21/02/2022
BOFTI🐍 tarii nu keessa jiraachuu malu tokko maal fakkaata? Maal akka fakkaatu adda baasuuf haga xumuraatti dubbifadhaa.
Yeroo baay’ee bofti kun, saba keessaa yeroo namni mataa olqabate tokko guddatu mataa keessa rukutuun gadi deebisuu yaala.
Yoo yaadaan qabdanii ilaaltan bofti namoota mataa ol-qabatan irratti duula labsu kun Afaanuma ati dubbattu dubbata. Sabboonaa of-godhee ykn akka nama sabichaaf quuqameetti of dhiheessa. Baay’inaan bofti kun miidiyaa hawaasaa kijibaa, akkasumas beekamoo ta’an tokko tokko duubas jira.
Yeroo baay’ee bofti kun Artistoota fi Hayyoota adamsa.
Mee artistii Oromoo ta’ee kan irratti hin duulamne tokko naa xaqasaa, hayyuu Oromoo ta’ee kan irratti hin duulamne tokko naa xaqasaa …..loading….. eeyyee kan irratti hin duulamne hin jiru jechuu dandeenya.
Fakkeenyaaf, yeroo duula Artist Hacaaluu Hundeessaa irratti duulamaa ture hundi keessan hin yaadattu. Artistii kabajamaa haga Hacaaluu ga’u konkolaataa qorqorroo fi feerroo dhaan bitamte jechuun duula irratti bana. Bofti kun osoo dhuguma sabboonaa ta’ee ykn sabaaf quuqama qabaatee, kan mataa isa dhukkubsuu qabu silaa maaliif Andualem konkolaataa hin qabaanne?, maaliif Lencho’n mana hin qabaanne? fi kkf jedhee iyyaafachuutu irra ture. Bofti kun isa hin qabne siif guutuuf osoo hin taane isati qabduyyuu sirkaa fudhachuudha kaayyoon isaa. Namoota mataa ol-qabatan(influential) ta’an saba isaanii wajjin wal-shakkisiisuu dha kaayyoon isaa. Tokkummaa diiguudha kaayyoon isaa.
Bofti kun guyya guyyaatti ajandaa siif boca, gowwaan keenya’s osoo hin qulqulleessiin harkaa fuudhee afarsa.
*****************************************
Malli Bofti kun fayyadamu ammoo:
1. Yeroo namni mataa olqabate tokko waa argatu ykn godhatu nama sana irratti, ofii akka waan sabaaf quuqama qabuu of-fakkeessuun nama sanammoo nama saba gane fakkeessee duula irratti bana.
2. “Abalu akkas hin goone, Abalu akkas godhe” jedha, “ofii ati maal goote?” yoo jettee gaafatteen deebii hin qabu.
3. Ofii dhabuu isaa osoo hin taane, kaan argachuutu isa aarsa.
4. FUDHACHUU malee KENNUU hin beeku.
******************************************
Kaayyoon bofa kanaas, nama mataa ol-qabate hunda gadi qabuudha.
Qorichi bofa kanaa maalidha?
1. Badii namaa ilaaluu qofa dhiisnee, gaarii namaas ilaaluu.
2. “Inni maaliif akkas hin goone?” akkuma jennu “ani maalan godhe?” jennee of-gaafachu.
3. Dhabuu kee malee argachuun namaa sin aarsiin.
4. Bofti kun si keessa yoo jiraate irraa of-qulqulleessuu.
HARRABA KEENYA CAALAA GURRA KEENYA, GURRA KEENYA CAALAAMMOO IJA KEENYA HAA FAYYADAMNU.
♠️❤️🏳️