Pinoku

19/07/2024

【小一升學】

學音樂唔止係專注喺技術上嘅提昇
亦可以表現出小朋友
⏫專注力
⏫學習能力
⏫表達能力
最緊要係 流露真性情 同埋 保持童真 (可能係)😇

#有少少心得咁啦

【恭喜學生成功入讀心儀小學！】

2023年六月
一位準備升小一女孩子嘅家長
心儀學校嘅首輪面試要求係拍片唱歌
媽媽表示阿女唔好話識唱，企定定都有啲困難
表示頭痛🤯

兩星期嚟咗兩次 每次45分鐘
記歌詞✅
跟鋼琴伴奏✅
加動作✅

學音樂唔止係專注喺技術上嘅提昇
亦可以表現出小朋友
⏫專注力
⏫學習能力
⏫表達能力
最緊要係 流露真性情 同埋 保持童真 (可能係)😇

歡迎家長希望喺音樂方面幫助小朋友升學，隨時聯絡我哋👍

再一次恭喜！
#直接見校長

#升學

查詢及預約試堂：
wa.me/85293680412
#校際音樂節 #敲擊樂課程

03/06/2024

現今資訊發達嘅年代，19歲youtuber可以做荷李活大導演，夠膽粗粗又夠厚面皮，好多嘢大家都可以試。

我好少同人講我成立咗一隊女子籃球隊眨眼間已經4年，最開頭只有3個人嘅狀態持續咗大概半年。然後開始跌跌撞撞、識得上uwants同香討招募隊員、恆常訓練、大大小小嘅比賽，再經過Covid，隊友嘅離離合合等。喺球隊可以見到林林總總不同性格、家庭背景、教育程度、生活環境等等構成嘅一個團體。

維持做呢件事咁長時間並不是因為我特別喜歡籃球，而係希望透過要求隊員展現責任感、上進心、爭勝心呢啲素質嘅同時，建構我自己嘅一啲性格特質。

「偉大的品格不是靠聰明才智就能形成的，而是通過磨練和挑戰才能培育出來。」
"Great character is not formed by intelligence alone but through trials and challenges"
- Nvidia創辦人黃仁勳

接觸到唔同嘅人，自然需要去了解唔同背景嘅人性。中間都有啲別有用心嘅人，例如練練吓波問旁邊嘅隊友買唔買份保險（當然係即時請佢離開）

透過接觸現時16-35歲呢個群組，其實真係各式各樣嘅人都有。簡單啲嚟講就係the combination of
- 能力
- 鬥心/上進心
- 責任感

我從來都唔會用同一把尺去量度所有人。每個人打波嘅目標都唔同，有啲想嚟運動吓；有啲想嚟試吓一啲所謂團隊或者正統嘅籃球訓練；或者有啲真係當打嘅目標係精進球技出去打比賽；或者係有養生組別。事實上只要我作為教練同球員嘅期望一致，基本上都係來者不拒，我享受嘅同各位隊員一起成長嘅過程，見到隊員對球隊上心，願意積極向上努力練習，突破界限跳出框框，發揮團隊精神，對我嚟講係樂在其中，已經係滿滿嘅得著。

運動比起音樂或藝術嘅比賽已經相對客觀好多，籃球場上人人平等，拍波穩唔穩、射波準唔準以至有冇執行教練戰術嘅discipline，全部都可以好客觀地呈現到。

現實中就係遇到好多球員能力唔係特別出眾，出席率唔高、訓練嘅表現亦唔特別落力，然後對教練、球隊同隊友有好多好多嘅要求、指控同質疑，將自己嘅部分無限放大，別人嘅努力就無限縮細，得唔到想要嘅結果就質疑教練嘅決定、否定隊友嘅努力，比較缺乏修養嘅就會加一堆問候語同人身攻擊。

打私league會有人問你點解唔贏，贏會有人問你點解唔打乙組，打乙組會有人問你點解唔打甲組，打甲組又會有人問點解唔衝出國際打NBA；總有人會批評保特跑得唔夠快，勒邦占士不是GOAT，C朗去沙特刷紀錄等

總會有好多人唔需要負任何責任地用好多說話攻擊你，往往呢啲時刻就係考驗自己背負住球隊對追求卓越嘅意志夠唔夠堅定，而通常就係呢啲moment我知道我做咗正確嘅決定。而好可能呢啲批評你嘅人，最有成就嘅一刻就係拎住手機猛力打字批評你嘅嗰個moment。

遇到失敗時，一流的選手會盡全力讓自己快速的重新振作；普通的選手振作起來的速度比較慢；失敗者則會一直躺在球場上。好可惜能夠做到遇強越強嘅，真係屈指可數。

球隊今次係第二次經歷退隊潮，我無意去猜度任何人所講嘅原因，我只有一件事，就是努力面前的，向著標竿直跑。時間會說明一切，對上一次退隊潮嘅人(又係)群起奮力反對我嘅理念而自行組咗一支球隊，last time i checked they lost by 7-93 in their recent match，all I'm trying to say is, 'Time will tell'.

足夠成熟嘅人會知道，贏輸從來不是重點，而是學會如何面對困難也不畏縮，堅持自己的信念繼續向前。
所有通往成功嘅道路都係充滿困難同挑戰，要做好一件事，就係要花心機，經歷種種嘅磨練同痛楚。

使唔使咁認真？我並不是對待籃球認真，我係對待我嘅人生認真。

繼續一齊努力奮鬥嘅戰友
I wish upon you ample doses of pain and suffering

11/04/2024

【當「💰💰」凌駕「專業」】

同啲所謂世界頂尖(香港分部)嘅教育機構合作，啲所謂「Education Specialist」都係考慮(你老闆想你)收夠幾多個、追quota收$$，啲小朋友係咪合適呢個課程、需要符合點樣嘅水平等等就完全唔需要理會，所謂「專業」其實真係可以冇乜底線🤗

一而再、再而三地強調，完全相信貴機構嘅「專業判斷」，你過到自己果關就得喇😊

#做教育都要篤數架 #做教育姐冇話要有心做喎 #受苦嘅係下一代

07/04/2024

【手信系列】

學生去完旅行買手信🎁 多謝💕

27/02/2024

一定係因為環保！一定係🤗

【皇家試最新消息 - 實體紙本證書將額外收費】💰

皇家音樂學院考試(ABRSM)最近宣布，在2024年4月至8月期間逐步推出「電子版證書」，以取代實體版證書。

一旦成績公佈，考試申請人和考生將可以下載電子版證書。如果考生或家長希望獲得實體紙質證書，則需要額外購買(約港幣30元)。

電子版證書將包含一個認證的QR Code，供查閱考試資格的詳細資料。

24/02/2024

【諗唔明系列 #3 - 原來而家學生唔返學係比想像中容易？】

話說Felix哥哥返工個office大部分都係媽媽級嘅同事
經常都聽到旁邊嘅同事打電話返去佢小朋友嘅學校幫佢小朋友請病假...
「喂喂，我係乜乜班###同學嘅媽咪呀，佢今日唔係好舒服想幫佢請病假」
(對方應該係問)「小朋友有咩唔舒服呀？」
「哦...errrr... 佢感冒發燒呀～」

然後收咗線之後就會同我「分享」
「佢老豆琴晚帶咗佢去玩到好夜先返，今日賴床唔肯起身呀」

之前有幾日天氣特別凍
「嘩今日真係好凍呀，唔好迫阿女起身啦，一陣病咗就得不償失啦」

新年假期後返學第一日
「我個女成個新年假期返大陸玩，琴晚凌晨兩點先落高鐵，返到屋企沖完涼成凌晨三點！」
（真係去旅行去到盡）😂

然後Felix哥哥同Rachel姐姐分享呢啲經歷
Rachel姐姐十分見怪不怪
因為有好多小朋友其實喺新年假前一個星期已經開始「病假」
新年假後再請多一星期嘅「病假」

諗返自己求學時期
攞病假唔返學唔係一件咁輕易嘅事
除非真係話發燒或者真係好唔舒服

最記得細個有一次因為唔舒服冇去操水
第二日去返時仲未好得返哂，所以游得唔係咁好
教練問我「做咩事呀你？」
「am… 病咗有啲唔舒服」
「係？你邊度唔舒服呀？」
「仲有啲頭痛囉」
「！！！咁即係唔關隻手事啦！咁你游啦！」

小朋友嘅價值觀係由細個開始建立
家長好想同自己嘅小朋友創造多啲家庭嘅回憶當然理解
但如果家長都唔樹立一個良好嘅榜樣
反而係助長小朋友覺得「學業為重」只係一個笑話
對小朋友嘅成長一定會有好多嘅影響

#追求卓越 #從小培養

17/02/2024

【人生初次完成90公里「大冷」 - 為何跟我想的完全不一樣😭】

新年假期最後兩日都同踩單車有關🚴

平時自己都有嘗試搵啲有趣嘅路線同景點踩吓單車
「踩大冷」喺YouTube就睇得多，又可以去吓啲平時唔會去嘅地方
一直都心思思想挑戰吓
不過始終唔熟路，冇人帶住肯定蕩失路😵

碰巧單車群組度見到有「谷友」開團「踩大冷」，
仲強調話「悠閒踩」，膽粗粗加自己名啦🦾

ℹ️「大冷」即係取自英文Round的諧音，一般指由九龍市區踩去新界再返九龍繞一個圈，沒有特定路線，大約80至100公里。

🗺️路線：
📍太子▶️南昌▶️荃灣西▶️屯門▶️朗屏▶️元朗▶️上水▶️粉嶺▶️大埔▶️沙田▶️大圍▶️深水埗▶️太子
全程距離：92公里

❗先講結論❗
如果你去到集合嘅地方，見到啲人全部都全副裝備，佢哋嘅車全部都係閃令令一睇就知四五萬起標(S-Works Tarmac SL7呀Factor O2呀Trek Madone呀Pinarello Dogma呀Cervelo S5呀果啲)

強烈建議先行離開💨

因為！！！恆常操車嘅車友對「悠閒踩」嘅定義係同我呢啲假日興趣型想欣賞沿途風光嘅車友完全唔同架😅
(利申：踩緊架二手入門公路車)

明明出發前影相差唔多成三十人，去到荃灣少咗四五個，去到屯門得返十六個定十七個😐
硬住頭皮跟，但真係冇辦法跟得上
喺我旁邊已經冇哂同行嘅「車友」，諗住打道回府(真係唔識路😣)
有位叔叔喺後面上嚟，帶住我行去下一個checkpoint
然後同我講

「呢班人癲架，你唔一定要跟佢哋，
唔需要咁辛苦，跟自己節奏踩就得，
最緊要完成」

「我哋等你有咩所謂姐，有得等都好過冇得等呀
如果你搭車走咗去嘅話，咁就唔可以啦後生仔」
(不過應該只有呢位好人叔叔係咁諗)

平路同落斜都還好，用多啲力就好似人哋好正常咁踩
一到上斜就完全甩哂，爬跛能力係零😿
我全程唯一跟到主車群嘅位就係...燈位🚦

好多謝呢位叔叔同埋開團嘅哥哥冇放棄我，
帶住我完成人生第一次「大冷」✅

p.s. 有位叔叔集合時有架好靚嘅小布Brompton (英國精品16吋小摺車)
點追你哋班人個個踩住架環法環西環乜環物級別嘅公路車呀

#長踩長有 #最緊要安全回家 #踩得快冇車手獎架

14/02/2024

【家庭單車日 - 飛機維修區】

捉緊假期嘅尾巴，成功帶咗家中兩老去東涌踩單車🚴🚴‍♀️🚴‍♂️
入飛機維修區睇日落🌅
不枉我特登買架細摺車俾媽媽踩🌟

#櫻花園走櫻花🌸

11/02/2024

【Netflix《愛愛內含光》(不含劇透)】

趁Rachel姐姐去咗旅行，Felix哥哥放假喺屋企就煲吓劇，
打開Netflix熱門就見到柯震東主演嘅《愛愛內含光》
心諗係咪又係果啲「我就是大笨蛋！大笨蛋才追你這麼久」嘅情節
然後睇多兩睇，果然就出現「你真的很幼稚！」嘅對白😂

一套16+嘅劇集，一連八集，以LGB(冇TQ+)為題材
解構老、中、青、男男女女喺唔同階段面對嘅問題
親情、友情、愛情炒埋一碟
鐘意人但係又唔想承認
「我不是不敢給承諾，是選擇不給～」
互相誤會互相猜忌加插啲極度荒唐嘅情節(笑吓算啦)😂
(嗯，台劇就是要這樣子喔🤗)

⭐抵睇指數：
6.5/10✨

高度推介：《性愛自修室Sex Education》

#唔好以為偷偷地有林家棟冇人發現
#仲有姜大衞 (林家棟個老豆)

08/02/2024

迎接(奶)龍年💕

16/01/2024

【天生愛競賽？】

一位二年級嘅小妹妹嚟上堂，同Rachel姐姐講
👧🏻「我參加咗speech festival（校際朗誦節），英文ok，中文唔係太ok唔係太叻」
👩‍🏫「點唔叻法呀？」🤗
👧🏻「英文攞咗第一名，ok。中文攞咗第三名，唔係太叻😔🤢」

🏫有嘅學校會教小朋友要成為men/women of excellence，第二就係輸。
🏫有啲學校會教小朋友，Competitions are for horses，何必俾自己咁大壓力，比賽係冇必要的，「用自己嘅方法追求卓越」

當然呢位小朋友同Rachel姐姐一樣
都係咁「出類_ _」🥇

呢位二年級嘅妹妹準備緊嚟緊嘅音樂節木琴獨奏
其實佢唔知道/唔在意其他參賽者年紀多數都比自己大（木琴係冇分級的）
學木琴/音樂嘅時間比自己長
佢只係知道，「我好想贏」

通常Felix哥哥大概喺呢個小妹妹差唔多落堂前去到studio
Rachel姐姐就俾咗個小小嘅挑戰佢
就係下星期要先打得好過Felix哥哥😅
（呢位妹妹好明顯係唔知道Felix哥哥都食過吓夜粥嘅）
然後去到一啲佢需要pay extra attention嘅位置
小妹妹都格外醒神，盡力做到最好
「呢個位同呢個位要咁咁咁咁咁，
你想贏佢嘅話就要努力啲練習，專注做好💪」

其實Felix哥哥打成點，呢個妹妹一啲都唔在乎
比起要贏，佢更在意自己係咪做到完美。

當然已經激發咗小妹妹無限嘅動力去練習
下星期返嚟已經做到哂老師嘅要求
繼續追求next level of perfection

我哋希望透過小朋友學音樂可以訓練腦筋之外（可能大部分係咗個portfolio📑）
係讓小朋友建立自信心
呢種自信心係嚟自對自己實力同努力嘅一種肯定

學習音樂、參加比賽同考試，
教識小朋友「如何認真對待一件事」
學習成熟同埋自律
對生命有passion，遇到困難會砥礪前行、逆難而上
呢啲點滴將會累積成為小朋友性格嘅重要階段。

「教養孩童，使他走當行的道，就是到老他也不偏離。」
做人嘅態度，係跟佢一世。

參加比賽，唔代表你係horse。
唔參加比賽，亦唔代表你係artist。

學音樂嘅基本功紮唔紮實，
首歌練得夠唔夠熟，
同罰球射十球入幾多球一樣，
呢啲全部都係好客觀

參加自己屋苑個業主立案法團中秋晚會才藝表演
或者天才兒童分獎比賽或者免費交錄影俾錢買獎盃果啲
就另計🙃

甘於平凡嘅人先會同人講
我唔需要competition，I am good enough.

努力向上嘅人，每一刻都追求being the best version of you.

🔖

Competitions are for horses, not artists.
- Béla Bartók

Competition is always a good thing.
It forces us to do our best.
A monopoly renders people complacent
and satisfied with mediocrity.
- Nancy Pearcys

13/01/2024

【諗唔明系列 #2 - 贏波又唔關你事，做咩事咁興奮呢？😏🤗】

話說早前幫手籌備咗一個小小嘅球拍類比賽🏓🏸🎾 賽制係以隊制參加，每隊最少三人就可以成團，單打兩場、雙打一場，三盤兩勝，都係打循環再四強同冠軍果啲啦🏆

其實都係屬於聯誼性質嘅活動，理論上就志在參與，大家開心🪩🎊（參加得嘅年紀最大嘅有80，有大部分都40-60💢）

不過以下嘅情況就令我有啲R頭...

有一隊報咗7個人，我哋就問吓佢哋「不如折開兩隊啦，多啲人可以落場打開心啲喎」，人哋就企硬唔肯拆開🤔

原來！！！呢7個人入面其中一位uncle就好著緊可以拎個盃返屋企(可能同啲親戚朋友威掛...)，所以就搵咗一位實力比較超班嘅年輕人加入佢哋，單雙打都由佢去打，就算輸一場單打都冇所謂... 其他果啲都係巡例出個場或者係陪坐😓

最後...順利奪冠🎉🥇👏

神奇一幕就發生了... 果位由頭到尾都冇出過場嘅Uncle由贏波一刻，到頒獎捧盃影相，全場只有佢一個最雀躍，不停同人哋講「好波呀!」「辛苦哂！」「嘩頭先果球精彩呀！」「下年再繼續！」🤩 人哋都唔想理你，心諗你邊位😅

#冇汗出有彩攞
#我真係學到好多嘢👍
😠

08/01/2024

【諗唔明系列 - 帶個歲幾兩歲出去人山人海倒數係咩概念？】

今年迪士尼第一次搞除夕倒數活動，又有煙花又有無人機真係好開心好感動，不過真係迫到阿媽都唔認得🌊 有啲好奇想探討吓啲爸爸媽媽帶一個甚至幾個歲幾兩歲嘅小朋友去倒數係咩心態呢

1. 晚上8點嘅獅子王慶典氣氛好熱鬧，可能因為係2023年尾場嘅關係，比平時更加落力同投入！不過實在有太多小朋友扭眼訓，觀眾入座未開場其實已經見到好多爸爸媽媽帶住嘅小朋友，唔係喺爸爸大脾訓著咗就係玩緊電子奶嘴，一開場音樂一響，嘈住啲小朋友訓覺，演出開始之後大吵大鬧就基本啦，陸續大大小小嘅家庭喺演出期間離開觀眾席，但人哋演出係會用埋走廊嘅位置，啲爸爸媽媽亳無預兆就衝出嚟要走，搞到啲演藝人員都唔知帶你走好定叫你坐返低😅

2. 為咗睇城堡嘅倒數，見到最早5點幾已經有人開始等緊，基本上去到9點已經塞爆咗四份三條美國小鎮大街，喺旁邊嘅通道係窄到連正常人想通過都非常吃力，所以更加諗唔明呢啲場合帶幾個小朋友仲要推住bb車當坦克車咁亂衝亂撞，都咪話唔危險😒

3. 終於開始可以睇城堡演出、momentous煙花同埋倒數啦！想像吓個畫面，爸爸抱住個女(不是騎膊馬)，爸爸望住前方咁阿女就自然望住後面，我哋就望住阿女全程都唔知冇辦法睇到任何畫面，亦都傻更更唔知發生緊咩事🎇

一係呢喺地面嘅阿女聽到人群好興奮好想睇吓發生緊咩事，但爸爸媽媽實在太興奮太投入，阿女不停扭抱，但見到父母真係好似耍太極咁推開阿女扭抱嘅手手「一陣先啦一陣先啦」，全程就只能望住前面位叔叔嘅pat pat，實在大開眼界🫣

p.s. 其實現場環境音樂係極大聲，如果我係落pub拎住杯酒un吓un吓都話enjoy，但要人坐定定喺度又睇唔到個台，呢啲叫做嘈音轟炸🎧 同埋大人都覺得嘈啦，更何況小朋友嘅耳仔仲未完全發育，其實係好大損害

p.s.2 當日目測入園嘅比例係80%大陸人，10%外籍人士，10%香港人

總結：做得父母真係有嘢需要取捨，唔好為咗自己想玩就帶埋小朋友出去捱，仲影響埋其他人🤒

#顧己及人

06/01/2024

十球一set，每次十set就最基本☄️

01/01/2024

【迪士尼跨年倒數】🎆

Felix哥哥同Rachel姐姐祝大家新年快樂！！！

23/12/2023

【（可能係）今年最後一次入迪士尼🏰】

上次入嚟(即係兩日前😅)特登衝入嚟睇聖誕樹亮燈儀式，期待見到無人機，點知因為太大風取消咗無人機😭😭😭

今日再入嚟終於睇到，好靚好感動💕😍😍😍

Felix哥哥表示 #聖誕高飛 係best show of the year🤤👯‍♀️ (然後準備跪玻璃😭)

香港迪士尼樂園 | Hong Kong Disneyland

#非正式統計 今年應該都係入咗嚟二十次😛

17/12/2023

【第一視角系列 - Frogs🐸】

差不多二十年前嘅小學Marimba音樂節比賽曲目，今天變咗中學組嘅比賽曲目，用呢個角度睇又幾得意😜 (以前考到ATCL而家變埋八級)

Rachel姐姐四年級嘅時候...👧
💭為咗呢次校際比賽，媽媽買了Marimba🤩
💭當年練習嘅次數 > 多過四年級之後直到現在打嘅次數😆

🤷然後十多年前中學嘅Marimba音樂節比賽曲目又變返小學Marimba嘅比賽歌🤗
🤷十多年前嘅xylophone歌曲繼續出現

全首👇
https://youtu.be/82g6DMlBcnE

#學校音樂節