ಹೊಸಕಿರಣ_Hosakiran

06/11/2023

ಸಿದ್ದಾಪುರ : ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನ  ಸಿದ್ದಾಪುರ  ಗ್ರಾಮದ ಹಿಂದಿನ ಗ್ರಾಮ ಲೆಕ್ಕಿಗ (V. A) ಸ್ಥಳೀಯ  ಪ್ರಭಾವಿ ವ್ಯಕ್ತಿಗ.....

14/04/2023

*ದಲಿತ ಹಿತ ರಕ್ಷಣಾ ವೇದಿಕೆ (ರಿ.) ಉಡುಪಿ ಜಿಲ್ಲೆ, ವತಿಯಿಂದ ಸಂವಿಧಾನ ಶಿಲ್ಪಿ, ವಿಶ್ವನಾಯಕ ಡಾ.ಬಿ.ಆರ್.ಅಂಬೇಡ್ಕರ್ ಜಯಂತಿ ಆಚರಣೆ*

ತೆಕಟ್ಟೆ : ದಲಿತ ಹಿತ ರಕ್ಷಣಾ ವೇದಿಕೆ (ರಿ.) ಉಡುಪಿ ಜಿಲ್ಲೆ, ವತಿಯಿಂದ ಸಂವಿಧಾನ ಶಿಲ್ಪಿ, ವಿಶ್ವನಾಯಕ ಡಾ.ಬಿ.ಆರ್.ಅಂಬೇಡ್ಕರ್ ಜಯಂತಿ ಆಚರ...

31/07/2022

*ಕೋಟ ಪಂಚವರ್ಣ ಮಹಿಳಾ ಮಂಡಲದ ಆಶ್ರಯದಲ್ಲಿ ಆಸಾಡಿ ವಡ್ರ್ ಗ್ರಾಮೀಣ ಸೊಗಡುಗಳ ತಿಲ್ಲಾನ ಗ್ರಾಮ್ಯ ಭಾಷೆಯ ಬಗ್ಗೆ ಕೀಳರಿಮೆ ಸಲ್ಲ – ಜಯರಾಮ ಶೆಟ್ಟಿ*

https://hosakirana.com/2022/07/31/2022-1003/

ಕೋಟ:ಗ್ರಾಮೀಣ ಭಾಷೆಗಳ ಬಗ್ಗೆ ಯಾರಿಗೂ ಕೀಳರಿಮೆ ಇರಬಾರದು ಅದರ ಶ್ರೇಷ್ಠತೆ ಅಳಯಲು ಸಾಧ್ಯವಿಲ್ಲ ಎಂದು ಗ್ರಾಮ್ಯ ಭಾಷೆಯ ಸೋಗಡುಗಾರ ಎಂ......

31/07/2022

ಶಿರಿಯಾರ ಕುಂದಾಪ್ರ ಕಂಬಳೋತ್ಸವ ಕುಂದಾಪುರ ಕನ್ನಡ ದಿನಾಚರಣೆ ಪ್ರಯುಕ್ತ *ಟೀಮ್ ಕುಂದಪ್ರಿಯನ್ಸ್ ಆಶ್ರಯದಲ್ಲಿ ಶಿರಿಯಾರದಲ್ಲಿ ಕುಂದಾಪುರ ಕಂಬಳೋತ್ಸವ ಕಾರ್ಯಕ್ರಮ ಜರುಗಿತು.

ಬಸ್ರೂರು ಮಹಾಲಿಂಗೇಶ್ವರ ದೇಗುಲದ ಸ್ಥಾಪನಾ ಸಮಿತಿ ಅಧ್ಯಕ್ಷ ಅಪ್ಪಣ್ಣ ಹೆಗ್ಡೆ ಚಾಲನೆ ನೀಡಿ ,ನಮ್ಮ ಭಾಷೆ -ಆಚರಣೆ ಸಂಸ್ಕೃತಿ ಉಳಿಸಿ ಬೆಳೆಸಬೇಕು ಎಂದರು. ಪತ್ರಕರ್ತೆ ರಾಧಾ ಹಿರೇಗೌಡರ್, ಬಿಜೆಪಿ ಯುವ ನಾಯಕ ಪೃಥ್ವಿರಾಜ್ ಶೆಟ್ಟಿ ಬಿರ್ಲಾಡಿ, ಮಾತನಾಡಿದರು. ಟೀಮ್ ಕುಂದಾಪ್ರಿಯನ್
ತಂಡದ ಮುಖ್ಯಸ್ಥ ರಂಜಿತ್ ಶಿರಿಯಾರ ಅಧ್ಯಕ್ಷತೆ ವಹಿಸಿದ್ದರು. ಈ ಸಂದರ್ಭದಲ್ಲಿ ಕುಂದಾಪುರದ ವಿವಿಧ ಸಾಧಕರಿಗೆ ಸನ್ಮಾನಿಸಲಾಯಿತು ಗೌರವಿಸಲಾಯಿತು.

ಶಿರಿಯಾರದ ರಾಮ ಮಂದಿರದಿಂದ ಕಂಬಳ ಗದ್ದೆಯ ತನಕ ಅದ್ದೂರಿ ಮೆರವಣಿಗೆ ನಡೆಯಿತು. ಅನಂತರ ಕುಂದಾಪ್ರ ಕಂಬಳೋತ್ಸವ ಗದ್ದೆ ಪೂಜೆಗೆ ಚಾಲನೆ ನೀಡಲಾಯಿತು.

ಚೇತನ್ ನೆಲ್ಯಾಡಿ ಮತ್ತು ತಂಡದವರಿಂದ ಹೆಂಗ್ಸರ್ ಪಂಚೇತಿ ಎನ್ನುವ ಕುಂದಕನ್ನಡ ಪ್ರಹಸನ ಗಮನ ಸೆಳೆಯಿತು. ಸುಮಾರು 8 ಜೊತೆ ಕೋಣಗಳ ಉಪಸ್ಥಿತಿಯಲ್ಲಿ ಕೋಣಗಳ ಕಂಬಳದ ಓಟ ನೋಡುಗರ ಗಮನ ಸೆಳೆಯಿತು. ಕೆಸರು ಗದ್ದೆ ಓಟ,ಮೂರು ಕಾಲು ಓಟ, ಹಿಮ್ಮುಖ ಓಟ ಹಗ್ಗಜಗ್ಗಾಟ ಮುಂತಾದ ಕೆಸರುಗದ್ದೆ ಕ್ರೀಡಾಕೂಟದಲ್ಲಿ ನೆಡೆದವು.

ಈ ಸಂದರ್ಭದಲ್ಲಿದಲ್ಲಿ ಕುಂದಾಪುರ ಶಾಸಕ ಹಾಲಾಡಿ ಶ್ರೀನಿವಾಸ ಶೆಟ್ಟಿ ಗೋವಿಂದ ಬಾಬು ಪೂಜಾರಿ ನಿವ್ರತ್ತ ಮುಖ್ಯ ಶಿಕ್ಷಕ ರಾಜೀವ ಶೆಟ್ಟಿ ಸಿರಿಯಾರ ಉದ್ಯಮಿ ಗಣೇಶ್ ಪ್ರಸಾದ್ ಗ್ರಾಮ್ ಪಂಚಾಯತ್ ಅಧ್ಯಕ್ಷರು, ಟೀಮ್ ಕುಂದಾಪುರದ ಸರ್ವಸದಸ್ಯರ ಗಣ್ಯಾತಿಗಣ್ಯರು ಊರ ಪರವೂರ ಗ್ರಾಮಸ್ಥರು ಉಪಸ್ಥಿತರಿದ್ದರು. ಅಭಿಜಿತ್ ಪಾಂಡೇಶ್ವರ ಕಾರ್ಯಕ್ರಮವನ್ನು ನಿರೂಪಿಸಿದರು..

29/07/2022

*ರೋಟರಿ ಉಡುಪಿ ರೋಯಲ್ & ಲಯನ್ಸ್ ಮಣಿಪಾಲ ಯುಕ್ತಿ ಕ್ಲಬ್* *ಅವರ ಜಂಟಿ ಆಶ್ರಯದಲ್ಲಿ ಉಡುಪಿ ಪಂದುಬೆಟ್ಟು ನಿವಾಸಿ ತೇಜಾವತಿ ಪೂಜಾರಿ ಅವರಿಗೆ ವೀಲ್ ಚೇರ್ ಹಾಗೂ ದಿನದ ನಿತ್ಯದ ಅಗತ್ಯ ಸಾಮಗ್ರಿಗಳನ್ನು ನೀಡಲಾಯಿತು...*
*ಈ ಸಂಧರ್ಭದಲ್ಲಿ ಬಾಲಕೃಷ್ಣ ಮದ್ದೋಡಿ, ರತ್ನಾಕರ್ ಇಂದ್ರಾಳಿ, ತೇಜೇಶ್ವರ್ ರಾವ್, ಪೂರ್ಣಿಮಾ ಶೆಟ್ಟಿ, ಗಾಯತ್ರಿ ನಾಯಕ್, ದಯಾಶಿನಿ ಪಂದುಬೆಟ್ಟು ,ಲತಾ ಭಟ್ ಉಪಸ್ಥಿತರಿದ್ದರು.*
*ತೇಜಾವತಿ ಪೂಜಾರಿ ಯವರು ಸುಮಾರು ವರ್ಷಗಳಿಂದ ಅನಾರೋಗ್ಯ ದಿಂದ ಬಳಲುತ್ತಿದ್ದು ವಿಧವೆಯಾಗಿದ್ದಾರೆ. ಅವರ ಸಮಸ್ಯೆಯನ್ನು ನೋಡಿ ಸ್ಥಳೀಯ ಸಮಾಜ ಸೇವಕರು ಮಾಜಿ‌ ಅಂಬಲಪಾಡಿ ಗ್ರಾಮ ಪಂಚಾಯತ್ ಸದಸ್ಯರಾದ ದಯಾಶಿನಿ ಪಂದುಬೆಟ್ಟು ಅವರ ಮುತುವರ್ಜಿಯಿಂದ ಲಯನ್ಸ್ ಮಣಿಪಾಲ ಯುಕ್ತಿ ಕ್ಲಬ್ ಮತ್ತು ರೋಟರಿ ಉಡುಪಿ ರೋಯಲ್ ಯವರ ಸಹಕಾರದಿಂದ ಸಹಾಯ ಹಸ್ತ ನೀಡಲಾಯಿತು. ಈ ಕುಟುಂಬಕ್ಕೆ ಮನೆಯೂ ಕ್ಷಿತಿಲ ಅವಸ್ಥೆಯಲ್ಲಿ ಇದ್ದು ದಾನಿಗಳಿಂದ ಇನ್ನಷ್ಟು ಸಹಾಯ ಹಸ್ತ ನಿರೀಕ್ಷೆ ಮಾಡಲಾಗಿದೆ.*
*ದಾನಿಗಳಿಗೆ ಅವರ ವಿಳಾಸ & ಬ್ಯಾಂಕ್ ಖಾತೆ ವಿವರ:*
*ತೇಜಾವತಿ*
W/o ದಿ! ಸುದರ್ಶನ್ ಪೂಜಾರಿ
ಮನೆ ನಂಬ್ರ 1-51ಡಿ
ಪಂದುಬೆಟ್ಟು
ಅಂಬಲಪಾಡಿ ಪೋಸ್ಟ್
ಮೂಡನಿಡಂಬೂರು
ಉಡುಪಿ- 576103
*ಮೊಬೈಲ್;9731497047*
*CANARA BANK*
*Branch NEW MARKET* *YARD Udupi*
*Account Number:*
*02072210033290*
*IFSC CODE:*
*CNRB0010207*

25/07/2022

*ಈ ದಿನ ಹುಬ್ಬಳ್ಳಿಯಲ್ಲಿ ನಡೆದ ಈಡಿಗ ಬಿಲ್ಲವ ನಾಮಧಾರಿ ಸಮುದಾಯಗಳ ಪೂಜ್ಯ ಸ್ವಾಮೀಜಿಗಳು ಹಾಗೂ ಸಮುದಾಯದ ಪ್ರಮುಖ ಸಭೆಯಲ್ಲಿ ಸಮಾಜದ ಶ್ರೇಯಾಭಿವೃದ್ಧಿಗಾಗಿ ತೆಗೆದುಕೊಂಡ ಪ್ರಮುಖ ನಿರ್ಣಯಗಳು*

ಸಭೆಯಲ್ಲಿ ಗಂಭೀರವಾಗಿ ಚರ್ಚಿಸಿ ತೆಗೆದುಕೊಂಡ ನಿರ್ಣಯಗಳು
1. ಕುಲಕಸುಬು ಸೆಂದಿ ಬಗ್ಗೆ ಚರ್ಚಿಸಿ ರಾಜ್ಯದಲ್ಲಿ ಎಲ್ಲಿ ಎಲ್ಲಿ ಈಚಲು ಮರ ತೆಂಗಿನ ಮರ ತಾಳೆಮರ ಇದೆಯೊ ಅಲ್ಲಿ ಸೇಂದಿ ಇಳಿಸಿ ಮಾರಾಟ ಮಾಡುವುದಕ್ಕೆ ರಾಜ್ಯ ಸರ್ಕಾರ ಮಂಗಳೂರು ಉಡುಪಿಯ ಮಾದರಿಯಲ್ಲಿ ಅನುಮತಿ ನೀಡಬೇಕೆಂದು ಸರಕಾರಕ್ಕೆ ಒತ್ತಡ ತಂದು ಅನುಮತಿ ಪಡೆಯಲು ಒಮ್ಮತದಿಂದ ಸಭೆಯಲ್ಲಿ ನಿರ್ಧರಿಸಲಾಯಿತು.

2. ಈಗ ಬಿಲ್ಲವ ನಾಮಧಾರಿ ಸಮಾಜ ಕೆಟಗರಿ 2Aಯಲ್ಲಿದೆ. ಸದರಿ ಕೆಟಗರಿಯಿಂದ ಹೆಚ್ಚಿನ ಮೀಸಲಾತಿ ಪಡೆಯುವ ದೃಷ್ಟಿಯಲ್ಲಿ ಪ್ರವರ್ಗ I ಅಥವಾ ಎಸ್ ಟಿ ಹೋಗುವುದಕ್ಕೆ ಕಾನೂನು ತೊಡಕುಗಳನ್ನು ಮತ್ತು ಹೆಚ್ಚಿನ ಮಾಹಿತಿಯನ್ನು ಪಡೆದು ಎರಡು ತಿಂಗಳ ಒಳಗಡೆ ವರದಿಯನ್ನು ನೀಡುವುದಕ್ಕೆ ಆರು ಜನ ಹಿರಿಯ ಪ್ರಮುಖರಿಗೆ ಜವಾಬ್ದಾರಿ ನೀಡಲಾಯಿತು.

3. ಬ್ರಹ್ಮಶ್ರೀ ನಾರಾಯಣ ಗುರುಗಳ ಹೆಸರಿನಲ್ಲಿ ನಿಗಮವನ್ನು ಘೋಷಿಸುವುದಕ್ಕೆ ಸಭೆಯಲ್ಲಿ ಒಮ್ಮತದಿಂದ ನಿರ್ಣಯ ತೆಗೆದುಕೊಳ್ಳಲಾಯಿತು.

4. ಕುಲ ಬಾಂಧವರನ್ನು ರಾಜಕೀಯವಾಗಿ ಅರಿವು ಮೂಡಿಸುವುದು ನಮ್ಮ ಸಮುದಾಯದ ಕುಲಬಾಂಧವರ ಪ್ರತಿಯೊಂದು ಮತವು ಕೂಡ ಮುಂದಿನ ನಮ್ಮ ಮಕ್ಕಳ ಭವಿಷ್ಯವನ್ನು ರೂಪಿಸುವುದಕ್ಕೆ ಅನುಕೂಲವಾಗುವ ರೀತಿಯಲ್ಲಿ ಸಮುದಾಯ ನಿರ್ಣಾಯಕವಾಗಿರುವ ಪ್ರತಿಯೊಂದು ವಿಧಾನಸಭಾ ಕ್ಷೇತ್ರ ಹಾಗೂ ಲೋಕಸಭಾ ಕ್ಷೇತ್ರದಲ್ಲಿ ಜಾಗೃತಿ ಮೂಡಿಸುವುದು ನಿರಂತರವಾಗಿ ನಡೆಸುವುದಕ್ಕೆ ಸಭೆಯಲ್ಲಿ ನಿರ್ಣಯಿಸಲಾಯಿತು.

5. ಮೂರು ತಿಂಗಳಿಗೊಮ್ಮೆ ಈಡಿಗ ಬಿಲ್ಲವ ನಾಮಧಾರಿ ಸಮುದಾಯಗಳ ಸ್ವಾಮೀಜಿಗಳು ಹಾಗೂ ಸಮುದಾಯದ ಪ್ರಮುಖರು ಸಮುದಾಯದ ಶ್ರೇಯಾ ಅಭಿವೃದ್ಧಿಗಾಗಿ ರಾಜ್ಯದ ವಿವಿಧ ಭಾಗಗಳಲ್ಲಿ ಸೇರಿ ಸಭೆ ನಡೆಸಿ ಸರ್ಕಾರದ ಗಮನವನ್ನು ಸೆಳೆಯುವುದಕ್ಕೆ ಸಭೆಯಲ್ಲಿ ನಿರ್ಣಯಿಸಲಾಯಿತು.

ಈ ದಿನದ ಸಭೆಯಲ್ಲಿ ಸಮಾಜದ ಗುರುಗಳಾದ ಶ್ರೀಶ್ರೀಶ್ರೀ ಪ್ರಣವಾನಂದ ಸ್ವಾಮೀಜಿಗಳು ಅಧ್ಯಕ್ಷತೆಯನ್ನು ವಹಿಸಿ ರಾಷ್ಟ್ರೀಯ ಬಿಲ್ಲವ ಮಹಾಮಂಡಳಿಯ ಉಪಾಧ್ಯಕ್ಷರಾಗಿರುವ ಶ್ರೀ ಪ್ರೀತಾಂಬರ ಹೆರಾಜೆ, ಆರ್ಯ ಈಡಿಗ ಕೇಂದ್ರ ಹೋರಾಟ ಸಮಿತಿಯ ಅಧ್ಯಕ್ಷರಾದ ಶ್ರೀ ಸತೀಶ್ ಗುತ್ತೇದಾರ್, SNGV ಸಂಸ್ಥಾಪಕ ಅಧ್ಯಕ್ಷರಾದ ಶ್ರೀ ಸತ್ಯಜಿತ್ ಸುರತ್ಕಲ್, ಆರ್ಯ ಈಡಿಗ ರಾಷ್ಟ್ರೀಯ ಮಹಾಮಂಡಳಿಯ ರಾಜ್ಯ ಪ್ರಧಾನ ಕಾರ್ಯದರ್ಶಿಯಾದ ಶ್ರೀ ವೆಂಕಟೇಶ ಗುಂಡನೂರ್, ಪ್ರದೇಶ್ ಈಡಿಗ ಸಂಘದ ಸದಸ್ಯರುಗಳಾದ ಶ್ರೀ ಮಂಜುನಾಥ ಇಳಿಗೆರ್, ಶ್ರೀ ರವಿ ಇಳಿಗೆರ್, ಶಿವಪ್ಪ ಇಳಿಗೆರ್, ನಾಮಧಾರಿ ಸಮಾಜದ ಅಧ್ಯಕ್ಷರಾದ ಶ್ರೀ ಟಿ ಡಿ ನಾಯ್ಕ್, ಶ್ರೀ ಸಚಿನ್ ನಾಯ್ಕ್, ಕುದ್ರೋಳಿ ದೇವಸ್ಥಾನದ ಕೋಶಾಧ್ಯಕ್ಷರು ಹಾಗೂ ಹಿರಿಯ ವಕೀಲರಾಗಿರುವ ಶ್ರೀ ಪದ್ಮರಾಜ್, ಹಿರಿಯ ಬಿಲ್ಲವ ನಾಯಕರಾದ ಶ್ರೀ ಶಂಕರ್ ಪೂಜಾರಿ, ಶ್ರೀ ಬಿಹೆಚ್ ಮಂಚೇಗೌಡರು, ಶ್ರೀ ವೆಂಕಟೇಶ್ ಕಡೆಚೂರು, ಶ್ರೀ ಮಹದೇವಪ್ಪ ಗುತ್ತೇದಾರ್ ಮತ್ತು ರಾಜ್ಯದ ವಿವಿಧ ಭಾಗಗಳಿಂದ ಬಂದ ಈಡಿಗ ಬಿಲ್ಲವ ನಾಮಧಾರಿ ಸಮಾಜದ ಅನೇಕ ಪ್ರಮುಖರು ಸಭೆಯಲ್ಲಿ ಭಾಗವಹಿಸಿದ್ದರು. ಜುಲೈ 30ನೇ ತಾರೀಕಿನೊಳಗಡೆ ಹಿರಿಯ ಸಚಿವರಾದ ಶ್ರೀ ಕೋಟ ಶ್ರೀನಿವಾಸ್ ಪೂಜಾರಿ ಸಚಿವರಾದ ಶ್ರೀ ಸುನಿಲ್ ಕುಮಾರ್ ಮತ್ತು ಸಮಾಜದ ಶಾಸಕರುಗಳ ನೇತೃತ್ವದಲ್ಲಿ ಮಾನ್ಯ ಮುಖ್ಯಮಂತ್ರಿಗಳನ್ನು ಭೇಟಿ ನೀಡಿ ಸಮುದಾಯದ ಎಲ್ಲ ಬೇಡಿಕೆಗಳನ್ನು ಈಡೇರಿಸುವುದಕ್ಕೆ ನಿರ್ಣಯ ತೆಗೆದುಕೊಳ್ಳಲಾಯಿತು.

21/07/2022

ಉಡುಪಿ : ಜಿಲ್ಲೆಗೆ ಬುಧವಾರ ಕರಾಳ ಬುಧವಾರವಾಗಿ ಮಾರ್ಪಾಟಾಗಿದೆ. ಬೆಳಗ್ಗಿನ ವೇಳೆಗೆ ಚಾಕಲೇಟ್ ನಿಂದ ಉಸಿರುಗಟ್ಟಿ ಮಗು ಸಾವನ್ನಪ್ಪಿದರೆ ಸಂಜೆಯ ವೇಳೆಗೆ ಆಂಬುಲೆನ್ಸ್ ಒಂದು ಭೀಕರವಾಗಿ ಅಫಘಾತವಾಗಿ ಒಂದೇ ಕುಟುಂಬದ ನಾಲ್ವರು ಮೃತರಾಗಿದ್ದಾರೆ. ಅಂಬುಲೆನ್ಸ್ ಅಪಘಾತದ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು,ಎಂತವರ ಹೃದಯವೂ ನಡುಗಿಸುವಂತಿದೆ.

ಉಡುಪಿ ಜಿಲ್ಲೆಯ ಬೈಂದೂರು ತಾಲೂಕಿನ ಶಿರೂರು ಟೋಲ್ ಗೇಟ್ ಬಳಿ ವೇಗವಾಗಿ ಬಂದ ಅಂಬುಲೆನ್ಸ್ ಟೋಲ್ ಕಂಬಕ್ಕೆ ಢಿಕ್ಕಿ ಹೊಡೆದು ಭೀಕರ ಅಫಘಾತವಾಗಿದೆ. ಅಪಘಾತದಲ್ಲಿ ಒಂದೇ ಕುಟುಂಬದ ನಾಲ್ವರು ಸಾವನ್ನಪ್ಪಿದ್ದು, ಆಂಬುಲೆನ್ಸ್ ಚಾಲಕ ಸಹಿತ ನಾಲ್ವರ ಸ್ಥಿತಿ ಗಂಭೀರವಾಗಿದೆ.

ಮೃತರನ್ನು ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರದ ನಿವಾಸಿಗಳಾದ ಒಂದೇ ಕುಟುಂಬದ ಲೋಕೇಶ್ ಮಾಧವ ನಾಯ್ಕ, ಜ್ಯೋತಿ ಲೋಕೇಶ್ ನಾಯ್ಕ್, ಮಂಜುನಾಥ ಮಾಧವ ನಾಯ್ಕ, ಗಜಾನನ ಲಕ್ಷ್ಮಣ್ ನಾಯ್ಕ್ ಮೃತಪಟ್ಟವರು ಎಂದು ಗುರತಿಸಲಾಗಿದೆ. ಮೃತರ ಸಂಬಂಧಿಗಳಾದ ಗೀತಾ ಗಜಾನನ ನಾಯ್ಕ್, ಶಶಾಂಕ್ ಮತ್ತು ಟೋಲ್ ಗೇಟ್ ಸಿಬ್ಬಂದಿ ಶಂಬಾಜಿ ಪೋರ್ಪಡೆ ಸ್ಥಿತಿ ಗಂಭೀರವಾಗಿದೆ.

ಮೃತರ ಪೈಕಿ ಹೊನ್ನಾವರದ ಗಜಾನನ ಲಕ್ಷ್ಮಣ ನಾಯ್ಕ್ ಎಂಬುವವರಿಗೆ ರಕ್ತದೊತ್ತಡ ಹೆಚ್ಚಾದ ಹಿನ್ನಲೆಯಲ್ಲಿ ಅಂಬುಲೆನ್ಸ್ ನಲ್ಲಿ ಹೊನ್ನಾವರದಿಂದ ಕುಂದಾಪುರಕ್ಕೆ ಸಾಗಿಸಲಾಗುತಿತ್ತು. ಉತ್ತರ ಕನ್ನಡ ಗಡಿದಾಟಿ ಆಂಬುಲೆನ್ಸ್ ಬೈಂದೂರಿನ ಶಿರೂರು ಟೋಲ್ ಬಳಿ ಬರುವಾಗ ಅಂಬುಲೆನ್ಸ್ ವೇ ನಲ್ಲಿ ಬ್ಯಾರಿಕೇಡ್ ತೆಗೆಯಲು ಹೋಗಿದ್ದಾರೆ. ಮತ್ತು ಇದೇ ಸಂದರ್ಭದಲ್ಲಿ ದನವೊಂದು ಮಲಗಿದ್ದ ಕಾರಣ ಟೋಲ್ ಸಿಬ್ಬಂದಿ ದನವನ್ನು ಓಡಿಸಲು ಮುಂದಾಗಿದ್ದಾರೆ.

ಆಂಬುಲೆನ್ಸ್ ಅನ್ನ ರೋಶನ್ ಎಂಬ ಚಾಲಕ ಓಡಿಸುತ್ತಿದ್ದು,ಅತೀ ವೇಗವಾಗಿ ಚಲಾಯಿಸುತ್ತಿದ್ದ . ಟೋಲ್ ಮುಂಭಾಗದಲ್ಲಿ ಟೋಲ್ ಸಿಬ್ಬಂದಿ ಮತ್ತು ದನಕ್ಕೆ ಡಿಕ್ಕಿ ಹೊಡೆಯೋದ‌ನ್ನು ತಪ್ಪಿಸಲು ಚಾಲಕ ರೋಶನ್ ಬ್ರೇಕ್ ಹೊಡೆದಿದ್ದಾರೆ. ಈ ವೇಳೆ ನಿಯಂತ್ರಣ ತಪ್ಪಿ ಆಂಬುಲೆನ್ಸ್ ಪಲ್ಟಿಯಾಗಿದೆ. ಆಂಬುಲೆನ್ಸ್ ಪಲ್ಟಿಯಾಗುತ್ತಿದ್ದಂತೆ ಆಂಬುಲೆನ್ಸ್ ಒಳಗಿದ್ದ ರೋಗಿ ಮತ್ತು ಸಂಬಂಧಿಕರು ಹೊರಗೆ ಎಸೆಯಲ್ಪಟ್ಟಿದ್ದಾರೆ.

ಘಟನೆಯಿಂದ ರೋಗಿ ಗಜಾನನ ಲಕ್ಷ್ಮಣ ನಾಯ್ಕ್ ಮತ್ತು ಅವರ ಪತ್ನಿ ಜ್ಯೋತಿ ಮತ್ತು ಲೋಕೇಶ್ ತೀವ್ರವಾಗಿ ಗಾಯಗೊಂಡು ಆಸ್ಪತ್ರೆ ಗೆ ಸಾಗಿಸುವಷ್ಟರಲ್ಲಿ ಮೃತಪಟ್ಟಿಗಿದ್ದಾರೆ. ಮಂಜುನಾಥ ಮಾಧವ ನಾಯ್ಕ್ ಅವರು ಆಸ್ಪತ್ರೆಯಲ್ಲಿ ಸಾವನ್ನಪ್ಪಿರುವ ಬಗ್ಗೆ ತಿಳಿದುಬಂದಿದೆ.ಆಂಬುಲೆನ್ಸ್ ಚಾಲಕನ ಮಿತಿ ಮೀರಿದ ವೇಗ ಮತ್ತು ಅಂಬುಲೆನ್ಸ್ ವೇ ಗೆ ಬ್ಯಾರಿಕೇಡ್ ಹಾಕಿದ ಕಾರಣ, ಹಾಗೂ ವಾಹನಗಳು ಓಡಾಡುವ ಜಾಗದಲ್ಲಿ ಹಸುಗಳನ್ನು ಬಿಟ್ಟಿಕೊಂಡು ಅಜಾಗರೂಕತೆ ಮೆರದಿದ್ದ ಈ ಅವಘಡ ಸಂಭವಿಸಿದೆ. ಬೈಂದೂರು ಪೊಲೀಸ್ ಠಾಣೆಯಲ್ಲಿ ಈ ಬಗ್ಗೆ ಪ್ರಕರಣ ದಾಖಲಾಗಿದೆ.

20/07/2022

*ನಮ್ಮ ಉಡುಪಿಯ ಜನಪ್ರಿಯ ಶಾಸಕರಾದ ರಘುಪತಿ ಭಟ್ ಅವರ ಜನರಿಂದ ಬಲು ಮೆಚ್ಚುಗೆ ಗಳಿಸಿದ ಹಡಿಲು ಭೂಮಿ ಕೃಷಿ ಯೋಜನೆಯಲ್ಲಿ‌‌‌‌‌*

*ಅಂಬಲಪಾಡಿ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಬಂಕೇರಕಟ್ಟ ಆಚಾರಿಗುಂಡಿ ದೇವರಕೆರೆ ಪರಿಸರದಲ್ಲಿ 6 ಎಕರೆಗಳ ಹಡಿಲು ಭೂಮಿಯ ನಾಟಿ ಕಾರ್ಯ ರಿಕೇಶ್ ಪಾಲನ್ ಕಡೆಕಾರ್ ಅವರಿಂದ ಪಂಚಾಯತ್ ಸದಸ್ಯರಾದ ರಾಜೇಶ್ ಸುವರ್ಣ ನೇತೃತ್ವದಲ್ಲಿ ನಡೆಯಿತು*.

*ಈ ಸಂಧರ್ಭದಲ್ಲಿ ನಮ್ಮ ಸ್ಥಳೀಯ ಪಂಚಾಯತ್ ಸದಸ್ಯರಾದ ಭಾರತಿ ಭಾಸ್ಕರ್ & ಸ್ತಳೀಯ ಕಾರ್ಯಕರ್ತರಾದ ವಿನೋದ್ ಪೂಜಾರಿ, ಗಣೇಶ್ ಪೂಜಾರಿ, ಮೋಹನ್, ರಾಜೇಶ್ ಜತ್ತನ್, ಪಾಂಡು ಪಂದುಬೆಟ್ಟು, ಶಶಿ ಕಿದಿಯೂರು, ವಾಣಿ ಪ್ರಭಾಕರ್, ಸುಜಾತ ಶಶಿಕಾಂತ್, ಭಾಸ್ಕರ್ ಜತ್ತನ್ ಸಹಕಾರವನ್ನು ನೀಡಿದರು*

09/07/2022

*ಬಾರ್ಕೂರು : ಶ್ರೀ ಆದಿ ಪರಮೇಶ್ವರ ಬಸದಿ ಹಾಗೂ ಶ್ರೀ ಪಾಶ್ವನಾಥ ಪದ್ಮಾವತಿ ದೇವಿ ಬಸದಿ ಅತಿಕ್ರಮಣ ಜಾಗವನ್ನು ತೆರೆವುಗೊಳಿಸಿ, ಬೇಲಿ ನಿರ್ಮಿಸಲು ಅನುಮಾತಿ ನೀಡಿ : ಡಾ. ಆಕಾಶ್ ರಾಜ್ ಜೈನ್*

📡 *ಹೊಸಕಿರಣ. Com*

https://hosakirana.com/2022/07/09/2022-861/

ಬಾರ್ಕೂರು : ಬಾರ್ಕೂರಿನಲ್ಲಿರುವ 1100 ವರ್ಷಗಳಷ್ಟು ಪುರಾತನ ಶ್ರೀ ಆದಿ ಪರಮೇಶ್ವರ ಬಸದಿ ಹಾಗೂ ಶ್ರೀ ಪಾಶ್ವನಾಥ ಪದ್ಮಾವತಿ ದೇವಿ ಬಸದಿ, ಈ ....

29/06/2022

ರಾಜಸ್ಥಾನದ ಉದಯಪುರದಲ್ಲಿ ಇಸ್ಲಾಮಿಕ್ ಭಯೋತ್ಫಾಧಕರು ಅಮಾಯಕ ಕನ್ನಯ್ಯಲಾಲ್ ಎಂಬ ಹಿಂದೂ ಟೇಲರ್ ನ ಭೀಕರವಾಗಿ ಹತ್ಯೆ ಮಾಡಿದನ್ನು ಖಂಡಿಸಿ, ಇಂತಹ ಕ್ರತ್ಯ ಮಾಡಿದವರನ್ನು ಹಾಗೂ ಇದರ ಹಿಂದೆ ಇರುವ ಭಯೋತ್ಪಾದಕರನ್ನು ಬಂಧಿಸಿ ಗಲ್ಲಿಗೇರಿಸಬೇಕೆಂದು ಅಖಿಲ ಭಾರತ ಹಿಂದೂ ಮಹಾಸಭಾ ರಾಜ್ಯಾಧ್ಯಕ್ಷರಾದ ರಾಜೇಶ್ ಪವಿತ್ರನ್ ಒತ್ತಾಯಿಸಿದ್ದಾರೆ.

27/06/2022

*ಕರಾವಳಿ ಹೆಗ್ಡೆಯವರು ಎಂದೇ ಖ್ಯಾತಿ ಪಡೆದ ಶ್ರೀ ಅಪ್ಪಣ್ಣ ಹೆಗ್ಡೆಯವರು ಡಾ.ಗೋವಿಂದ ಬಾಬು ಪೂಜಾರಿಯವರ ಹುಟ್ಟುಹಬ್ಬದ ದಿನ ಬಡವರಿಗೆ ಸೂರು ಹಸ್ತಾಂತರಿಸುವ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಾಗ ಗೋವಿಂದ ಪೂಜಾರಿಯವರ ಬಗ್ಗೆ ಮನಸ್ಸು ಬಿಚ್ಚಿ ಮಾತಾಡಿದ ತುಣುಕು.*

17/04/2022

ಹೊಸ ಕಿರಣ 's ಶ್ರೀ ಮಹಿಷಮರ್ದಿನಿ ದೇವಸ್ಥಾನ, ಬಗ್ವಾಡಿ. ಬ್ರಹ್ಮರಥೋತ್ಸವ 2022

09/04/2022

🌐 *ನಾಡದಲೊಬ್ಬ ನಕಲಿ ಅಲೋಪತಿ ವೈದ್ಯ ಸುರೇಶ್ ಕುಮಾರ್ ಶೆಟ್ಟಿ*

🌐 *ದಕ್ಷ ಅಧಿಕಾರಿಗಳಿಗೆ ಮಾಮೂಲಿ ತಕೊಂಡ ಅಡ್ಜಸ್ಟ್ ಮಾಡ್ಕೊಳ್ಳಿ ಎನ್ನುವ ದುರಂಕಾರಿ*

🌐 *ನಾಡ ಗರ್ಭಪಾತ ಸ್ಪೆಷಲಿಸ್ಟ್ ವೈದ್ಯ ಎಂದೇ ಖ್ಯಾತಿ*

https://hosakirana.com/2022/04/09/2022-564/

*ಇನ್ನು ಹಲವಾರು ಸ್ಪೋಟಕ ಮಾಹಿತಿಗಳು ಮುಂದಿನ ಸಂಚಿಕೆಯಲ್ಲಿ*

📡 *ಹೊಸಕಿರಣ ವೆಬ್ ನ್ಯೂಸ್ ಪೋರ್ಟಲ್*

ಓದಿದ್ದು ಬಿಎಎಂಎಸ್ ಆದರೂ ಮೂರು ಬಿಟ್ಟು ನಿಂತಿರುವ ಸುರೇಶ್ ಕುಮಾರ್ ಶೆಟ್ಟಿ ಎಂಬ ಅದಮ ಜನರ ಜೀವನದ ಜೊತೆ ಆಟವಾಡಲು ಅಲೋಪತಿ ಔಷಧಗಳನ್ನ.....

26/03/2022

ಕುಂದಾಪುರ : RTI ಸದಾಶಿವ ಕೋಟೆಗಾರ್ ಮೇಲೆ ಮಾರಣಾಂತಿಕ ಹಲ್ಲೆಗೆ ಯತ್ನ

ಕುಂದಾಪುರ : ದಿನಾಂಕ 25/03/2022 ರ ಸಂಜೆ ಸರಿ ಸುಮಾರು 7:45 ಗಂಟೆಗೆ ಹಣ್ಣಿನ ಅಂಗಡಿಯಲ್ಲಿ ಹಣ್ಣು ಖರೀದಿಸಿ ನಂತ್ರ ಅಲ್ಲೇ ಹಂಗಳೂರಿನ ಸಮೀಪದ ನವೀನ್ ಡ್ರೈವ್ ಇನ್ ಬಾರಿನ ಬಳಿಯ ಓಣಿಯಲ್ಲಿ ಸಿಗರೇಟ್ ಸೇದುತ್ತಾ ನಿಂತಿರುವಾಗ ಸದಾಶಿವ ಕೋಟೆಗಾರ್ ರ ಮೇಲೆ ಏಕಾಏಕಿ ನಾಲ್ಕು ಜನ ಅಪರಿಚಿತರು ಹಲ್ಲೆ ನಡೆಸಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ RTI ಕಾರ್ಯಕರ್ತರ ಮೇಲೆ ಹಲ್ಲೆ ನಡೆಯುತ್ತಿರುವುದು ವಿಷಾದನೀಯ. ದಿನಾಂಕ 25/03/2022 ರ ಸಂಜೆ ಸರಿ ಸುಮಾರು 7:45 ಗಂಟೆಗೆ ಕುಂದಾಪುರದ ನವೀನ್ ಡ್ರೈವ್ ಇನ್ ಬಾರಿನ ಬಳಿಯ ಓಣಿಯಲ್ಲಿ ಸಿಗರೇಟ್ ಸೇದುತ್ತಾ ನಿಂತಿರುವಾಗ ಸದಾಶಿವ ಕೋಟೆಗಾರ್ ರ ಮೇಲೆ ಏಕಾಏಕಿ ನಾಲ್ಕು ಜನ ಅಪರಿಚಿತರು ಇವರನ್ನು ದೂಡಿ, ನೆಲಕ್ಕೆ ಬಿದ್ದಾಗ ಆರೋಪಿತರ ಪೈಕಿ ಓರ್ವನು ಸದಾಶಿವ ಕೋಟೆಗಾರ್ ರವರ ಬಲ ಮೊಣಕಾಲಿಗೆ ದೊಣ್ಣೆಯಿಂದ ಹೊಡೆದಿದ್ದು ಉಳಿದಿಬ್ಬರು ಕೈಯಲ್ಲಿ ಕಬ್ಬಿಣದ ರಾಡ್ ಮತ್ತು ತಲವಾರು ಹಿಡಿದುಕೊಂಡು ಎಲ್ಲರು ಕಾಲಿನಿಂದ ತುಳಿದು ಕೊಲೆ ಮಾಡುವುದಾಗಿ ಜೀವ ಬೆದರಿಕೆ ಹಾಕಿದ್ದಾರೆ ಎಂದು ತಿಳಿದು ಬಂದಿದೆ.

ಆರೋಪಿತರು ನಡೆಸಿದ ಹಲ್ಲೆಯಿಂದಾಗಿ ಸದಾಶಿವ ಕೋಟೆಗಾರ್ ರವರು ಚಿನ್ಮಯಿ ಆಸ್ಪತ್ರೆಯಲ್ಲಿ ಒಳರೋಗಿಯಾಗಿ ದಾಖಲಾಗಿರುವುದಾಗಿದೆ. ಇವರು ಆರ್.ಟಿ.ಐ ಕಾರ್ಯಕರ್ತನಾಗಿದ್ದು ಅಕ್ರಮದ ಕುರಿತು ಹಲವಾರು ದೂರನ್ನು ದಾಖಲಿಸಿದ್ದು ಇದರಿಂದಾಗಿ ಸಿಟ್ಟಾಗಿರುವ ಯಾರೋ ಸದ್ರಿ ಕೃತ್ಯವನ್ನು ನಡೆಸಿರ ಬಹುದು ಎನ್ನಲಾಗಿದೆ. ಈ ಬಗ್ಗೆ ಕುಂದಾಫುರ ಪೊಲೀಸ್ ಠಾಣಾ ಅಪರಾಧ ಕ್ರಮಾಂಕ 37/2022 ಕಲಂ: 324,323, 504,506 R/W 34 ಐಪಿಸಿಯಂತೆ ಪ್ರಕರಣ ದಾಖಲಾಗಿರುತ್ತದೆ.

ಉಡುಪಿ ಜೆಲ್ಲೆ RTI ಸಂಘದ ಅಧ್ಯಕ್ಷರು, ಪದಾಧಿಕಾರಿಗಳು, ಸದ್ಯಸರು ಆದಷ್ಟು ಬೇಗ ಆರೋಪಿಗಳನ್ನು ಬಂಧಿಸ ಬೇಕೆಂದು ಪೊಲೀಸ್ ವರಿಷ್ಠಾಧಿಕಾರಿಗಳು ಹಾಗೂ ಜಿಲ್ಲಾಧಿಕಾರಿಗಳಿಗೆ ಮಧ್ಯಮಗಳ ಮೂಲಕ ಮನವಿ ಮಾಡಿಕೊಂಡಿದ್ದಾರೆ.

13/03/2022

ಬಿಲ್ಲವ ಆಪ್ ನಲ್ಲಿ ಸರಿಸುಮಾರು 24000ಕ್ಕೂ ಹೆಚ್ಚು ಬಿಲ್ಲವರಿದ್ದಿರಿ ತುಂಬಾ ಖುಷಿಯ ವಿಷಯ. ಆದರೆ 2 ದಿನದ ಹಿಂದೆ ಮತ್ತು ನಿನ್ನೆ ಹೊಸಕಿರಣ youtube ಚಾನೆಲ್ subscribe ಮಾಡಿ ಎಂದು ಕೇಳಿಕೊಂದಿದ್ದೆ. ಆದರೆ ನಮ್ಮ ಒಗ್ಗಟ್ಟು ಎಷ್ಟಿದೆ ಅನ್ನುವುದು ಇಲ್ಲೇ ಗೊತ್ತಾ ಆಯ್ತು. ಕೇವಲ 35 ಬಿಲ್ಲವರು ಮಾತ್ರ ಚಾನೆಲ್ ಸಬ್ಸ್ಕ್ರೈಬ್ ಮಾಡಿದ್ದೀರಿ. ಅದಕ್ಕೆ ಧನ್ಯವಾದಗಳು, ಚಾನೆಲ್ ಸಬ್ಸ್ಕ್ರೈಬ್ ಫ್ರೀ ಆಗಿರುತ್ತೆ ಆದರೂ ಈ ಪರಿಸ್ಥಿತಿ.

ಜಾತಿ ಭಾಂದವರೆಲ್ಲ ನನ್ನ ಹೊಸಕಿರಣ ಯೌಟ್ಯೂಬ್ ಚಾನೆಲ್ subscribe ಮಾಡಿ ನಮ್ಮನ್ನು ಪ್ರೋತ್ಸಾಹಿಸ ಬೇಕಾಗಿ ವಿನಂತಿ.

https://youtube.com/channel/UCxy0Ucq58QM58pgr8Hf14Aw

Kindly Like & Subscribe the channel

News, Entertainment, Live Programmes

13/03/2022

*ಕುಂದಾಪುರ : ಪತ್ರಕರ್ತ ಸ್ಟಿಂಗ್ ನಲ್ಲಿ ಭಟ್ಟ ಬಯಲಾದ ಬಿಎಂಎಸ್, ಡಿ ಫಾರ್ಮ್ ವೈದ್ಯರ ಡ್ರಗ್ ಫಾರ್ಮಸಿಸ್ಟ್ ಕರಾಳ ದಂಧೆ!!??*

https://hosakirana.com/2022/03/01/2022-397/

ಬೈಂದೂರು ಹಾಗೂ ಕುಂದಾಪುರ ಭಾಗದಲ್ಲಿ ನಡೆಯುತ್ತಿದ್ದ BAMS ವೈದ್ಯರ ಅಲೋಪತಿ ಪ್ರಾಕ್ಟೀಸ್ ಮತ್ತು ಕೆಲವೊಬ್ಬರು ದಾಸ್ತಾನಿರಿಸಿ ಕೊಂಡಿದ.....

11/03/2022

📽️ *ಆ 90 ದಿನಗಳು!!!! family ಎಂಟರ್ಟೈನರ್, ಸಸ್ಪೆನ್ಸ್, ಥ್ರಿಲರ್ ಲವ್ ಸ್ಟೋರಿಯೇ????*

🎞️ *ಆ 90 ದಿನಗಳು!!!! ಚಿತ್ರ, ಕಿರು ವಿಶ್ಲೇಷಣೆ……*

https://hosakirana.com/2022/03/11/2022-427/

ಆ 90 ದಿನಗಳು!!!! ಚಿತ್ರ, ಕಿರು ವಿಶ್ಲೇಷಣೆ……… ಗುಲ್ವಾಡಿ ಟಾಕೀಸ್ ಬ್ಯಾನರ್ ನಡಿ ನಿರ್ಮಾಣಗೊಂಡಿರುವ “ಆ 90 ದಿನಗಳು” ಇಂದು ರಾಜ್ಯಾದ್ಯಂತ .....

02/03/2022

🔱 *ಶಿವರಾತ್ರಿ ಆಧ್ಯಾತ್ಮ ಸಂದೇಶ Live*

📰🖋️ *ಕುಂದಾಪುರ ತಾಲೂಕು ಪತ್ರಕರ್ತ ಸಂಫ (ರಿ.)*

✳️ *ಕುಂದಾಪುರ ಮಿತ್ರ ಸಂಪಾದಕ ಟಿ. ಪಿ. ಮಂಜುನಾಥ್ ರವರಿಗೆ ಅಪ್ಪಣ್ಣ ಹೆಗ್ಡೆ ಜೀವನಮಾನ ಶೇಷ್ಠ ಪ್ರಶಸ್ತಿ*

✳️ *ಡಾ. ಗೋವಿಂದ ಬಾಬು ಪೂಜಾರಿಯವರಿಗೆ ನಮ್ಮ ಪ್ರಶಸ್ತಿ ಕುಂದಾಪುರ*

https://youtu.be/iYZASr36ABA

ಅಧ್ಯಾತ್ಮ ರಹಸ್ಯ ಮಾಸಪತ್ರಿಕೆ ಅರ್ಪಿಸುವ.....ಅಧ್ಯಾತ್ಮ ಸಂಜೆ-9 /19 ರ ಸಂಭ್ರಮದಲ್ಲಿ ಓಂ ಶಾಂತಿ ಪ್ರೋಡಕ್ಷನ್ಸ್ (ರಿ) ಕೋಟೇಶ್ವರ.....ಈಶ್ವರೀ....

24/02/2022

ಕೋಟ: ಕೋಟದ ಡಾ.ಶಿವರಾಮ ಕಾರಂತ ಥೀಂ ಪಾಕ್9ನ ಸಂಗೀತ ಕಾರಂಜಿ ವೀಕ್ಷಣಾ ಗ್ಯಾಲರಿ ನಿರ್ಮಾಣಕ್ಕೆ ಕರ್ಣಾಟಕ ಬ್ಯಾಂಕ್ ತನ್ನಿ ನಿಧಿಯಿಂದ ಸುಮಾರು 13ಲಕ್ಷರೂ ಭರಿಸಿದ್ದು ಇದರ ಛಕ್ ಅನ್ನು ಬುಧವಾರ ಕಾರಂತ ಥೀಂ ಪಾಕ್9 ಕಾರ್ಯಾಧ್ಯಕ್ಷ ಆನಂದ್ ಸಿ ಕುಂದರ್ ಗೆ ಬ್ಯಾಂಕ್ ನ ಉಡುಪಿ ಪ್ರಾದೇಶಿಕ ಕಛೇರಿಯ ಮುಖ್ಯಸ್ಥ ರಾಜಗೋಪಾಲ ಹಸ್ತಾಂತರಿಸಿದರು.

ಈ ಸಂದರ್ಭದಲ್ಲಿ ಕರ್ಣಾಟಕ ಬ್ಯಾಂಕ್ ಕೋಟ ಶಾಖಾ ಪ್ರಭಂಧಕ ಸಂತೋಷ್. ಕೆ, ಕೋಟತಟ್ಟು ಗ್ರಾಮಪಂಚಾಯತ್ ಅಧ್ಯಕ್ಷೆ ಅಶ್ವಿನಿದಿನೇಶ್, ಉಪಾಧ್ಯಕ್ಷ ವಾಸು ಪೂಜಾರಿ,ಸದಸ್ಯರಾದ ಸತೀಶ್ ಕುಂದರ್, ಸೀತಾ, ನಿರ್ಮಿತಿ ಕೇಂದ್ರ ಉಡುಪಿ ಇದರ ಸಚಿನ್ , ಕಾರಂತ ಥೀಂ ಪಾರ್ಕ್ ಮೇಲ್ವಿಚಾರಕ ಪ್ರಶಾಂತ್ ಮತ್ತಿತರರು ಉಪಸ್ಥಿತರಿದ್ದರು.

ಕೋಟದ ಡಾ.ಶಿವರಾಮ ಕಾರಂತ ಥೀಂ ಪಾಕ್9ನ ಸಂಗೀತ ಕಾರಂಜಿ ವೀಕ್ಷಣಾ ಗ್ಯಾಲರಿ ನಿರ್ಮಾಣಕ್ಕೆ ಕರ್ಣಾಟಕ ಬ್ಯಾಂಕ್ ತನ್ನಿ ನಿಧಿಯಿಂದ ಸುಮಾರು13ಲಕ್ಷ ರೂ ಚೆಕ್ ಅನ್ನು ಬುಧವಾರ ಕಾರಂತ ಥೀಂ ಪಾಕ್ 9 ಕಾರ್ಯಾಧ್ಯಕ್ಷ ಆನಂದ್ ಸಿ ಕುಂದರ್ ಗೆ ಬ್ಯಾಂಕ್ ನ ಉಡುಪಿ ಪ್ರಾದೇಶಿಕ ಕಛೇರಿಯ ಮುಖ್ಯಸ್ಥ ರಾಜಗೋಪಾಲ ಹಸ್ತಾಂತರಿಸಿದರು. ಕರ್ಣಾಟಕ ಬ್ಯಾಂಕ್ ಕೋಟ ಶಾಖಾ ಪ್ರಭಂಧಕ ಸಂತೋಷ್. ಕೆ, ಕೋಟತಟ್ಟು ಗ್ರಾಮಪಂಚಾಯತ್ ಅಧ್ಯಕ್ಷೆ ಅಶ್ವಿನಿದಿನೇಶ್ ಮತ್ತಿತರರು ಉಪಸ್ಥಿತರಿದ್ದರು.

24/02/2022

ಶ್ರೀ ವಿಠೋಬ ಭಜನಾ ಮಂದಿರ, ಬಿಲ್ಲವ ಸೇವಾ ಸಂಘ(ರಿ.) ಅಂಬಲಪಾಡಿ: ಪ್ರತಿಷ್ಠಾ ವರ್ಧಂತ್ಯುತ್ಸವ, 62ನೇ ವಾರ್ಷಿಕ ಭಜನಾ ಮಂಗಲೋತ್ಸವಕ್ಕೆ ಚಾಲನೆ*

ಬಿಲ್ಲವ ಸೇವಾ ಸಂಘ(ರಿ.), ಶ್ರೀ ವಿಠೋಬ ಭಜನಾ ಮಂದಿರ, ಅಂಬಲಪಾಡಿ ಇದರ 62ನೇ ವಾರ್ಷಿಕ ಭಜನಾ ಮಂಗಲೋತ್ಸವಕ್ಕೆ ಸಂಘದ ಅಧ್ಯಕ್ಷ ಗೋಪಾಲ್ ಸಿ. ಬಂಗೇರ ಜ್ಯೋತಿ ಬೆಳಗಿಸಿ ಚಾಲನೆ ನೀಡಿದರು.

ಈ ಸಂದರ್ಭದಲ್ಲಿ ಸಂಘದ ಉಪಾಧ್ಯಕ್ಷ ಶಿವಕುಮಾರ್ ಅಂಬಲಪಾಡಿ, ಪ್ರಧಾನ ಕಾರ್ಯದರ್ಶಿ ರಾಜೇಶ್, ಕೋಶಾಧಿಕಾರಿ ದಯಾನಂದ್ ಎ., ಜತೆ ಕಾರ್ಯದರ್ಶಿಗಳಾದ ಮಹೇಂದ್ರ ಕೋಟ್ಯಾನ್, ಅವಿನಾಶ್ ಪೂಜಾರಿ, ಭಜನಾ ಸಂಚಾಲಕ ಮಂಜಪ್ಪ ಸುವರ್ಣ, ಭಜನಾ ಸಹ ಸಂಚಾಲಕರಾದ ಎ.ಮಾಧವ ಪೂಜಾರಿ, ಶಂಕರ ಪೂಜಾರಿ, ಮಹಿಳಾ ಘಟಕದ ಸಂಚಾಲಕಿ ವಿಜಯಾ ಜಿ. ಬಂಗೇರ, ಸಹ ಸಂಚಾಲಕಿಯರಾದ ಗೋದಾವರಿ ಎಮ್. ಸುವರ್ಣ, ದೇವಕಿ ಕೆ. ಕೋಟ್ಯಾನ್, ಕಾರ್ಯದರ್ಶಿ ಜಯಂತಿ ಹರೀಶ್, ಸಂಘದ ಆಡಳಿತ ಸಮಿತಿ ಸದಸ್ಯರಾದ ಶಿವದಾಸ್ ಪಿ., ರಮೇಶ್ ಕೋಟ್ಯಾನ್, ಸುಧಾಕರ ಎ., ಗುರುರಾಜ್ ಪೂಜಾರಿ, ಸತೀಶ್ ಪೂಜಾರಿ, ಭಾಸ್ಕರ ಕೋಟ್ಯಾನ್, ಶಿವಾಜಿ ಸನಿಲ್, ವಿನಯ್ ಕುಮಾರ್, ನಿತಿನ್ ಕುಮಾರ್, ವಿನೋದ್ ಪೂಜಾರಿ, ಶಶಿಕಾಂತ್, ಪ್ರಮುಖರಾದ ರುಕ್ಮಯ್ಯ ಪೂಜಾರಿ, ಸುರೇಶ್ ಎ., ಕುಶಲ್ ಕುಮಾರ್ ಎ., ಸುಧಾಕರ ಪೂಜಾರಿ, ರವಿ ಪಾಲನ್, ಸತೀಶ, ಅರ್ಚಕರಾದ ಅವಿನಾಶ್ ಪೂಜಾರಿ, ಜೀವನ್, ಅದಿತ್ ಹಾಗೂ ಮಹಿಳಾ ಘಟಕದ ಸಮಿತಿ ಸದಸ್ಯರು, ಸಂಘದ ಸದಸ್ಯರು ಮತ್ತು ಭಕ್ತಾಬಿಮಾನಿಗಳು ಉಪಸ್ಥಿತರಿದ್ದರು.

ಉಡುಪಿ ತಾಲೂಕು ವ್ಯಾಪ್ತಿಯ ಶ್ರೀ ಬಾಲ ಮಾರುತಿ ಭಜನಾ ಮಂಡಳಿ ಕಿದಿಯೂರು- ಪಡುಕರೆ, ಶ್ರೀ ಪ್ರಸನ್ನ ಗಣಪತಿ ಭಜನಾ ಮಂಡಳಿ ಮಣಿಪಾಲ, ಶ್ರೀ ವೀರ ಮಾರುತಿ ಭಜನಾ ಮಂಡಳಿ ಗರಡಿಮಜಲು, ಶ್ರೀ ನಾಗಬನ ಮಹಿಳಾ ಭಜನಾ ಮಂಡಳಿ ಸಂತೆಕಟ್ಟೆ, ಶ್ರೀ ವಿಠೋಬ ಭಜನಾ ಮಂಡಳಿ ಸಂಕೇಶ ಕಿದಿಯೂರು, ಶ್ರೀ ಪ್ರಸನ್ನ ಗಣಪತಿ ಭಜನಾ ಮಂಡಳಿ ಕಿದಿಯೂರು, ಶ್ರೀ ಉಮಾಮಹೇಶ್ವರ ಭಜನಾ ಮಂಡಳಿ ಅಂಬಲಪಾಡಿ, ಶ್ರೀ ರಾಮ ಭಜನಾ ಮಂಡಳಿ ಕಲ್ಯಾಣಪುರ, ಶ್ರೀ ದುರ್ಗಾ ಭಜನಾ ಮಂಡಳಿ ಗುಂಡಿಬೈಲು, ಬ್ರಹ್ಮಶ್ರೀ ನಾರಾಯಣ ಗುರು ಭಜನಾ ಮಂಡಳಿ ಕಿದಿಯೂರು, ಶ್ರೀ ದುರ್ಗಾಪರಮೇಶ್ವರಿ ಭಜನಾ ಮಂಡಳಿ ಉಪ್ಪೂರು ತಂಡಗಳಿಂದ ಭಜನಾ ಸೇವೆ ನಡೆಯಿತು.

ನಗರ ಭಜನೆ, ಕುಣಿತ ಭಜನೆಯ ಬಳಿಕ ಭಜನಾ ಮಂಗಲ, ಮಹಾ ಪೂಜೆ ಮತ್ತು ಪ್ರಸಾದ ವಿತರಣೆ ನಡೆಯಿತು.

ಪ್ರತಿಷ್ಠಾ ವರ್ಧಂತ್ಯುತ್ಸವವು ದಯಾಕರ ಶಾಂತಿ ಮತ್ತು ಬಳಗದ ಪೌರೋಹಿತ್ಯದಲ್ಲಿ ಜರಗಿತು. ಈ ಸಂದರ್ಭದಲ್ಲಿ ನಡೆದ ಅನ್ನ ಸಂತರ್ಪಣೆಯಲ್ಲಿ ಊರ ಪರವೂರ ಭಕ್ತಾಭಿಮಾನಿಗಳು ಪಾಲ್ಗೊಂಡರು.

ಭಜನಾ ಮಂಲೋತ್ಸವದ ಪೂರ್ವಭಾವಿಯಾಗಿ ನಡೆದ ಭಜನಾ ಸಪ್ತಾಹದ ಅಂಗವಾಗಿ ನಡೆದ ಭಜನಾ ಸೇವೆಯಲ್ಲಿ ಶ್ರೀ ವಿಠೋಬ ಭಜನಾ ಮಂಡಳಿ ಅಂಬಲಪಾಡಿ, ಶ್ರೀ ಗುರು ಮಹಿಳಾ ಕುಣಿತ ಭಜನಾ ಮಂಡಳಿ ಅಂಬಲಪಾಡಿ, ಶ್ರೀ ನಾಗರಾಜ ಮಹಿಳಾ ಭಜನಾ ಮಂಡಳಿ ಅಂಬಲಪಾಡಿ, ಮಾತೃ ಮಂಡಳಿ ಕಡಿಯಾಳಿ, ಶ್ರೀ ಮೂಕಾಂಬಿಕಾ ಭಜನಾ ಮಂಡಳಿ ಪೊಲೀಸ್ ಲೈನ್ ಉಡುಪಿ, ಶ್ರೀ ಕೃಷ್ಣ ಮುಖ್ಯಪ್ರಾಣ ಭಜನಾ ಮಂಡಳಿ ಉಡುಪಿ ತಂಡಗಳಿಂದ ಭಜನಾ ಸೇವೆ ನಡೆಯಿತು.

08/02/2022

*ಫೆಬ್ರವರಿ 7 ರಂದು ವಿಶ್ವ ಇಎಸ್‌ಡಬ್ಲೂಎಲ್‌ ದಿನಾಚರಣೆ ಪ್ರಯುಕ್ತ ಯುನೈಟೆಡ್‌ ಆಸ್ಪತ್ರೆಯಲ್ಲಿ ವಿಶೇಷ ರಿಯಾಯಿತಿ*

https://hosakirana.com/2022/02/08/2022-318/

ಬೆಂಗಳೂರು : ವಿಶ್ವ ವಿಶ್ವ ಇಎಸ್‌ಡಬ್ಯೂಎಲ್‌ ದಿನಾಚರಣೆಯ ಅಂಗವಾಗಿ ಜಯನಗರದ ಯುನೈಟೆಡ್‌ ಆಸ್ಪತ್ರೆಯಲ್ಲಿ ಕಿಡ್ನಿ ಸ್ಟೋನ್‌ಗಳ ಚಿಕಿ.....

08/02/2022

*ಯಕ್ಷಲೋಕ*

*ಸುಬ್ರಮಣ್ಯ ನಾವುಡ ನಾಗೂರು*

https://hosakirana.com/2022/02/08/2022-315/

ಬೈಂದೂರು ತಾಲೂಕಿನ ತೆಂಕಬೆಟ್ಟು ಎಂಬಲ್ಲಿ ದಿನಾಂಕ 21-6-1967ರಲ್ಲಿ ನಾಗಮ್ಮ ಮತ್ತು ನಾರಾಯಣ ನಾವಡ ದಂಪತಿಯರ ದ್ವಿತೀಯ ಪುತ್ರನಾಗಿ ಜನಿಸಿದ ....

07/02/2022

ಕೋಟೇಶ್ವರದ ಕಾಳವರ ವರದರಾಜ ಎಂ ಶೆಟ್ಟಿ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಶಿರವಸ್ತ್ರ V/s ಕೇಸರಿ

ಕುಂದಾಪುರ : ಕೋಟೇಶ್ವರ ಕಾಳವರ ವರದರಾಜ ಎಂ ಶೆಟ್ಟಿ ಸರಕಾರಿ ಪ್ರಥಮ ದರ್ಜೆ ಕಾಲೇಜುನಲ್ಲಿ ಶಿರವಸ್ತ್ರ ಹಾಗೂ ಕೇಸರಿ ವಿವಾದವು ಭುಗಿಲೆದ್ದ ಘಟನೆ ಸೋಮವಾರ ಬೆಳಿಗ್ಗೆ ನಡೆಯಿತು.

ಮುಸ್ಲಿಂ ವಿದ್ಯಾರ್ಥಿಗಳು ನಾಲ್ವರು ಶಿರವಸ್ತ್ರ ಧರಿಸಿ ಬಂದ ಕಾರಣ 60 ರಿಂದ 70 ವಿದ್ಯಾರ್ಥಿಗಳು ಕೇಸರಿ ಶಾಲು ಧರಿಸಿ ಕಾಲೇಜ್ ಒಳಗೆ ಪ್ರವೇಶಿಸಿದರು. ತಕ್ಷಣ ಎಚ್ಚೆತ್ತುಕೊಂಡ ಶಾಲಾ ಆಡಳಿತ ಮಂಡಳಿ ಹಾಗೂ ಮುಖ್ಯೋಪಾಧ್ಯಾಯರು ವಿದ್ಯಾರ್ಥಿಗಳನ್ನು ಶಾಲೆಯಿಂದ ಹೊರಗೆ ಕಳಿಸಿ ಶಿರವಸ್ತ್ರ ಹಾಗೂ ಕೇಸರಿ ಶಾಲನ್ನು ತ್ಯಜಿಸಿ ಶಾಲೆಯ ಒಳಪ್ರವೇಶಿಸಲು ತಿಳಿಸಲಾಯಿತು.

ಕೊನೆಗೆ ಶಿರವಸ್ತ್ರ ತೆಗೆಯದ ಮುಸ್ಲಿಂ ವಿದ್ಯಾರ್ಥಿನಿಯರನ್ನು ಮನೆಗೆ ಕಳಿಸಲಾಯಿತು. ಕೇಸರಿ ಶಾಲು ತೆಗೆದ ವಿದ್ಯಾರ್ಥಿಗಳನ್ನು ಕ್ಲಾಸ್ ಗೆ ಸೇರಿಸಲಾಯಿತು. ಕುಂದಾಪುರ ಠಾಣಾಧಿಕಾರಿ ಸದಾಶಿವ ಗವರೋಜಿ ಹಾಗೂ ವೃತ್ತ ನಿರೀಕ್ಷಕರಾದ ಗೋಪಿಕೃಷ್ಣ ನೇತೃತ್ವದಲ್ಲಿ ಯಾವುದೇ ಅಹಿತಕರ ಘಟನೆ ನಡೆಯದಂತೆ ಬಿಗಿ ಪೊಲೀಸ್ ಬಂದೋಬಸ್ತ್ ಮಾಡಲಾಯಿತು.

07/02/2022

ಕೇಸರಿ ಶಾಲು ಧರಿಸಿ ಬಂದ ಕುಂದಾಪುರ ವೆಂಕಟರಮಣ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು...!

ಕುಂದಾಪುರ : ಇಲ್ಲಿನ ಸರ್ಕಾರಿ ಪದವಿಪೂರ್ವ ಕಾಲೇಜಿನಿಂದ ಎದ್ದಿರುವಂತ ಹಿಜಾಬ್ ವರ್ಸಸ್, ಕೇಸರಿ ಶಾಲು ವಿವಾದ ಈಗ ಮತ್ತೆ ಮುಂದುವರೆದಿದೆ. ರಾಜ್ಯ ಸರ್ಕಾರ ಈ ವಿವಾದಕ್ಕೆ ಬ್ರೇಕ್ ಹಾಕೋದಕ್ಕೆ ಸಮವಸ್ತ್ರ ನೀತಿ ಸಂಹಿತೆಯನ್ನು ಕಡ್ಡಾಯಗೊಳಿಸಿದ ನಂತ್ರವೂ ಇಂದು ಮತ್ತೊಂದು ಶಾಲೆಯ ವಿದ್ಯಾರ್ಥಿಗಳು ಕೇಸರಿ ಶಾಲು ಧರಿಸಿ ಕಾಲೇಜಿಗೆ ಆಗಮಿಸಿದ್ದಾರೆ.

ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನ ವೆಂಕಟರಮಣ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು, ಇಂದು ಕೇಸರಿ ಶಾಲು ಧರಿಸಿ ಕಾಲೇಜಿಗೆ ಆಗಮಿಸಿದ್ದಾರೆ. ಈ ವೇಳೆ ಮಧ್ಯಪ್ರವೇಶಿಸಿದಂತ ಪ್ರಾಂಶುಪಾಲರು, ಕೇಸರಿ ಶಾಲು ಧರಿಸಿ ಬಂದ್ರೇ ತರಗತಿಗೆ ತೆರಳೋದಕ್ಕೆ ಅನುಮತಿ ನೀಡೋದಿಲ್ಲ ಅಂತ ಹೇಳಿದ್ದಾರೆ.

ಇಲ್ಲಿನ ಸರ್ಕಾರಿ ಪದವಿಪೂರ್ವ ಕಾಲೇಜಿನಿಂದ ಎದ್ದಿರುವಂತ ಹಿಜಾಬ್ ವರ್ಸಸ್, ಕೇಸರಿ ಶಾಲು ವಿವಾದ ಈಗ ಮತ್ತೆ ಮುಂದುವರೆದಿದೆ. ರಾಜ್ಯ ಸರ್ಕಾರ ಈ ವಿವಾದಕ್ಕೆ ಬ್ರೇಕ್ ಹಾಕೋದಕ್ಕೆ ಸಮವಸ್ತ್ರ ನೀತಿ ಸಂಹಿತೆಯನ್ನು ಕಡ್ಡಾಯಗೊಳಿಸಿದ ನಂತ್ರವೂ ಇಂದು ಮತ್ತೊಂದು ಶಾಲೆಯ ವಿದ್ಯಾರ್ಥಿಗಳು ಕೇಸರಿ ಶಾಲು ಧರಿಸಿ ಕಾಲೇಜಿಗೆ ಆಗಮಿಸಿದ್ದಾರೆ.

ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನ ವೆಂಕಟರಮಣ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು, ಇಂದು ಕೇಸರಿ ಶಾಲು ಧರಿಸಿ ಕಾಲೇಜಿಗೆ ಆಗಮಿಸಿದ್ದಾರೆ. ಈ ವೇಳೆ ಮಧ್ಯಪ್ರವೇಶಿಸಿದಂತ ಪ್ರಾಂಶುಪಾಲರು, ಕೇಸರಿ ಶಾಲು ಧರಿಸಿ ಬಂದ್ರೇ ತರಗತಿಗೆ ತೆರಳೋದಕ್ಕೆ ಅನುಮತಿ ನೀಡೋದಿಲ್ಲ ಅಂತ ಹೇಳಿದ್ದಾರೆ.