Muhie Adem

07/07/2024

Aartist Kadir Ahmed erga dhukkubsatee Waggaa guutee jira. Dhibeen isaa waan baayyee itti hammaateef akka biyya Alaa bahee waldhaansa arkatuuf tattaaffii taasisaa jirra. yeroo ammaa qaamni isaa mudhii gadiin guutummatti hin sosohu. Madaa irraa jalqabee rakkoon gara garaa waan irratti uumamaa jiruuf therapy fi treatment barbaachisu akka argatuuf referaal eeggachaa jira. Hundaafuu Uummanni Oromoo biyya alaaf keessa jirtan hundi akka gargaartan Kadir isinitti dhaammata. Waan irra geenyee fi biyya kam akka deemu akkasumas waan barbaachisu isin beeksifna ulfaadhaa 🙏
Saliha Sami
Hawi Temam
Desu Ambo
Dr Nafyad Getu Dugasa
Dr Teha N Geru

30/06/2024

Harmee teenya tana bira haa dhaabbannuu nama isii gargaaru tokkollee hin qabduu😭 Namni Galata haadhaa beeku garaa itti hin jabaatu wly😭
Halkan keessa yeroo Sa'atii 8 Manni isiin keessa galtu gubatee osoo lubbuu isiitiin bahuu dandeessuu Horuun keessaa baasa jattee qaamni isii guutuun gubate wanta mana haalaa ittiin dheeyxu tokkollee dhabdee bayyee rakkachaa jirti tiqqoodha jettanii hin tuffatinaa waan qabdaniin bira dhaabbadhaa 🙏😭
Account Ethiopia 👇
1000636448088 Ashrafa Majiid Suuraa wajjiin Coment jala jirti😭 🙏

20/06/2024

30/11/2023

"Nagayaa fi Rahmanni hanganan jedhamne, Ergamaa) Keenyarratti haa jiraatu.

صلى الله عليه وسلم ❤❤❤

24/10/2023

((ODUU GAMMACHIISAA))

Keellaa dhangaggoo dabalatee keellaaleen hawaasa keenya beelaaf gadadoof saaxilan kan jimaa hawaasa keenyaa gabayaa hanqisanii ooyrutti irratti hanbisan ka'uu isaaniitiin baga gammaddan baga gammanne.

Duraan duursee Rabbiin hawaasa keenya hurree rooba hin qabne tan guyyaan lafa dukkaneeysite agartuu hagooydee ijaan lafa arkuu daate keeysaa ifatti baase haa galatoomu ALHAMDULILLAAH.

Itti aansee Mootummaa fidaraalaatii fii oromiyaas dabalatee iyyansa keenya dhageeysanii saamicha hawaasa keenya irraa dhaabuu keeysaniif guddaa galatoomaa isiniin janna.

Akkasumaas Bulcituu G/H/B/Aadde Misqii Mohammed fii K/Magaalaa Maayaa Aadde Ifrahaa, jaallan keeysanii waliin dhiibbaa roga hundaan godhaa turtaniif guddifnee isin galatoomfanna.

Jaallan keellaan kun akka hawaasa keenya irraa ka'uuf biyya keeysaa fii ala teeysanii wajjiin qabsaawaa turreefii wajjiin qabsaawuuf ammallee sochii gubbatti waliin argamnu hundi keeysanuu galatoomaa baga qabsoon teeysan bikka argattee qabsoo lammaffaa irraa isin hambifteen isiniin ja'a!

Mootummaan ummata dhageeyfachaa deemuun dansaadha, baga nu dhageeysan.
Irra deebinee galatoomaa isiniin janna!

Kan harargee lixaa keeysa jiruus kaaftanii gabayaas akka sirreeysitan abdiin isin eegganna.

Galatoomaa

Gad'qabaa namaa ol'qabaa Rabbii taate dubbiinii.... ja'e: warri waa ja'u.

26/09/2023

Rabbiin keyrii wajjiin wal afaan nuhaa fidu.

15/09/2023

Yaa Rabbi
Balaa deemee nutti dhufu, balaa deemnee itti dhaqnu irraa najaa nu baasi.

14/09/2023

ODUU GADdA 😭😭
Innalillahi wainna ilehiraji'un 😭😭😭
👉Dhalattuu Oromoo Godina Arsii Lixaa Aanaa Shaashamannee👉 Waataa👈 jedhamtu hojiif ji’a lama dura erga gara Sa'ud Arabiyaatti imaltee warri isheen bira hojjattu dhiibbaa irratti taasisaa jiraachuu irra deddeebiin nutti himaa turtee jetti obboleetiin ishee yaada OMNf kenniteen.

👉Kamisa darbe Fulbaana 7 bara 2023 namoonni ani bira dalagu na ajjeesuuf natti dhaadataa jiran jechuun maatii isheetti himuu kan himtu obboleettiin ishee tun, ergasii achii buutee ishee dhabnee jirra jechuun OMNtti himte.

Hojii hojjachuuf manaa baatee duutee ishee gaafa dhageenyu hedduu ulfaata, hunda caalaa ammoo jiraa ishee dhabnee reeffa ishees dhabuun gaddaa ulfaatadha jetti.

Mucayyoon kun akka ajjeefamtu erga itti dhaadatamee booda Hawaasni Oromoo Sa'ud Arabiyaa jiru lubbuu dhalattuu Oromoo tanaa baraaruuf Embaasii Itoophiyaatti iyyatus qaama iyyaannoo isaanii dhagahu akka hin arganne hime.

Osoo Embaasiin Itoophiyaa Sa'udii jiru yeroon biramannaa taasisee duuti mucayyoo tana irra hin gahu jechuun namoonni baay'een embaasii Itoophiyaa achi komataa jiru.

Lammileen Itoophiyaa hojiif biyyoota garagaraatti imalan Yeroo adda addaatti ajjeefamaa turanii jiru. Mootummaan Itoophiyaa lammiilee isaa biyya ambaa keessatti ajjeefamaniif haqa yeroo barbaadu hin mul’atu jechuun qeeqama.

Yeroo dhihoo asitti immoo mootummaan Itoophiyaa ofuma isaaf carraa hojii biyya alaa jechuun shamarran heddumminaan gara biyya Arabaatti ergisiisaa jira.
Hundafu
Rabbiin maatif firottan ishetif jajabin haa kennif
Isheedhaf rabbiin rahamat haa godhuf. 😭😭

12/09/2023

Innaalillaahi wa'innaa ileyhi Raaji'uun
Gaafa jallinni daangaa dhabe'
Hammeenyi hangana hin jedhamne biyyarratti Gaggeeffame' Ilmi namaa bineensa caalaa walitti hammaate Uumaanis Uumamnis kabajaa dhabe'
Balaan hin beekamne bakka hin beekamnerraa argamuun hafa hin qabu
Sababa ballataa
Balaan baballata
Guyyaa har'aa biyyi Liibiyaa Roobaafii dhoqqeefi ilmi Namaa waliin bukaa'aa oolte hanga ammaatti namoonni 2000 ol dhumaniiru jedha Aljazeeraan.by ustaz Rayyaa Abba maccaa.

12/09/2023

Maqaan isaa Faaruuq Dr. Zakir Naayik ja'ama. Ji'a 9 keessatti Qura'ana guututti Haffaze. Yaroo Quraana Haffazu suuraa, Aayata, Juuzii fi Fuulaa (Surah, Article, Chapter & page) bakkuma takkatti, yeroo takkatti haffaza ture. Kana qofa miti, waan namni tokko haffazuuf Guyyaa 5 -7 itti fudhatu, Inni Sa'aa 1 keeysatti haffaza. Ajiib!

Umrii isaa waggaa 8tti Nama 50,000 (kuma shantam) caalan dura dhaabbatee Muhaadaraa Daqiiqaa 5-15 geeysu, dabarsuu ture. Maasha Allah!

Muhaadaraan dheertuun Inni Yaroo jalqabaatiif gaggeeyse, Muhaadaraa sa'aa 2 taatu Yoo tahu, Kanas Miroofeesarootaa fi Doktoroota 119 dura dhaabbatee gorse. Yaroo Gorsu Ammaas yaroo Takka Osoo Hin Dogongorre Gorsa. Jacha Tokko Hoggaa Ja'ee Ragaa Quraana keeysaa Akkasuma Towraat fi Injiil keeysaahiis Ragaa Quubsaa Dhiheeyfata.

Maalummaa isaa tana abbaa isaa Dr. Zakir Naiktu gabaase. Maasha Allah!
Dargaggeeysa Qaalii kana hundi keessan akka jaalattan abdiin qaba. Rabbi isahaa tiiysu!

29/08/2023

"RABBII KEETII WAJJIIN WAL BARI"

Walumaa galatti Kitaabni kun Akka nuti qajeellotti Rabbii keenyaan wal barruuf kan qophaawe Kitaaba addaati.

Namoota Akaakuwwan garaagaraa akkaataa isaan Itti Rabbi hubatan kan gadi fageenyaan Ibsuufi dogoggora isaanii kan sirreessuudha.

Warra Athiest/Mulhida warra Rabbiin hin jiru jedhu, Philosophy Metaphysics waan beekumsa ilma namaarraa fagootti hin amanneefi kkf hunda Ifaan ifatti kitaaba nama hubachiisuudha.

Kitaabichi logic, dhugaa saayinsiin ifoomse dabalatee qorannoo Ammayyaawaan waan wal qabatu namaaf akka hubatamutti kan keessatti barreeffameedha.

Ragaan Qur'aanaa fi Hadiisa cinatti Logic fi saayinsii dhugaa, Seenaa nama barsiistuu fi bohaarsitu kan if keessaa qabuudha

Kitaaba kan buufadhaatii dubbisaa. Hiriyoota keessaniif godhaa. Kitaabicha qajeellotti waliif godhuudhaan Nama hedduu bira akka gahu godhun haa wal fayyannuun dhaamsa kiyya.

Keessattuu namoonni hordoftoota hedduu qabdan please godhaa, Copy paste godhaa Hayyaakumullaah!

Liinkiin Kitaabichaa google drive jala seentanii buufattan kan armaan gadiiti.

https://drive.google.com/file/d/13aAJyUIx0X0cFnJKMtRqMA4oGRJ2Zhiu/view?usp=drivesdk

Fuula Facebook abbaa kitaabichaa hordofuuf kan isin geessu liinkii armaan gadii kana fayyadamaa

https://www.facebook.com/jamaal.shbakrii

Yaadaa keessan achiin naan gayuu dandeessu. Jazaakumullaah Kheeyra jazaa'i annaa!

Ustaaz Jemal Sheikh Bakri 🥰

28/08/2023

Dura taa'aa itti aanaan KFO obbo Baqqalaa Garbaa biyya hambaatti hafuu fi hooggansa KFO dhiisuf murteessuu himan.

Baroota dheeraaf karaa dhaabaa fi dhuunfaan siyaasa Itoophiyaa keessatti hirmannaa godhaniin kan beekaman Dura taa'aa Itti aanaan dhaaba Koongireesii Federaalawaa Oromoo, Obbo Baqqalaa Garbaa biyya Ameerikaatti kooluu-galtummaa gaafachuu BBC'tti himan.

Obbo Baqqalaan, addatti gaaffiif deebii BBC waliin taasisaniin haalli siyaasaa Itoophiyaa keessa jiruu ''karaa nagaa qabsaa'uufis ta'e akka dhunfaatti jiraachuuf'' yaachiisaadha jechuun achumatti hafuuf murtessuu himan.

Artiistiin maqaa guddaa Hacaaluu Hundeessaa Waxabajjii 29, 2020 ajjeefamuu hordofee hokkora dhalateen walqabatee waggaa tokkoo fi walakkaa oliif hidhamanii kan turan Obbo Baqqalaan, akkuma hidhaa bahaniin gara USA imalan.

Waggaa tokkoo dura gara Ameerikaa wayita imalan ummata akka hiikaman gaafachaa ture galateeffachuuf malee achitti hafuu yaaduun akka hin turre dubbatan.

''Biyya kana ergan dhufee waggaa tokkoofi ji'a sadii ol ta'eera. Jalqaba kan dhufneefi hidhaadhaa erga baanee booda uummata keenya biyya alaa jiru waliin wal arginee tokkoffaa mana hidhaatii akka baanu qabsoo gaggeessaa turaniif galteeffachudhaaf, lammaffaa ammoo gara fuulduraa waan gochuu qabnu irratti mariyaachuufi.''
Obbo Baqqalaan erga biyyaa bahanii waggaa tokkoofi walakkaatti yeroo siiqu keessatti halli siyaasaa Itoophiyaa keessa jiru jijjiiramuu kaasuun ''amma biyya sanatti deebi'uun barbaachisaa ta'ee natti hin mul'anne'' jedhan.
Obbo Baqqalaa dabalatee hooggansi olaanaan dhaaba KFO ajjeechaa artiist Hacaaluu booda mana hidhaa turan, mormii isaanii lagannaa nyaataa guyyoota dheeraa ture gaggeessaa turan.
Sababa kanaattis qaamni isaanii miidhamee, fayyaan isaaniis yaachisaa ta'ee akka ture ogeeyyiin fayyaa isaanii gabaasaa turan.
Hidhaa akka bahaniin ''Imala galatoomaa'' jedhuun biyyoota alaatti hawaasa jiru waliin mariyatanii waldhaansa fayyaa argatanii ni deebi'u tilmaama jedhutu ture.maddi OMN.

28/08/2023

Islaamummaa qo'attee dhugeeffatte, Badhaasa addaa kana akka goonfattuuf imimmaan ishee dhangalaastee Yaa Rabbi na badhaasi jettee kadhatte, Rabbiin 's Islaamummaan ishee faaye kadhata isheef deebii kenne.

Shamarree daandii jallinaa irraa Rabbi ishee qajeelchee kabajaa Islaamummaa itti uwwise.

26/08/2023

Ani yeroo ammaa ogeeysa Aartiiti. Ogummaa kana ammoo hagna baruumsa sadarkaa ol-aanaatti hordofeetin jira.

Garuu waggoota kudhan dura, Maalummaa Aadaa, Artii fi Eenyummaa hawaasa kanaa yeroo duraatiif barachuudhaaf Facebooki kana gubbatti, Fuul-barruu (Page) sadeen tokkooniin hordofuu jalqabe.
Barruu fuula sanirratti maxxanfamaa turan, barruuwwan ogeeysoota ciccimoon barraawanii fi qorannoodhaan mirkanaawan akkasumaas baruumsa guddaa of keeysaa qaban waan turaniif yeroo hunda niin hordofa ture.

Ful-barruulee (Page) san keeysaa
fi
Qoraasuma Jaalalaa isaan tokko turan.

Eegaa ful-barruu kanarraa namoonni akka kootti waa baayyee irraa baratan hanga hin qaban.
Yaada kiyya gabaabsuudhaaf abbaan ful-barruu sanii ykn barsiisaan keenya sun obboleeysa keenya Saphaloo Kadiir ture.

ani waggoota dheera dura osoon qaamaan isa hin barin waa irraa barachaa ture san, kunoo arra kitaaba mata dureen isaa "Kaasa Areeraa" jedhu barreeysee, Eebbaaf gaafa na afeeru gammachuu hanga hin qabneetu na dhagahame.
Kuni ammoo isaaf osoo hin taane, anaafii warra akka kootii baruumsa san dhandhamee, beekkumsaaf dheeboochaa jiruuf carraa gaariidha.

Asumaanuu barsiisaa kiyyaa fi obboleeysa keenya saphaloo kadiir galatoomfachaa, Sagantaan eeyba kitaaba KAASA AREERAA (Kuusa Walaloo) kan gaafa Fuulbana 13/2016 A.L.H'tti Finfinne galma Jiddugala Aadaa Oroomootti qabame irratti akka arkamnuuf waan afeeramneef akka irraa hin hafneen dhaamsa kooti
Galoomaa! Art murad mohammed.

23/08/2023

Nama rabbiin jaallate waa hundatu isaaf qaceela

Rabbi nu haa Jaallatu.

23/08/2023

Dubbii Ajaa'ibaa!
Biyyoo Makkaatti bakakkaan guddaan yeroo bu'u Sa'aa gamoo Burji-Saa’aah gubbaa jirtu qofa rukuta. Iddoo biraa goonkumaa hin rukutu. Maaliif?!

Sababbiin isaas sa’aatiin Gamoo kana gubbaa jiru Meeshaa bakakkaa ofirraa ittisu (automatically extend lightning conductor) 20 fi meeshaa akka uleetti ol dhaabbatan (fixed rod) 800 kan sa’aatii fi ifaa balaqqeessaa addaan eeguuf gargaaran of keessaa qaba.

Sa’aatiin Gamoo kana gubbaa jiru guddinaan akka addunyaatti sadarkaa duraa irra jira. Lafarraa ol ka’iinsi Sa’aatii kanaa Meetira 600 dha.

Haala kanaan Rabbiin biyya tana eegee asiin gahe!

16/08/2023

06/08/2023

DIRREE DHAWAATII FI DHAWAA ELAMOO..
*******************************************
Mee arra moggaasa maqaatii fi Seenaa hundeeyfama magaalaa Dirree dhaawaa gabaabinaan haa ilaalluu.
********************************.
Moggaasni maqaa magaalaa Dirree Dhawaa, Jaarsa maqaan isaa "Dhawaa Elemoo Muudee" jedhamu, Kan yeroo baayyee qaamsaa mudhii oliin qullaa deemu (Uffata hin uffanne) irraa akka moggaafame seenaan ragaa bahaa.
Akka barruulee fi Manguddoonni seenaa jedhanitti, "Jaarsi Dhawaa Elemoo Muude" jedhamu kun, Lafa gammoojjii tana keeysatti waan beekkamuuf Dirreen tuniis maqaa isaatiin yaamamuu eegalte.
Dirree Dhawaa Elemoo Muude.

Dhawaa Elemoo Muude "Abbaa Dirree Dhawaa" jedhamuun beekkama.
Jaarsi kun nama baruumsa amantaatiis tahee kan hammayyaa hin barati ture.
Sheekhummaas ta’ee damiinummaallee hin qabu. Magaalaan waan taatellee nama beekuu hin turre.
Haa tahuu malee, Dhawaan Elamoo manguddoo raagaa (Falaasaa) akka ta’ee, Manguddoonni seenaa dirree sirritti hubatan ni dubbatu.
Hanga dhuma jaarraa 19ttii lafti magaalaa Dirre dhawaa lafa horsiisee bultoonni horii isaanii irraa bobboofatan turte.
Ummanni baha harargee jiraatan, Gaarreen Hararge irraa loon isaanii qabatanii gara Dirre dhawaatti dadeebi'uudhaan dheechifachaa akka turan ni dubbatama.

Daandii baaburaatii fi Hundeeyfama maagaalattii.
**************************************** Daandiin baaburaa Ethio-Jabuutii akka hojjatamuuf yaanni kan dhiyaate1877tti tahuutu himama.
Yeroo sananitti lafti yeroo amma magaalaan Dirree dhawaa irratti ijaaramtee tun, Bosona keessi isaa bineensota hedduun guutame ta’uu abuuraan biyya farance tokko barreeyseti ture.
Haatahuu malee muddee1902 A.L.I Daandiin baaburaa dirree dhawaa yeroo dhaqabutti, Lafti duraan qullaa turte foolii magaalummaa qabaachuu jalqabde.
Ijaarsa daandii baaburaa kanaaniis wal qabatee magaalaa dirree dhawaatti manneen jireenyaatii fi Suuqiiwwaan (Dukkaannan) daldalaa baayyeen ijaaramuu jalqaban.

Dirreen dhawaa magaalaa ta’uudhaaf waggaa tokko qofa akka itti fudhate barreeyfamni waa’ee magaalattii irratti barreeyfame tokko ni ibsa.
Osoo oolee hin bulin daldaltoonni Indiyaatii fi Arabootaa magaalaa dirree dhawaatti waa bituu fi gurguruu eegalan.
Bifuma kanaan magaalattii keeysaa bakka yeroo ammaa "Faras-magaalaa" jedhamtu kanatti saffisaan jijjiiramni guddaan mullachuu jalqabe.
Injiinaroonni jajjaboon lammiilee Awroophaa tahaniis, Itaalii fi Girikirraa dhufanii Naannawa kana qubachuudhaan magaalattii ijaaruu itti fufan.

Gama biraatii magaalaa dirree dhawaa keeysaa gandi lammiileen alaa kun baayyinaan qubatan Kaziiraadha.
Asirratti wanti nama ajaa'ibsiisu, yeroo sanitti iddoo "Kaziiraa" jedhamtu tana lammiilee alaa qofaatu itti jiraata.(isaan qofaaf hayyamama). Akka tasaa lammiileen biyyatti yoo achitti arkaman hidhamaniiti adabamu turan.
Boodarra ammoo lammiileen alaatiis magaalattii keeysa baballachuun, hawaasatti makamanii Aadaa, Afaan, Amantaa fi Jireenya hawaasummaatiis waliin qooddachaa jiraachuu jalqaban.

Qabxiilee fi Hambaalee seenaa Dirreen Dhawaa ittiin beekkamtu keessaa muraasa.
*****************************************
1, Dhufaatii baabura lafaatiin walqabatee bara 1902tti Magaalaan dirree dhawaa akka magaalaatti dhaabbatte.

2, Bara 1908tti Manni barnoota ammayyaa kan Faransaayi dhaabbate.

3, Bara 1908tti Manni maxxansaa jalqabaa dhaabbate.
Manni maxxansaa kuniis yeroo jalqabaatiif gaazeexaa mata-dureen
isaa "AMIROY" jedhu Oomishe.

4, Bara 1911tti Hospitaalli Faransaay tajaajila fayyaa hawaasaaf kannuuf dhaabbate.

5, Bara 1919tti Manni barnoota hawaasaa "Giriik" dhaabbate.

6, Mana jireenyaa Sheek Ibraahim Billisaa bara 1919tti ijaarame.

7, Bara 1928tti daandiin Dirree Dhawaatii fi Harar walqunnamsiisu hojjatame.
Haatahuu malee Konkolaataan magaalalee tana lamaan jiddu deemu waggaa tokko booda (bara 1929tti) tajaajila kennu akka jalqabeetu himama.

8, Dildilli Dachaatuu bara 1966tti hojjatame.

9, Jiddu-gala gabaa Qafraa, bara 1940tti ijaarame.
10, Bara 1929tti warshaan Daakhuu fi Makkoroonii dhaabbate.
Abbaa qabeenyaa, Lammii faransaay "Henry Man fire" jedha.

11, Bara 1935tti Manni barnoota hawaasaa Indiyaanootaa ykn Baaliyaanootaan dhaabbate.

12, Bara 1935tti akka biyya kanaatti yeroo jalqabaaf ” Cobble Stone ” ykn dhagaa Koobiliitiin Karaan (Dandiin) hojjatame. .......... itti fufa......
Hubachiisa:- Dogongorri seenaa yoo jiraate na sirreeysaa.

Waan dubbiftaniif galatoomaa!
Art Murad Mohammed
Adooleeysa 30/2015
Dirree Dhawaa.galatomi bro art murad. Ilmaa sabaa.

04/08/2023

Rafuudhaan dura ........ !

1. Ifa (ibsaa ykn dungoo) boba'aa jiru dhaamsuu keessan mirkaneeffadhaa! ***Keessumaa immoo cilee ('kasala') namootni fayyadamtan qodaasaatiin ala baastanii dhaamsuu hin dagatinaa! Erga dhaamsitanii booda illee qodaasaa ala mana jalafaa bulchaa malee mana keessa hin bulchinaa!

2. Balbalaafi foddaan cufamuu isaa mirkaneeffadhaa!

3. Waan nyaatamu afaan keessaa qulqulleeffattanii liqimsuu (fkn akaayii) yookiin tufuu (fkn 'mastiikaa') hin dagatinaa!

4. Ilkaan keessan rigachuu hin dagatinaa!

5. Bishaan dhugaatii qodaasaatiin ofitti butattanii kaa'uu hin dagatinaa!

6. Mi'oota humna elektirikiitti qabatanii jiran (fkn:- TV, radio, bilbila 'mobile' charge'f itti godhamu....) hundumaa dhaamsuu ykn humna elektirikii sanattii adda baasuu mirkaneeffadhaa!

7. Rabbii keessan oolmaa galateeffattanii bultii keessan immoo harka isaatti dabarsitanii kennachuu hin dagatinaa!

Fayyaan Qabeenya!
Horaa bulaa! Halkan gaarii!

01/08/2023

Harmee tee Rabbi sirraa hin dhukkubsin, hin rakkisin! ❣️🤲

29/07/2023

Namoonni Barattuu irraa erga boorsaa saaman booda makiinaa jalatti darbanii ajjeesan to'atamuu komishiniin poolisii naannoo Hararii beeysise.

Komishinii poolisii naannichaatti itti aanaa komishanarii damee ittisa yakkaa Jaabir Aliyyuu akka ibsanitti Shakkamtoonni Bitooteessa 13 bara 2015 sa'aa 12:00tti magaalaa Harar iddoo Mobil ja'amtutti barattuu yane Warqi Abbabaa humnaan butanii baajaajii tvs keessa erga naqatan booda boorsaa isii harkaa saamanii isii baajaaj keessaa gad darbuudhaan konkolaataa faallaan dhufaa jiru jalatti darbanii akka lubbuun baatu godhaniiti jiru.

Shakkamtoonni 1ffaa Roobeel Ahmad, 2ffaa Shufeera baajaajichaa Daagim Tewdiroos fi 3ffaa Kiyyaa namoonni ja'aman yakka Sukkanneessaa erga hojjataniin booda gara naannoo Somaalee imaluun dhokachaa turaniis hordoffii cimaa Poolisiin taasiseen hundi isaanii to'annaa jala kan oolan ta'uu fi galmeen qulqullaawee gama Abbaa alangaa dabarsuuf qophiirra akka jiran komishanarii itta aanaa Jaabir Aliyyuu ibsaniiti jiran.
Gama biraatiin makhiinaan Atoobisiin Aaysuuzuu lakkoofsa gabatee 3 -351639 Oro kan Yane warqi dhawee ajjeese irrattiis qorannaan qulqullaawe abbaa alangaatiif dabruu addeeysaniiti jiran.

Harari Police Commission waabeeffanne .https://www.facebook.com/profile.php?id=100091930931553.fuula page keenya follow godha.

28/07/2023

Bishan lagaa hamaa