20/05/2024
ስነ-ስርዓት ምረቓ ፊልም "ማይ ንጉሆ"
ብተስፋማርያም ዳርጌ ተኣልያ ብሸጋ ፕሮዳክሽን ተሰርሐት ሓፃር ፊልም "ማይ ንጉሆ" ሎመዓንቲ ሰኑይ 12/09/2016 ዓ.ም ስዓት 11:00 ኣጋ ምሸት ኣብ ከተማ መቐለ ኣዳራሽ ሲነማ ሞሞና ህንፃ ተመሪቓ ንምርኢት በቒዓ።
ኣብ ጥቕዓት ደቂ ኣነስትዮ ማእኸላ ጌራ ህዝብና ዝበፀሖ በደል እተዘንቱ እዛ ፊልም እዚኣ "ፆታዊ ጥቕዓት ዝበፀሐን ደቂ ኣነስትዮ ብሕፅረት ግንዛበ ሕብረተሰብ ዝበፅሐን ተወሳኺ በደል እትድህስስ ናይ 20 ደቒቓ ንውሓት ዘለዋ ፊልም ኾይና ብኹሎም መራኸቢ ማዕኸናት ብነፃ ንሕብረተሰብ እትልቀቕ ፊልም እያ።
እዛ ፊልም እዚኣ ብቋንቋታት ኢሮብ (ሳሆ)፣ ኩናመይና፣ እንግዚለይናን ትግርኛን ዝተሰርሐት ፊልም እያ።
ፕሮዲሰራት እዛ ፊልም እዚኣ ኣብ ምስሐይ ንትግራይ ብፍላይ እንፈልጦም ኣብ ብዙሕ ማሕበረ ፖለቲካዊ ቃልሲ ህዝቢ ትግራይ ንጡፍ ምንቅስቓስ ዝገብሩ መናእሰይ ተኽሊት ሃይላይን ብርኽቲ ሃይለን እንትኾኑ ብማእገር ማሕበር ደቂ ኣነስትዮ ሰ.ኣ ስፖንሰር ዝተገበረ እዩ።
መቐለ
12/09/2016 ዓ.ም
