30/12/2023
واحد خونا غادي جارو الكنطرول فالتران حيت كان سالت..
هو يعيطلو واحد شيباني، قالو آجي لهنا العفريت جلس هنا، مشيتي و خليتي ورقتك عندي
دري تلف ما فهم والو، غمزو شيباني يجي يجلس و عطا للمراقبين زوج ورقات مقطعين من مكناس للقنيطرة..
من مشا الكنطرول دري شكر سيد و سولو علاش عندك ورقة زايدة؟
جاوبو : هاذي ديالي و هاذي ديال مراتي لي ماتت هادي عشر سنين، واخا قليل فين نمشي فالقطار، فينما نركب تا نقطعها لمراتي تاهي، ولابالي شي حد محتاجها تا نعطيها ليه كما درت معاك دبا، يمكن تكون صدقة ليا و لمراتي❤❤
