03/07/2024
ਮੁੰਡਾ ਮਰ ਗਿਆ ਬਿਜਲੀ ਨਾਲ ਲੱਗਕੇ
ਭਾਵੁਕ ਕਰ ਦੇਵੇਗੀ ਕਵਿਤਾ
1.ਚੱਕ ਕੇ ਤਾਰ ਦਾ ਟੋਟਾ ਓਹਨੇ
ਢਾਹਕ ਪਲਾਸ ਲਗਾਇਆ
ਲਾ ਪਾਉੜੀ ਖੰਭੇ ਤੇ ਚੜਿਆ
ਅੱਖਾਂ ਮੂਹਰੇ ਹਨੇਰਾ ਛਾਇਆ
ਚੰਦ ਮਿੰਟਾਂ ਵਿੱਚ ਰੌਲਾ ਪੈ ਗਿਆ
ਜਦ ਰੱਬ ਨੇ ਕਹਿਰ ਕਮਾਇਆ
ਸਾਡੇ ਬਲਬ ਜਗਾਉਣ ਦੀ ਖਾਤਿਰ
ਓਹਨੇ ਆਪਣਾ ਆਪ ਗੁਆਇਆ......*2
2.ਅੱਧੀ ਰਾਤ ਦੇ ਫੌਨ ਆਈ ਜਾਂਦੇ
ਹਟਦੇ ਨਾ ਬਸ ਲਾਈ ਜਾਂਦੇ
30-35 ਤਾਂ ਫੌਨ ਵੀ ਚੱਕ ਲਏ
ਫਿਰ ਵੀ ਲੋਕ ਸਤਾਈ ਜਾਂਦੇ
ਵਰ੍ਹਦਾ ਮੀਂਹ ਤੇ ਨਾਲ ਹਨੇਰੀ
ਡਾਹਡਾ ਵਖਤੀਂ ਪਾਇਆ
ਸਾਡੇ ਬਲਬ ਜਗਾਉਣ ਦੀ ਖਾਤਿਰ
ਓਹਨੇ ਆਪਣਾ ਆਪ ਗੁਆਇਆ.....*2
3.ਦਿਲ ਦੇ ਸਾਰੇ ਚਾਅ ਆਪਣੇ
ਮਾਂ ਪਿਆਰੀ ਨੂੰ ਦੱਸੇ
ਕਹਿੰਦਾ ਇੱਕ ਦਿਨ ਪੱਕਾ ਹੋਜੂ
ਉੱਚੀ-ਉੱਚੀ ਹੱਸੇ...
ਭੁੱਖੇ ਢਿੱਡ ਹੀ ਘਰੋਂ ਨਿਕਲਿਆ
ਆਪਣਾ ਫਰਜ ਨਿਭਾਇਆ
ਸਾਡੇ ਬਲਬ ਜਗਾਉਣ ਦੀ ਖਾਤਿਰ
ਓਹਨੇ ਆਪਣਾ ਆਪ ਗੁਆਇਆ.....*2
4.ਠੇਕੇਦਾਰ ਮੁਲਾਜਮਾਂ ਰਲ ਕੇ
ਮੱਦਦ ਭਾਵੇਂ ਕੀਤੀ
ਕਿੰਨਾ ਸਮਾਂ ਲੰਘਾਊਂ ਇਸ ਨਾਲ
ਸੋਚ ਰਹੀ ਚੁੱਪ ਕੀਤੀ
ਕੁਲਵੀਰ ”ਮਹਿਕਮਾ” Rule ਬਣਾਵੇ
ਰੋਂਦੇ ਬੱਚਿਆਂ ਨੇ ਫੁਰਮਾਇਆ
ਸਾਡੇ ਬਲਬ ਜਗਾਉਣ ਦੀ ਖਾਤਿਰ
ਓਹਨੇ ਆਪਣਾ ਆਪ ਗੁਆਇਆ......*2
ਸਾਡੇ ਬਲਬ ਜਗਾਉਣ ਦੀ ਖਾਤਿਰ
ਓਹਨੇ ਘਰ ਦਾ ਦੀਪ ਬੁਝਾਇਆ....😭😭
✍️ਇੰਜ.ਕੁਲਵੀਰ ਸਿੰਘ ਜੇ.ਈ.
ਪੀ.ਐਸ.ਪੀ.ਸੀ.ਐਲ.
ਡਗਰੂ (9646114992)
