MVP's KTHM College NSS - D31

28/02/2024

Delivered a lecture on Historical Places Conservation at Panchavati College of Management and Computer Science, Nashik. Panchavati College of Management and Computer Science, Nashik NSS Department Organized Two day workshop on Historical Places Conservation at Tringalwadi. (Date 28th Feb 2024)

28/02/2024

Delivered a lecture on Historical Places Conservation at Jalalpur. Ashoka College of Business Study NSS Department Organized one day workshop on Historical Places Conservation at Jalalpur. (Date 25th Feb 2024)

14/02/2024

सावित्रीबाई फुले पुणे विद्यापीठ पुणे आणि मराठा विद्या प्रसारक समाज संस्थेचे के.टी.एच.एम. महाविद्यालय, नाशिक यांच्या संयुक्त विद्यमाने आयोजित राष्ट्रीय सेवा योजनेच्या मोहाडी येथील श्रमसंस्कार शिबिराच्या वर्तमानपत्रांमध्ये प्रकाशित झालेल्या बातम्या...

13/02/2024

*रासेयो स्वयंसेवकांना सामाजिक मुल्यांची जाणीव – प्राचार्य डॉ.आर. डी.दरेकर*
*मोहाडीत के.टी.एच.एम महाविद्यालयाचे राष्ट्रीय सेवा योजना विशेष श्रमसंस्कार शिबिराचा समारोप*

राष्ट्रीय सेवा योजनेतील स्वयंसेवकांना सामाजिक मुल्यांची जाणीव असते. शिबिरांच्या माध्यमातून विद्यार्थ्यांमध्ये जाणीव जागृती होत असल्याचे मत प्राचार्य डॉ. आर. डी.दरेकर यांनी मांडले. ते सावित्रीबाई फुले पुणे विद्यापीठ, पुणे व मराठा विद्या प्रसारक समाज संचलित के.टी.एच.एम. महाविद्यालय, नाशिक राष्ट्रीय सेवा योजना यांच्या संयुक्त विद्यमाने आयोजित ‘युवकांचा ध्यास व ग्राम शहर विकास’ अंतर्गत लोकसंख्या नियंत्रण जनजागृती शिबिराच्या समारोप प्रसंगी मत मांडले. विशेष शिबिराचा समारोप समारंभाच्या प्रसंगी कार्यक्रमाचे अध्यक्ष म्हणून आय. टी. आय.चे प्राचार्य डॉ. दिनेश उफाडे उपस्थित होते. तसेच व्यासपीठावर प्रमुख अतिथी म्हणून उपसरपंच भाग्यश्री जाधव, संस्थेचे सभासद उत्तम जाधव, चेतन लोखंडे, सतिश जाधव, दैनिक लोकमतचे पत्रकार उत्तम जाधव, सकाळ चे पत्रकार धनंजय वानले, कैलास कळमकर, उमेश जाधव, उपप्राचार्य डॉ. पी.व्ही. कोटमे, डॉ. श्रीमती कल्पना आहिरे, कार्यक्रम अधिकारी डॉ. राजेंद्र गुंजाळ, रासेयो जिल्हा समन्वयक डॉ. गोरक्षनाथ पिंगळे, प्रा. प्रतिक शिंदे, प्रा. श्रीमती छाया लभडे आदी उपस्थित होते.
डॉ. आर. डी. दरेकर यांनी आपल्या मनोगतात राष्ट्रीय सेवा योजना शिबिरांच्या माध्यमातून विद्यार्थ्यांमध्ये श्रमसंस्कार विकसित होऊन श्रमप्रतिष्ठेचे मूल्ये वाढीस लागते. श्रमसंस्कार शिबिरांच्या माध्यमातून ग्रामीण आणि शहरी भागातील दरी कमी होऊन ग्रामीण भागाच्या विकासासाठी आवश्यक पाऊले उचलेले जात आहेत. याप्रसंगी धनंजय वानले, कैलास कळमकर, यानी स्वयंसेवकांनी केलेल्या कामाचे कौतुक केले.
अध्यक्षीय मनोगतात प्राचार्य डॉ. दिनेश उफाडे यांनी राष्ट्रीय सेवा योजना शिबिरांमुळे विद्यार्थ्यांचा सर्वांगीण विकास होऊन त्यांच्यामध्ये नेतृत्व गुण विकास, व्यक्तिमत्व विकास, व्यवस्थापन कौशल्य, नियोजन कौशल्य, वक्तशीरपणा इ. मुल्यांची रुजावत होत असल्याचे मत मांडले. कार्यक्रम अधिकारी डॉ. राजेंद्र गुंजाळ यांनी शिबिराच्या कामकाजाचा आढावा घेतला.
मोहाडी येथील श्रमसंस्कार शिबिरात स्वयंसेवकांनी मोहाडी येथील सह्याद्री देवराई गोपालकृष्ण येथे रस्त्यांची निर्मिती, तलावाची दुरुस्ती व पिचिंग, या सोबतच स्वच्छता अभियान, मतदार जनजागृती, अन्नसुरक्षा, महिला सबलीकरण, पर्यावरण जनजागृती, नदी जल स्त्रोत स्वच्छता, लोकसंख्या नियंत्रण जनजागृती, लिंगभाव जनजागृती, , प्रधानमंत्री जनधन आणि विमा योजना, मृदा व जलसंवर्धन जनजागृती, बालविवाह प्रतिबंध जनजागृती, महिला सबलीकरण जनजागृती इ. उपक्रम प्रभात फेरी व पथनाट्याच्या माध्यमातून राबविले गेले. त्याचप्रमाणे शिबिरादरम्यान मा. श्री. सुनिल मौले यांचे आधुनिक शेती आणि भारत, डॉ. गणेश मोगल यांचे शेती आणि मातीच्या कविता, डॉ. विलास देशमुख यांचे व्यक्तिमत्व विकासातून राष्ट्रविकास, प्रा. सोपान देशमुख यांचे अभिनय क्षेत्रातील करिअरच्या संधी, प्राचार्य डॉ.ज्ञानोबा ढगे यांचे लोकशाही आणि मतदार जनजागृती, डॉ. राजेंद्र गुंजाळ याचे युगपुरुष श्री छत्रपती शिवाजी महाराज आणि डॉ. गोरक्षनाथ पिंगळे यांचे लोकसंख्या नियंत्रण आणि भारतीय अर्थव्यवस्था आदी विषयांवर स्वयंसेवकांचे प्रबोधन केले गेले. सदर शिबिरात २०० राष्ट्रीय सेवा योजना स्वयंसेवक व स्वयंसेविका सहभागी होणार आहेत. शिबिरा दरम्यान स्वयंसेवकांनी सह्याद्री देवराई येथे केलेल्या कामाचे कौतुक सयाजी शिंदे यांनी केले. तसेच या कालावधीत स्वयंसेवकांनी सह्याद्री फार्म व सुनील मौले यांच्या फुलशेतीला भेट देऊन आधुनिक शेतीचे महत्व लक्षात घेतले.
शिबिरातील विविध स्वयंसेवकांमध्ये महाराष्ट्र, गुजरात, राज्यस्थान, कर्नाटक, गोवा, केरळ, पंजाब गट पाडण्यात आलेले होते. या माध्यमातून स्वयंसेवकांनी राष्ट्रीय ऐक्याचे दर्शन घडविले. संतोष चोथे हा शिबिरातील उत्कृष्ट स्वयंसेवक ठरला.
आश्विनी कानकाटे, महेश्वर सिंग, सिद्धार्थ मोते, यश निसाळ, अस्मिता पाटील या विद्यार्थ्यांनी मनोगत व्यक्त केले.
कार्यक्रमाचे सूत्रसंचलन प्रा. श्रीमती छाया लभडे यांनी केले. स्वागत व परिचय डॉ. गोरक्षनाथ पिंगळे यांनी तर आभार प्रदर्शन प्रा. प्रतिक शिंदे यांनी केले.

12/02/2024

Voter awareness program by K T H M College at Mohadi village during special camp.

05/02/2024

05/02/2024

*आत्मनिर्भर भारताचे स्वप्न राष्ट्रीय सेवा योजना शिबिरातून शक्य - मा. बाळासाहेब क्षीरसागर*
भारताच्या आत्मनिर्भरतेचे स्वप्न राष्ट्रीय सेवा योजनेच्या विशेष शिबिरातून शक्य होऊ शकते, असे मत मविप्र समाज संस्थेचे सभापती मा. बाळासाहेब क्षीरसागर यांनी व्यक्त केले. ते मोहाडी येथील के टी एच एम महाविद्यालयाच्या राष्ट्रीय सेवा योजनेच्या विशेष श्रमसंस्कार शिबिराच्या उद्घाटन प्रसंगी बोलत होते. याप्रसंगी व्यासपीठावर मविप्र संस्थेचे उपाध्यक्ष मा. श्री. विश्वासराव मोरे हे अध्यक्षस्थानी होते. महाविद्यालयीन विद्यार्थ्यांचा सर्वांगीण विकास व ग्रामीण भागाचा विकास करण्याच्या दृष्टिकोनातून प्रयत्न व्हावेत अशी अपेक्षा शिबिरांकडून असते असे
मत श्री. बाळासाहेब क्षीरसागर यांनी व्यक्त केले. आपल्या उद्घाटनपर मनोगतात राष्ट्रीय सेवा योजनेच्या शिबिरातून निश्चितपणे भारताला आत्मनिर्भर बनवता येईल. त्याचप्रमाणे विकसित भारताचे स्वप्न देखील पूर्ण होऊ शकेल. शिबिरातील उपक्रमांचे कौतुक करत असताना शिक्षणानंतरची करिअरची दिशा देखील शिबिरांच्या माध्यमातून विद्यार्थ्यांना मिळू शकेल असे मत श्री. क्षीरसागर यांनी याप्रसंगी मांडले. अध्यक्षीय मनोगतात श्री. विश्वास मोरे यांनी आपल्या मनोगतात राष्ट्रीय सेवा योजनेच्या शिबिरांच्या माध्यमातून विद्यार्थ्यांमध्ये श्रमसंस्कार वाढीस लागतात तसेच त्यांच्यामध्ये श्रमप्रतिष्ठा वृद्धिंगत होत असल्याचे मत मांडले. त्याचप्रमाणे शिबिरांच्या माध्यमातून शहरी भागातील विद्यार्थ्यांची ग्रामीण भागातील जनतेशी नाळ जोडली जाते. त्यामुळे राष्ट्रीय सेवा योजना शिबीर हे निश्चितपणे ग्रामीण आणि शहरी भागातील दरी कमी करण्यासाठी महत्त्वाची ठरतील असे ते म्हणाले. याप्रसंगी संस्थेचे उपसभापती श्री. देवराम मोगल हे प्रमुख अतिथी म्हणून उपस्थित होते. त्यांनी आपल्या मनोगतात स्वयंसेवकांनी शिबिरात येण्याचा हेतू स्पष्ट केला व विद्यार्थ्यांच्या राष्ट्रीय व सामाजिक कर्तव्यांची जाणीव करून दिली तसेच तरुणांनी ग्रामीण क्षेत्रातील रोजगार संधीकडे डोळसपणे पाहण्याचे आवाहन केले. ग्रामीण भागात रोजगाराच्या अनेक सुप्त संधी उपलब्ध आहेत त्याचा भविष्यात तरुणांना उपयोग होईल असे मत त्यांनी मांडले. संस्थेचे संचालक श्री. प्रवीणनाना जाधव यांनी विद्यार्थ्यांना श्रमशक्तीतून राष्ट्र विकास करण्याचे आवाहन केले व शिबिराला शुभेच्छा दिल्या. कार्यक्रमाच्या प्रास्ताविकात महाविद्यालयाचे प्राचार्य डॉ. आर. डी. दरेकर यांनी महाविद्यालयातील रासेयो विभागाच्या उपक्रमांची माहिती दिली. तसेच रासेयो विभागाने केलेल्या कामगिरीचा आणि पुरस्कारांचा आढावा घेतला. कार्यक्रम अधिकारी डॉ. राजेंद्र गुंजाळ यांनी आपल्या मनोगतामध्ये शिबिरातील उपक्रमांची माहिती दिली. शिबिराच्या उद्घाटन समारंभ प्रसंगी संस्थेचे शिक्षणाधिकारी डॉ. विलास देशमुख, मोहाडीच्या सरपंच आशाताई लहांगे, प्राचार्य डॉ. डी.बी. उफाडे श्री.भीमराव काळे, मोहाडी वि.का.सो. चे चेअरमन प्रा. कैलास कळमकर, निखिल जाधव, रासेयो कार्यक्रम अधिकारी डॉ. राजेंद्र गुंजाळ, रासेयो जिल्हा समन्वयक डॉ. गोरक्षनाथ पिंगळे, श्रीमती छाया लभडे, प्रा. प्रतीक शिंदे हे उपस्थित होते. कार्यक्रमाचे सूत्रसंचालन प्रा. श्रीमती छाया लभडे यांनी केले. स्वागत व परिचय रासेयो जिल्हा समन्वयक डॉ. गोरक्षनाथ पिंगळे यांनी केले, तर आभार प्रदर्शन प्रा. प्रतीक शिंदे यांनी केले.
________________________

25/01/2024

*Pre Cleanliness Drive on the occasion of 76th Republic Day*
Date - 25/01/2024
Place – K.T.H.M College, Nashik
Republic Day is the celebration of freedom and sovereignty, on this occasion On 25 Jan 2024 in K.T.H.M College, National service scheme (NSS) Organised pre cleanliness Drive for Republic Day, on this occasion 200+ NSS Volunteer took participate in this Drive. The main purpose of this drive was to create awareness among the student regarding cleanliness and its benefits. Under the guidance of principal Dr. R.D Darekar and program officer. Dr. Rajendra Gunjal, Dr. G.R Pingle, Prof. Chhaya K. Labhade, Prof. Pratik Shinde, all the student and teachers enthusiastically participated in this drive. The whole drive was very inspiring and motivating for all the student who participate in drive and as well as for teachers.All Program officer and student coordinators worked for the success of the program. This kind of activity is held every year in keeping their surroundings clean in them. And K.T.H.M College student actively participate in the event and inspire other people to do the same. *Report by Komal Vijay Kanerkar*

06/01/2024

*डॉ. गोरक्षनाथ पिंगळे यांची राष्ट्रीय सेवा योजना जिल्हा समन्वयक म्हणून नियुक्ती*

मराठा विद्या प्रसारक समाज संचलित के.टी.एच.एम. महाविद्यालयातील अर्थशास्त्र विभागातील सहाय्यक प्राध्यापक डॉ. गोरक्षनाथ पिंगळे यांची राष्ट्रीय सेवा योजना विभागाच्या नाशिक जिल्हा समन्वयक पदी नियुक्ती करण्यात आली आहे. डॉ. गोरक्षनाथ पिंगळे राष्ट्रीय सेवा योजना या विभागात विद्यार्थी म्हणून 7 वर्ष व राष्ट्रीय सेवा योजना कार्यक्रम अधिकारी म्हणून 15 वर्ष कार्यरत आहेत. राष्ट्रीय सेवा योजना विभागात त्यांनी एकूण 22 वर्ष कामकाज पाहिले आहे. 2017 ते 2023 या कालावधीत त्यांनी राष्ट्रीय सेवा योजनेचे नाशिक शहर विभाग समन्वयक म्हणून देखील कामकाज केलेले आहे. त्याचप्रमाणे डॉ. गोरक्षनाथ पिंगळे यांना 2018-19 मध्ये सावित्रीबाई फुले पुणे विद्यापीठाने विद्यापीठ स्तरीय उत्कृष्ट कार्यक्रम अधिकारी या पुरस्काराने सन्मानीत केलेले आहे. त्यांच्या नियुक्तीबद्दल मविप्र सरचिटणीस ऍड. नितीन ठाकरे, अध्यक्ष डॉ. सुनिल ढिकले, उपाध्यक्ष श्री. विश्वास मोरे, सभापती श्री. बाळासाहेब क्षीरसागर, उपसभापती श्री देवराम मोगल, चिटणीस श्री दिलीप दळवी, संचालक श्री रमेश पिंगळे, ऍड. लक्ष्मण लांडगे, राष्ट्रीय सेवा योजना क्षेत्रीय संचालक श्री. अजय शिंदे, राष्ट्रीय सेवा योजना संचालक डॉ. सदांनद भोसले, शिक्षणाधिकारी डॉ. नितीन जाधव, डॉ. अशोक पिंगळे, प्राचार्य डॉ. आर.डी. दरेकर, रासेयों कार्यक्रम अधिकारी डॉ. राजेंद्र गुंजाळ यांनी अभिनंदन केले आहे.

26/12/2023

सावित्रीबाई फुले पुणे विद्यापीठाच्या राष्ट्रीय सेवा योजना विभागाकडून राष्ट्रीय सेवा योजना नाशिक जिल्हा समन्वयक म्हणून नियुक्ती

29/10/2023

हार्दिक अभिनंदन!!!
29 ऑक्टोबर ते 31 ऑक्टोबर या कालावधीत राजपथ, दिल्ली या ठिकाणी होणाऱ्या मेरी माटी मेरा देश या अभियानाच्या समारोप समारंभासाठी केटीएचएम महाविद्यालयातील राष्ट्रीय सेवा योजना कार्यक्रम अधिकारी प्रा प्रतीक शिंदे, सवयंसेवक अनिकेत आव्हाड, मनीष लांबे हे सहभागी होत असून ते महाविद्यालयाचा अमृत कलश घेऊन दिल्लीसाठी रवाना होत आहेत. सदर कलशातील माती ही कर्तव्यपथावर टाकली जाणार आहे. या कार्यक्रमाप्रसंगी देशाचे मा. पंतप्रधान श्री. नरेंद्रजी मोदी, केंद्रीय मंत्री, राष्ट्रीय सेवा योजना महाराष्ट्र राज्य सल्लागार मा.श्री. राजेशजी पांडे, मा. बागेश्री मंथालकर, मा.श्री. सागर वैद्य, प्राचार्य संजयजी चाकणे, संचालक डॉ. सदानंद भोसले, सर्व जिल्हा समन्वयक व जवळपास 400 कार्यक्रम अधिकारी व स्वयंसेवक उपस्थित राहणार आहेत. के.टी. एच.एम. महाविद्यालयातील स्वयंसेवकांना मविप्र संस्थेचे सन्माननीय सरचिटणीस आदरणीय ऍड. नितीनजी ठाकरे, अध्यक्ष मा. डॉ. सुनिलजी ढिकले, उपाध्यक्ष मा. श्री. विश्वासजी मोरे, सभापती मा.श्री. बाळासाहेब क्षीरसागर, उपसभापती मा.श्री. डी. बी. मोगल, चिटणीस मा.श्री. दिलीपजी दळवी, नाशिकचे संचालक मा.श्री. रमेश आबा पिंगळे, मा.ऍड. लक्ष्मण लांडगे, महाविद्यालयाचे प्राचार्य डॉ. आर.डी.दरेकर शिक्षणाधिकारी डॉ. नितीन जाधव यांनी शुभेच्छा दिल्या आहेत.

19/10/2023

*देशाच्या स्वातंत्र्यासाठी बलिदान देणाऱ्या स्वातंत्र्यसैनिकांचा आदर करणे हे प्रत्येकाचे कर्तव्य: मा. ऍड. नितीनजी ठाकरे*
*मेरी माटी, मेरा देश जिल्हास्तरीय कार्यशाळेचे के. टी. एच. एम. महाविद्यालय, नाशिक येथे आयोजन*
देशाला स्वातंत्र्य मिळवून देणाऱ्या स्वातंत्र्य सैनिकांचा आदर करणे हे प्रत्येकाचे कर्तव्य असून देशाच्या मातीला नमन करणे महत्वाचे असल्याचे मत मविप्रचे सरचिटणीस ऍड. नितीनजी ठाकरे यांनी व्यक्त केले. ते मविप्र संचलित के.टी.एच.एम. महाविद्यालय राष्ट्रीय सेवा योजना, विद्यार्थी विकास मंडळ व एन. सी.सी. आयोजित मेरी माटी, मेरा देश जिल्हास्तरीय एकदिवसीय कार्यशाळेप्रसंगी बोलत होते. याप्रसंगी प्रमुख अतिथी म्हणून महाराष्ट्र राज्याच्या राष्ट्रीय सेवा योजनेचे सल्लागार समितीचे सदस्य मा. राजेशजी पांडे उपस्थित होते. याप्रसंगी व्यासपीठावर सावित्रीबाई फुले पुणे विद्यापीठाच्या व्यवस्थापन परिषदेचे सदस्य मा. सागर दादा वैद्य, अधिसभा सदस्य प्रा. सी.एम निगळे, मा श्री विजयजी सोनवणे, राष्ट्रीय सेवा योजना संचालक डॉ. सदानंद भोसले, टी जे महाविद्यालयाचे प्राचार्य डॉ. संजय चाकणे, महाविद्यालयाचे प्राचार्य डॉ. आर.डी. दरेकर, उपप्राचार्य डॉ. पी व्ही कोटमे, डॉ वसंत बोरस्ते, डॉ एस एस पाटील, रा से यो जिल्हा समन्वयक डॉ. रवींद्र अहिरे, डॉ डी के आहेर, विद्यार्थी विकास मंडळ जिल्हा समन्वयक डॉ. तुषार पाटील, राकेश पाटील, कार्यक्रम अधिकारी डॉ. राजेंद्र गुंजाळ, विभाग समन्वयक डॉ. गोरक्षनाथ पिंगळे, एन.सी.सी प्रमुख लेफ्टनंट डॉ. संभाजी पगार उपस्थित होते.
ऍड. नितीन ठाकरे यांनी आपल्या मनोगतात देशाच्या प्रगतीमध्ये स्वातंत्र्य सैनिकांचे योगदान महत्वपूर्ण असल्याचे मत व्यक्त करताना देशाच्या स्वातंत्र्यासाठी प्राणांची आहुती देणाऱ्या स्वातंत्र्य सैनिकांना वंदन करणे आवश्यक असल्याचे मत त्यांनी व्यक्त केले. त्यासाठी विद्यार्थ्यांनी आपल्या देशाच्या इतिहासाचा अभ्यास करणे महत्वाचे ठरते.याप्रसंगी ऍड. नितीन ठाकरे यांनी शासनाने सुरु केलेल्या मेरी माटी, मेरा देश या अभियानाला मविप्र संस्था भरभरून सहकार्य करणार असल्याचे आश्वासन उपस्थिताना दिले.
प्रमुख अतिथी मा.श्री. राजेशजी पांडे यांनी आपल्या मनोगतात नंदुरबारच्या शिरीष कुमारचे उदाहरणं देताना स्वातंत्र्य सैनिकांच्या बलिदानाची आपल्याला जाणीव असणे आवश्यक आहे. देशाच्या मातीसाठी झटलेल्याचा आदर करून देशाच्या मातीला नमन करणे आवश्यक असल्याचे मत त्यांनी मांडले. मेरी माटी, मेरा देश या अभियानाचा हेतू स्पष्ट करताना शहीद पत्नीचे उदाहरणं देऊन अमृत वाटीकेमध्ये देशातील 140 कोटी जनतेने अमृत कलशाच्या माध्यमातून जास्तीत जास्त माती कर्तव्य पथावर नेण्याचे शासनाचे उद्दिष्टे असल्याचे मत राजेश पांडे यांनी व्यक्त केले. मातीला नमन करण्यासाठी त्यांनी जास्तीत जास्त विद्यार्थ्यांना आपले मातीसोबत सेल्फी काढून ते महाराष्ट्र शासनाच्या वेबसाईटवर अपलोड करण्याचे आवाहन त्यांनी विद्यार्थ्यांना केले. याप्रसंगी सावित्रीबाई फुले पुणे विद्यापीठाचे व्यवस्थापन परिषदेचे सदस्य मा सागर दादा वैद्य यांनी महाराष्ट्र शासनाने सुरू केलेल्या मेरी माटी मेरा देश अभियाना विषयी माहिती देऊन उपस्थित विद्यार्थ्यांना प्रेरणा दिली. डीजे महाविद्यालयाचे प्राचार्य डॉ. संजय चाकणे यांनी मेरी माटी मेरा देश या विश्वविक्रमाची माहिती सांगताना चीनचा विश्वविक्रम मोडून भारत हा विश्वविक्रम प्रस्थापित करू शकेल यासाठी युवकांची भूमिका महत्त्वाची असल्याचे मत मांडले. प्राचार्य डॉ आर डी दरेकर यांनी आपल्या प्रास्ताविकात मेरी माटी मेरा देश अभियान अंतर्गत महाविद्यालयाने केलेल्या कार्याचा आढावा घेतला. महाविद्यालयाने मेरी माटी मेरा देश अभियान अंतर्गत पंचप्राण शपथमहाविद्यालयाने मेरी माटी मेरा देश अभियानांतर्गत पंचप्राण शपथ, मोहाडी या गावातील माजी सैनिकांचा सन्मान, अमृत कलश यामध्ये 1700 विद्यार्थ्यांच्या मातीचे संकलन, Hahahahaha जवळपास 3500 विद्यार्थ्यांच्या सेल्फीचा संकलन, मोहाडी गावात अमृत वाटिका तयार करून 75 वृक्षांचे रोपण केल्याची माहिती दिली.
कार्यशाळेच्या पहिल्या सत्रात प्राध्यापक अशोक सोनवणे यांनी स्वातंत्र्याचा इतिहास विशद करताना स्वातंत्र्यासाठी प्राण्यांची आहुतीेणाऱ्या विविध सैनिकांची माहिती याप्रसंगी दिली. तसेच महात्मा गांधी लालबहादूर शास्त्री तसेच इतर क्रांतिकारकांच्या कामगिरीचा आढावा प्रा. अशोक सोनवणे यांनी घेतला. कार्यशाळेसाठी नाशिक जिल्ह्यातील विविध महाविद्यालयातून 800 विद्यार्थ्यांचा प्रतिसाद लाभला. कार्यक्रमासाठी विभाग समन्वयक उदय चौधरी, प्रा.डॉ. सुराणा, प्रा. अक्षय बळे उपस्थित
कार्यक्रमाचे सूत्रसंचालन डॉ. तुषार पाटील यांनी केले. प्रमुख पाहुण्यांचा परिचय व स्वागत कार्यक्रम अधिकारी डॉ. राजेंद्र गुंजाळ यांनी करून दिला. तर आभार प्रदर्शन डॉ. गोरक्षनाथ पिंगळे यांनी केले. कार्यक्रमाच्या यशस्विततेसाठी प्रा. श्रीमती छाया प्रा, प्रा. प्रतिक शिंदे, प्रा. सोपान देशमुख व स्वयंसेवक यांचे सहकार्य लाभले.

13/10/2023

Various program and activity done by nss volunteer of kthm college. Nashik

02/10/2023

👇🟢🟡🔴 *अभिनंदन* 💐
आजच्या केटीएचएम महाविद्यालय आणि नाशिक प्लॉगर्स यांच्या संयुक्त विद्यमाने महात्मा गांधी जयंती निमित्त राबविण्यात आलेल्या _*_अविरल गोदावरी*__ या अभिनव *नदी स्वच्छता उपक्रमात* आपल्या तरुण, उत्साही व सामाजिक उपक्रमात आपले बहुमोल योगदान देण्यासाठी सदैव तत्पर असलेल्या रा से यो स्वयंसेवक व स्वयंसेविकांनी महाविद्यालयाच्या आवाहनाला प्रतिसाद देत मोठ्या संख्येने सहभागी होऊन हा कार्यक्रम अत्यंत शिस्तबद्ध पद्धतीने, उत्साहात व मनापासून सेवा देत यशस्वी केला. त्याबद्दल महाविद्यालय आणि राष्ट्रीय सेवा योजना विभागाकडून या सर्वांचे *खूप खूप हार्दिक अभिनंदन*.💐
या कार्यक्रमास नाशिकचे जिल्हाधिकारी मा. जलज शर्मा, नाशिक महापालिका आयुक्त मा. ए. एन. करंजकर, प्रख्यात समाजसेवक श्री. एम, मराठी सिनेकलाकार चिन्मय मांडलेकर, दैनिक सकाळचे संचालक श्री. अभिजीत पवार, दैनिक सकाळचे संपादक श्री. राहुल रनाळकर, महाविद्यालयाचे प्राचार्य डॉ. आर.डी.दरेकर, राष्ट्रीय सेवा योजना कार्यक्रम अधिकारी डॉ. राजेंद्र गुंजाळ हे उपस्थित होते.
या स्वच्छता उपक्रमात सकाळी सात ते साडेनऊ या वेळेत विद्यार्थ्यांनी स्वयंसेवकांनी जोशीवाडा ते मल्हारखाण या गोदाकाठावरील *24 बॅग प्लास्टिक कचरा* गोळा करून नदी किनारा स्वच्छ केला.
असाच प्रतिसाद प्रत्येक उपक्रमात देऊन कार्यक्रम यशस्वी करा, असे पुन्हा एकदा आवाहन..... सर्वांचे मनापासून अभिनंदन. 👍🙏👍

28/09/2023

के. टी. एच. एम. महाविद्यालयातील राष्ट्रीय सेवा योजनेच्या स्वयंसेवकांकडून नाशिक शहरात गणेश मूर्तींचे संकलन.

28/09/2023

मराठा विद्या प्रसारक समाज संस्थेचे के.टी.एच.एम. महाविद्यालय, नाशिक आणि सावित्रीबाई फुले पुणे विद्यापीठ, पुणे राष्ट्रीय सेवा योजना यांच्या संयुक्त विद्यमाने मोहाडी ता.दिंडोरी जि. नाशिक या ठिकाणी "मेरी माटी, मेरा देश" अभियानंतर्गत 75 वृक्षांची अमृत वाटिका तयार करून 75 देशी वृक्षांची लागवड करण्यात आली. या कार्यक्रमासाठी महाविद्यालयाचे प्राचार्य डॉ. आर. डी. दरेकर सर यांची प्रेरणा आणि मार्गदर्शन मिळाले. याप्रसंगी मविप्रचे संचालक मा.श्री.प्रवीण नाना जाधव, निखिल जाधव, सुनील जाधव, कैलास धात्रक, राष्ट्रीय सेवा योजना कार्यक्रम अधिकारी डॉ.राजेंद्र गुंजाळ, नाशिक शहर विभाग समन्वयक डॉ. गोरक्षनाथ पिंगळे, छाया लभडे, उत्तम जाधव, कळमकर मामा, संगमनेरे व स्वयंसेवक उपस्थित होते.

26/09/2023

मराठा विद्या प्रसारक समाज नाशिक केटीएचएम महाविद्यालय नाशिक आणि सावित्रीबाई फुले पुणे विद्यापीठ राष्ट्रीय सेवा योजना आयोजित 'मेरी माटी मेरा देश' अभियान व स्वातंत्र्याचा अमृत महोत्सव अंतर्गत मोहाडी गावातील माजी सैनिक यांचा सत्कार समारंभ आयोजित करण्यात आला होता. याप्रसंगी मराठा विद्या प्रसारक समाज संस्थेचे संचालक आदरणीय प्रवीण नाना जाधव, प्राचार्य डॉ.आर.डी.दरेकर, राष्ट्रीय सेवा योजना कार्यक्रमाधिकारी डॉ. राजेंद्र गुंजाळ, राष्ट्रीय सेवा योजना विभाग समन्वयक डॉ. गोरक्षनाथ पिंगळे, कार्यक्रम अधिकारी प्रा. उत्तम जाधव, कार्यक्रम अधिकारी प्रा. श्रीमती छाया लभडे, श्री. निखिल जाधव, सुनील जाधव, कैलास धात्रक इ. उपस्थित होते. याप्रसंगी संचालक प्रवीण नाना जाधव यांनी आपल्या मनोगतात युवकांचे खरे आदर्श स्वातंत्र्य सैनिक असावेत. कारण देश सेवा ही सर्वश्रेष्ठ सेवा असून देशाला युवकांची गरज असल्याचे मत व्यक्त केले. युवकांनी देशाच्या एकात्मतेसाठी आणि अखंडतेसाठी समाजात प्रबोधन करणे आवश्यक असल्याचे मत व्यक्त केले.त्याचप्रमाणे संस्कारजन्य पिढी उभी करण्यासाठी युवकांचे योगदान अतुलनीय असल्याचे मत देखील श्री. प्रवीण नाना जाधव यांनी व्यक्त केले. या कार्यक्रमामध्ये माजी सैनिक मा.श्री. संपत कळमकर, शिवाजी जाधव, राजाराम देशमुख, वसंत देशमुख, चंद्रभान कळमकर, सर्जेरावं देशमुख, शांताराम जाधव, निवृत्ती गांगुर्डे, वैभव भार्गवे, हिरामण पिंगळ, सुरेश जाधव, हिरामण क्षीरसागर इ. सैनिकांचा त्याच्या देशसेवेबद्दल स्वयंसेवकांच्या हस्ते सन्मान करण्यात आला. सूत्रसंचालन डॉ. गोरक्षनाथ पिंगळे यांनी केले तर प्रास्तविक डॉ. राजेंद्र गुंजाळ यांनी केले. आभार प्रा. छाया मॅडम यांनी मानले.

23/09/2023

🌹🌹 हार्दिक अभिनंदन🌹🌹
आपल्या महाविद्यालयातील राष्ट्रीय सेवा योजना स्वयंसेवक कु. यश संजय निसाळ आणि स्वयंसेविका संध्या प्रकाश सूर्यवंशी यांची पुण्यश्लोक अहिल्याबाई होळकर विद्यापीठ, सोलापूर या ठिकाणी होणाऱ्या एस. आर. डी. आणि एन.आर.डी.राज्यस्तरीय निवड चाचणी शिबिरात निवड झाली असून त्यांचे महाविद्यालयाच्या राष्ट्रीय सेवा योजना विभागाच्या वतीने हार्दिक अभिनंदन!

प्राचार्य आणि कार्यक्रम अधिकारी
राष्ट्रीय सेवा योजना
के. टी. एच. एम. महाविद्यालय, नाशिक

30/08/2023

एन. बी. टी. विधी महाविद्यालय, नाशिक या ठिकाणी राष्ट्रीय सेवा योजनेतील स्वयंसेवकांसाठी उद्बोधन कार्यशाळेचे आयोजन करण्यात आलेले होते. याप्रसंगी मला प्रमुख अतिथी म्हणून उपस्थिती नोंदविता आली.

29/08/2023

https://m.facebook.com/story.php?story_fbid=603372158649058&id=100069288366404&mibextid=Nif5oz

Blood Donation Camp organized by NSS unit of KTHM College Nashik.



Ministry of Youth Affairs and Sports, Government of India NSS India Anurag Thakur Nisith Pramanik Pankaj Singh Ips ( Indian Police Service ) Special Police Officer Team.

28/08/2023

मराठा विद्या प्रसारक समाजाचे के.टी.एच.एम. महाविद्यालय राष्ट्रीय सेवा योजनेअंतर्गतआयोजित रक्तदान शिबिरास युवकांचा भरघोस प्रतिसाद
*रक्तदान हे सर्वश्रेष्ठ दान - प्राचार्य डॉ. आर. डी. दरेकर*
*के टी एच एम महाविद्यालयात रक्तदान शिबिराचे आयोजन*
रक्तदान हेच सर्वश्रेष्ठ दान असून सर्व युवकांनी रक्तदान करणे आवश्यक असल्याचे मत प्राचार्य डॉ. आर. डी. दरेकर यांनी मांडले. ते मविप्र संचलीत के. टी. एच.एम. महाविद्यालय राष्ट्रीय सेवा योजना आयोजित राष्ट्रीय क्रीडा दिनानिमित्त रक्तदान शिबिराप्रसंगी बोलत होते. याप्रसंगी शारीरिक शिक्षण संचालक डॉ.सोपान जाधव, राष्ट्रीय सेवा योजना कार्यक्रम अधिकारी डॉ. राजेंद्र गुंजाळ , राष्ट्रीय सेवा योजना नाशिक शहर विभाग समन्वयक डॉ. गोरक्षनाथ पिंगळे, प्रा. उत्तम जाधव, छाया लभडे उपस्थित होते.
रक्तदानाचे महत्व विषद करताना प्राचार्य डॉ. आर. डी. दरेकर म्हणाले की, रक्तदान हे निरोगी राहण्यासाठी एक योग्य आणि सुरक्षित पर्याय ठरू शकते. पूर्ण शारीरिक आरोग्यासाठी रक्तदान फायदेशीर ठरते. रक्तदान केल्यानंतर रक्तातील प्लाज्मामध्ये ल्युकोसाईट्सची वृद्धी होते. ल्युकोसाईट्स आपल्या प्रतिकारशक्तीसाठी कार्यरत असतात. कोणत्याही गंभीर आजारांपासून स्वतःला सुरक्षित ठेवण्यासाठी शरीरात चांगली प्रतिकारशक्ती असणे गरजेचे आहे. रक्तदानामुळे रक्तांच्या नवीन पेशींच्या उत्पादनावर सकारात्मक प्रभाव दिसून येतो. त्याचा थेट फायदा निरोगी आणि उत्साही राहण्यावर होतो. याप्रसंगी ४० रक्तपिशव्यांचे संकलन करण्यात आले. याप्रसंगी आडगाव येथील मविप्र रक्तपेढीचे डॉ. उज्वल पाटील, कल्याणी होळकर, कावेरी जमधड़े, मनीष सराफ, ज्योती फडोळ, दिपक पवार, शुभम गावडे, शकुंतला दोंदे यांचे सहकार्य लाभले. कार्यक्रमाचे प्रास्ताविक डॉ. राजेंद्र गुंजाळ यांनी केले. तर सूत्रसंचलन छाया लभडे यांनी केले. तर आभार प्रदर्शन डॉ. गोरक्षनाथ पिंगळे यांनी केले.
, Maharashtra

17/08/2023

https://m.facebook.com/story.php?story_fbid=611509721141603&id=100068477402504&sfnsn=wiwspwa&mibextid=5eVWNK

09/08/2023

मराठा विद्या प्रसारक समाज संचलित के. टी. एच. एम. महाविद्यालयाच्या राष्ट्रीय सेवा योजना विभागात केंद्र शासनाच्या मेरी माटी, मेरा देश अर्थात माझी माती, माझा देश अभियानाची सुरुवात स्वयंसेवकांना पंचप्रणची शपथ घेऊन करण्यात आली. सदर अभियान 9 ऑगस्ट 2023 ते 15 ऑगस्ट 2023 या कालावधीत राबविण्यात येणार आहे. मेरी माटी, मेरा देश या अभियानांतर्गत अमृत वाटिकेची स्थापना, अमृत वाटिकेच्या माध्यमातून वृक्ष लागवड, जनजागृतीसाठी प्रभात फेरी, पथनाट्यांचे आयोजन अशा विविध कार्यक्रम आणि उपक्रमांचे आयोजन महाविद्यालयात केले जाणार आहे. या योजनेचाच एक भाग म्हणून आज बुधवार दिनांक 9 ऑगस्ट 2023 रोजी महाविद्यालयातील सर्व विद्यार्थ्यांना पंचप्रण ची शपथ देण्यात आली. याप्रसंगी महाविद्यालयाचे राष्ट्रीय सेवा योजना कार्यक्रम अधिकारी डॉ. राजेंद्र गुंजाळ यांनी मेरी माटी, मेरा देश या अभियानाची माहिती उपस्थित विद्यार्थ्यांना दिली. तर राष्ट्रीय सेवा योजना नाशिक शहर विभाग समन्वयक डॉ. गोरक्षनाथ पिंगळे यांनी उपस्थित विद्यार्थ्यांना पंचप्रणची शपथ दिली. याप्रसंगी प्रा. संदीप क्षीरसागर, कार्यक्रम अधिकारी श्रीमती छाया लभडे, प्रा. श्रीमती स्वाती शेळके व स्वयंसेवक हे मोठ्या संख्येने उपस्थित होते.

27/05/2023

महाराष्ट्र राज्याचे उच्च तंत्र शिक्षण मंत्रालय आणि सावित्रीाबाई फुले पुणे विद्यापीठ, पुणे राष्ट्रीय सेवा योजना विभागाच्या वतीने आयोजित G 20 परिषदेच्या पार्श्वभूमीवर दोन दिवसीय राज्यस्तरीय अधिवेशनात सक्रिय सहभाग नोंदविला. याप्रसंगी राज्याचे उपमुख्यमंत्री मा. श्री. देवेंद्रजी फडणवीस, राज्याचे उच्च तंत्र शिक्षण मंत्री मा. चंद्रकांत दादा पाटील, राज्याचे शालेय शिक्षण मंत्री दिपक केसरकर, केंद्र सरकारचे शिक्षण सचिव मा. श्री. संजय कुमार, राज्याचे शिक्षण सचिव मा. श्री. विकासचंद्र रस्तोगी, कुलगुरू डॉ. कारभारी काळे, रासेयोचे प्रादेशिक संचालक डी कार्तिकेन, राज्यसंपर्क अधिकारी डॉ. रामेश्वर कोठावदे, राज्याचे राष्ट्रीय सेवा योजना सल्लागार समितीचे सदस्य, मा. श्री. राजेश पांडे, प्राचार्य संजय चाकणे, रासेयों विद्यापीठ संचालक डॉ. सदानंद भोसले, पद्मश्री मा. श्री. पोपटराव पवार, मा. श्री. मिलिंद कांबळे, मा.श्री. प्रसाद देवधर, सिनेअभिनेते योगेश सोमन, प्रवीण तरडे आदी उपस्थित होते.

22/04/2023

पृथ्वीचे संरक्षण करणे ही प्रत्येकाची जबाबदारी – गणेश झोले
के.टी.एच.एम.महाविद्यालयातील राष्ट्रीय सेवा योजना आयोजित कार्यक्रमात जागतिक वसुंधरा दिनानिमित्त व्यक्त केले मत
अयोग्य जीवनमान, वाढते प्रदूषण यामुळे तपमानात वाढ होऊन पृथ्वीचे अस्तित्व धोक्यात आलेले आहे. वाढत्या तपमानापासून पृथ्वीचे संरक्षण करणे ही प्रत्येकाची जबाबदारी असल्याचे मत सहाय्यक वनसंरक्षक श्री. गणेश झोले यांनी व्यक्त केले. ते मविप्र संचलित के.टी.एच.एम.महाविद्यालय राष्ट्रीय सेवा योजना आयोजित जागतिक वसुंधरा दिनाच्या पार्श्वभूमीवर बोलत होते. याप्रसंगी अध्यक्षस्थानी महाविद्यालयाचे प्राचार्य डॉ. आर.डी.दरेकर होते. याप्रसंगी व्यासपीठावर सरयू कामत, राष्ट्रीय सेवा योजना कार्यक्रम अधिकारी डॉ.राजेंद्र गुंजाळ, विभाग समन्वयक डॉ.गोरक्षनाथ पिंगळे, प्रा.श्रीमती छाया लभडे, गोदावरी देवकाते उपस्थित होते.
गणेश झोले यांनी आपले मत व्यक्त करताना मानवजातीकडून नैसर्गिक साधनसंपत्तीचा अविरत वापर होतो आहे. त्यामुळे पर्यावरणाचा समतोल बिघडत आहे. तपमान वाढ, प्रदूषणात वाढ, बदलते हवामान यांसारख्या अनेक समस्या निर्माण होऊन पृथ्वीला धोका निर्माण झाला आहे. या सर्व समस्यांपासून पृथ्वीचे संरक्षण करायचे असेल तर मृदा संवर्धन, वृक्षसंवर्धन यांसारखे उपक्रम हाती घेणे आवश्यक आहे. वृक्ष लागवड करताना स्थानिक प्रजातीच्या वृक्षांची लागवड करावी, तसेच दैनदिन जीवनात अपारंपरिक उर्जासाधनांचा वापर वाढविणे आवश्यक असल्याचे मत देखील त्यांनी याप्रसंगी मांडले.
राह फौंडेशनच्या उपाध्यक्ष सरयू कामत यांनी आपल्या मनोगतात पर्यावरणाचा समतोल साधण्यासाठी प्रतिव्यक्ती किती झाडे लावण्याची आणि संवर्धन करण्याची गरज आहे याविषयी मार्गदर्शन केले. राह फौंडेशन च्या माध्यमातून होणारे पर्यावरण पूरक उपक्रमाची माहिती त्यांनी उपस्थित स्वयंसेवकांना दिली.
अध्यक्षीय मनोगतात प्राचार्य डॉ.आर.डी.दरेकर यांनी पर्यावरण संरक्षणासाठी आणि पृथ्वीच्या संरक्षणासाठी महाविद्यालय प्रशासन, महाविद्यालयीन विद्यार्थी, राष्ट्रीय सेवा योजना स्वयंसेवक कटीबद्ध असल्याचे मत मांडले. डॉ. दरेकर यांनी विकासाबरोबर प्रदूषणाचे प्रमाण वाढत आहे ते कमी करण्यासाठी पर्यावरण पूरक बाबींचा वापर करणे गरजेचे आहे. शक्य असल्यास वस्तूंचा पुनर्वापर करावा. शक्य नसेल तर वस्तूंचे पूर्णपणे विघटन करावे. जमिनीची धूप होणार नाही यासाठी महाविद्यालयीन विद्यार्थ्यांनी पथनाट्याच्या माध्यमातून दत्तक गावात जनजागृती करणे आवश्यक असल्याचे मत डॉ. दरेकर यांनी मांडले. याप्रसंगी डॉ. दरेकर यांनी राष्ट्रीय सेवा योजनेच्या स्वयंसेवक करत असलेल्या कामकाजाचे कौतुक केले. याप्रसंगी विविध शिबिरांमध्ये सहभाग घेतलेल्या विद्यार्थ्यांचे प्रमाणपत्र देऊन कौतुक करण्यात आले.
कार्यक्रमाचे प्रास्ताविक डॉ. गोरक्षनाथ पिंगळे यांनी केले. सूत्रसंचालन निशिता पेंढारकर हिने केले. प्रमुख पाहुण्यांचे स्वागत आणि परिचय डॉ.राजेंद्र गुंजाळ यांनी केला. प्रमाणपत्र वितरणाची जबाबदारी प्रा.श्रीमती छाया लभडे यांनी बजावली. वैभव भालेराव यांनी आभार प्रदर्शन केले.

13/04/2023

मविप्र'च्या के.टी. एच.एम. महाविद्यालयाचा राष्ट्रीय सेवा योजना स्वयंसेवक कु. शुभम भडांगे याची
राज्य युवा संसदेसाठी निवड करण्यात आली.
राष्ट्रीय सेवा योजना, उच्च व तंत्रशिक्षण विभाग, महाराष्ट्र शासन व युनिसेफ यांच्या संयुक्त विद्यमाने आयोजित राज्यस्तरीय युवा संसद उपक्रमासाठी कु. शुभम भडांगे व सिडको महाविद्यालयाची स्वरा कुलकर्णी यांची नाशिक जिल्ह्यातून निवड करण्यात आली आहे. या उपक्रमासाठी महाराष्ट्रातील एकूण 72 विद्यार्थ्यांची निवड झाली आहे. सावित्रीबाई फुले पुणे विद्यापीठ राष्ट्रीय सेवा योजना विभागाच्या वतीने कु. शुभम भडांगे आणि कु. स्वरा कुलकर्णी हे प्रतिनिधित्व करणार आहे.

दिनांक १८ व १९ एप्रिल २०२३ रोजी मुंबई येथे ही राज्यस्तरीय युवा संसद होणार आहे. या प्रारूप राज्य संसदेमध्ये विद्यार्थ्याना मंत्रालयातील विविध प्रश्नांवर चर्चा करणे, मंत्रालयीन कामकाज असे उपक्रम घेण्यात येणार आहे. तसेच यासाठी दिनांक ११ एप्रिल २०२३ रोजी सहभागी विद्यार्थी लोकप्रतिनिधीमधून मंत्रालय वाटपासाठी यांच्यात निवडणूक होणार आहे, शुभम भडांगे याची विरोधी पक्षनेते पदासाठी नामांकन झाले आहे.
राज्यस्तरीय युवा संसद निवडीबद्दल मविप्र संस्थेचे सरचिटणीस ॲड. नितिन ठाकरे, सभापती बाळासाहेब क्षीरसागर,उपाध्यक्ष विश्वास मोरे, चिटणीस दिलीप दळवी, उपसभापती देवराम मोगल,संचालक ॲड.लक्ष्मणराव लांडगे, संचालक रमेश आबा पिंगळे, शिक्षणाधिकारी डॉ नितिन जाधव, प्राचार्य डॉ आर.डी. दरेकर, तसेच महाविद्यालयीन प्राध्यापक, शिक्षक व शिक्षकेत्तर कर्मचारी यांनी अभिनंदन केले. सदर यशासाठी विद्यापीठ रासेयो संचालक डॉ प्रभाकर देसाई, नाशिक जिल्हा समन्वयक डॉ रविंद्र आहिरे, कार्यक्रम अधिकारी डॉ. राजेंद्र गुंजाळ, नाशिक शहर विभाग समन्वयक डॉ. गोरक्षनाथ पिंगळे, प्रा. उत्तम जाधव, प्रा. श्रीमती छाया लाभदे यांचे मार्गदर्शन लाभले.

07/04/2023

महाराष्ट्र राज्य उच्च - व तंत्र शिक्षण विभाग, महाराष्ट्र शासन, राष्ट्रीय सेवा योजना व युनिसेफ महाराष्ट्र यांच्या संयुक्त विद्यमाने मुंबई येथे आयोजित २०२३ च्या युवा संसद कार्यक्रमासाठी नाशिक जिल्ह्यातून केटि एचएम महाविद्यालयाचा विद्यार्थी शुभम बबन भडांगे याची निवड झाली आहे. नाशिक जिल्ह्यातून केटीएचएम महाविद्यालयाचा विद्यार्थी शुभम भडांगे याची युवा
संसदेसाठी झालेली निवड ही अभिमानास्पद आहे. यावेळी महाविद्यालयाचे प्राचार्य डॉ. आर डी दरेकर, राष्ट्रीय सेवा योजनेचे कार्यक्रम अधिकारी डॉ. राजेंद्र गुंजाळ, राष्ट्रीय सेवा योजना शहर विभाग समन्वयक डॉ. गोरक्षनाथ पिंगळे, प्रा. उत्तम जाधव, प्रा. श्रीमती छाया लभडे यांनी त्याचे अभिनंदन केले. राष्ट्रीय सेवा योजनेच्या पाच लाख विद्यार्थ्यांचे नेतृत्व करण्यासाठी राज्यभरातील ३६ जिल्ह्यातील ७८ युवा जिल्हा प्रतिनिधी ( युथ खासदार) म्हणुन निवडले आहे. मुंबई येथे दि. १८ व १९ एप्रिल २०२३ रोजी मुख्यमंत्री, उपमुख्यमंत्री, विविध मंत्री व मान्यवरांच्या उपस्थितीत युवा संसद कार्यक्रम संपन्न होणार आहे.