژەوەندی ئەوان دەکەن و هیچ کاریگەریەکیان لەسەر بڕیاری سیاسی ئەم دو دەوڵەتە نیە.
پارتی خۆی خستۆتە ئەو بەرەیەی کە پێویستە کار و چالاکی حیزبی و حکومی لە بەرژەوندی تورکیادا بێت، دۆست و دوژمنی پارتی لە روانگای بەرژەوەندی تورکیاوە دەستنیشان دەکرێت، بێ ئەوەی تورکیا گرنگی بەو هەڵوێستانەی بدات و زۆر بێمنەتە. داخستن و پەک خستنی ناردنی نەوتی هەرێم لە رێگای تورکیاوە بۆ دەرەوە و بوردومانی رۆژانەی فرۆکەی تورکی بۆسەر شار و شارۆچکەکانی هەرێم، نیشانەیەکی دیارە بۆ بایەخنەدانی ئەو وڵاتە بە بەرژەوندیەکانی ئەم هەرێمە. تورکیا نە لە رابوردودا و نە لە ئایندەیەکی نزیکدا نابێتە دۆستی راستەقینەی کورد، بەڵام دراوسێیەکە و گرنگ و پێویستە هەوڵبدرێت پەیوەندیەکی تەندروستی لەگەڵدا دروست بکرێت.
ئەمەریکا مێژویەکی هەمە رەنگ و دێرین و تاڵی لە گەڵ کوردا هەیە، هەرەسی ١٩٧٥ نێشانەیەکی زیندوی ئەو پەیوەندیەیە، ئەمانیش وەک هەر وڵاتێکی تری سەر ئەم زەمینە، بەرژەوەندی سەرەکی خۆی لە پێش هەمو بەرژوەندیەکی ترەوە دەبینێ، ئەمە وڵاتێکی زلهێزە نەک ریکخراوێکی خێرخوازی تا هاوکاری گەلان و وڵاتانی دنیا بکات و لەبەر خاتری پێشێلنەکردنی پرنسیپەکانی مافی مرۆڤ بەزەیی بە میللەتانی ژێر دەستدا بێتەوە.
کورد نە خاوەنی ‌هێزی ئەتۆمیە و نە خاوەن تەکنەلۆجیای نوێی جیهانیە و نە لەشکری سوری سۆڤێتی هەیە تا بتوانێت هاوکاری ئەمەریکا بکات، کورد چاوەرێی رەحمەت و پارە و چەک و پشتگیری سیاسیەتی.
ئەمەریکا لەبەر بەرژەوەندی خۆی پشتگیری سنورداری رۆژئاوای کوردستان دەکات، ئەویش لەبەر دژایەتی دەسەڵاتی ئێرانی و روسی و سوریە، ئەگینا فرۆکەی جەنگی تورکی ناوبەناو هێرش دەکەنە سەر دام و دەزگا جیاوازەکان و کیڵگە نەوتیەکان و ژێرخانی ئابوری ئەو ناوچەیە و ئەمان ئامادەنین، نەک بەرگریان لێبکەن، بەڵکو ئیدانەی زارەکی ئەو هێرشانەش ناکەن.
هاوکاری و پشتگیری ئەمەریکا بۆ هەرێمی کوردستان، بە هەمان شێوەی وڵاتانی ترە، ئەم هاوکاریە لەبەر خاتری کورد نیە، بەڵکو لە دژی پەرەسەندنی هەژمونی ئێرانە لە کوردستان و عێراق.
کەمکردنەوەی ٢٥٪ هاوکاریەکانی ئەمەریکا بۆ وەزارەتی پێشمەرگە، کۆتایی هێنانی لە ٢٠٢٦ نیشانەی دیاری سیاسەتی ئەو زلهێزەیە.
بێگومان نە کوردستان و نە عێراق لەو ناوچە گرنگانە نین بۆ ئەمەریکا کە لە پیشەوەی ئەجندەی ئەودا بێت، زۆر وڵات و جێگای تر هەن کە زۆر لە پێش ئێمەون، ئەوە ئۆکرانیا، فەلەستین و غەزە، چین و سۆڤێت و کۆریای باکور و وا کێشەی دەریای سور (یەمەن)ی بۆ زیاد بو، ئەمانە هەموی لە کاتێکدایە کە لە ٤ی تشرینی دوهەمی ئەمساڵ هەڵبژاردنی سەرۆکایەتی ئەنجام ئەدرێت و دەسەڵاتی بایدن کێشەی نوێ بۆ خۆی زیاد ناکات.
ئەم راستیان ئەوە ناگەیەنێت کە کورد دژایەتی ئەمەریکا بکات، گرنگە هەمو هەوڵێک بدرێت دۆستایەتی لەگەڵ ئەوان و هەمو وڵاتانی تر قوڵتر و فراوانتر بێت، بەیادنەکردنی ئەو راستیانەی سەرەوە.
ئێران: پەیوەندی کوردستانی باشور و ئێران زۆر دێرینە و ئەوانیش وەک هەمو وڵاتێکی تر، هەمو جموجۆڵ و پەیوەندیان لەگەڵ دنیای دەرەوە لە روانگای بەرژەوەندی خۆیانەوە دەبینن.
دەسەڵاتی فیعلی ئێستا لە عێراقدانە بەدەست سەرۆک وەزیرانە و نە بەدەست هاوپەیمانی شیعەوەیە و نە پەرلەمان و حیزبەکان رۆڵیان هەیە، دەسەڵاتی راستەقینە بەدەست ئێرانەوەیە، ئەوان فەرمان دەردەکەن و ئینجا هێزە شیعیەکان و حەشدی شەعبی وەک لقێکی سوپای پاسدارن ئەرک و فەرمانەکان جێبەجێ دەکەن.
با بە‌هەڵدا نەچین، هیچ هێزيک (نە کورد، نە سونە، نە شیعەی سەدر) ناتوانێت ئیمرۆ کارێکی گرنگ لە عێراقدا بکات بێ رەزامەندی ئێران، ئەوان ئێستا دەسەڵاتیان بەسەر هەمو گروپەکاندا هەیە، بەشێ لە سونەکان و کلدانیەکان بەدەرنین لەو راستیە، هەڵنەبژاردنی شعلان کریم بە سەرۆکی پەرلەمان لە ١٣/١/٢٠٢٤ بە دەنگی ١٥٢ پەرلەمنتار نیشانەیەکی نوێی هەژمونی ئێرانە.
کوردستان سنورێکی زیاتر لە ٦٣٠ کم درێژی لەگەڵ ئێران هەیە، ناچار و پێویستە کە پەیوەندیەکی باش و گونجاوی لەگەڵدا هەبێت، ئێران کەم بوار هەیە لە کوردستان راستەوخۆ یان ناراستەوخۆ دەستی تێوە نەدابێت، ئەمە کاری ئیمرۆیان نیە، بەڵکو ئەمە کلتوری ئەو وڵاتەیە و چەندەها ساڵە بەو شێوەیە دەروات.
پەیوەندی مێژوی یەکێتی و ئێران وای کردوە، کە رەنگدانەوەشی لەسەر پەیوەندی لەگەڵ هێزە شیعەکان و هەمو گروپەکانی ئەو فەلەکە لە عێراق بداتەوە، بانگهێشتکردنی نوێنەرانی ئێران بۆ کۆنگرەی پێنجەمی یەکێتی وەک تاقە نوێنەری وڵاتانی دەروەوە، نێشانە ئەو پەیوەندیە تایبەتەیە.
گروپەکانی سەر بە ئێران لە عێراق، بە ئارەزوی خۆیان هێرش دەکەنە سەر هەرێم بە گشتی و شوێنەکانی هاوپەیمانان و فرۆکەخانە هەولێر بە تایبەتی، ئەمە هەندێ دەزگای نە شارەزا ، باس لەوە دەکەن کە رەنگە ئێران ئاگای لێ نەبێت، تا کار گەیشتە ئەوەی کە شەوی ١٤/١/٢٠٢٤ ماڵی پێشرەو دزەیی بە موشەک بۆردومان بکرێت و ئێران بە ئاشکرا خۆی بەرپرسیارێتی هەڵبگرێت.
بێگومان ئەمە یەکەمجار نیە کە هەولێر بە ئاشکرا بۆردومان دەکرێت، ئەوەبو لە ١٣/٣/٢٠٢٢ ماڵی شێخ باز بەرزنجی بە هەمان شێوە موشەک باران کرا.
ئێران دەیەوێت پارتی وەک یەکێتی لێبکات و بیخاتە ژێر رکێفی خۆیەوە، وە تورکیاش بە هەمان شێوە دەیەوێت یەکێتی دژایەتی پارتی کرێکاران بکات وەک چۆن پارتی دەیکات، لە ئایندەیەکی نزیکدا ئەبینین چۆن فرۆکەی تورکی بۆردومانی شوێنی گرنگی ناوچەی سەوز دەکات.
بێدەنگی هەندێ هێزی ناوچەی سەوز، کە ئامادە نەبون ( بێگومان لە ترسا) ناوی ئێران بهێنن کە هێرشەکەی کردوە، ئەوە زەمینەیەکی زۆر خراپ و نا تەندروست دروست دەکات، بۆ ئەوەی ئەگەر سبەینێ ناوچەی سلێمانی بەر هێرشی تورکی کەوت، هێزەکانی ناوچەی زەرد بە هەمان زمان مامەڵە بکەن!!
بێگومان لە ناوەرکدا رۆڵی توکیاهیچ جیاوایەکی لەگەڵ ئەو وڵاتانەی تر نیە، بەڵکو زۆر دژوارتر و توند تر و رەگەزپەرسانەتر پەلاماری کورد ئەدا و دروشمی ( یان لەگەڵمای یان دوژمنی) بە کردار بەکار دێنێ، هێرشی ١٨/٩/٢٠٢٣ بوسەر فرۆکەخانەی کشتوکاڵی لە عەربەت نیشانەیەکی کۆن نیە کە ئەوان ئامادەن هەشوێنێکیان بوێت بۆردومانی بکەن.

چارە:
کێشە قوڵ و دێرین و مەترسیدارەکان، پێویستیان بە چارەسەری ئازایانە و لەخۆبوردانە و هەمیشەیی و دراسەکراو هەیە، ئەوەی ئێستا دژ بە کورد دەکرێت، دژ بە پارتی و یەکێتی نیە، رەنگە ئیمرۆ دژ بە لایەکیان بێت، بەڵام بە دڵنییایەوە سبەینێ دژ بە لاکەی ترە، ئەگینا موشەکبارانی ئێران بۆسەر ماڵی پێشرەو دزەیی یان شێخ باز، هەموکەس دەزانێت، کە پەیوەندی بەوەوە نیە کە ئەم شوێنە بارەگای موسادی لێیە، ئێران باش دەزانێت بارەگای رەسمی و ئاشکرای موساد لە کوێیە، بۆ ناچن ئەوێ بۆردومان بکەن؟
ئەوەی کە رونە حکومەتی هەرێم ئەو دەسەڵات و هێزەی نیە وەک پاکستان کە دوای چەند کاتژمێرێک بە هەمان شێوە هێرش بکاتە سەر سیستان و بلوجستان لە ئێران
ئیمرۆ لە هەرکاتێکی تر کورد پێویستی بەوەیە کە ناوماڵی خۆی پتەو بکات پێویست و گرنگە، کە یەکێتی و پارتی زۆر زیاتر لە ئێستا لەیەک نزیک ببنەوە، یەک هەڵوێستی کورد، باشترین وەڵامە بۆ ئەو هێرشانەی دوێنێ کرا و سبەینێش دەکرێت، ئەبێت ئەو دوهێزە لەبەر بەرژەوەندی گشتی و مانەوەی خۆیان، هەنگاوی بوێرانە بنێن هێزە سەربازی و ئیداریەکانیان بە تەواوی تێکەڵاو بکەن و واز لە یەکەی٧٠ و ٨٠ و زۆنی رەنگاو رەنگ بهێنن.
زۆر گرنگیشە هاوپەیمانێتی لەگەڵ هێزە میانرەوە شیعی و سونی و کلدانی و کۆمەڵگای مەدەنی ببەسترێت. هەروەها گرنگە پێداچونەوەیەک بە پەیوەندی لەگەڵ ئێران و تورکیا بکرێت و پەیوەندیە نێودەوڵەتیەکان لەگەڵ وڵاتانی ناوچەکە و هاوپەیمانان ئەپدێت بکرێتەوە، ئەبێت هەمو ئەم پەیوەندیانە لە روانگای بەرژەوەندی میللیەوە دابرێژرێتەوە، بە مانایەکی تر هاوسەنگی پێویستە لە هاوپەیمانێتی و دۆستایەتیدا، یاخود وەک هەندێ رۆشنیری کورد نامەیەکیان ئاراستەی نەتەوەیەکگرتوەکان کردوە و داوا دەکەن کە ئەنجومەنی ئاسایش بریارێک دەربکەن وەک بڕیاری ٦٨٨ ی ١٩٩١
بە پاراستنی کوردستان لە نێوان هێڵی ٣٢-٣٦.
کوردستان جوگرافیایەکی زۆر ناگونجاوی هەیە، چی بکەین کە سنورمان لەگەڵ نەرویج و سوید و نەمسا نیە، دەوروپشتمان وڵاتانی نا دیموکرات و دۆستانی کورد نین، مادەم ناتوانین جوگرافیای خۆمان بگۆرین، پێویستە رێگایەکی گونجاو بۆ مامەڵەکردنێکی ئاشتیخوازانە و باشتر لە ئێستا لەگەڵ ئەو وڵاتانەدا بدۆزینەوە..
تۆ بڵێی چارەی تر هەبێت؟

20/01/2024

هەڤاڵ ئەبوبەكر پارێزگاری سلێمانی جەختی كردەوە: ئەگەر ئێمە نەمانتوانیبێت كە دەستوری گۆڕان بەرجەستە بكەین ئەوا ئێمە بەرپرسیارین نەك دەستورەكە.
پارێزگاری سلێمانی لە كۆنفرانسی نیشتمانی بزوتنەوەی گۆڕاندا رایگەیاند: تا ئێستا هیچ هێزێك لەسەر ئاستی كوردستان و عێراق و ناوچەكە نەیانتوانیوە تەجاوزی پاكێج و ناوەرۆكی پڕ جەوهەری دەستوری گۆڕان بكەن.
وتیشی جێبەجێ كردنی ئەو دەستورە پێویستی بە سەرمایەی مرۆیی و دارایی و دۆخێكی گونجاوە.
جەختیشی كردەوە بزوتنەوەی گۆڕان هێزێكە دەیەوێت پشت بە ئیرادەی نیشتمانی ببەسترێت و نەكەوێتە نێوان بەرداشی ڕۆم و عەجەمەوە كە بەداخەوە دەسەڵاتدارانی كوردستان ئێستا لە بەرداشی ڕۆم و عەجەمدان كە كورد وەك گەنم دەهاڕێت بەجۆرێك كوردیان كردوە بە تۆزی ناو دڕك.

20/01/2024

مامۆستایانی نارازی لە ئاسایشی سلێمانین.
سەرچاوەیەکی تایبەت بە سایتی "دەسەڵاتی چوارەم"ی راگەیاند، ئەمڕۆ بەشێک لە نوێنەرانی مامۆستایانی نارازی بانگهێشتی ئاسایش کراون.
ئەو سەرچاوەیە وتی، داوایان لێکراوە کە پڕۆسەی خوێندن لەوە زیاتر پەکنەخرێت و ساڵێکی خوێندکارانی ئەم دەڤەرە نەفەوتێت.

20/01/2024

لە کۆنفرانسی نیشتمانی گۆران کاتێک مستەفای سەید قادر بۆ ئەندامێتی یەکیک لە لیژنەکان پێشنیار کرا، زۆرینەی ئەندامان دەنگیان بە نەخێر بەرز کردەوەو کارتی سوری نەخێریان لەدژی بەرز کردەوە.
سەرچاوەیەک لە کۆنفرانسی گۆڕان بە سایتی "دەسەڵاتی چوارەم"ی راگەیاند: بۆ دیاریکردنی لیژنەیەکی پێنج کەسی بۆ سەرۆکایەتی و بەڕێوەبردنی دانیشتنەکانی کۆنفرانس زۆرینەی ئەندامانی کۆنفرانس مستەفای سەید قادریان بەبەرزکردنەوەی کارتی سورو هوتافکێشان رەتکردەوە.
سەرچاوەکە وتیشی، لەو کاتەدا زمناکۆ جەلال، ویستی بە زۆر مستەفای سەید قادر فەرز بکات، بەڵام زۆرینەی ئەندامان رەتیان کردەوەو هوتافیان کێشا.
بۆیە مستەفای سەید قادر خۆی هەستایە سەر مەنەسەو وتی، سوپاستان دەکەم کە دەنگتان نەدامێ و من نابمە ئەندامی لیژنە.

19/01/2024

چالاكوانێکی مەدەنی لەتاراوگە: هیچ دیپلۆماتكارێكی وڵاتانی ئەوروپا لە سلێمانی دا نەماون و وڵاتانی ئەوروپاش رۆژنامەنوس و میدیاكارانی خۆیان لە سلێمانی بۆ هەولێر گواستۆتەوە👇👇👇

19/01/2024

چوار ساڵ زیاترە ئەنجومەنی پارێزگاكانی عێراق هەڵوەشاوەتەوە لە نێوانیاندا ئەنجومەنی پارێزگای كەركوك، كەچی تا ئێستا دوو خانوو لە گوندی ئیتاڵی لە شاری هەولێر بەكرێ گیراوە، بەناوی ئەنجومەنی پارێزگای كەركوك👇👇👇

18/01/2024

نە لەعەربەت پەکەکە هەبوو نە لە هەولێر مۆساد.

وەهاب هەڵەبجەیی

هەرێمی کوردستان لە ماوەی چەند ساڵی ڕابردوودا، سەرباری هەموو قەیرانێکی ناوخۆیی و کێشە و ململانێی بەردەوامی لایەنەکان، ڕووداوگەلێکی نامۆ بە کوردستان بەرۆکی گرتووە و وەک مۆتەکەیەک خەریکە ببێتە مەترسییەکی ترسناک و بەردەوام لەسەر ئەزموونی هەرێمی کوردستان لە ناوچەکەدا.

تا چەند ساڵێک بەر لە ئێستا، هەمووان شانازیمان بە ئارامی و سەقامگیری کوردستانەوە دەکرد، وەک تاکە پارچەی ئارامی ناوچەکە مابوویەوە و دەستی تیرۆر و هێرشی پێنەگەیشتبوو، هەرچەندە ئێستاش بە بەراورد بە چواردەورمان ئاسایشی کوردستان لە ئاستێکی باڵادایە، بەڵام خەریکە دەگەینە ئەو قۆناغەی کە ئیدی جەنگی درۆنەکان و موشەکە بالیستییەکان خەریکە وەک هەورێکی ڕەش ئاسمانی کوردستان دادەپۆشن و هەرێمەکەمان دەکەنە مەیدانی ململانێیەک کە دوور و نزیک پەیوەندی بە کوردەوە نییە.

بەڵام ئەوەی ئەم برینە زیاتر بە سوێ دەکات، ناکۆکییە ناوخۆییەکانە، کە بە چاوی خۆمان شاهیدی ئەوە بووین لە هەندێک لە هێرشەکاندا کە دەکرانە سەر خاکی کوردستان، بەبێ جیاوازی ئەوەی کە هێرشەکە لە کوێ ئەنجامدراوە، ڕەوایەتی دەدرایە لایەنی پشت هێرشەکە، لە کاتێدا ئەوەی دەبووە قوربانیی کورد بوو و ئەوەشی کە ڕەوایەتی دەدا بەم کارە هەر کورد بوو.

بۆیە لە هەر بارێکەوە بینەری ئەم دۆخەبیت، دەگەیتە ئەو بڕوایەی کە قۆناغی یەکەمی تێپەڕاندنی ئەم دۆخە و مەترسییەکانی بەردەم کوردستان، سەقامگیری سیاسی نێوماڵی کوردە، پشکی شێری ئەمەش لە ئەستۆی لایەنە سیاسییەکانە بەبێ جیاوازی، ئەمە جیا لەو بەرپرسیارێتییە مێژوویەی دەکەوێتە سەرشانیان بۆ پاراستنی ئەو ئەزموونەی کە بە خوێنی دەیان هەزار ڕۆڵە و شەهید ئەم نیشتیمانە بەدیهاتووە.

کاری لەپێشینە لەم بارودۆخە سەختەدا، بریتییە لە هەڵدانەوەی پەڕەیەکی نوێ، لە پێناو کەس نا لەپێناو کۆمەڵانی خەڵکی کوردستان، چونکە گەلەکەمان دەیان جۆر قەیرانی قوڵی تێپەڕکرد، ناشکرێت ئێستا بە قەیرانێکی دیکە و دۆخێکی سەختی دیکە تێپەڕبن کە ئەویش نەمانی ئاسایش و ئەمنیەتی هەرێمی کوردستان بێت و هەموو ڕۆژێک خاکەکەمان لەبەردەم رەحمەتی درۆن و موشەکدا بێت، بەبێ ئەوەی هیچ کام لەم پاساوانەی بۆ ئەم هێرشانە دەهێنرێتەوە، هیچ راستییەکی هەبێت.

18/01/2024

ململانێی دەسەڵات و قەڵەمڕەوی
ئێران لەنێوان ئیتڵاعات و پاسداران

سایتی دەسەڵاتی چوارەم:
ئەگەرچی پێشبینی دەكرا بە كوژرانی قاسم سلێمانی، سەركردەی سوپای قودسی پاسداران، پێگەی سوپای پاسداران لە هەرەم و پەیكەرەی دەسەڵاتی كۆماری ئیسلامی ئێران، ڕوو لە لاوازی بكات، بەڵام بەپێچەوانەوە، لەدوای ئەو ڕوداوە تا ئێستا، دەسەڵات و هەژمون و هێزی سوپای پاسداران تادێت هەڵدەكشێت لەناو گشت دامەزراوەكانی ئێران، بە جۆرێك، ئێستا سوپای پاسداران ئاراستەی سیاسەت و پەیوەندی دیپلۆماتی ئێران دیاری دەكات.
بەپێی راپۆرتێكی سەنتەری زانیاری ئیسرائیلی سەبارەت بە هەواڵگری و تیرۆر، هەژمونی سوپای پاسداران بەردەوامە بەسەر وەزارەتی هەواڵگری و ئیتڵاعات و ئاسایشی نیشتمانی ئێران.

بەپێی راپۆرتە هەواڵگریەكان، لە چەند ساڵی رابردودا، ریتمی دەستگرتن بەسەر دەسەڵاتدا لەلایەن سوپای پاسدارانەوە نەك پاشەكشەی نەكردوە، بگرە خێراتر بوە، كە هەموو پرۆژە سیاسی و ئابوریەكانی گرتۆتەوەو دەستیشی گرتوە بەسەر بوارەكانی هەواڵگریدا كە پێشتر تایبەت بون بە دەزگای ئیتڵاعات.
سیاسەتی دەزگای ئیتڵاعات لەروی كلاسیكی بەهێزی نەرم و هەنگاوی هێواش دەچێتە پێشەوە، بەڵام سوپای پاسداران رەوتێكی تری لە كاری خۆی گرتۆتە بەر كە بریتییە لە بەكارهێنانی هێز چ بە راستەوخۆ یان لە رێگەی دروست كردنی میلیشیای سەر بە تاران.
هاوكات بەرپرس و پسپۆڕانی ئیتڵاعات و هەواڵگری، بەوە ناسراون كە پیشەییانە كارەكانیان دەكەن و توانایان بە بەراورد بە بەرپرسانی پاسداران باشترو بەرزترە.
بەپێی وتەی راز زیمیت پسپۆڕ لە بواری هەواڵگری و تیرۆر، كە رۆژنامەی جیروزالیم پۆست بڵاوی كردۆتەوە، هۆكاری ئەو هەنگاوە خێرایانەی پاسداران بۆ ئەوە دەگەڕێتەوە كە پاسداران لەكاتێكی دواتردا چونەتە ناو گۆرەپانی كاری هەواڵگری بۆ ئەوەی هەژمونی خۆی لە گشت بوارەكانی ژیانی ئێران بسەپێنن.
لە بەرامبەردا ئیتڵاعات مێژوویەكی درێژی هەیە لە خستنەگەڕی سیخوڕی بیانی و بەكارهێنانی تەكنیكی پێشكەوتوی بەرەنگاربونەوەی سیخوڕی بۆ دەستگیر كردنی ئەو كەسانەی سیخوڕی بۆ وڵاتانی دەرەوە دەكەن.

هاندانی ڕابەر
لە ساڵی 2019 سایتی (زە ئینتەرسیبت) ژمارەیەك راپۆرتی بڵاو كردەوە سەبارەت بە چالاكیەكانی سوپای پاسداران و ئیتڵاعات لە عێراق و ناوچەكانی دیكە، بەپێی چەند راپۆرتێك كە لە ئیتڵاعات دزەی كردبوو، رێكاری نەریتی بۆ كاری دەزگاكان ئەوەیە كە ئیتڵاعات و وەزارەتی هەواڵگری بەرپرسن لە پاراستنی عێراق لە هەرەسهێنان و هاوكاری لە روبەروبونەوەی چەكدارە سوننەكان و رێگرتن لە چونە ناو شەری تایفەگەری كە شیعە دەكاتە ئامانجی توندوتیژی، هەورەك یەكێك لە ئەركە سەرەكیەكانی ئیتڵاعات رێگرتن بوە لە جیابونەوەی كورد لە عێراق (سایتی ئینتەرسیبت) ئەمەی بڵاو كردۆتەوە.
لە بەرامبەردا سوپای پاسداران ئەركی سەرەكی روبەروبونەوەی گروپە دژەكانی وەك داعش و پاراستنی ئەو ریتمەیە كە عێراق وەك وڵاتێكی سەر بە ئێران بمێنێتەوەو گرەنتی ئەوە بكات گروپەكانی سەر بە ئێران لە دەسەڵاتی سیاسی عێراقدا بمێننەوە.
بەپێی جیروزالیم پۆست، عەلی خامەنەیی ڕابەری شۆڕشی ئیسلامی لە ئێران بە مەبەست هەریەك لە ئیتڵاعات و سوپای پاسداران لە دژی یەكتر هان دەدات، چونكە خامنەیی ئەو تەكتیكە بەكاردەهێنێ بۆ ئەوەی هیچكام لە یاریدەدەرانی بەهێز نەبن بە جۆرێك كە ببنە ڕكابەری لەسەر دەسەڵات.
بەپێی زانیاریەكان، هۆكاری پشتیوانی ڕەهای ڕابەری شۆڕشی ئیسلامی ئێران بۆ سوپای پاسداران ئەوەیە كە پێگەو رۆڵی سەركۆماری ئێران لاواز بكات لەسەر نەخشەی سیاسی و دیپلۆماتی لە ناوچەكەو جیهان و وەك سیمبوڵێكی سیاسی بیهێڵێتەوە، بەڵام هەموو دەسەڵات و هێزەكە بكەوێتە دەست ڕابەر ئەویش بە بەكارهێنانی سوپای پاسداران.
هێرشە بەردەوامەكانی سوپای پاسداران لە عێراق و سوریاو وڵاتانی دیكە، كە دواترینیان هێرشی موشەكی بۆ سەر هەولێرو پاكستان بوو، بەشێكە لەو كردانەی سوپای پاسداران كە دەیەوێت بە تەواوی جڵەوی سیاسەتی دەرەوەی ئێرانیش بگرێتە دەست، بەجۆرێك كە رۆڵی ئیتڵاعات كەم بكاتەوەو بەوەش سەركۆماری ئێران و سەربازگەی میانڕەوی دەسەڵات لاواز بێت كە سوپای پاسداران و رابەری شۆڕشی ئیسلامی پێیان وایە رایەڵەی ئەرێنیان لەگەڵ ڕۆژئاوا هەیە، بەپێچەوانەی پاسداران و خامنەیی كە رۆژئاواو بە تایبەت ئەمریكا بە ترس و هۆشداریەوە لێیان دەڕوانێت.

پاسداران كێن؟
پاش روخانی دەسەڵاتی شای ئێران و سەركەوتنی شۆڕشی ئیسلامی لە ئێران بە سەركردایەتی خومەینی، دەسەڵاتدارانی نوێی ئێران دركیان بەوە كرد كە پێویستیان بە هێزێكی گەورەیە كە پابەند بن بە ئامانجەكانی دەسەڵاتی نوێ و بەرگری كردن لە بەهاو بنەماكانی شۆڕش.
پیاوانی ئایینی یاسایەكی نوێیان داڕشت كە هەریەك لە هێزە نیزامیەكان و پاسدارانی لەخۆدەگرت، سوپای نیزامی ئەركی پاراستنی سنوری وڵات و پاسدارانیش ئەركی پاراستنی سیستمی سیاسی دەسەڵاتداری پێ سپێردرا.
بەڵام بەتێپەڕبونی كات، سوپای پاسداران دەستی گرت بەسەر تەواوی ئەرك و دەسەڵاتەكان، بە تایبەت پاش ئەو رۆڵە گەورەیەی گێڕای لە جەنگی عێراق و ئێران و ئەو پشتیوانییە دارایی و لۆجیستییە گەورەیەی دەسەڵات دابینی دەكرد بۆی لە بواری ئاسمانی و دەریایی و زەمینی، بۆیە پاسداران بە تایبەت لە دوای كۆتایی هاتنی جەنگی عێراق و ئێران، بوو بە هێزێكی بێ ڕكابەری سیاسی و ئابوری گەورە لە ئێران و بە بەردەوامیش لەژێر دەسەڵات و سایەی ڕابەری شۆڕشی ئیسلامیدایە نەك حكومەت و سەرۆكی وڵات.
پاسداران لە هەنگاوێكی دیكەدا بە بڕیارێكی ڕابەر، بەهێزتر بوو، ئەویش كاتێك بڕیاردرا هێزەكانی پەسیج و پاسداران یەك بخرێن و ئەركەكانیشی هەموار كرایەوە كە بریتین لە روبەروبونەوەی هەرەشەكانی ناوخۆو هەماهەنگی و هاوكاری سوپا لە روبەروبونەوەی هەڕەشە دەرەكییەكان.
بەگوێرەی زانیاریەكان، لەئێستادا ژمارەی هێزەكانی پاسداران لە ئێران بە نزیكەی 125 هەزار سەربازی كاراو 90 هەزار سەربازی پشتیوانی مەزەندە دەكرێن جگە لە یەكە ئاسمانی و دەریاییەكان و هێزی یەدەگی و یەكەی هەواڵگری تایبەت. هەورەها ملیۆنێك خۆبەخش كە بۆكاتی پێویست بانگهێشت دەكرێن.
هەروەك سوپای پاسداران ئێستا بە تەواوی سەرپەرشتی چەكە ستراتیژیەكانی ئێران دەكات لە موشەكی بالیستی و كیشوەربڕو ئەو موشەكانەی كە كڵاوەی ئەتۆمی هەڵدەگرن جگە لە سەرپەرشتی پرۆگرامی ئەتۆمی ئێران.

فەیلەقی قودس
فەیلەقی قودس یەكێكە لە باڵەكانی سوپای پاسداران و ئەركی سەرەكی جێبەجێكردنی پرۆسە هەستیارەكانی دەرەوەیە وەك پێشكەشكردنی چەك و مەشق كردن بە گروپەكانی نزیك لە ئێران وەك حزبوڵای لوبنان و گروپە شیعەكانی عێراق وەك نوجەباو حزبوڵاو .. هتد.
فەیلەقی قودس بەپێی راپۆرتە هەواڵگریەكان، رۆڵی كاراو باڵای هەبوە لە باڵادەستی سوپای پاسداران لە ئێران، بە تایبەت لەسەر دەستی قاسم سلێمانی كە تۆڕێكی فراوانی پەیوەندی لە ناوچەی رۆژهەلاتی ناوەڕاست دروست كرد كە لە یەمەن و سوریا و عێراقەوە دەكشێت تا دەگاتە لوبنان و یەمەن و وڵاتانی دیكە.

دەسەڵاتی فراوان
سوپای پاسداران راستەوخۆ سەربە رابەری باڵای شۆڕشی ئیسلامییە لە ئێران كە هەر خۆی فەرماندەی باڵای هێزە چەكدارەكانە، ڕابەر بەردەوام دەسەڵاتەكانی بەكاردەهێنێ بۆئەوەی سوپای پاسداران دەسەڵات و هەژمونی فراوانتر بێت، ئەویش لەرێگەی دامەزراندنی فەرماندە باڵاكانی پاسداران، لە پۆستی باڵای سیاسی.
بەگوێرەی راپۆرتە هەواڵگریەكان، سوپای پاسداران دەستی گرتوە بەسەر سێ یەكی ئابوری ئێرانداو راستەوخۆ سەرپەرشتی دامەزراوە داراییەكان و سندوقە خێرخوازیەكان و كۆمپانیاكانی نەوت و بیناسازی و كارەباو ووزە دەكات.
هەروەك پاسداران سێیەم دەوڵەمەندترین دامەزراوەیە لەروی داهاتی دارایی لەدوای دامەزراوەی نەوت و وەقفی ئیمام رەزا، هەربۆیەش پاسداران دەتوانێت بە ئاسانی خەڵك بێنێتە ریزی خۆیەوە بە موچەیەكی سەرنجراكێش و زۆر.

Address

As Sulaymaniyah
46001

Website

facebook.com

Alerts

Be the first to know and let us send you an email when Dasalaty 4 دەسەڵاتی چوارەم posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dasalaty 4 دەسەڵاتی چوارەم:

Videos

بێزمانێک ھاتۆتە قسە موچە ٢٠٠ ھەزاریەکەی پێ ڕەوا نابینن بەم بەرە جەژنانە !

مۆتەكەی موچە یەخەی خانەنشینان بەرنادات سلێمانی: خانەنشینان لە دۆخێكی سەختدا موچە وەردەگرن

تورکیا، خەڵک و خاک و سروشتت دەسوتێنێت، تۆیش لە قونبادان ناکەویت و ئەوەی لە کەلەتا نەبێت، ئەخلاقێکی ئینسانی و کوردستانییە. وابڵێین پەکەکە لە خێڵی ئێوە نییە و ئێوە خێڵێکیترن، بەس خۆ خاکەکە کوردستانەو ئەوەی دەسوتێت سروشتی کوردستانە! خۆ تۆ بۆ سروشتی جوانی تورکیا ساڵانە دەچیتە ئەوێ! تۆ ئەی سیاسی بێ مۆراڵ و کەلەپوتی کورد.

🔹حکومەتێکی بەھێز دائەمەزرێت 🔹پاشەکەوتی موچەکەتان بۆ دەگەڕێنینەوە 🔹کەرکوکو ناوچە دابڕێنراوەکان دەگەڕێنینەوە چەندین بەڵێنی تر لەزاری خۆیانەوە بۆیە بەو جۆرە بونەتە جێگەی قەشمەری خەڵکی کوردستان

دەرکردنی بەرپرسانی حکومەت لە مەراسیمی ئەنفالدا لە چەمچەماڵ

بینیوتانە چۆن دەستگیری دەکەن؟ ساتی دەستگیرکردنی یەکێک لە تۆمەتبارانی بکوژی شەهید نەقیب محەمەد

🔹مەلا هەڵۆ بۆ محەمەدی حاجی مەحمود: پیاوی ئێرانیت و بە خامنەی بڵێ لۆریەک خورمات بۆ بنێرێت

🔹بافێڵ چییە تا بە کۆپتەری جەنگی بروات بۆ قەرەداغ؟ 🔹کاتێک کەسوکاری ئێمە لەشاخ بون بافێڵ شیرە خۆرە بوە 🔹لە ئەوروپا ھەر خەریکی ڕبواردنو ڤیدیۆو گەیمین بوە ♦️شنیار ئەنوەر

🔹بارەگاکانی پارتی تەنیا لە کوردستان هێڵی سوورن و ئامادەیە دەیان گەنج لەسەر نزیکبوونەوە لەو بارەگایانە خەڵتانی خوێن بکات، بەڵام لە بەغدا ئاساییە بەلایەوە ئەگەر بشسووتێنرێن. ئەمە جیا لەوەی پارتی نەک هەر یەکڕیزی ناو ماڵی کورد، بەڵکوو تەنانەت کادر و بارەگاکانیشی دەکاتە قوربانی کورسی و پۆست و هەموو سازش و چەمانەوەیەکیش دەکات لەو پێناوەدا.

قسەکانی دایکمان تائێستا دایکت ئەم قسەنەی پێ وتوی؟

🔹کۆگای ڕۆژی دوایی بە دووری ١٣٠٠ كيلومه تر لە جەمسەری باکورەوە، بە بودجەی ١٠ ملیون دۆلاری ئەمریکی وڵاتی نەرویژ ، لە ساڵی ٢٠٠٦ دا لە دورگەی سپیتسبێرگن هەڵسا بەدروستکردنی، کۆگایەکی هەڵگرتنی ٨٦٥ هەزار تۆوی کشتوکاڵی جۆراوجۆر لە زۆربەی شوێنە جیاجیاکانی جیهان تا بتوانرێ لە کاتی ئافات وکاولبوندا بەکاربهێرێنەوە. ئەم کۆگایە بە قوڵایی ٤٢٧ پێ لە شاخێکدایە و لە لایەن چەند ڕۆبۆتێکەوە پارێزگاری لێدەکرێت وتەنها چەند کەسێکی دیاریکراو ڕێگە پێدراون بۆ چونە ژورە وکەشێکی گونجاوی هەیە کە دەتوانێت بۆ٢٠٠ ساڵ تۆوەکان بە دروستی هەڵبگرێت.. شایەنی باسە لە جەنگی سوریادا کاتێ کە شوێنی هەڵگرتنی تۆوی دانەوێڵەکان لەناودەچێت، ئەم کۆگایە ساڵی ٢٠٠٨ بۆ یەکەمجار هەڵسا بە بەخشینەوەی تۆوی دانەوێڵەی ڕەسەنی ناوچەکەی خۆیان بە سوریا. لە ماوەکانی ڕابردودا جارێکی تر کۆگای "ڕۆژی دوایی" کە گەورەترین کۆگای هەڵگرتن و زەخیرەکردنی تۆوی ڕووەکییە دەرگاکانی دەکاتەوە بۆ هەڵگرتنی چەند جۆرێکی تر لە تۆوی نوێی سودانی، لوبنانی، ئۆغەندی و نیوزلەندی. …………… هەڵگرتنی ئەم تۆوانە بەو شێوەیە و بەو ئاستە بەرزە لە پارێزگاری ئەو گریمانەیە زیاتر دەکات بە راستی کە رۆژێک ئەم هەسارەیە ژیانی بە دەگمەن تێدا دەمێنێت ، بەهۆی ڕوداوێکی سروشتی یا