کۆمەڵەی پێشمەرگە کەمئەندامبوەکانی سەنگەر

14/12/2023

10/11/2023

ساڵی ١٩٩٣ چۆ مان لەگەڵ شەهیدی برام محمد قودسی هونەرمەند وپیشمەرگە یادگاریەکانت هیندە زۆرو کاریگەرن برام هەر ڕۆژەو هەڵ دانەوەی پەرەیکی ئەلبومی ژیانت بۆ منی برای گەورەت برپرسیارتیکی میژوو ئەخاتە سەر شانم بۆ خوینی بەناحەق ڕژاوت دیارە ئەندازیارانی شەری ناوخۆ بەبێ سمڵینەوە لە بجوکترین بەهاکانی مرۆڤ ومافی مرۆڤ بەدڕندەترین شیوە تۆو هەڤالاکانیان شەهید کرد گەر مافی مرۆڤ ودادگای مرۆڤ بونی هەبا دەبوا ئیستا ئەم خائین وخاک فرۆس ونیستیمان فرۆشانە ئیستا لەکونجی زیندان بونایە نەوەک تائەمرۆ بریار بەدەست ودەم راستی گەلیک بن کەبەدریژای میژوو خوین وفرمیسکیان لەپیناو ئینتیمای نیستیمانی و نەتەوەی رشتوە ئەوانیش بەپشتیوانی دوژمنانی کورد خۆیان بە نوینەرو دەم راستی ئەم گەلە دەزانن نەفرەت لەهەر سەرکردیک کەخوینی رۆڵەکانی ئەم گەلەی لا بێ بەهایە

10/11/2023

٧/٥/١٩٩٤ڕۆژیکی ڕەش بۆ باڵەکایەتی وخەڵکی بەشەرەفی کوردستان کەفرماندە وسەرکردە تیکۆشەرەکەی باڵەکایەتی رەحمان سەیدەی بەور ئاساو خۆنەویست بەداخەوە کەیکیک بو لەو فرماندانەی دژ بەشەری ناوخۆ بو مخابن لەم رۆژەدا شەهید بو بالەکایەتی لەم ڕۆژەدا وەک وەفایک بۆ تیکۆشان و شەهید بونی گەورەو بجوک لەمەراسیمی بەخاک سپاردنی ئامادە بون هەزاران سلاو بۆ خوینی بەناحەق ڕژاوی کاکە رەحمان سەیدەو مامە شوان و سەرجەم شەهیدانی کوردستان

04/09/2023

ئاگادارییەک بۆ گەنجان ولاوانی کەرکوکی بابەگوڕ گوڕ ئەوەی چەندڕۆژیکە لەشارەکەی ئیوە دەگوزەریت بەرنامەیکی داڕژاوی وەزیری دەرەوەی تورکیایە لەڕیگای هاو ئاوازەکانی وکەواسورەکانی بۆ ئاڵۆز کردنی شەقام وبازاڕی کرکوک. هەمان بەرنامەی کوردستانی ڕۆژ ئاوایە واتا هەردوکیان یک ستراتیژو بەرنامەی ئیقلیمی هەیەو لەریگەی نۆکەران وبازرگانانی بەناو کوردایەتیەوە جێ بەجێ دەکرین بۆداواتان لێ دەکەین نەکەونە دوای هاشوهوشی ڕاگەیاندنی چەواشەو لەوە زیاتر خوینی لاوەکانتان مەکەن بەشەرابی سوری کورو کچی ئەم لاینانە کەدەیانەویت بازرگانی بەخوین وجەستە تانەوە بکات کەکوران وکچانی ئەوان بۆخۆشی لەئەوروپاو وولاتان لەئیستا دالەخۆشترین ئوتیل و ڤیلا ژیان بەسەر دەبەن ئیوەش دوومانگە موچەتان وەر نەگرتوە وەرنەوە هۆش خۆتان ئەمرۆ هاوکیشەکان گۆراون زەمان زەمانی عقڵ ومنتقە نەک چەک خۆشتان دەزانن ئەوانەی دەیانەویت ئیوە بەکوشت بت جگە لەبەرژەوەندی حیزبی هیچی تریان بۆکورد پێ نیە تائەوانیش مابن کورد نابیت بەچی

15/08/2023

کۆمەڵەی پێشمەرگە کەمئەندامەكانی سەنگەر لەشاری هەولێر کۆبووەوە

پێشنیوەڕۆی ئەمڕۆ بەئامادەبوونی (د. مجید حمدامین) ئەندامی سەرکردایەتی یەکێتی و لێپرسراوی مەڵبەندی٣ی هەولێرو (عبدللە کانی بەردی )ئەندامی سەرکردایەتی یەکێتی ولێپسراو بۆرد لەمەکتەبی شەهیدان و تێکۆشەران و (فوادعەبابەکر )سەرۆکی کۆمەڵەی پێشەرگە کەم ئەندام بوەکانی سەنگەرو

هەریەکە لە نەسرەدین حمدامین و سەعید مەسیفی لێپرسراوی لقی هەولێری کۆمەڵەی پێشمەرگە کەم ئەندام بوەکانی سەنگەر . لەهۆڵی شەهیدانی مەڵبەندی٣ی هەولێر لەگەڵ لقی هەولێری پێشمەرگە کەم ئەندام بوانی سەنگەر
کوبوونەوە

لەکۆبوونەوەکەدا تیشک خرایە سەر بارو دۆخی ئەمڕۆی سیاسی ناوچەکە بەگشتی هەروەها بەتێرو تەسەلی باس لە کاروبارو مافی پێشمەرگە کەم ئەندام بووەکانی سەنگەر هەروەک لەساڵی ٢٠٠٧ بەپێ ی یاسای ژمارە ٣٤ چەند خاڵێک بۆ مافی پێشمەرگە کەم ئەندام بوان جگە لەمووچە هیچ لەخاڵەکانی تر جێبەجێ نەکراوە و گفتوگۆی لەبارەوە کرا،

پاشان بەسەرنج و تێبینی و پرسیاری ئامادەبووان کۆتایی بەکۆبوونەوەکە هات.

سکرتارییەتی کۆمەڵەی پێشمەرگە کەمئەندامبووەکانی سەنگەر
٢٠٢٣/٨/١٥

14/08/2023

دوای نیوەڕۆی ئەمڕۆ دووشەممە بە ئامادەبوونی
هەڤاڵ عبداللە کانی بەردی و هەڤاڵ ئەبوزێد ساڵح ئەندامانی سەرکردایەتی و هه ڤال فواد حاجى عبابكر سکرتێر و ئەندامانی کۆمەڵەی کەم ئەندامانی سەنگەر

و لێپرسراوی لقی کۆیەی کەم ئەندامان و سەرۆکی شارەوانی کۆیە کۆبونەوەی فراوان لەگەڵ کەم ئەندامانی سەنگەری لقی کۆیە بەڕێوەچوو

لە کۆبونەوەکەدا خەبات و تێکۆشان و قوربانی دانی کەم ئەندامان بەرز نرخێندرا کە بە لە دەست دانی بەشێکی جەستەیان داینەمۆی شۆڕش بوون و شەهیدی زیندوون

دواتر باسی کێشە و گیر و گرفت و داواکاری کەم ئەندامان کرا ، گرنگی یەکخستنی هەوڵەکان بۆ باشترکردنی بارودۆخی کەم ئەندامان و دابینکردنی ژیانێکی شایسەتر بۆیان .
سکرتارییەتی کۆمەڵەی پێشمەرگە کەمئەندسمبووەکانی سەنگەر
٢٠٢٣/٨/١٤

14/08/2023

‎کاتژمێر ١٠ی پێشنیوەڕۆی ئەمڕۆ ٢٠٢٣/٨/۱٤؛کۆبوونەوەی سکرتاریەتی کۆمەڵەی پێشمەرگە کەمئەندامبووەکانی سەنگەر لە گەڵ لقی ڕاپەڕین و سۆرانی کۆمەڵە ،لە مەڵبەندی۲٤ ی ڕێکخستنی ڕاپەڕین(ی.ن.ک) ئەنجامدرا

‎سەرەتای کۆبوونەوەکە کە بەڕێزان هەڤاڵ ( احمد زرار) لێپرسراوی مەڵبەندی ڕاپەڕین وهەڤاڵ (فؤاد حاجی عەبابەکر) سکرتێری کۆمەڵەی پێشمەرگەکەمئەندامبووەکانی سەنگەر وهەڤاڵ (عبداللە كانی بەردی )لێپرسراوی بۆردی تێكۆشەران لە مەكتەبی شەهیدان وتێكۆشەران وە شێخ جەبار لێپرسراوی بەشی شەهیدان وتێكۆشەرانی مەڵبەندی ڕاپەڕین بە ئامادەبوونی لقی ڕاپەرین و سۆرانی كۆمەڵە و ستافە كەی لە سنووری لق ئامادەی بوون ؛بە ساتێک وەستان بۆ گیانی پاکی شەهیدان دەستی پێکرد.

‎پاشان هەڤاڵ (حسین برایم )لێپرسراوی لقی ڕاپەڕین ووتەی بەخێرهێنانی ئامادەبوونی پێشکەش کرد و

‎دوتر کاک( احمد زرار )لێپرسراوی مەڵبەندی ڕاپەڕین ووتەیەکی پێشکەش کرد و تیایدا تیشکی خستە سەر بارودۆخی هەرێمی کوردستان و پرسی هەڵبژاردن و ئەركی كادران وە ڕۆڵی كەمئەندامانی سەنگەری بەرزنرخاند و پشتیوانی تەواوی دەربڕی بۆسەرخستنی پڕۆژەكانی كۆمەڵەكە لە پێناو خزمەتكردنی بەو توێژە گرنگە
‎پشان ووتەی كاك عبداللە كانی بەردی لێپرسراوی بۆردی تێكۆشەران پێشكەشكرا

‎دواتر ووتەی بەڕێز
‎سکرتاریەتی کۆمەڵەی پێشمەرگە کەمئەندامبووەکانی سەنگەر لە لایەن کاک (فؤاد حاجی عەبابەکر)سکرتێری کۆمەڵەوە پێشکەشکرا و سەرەتا سڵاوی سەرۆک بافڵ جەلال تاڵەبانی گەیاندە سەرجەم پێشمەرگە کەمئەندامبووەکانی سەنگەر و ڕایگەیاند ئەوەی ئێستا هاتۆتە بەرهەم بەخوێنی شەهدان و خوێن و زامی ئێوەی کەمئەندامانی سەنگەربووە ،باسی لەوەش کرد
‎کە جگە لە مووچە ،دەسەڵاتی کوردی هیچ لە ماف و ئمتیازاتەکانی کەمئەندامانی جێبەجێ نەکردووە کا لە یاسای ٣٤ ی پەرلەمانی کوردستان بڕیاری لە سەردراوە بۆیە سندوقی نەشتەرگەری کەمئەندامانی سەنگەر ڕادەگەیێنین (سندوقی گەڕانەوەی شکۆ بۆ کەمئەندامان)کە بڕیار وایە لەسەرەتای مانگی داهاتووەوە بچێتە بواری جێبەجێکردنەوە.

‎لە کۆتایی کۆبوونەوەکەشدا ئامادەبوابان بە پێشنیار و سەرنج و تێبنیەکانیان کۆبوونەوەکەیان دەوڵەمەند کرد

سکرتارییەتی کۆمەڵەی پێشمەرگەکەمئەندامبووەکانه سەنگەر
٢٠٢٣/٨/۱٤

13/08/2023

ووڵامێکی توندی کاک مەلا بەختیار بۆ کەمال کەرکوکی …

11/08/2023

پرسەنامەی بەڕێز قوباد جلال تاڵەبانی ،بۆ بەڕێز دکتۆر فؤاد مەعسوم بەبۆنەی کۆچی دوایی هاوسەری بەڕێزیانەوە ؛

بەڕێزم جەنابی کاک دکتۆر فوئاد معصوم سەرۆک کۆماری پێشوتری عێڕاق

بەڕێزان خانەوادەى کۆچکردوو خاتوو (رووناک عەبدولواحید)

بەبیستنی هەواڵى کۆچی دوایی خاتوو (رووناک عەبدولواحید) هاوژینی د.فوئاد مەعصوم تێکۆشەری دێرین و ئەندامی دەستەی دامەزرێنەری یەکێتیی نیشتمانیی کوردستان و سەرۆک کۆماری پێشووتری عێراق، نیگەران و دڵگران بووم.

بۆ ئەم کۆچە، پرسەو سەرەخۆشی لەئێوەو خێزان و خانەوادە نیشتمانپەروەرەکەتان دەکەم و هاوبەشی خەمتانم.

خواى گەورە لە (خاتوو رووناک) خۆش بێت و جێگەی بەهەشت بێت، سەبورى و دڵنەواییش بەهەموو لایەک ببەخشێت.

انا لله و انا الیه راجعون

قوباد تاڵەبانی
جێگری سەرۆکی ئەنجومەنی وەزیران

11/08/2023

پرسەنامەی سەرۆک باڤڵ جلال تاڵەبانی بۆ دکتۆر فؤاد مەعسوم ،بە بۆنەی کۆچی دوایی خاتوو (ڕوناک عەبولواحید ) هاوسەری بەڕێزیانەوە ؛
بەڕێز کاک دکتۆر فواد مەعسوم، ئەندامی دەستەی دامەزرێنەری یەکێتیی نیشتمانیی کوردستان و سەرۆک کۆماری پێشووتری عیراق.

بۆ کۆچی دوایی خاتوو (روناک عەبدولواحید) ی هاوسەرتان و خانمی یەکەمی پێشووتری عیراق، پرسە و سەرەخۆشی قووڵی خۆمانتان پێڕادەگەیەنین و بەشداری خەم و ماتەمی ئێوەو کەسوکارو خانەوادە سەربەرزو تێکۆشەرەکەتانین کە لە شۆڕشی نوێی گەلەکەمان جێ دەست و رۆڵتان دیارو بەرچاوبووە.

لەخوای گەورە داواکارین گیانی کۆچکردوو بەبەهەشتی بەرینی خۆی شادبکات، سەبووری و ئارامیش بەهەموولایەکتان ببەخشێت.

دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان

10/08/2023

10/08/2023

قوباد تاڵەبانی لەگەڵ باڵیۆزی ژاپۆن لە عێراق کۆبووەوە

قوباد تاڵەبانی، جێگری سەرۆک وەزیران پێشوازیکرد لە فوتۆشی ماتسومۆتۆ باڵیۆزی ژاپۆن لە عێراق و لە کۆبوونەوەی نێوانیاندا دواپێشهاتە سیاسییەکانی کوردستان و عێراق و چۆنییەتی پەرەپێدانی پەیوەندییەکانی نێوان هەرێمی کوردستان و وڵاتی ژاپۆن تاوتوێ کران.

لە کۆبوونەوەکەدا کە رۆژی پێنج شەمە ١٠ی ئابی ٢٠٢٣ لە هەولێر بەڕێوەچوو، دابان شەدەڵە جێگری بەرپرسی فەرمانگەی پەیوەندییەکانی دەرەوە ئامادەیبوو، قوباد تاڵەبانی بەهۆی هاوکارییەکانی بۆ هەرێمی کوردستان لە بنیاتنانی ژێرخانی ئابوری و خزمەتگوزاری سوپاسی حکومەتی ژاپۆنی کرد و رایگەیاند: ئەزمونی ژاپۆن لە گەشەسەندندا نمونەیەکی دیار و سەرکەتووە لەسەر ئاستی جیهان و پێویستە عێراق و هەرێم لە ئیدارەدانی سێکتەرە جیاوازەکاندا سود لە ئەزمونی ئەو وڵاتە ببینن.

جێگری سەرۆک وەزیران ئامادەیی حکومەتی هەرێمی دەربڕی بۆ بەهێزترکردنی پەیوەندییەکانی نێوان هەردوو وڵات بە تایبەتیش لە بوارەکانی بازرگانی و خوێندنی باڵادا.

لە کۆبوونەوەکەدا هەردوولا هاوڕابوون کە لەپێناو سەقامگیری عێراق و کوردستان و رەخساندنی زەمینەی گونجاو بۆ گەشەسەندنی ئابوری، پێویستە هەم کێشەکانی نێوان هەرێم و بەغدا و هەم ناکۆکییە سیاسییەکانی نێوان لایەنە سیاسییەکان لە کوردستان و عێراق لەڕێگەی گفتوگۆوە چارەسەر بکرێن.