Urunani r'wibimenyeshamakuru

21/08/2024

🔴 CNIDH, nyaragasa mutabare uyu muryango muri BSR !

Hari umuntu yaraye atabarije umuryango w'abarabu boba bariko baratotezwa bikomeye. Yatwandikiye ati :

"Amahoro. Turashima ukuntu mwama mugerageza gutabariza abantu. Nagira umfashe udutabarize : ni umuryango w'abarabu, umugabo n'umugore. Ejo hahise (ku wambere 19.8.2024), bari bagiye kuvunja amafaranga baca barabafata kubera bari bafise amahera menshi cane, umugabo bamujanye kumupfungira muri documentation, umugore n'utwana twiwe tune (harimwo n'uruyoya) babapfungiye ngaha kuri BSR. Birababaje umubonye uwo mugore n'utwana, kuko bavuga icongereza. Uwo mugore avuga ko bamwambuye ibintu vyose : iterefone n'amahera. Nukuri umubonye uraterwa n'akagongwe, kubera nta mahera y'ibifungurwa bafise, nta cepfo na ruguru bafise, utwana tugira tubapfireko. Turakwinginze umutabarize."

🔴 Iyi nkuru hari vyinshi ibuze, uwayiduhaye nawe ntiyasubiriye kutwishura. Bishoboka ko uwatanze Inkuru nawe atasubiriye kuronka uko yandika. Ntitwamenye amazina y'abapfunzwe, ntitwamenye n'ikibanza bafatiwemwo. Ariko hariho ibintu bihambaye vyumvikanamwo :
1. Umukenyezi w'umwarabukazi apfungiwe muri BSR n'utwana 4 turimwo uruyoya
2. Abafashe uyu mukenyezi bamutwaye telefone n'amafaranga yose yari afise : ntagira uko agaburira abana kandi ntagira uko yotabaza abiwe.
3. Uyu mukenyezi avuga icongereza bigatuma atanoroherwa mu kuvugana n'abandi
4. Serugo nawe yatandikanijwe n'abiwe ajanwa muri documentation. Ahorwa ko yafashwe agiye kuvunja amafaranga menshi.

🔴 Turasavye CNIDH inyarukire muri BSR muri kino gitondo maze itabare bano bantu. Nta mpamvu n'imwe yosigura ingene bano bana bapfungiwe muri BSR, ikibanza kibi cane kitagira n'ahantu horara abana. Nimba serugo yafashwe kubera agiye kuvunja, uyu muvyeyi n'abana nabo bariko bazira iki ? Ivyabo vyibwe ni nde abibazwa ?

🔴 Umuntu wese azinanye n'abo muri CNIDH afashe kubaha iyi nkuru batabare.

Uworonka umuco kuri iyi nkuru yowudusangiza.

Pacifique Nininahazwe, FOCODE, 21.8.2024

-------------------------

Ico uwaduhaye Inkuru yahavuye yongerako :

"Nta photo yabo mfise kandi nta n'amazina yabo mfise. Gusa ejo naciye kuri BSR (...) bintera intuntu n'umubabaro ndababonye. Ni abarabu bafashwe ku wambere ku mugoroba, umugabo aca ajanwa muri documentation. Umugore n'utwana bashikanywe muri BSR isaha zitatu z'ijoro (21h). Umwe mu baporisi ababonye ngo yaciye avuga ngo : agafu karabonetse ! Uko niko nabihawe n'abo nahasanze. Rero hari abapfunzwe baguma babavugira kubera batewe n'ikigongwe cabo bana. Abana bamerewe nabi cane : ibihere, inzara, bafurutiwe umubiri wose kubera ibihere. Uwubavugiye abapolisi bamwishura ko dossier yabo iri hejuru. Hari uwundi yashoboye kubaza uwo mugore, nawe aca amubwira ko basi bopfuma bamujana kuri ambassade, ati : nibagombe bamutware vyose ariko arabe ingene yova ngaho kubera abana, kuko ntabona ico azira."

Ibi bintu ni akamaramaza ku Burundi !

20/08/2024

Buringa : Baratabariza uwabo yitwa Eric Mayeye !

Hari umuryango w'i Buringa muri komine Gihanga waraye utabaje inyuma y'ifatwa ry'uwabo, umusore yitwa Éric Mayeye, yahagaritswe ku mugoroba w'ejo haheze. Uwo muryango uvuga ko ufise amakenga, ufatiye ku gikenye ca Emery Badogo yafashe Eric Mayeye.

Éric Mayeye ni nde ?

Éric Mayeye ni umusore w'imyaka 31, yavukiye mu Rukaramu muri komine Mutimbuzi, ariko yakuriye aho i Buringa muri komine Gihanga mu ntara ya Bubanza. Éric ni umuhungu wa Alfred Mayeye na Marthe Nzobaraba. Azwi nk'umunywanyi w'umugambwe CNL, ariko abiwabo bavuga ko ata vya politike yarakijamwo. Mu kazi kiwe ka misi yose, Éric akorera kw'itongo ry'abapfuye ku Mpanda, aho avomera amazi ababa bariko barubaka imva.

Aho nyene akorera kw'itongo ry'abapfuye ku Mpanda niho Éric Mayeye yahuriye n'ivyago mu ndwi iheze. Mu gihe Eric na mugenziwe bariko baravoma amazi y'abubatsi niho haza agahungu k'imyaka nka 15 kihagarika (umwanda mukuru) mu kinogo bariko bavomamwo amazi. Éric na mugenziwe bafatwa n'ishavu barakubita inkoni ka gahungu. Nako kava ngaho kaja kubibwira nyina, uyu nawe abimenyesha sewabo wa ka gahungu, uwitwa Emery Badogo. Emery Badogo ni nk'igihangange aho i Buringa, bose baramutinya kubera akomeye mu mugambwe CNDD-FDD. Niho haca haduka isekeza ryo kurondera Éric Mayeye na mugenziwe, nabo bahava barahunga baja kunyegera bumvise ko barobderwa na Badogo.

Umuvyeyi wa Éric Mayeye yaragiye mu muryango wa wa muhungu yakubitwa, arasigura uko vyagenze, arabasaba imbabazi ku makosa y'umuhungu wiwe. Imiryango yumvikanye ko abahungu basubiriye kuboneka, abaryango bazohura bagaheza ico kibazo. Alfred Mayeye yaranabimenyesheje mu bajejwe intwaro.

Ifatwa rya Éric Mayeye na mugenziwe

Ku mugoroba w'ejo haheze (19.8.2024), Éric Mayeye na mugenziwe baragarutse i Buringa. Mu gihe bari kw'ibarabara rya kaburimbo, bariko bitegura kuja mu muryango wa wa muhungu yakubitwa, niho haza imodoka ya Badogo, aca ategeka abapolisi bari kumwe gufata Éric Mayeye na mugenziwe, kubaboha no kubakubita bakabanoza. Ivyo vyose barabikoze baca babaterera muri ya modoka ya Emery Badogo, nawe afata ibarabara rija i Gihanga.

Abaryango ba Éric Mayeye bararanye ubwoba bwinshi. Ntibazi iyo Emery Badogo yajanye Éric Mayeye na mugenziwe, ntibazi uko baraye bameze. Ku bwabo ico kibazo cari gito kuko imiryango yari yumvikanye uko ikirangiza. Ntibatahura ingene umuntu, kubera akomeye muri CNDD-FDD, aca agira ububasha bwo kwihanira, agahagarika abantu ijoro ata mutahe afise, akabakubitisha, akongera akabajana iyo ashatse. Baratakamba ngo umwana wabo ntiyicwe mu gihe uyu mwaka aho muri komine Gihanga hagiye harafatwa abantu bakaca baburwa irengero ryabo.

Ntituraronka Emery Badogo nawe ngo agire ico avuze kuri ivyo yagirijwe.

Pacifique Nininahazwe, FOCODE, 20.8.2024

---------------------

Ico tumaze kumenya nuko Éric Mayeye na mugenziwe baraye mu gasho ka komine Gihanga.

18/08/2024

🔴 Ya ndwi y'isuku yagenze gute ?

Mu mpera y'indwi iheze, aho yariko arakubura ku bushikiranganji bw'amagara y'abantu i Bujumbura, Prezida Ndayishimiye yatangaje n'ishavu ry'inshi ko iyi ndwi yose abakozi ba Leta batazinjira mu biro kiretse abaganga n'abacamanza. Abakozi bo mu biro bose yabarungitse gukora isuku, yanongeyeko ko abizi ko Abarundi bakunda amakonji aca avuga abakuye mu biro indwi yose kugira bamaramare bamaze kubona umwanda bakoreramwo.

Mu ntango y'iyi ndwi twari twavuze ko ingingo yo kwitwararika isuku ari ingingo nziza ariko ko mu gihe ata politike y'isuku ikozwe ataco vyomara kubivuga gusa. Gushira mu ngiro ingingo ya Prezida Ndayishimiye vyari guhinduka guhagarika igihugu cose.

🔴 Inyishu itomoye ya Daniel Gélase Ndabirabe

Ku wambere uheze, inzego nka zose z'igihugu zaritavye akamo ka Prezida Ndayishimiye. Hari amabiro menshi yiriwe yugaye : OBR, amaposita, OTRACO, n'ahandi. Hari abandi bugaye gushika isaha zitandatu canke umunani, inyuma y'umutaga baca barakora. Hari ababwiye abakozi ko bukeye ku wakabiri bazobandanya isuku, ariko ntivyubahirijwe. Ni bake cane basubiriye ivyo bikorwa. Ku wagatatu ho vyasa n'ivyibagiwe.

Inyishu nziza, mu rupfasoni, yatanzwe n'umukuru w'Inama Nshingamateka, Gélase Daniel Ndabirabe. Yarifatanije na bamwe mu bakozi b'Inama Nshingamateka, barakubura amababi akoroka ava ku biti, aca atangariza abamenyeshamakuru ati :
"Twebwe ntitwarindiriye akamo k'umukuru w'igihugu kugira twitwararike isuku. Mu Nama Nshingamateka twarondeye ishirahamwe rikora ivy'isuku tugiranira amasezerano. Niyo mpamvu mubona twebwe haguma ari heza. Vyoba vyiza no mu zindi nzego babikoze gutyo." Bukeye, mu Nama Nshingamateka, baciye bisubirira mu kazi ukuri kwamye.

Aya majambo ya Gélase Ndabirabe asigura vyinshi. Mu ncamake yagize ati : dutegerezwa kumenya gushiraho abajejwe ivyo bikorwa vy'isuku maze ayandi mabanga y'igihugu akabandanya gukorwa. Yabaye imvugo y'urupfasoni yo kubwira Prezida Ndayishimiye ko yatangaje ingingo atiyumviriye neza.

🔴 Isoko nkuru ya Bujumbura yoba yarakubuwe ?

Hari uwatwandikiye ati :

"Twumvise Prezida Ndayishimiye avuze indwi y'isuku duca twiyumvira tuti : ubuho yemwe ya ahahoze isoko nkuru ya Bujumbura hagira haze hakorwa ! Twarumvise mu mezi aheze Bob Rugurika avuga ko urya mwanda ufise ico upfana n'ibintu vy'amangetengete y'abategetsi. Twari tuzi ko igihe co kuvuguruza Bob Rugurika kigeze. Ariko twaratangaye, nta na kimwe cakozwe kijanye no gusukura harya hantu. Ivyaho birateye isoni. Kubona Umukuru w'igihugu avuga indwi y'isuku mu gisagara, kubona umupfasoni w'umukuru w'igihugu yama avuga ko yahawe n'igihugu ca Turikiya amahera yo gukora isuku mbere akaba ahora aza gukubura mu gisagara, kubona umukuru w'igisagara yama yatunganije ibikorwa vy'isuku, ariko akaba ata n'umwe yigera atumbera hagati na hagati mu gisagara ahahoze isoko nkuru, ni ibintu bisiga ubwenge. Mu ncamake baravuga isuku ariko bakubaka igicaniro c'umwanda hagati mu gisagara."

Nta nyishu twaronse twoha uyu muntu yatwandikiye. Ariko ivyo avuga barakomeye. Ni gute hatunganywa indwi y'isuku kw'itegeko ry'umukuru w'igihugu ariko ntihagire igikorwa kijanye n'ikibanza ca mbere umwanda mu gisagara ca Bujumbura ?

🔴 Ijambo ry'umukuru w'igihugu rihabwa agaciro kangana gute ?

Ishavu Prezida Ndayishimiye yavuganye, uburemere bw'amajambo yakoresheje, vyanoneka nk'itegeko ridasanzwe atanze. None vyagenze gute ngo ya ndwi y'isuku ntiyubahirizwe ? Ubwo we nyene yarubahurije ivyo yivugiye ? Yoba we nyene yarahagaritse ibindi bikorwa afata abo bakorana baja mu vy'isuku ? Mu gihe abandi bategetsi bamubonye kuva ku wakabiri nyene kubivuga yabivuyemwo, burya bari kubandanya gute ivyo bikorwa vy'isuku ?

Mbe hoho ivyo yari yategetse iyo bikurikizwa, Uburundi bwari kwunguka iki ? Ubuzi bwose buhagaze umusi umwe gusa ibipfa birengeye kure amafaranga yokoreshwa mu guhemba amashirahamwe yo gukora isuku. Iyo bigenda gutyo indwi yose ho ntawuzi igiciro n'ingaruka vyogize. Ingingo ivugwa mw'ishavu itiyumviriwe ni mbi cane, aho gukiza irica. None Prezida yoba yize neza ingingo yiwe? Inzego zimufasha zoba zaramufashije kwiga iyo ngingo? Ikindi kibi c'iyi ngingo ni ingene ijambo ry'umukuru w'igihugu ririko rirata agaciro. Iyo benshi bamwumvirije akankama, bagira bati: nimumwihoze gato, ejo azoba ageze kuvuga ibindi. Mu kanya ka mbere abakozi barigira abamwumvirije, mu nyuma bakibandaniriza ivyo bahoramwo ataco binona. Nivyo vyabaye no kuri rino jambo: ku wambere abategetsi bareretse Ndayishimiye ko bamwubashe, ku wakabiri naho bamweretse ko batemeye ivyo yavuze !

🔴 None, hagiye gukurikira iki mu bijanye n'isuku ? Ni uruhe rwego rujejwe kubikurikirana ? Impanuro ya Gélase Daniel Ndabirabe izokurikizwa ?

18/08/2024

Shout out to my newest followers! Excited to have you onboard! Majambere Silas, Richard Mukuyu

07/08/2024

Shout out to my newest followers! Excited to have you onboard! Jean Marie Bigirimana, Aziza Fatuma, Amani Rukundo, Pascal Bucumi

03/08/2024

01/08/2024

Shout out to my newest followers! Excited to have you onboard! Irankunda Jean De Dieu, Juwayako ThéoCy, Chrislogue Gahimbare, Déo Habonimana

27/07/2024

Shout out to my newest followers! Excited to have you onboard! Mwamini Muuminat, Richard Niyongabo, Mushambo Verite

17/07/2024

Shout out to my newest followers! Excited to have you onboard! Ren Ndayike, Martin Rutenderi Tenge

10/07/2024

Shout out to my newest followers! Excited to have you onboard! Pierre Claver Manirakiza, Alice Muhayimana, Biz Goreth, Denise Bucumi Nkurunziza

07/07/2024

Shout out to my newest followers! Excited to have you onboard! Eraste Minani, Délice Nyamuraka, Marichior Igirukwishaka, Jean Bosco Ntahonkuriye, Fabrice Havyarimana, Ngendakumana Thelance

04/07/2024

Shout out to my newest followers! Excited to have you onboard! Eraste Minani, Délice Nyamuraka, Marichior Igirukwishaka, Fabrice Havyarimana, Ngendakumana Thelance

28/06/2024

Shout out to my newest followers! Excited to have you onboard! Lévis Nshimirimana, Jean Bertland Mugisha

16/06/2024

Shout out to my newest followers! Excited to have you onboard! Niyongabo Therenc, Ramadhan Mugisha, Ramadan Sinzinkayo, Pantecote Ntahompagaze

10/06/2024

Amatora ya Buraya kuri uyu wa mungu araba mu Bubiligi

Abashika 45 bamuka mu no mu baritoza
https://bbc.in/4ecwx06

10/06/2024

10/06/2024

10/06/2024

🔴 Kamenge : Hari umuntu yoba ari umunyamulenge yururukijwe imodoka ya Air Ponctuel !

Twaronse ubutumwa bugira buti :

"Amahoro neza. Mutabarize umuntu yafashwe n'igipolisi mu Kamenge urenganye présidence. Ntiyavuga ikirundi, bamukuye mu modoka twarimwo tuvuye i Gitega, Agence yanditseko Adonai, amaticket baduhaye yari yanditseko Air Ponctuel. Nta kirundi yarazi kuvuga, abari bamwegereye bavuze ko yoba yari umunyamulenge. Bavuga ko yoba yari arwaye canke yahora apfunzwe bihweje ingene yari afise amagara make. Vyabaye hagati y'isaha zine n'iminota 45 z'igitondo (10h45) n'isaha zitatu (11h)."

🔴 Abomenya uyo muntu botwandikira muri Ndondeza kuri WhatsApp +32465651905.

10/06/2024

Shout out to my newest followers! Excited to have you onboard! Elias Hatungimana, Nahayo Pascal Debaste, Lin Elvis, Chadrack Gil Niyonkuru, Bukeyeneza Jonathan

06/06/2024

Shout out to my newest followers! Excited to have you onboard! Nahayo Pascal Debaste, Elias Hatungimana, Lin Elvis, Chadrack Gil Niyonkuru, Bukeyeneza Jonathan

30/05/2024

Shout out to my newest followers! Excited to have you onboard! Batururimi Yvan Jeclin, Ismail Hassan Bahigeze

24/05/2024

Shout out to my newest followers! Excited to have you onboard! Aaron Nzoyisab, Vosi Melki, Pierre Nsabimana

17/05/2024

Ejo yarabonye ikibondo ciwe, atashe aca aricwa !
Urupfu rubabaje rwa Brice Irakoze !

Umuryango wa Brice Irakoze wazindukanye agahinda katagira izina. Mu gatondo ka kare k'uno musi (16.5.2024), ikiziga ca Brice Irakoze cari mu muserege ahitwa Avenue Gushurushuru muri quartier Carama, mu buraruko bw'igisagara ca Bujumbura. Ikiziga caboneka ko yishwe acumiswe imbugita nyinshi. Imodoka yiwe, RAV4 C3372 yari iruhande y'ikiziga. Biraboneka ko n'ijoro hari abantu bamuhagaritse, bamukura mu modoka baca baramwica, basiga bamutaye mu mugende w'amazi.

Brice Irakoze yari atahanye umunezero kuko yari avuye ku bitaro aho umukenyezi wiwe yari ahejeje kwibaruka. Kw'ifoto, aho ateruye ikibondo ciwe, abonekesha umunezero n'amahoro, nk'umugabo ateruye ikibondo ciwe ubwambere nyene. Ntiyari azi ko akibonye ubwambere kandi ribaye irya nyuma. Ntiyari azi ko atazobona uko uwo mwana azokura. Ntiyari azi ko atagisubira kubona uyu mukenyezi yari ahejeje kumugira umuvyeyi. Ba rwankabiyago bari bateze, biteguriye kumwaka ubuzima !

Ibi bintu bizohera ryari ? Ubu bwicanyi bwasubiriye kwimonogoza buriko buva kuki ? Amabarabara menshi i Bujumbura yuzuye Imbonerakure n'abapolisi bakizura, ariko ntibibuza ko Abarundi baguma bicwa abandi baranyuruzwa, kenshi ntihabe inkurikizi n'imwe...

Brice Irakoze yavuka muri komine Rango mu ntara ya Kayanza. Asize umukenyezi n'abana babiri. Abamuzi bamuvuga nk'umunyamahoro. Yakuriye mu muhari w'aba SCOUT, aho ari hose yari umuntu aremesha abandi.

Turahojeje umuryango w'umuhisi Brice Irakoze. Imana ibakomeze muri bino bihe bitoroshe.

06/05/2024

Umurundi Irakoze Blaise yaraye atashe mu Burundi avuye mu Buganda, aca arahagarikwa n'iperereza ageze ku mupaka wa Kobero !

Uyu musore tubona kw'ifoto yitwa Irakoze Blaise. Ni umurundi yari amaze igihe arangurira imirimo yiwe mu gihugu c'Ubuganda, ahitwa Nakasongera. Niho yafata umugambi wo gusubira mu Burundi. Kubera ikimuranga cari carataye igihe, Blaise yaciye mu buserukizi bw'Uburundi i Kampala kurondera urupapuro atahirako bita "Go Home". Abiwe bavuga ko aho mu buserukizi bw'Uburundi, Blaise yabajijwe ibibazo vyinshi cane. Ariko akibaza ko ataco bitwaye mu gihe ataco yiyagiriza akaba atashe mu gihugu c'amavukiro.

Abiwe bavuga ko ku wagatandatu ku mugoroba (04.5.2024) Blaise Irakoze yuriye imodoka ya agence bita "Friends" kugira imushikane i Bujumbura. Yabaye acinjira ku mupaka w'Uburundi i Kobero ejo haheze, asanga abakozi b'iperereza baramurindiriye bafise n'ifoto yiwe. Ubwo nyene baca baracakira. Ababibobye nibo batabaje abaryango babamenyesha ibihejeje gushika. Blaise Irakoze yoba apfungiwe mw'iperereza i Muyinga.

Abiwe ntibazi ico Blaise Irakoze azira. Mu Buganda yari yagiyeyo gukora akazi, ntabwo we ari mu barundi bahunze kubera ibibazo vya politike. Nkuko muvyibuka, haraciye indwi zikeya, uwundi murundi yari amaze imyaka aba mu Rwanda no mu Buganda yaratashe nkuko nyene aca arahagarikwa n'iperereza rifatanije n'imbonerakure, amara indwi irenga atawuzi irengero ryiwe. Hano twagumye dusemerera gushika ararekurwa. Twasanze yari apfungiwe mw'iperereza mu gihe yaba uwutwara Imbonerakure i Muyinga, yaba uwutwara iperereza i Muyinga nyene, bose bari bahakanye ko atari bo bafashe uwo muntu.

Hoba harabwa iki kugira bamwe mu barundi batashe bace bafatwa ? Hoba hariho Abarundi basigaye binubwa n'igihugu cabo ? Mbe hoho ni kuki inzego zifata Abarundi batahutse zitaca zibimenyesha Imiryango yabo ?

Abaryango ba Blaise Irakoze barasaba ko uwabo atogirirwa nabi. Basaba ko nimba hari ico yiketsweko canke yagirizwa bokimenyeshwa, nimba hari ahasabwa umuco bakanafasha kuwutanga.

24/04/2024

Shout out to my newest followers! Excited to have you onboard! Idrissa Ndayisenga, Iranshigikiye Pacifique, Elias Niyomwungere

21/04/2024

Abarundi 8 baramaze kugandagurwa mu kwezi kumwe muri Afrika y'epfo !

Abarundi bari muri Afrika y'epfo, canecane mu gice ca Capetown, ntiborohewe. Basigaye babayeho bariko barashira hamwe intererano zo guhamba bagenzi babo. Muri ino ndwi bashinguye batatu, mu ndwi yahera bari bashinguye babiri. N'imiburiburi Abarundi 8 barishwe mu kiringo c'ukwezi kumwe, hagati ya ntwarante na ndamukiza 2024. Hari abatubwiye ko abishwe bashobora kuba ari icenda muri ico ikiringo gusa. Abarundi barababajwe n'agacerere k'abategetsi b'Uburundi be n'abaserukira Uburundi muri Afrika y'epfo.

Hano ku mafoto murabona abo tumaze kumenya :

1. Ifoto ya mbere ni umurundi yishwe ku wakane uheze (18.4.2024), yarasiwe mw'ibutike yakoreramwo. Izina ryiwe ntiturarimenya. Uwomumenya yotwandikira.

2. Ifoto ya kabiri ni Franck Shima yishwe itariki 11.4.2024, yarasiwe mw'ibutike yakoreramwo. Franck Shima yavuka mu Kigwena mu ntara ya Rumonge. Agiye afise imyaka 26 gusa.

3. Ifoto ya gatatu ni Élysée Tuyisenge yishwe italiki 07.4.2024, yarasiwe mw'ibutike yakoreramwo.

4. Ifoto ya kane ni Paul Ndabahinyuye yishwe itariki 25.3.2024, yarasiwe mw'ibutike yakoreramwo, inyuma y'indwi zibiri atanguye akazi. Paul Ndabahinyuye yavuka mu Rumonge.

5. Ifoto ya gatanu ni Vedaste Nkurunziza yarashwe itariki 24.3.2024 muri salon de coiffure yakoreramwo, aca acikana itariki 05.4.2024.

6. Ifoto ya gatandatu ni Adrien Nyandwi yishwe itariki 23.3.2024, yarasiwe mw'ibutike yakoreramwo. Adrien Nyandwi yava mu ntara ya Rumonge.

7. Ifoto y'indwi ni Raymond Ndikumana yarashwe itariki 05.3.2024 n'umurwi w'abanya Etiyopiya. Raymond Ndikumana yavuka mu Ruziba.

8. Ifoto y'umunani ni Jean-Claude Ndayishimiye yishwe itariki 05.3.2024. Jean-Claude apfuye afise imyaka 20 gusa y'amavuka.

Umurindi w'igandagurwa ry'Abarundi baba muri Afrika y'epfo urateye ubwoba. Aba bose bari bagiye kurondera ubuzima, bari batunze imiryango mu Burundi. Leta y'Uburundi ntikwiriye kwihoza aya magorwa y'Abarundi. Ntikwiriye kuguma yinumiye.

Turahojeje imiryango yaburiye ababo muri buno bwicanyi.

21/04/2024

🔴 Ubwo Guillaume Gahungu aracari muzima ?

Amakuru ariko arava i Gihanga mu ntara ya Bubanza ntahumuriza na gatoya. Twari twaraye dutabarije Guillaume Gahungu, umukozi wa ITAB Gihanga, yanyurujwe ku mugoroba wo ku wagatatu uheze (17.4.2024). Inyuma y'umusi wose yirigwanye n'imbonerakure Nestor Munezero batazira MBIKE, yahavuye ajanwa kw'ipikipiki n'uwo MBIKE nyene. Abanyuma babonye Guillaume hari isaha zibiri z'ijoro n'iminota 47 (20h47) ahetswe na MBIKE kw'ipikipiki. Kuva ubwo Guillaume Gahungu ntiyasubiriye kuboneka, amatelefone yiwe yarazimijwe. MBIKE yavuze ko yajanye Guillaume Gahungu kw'ibarabara rya Bujumbura - Rugombo aho yoba yavuga ko hari abantu arindiriye bafitaniye "idiri". Ivyo nta n'umwe avyemera mu muryango no mu bagenzi ba Guillaume Gahungu.

Kuva uno musi mu gatondo, umwiheburo ni wose mu muryango wa Guillaume Gahungu. Icizere co gusubira kubona uwabo gisa n'icaheze kubera amakuru avuga ko yoba yaramaze kwicwa. Twagerageje kubaza isoko ryacu mw'iperereza ry'Uburundi, naryo nyene ryaduhaye amakuru adahumuriza na gatoya: nta kimenyetso na gitoya ko Guillaume Gahungu yoba yarapfungiwe mw'iperereza. Iryo soko ryaronse amakuru ko Guillaume Gahungu yoba yagandaguwe mw'ijoro ryo ku wagatatu nyene, kandi ko yoba yaciye ahambwa.

Kuri uno mugoroba, hari ibihuha vyinshi biriko birakwiragizwa ko ikiziga ca Guillaume Gahungu coba catowe mu Rukoko. Ayo makuru ni ikinyoma. Kugeza ubu nta kiziga ca Guillaume Gahungu kiraboneka nkuko tubimenyeshwa n'abaryango.

Amakuru yose turiko turaronka yemeza ko Guillaume Gahungu yafashwe n'iperereza ku mugoroba wo ku wagatatu. Umukuru w'iperereza mu ntara ya Bubanza, Pontien Bigiruwuhiriwe, niwe wambere akwiriye kubazwa inyuruzwa rya Guillaume Gahungu. Muri kino gihe yigira uwuriko aratohoza, ariko nta no gufata Nestor Munezero batazira MBIKE ngo asigure iyo yajanye Guillaume Gahungu. Ni inkinamico nkuko vyama !

Uwogira ifoto ya Pontien Bigiruwuhiriwe n'iya Nestor Munezero batazira MBIKE, yoyidusangiza.

🔴 , koko urabaho ?

20/04/2024

🔴 Général Prime Niyongabo ntiyahinduriwe amabanga nkuko bikwiragizwa kuva ejo.

Kw'igenekerezo rya 18.4.2024 Prezida Evariste Ndayishimiye yarashize umukono kw'itegeko rigena Général Prime Niyongabo mu mabanga y'umukuru w'urwego rw'igihugu rujejwe imidari y'iteka, uwo bita Chancelier des Ordres Nationaux. Uretse umukuru warwo, urwo rwego bita Conseil des Ordres Nationaux rusanzwe rugizwe n'abandi bantu umunani bagenwa n'umukuru w'igihugu. Uwurongoye urwo rwego afise icubahiro kingana n'ic'umushikiranganji kandi ahabwa ivyankenerwa (avantages) bisanzwe bihabwa abashikiranganji. Abagize urwo rwego bose bagabwa n'umukuru w'igihugu asanzwe yitwa "Grand Chancelier des Ordres Nationaux". Urwo rwego rufasha Umukuru w'Igihugu guhitamwo abahabwa ibidari vy'iteka n'ubushimwe bw'igihugu.

Muri ayo mabanga, Général Prime Niyongabo asubiriye umuhisi Lieutenant-Général Godefroid Bizimana yari yagenywe muri 2023, nawe akaba yasubiriye Lieutenant-Général Gabriel Nizigama yari yagenywe muri 2019, nawe yasubiriye Général Alain Guillaume Bunyoni yari yagenywe muri ndamukiza 2015. Uwambere yahawe ayo mabanga ni Augustin Nsanze yagenywe muri 2013.

🔴 Général Prime Niyongabo arabandanya kurongora igisirikare c'Uburundi

Hari benshi bibajije ko ayo mabanga mashasha ya Général Niyongabo amutuma ava ku burongozi bw'igisirikare. Sivyo na gatoya. Itegeko rivuga ko amabanga yonyene atabangikanywa no kuba "Chancelier des Ordres Nationaux" ari ukuba mu bagize Leta canke kuba mu Nama Nshingamateka na Nkengunzamateka. Abandi bose bahawe ayo mabanga imbere ya Général Prime Niyongabo baragumanye amabanga bari basanganywe.

Kugeza ubu Général Prime Niyongabo niwe mukuru w'igisirikare c'Uburundi amaze umwanya munini cane muri ayo mabanga. Nta wundi yari bwamare imyaka 12 muri ayo mabanga, uwumukurikira ni Général-Major Thomas Ndabemeye yabaye muri ayo mabanga imyaka 9 : kuva mu 1967 gushika mu 1976.

Hari abavuga ko atari vyiza na gato ko umukuru w'igisirikare amara umwanya munini cane mu mabanga kubera aca agitwara nk'umurima wiwe, na rirya ari urwego rukoresha amafaranga menshi cane. Muri kino gihe Général Niyongabo afatwa nk'umwe mu batunzi bambere mu Burundi, mu gihe vyinshi muvyo adandaza binafatanye n'ibikorwa vy'igisirikare. Biravugwa ko igisirikare coba kigurira imiti muri pharmacies za Prime Niyongabo, ko microfinance yiwe ifise uko ikorana n'igisirikare, ko aherutse gushiraho iyindi microfinance yitwa iy'abasirikare bato ariko umutahe wayo ukaba ahanini uwa Prime Niyongabo n'uwuyitwara akaba umusirikare yahoze ajejwe umutekano wiwe. Prime Niyongabo avugwa ko yoba ariwe arekuriwe kurangura inzoga yitwa Skoll ikorerwa mu Rwanda, mbere akabandanya ayinjiza no muri kino gihe Uburundi buvuga ko bwugaye imbibe buhana n'uRwanda. Prime Niyongabo yaravuzwe cane mu bijanye n'ubusuma bwahora mu mishahara y'abasoda be no mu biturire bijanye n'abasoda barungikwa mu bikorwa vyo hanze y'igihugu.

🔴 Général Prime Niyongabo azwi nk'umwe mu basirikare bacuditse na Prezida Ndayishimiye. Mu mwaka uheze haravuzwe ibihuha vyinshi bijanye n'ikurwa rya Prime Niyongabo, haranavugwa n'amazina y'abashobora kumusubirira ariko kugeza ubu aboneka ari NTAYEGAYEZWA.

🔴 Abagerageje gutembagaza ubutegetsi ku wa 13.5.2015 bavuze ko umugambi bawuteguranye na Général Prime Niyongabo yari umukuru w'ibiro bikuru vy'igisirikare be na Général Pontien Gaciyubwenge yari umushikiranganji wo kwivuna abansi. Ibintu vyoba vyayangaye hageze kwumvikana uwurongora igihugu. Prime Niyongabo ntiyashobora kwemera ko igihugu gitwarwa na Général-Major Godefroid Niyombare yafata nk'umukeba wiwe. Prime Niyongabo yoba yabona ata kazoza yari kuba afise mu gihugu gitwarwa na Niyombare, mbere n'inyungu ziwe z'ubutunzi yabona ko zishobora kubangamirwa bikomeye mu gihe ata bubasha yari kuba agifise ku gisirikare. Ni gutyo yahisemwo kubwira vyose Prezida Nkurunziza, nawe amuhemba kuguma mu mabanga no kuduzwa amapete mu mwanya kugeza kw'ipete rya nyuma rishoboka mu gisirikare c'Uburundi.