26/02/2024
Bu'uura dinagdee biyya keenyaa kan ta'e hojii misooma qonnaa irratti bu'aa argamaa jiru caalmaatti itti fufsiisuuf qindoominaafi xiiqiidhaan hojjrtamuu.akka qabu Obbo Bariisoo Fayyisaa Hoogganaa I/A BQO himan.
Leenjii Qonna Arfaasaa fi Gannaa bara oomisha 2016/17 marsaa lamaan guyyoota 10f ogeessota Qonnaa Naannooti hanga aanaatti jiraniif mata duree 'Qonna Beekumsa, Ogummaafi Trkinooloojiidhaan deeggerame gaggeessuun Galmoota Qonnarratti qabaman ni milkeessina jedhuun kennamu bakka manaajimantiin BQOfi Hoggantoonni Sektera qonnaa argamanitti magaalaa Adaamaatti eegalee jira.
Leenjiin kunis, ogeessota qonnaa Godinaafi Aanaa 2500 oli ta'aniif marsaa lamaan raawwii jajjabeessaa hojii qonnaarratti argamaa jiru caalamaatti itti fufiinsa akka qabaatuuf mata dureewwan ogummaa qonnaarratti dabalataan mata dureewwan onnachiisoo' mind setting' dabalatee ogeessota muuxannoo qabaniin kan kennamu ta'uu Obbo Bariisoon himuun, leenjitoonnis leenjii kana Aanaaleefi sadarkaa gandaatti Ogeessotaafi Qonnaan bultootaaf waan kennitaniif namuusa gaariin hordofuu akka qaban fhaamaniiru.
