Radio-Télévision Isanganiro RTI

01/09/2024

Kurikira amakuru yaranze indwi kuri Télévision Isanganiro

31/08/2024

Kurikira amakuru kuri Télévision Isanganiro

31/08/2024

: Ibikorwa vyo gusanura amasomero 9 y’ishure ryitiriwe umugabekazi w'ubwitonzi ry'i Gitega ryahoze ryitwa CND bimaze amezi arenga abiri vyarahagaze. Bivugwa n’umuyobozi waryo. Ivyo bikorwa vyariko birangurwa n’ikigo OBUHA kijejwe inyubako. Patiri Simon Nzigirabarya avuga ko hari aho bari basambuye bitegurira kubaka n’ahandi bari bakuye umuyagankuba ngo bashobore gukora neza.

Ku bwiwe, ubu hari amasomero 7 atagira umuyagankuba n’ayandi 2 hasi no hejuru hadakoze. Yemeza ko hatiteguriye kwakira abana. Ni mu gihe umwaka w’ishure wimirije gutangura. Asaba ikigo OBUHA kugaruka kigaheraheza ibikorwa, bakaraba ivyihuta kugira baze bakire abanyeshure. Avuga ko bokora bike nko gushira itsinga muri ayo masomero 7 kugira abana bazoshikire ahabona hamwe no gushira isima muri ayo yandi 2 bagakora no hejuru.

Patiri Simon Nzigirabarya ashikiriza ko wari umugambi wo gusubiramwo ishure ryose. Abona ariko ko ubu utoba ugikunda. Léonidas Nibigira, komiseri mukuru w’ikigo OBUHA, amenyesha ko bagiye kuraba uko bosubira gukora ibikorwa vyihuta bafise harimwo gusanura iryo shure.

30/08/2024

Imvugo zimwe zimwe zikumira umukenyezi mw’iterambere ngo hari abamaze kuzirengera, nk’uko bivugwa n’abanyagihugu bo muri komine Nyanza-Lac intara ya Makamba. Mbega weho ubona hari icokorwa kugira imico n’imigenzo imwe imwe ntitume umukenyezi asigara inyuma mw’iterambere?

Ntucikwe n’ikiganiro Duhane ijambo co kuri uyu wa gatandatu isaha zine z’igitondo kuri Radio Isanganiro. Mugitegurirwa na Studio Ijambo igisata co kumenyesha amakuru c’ishirahamwe mpuzamakungu Search For Common Ground in Burundi, mu mugambi "Je na We mw’iterambere".

30/08/2024

Ibikoresho vyo kubika, gukanyisha no gutwara incanco nivyo vyahawe umugambi w’igihugu ujejwe gucandaga PEV, kuri uyu wa gatanu. Vyatanzwe n’ikigo kijejwe kugenzura no gukinga indwara ku mugabane wa Afrika, Africa CDC. Umwunganizi w’umushikiranganji w’amagara y’abantu yamenyesheje ko bifise agaciro k’amafaranga yababa umuriyaridi w’amarundi.

Isidore Ntiharirizwa ashikiriza ko muri ivyo bikanyisha harimwo bimwe bikoreshwa n’umuyagankuba n’ibindi bikoreshwa n’imishwarara y’izuba. Yemeza ko bizofasha gutanga incanco z’akanovera zifise akamaro mu gukinga indwara.

30/08/2024

: Bamwe mu banyagihugu bagiriza abadandaza ko banyegeza isima y’ihinguriro BUCECO kugira igurishwe mu kinyegero ku mafaranga y’umurengera. Abayaze n’Isanganiro, kuri uyu wa kane, bemeza ko babona ipakururwa ku mugaragaro ariko ntiboneke mu nzu z’ubudandarizo. Bamenyesha ko kuri magendo igurwa ibihumbi 72 mu gihe mu ndwi iheze yagurwa ibihumbi 62.

Hagati aho, ihinguriro BUCECO ryaradugije ibiciro, kuva wa 19 Myandagaro. Umufuko w’isima ifise urugero rwa R32.5 wahora ku bihumbi 38 wagiye ku bihumbi 45. Iyifise urugero rwa R42.5 yavuye ku bihumbi 48 ishirwa ku bihumbi 55. Biri mw'itangazo ryasohowe, ku wa 16 Myandagaro. Umuyobozi wa BUCECO ashikiriza ko "ivyo biciro bitegerezwa kwubahirizwa n’abadandaza bose ku neza y’abakoresha isima".

30/08/2024

: Abanyagihugu bo ku murwa mukuru wa komine Songa bakora imirimo isaba umuyagankuba baridoga ko haciye amezi 5 yarahagaze biturutse ku bukene bw’umuyagankuba. Bavuga ko vyavuye ku cuma kiwuhingura ‘transformateur’ capfuye. Bashikiriza ko ico kibazo kibatera ubukene.

Abituro ivuriro rya Ruvumvu nabo bashikiriza ko hari ibipimo bisaba umuyagankuba bitagishobora gukorwa. N’abakozi bo mu biro vya komine baremeza ko bibagora gukora kubera ico kibazo. Basaba Regideso gukora ico cuma canke kugisubiriza kugira imirimo ibandanye. Musitanteri w’iyo komine avuga ko yabishikirije Regideso ariko gushika ubu inyishu itaraboneka.

Muri Regideso mu karere k'ubumanuko bemeza ko bamaze gusaba ikindi cuma kigisubiriza. Bizeza abanyagihugu ko kigiye kuboneka.

30/08/2024

: Abarimyi b'ikawa bo ku mutumba Karurusi muri komine Gatara bashoreye umwimbu wabo kw'itonorero ry'i Karinzi baridoga ko bamaze amezi hafi atandatu batarahabwa amafaranga y'ikawa bashoye. Iryo tonorero ryegukira ikigo kijejwe guteza imbere ikawa ODECA. Bavuga ko babuze amafaranga yo kugura ifumbire y’agatasi, ibikoresho vy’abana n’ibindi vya nkenerwa. Basaba gutunganirizwa.

Umwe muri bo agira ati : "Kuva mu kwezi kwa gatatu kugera n’uyu mwanya nta n’ijana baraduha. Nta n’ikingorongoro. Mu kw’icenda haburamwo iminsi mike. Ntiturahembwa n’umuhembo wa mbere kandi mu myaka yahera twaba turiko turahembwa n’imiburiburi umuhembo ugira gatatu. Nta mahera dufise yo kugura ibikoresho abana bazojana kw’ishure".

Uwuserukira ico kigo mu ntara z'uburaruko avuga ko ari ikibazo c'ubuhinga cabaye. Félicien Niyibitanga ariko arahumuriza abo barimyi ko vuba cane bagiye kuronswa ayo mafaranga yabo.

30/08/2024

29/08/2024

Kurikira amakuru kuri Télévision Isanganiro

29/08/2024

: Hari umunyagihugu wo mu gisagara ca Kayanza ahingura amakara mu micafu itandukanye ibora. Avuga ko ayegeranya akayanikira akayiturira hanyuma akabisekura. Ngo aca abihingura kugira abishire mu mashini ica isohora ikara. Abubakar Nduwimana ashikiriza ko yabitanguye kugira akingire ibidukikije yongere aterere mw’isuku ry’igisagara ca Kayanza.

Ku bwiwe, hamwe abarundi bokwijukira gukoresha amakara ahingurwa mu bindi atari ibiti vyofasha na cane cane muri iki gihe ngo amashamba agenda arahona bivanye n'abakoresha ibiti harimwo n'abaturira amakara mu biti. Umwe mu bamaze gukoresha ayo makara avuga ko afise akarusho agereranije n’ayava mu biti kuko ari manini, yaka neza kandi aramba.

Mu ntwaro muri komine Kayanza baratera intege uwo munyagihugu muri uwo mugambi. Musitanteri wa komine Kayanza aremeza ko vyofasha gukingira ibidukikije. Asaba n'abandi babishoboye guhingura bene n’ayo makara. No mu kigo kijejwe ibidukikije muri iyo ntara barabishima. Bamenyesha ko n'imiburiburi ibiti biri ku buringanire bwa hegitari 8 n'igice vyicirwa buri mwaka mu mashamba yo muri iyo ntara.

29/08/2024

: Abanyagihugu bo ku mutumba Musenyi muri komine Songa, bafise amatongo ari ahari ivyuma bizocako intsinga z'umuyagankuba uzova ku rugomero rwa Jiji Mulembwe, baridoga ko batemaguriwe imirima, kuri uyu wa kabiri, ata muzibukiro bahawe. Bashikiriza ko vyatemwe n’abakozi b’ishirahamwe KEC ryashinze ivyo vyuma. Basaba guhabwa umuzibukiro.

Abakozi b’ishirahamwe Regideso bari kumwe n’abajejwe intwaro bash*tse kuri uyo mutumba, kuri uyu wa kane. Musitanteri wa komine Songa avuga ko ivyo abo banyagihugu basaba bifise ifatiro. Damien Ngendakuriyo ashikiriza ko naho ahazoca izo ntsinga hazwi, hagati y’icuma n’ikindi hataraharurwa ngo hatangirwe umuzibukiro. Ku bwiwe, habaye ingorane no guhanahana amakuru hagati y’abakozi ba Regideso n’ishirahamwe KEC.

Umurwi w’abakozi ba Regideso, intwaro hamwe na komite y’abanyagihugu bene ayo matongo baciye batangura guharura ivyononekaye n’ahazorihirwa imizibukiro. Abo banyagihugu baciye bahabwa impapuro ziriko ivyo bazoriherebwa umuzibukiro. Abo bakozi bamenyesha ko ico gikorwa co guharura ahazoca ivyuma vy’itsinga z’umuyagankuba kizobandanya gushika no kw’Itaba muri komine Bururi ahazoshika ica nyuma.

29/08/2024

Inkoko 600 z'ubwoko bwa SASSO T451 zifise agaciro k'amafaranga yababa imiriyoni 14 nizo zahawe abarimyi cane cane abakenyezi n'abana bo mu makomine ya Bubanza, Mpanda na Rugazi y'intara ya Bubanza, kuri uyu wa gatatu. Zatanzwe n'ishirahamwe ACORD Burundi, rikora ibijanye no guteza imbere abanyagihugu, mu mugambi wiswe 'Kugwiza'. Ushigikiwe n'ikigo ca reta zunze ubumwe za Amerika kijejwe iterambere USAID, kibicishije mu kigo ITTA.

Uwuhagarariye uwo mugambi yemeza ko izo nkoko zirinda ingwara kandi ari ubwoko butagoye kugaburira. Dieudonné Nduwimana ashikiriza ko zishobora guta amagi hagati ya 250 na 270 ku mwaka. Yabasavye kuzifata neza batibagiye isuku ry’aho zororewe kuko zitabana n’umucafu. Avuga ko bizobafasha kwiteza imbere kuko baronse ahandi bakura uburyo bwo kwibeshaho.

Abanyagihugu bavuga ko banezerewe cane kuko bari bazikene. Bamwe muri bo bashikiriza ko ata gitungwa na kimwe bari bafise. Bemeza ko biteguye kuzitunga neza kugira baze biteze imbere. Umwe mu bajejwe intwaro ku mutumba muri komine Rugazi nawe nyene arashima. Emmanuel Ndayisenga arizera ko bazozifata neza kuko ngo baronse inyigisho zikwiye zijanye n'uko bazorora. Ico gikorwa catanguriye mu ntara ya Cibitoke casozerewe mu ntara ya Ngozi, kuri uyu kane.

28/08/2024

Suivez le journal à télévision Isanganiro

28/08/2024

: Abagendesha imodokari canke amapikipiki baranegura ingene abadandaza igitoro mu bibanza atari ku bituro kidandarizwako bafatwa bakanacakwa. Abaganiriye n’Isanganiro i Nyamitanga muri komine Buganda bavuga ko ivyo biteza ukwinubana hagati y’abanyagihugu n’intwaro hamwe n’inyamiramabi. Bipfuza ko reta yokwugurura umuhora wo kwinjiza igitoro kiva mu gihugu ca republika iharanira intwaro rusangi ya Congo.

Kuri ivyo, musitanteri wa komine Buganda asaba abanyagihugu gutahura ko kubuza be n’urwo rudandazwa avuga ko rutemewe ari ku neza yabo. Pamphile Hakizimana yemeza ko bibagora gutahura kuko babonye bashoboye kuronka ibihumbi 2 canke 5 babona ko umuryango urara uriye. Ashimangira ariko ko umunyagihugu afise agaciro gusumba izo nyungu zose. Ku bwiwe, ingingo zose zifatwa n’intwaro ifadikanije n’igiporisi mu ntumbero yo gukingira umutekano wabo.

Hagati aho, mu gitondo co kuri uyu wa gatatu ku mugwa mukuru wa komine Rugombo, hari uwugendesha ipikipiki yakomerekejwe n’umuporisi aho yariko asamusaka mw’ishakoshi yari afise ngo hoba harimwo igitoro. Bivugwa ko uwo muporisi yarashe amasasu hejuru kugira atere ubwoba uwo abagendesha ipikipiki. Amakuru ava ku bamurongoye yemeza ko yategetswe kumuvuza kandi ko ategerezwa no guhanwa.

28/08/2024

La rentrée scolaire approche?

Le Crédit Scolaire de Ecobank Burundi est là pour vous aider !
Offrez à vos enfants le meilleur départ possible avec un financement adapté à vos besoins.

N'hésitez pas à vous rendre à l'agence Ecobank Burundi la plus proche de vous pour plus d'informations.

28/08/2024

Ururimi rw'ikirundi kugira rugume ruvugwa neza ngo rutegerezwa kwandikwa rukaja ku mbuga za none kugira abarundi baba mu Burundi no mu mahanga bashobore kurukoresha vyoroshe. Ferdinand Mberamihigo, umwigisha muri kaminuza, yabivuze, kuri uyu wa gatatu, mu nama yo guhanahana ivyiyumviro ku bijanye n'ingene urwo rurimi rwoshirwa ku rubuga ronderero Google translate nk’izindi ndimi. Umushikiranganji wo gutumatumanako amakuru yamenyesheje ko agiye kubishikiriza inzego zimukurira kugira bashobore gushikira uwo mugambi wo gutezimbere ururimi rw'ikirundi.

28/08/2024

: Bamwe mu bayobozi b'amashure afise uburaro bavuga ko batanguye imyiteguro y'umwaka mushasha w'ishure wa 2024 ushira uwa 2025, haba mu vy'uburaro canke mu vy'ivyigwa. Ariko benshi bavuga ko bafise ingorane z'ibikono batekamwo bishaje, imatera n'ibitanda bishaje kandi bidakwiye, abigisha badakwiye n'ibikoresho mfashanyigisho bidakwiye.

Intara yose ya Gitega iharurwamwo amashure 17 afise uburaro. Amashure atagira imatera zikwiye ngo bituma batuma abana kuza bazizaniye. Aho abigisha badakwiye ngo bikora ku bakorerabushake bahabwa agasabu kavuye mu ntererano z’abavyeyi. Umwana ariha amafaranga igihumbi ku gice.

Nayo kubera reta itarabaha amahera yo gusumira abanyeshure, abo bayobozi bamenyesha ko bariko barondera abadandaza bazobaha imfungurwa z'abanyeshure kw'ideni. Aha, bidoga bavuga ko hari abadandaza baca baduza ibiciro bitwaje ko bazorindira. Ku bw’abo bayobozi, ivyo bibazo babishikirije ababakurira, barindiriye inyishu.

📷d'archives

28/08/2024

Imyaka 24 irarangiye, kuri uyu wa 28 Myandagaro, hashizwe umukono ku masezerano y’i Arusha. Léonce Ngendakumana, yari mu bitavye ibiganiro vyash*tse kuri ayo masezerano, abona ko uno munsi igikenewe ari ukuyihweza hakarimburwa ivyakozwe, ivyagoranye hamwe n’ibisigaye gukorwa. Yibutsa ko zimwe mu nkingi ziyagize harimwo gutsimbataza demokarasi n’intwaro ibereye. Ariko Léonce Ngendakumana asanga abarundi batarashika ku vyo biyemeje ariko ko hari ibiriko birashirwa mu ngiro.

Umuryango w'Abaganwa mu Burundi uvuga ko ushima ko ayo masezerano yatumye haba ituze mu gihugu. Ariko unegura ko ‘abayakoze bayirabishijeko, bamwe bavuga ko baserukira abahutu abandi abatutsi’. Clément Ndayiziga, umwe mu bagize uwo muryango, asigura ko vyatumye inkehwa, harimwo abaganwa n’abatwa, zidaserukiwe. Afatira ko igice kimwe cayo kiri mu bigize ibwirizwa shingiro. Ashimangira ko ubwoko bw’abaganwa buzwi kuko bwatwaye imyaka n’imyaka.

Clément Ndayiziga ashikiriza ko bemerewe gutora gusa ariko badashobora kwitoza, ufatiye kw’ibwirizwa shingiro. Ku bwiwe, ikibabuza kwitoza ni uko bavuga ko umuntu yitoza mu nzego kanaka ategerezwa kuba mu bwoko bwashizwe mw’ibwirizwa shingiro. Ubwo nabwo ni abahutu n’abatutsi. Ati: muri ico gihe umuganwa uca umengo ico gihugu si rwiwe, umengo turiho nk’impunzi, umengo turiho nk’abantu basavye indaro mu gihugu c’iwacu’’. Asaba ko ivy’amoko vyofutwa muri iryo bwirizwa canke bagashirwamwo bose kugira abarundi bose biyumve.

28/08/2024

: Bamwe mu badandaza ibinyobwa vya Brarudi kw'icupa bo ku mugwa mukuru w'intara ya Bururi baridoga ko badafatwa kumwe mu guhabwa ivyo binyobwa. Bashikiriza ko hari bamwe barangurira mu bubiko (Mega) ariko nabo bakarangurira ku babiranguza ku makaziye. Ku bwabo, bituma baronka ikaziye imwe ya Amstel mu gihe abaja muri Mega barashobora kuronka amakaziye 10 canke arenga.

Abo badandaza basigura ko badatahura igituma nabo batabihabwa nk’abo bandi kandi banganya ibisabwa. Basaba ko uwuserukira Brarudi i Bururi yokwerekana ico yisunze kugira yemerere bamwe kurangurira muri Mega, abandi akabankira. Babona ko ibinyobwa vyosubira guhabwa ababiranguza bafise ububiko hanyuma nabo bakabitanga bisunze urutonde rwashizwe ku mugaragaro, nk’uko vyahora.

Mw’ihinguriro Brarudi bamenyesha ko abadandaza kw'icupa barangurira muri Méga ari abashizwe mu murwi wisumbuye ico bita forteresse. Bavuga ko batorwa hisunzwe ico binjiriza Brarudi n'ibindi. Bahamagarira abidoga kuraba koko ko bafise ubushobozi bungana n’ubwo abo barangurira muri Mega.

📷d'archive

27/08/2024

Suivez le journal à la Télévision Isanganiro

27/08/2024

Kurikira amakuru kuri Télévision Isanganiro

27/08/2024

Abagize imirwi ijejwe amatora mu makomine CECI baherutse gushirwaho. Umugambwe CNL umenyesha ko batashimishijwe n’ibibanza 24 baronse ku 294. Umunyamabanga mukuru wawo asigura ko CNL ari umugambwe wari ukwiye guhabwa ikibanza gikwiye. Mw’itangazo wasohoye, kuri uyu wa mbere, Léopold Hakizimana ashikiriza ko bituye imirwi ijejwe amatora mu ntara CEPI. Bizeye ko bizohindurwa, bahabwe ibibanza bijanye n’igihagararo bafise mu gihugu. Ku bwiwe, basanze harimwo agahaze kuko benshi ari abo mu mugambwe uri ku butegetsi.

No mu mugambwe CODEBU bemeza ko igizwe ahanini n’umugambwe uri ku butegetsi canke amwe mu mashirahamwe awushigikiye. Keffa Nibizi awurongoye abona ko yategerezwa kuba igizwe n’urwo ruhande hamwe n’urundi rw’iyitavuga rumwe nawo kugira ibe iyihumuriza bose. Asanga rero ataho itandukaniye n’iyo mu ntara hamwe n’uwujejwe amatora ku rwego rw’igihugu. Hagati aho, ashikiriza ko baronse umuntu umwe gusa muri iyo mirwi CECI. N’ubwo biri uko, ahamagarira abagize iyo mirwi gukora ataho bahengamiye.

Umugabwe APDR wo uvuga ko ushimishwa n'ibibanza 4 waronse mu bazoba bajejwe gutunganya amatora mu makomine. Ku bijanye n’abidoga ko batashikiriwe, Gabriel Banzawitonde awurongoye yibaza ko hoba hari imigambwe itatanze intonde kuko idafise aboyiserukira mu makomine. Yemeza ko imigambwe, naho ari myinshi mu gihugu, itanganya inguvu ku rubuga. Kimwe gusa, asaba abatowe kuzotunganya amatora ataho begamiye kugira ibizoyavamwo bizoshimishe bose.

Abanyagihugu bo mu gisagara ca Bujumbura bo basaba ko, abo batowe guhagararira amatora ku rwego rw'amakomine, bokora ku neza ya bose bataravye imigambwe bavuyemwo. Babahamagarira kandi kuzoshira aho intahe ishize, bakirinda gucisha ku ruhande. Ikindi basaba ni uko hoba umutekano kugira umunyagihugu azotore yisanzuye.

📷RFI

27/08/2024

: Ibikorwa vyo kwubaka inyubakwa izoba igenewe kwakira abakenyezi baje kwibaruka ku bitaro ‘Natwe Turashoboye’ vy'i Karusi vyarahagaze, haraheze ikiringo c'ukwezi. Vyariko birarangurwa n'ikigo OBUHA kijejwe inyubako za reta, kuva mu kwezi kwa gatanu.

Uwukirongoye mu ntara ya Karusi amenyesha ko babihagaritse kugira haboneke indinganizo nshasha ijanye n'ibikorwa vy’inyubako za reta. Aha, Georges Havyarimana asigura ko barindiriye ingingo mperekeza z’ibwirizwa rigenga amahera ya reta n’ikoreshwa ryayo muri uyu mwaka wa 2024-2025.

Mu buyobozi bw'ivyo bitaro bo bamenyesha ko, bafadikanije n’ubushikiranganji bakukira, bariko barategura isoko yo kwubaka iyo nyubakwa izoba igeretse kane. Protais Baribarira yongerako ko izokubakwa ku buryo bw'ivyo bitaro nyene.

📸d'archives

27/08/2024

Ibintu bimwe bimwe abarundi bahora barangurira mu mahanga nk’ibirato vyitwa ‘yeboyebo’ n'ibindi biraboneka mu Burundi, bikarangurwa mu mafaranga y'amarundi. Bihingurirwa i Musigati mu ntara ya Bubanza. Uwujejwe kumenyekanisha ibidandazwa mw'ihinguriro F-Safi ribikora yabivugiye mw’ihayanisha gurisha ryatanguye mu Rumonge, kuri uyu wa mbere.

Domine Kwigize amenyesha ko baje kwimenyekanisha bongere bakebura abahora baja kubirangura hanze. Abaguzi bemeza ko batari bazi ko bikorerwa mu Burundi. Uwuronogoye umurwi utunganya iryo hayanisha gurisha abona ko ari akaryo gahuza abaguzi n'abahinguzi ndetse no ku bahinguzi ko kwigira ku bandi. Ahamagarira abafise amahinguriro kwitabira iryo hayanisha ari benshi.

Iryo hayanisha gurisha ritegekanijwe kurangira kuri uyu wa gatandatu. Ibindi bihingurwa biri muri ryo ni imbabura zakishwa n'amavuta aba yavuye mu moteri benshi bita umubire (mobile) zikorerwa mu Rumonge, amakara akorwa mu micafu, n’ibindi.

27/08/2024

La BHB a placé ses soucis dans l'accompagnement des membres de la Diaspora burundaise dans leurs projets d'investissement et de la promotion immobilière.

26/08/2024

Suivez le Journal à la Television Isanganiro