https://www.facebook.com/1462866050500070/

Sandesh News

Home
India
Belgaum
Sandesh News

Best Belgaum News Portal

24/12/2023

साहित्य संमेलन, वाचन प्रेरणेचा मंत्र

सीमाभागात मराठी साहित्य संस्कृती जपण्यासाठी मराठी माणूस प्रयत्न करतो तसे प्रयत्न इतरत्र कोठेही दिसून येत नाहीत.
ग्रामीण, विद्रोही, बाल साहित्य, विज्ञान साहित्य,अश्या प्रकारची बरीच संमेलने भरतात. त्या मध्ये खानापूर विभागामध्ये एकमेव साहित्य संमेलन म्हणजे 'माचीगड साहित्य संमेलन '
विद्यार्थी, वाचक, व मराठी माणसामध्ये वाचन संस्कृती रुजावी, वाचकांनी विज्ञानवादी विचार जोपासावेत. त्यांचा व्यक्तिमत्व विकास व्हावा. यासाठी विविध विषयावरील विचारवंत, साहित्यिक यांचे विचार विद्यार्थी व जनतेपर्यन्त पोहोचवण्याचे काम आयोजक करत असतात. साहित्य संमेलन भरवण्यासाठी रात्रंदिवस काम करून प्रयत्नांची पराकाष्ठा करावी लागते.
पूर्वी साहित्य संमेलनामध्ये पुस्तकांचे स्टॉल लागत होते. पण आत्ता पुस्तकांचे स्टॉल दुर्मिळ होत चालले आहेत.त्यांचीही चूक म्हणता येणार नाही कारण वाचकांची वानवा दिसून येते.
जर वाचनाची ओढ वाचकांमध्ये व विद्यार्थी यांच्यामध्ये लावायची असेल तर जीवनामध्ये वाचन किती महत्वाचे आहे हे प्रत्येक विद्यार्थ्यांच्या आई वडिलांनी मुलांच्या मनावर बिंबवणे फार गरजेचे आहे.
आपण रोज थोडे तरी वाचन केलेच पाहिजे ही गोष्ट मनावर बिंबवून ती कृतीतून दाखवली पाहिजे.
त्यामध्ये रोजची दैनिके, साप्ताहिके, शब्दकोडी, संपादकीय लेख, तसेच शालेय अभ्यासाचे वाचन, कादंबरी, कथा, चरित्र यांचे वाचन होय .
मराठी साहित्य संपदा म्हणजे अथांग समुद्र आहे.मनोरंजन ते मनाला अंजन घालायचे काम ही साहित्य संपदा करत असते.
पु. ल. देशपांडे निखळ हसण्याचे सामर्थ्य देतात. तर प्र. के. अत्रे आपले परखड व्यक्तिमत्व बनवतात, शिवाजी सावंत कर्ण व कृष्ण यांच्या चरित्राचे अमृत पाजतात, अण्णाभाऊ साठे जीवन जगण्याची उभारी देतात. तर बाबासाहेब व महात्मा जोतिबा फुले गुलामगिरीच्या शृंखाला तोडतात.
पण आमचे दुर्दैव असे की आम्हाला ही साहित्य संपदा वाचायला वेळ नाही.
"वाचाल तर वाचाल"ही म्हण आहे पण मोबाईलच्या युगात आम्हाला ना वाचनाची इच्छा आहे. ना साहित्य संपदेची ओढ आहे.
मोबाईल, गेम, सिनेमे पाहणे हे युवकांचे दैनंदिन जीवन झाले आहे.
मनोरंजन अवश्य हवे पण त्यासाठी मर्यादा पण हव्या.
त्यासाठी पालकांनी आपण सुद्धा वाचन करावे व मुलांनासुद्धा वाचन करण्यासाठी प्रवृत्त करावे.
त्यांना पुस्तकांचे स्टॉल, साहित्य संमेलन अश्या ठिकाणी घेऊन जावे. साहित्यिक व विचारवंतांचे चांगले विचार आत्मसात करावे.
मुलांना वेळ देणे म्हणजे त्यांचे हट्ट पुरवणे नाही. आई वडिलांनी कमवलेला पैसा, मुलांचे फाजील लाड पुरवण्यासाठी होत असेल तर मुलांचे भविष्य निश्चितच खराब होईल
त्यासाठी मुलांना पुस्तकांची ओढ लावणे व पालकांनी स्वतः वाचणे गरजेचे आहे.
छत्रपती शिवाजी महाराज,धर्मवीर संभाजी महाराज,बाबासाहेब आंबेडकर, सावरकर, आगरकर, महात्मा जोतिबा फुले, राजर्षी शाहू महाराज यांचा इतिहास वाचनातून मुलांना कळू द्या. तेव्हाच त्यांची मस्तके महापुरुष्यांच्या मिरवणुकीत नतमस्तक होतील.

अजून कितीतरी बाबी आहेत त्या सर्व वाचन केल्यानंतरच कळतील.जीवन म्हणजे पार्ट्या, राजकारणाच्या केलेल्या कोपऱ्यावरील गप्पा, मोबाइलवर केलेला टाईमपास, यासाठी नाही तर.
जीवन म्हणजे केलेले वाचन, आव्हान, घेतलेली जबाबदारी, एकमेकांविषयी आदर, आपले चांगले संस्कार, यांचा मिलाफ आहे. हे सर्व तुम्हाला वाचनातून मिळेल.
त्यासाठी तुम्ही वाचन करा, साहित्य संमेलनामध्ये सहभागी व्हा, विचारवंतांचे चांगले विचार आत्मसात करा. त्या विचारांच्या वाटेवर चला. व आपले जीवन वाचनातून सुखमय करा.
कारण
वाचाल तर वाचाल
माचीगड साहित्य संमेलन व सुब्रमण्य साहित्य अकादमी यांच्या अप्रतिम शैक्षणिक व ज्ञान प्रबोधन कार्याला मनपूर्वक शुभेच्छा 🙏🏼🙏🏼

22/12/2023

रुक्मिणीदेवी विठ्ठल कदम यांचे निधन

मुळगाव निडगल, ता. खानापूर, सध्या शाहूनगर बेळगाव येशील रहिवासी सौ रुक्मीनीदेवी विठ्ठल कदम, वय वर्षे 67 यांचे शुक्रवार दि. 22/12/2023 रोजी संध संध्याकाळी 7.45 वाजता हृदय विकाराने मिलीटरी होस्पीटल बेळगाव येथे दुःखद निधन झाले. त्यांच्या पश्चात पती, एक मुलगा, दोन् विवाहीत कन्या, सुन, नातवंडे असा परिवार आहे. त्या निवृत्त सुभेदार श्री विठ्ठल बळवंत कदम यांच्या पत्नी होत्या. मृतात्म्यावर उद्या शनिवार दि. 23/12/2023 रोजी दुपारी 12 वाजता त्यांच्या मुळगावी न्डिगल, खानापूर येथे अंत्यसंस्कार करण्यात येणार आहेत.

22/12/2023

इथे ज्ञानि्यांचे नगरी!विद्येचा सुकाळू करी!

मचीगड एक निसर्गाच्या कुशीत वसलेलं सुंदर अस गाव, ऐतिहासिक पार्श्वभूमी लाभलेले गाव,सुंदर पुरातन मंदिरे,आजूबाजूला घनदाट अरण्य , पक्षांची गुंजारव, कधी कधी हिंस्त्र श्वापद व हत्तीचा उपद्रव, पण शेतकरी सर्व संकटाना व शासनाच्या आडमुठ धोरणांना तोंड देऊन रूळलेला, कधी दुष्काळ तर कधी जंगली प्राण्यांनी हातातोंडावर आलेले, उद्धवस्त केलेले पीक हे सर्व पाहून तो खचला नाही.
आजही तो सर्वांशी मायेने वागतो.
कधी शेताच्या बांधावरून कोणी जात असेल तर लांबूनच "काय पावन्यानु कुठल्या गावासन येल्यासताय. येवानी भाकरी खाऊवा "असे प्रेमाने म्हणतो,प्रेमळ बळीराजाचे शब्द कानी पडले की उर भरून येतो.
शहराची दगदग नाहीसी होते व खचलेल्या मनाला उभारी मिळते.
व वाटते माणुसकी, संस्कृती जपली आहे ती खेड्यांनीच. दिवसभर शेतात खपून रात्री पारावर किंवा देवळात सर्वजण मिळून त्या सावळ्या विठ्ठलाचे भजन म्हणतात तेव्हा साक्षात पांडुरंग विटेवरी उभा कटेवरी हात ठेवून त्या कष्टकऱ्यांच्या श्रमाचे परिहार करत असतो.
आज माचीगड व अनगडीतील युवक चांगले शिक्षण घेऊन. उद्योग धंद्यासाठी पुणे, मुंबई, बेळगाव अश्या ठिकाणी स्थलांतरित झाले आहेत पण ज्या आपल्या गावाने त्यांना ज्ञानी बनवलंय त्या गावची ओढ कायम आहे.
आपल्या पंचक्रोशीतील मुलांना चांगले शिक्षण, संस्कार व ज्ञान मिळावे यासाठी सुब्रमण्य साहित्य अकॅडमी दर वर्षी साहित्य संमेलन भरवत असते. शेतीप्रधान गरीब गावामध्ये साहित्य संमेलन भरवणे काही साधी सोपी गोष्ट नाही. पण सर्व गावकरी व अनगडी गावचे युवक मिळून संमेलन भरवण्यासाठी अथक परिश्रम घेत असतात.
ह्या वर्षी रविवार दिनांक 24 डिसेंबर रोजी साहित्य संमेलन होत आहे. संमेलनाचे अध्यक्ष प्रा.सुनिलकुमार लवटे पहिल्या सत्रात अध्यक्षीय भाषण करणार आहेत. दुसऱ्या सत्रात युवकांना प्रबोधन करणार आहेत शिवव्याख्याते उदय मोरे
छत्रपती शिवाजी महाराजांचा इतिहास हा केवळ रक्तरंजीत घटनाक्रम नव्हे, तर मानवी जीवनाला दिशा देणारा दिपस्तंभ आहे...
तो मानवाच्या कृतीतून दिसला पाहिजे. इतिहास म्हणजे मनोरंजन नव्हे.अश्या बऱ्याच गोष्टीना स्पर्श करून मोरे सर इतिहासाची पाने उलघडणार आहेत.
तिसऱ्या सत्रात राधानगरी येथील संभाजी यादव आपल्या विनोदी शैलीतून श्रोत्या मधून हास्याचे फवारे उडवणार आहेत.
चौथ्या सत्रात अध्यात्मिक सत्संग सोहळा होणार आहे.
सुब्रह्मण्य साहित्य अकॅडमीचे सर्व सभासद व गावकरी संमेलन यशस्वी होण्यासाठी रात्रंदिन अथक परिश्रम करत आहेत.
संमेलन अध्यक्ष सुनिलकुमार लवटे सर यांचे ज्ञान,उदय मोरे सर यांचे शिवगान,विनोदी कार्यक्रमाची खळखळून हसवण्याची जाण, व सत्संग सोहळ्याचे भक्तीरूपी ध्यान व श्रोत्यांचे मंत्रमुग्ध होऊन ऐकणारे कान,इतके असेल तर एका पुस्तकवेड्याला आणखी काय पाहिजे.🙏🏼🙏🏼

19/12/2023

श्रीराम सेना हिंदुस्थानचा कार्यकर्ता अभिजीत पुजारी याचे निधन

बेळगाव : भोज गल्ली शहापूर येथील रहिवाशी, श्रीराम सेना हिंदुस्थानचा कार्यकर्ता अभिजीत पुजारी (वय 26) यांचे हृदविकाराने मंगळवारी अकाली निधन झाले.

अभिजीत हा युवक मनमिळावू स्वभावाचा म्हणून लोकांच्यात परिचित होता त्यामुळे त्याचा मित्रपरिवार देखील मोठा होता. श्रीराम सेना हिंदुस्थानचे आणि महाराष्ट्र एकीकरण समितीचे नेते रमाकांत कोंडुस्कर आणि चंद्रकांत कोंडुसकर यांचा निष्ठावंत कार्यकर्ता अशी त्याची ओळख होती.

शिवभक्त म्हणून ओळख असणाऱ्या अभिजीतने नेहमीच शिवजयंतीच्या काळात घरचे कार्य समजून त्यात भाग घेतला. ज्यावेळी बंगळुरु येथे शिव पुतळ्यांची विटंबना झाली त्यावेळी धर्मवीर संभाजी महाराज चौकात केलेल्या आंदोलनात त्याला अटक झाली आणि 47 दिवसाचा तुरुंगवास घडला. त्याला याविषयी छेडले असता “राजाचे कार्य आणि दादाची साथ आम्हा तरुणांना असेल तर तुरुंगवास आम्हाला पर्यटनासारखा वाटतो” हे त्याचे उद्गगार शिवकार्याविषयी आणि कोंडूस्कर यांच्या विषयी आदर व्यक्त करणारे होते.

आपल्या लाघवी स्वभावाने सर्वच स्तरातील लोकांच्या गळ्यातील ताईत बनलेल्या अभिजीत याचे जाणे अनेकांच्या काळजाला चटका लावून गेलं.

त्याच्या पश्चात आई, वडील, भाऊ, बहिण असा परिवार आहे. मंगळवारी सायंकाळी शहापूर स्मशानभूमीत अंतिम संस्कार केले जाणार आहेत.

19/12/2023

कोल्हापुरातील रेणुका देवीचे मानाचे जग सौंदत्तीकडे रवाना

कोल्हापूर - 25 डिसेंबरला होणाऱ्या सौंदत्ती येथील श्री रेणुका देवीच्या यात्रेला कोल्हापुरातील मानाचे जग सौंदत्तीकडे रवाना झाले आहेत. यंदा सुमारे दोनशेहून अधिक बसेस तर तितकीच खाजगी वाहने यात्रेसाठी कोल्हापुरातून सौंदत्तीकडे जाणार आहेत. यावर्षीच्या यात्रेला कोल्हापूरातील दीड लाखाहून अधिक भाविक सौंदत्ती डोंगरावर दाखल होण्याची शक्यता आहे.

19/12/2023

मच्छे येथील ब्रह्मलिंग यात्रोत्सवास प्रारंभ

मच्छे (तालुका बेळगाव): येथील ब्रह्मलिंग देवाची यात्रा दरवर्षी डिसेंबर महिन्यात साजरी होते. याही वर्षी काल सोमवारी इंगळ्याच्या गाड्यांची सवाद्य यात्रा काढण्यात आली. गावभर फिरून सायंकाळी उशिरा हे गाडे गावाबाहेर निसर्गरम्य परिसरात वसलेल्या ब्रह्मलिंग मंदिराजवळ पोहोचले .
आज मंगळवार हा यात्रेचा मुख्य दिवस असून सकाळपासूनच भाविकांनी ब्रह्मलिंगाचे दर्शन सुरू केले. सकाळी पूजा आवरून ब्रह्मलिंग मंदिराकडून निघालेली पालखी गावभर फिरत असून घरोघरी या पालखीचे पूजन केले जाते. तसेच लहान बालकांना पालखी समोर झोपवले जाते त्यांच्यावरूनही पालखी पुढे जाते तो एक आशीर्वाद असल्याचा समज मच्छे ग्रामस्थांमध्ये आहे.
दुपारनंतर मुख्य यात्रेस प्रारंभ होणार असून सायंकाळी पाच नंतर ब्रह्मलिंग मंदिरासमोर इंगळ्या होतील. या यात्रेस उद्योग व्यवसायाच्या निमित्ताने गावाबाहेर असलेले सर्व मच्छे ग्रामस्थ तसेच महिलावर्ग आणि पै पाहुणे एकत्रित येतात. सायंकाळी गोड जेवण होऊन यात्रेची सांगता होते.

19/12/2023

राज्यस्तरीय टे. टे. स्पर्धेत चंदना मेस्त्री अजिंक्य

शहरातील डिव्हाईन प्रॉव्हिडन्स कॉन्व्हेंट हायस्कूलची विद्यार्थिनी चंदना शशिकांत मेस्त्री हिने कर्नाटक राज्य शालेय शिक्षण विभागातर्फे आयोजित राज्य पातळीवरील डिपार्टमेंटल क्रीडा महोत्सवात प्रथम क्रमांकासह टेबल टेनिस स्पर्धेचे अजिंक्यपद पटकावले आहे. याबद्दल शिक्षण मंत्र्यांसह मान्यवरांनी तिचे कौतुक केले आहे.

शिक्षण खात्यातर्फे शिर्शी येथे गेल्या 8 डिसेंबर 2023 रोजी राज्यस्तरीय डिपार्टमेंटल क्रीडा महोत्सव आयोजित करण्यात आला होता. या महोत्सवातील टेबल टेनिस स्पर्धेत राज्यातील 35 जिल्ह्यांमधील टेबल टेनिसपटूंनी भाग घेतला होता. सदर स्पर्धेत प्रारंभापासूनच वर्चस्व राखत चंदना मेस्त्री हिने स्पर्धेचे विजेतेपद पटकाविले. सदर कामगिरीबद्दल आता तिला येत्या 23 व 24 डिसेंबर रोजी नवी दिल्ली येथे होणाऱ्या 67 व्या राष्ट्रीय खेळांमधील 17 वर्षाखालील टेबल टेनिस स्पर्धेत कर्नाटक राज्याचे प्रतिनिधित्व करण्याचा सन्मान प्राप्त झाला आहे.

चंदना ही टिळकवाडीतील डिवाइन प्रॉव्हिडन्स कॉन्व्हेंट हायस्कूल या शाळेत इयत्ता 9 वी मध्ये शिकत आहे. राज्यस्तरीय विजेतेपदाबद्दल राज्याचे सार्वजनिक बांधकाम व बेळगाव जिल्हा पालकमंत्री सतीश जारकीहोळी, महिला व बालकल्याण मंत्री लक्ष्मी हेब्बाळकर, शिक्षण मंत्री मधु बंगारप्पा तसेच क्रीडा व युवा सशक्तिकरण आणि आदिवासी कल्याण मंत्री नागेंद्र यांनी चंदना शशिकांत मेस्त्री हिचा सत्कार करून कौतुक करत पुढील स्पर्धेसाठी शुभेच्छा दिल्या. उपरोक्त यशाबद्दल चंदना मेस्त्री हिचे तिच्या शाळेसह सर्वत्र अभिनंदन होत आहे.

18/12/2023

मरगळ झटकून कार्यकर्त्यांनी पुन्हा कामास लागावे : डॉ अंजलीताई निबांळकर

आज पारिश्वाड झेडपीतील कॉंग्रेस कार्यकर्त्यांची मिटींग पार पडली. त्यावेळी बोलतांना ताई म्हटल्या की मागील चुकांची दुरूस्ती करून पुन्हा आपण सगळे जोमाने कामास लागूयात. आता पुढे लोकसभा तसेच झेडपी, टीपी निवडणूका आहेत, त्यामुळे विधानसभा निवडणूकीतील चुकांची दुरूस्ती करून, तसेच सिद्धरामय्या सरकारच्या ५ गॅरंटी संदर्भात घरोघरी प्रचार करून, लोकांच्यामधे जनजागृती करूयात.व पुन्हा जोमाने कामास लागू.
विधानसभा निवडणूकीत काय काय झाले कोणी काय केले ते आपल्याला सर्वांना माहीत आहे.त्याच त्याच चुका टाळून आपण पक्ष संघटना बांधायचे काम सर्वजण मिळून करू असे ताई म्हणाल्या.
यावेळी सिनियर लीडर, युथ कार्यकर्ते, कार्यकर्ते मंडळी उपस्थित होती.

15/12/2023

शहापूर श्री समादेवीला 4.5 लाखांचा हिऱ्यांचा हार अर्पण

श्री समादेवी संस्थानचे माजी अध्यक्ष, हळदीपूर गुरुमठ शाखा गोवावेसचे अध्यक्ष तसेच बेळगाव मधील विविध संस्थांमध्ये उच्च पदावर कार्यरत वैश्यवाणी समाजातील आदरणीय व्यक्तिमत्व बापूसाहेब अनगोळकर यांनी नार्वेकर गल्ली, शहापूर येथील श्री समादेवीला 4.5 लाख रुपयांचा हिऱ्यांचा हार अर्पण करून देवीची सेवा केली आहे.

बापूसाहेब अनगोळकर यांनी पूर्वी शहापूर येथील श्री समादेवी कार्यालय बांधते वेळी भरीव अशी मदत केली आहे. आज पुन्हा एकदा त्यांनी श्री समादेवीला हिऱ्यांचा हार अर्पण करून आपले दानशूर व्यक्तिमत्व पुन्हा एकदा सिद्ध केले आहे.

बापूसाहेब अनगोळकर यांनी श्री समादेवी देवस्थान शहापूर यांच्याकडे हार सुपूर्द केला त्यावेळी देवस्थान कार्यकारी मंडळाचे अध्यक्ष श्रीधर कुदळे, कार्यकारी अध्यक्ष गजानन गावडे, सेक्रेटरी अमित गावडे, ट्रस्टी मधुसूदन किनारी, गौरव अनगोळकर आदी उपस्थित होते.

अनगोळकर यांचे नांव फक्त वैश्यवाणी समाजातच नव्हे तर बेळगावातील दानशूर व्यक्तींच्या यादीमध्ये अग्रक्रमामध्ये येते.

देवीला हिऱ्यांचा हार अर्पण केल्याबद्दल श्री समादेवी संस्थान शहापूर आणि समस्त कार्यकारी मंडळातर्फे बापूसाहेब अनगोळकर यांना शतशः धन्यवाद देण्यात आले आहेत.

02/12/2023

दीपसंदेश दिवाळी अंक हे बेळगावच्या साहित्यिकांचे व्यासपीठ: ज्येष्ठ साहित्यिक गुणवंत पाटील

दीप संदेश दिवाळी अंकाचे थाटात प्रकाशन

दीप संदेश दिवाळी अंकाचे प्रकाशन नुकतेच जती मठ येथे पार पडले.
जेष्ठ साहित्यिक गुणवंत पाटील, अनिल आजगावकर, नयन मंडोळकर, संपादक अरुणा गोजे पाटील आदी मान्यवरांच्या हस्ते हे प्रकाशन झाले. या कार्यक्रमाला बरीच लेखक, कवी मंडळी उपस्थित होती.
दीप संदेश दिवाळी अंकाचे हे तिसरे वर्ष आहे. गेली दोन वर्षे ई- बुक च्या स्वरुपात अंक काढण्यात आला होता. यावेळी छापील स्वरुपात अंक प्रसिद्ध करण्यात आला. यावेळी ज्येष्ठ साहित्यिक गुणवंत पाटील म्हणाले की यातील सर्व साहित्य दर्जेदार आहे. या तीन वर्षांत लेखकांच्या लेखणीत खूप फरक पडला आहे. लेखन स्तर उंचावला आहे. मोठ्या मोठ्या दिवाळी अंकात नामवंत लेखकांचेच लेख छापून येतात. मात्र बेळगावच्या नव्या जुन्या साहित्यिकांना प्रोत्साहित करून, त्यांच्या साहित्याला यात विशेष स्थान देऊन हा अंक छापील स्वरुपात आला आहे. अशा अंकांना प्राधान्य देऊन त्याचे स्वागतच केले पाहिजे दीप संदेश दिवाळी अंक हा बेळगावच्या साहित्यिकांच व्यासपीठ आहे. अनिल आजगावकर यांनीही दीप संदेश दिवाळी अंकातील सर्व साहित्याचे कौतुक केले.
या प्रसंगी रोशनी हुंदरे,मनीषा नाडगौडा,अस्मिता देशपांडे, अंजली देशपांडे, शीतल पाटील, अस्मिता आळतेकर ,मधु पाटील, नीलेश शिंदे, रमेश रायजादे ,नेत्रा मेणसे चंद्रशेखर गायकवाड आदी उपस्थित होते.

27/11/2023

ज्योती अथलांटिक स्पोर्ट्स क्लब बेळगावच्या स्पर्धकांची निवड
मद्रास रेजिमेंट संस्थेच्या वतीने अखिल भारतीय बॉईज स्पोर्ट्स रेजिमेंटअकॅडमी निवासी स्पोर्ट्स करिता वय गट 11ते14
मुलांची निवड चाचणी दिनांक 11ते 16 सप्टेंबर 2023 या अवधीत थनगराज स्टेडियम आरसी स्टेडियम आणि सेंटर वेलिंगटन उटी या ठिकाणी घेण्यात आल्या. या निवड चाचणीमध्ये संपूर्ण देशातून हजारो मुलांनी भाग घेतला होता धावणे इत्यादी स्पर्धा सतत सहा दिवस घेण्यात आल्या त्याचबरोबर बॉडी फिटनेस मेडिकल व वेगवेगळ्या प्रकारच्या परीक्षा उटी
येथे घेण्यात आल्या. ज्योती स्पोर्ट्स क्लब बेळगाव
खेळाडूनी भाग घेऊन यश संपादन केले कुमार हरीश अनिल गोरे गर्लगुंजी, बेळगाव आणि समर्थ सतीश पाटील रणकुंडीये बेळगाव या दोघांनी उत्कृष्ट मैदानी खेळ करून आपले उत्तम कौशल्य दाखविले शारीरिक तंदुरुस्तीचे प्रदर्शन केले आणि दोन्ही स्पर्धकांची निवड त्याचवेळी करण्यात आली वरील दोन्ही खेळाडू दिनांक 15 नोव्हेंबर 2023 रोजी अधिकृतरित्या नोंदणी करून सराव करीत आहेत. अशा सर्वोच्च स्पोर्ट्स क्लब मध्ये हे स्पर्धक सराव करीत आहेत ज्योती स्पोर्ट्स क्लबचे संयोजक प्रशिक्षक आणि ज्येष्ठ प्रशिक्षक कोच श्रीयुत एल जी कोलेकर गर्लगुंजी यांचे मोलाचे मार्गदर्शन लाभले आहे अशा या बेळगाव जिल्ह्यातील उमदे हिरे अखिल भारतीय स्पर्धेसाठी केंद्रसरकार मार्फत सराव करीत आहेत त्यांच्या या यशाबद्दल क्लबचे आणि सर्वांचे सर्वत्र अभिनंदन केले जात आहेत.

20/11/2023

तारांगण व बादशहा मसाले तर्फे पाककला स्पर्धा व काव्य मैफिल

तारांगण या महिलांच्या कला गुणांना वाव देणाऱ्या हक्काच्या व्यासपीठ व बादशहा मसाले तर्फे शनिवार दिनांक 25 नोव्हेंबर 2023 रोजी शेजारी कृष्ण ज्योती भवन या सांस्कृतिक हॉलमध्ये पाककला स्पर्धा ( फराळ) व कवयीत्रींसाठी काव्य मेहफिल या कार्यक्रमाचे आयोजन केले आहे.

यावेळी बेळगावच्या कवित्रीन सोबतच नवकवयित्रींना कविता सादर करण्याची संधी दिली जाणार आहे.

पाककला स्पर्धेचे नियम पुढेप्रमाणे

१)स्पर्धकाने पाककलेचे पदार्थ घरात बनवून आणण्याचे आहेत.
२)एका पेपरवर पदार्थाचे
साहित्य व कृती लिहावी.
३) कृतीच्या मागे स्वतःचे नाव ,पत्ता ,फोन नंबर लिहावा.
४) पदार्थाच्या भोवती आकर्षक सजावट करावी त्यामध्ये पाणी फुले वापरू नयेत.
५) प्रवेश फी रु.५०/- आहे.
प्रवेश फी ९३४१४१११८६ या क्रमांकावर गुगल पे किंवा फोन पे मार्फत जमा करावी.
६) दुपारी साडेतीन वाजता स्पर्धेला प्रारंभ होईल.
अधिक माहितीसाठी 7022124157 या क्रमांकावर संपर्क करावा
या कार्यक्रमास
आर्यन फाउंडेशन यांचे विशेष सहकार्य लाभले आहे

18/11/2023

कॅन्टोन्मेंट बोर्डवर सीबीआयची धाड: नोकर भरती प्रकरण येणार चव्हाट्यावर

बेळगाव: कॅन्टोन्मेंट बोर्ड मध्ये नोकर भरती करताना विविध खात्यात भरती करण्यासाठी मोठ्या प्रमाणात गैरव्यवहार झाल्याची तक्रार कॅन्टोन्मेंट बोर्ड सरकार नियुक्त सदस्य सुधीर तुपेकर यांनी केंद्र सरकारकडे केली होती. त्याची दखल घेत सीबीआयचे पथक शनिवारी सकाळपासून कॅन्टोन्मेंट बोर्ड कार्यालयात दाखल झाले असून सीई ओ आनंद के.सह इतर अधिकाऱ्यांची बंद खोलीत चौकशी करण्यात आली. त्यामुळे गेल्या सहा महिन्यापासून चर्चेत असलेले कॅन्टोन्मेंट बोर्डचा भ्रष्टाचार चव्हाट्यावर येणार का ?अशी कुजबूज कॅन्टोन्मेंट बोर्ड वर्तुळात सुरू आहे. 2021 पासून झालेल्या भरतीत मोठ्या प्रमाणात भ्रष्टाचार झाल्याची तक्रार करण्यात आली. होती. यापूर्वी देखील सीबीआयच्या पथकाने कॅन्टोन्मेंट बोर्ड कार्यालयाला धडक देत भरती प्रकरणातील संबंधित कागदपत्राची चौकशी केली होती. मात्र यावेळी थेट दिल्लीहून सीबीआय पथक बेळगावात दाखल झाल्यामुळे कॅन्टोन्मेंट बोर्ड कार्यालय पुन्हा चर्चेत आले आहे. गेल्या महिन्यात कामगाराचा पगार न झाल्यामुळे कारभार चव्हाट्यावर आला होता. आता कामगारांचे पगार व पेन्शन त्यांच्या खात्यावर जमा झाली असून कंत्राट पद्धतीवर काम करणाऱ्या कर्मचाऱ्यांना देखील खात्यात पगार जमा झाला आहे. मात्र भरती प्रकरण चौकशी सुरू झाल्याने अलीकडे भरती झालेल्या कर्मचाऱ्यांमध्ये खळबळ माजली आहे.

16/11/2023

पश्चिम महाराष्ट्रात ऊस आंदोलन पेटले असून याबाबत माजी राज्यमंत्री भरमुअण्णा पाटील काय म्हणाले ते पहा. संदेश न्यूज वर

11/11/2023

खुला आसमान तर्फे बेळगावकरांसाठी अनोखा कार्यक्रम २० नोव्हेंबरला

खुला आसमान, गेली ८ वर्ष नवे नवे उपक्रम राबवत आहे. ही एक छोटी चळवल आणि नाट्य या तिन्ही कला प्रकारांवर विशेष लक्ष देत, लोकश्रयातून उभी राहि याच वर्षी यक्षगान या विषयावरील २ दिवसीय कार्यशाळा आणि प्रयोग, सुट्टी ब मुलांची नाट्य कार्यशाळा, रंगसंपदा, जीआयती आणि लिग्राज कॉलेज सोबत केले .विषकी कार्यशाळा, श्रुती विश्वनाथ यांचे विशेष गायन आणि नुकतेच कविता तब चित्रांचे प्रदर्शन असे उपक्रम आयोजित केले आहेत.

पुन्हा एक नवी संकल्पना घेऊन येत्या २० नोव्हेंबर २०२३ रोजी, फैशन, संगीत, तीन कला प्रकारांचा संगम होणार आहे, त्याची निर्मिती बेळगावचे आघाडीचे डिझायनर नवनीत पाटील यांची आहे. त्यांनी तयार केलेल्या कपड्याचे प्रदर्शन एक पर्वणी असणार आहे. पण नवनीत यांनी फक्त प्रदर्शन न भरवता, बेळगाव च्या प्रेक्षकांना एक उत्तम अनुभव देण्यासाठी, अरुंधती सुकठणकर याच सितार वाद उपाध्ये यांच्या चित्रांच्या नेपथ्यातून, हे प्रदर्शन साकारायच ठरवलं आहे.

सेरेंडीपिटीअस बाय नवनीत प्रेसेंटस वंडर l. लँड असं नाव अस प्रदर्शनाच नाव आहे हे प्रदर्शन संकम रेसिडेन्सी या हॉटेलमध्ये र० नोव्हेंबर २०२३ रोजी सायंकाळी ०६:३० वाजता आपल्यासाठी आयोजित केला आहे.

या कार्यक्रमाबद्दल अधिक माहिती जाणून घेण्यासाठी +91 8867097545 या संपर्क करावा असे आवाहन खुलाआसमान तर्फे करण्यात आले आहे.

06/11/2023

उन्नती ट्रस्टचा 'शक्ती संचय' कार्यक्रम उत्साहात संपन्न

5 नोव्हेंबर 2023 रोजी उन्नती ट्रस्ट बेळगाव तर्फे ' शक्ती संचय ' हा महिला संमेलनाचा कार्यक्रम आयोजित केले गेला. कर्नाटकातील सहा जिल्ह्यांमधील महिलांचे या प्रकारचे हे पहिलेच संमेलन असून त्याचे उद्घाटन ज्येष्ठ लेखिका श्रीमती आशा रतनजी यांच्या हस्ते केले गेले ,दीप प्रज्वलानंतर त्यांनी आपल्या भाषणात स्त्री शक्ती राष्ट्राच्या दृष्टीने किती महत्त्वाची आहे ,शिक्षण, समाजाचे ऋण ,आत्म्याचे महत्व, भ्रष्टाचार रोखणे इत्यादी विषयी स्त्रीची कार्यशक्ती कशी वापरात आणता येईल याचे उदाहरण देत स्पष्टीकरण केले ,
हा जिल्ह्यातील कर्तुत्ववान महिलांचा समावेश स्वागत समितीत होता या समितीच्या अध्यक्षा सुप्रसिद्ध स्त्रीरोगतज्ञ डॉक्टर ज्योती तुक्कर या होत्या.
पुण्याच्या भाग्यश्री साठे यांनी वक्ता या नात्याने महिलांना उपदेश केला.
तीन सत्रात हा कार्यक्रम घेतला गेला. महिलांना कार्यक्रमात भाग घेण्याची उत्कृष्ट संधी महिलांचा प्रचंड उत्साह आणि तुडुंब भरलेला हॉल यामुळे कार्यक्रम रंगत गेला.
बेंगळूरच्या तेजस्विनी अनंत कुमार बेळगावच्या खासदार मंगला अंगडी यांनी भाग घेतल्यामुळे समारंभाची शोभा वाढली.
आरंभाचा समारोप मंगला मेटगुड यांनी केला. या कार्यक्रमाला महिलांचा उदंड प्रतिसाद मिळाला.

03/11/2023

बेळगावच्या यार्बल प्रिंटर्सला प्रिंट वीक इंडियाचा मानाचा पुरस्कार

बेळगाव येथील यार्बल प्रिंट पॅक प्रायव्हेट लिमिटेडला 30 ऑक्‍टोबर रोजी 2023 सालचा SME कंपनीसाठी प्रिंट वीक इंडियाचा सर्वात प्रतिष्‍ठित अवॉर्ड मिळाला आहे, संपूर्ण भारतभरातील 1200 प्रिंटरमध्‍ये बेळगावच्या या कंपनीची निवड झाली आहे.

ज्युरींनी यार्बलच्या प्रिंट पॅकेजिंगची गुणवत्ता, बॅलन्स शीट, विकासाचा दर आदी महत्वाच्या गोष्टींची पाहणी करून या पुरस्कारासाठी ही निवड केली आहे. भारतीय प्रिंटिंग आणि पॅकेजिंग व्यवसायातील एक मानदंड म्हणून ही कंपनी ओळखली जात आहे. याची उल्लेखनीय दखल घेऊन हा सन्मानाचा पुरस्कार देण्यात आला आहे. व्यवस्थापकीय संचालक अमेय अजित पाटील आणि चेअरमन अजित जी पाटील यांनी हा पुरस्कार स्वीकारला.

समस्त बेळगावकरांसाठी हा मानाचा विषय ठरला आहे. सोमवार 30 ऑक्टोबर 2023 रोजी मुंबईतील वेस्टिन हॉटेल्स पवई येथे हा पुरस्कार प्रदान करण्यात आला.

03/11/2023

सीमा भागातील मराठी भाषिकांना न्याय मिळवून देण्यासाठी प्रयत्न करू:मनोज जरांगे पाटील

सीमाप्रश्नासह सीमा भागातील मराठी भाषिकांवर होणाऱ्या अन्याया विरोधातील चळवळीत आपण सहभागी होऊ आणि मराठी भाषिकांना न्याय मिळवून देण्याचा प्रयत्न करू असे आश्वासन महाराष्ट्रातील मराठा योद्धा मनोज जरांगे पाटील यांनी आम्हाला दिले आहे, अशी माहिती महाराष्ट्र एकीकरण समितीचे नेते रमाकांत कोंडुसकर यांनी आज दिली.

छत्रपती संभाजीनगर (औरंगाबाद) येथे सकल मराठा समाज बेळगाव आणि महाराष्ट्रकीकरण समिती नेते व कार्यकर्त्यांच्या शिष्टमंडळाने आज शुक्रवारी सकाळी मराठा आंदोलनाचे प्रणेते मनोज जरांगे पाटील यांची भेट घेतली आहे. जरांगे -पाटील यांच्या भेटीप्रसंगी नेमकी काय चर्चा झाली? शेतकऱ्यांच्या नेमक्या कोणत्या समस्या आपण जरांगे पाटील यांच्यासमोर मांडल्या? या प्रश्नाला उत्तर देताना समितीचे नेते रमाकांत कोंडुसकर म्हणाले की, हालगा -मच्छे बायपास रस्त्यासाठी सरकारने शेतकऱ्यांची जवळपास 850 एकर सुपीक जमीन संपादित केली आहे. त्याचप्रमाणे बेळगाव शहराच्या रिंग रोड प्रकल्पासाठी 1273 एकर पिकाऊ जमीन संपादित करण्यात आली आहे.

याखेरीज बेळगावच्या आसपासची मराठी बहूबल्य शेतकरी असणारी 28 गावांचा बुडा व्याप्तीत समावेश करण्यात आला आहे. याची, तसेच बेळगाव भागातील शेतकरी, मराठी जनता व मराठी भाषेवर होत असलेल्या अन्यायाची माहिती आम्ही जरांगे -पाटील यांना दिली. त्यावर निपाणी येथे आगामी सभेला आपण उपस्थित राहण्याद्वारे मराठी भाषिकांवर होणाऱ्या अन्यायाच्या विरोधातील चळवळीत आपण सहभागी होऊ आणि मराठी भाषिकांना न्याय मिळवून देण्याचा प्रयत्न करू असे आश्वासन त्यांनी दिले असल्याची माहिती कोंडुसकर यांनी दिली.

01/11/2023

बेळगाव आमच्या हक्काचे.....नाही कुणाच्या बापाचे !

६७ वर्षाच्या लढ्यात सिमावसियांची ५ वी पिढी सक्रिय

31/10/2023

ज्येष्‍ठ साहित्यिक राजाभाऊ शिरगुप्पे यांचे निधन

कोल्हापूर : ज्येष्‍ठ साहित्यिक-कार्यकर्ते प्रा. राजाभाऊ शिरगुप्पे (वय ६४) यांचं आज (मंगळवार) कोल्हापुरात नुकतंच निधन झालं.

त्यांच्या निधनामुळं हळहळ व्यक्त होत आहे.

र्नाटक-महाराष्ट्र सीमेवर असलेल्या निपाणीतील कामगार चळवळीतून ते समाजकारणात सक्रिय झाले.

कामगार चळवळ ते समाजकारण ते साहित्यिक असा त्याचा प्रवास राहिला असून त्यांच्या निधनाने साहित्य क्षेत्रात मोठी हानी झाली आहे. त्यांनी विविध सामाजिक चळवळीत काम केलं.

लेखणी ही समाज व्यवस्था बदलासाठी असते या विचाराने त्यांनी आयुष्यभर लेखन केले. बिहार च्या राजकारणावर त्यांचा दांडगा अभ्यास होता. ते विद्रोही सांस्कृतिक चळवळीसह प्रगतशील अशा नानाविध चळवळीत त्यांचा सक्रीय सहभाग होता. सांगली येथे २०१० साली झालेल्या १० व्या विद्रोही साहित्य संमेलनाचे ते अध्यक्ष होते.

राजाभाऊ शिरगुप्पे यांच्या भटकंतीवर आधारित लेखनामुळे साप्ताहिक साधनाचे लेखक अशीही त्यांची ओळख निर्माण झाली होती. ते एक चांगले लेखक असून त्यांची अनेक पुस्तकेही प्रकाशित झाली आहेत. त्यांची काही पुस्तके विद्यापीठाच्या अभ्यासक्रमासाठीही निवडली गेली. काही पुस्तकांच्या हिंदी भाषेतील आवृत्याही प्रकाशित झाल्‍या.

30/10/2023

मराठा आरक्षण आंदोलनाला हिंसक वळण;
बीडमध्ये राष्ट्रवादी भवन पेटवले

गेल्या काही दिवसांपासून शांततेत सुरु असलेल्या मराठा समाजाच्या आंदोलनाला हिंसक वळण लागले आहे. बीडमध्ये या आंदोलनाचा सर्वाधिक फटका राजकीय नेत्यांना बसला आहे. याठिकाणी सकाळी माजलगाव येथील आमदार प्रकाश सोळुंके यांच्या निवासस्थानी दगडफेक आणि जाळपोळ करण्यात आली होती त्यानंतर आता बीडमध्ये आंदोलनाचे लोण पसरले आहे.

बीडमधील मुख्य बाजारपेठेत मराठा आंदोलकांनी राष्ट्रवादी भवन जाळले आहे. त्यासोबत माजी मंत्री जयदत्त क्षीरसागर यांचे कार्यालयही संतप्त आंदोलकांकडून पेटवण्यात आले आहे. बीडमधील शरद पवार गटाचे आंमदार संदीप क्षीरसागर यांनाही आंदोलनाचा जबर फटका बसला आहे. याठिकाणी मराठा आंदोलकांनी संदीप क्षीरसागर यांच्या निवासस्थानी जाळपोळ केली आहे. याठिकाणी क्षीरसागर यांची ४ ते ५ वाहने संतप्त आंदोलकांनी पेटवून दिली आहेत. त्यामुळे बीडमध्ये आंदोलनाचा उद्रेक झाल्याचे पाहायला मिळत आहे.

गनिमी काव्याने आंदोलक याठिकाणी पोहचून वाहने पेटवत आहेत. दगडफेक करत आहेत. बीडमधील हिंसक आंदोलन पाहता प्रशासनाने आता पाऊले उचलली आहे. बीड शहरातील वीज पुरवठा खंडीत करण्यात आला आहे. कायदा सुव्यवस्थेचा प्रश्न शहरात निर्माण झाला आहे. बीडमध्ये राजकीय नेत्यांची घरे, कार्यालये, आगीच्या भक्ष्यस्थानी पडले आहेत. आंदोलन आणखी उग्र होऊ नये यासाठी प्रशासनाने खबरदारी घेण्यात आली आहे. संध्याकाळी ५ वाजल्यापासून आंदोलन आक्रमक करण्यात आली आहे. जाळपोळीचे व्हिडिओ सोशल मीडियावर पसरतील यासाठी इंटरनेट सेवाही खंडीत करण्यात आली आहे. मंगळवारी बीड जिल्हा बंद करण्याची घोषणाही मराठा क्रांती मोर्चाकडून देण्यात येईल अशी माहिती समोर येत आहेत.

राजकीय पुढाऱ्यांबद्दल राज्यभरात मराठा आंदोलकांमध्ये संताप आहे. अनेक गावांमध्ये नेत्यांना प्रवेश बंदी केली आहे. आमदार खासदारांनी राजीनामा द्यावा यासाठी मराठा आंदोलकांकडून दबाव आणला जात आहे. त्यात भाजपाचे गेवराई येथील आमदार लक्ष्मण पवार यांनी विधानसभा अध्यक्षांकडे त्यांच्या आमदारकीचा राजीनामा पत्र पाठवले आहे. त्याचसोबत शिवसेनेचे नाशिकचे खासदार हेमंत गोडसे, नांदेडचे खासदार हेमंत पाटील यांनीही मराठा आरक्षणाच्या पार्श्वभूमीवर राजीनामा दिला आहे.

25/10/2023

खानापुरात पत्रकाराला मारहाण! दोषीवर कारवाई करा ! अवैध धंदे रोखा! खानापूर पत्रकार संघटनेचे पोलिसात निवेदन

खानापूर शहरात श्री दुर्गादेवीची विसर्जन मिरवणूक सुरू असताना आपलं खानापूरचे पत्रकार दिनकर मरगाळे यांना दोघांनी अचानकपणे मुष्टीने मारहाण केल्याने ते जखमी झाल्याची घटना मंगळवारी रात्रीच्या सुमारास घडली आहे. याप्रकरणी खानापूर पोलीस स्थानकात संबंधितावर गुन्हा दाखल करण्यात आला आहे. या प्रकरणाची सखोल चौकशी करून पत्रकाराला मारहाण करणाऱ्या त्या दोषीवर क** कारवाई करण्यात यावी अशा आशयाचे निवेदन खानापूर तालुका पत्रकार संघटनेच्या वतीने खानापूर पोलीस निरीक्षक मंजुनाथ नाईक यांच्याकडे केले आहे. खानापूर तालुका पत्रकार संघटनेचे अध्यक्ष पिराजी कुऱ्हाडे पत्रकार संघटनेचे कार्याध्यक्ष वासुदेव चौगुले (पुढारी) संघटनेचे सेक्रेटरी प्रसन्ना कुलकर्णी (विजय कर्नाटक ) सभासद विवेक गिरी (तरुण भारत), सुहास पाटील (उदय वार्ता), हनुमंत गुरव, (सकाळ) शंकर देसुरकर, (पुढारी) संदीप सुतार (सकाळ) आदी उपस्थित होते.

• निवेदनात म्हटले आहे की, आपलं खानापूरचे प्रतिनिधी दिनकर मरगाळे हे मंगळवारी रात्री श्री दुर्गादेवी विसर्जन मिरवणुकीमध्ये सहभागी झाले होते. विसर्जन मिरवणूकला वेळ होत असल्याने पोलिसांनी वेळेत विसर्जन करण्याची सूचना केल्याने मूर्ति विसर्जनासाठी मलप्रभा घाटावर घेऊन जात असताना काही लोकांनी मिरवणूक अडवून नाचण्यास प्रारंभ केला. दरम्यान आपलं खानापूरचे प्रतिनिधी दिनकर मरगाळे यांनी पोलिसांच्या सूचनेनुसार आपण लवकर विसर्जन करत आहोत अडवू नका अशी त्या युवकांना केली विनंती केली. पण त्या युवकांनी आपला मोटपणा कायम ठेवून नाचण्यास प्रारंभ केला. दरम्यान दिनकर मरगाळे यांना प्रतिकार करून त्यांच्या डोळ्यावर मूष्टीने मारले, त्यामुळे ते जागीच बेशुद्ध पडले अशा परिस्थितीतही त्या दोन युवकांनी लाथांनी त्यांच्या कमरेत जोरात मार दिली त्यामुळे त्यांना जबर दुखापत झाली आहे. दिनकर मरगाळे यांच्या डोळ्याला मोठी दुखापत झाली आहे. त्यांनी खानापूर येथील प्राथमिक आरोग्य केंद्रात प्राथमिक उपचार करून घेतला आहे.

आपल खानापूरचे प्रतिनिधी दिनकर मरगाळे यांनी एफ आय आर नोंद केली असून या प्रकरणाची पोलिसांनी कसोशीने चौकशी करावीत व दोषीवर कारवाई करावी, अन्यथा तीव्र , आंदोलन छेडण्यात येईल असा इशारा खानापूर तालुका पत्रकार संघटनेच्या वतीने या निवेदनाद्वारे केला आहे.

• खानापुरात अवैध धंद्याना ऊत : पोलीस प्रशासनाने लक्ष देणे गरजेचे:

• या निवेदनात खानापूर तालुका पत्रकार संघटनेने म्हटले आहे की, खानापूर शहर व परिसरात मद्यपान करणे व गांजा विक्री व त्यामध्ये आहारी जाण्याचे प्रकार मोठ्या प्रमाणात घडले आहेत. अनेक युवक, शाळकरी मुले यामध्ये भर पडली आहेत. त्यामुळे खानापूर शहर परिसरात मारामारी करणे, धमकी देणे किंवा नशेमध्ये सुज्ञ नागरिकांचा अपमान करणे असे अनेक प्रकार घडत आहेत. पण या प्रकारावर पोलिसांनी विशेष लक्ष ठेवले नाही. यामुळे खानापूर शहर परिसरातील सुव्यवस्था बिघडत चालली आहे. यासाठी पोलीस प्रशासनाने याकडे लक्ष घेऊन अशा प्रकरणावर आळा घालावा अशी मागणी ही या निवेदनाद्वारे पोलीस निरीक्षक मंजुनाथ नाईक यांच्याकडे केली आहे.

22/10/2023

जयवंत साळुंखे यांनी साकारली महिषासुरमर्दिनी रूपातील रांगोळी

शारदीय नवरात्री उत्सवाच्या दुर्गाष्टमीनिमित्त सामाजिक कार्यकर्ते , बेळगावचे कलाकार जयवंत साळुंखे यांनी महिषासुर मर्दिनीच्या रूपातील रांगोळीची कलाकृती साकारली आहे .7X 5 फूट आकाराची रांगोळी असून ती रेखाटण्यासाठी 11 तास वेळ लागला आहे. मंडोळी रोड येथील स्कायनेस्ट अपार्टमेंटच्या इन डोअर गेम्सच्या हॉलमध्ये प्रेक्षकांना पाहण्यासाठी उपलब्ध आहे. बेळगाव जिल्हा फार्मासिस्ट असोसिएशनचे अध्यक्ष जयवंत साळुंखे यांनी आज पर्यंत विविध सामाजिक कार्यासोबतच विविध रांगोळ्या रेखाटल्या आहेत. ते सामाजिक प्रबोधनात्मक वेबसिरीजचे निर्माते देखील आहेत.

22/10/2023

सीमोल्लंघन नियोजनासाठी बैठक संपन्न

बेळगाव शहरातील ज्योती कॉलेज मैदानावर पारंपरिक पद्धतीने दरवर्षी होणाऱ्या रितिरिवाजाप्रमाणे सीम्मोल्लंघन साजरा करण्याचा निर्णय घेण्यात आला.

सिद्ध भैरवनाथ मंदिरात शनिवारी सायंकाळी शहरातील पारंपरिक पद्धतीने ज्योती कॉलेज मैदानावर होणारे सीम्मोल्लंघन वेळेत पूर्व व्हावे याचे नियोजन करण्यासाठी शहर देवस्थान कमिटीचे अध्यक्ष रणजित चव्हाण- पाटील यांच्या नेतृत्वाखाली नियोजन बैठकीचे आयोजन करण्यात आले होते. बैठकीच्या अध्यक्षस्थानी शहर देवस्थान कमिटीचे अध्यक्ष रणजित चव्हाण- पाटील होते.

यावेळी शहर देवस्थान कमिटीच्या वतीने शहरातील मुख्य सासनकाठ्या आणि पालखी पंचाना सीम्मोल्लंघन दिवशी वेळेत हुतात्मा चौकात एकत्रित या अश्या सूचना देण्यात आल्या.

या सोहळ्याला एक लाख भाविक जमण्याची शक्यता असून गर्दीने त्रास होऊ नयेत म्हणून मोठे रिंगण करून त्यात पालख्या ठेवण्यासाठी चौक मार्किंग करावे जेणे करून पालख्यांचे सर्वांना दर्शन घेता येईल अशी सोय करण्याचा निर्णय झाला. यावेळी माजी महापौर मालोजी अष्टेकर, श्रीराम सेना हिंदुस्थानचे अध्यक्ष रमाकांत कोंडूस्कर, पीआरओ विकास कलघटगी, राहुल मुचंडी, विठ्ठल पाटील, गणपत चौगुले, प्रथमेश अष्टेकर आदी उपस्थित होते.

ज्योती मैदान सीमोल्लंघन कार्यक्रमासाठी जाहीर आवाहन

दरवर्षीप्रमाणे बेळगाव शहर देवस्थान मंडळाच्यावतीने येत्या मंगळवार दि. 24 ऑक्टोबर 2023 रोजी सायंकाळी 4:30 वाजता मराठी विद्यानिकेतन, ज्योती कॉलेज मैदानावर भव्य सीमोल्लंघन कार्यक्रमाचे आयोजन करण्यात आले असून या कार्यक्रमाला सर्वांनी उपस्थित रहावे, असे जाहीर आवाहन करण्यात आले आहे.

दरवर्षी सीमोल्लंघनादिवशी चव्हाट गल्लीतील पंच कमिटीच्यावतीने श्री ज्योतिबा देवाची सासनकाठी व नंदी (कटल्या) यांची विधिवत पूजा झाल्यानंतर ते मुख्य मिरवणुकीसाठी मार्गस्थ होतात. दरम्यान शहरातील इतर देवी-देवतांच्या पालख्या व शासन काठी देखील शहरातील हुतात्मा चौक येथे जमतात. त्यानंतर पालख्या ज्योती कॉलेज येथील सिमोल्लंघन मैदानाकडे मिरवणूक वाजत गाजत मार्गस्थ होते. मैदानावर बेळगावचे वतनदार पाटील यांच्या घराण्याकडे असलेल्या पारंपारिक तलवारीचे शस्त्र पूजन चव्हाण पाटील परिवार व देवस्थान मंडळाकडून केले जाते. यानिमित्ताने बेळगाव शहर देवस्थान मंडळाच्यावतीने उपस्थित मान्यवरांचा सत्कारही केला जातो. यंदा देखील याचप्रमाणे सर्व कार्यक्रम होणारा असून शहरातील सर्व देवस्थान मंडळांचे मानकरी, पुजारी, आजी-माजी लोकप्रतिनिधी, पंचमंडळ, युवक मंडळ व नागरिकांनी या कार्यक्रमाला मोठ्या संख्येने उपस्थित राहून तो यशस्वी करावा, असे आवाहन बेळगाव शहर देवस्थान मंडळाचे अध्यक्ष माजी नगरसेवक रणजीत चव्हाण -पाटील आणि सेक्रेटरी परशराम माळी यांनी केले आहे.

09/10/2023

शारदोत्सव सोसायटीच्या माजी अध्यक्षा श्रीमती निर्मलाताई जोगळेकर यांचे निधन

साहित्यिक सुधीर जोगळेकर यांना मातृशोक

मूळच्या बेळगावच्या व सध्या काही काळ पुणे येथे वास्तव्यास असलेल्या
शारदोत्सव समितीच्या माजी अध्यक्षा श्रीमती निर्मलाताई जोगळेकर वय 95 वर्षे यांचे आज सायंकाळी ६:४० मिनिटांनी पुणे येथे निधन झाले.दि. १० रोजी सकाळी कोंढवा येथील स्मशान भूमी येथे अंत्यसंस्कार करण्यात येणार आहेत.त्यांच्या पश्चात दोन मुलगे सुना मुलगी जावई व नातवंडे असा परिवार आहे कर्नल नंदू जोगळेकर व साहित्यिक सुधीर जोगळेकर यांच्या त्या आई होत.

Address

Belgaum

Website

facebook.com

Alerts

Be the first to know and let us send you an email when Sandesh News posts news and promotions. Your email address will not be used for any other purpose, and you can unsubscribe at any time.

Videos

बेळगाव आमच्या हक्काचे.....नाही कुणाच्या बापाचे ! ६७ वर्षाच्या लढ्यात सिमावसियांची ५ वी पिढी सक्रिय

खादरवाडीच्या भरत माळवी यांनी साकारला लग्न सोहळा हा देखावा

सार्वजनिक गणेशोत्सव मंडळ शनिवार खुट येथील बेळगावच्या महाराजाची आकर्षक मूर्ती पहा संदेश न्यूज वर

दडपण चित्रपट प्रदर्शित झाल्यानंतर आपल्या बेळगावकर प्रेक्षकांच्या प्रतिक्रिया

येळ्ळूरमध्ये दहीहंडी कार्यक्रम संपन्न बुधवार दिनांक 05/06/2023 रोजी संध्यकाळी 6-30 वाजता येळ्ळूर येते दरवर्षी प्रमाणे दहीहंडी कार्यक्रम संपन्न झाला. आषाढी एकादषीला पंढरपूर वारी संपपून वारकरी गावामध्ये आल्यानंतर दहीहांडीचा कार्यक्रम आयोजित केला जातो. ही दहीहंडी गावातील हक्कदार याच्या घरातुन वाजत गाजत श्री हरी विठ्ठलाच्या जयघोषात आनंदानं श्री चांगळेश्वरी मंदिरकडे आणले जाते व मंदिर समोर सर्वाच्या उपस्थित दहीहंडी मानाच्या लाकडाच्या a ओंडक्याला बाधून सभोवती फिरवली जाते व गावातील नागरिकांच्या वतीने दहीहंडी फोडली जाते व सर्वाना तिर्थ प्रसाद देऊन कार्यक्रमाची सांगता करण्यात येते. गावातील सर्व वारकरी व नागरीक मोठ्या संख्येने उपस्थित राहतात. दहीहंडी कार्यक्रमाचा आनंद लुटतात.

युवा समिती तर्फे वाढीव वीज दरवाढ मागे घ्यावी यासाठी हेस्कॉमला निवेदन पहा, श्रीकांत कदम काय म्हणाले

कन्नडसक्ती विरोधी आंदोलनातील हुतात्म्यांना अभिवादन समिती नेते प्रकाश मारगाळे काय म्हणाले ते पहा

टिळकवाडी खानापूर रोड वर धावत्या कारला आग

खानापूरात मराठीच्या रक्षणासाठी कार्यकर्ते स्वतःची भाकरी बांधून समितीच्या प्रचारात सहभागी

अनगोळात रमाकांत कोंडुस्करना पाठिंबा देण्यासाठी जनसागर लोटला

बेनकनहळीत आर. एम. चौगुले यांच्या प्रचारात घागर घेऊन असंख्य महिलांचा सहभाग

मजगावमधील सर्व समाजाकडून रमाकांत कोंडुस्कर यांना पाठिंबा

बेळगाव ग्रामीण मध्ये काँग्रेसच्या उमेदवार लक्ष्मी हेबाळकर यांचा प्रचार करण्यासाठी दाखल झालेले काँग्रेस नेते व माजी मुख्यमंत्री अशोक चव्हाण, माजी मंत्री सतेज पाटील याना देखील सिमावासीयांनी दाखवले काळे झेंडे

उपमुख्यमंत्री देवेंद्र फडणवीस व गिरीश महाजन भाजपा प्रचाराला आले असता समिती नेत्यांनी त्यांचा काळे झेंडे दाखवून निषेध केला.

महाराष्ट्राचे माजी उपमुख्यमंत्री आर.आर पाटील यांचे चिरंजीव रोहित पाटील यांचे सिमावसियांना केलेले आवाहन पहा संदेश न्यूज वर

महाराष्ट्र एकीकरण समितीची भूमिका मांडत आहेत मराठी रणरागिणी

येळ्ळूरात मतदारराजाला रणरागिणीची साद पहा संदेश न्यूजवर

हलगा बस्तवाड येथील रोजगार हमी योजनेतील कामगार आर.एम.चौगुले यांच्या पाठीशी हलगा बस्तवाड येथील रोजगार हमी योजनेतील कामगारांनी बेळगाव ग्रामीण मधील म. ए. समितीचे उमेदवार आर. एम. चौगुले यांना पाठिंबा जाहीर केला आहे

महाराष्ट्र एकीकरण समिती ने पुकारलेला रिंग रोडच्या विरोधात जन आक्रोश आंदोलन बेळगुंदी येथे करण्यात आले. यावेळी सहभागी समिती नेते आर एम चौगुले, बेळगुंदी परिसरातील शेतकरी महिला वर्ग व कार्यकर्ते बहुसंख्येने उपस्थित होते.

अबाल वृद्धांच्या उपस्थितीत रंगली बेळगुंदी संमेलनाची ग्रंथदिंडी

चाबूक मोर्चात शेतकरी नेते राजू मरवे काय म्हणाले ते पहा संदेश न्यूजवर

चाबूक मोर्चाचे जिल्हाधिकारी कार्यालयाकडे कूच

ग्रामस्वच्छतेबाबत हिंडलगा ग्रामपंचायत अध्यक्ष नागेश मन्नोळकर यांनी केले आवाहन

अलोट गर्दीत उत्साहात बेळगावच्या मानाच्या पालख्या सिमोलंघन मैदानात दाखल होताना

गणेशोत्सवा निमित्त निर्माल्य व्यवस्थापनाबाबत माजी महापौर विजय मोरे यांनी बेळगावकरांना केलेल्या सूचना

बिबट्या पळाला पोलिसांना चुकवून .पहा व्हिडिओ

बिबट्याचे पुन्हा दर्शन: वनखाते मागावर : 22 शाळांना सुट्टी जाहीर बेळगाव: सोमवारी पहाटे सहाच्या दरम्यान वनिता विद्यालयाजवळ बिबट्याचे दर्शन झाल्याचा व्हिडिओ एका प्रवाशाने व्हायरल केल्याने या भागात भीतीचे वातावरण तयार झाले आहे. याची दखल घेत जिल्हाधिकाऱ्याने या भागातील 22 शाळांना सुट्टी जाहीर केली आहे. माहिती मिळाल्यापासून वन खाते बिबट्याचा कसून शोध घेत आहे अशी माहिती आर एफ ओ अँटोनी मरिअप्पा यांनी दिली. महात्मा गांधी चौकाकडे जाणाऱ्या रस्त्यावर आज सोमवारी सकाळी बिबट्याचे दर्शन झाल्याने शिक्षण विभागाचे उपसंचालक बसवराज नालतवाड यांनी या रस्त्यावर भरणाऱ्या 22 शाळांना सुट्टी जाहीर केली. बेळगावातील गोल्फ मैदान आणि पर्यावरण पार्कमध्ये गेली महिनाभर बिबट्याचे अधूनमधून दर्शन होत आहे. यामुळे या परिसरात भीतीचे वातावरण आहे .16 आगस्ट नंतर या शाळा सुरू करण्यात आल