Kavaja.Net

06/04/2023

7 sportistë morën gradën honorifike të kolonelit, trishtohet Daniel Godelli: Si shteti harron dikë që ka fituar 50 medalje?

Atletja Luiza Gega, peshëngritësit Briken Calja e Erkand Qerimaj, boksieri Alban Beqiri dhe xhudistet kosovare Nora Gjakova, Majlinda Kelmendi e Distria Krasniqi përmes një ceremonie të zhvilluar në mjediset e Ministrisë së Mbrojtjes, 7 sportistë elitarë kanë marrë gradën honorifike të kolonelit.

Në lidhje me ceremoninë e zhvilluar ditën e sotme, ku nuk munguan zyrtarët shtetërorë, ka reaguar Daniel Godelli. Peshëngritësi i njohur shqiptar priste që të ishte edhe ai pjesë e sportistëve që u graduan kolonelë.

“Bashkë me gëzimin që përjetova për kolegët e mi të cilëve ua di vuajtjet, përjetova edhe një trishtim! Shteti im, atdheu ku unë u linda, u rrita dhe nuk u largova edhe pse ofertat ishin të pafundme, më kishte harruar?

Pse vallë? A nuk e di shteti im se kush jam unë? A nuk e di shteti im që unë Daniel Godelli i kam dhuruar atdheut tim më shumë se 50 medalje! Medalje ari, argjendi dhe bronzi.

Besoj se ishte thjesht një harresë dhe neglizhencë. Jam në pritje të korrigjimit sa më shpejt të kësaj harrese”, shkruan Daniel Godelli.

06/04/2023

“Qytetarët mendjen tek Gjeli i detit”, Redjan Krali tek tenderi i plehrave, Kush e detyroi kryetarin e Bashkisë të firmosë për 5 Vite, 4 muaj përpara zgjedhjeve të 14 Majit!

Disa ditë para vitit të ri 2023, bashkia e falimentuar e Kavajës nën drejtimin e Redjan Kralit lidhi kontratën me kompanitë e nipit të ish-deputetit socialist Sadri Abazi dhe biznesmenit kosovar Imer Ademi me vlerë 6 milionë euro për pastrimin e qytetit dhe njësive administrative.

Nga kërkimet tona rezulton se tenderi ka patur dyshime për korrupsion dhe favorizim kompanish pasi ka patur ankesa dhe episode që janë objekt i hetimit nga Kontrolli i Lartë i Shtetit.

Tenderi i fituar me vlerë 659 milionë lekë të reja për 5 vite nga kompanitë “Alko Impex Construction & ALKO-IMPEX General Construcion” shpk.

Redjan Krali është kryetari i një Bashkie zyrtarisht të falimentuar, me borxhe që as kryetari, as drejtësia nuk i japin shpjegim kur janë dhënë miliona euro për Rindërtim.

Fiks në kohën kur qytetarët e Kavajës bënin llogaritë me laps e letër për vitin e ri dhe kishin hallin e gjelit të Detit, kryebashkiaku socialist e kishte mendjen tek tenderi i plehrave me miliona euro.

Më herët qeveria që e shpalli falimentin për Bashkinë Kavajë dhe që do e zëvendësonte kryetarin me një administrator, është e njëjta që disa ditë më parë e rishpalli si kandidat të vlefshëm për bashkinë e falimentuar.

Megjithatë le të kthehemi tek tenderi, i cili nuk është i vetmi me probleme nga tenderat e bashkisë, por që ka shumë fije, të cilat lidhin Redjan Kralin me kompani të lidhura me pushtetin.

Gara për tenderat e qytetit të Kavajës vazhdon të ketë pjesëmarrës të shtirur ose fiktiv. Në garën e hapur më 29 gusht 2022 kanë marrë pjesë kompanitë “Alko Impex Construction & ALKO-IMPEX General Construcion” shpk, “Pastrime Silvio” shpk dhe “Korsel shpk & Cogren” shpk.

Për të disatën herë, në tenderat e realizuar nga Redjan Krali ka marrë pjesë një kompani që futet në garë, por nuk bën ofertë për të fituar tenderin. Kjo kompani është “Pastrime Silvio” shpk, në pronësi të Bule Allmuça dhe që ka eksperiencë në fushën e pastrimit dhe tenderave publik. Pjesëmarrja në garë dhe mungesa e ofertës hedhin dyshime të forta që gara ka qënë e stisurme fitues të paracaktuar dhe kjo përforcohet nga kompania tjetër.

Bashkimi i kompanive “Korsel shpk & Cogren” shpk kanë bërë ankesë sepse janë skualifikuar nga gara duke mos patur mundësi të garojnë me kompanitë “Alko Impex Construction & ALKO-IMPEX General Construcion” shpk. E para është në pronësi të Arbër Abazi, nipi i ish-deputetit të Partisë Socialiste Sadri Abazi ndërsa tjetra është në pronësi të biznesmenit nga Kosova Imer Ademi.

Gara për pastrimin e qytetit, e fituar nga kompanitë “Alko Impex Construction & ALKO-IMPEX General Construcion” shpk. Në tender shihet qartë që kompania “Pastrime Silvio” shpk nuk ka bërë ofertë.

Siç e shihni dhe nga tenderi, kompanitë “Korsel shpk & Cogren” kanë bërë ofertën me vlerë 435 milionë lekë ose gati 4 milionë euro ndërsa kompanitë e Arbër Abazit dhe Imer Ademitkanë ofertë më të lartëme vlerë 549 milionë lekë ose 5 milionë euro.

Pra, diferenca është 1 milionë euro dhe kjo i nxirrte jashtë loje kompanitë “Alko Impex Construction & ALKO-IMPEX General Construcion” shpk, të cilat kanë fituar miliona euro nga bashkitë për pastrimin e bashkive kryesore në vend.

Në këtë moment ka ndërhyrë kryetari i bashkisë Redjan Krali që është edhe kryetari i Komisionit të Vlerësimit të Ofertave duke e skualifikuar kompaninë tjetër për arsye qesharake.

Ka qënë Bashkia Kavajë që i ka trazuar procedurat pasi duke parë që oferta e këtyre kompanive është më ekonomike dhe do fitojë garën automatikisht, i kanë kërkuar informacione shtesë këtyre kompanive duke sjellë procedura të tjera qellimisht.

“Mbështetur në nenin 82/2 të ligjit nr. 162, datë 23.12.2020 “Për Prokurimin Publik”, kërkojmë nga ana juaj informacion shtesë dhe dokumente mbështetëse si përcaktohet në pikat 1/e te kritereve të përgjithshme”, shkruhet në dokumentat e publikuar nga Komisioni i Prokurimit Publik.

Pjesë nga dokumenti ku i kërkohen materiale shtesë kompanive “Korsel shpk & Cogren” nga Bashkia Kavajë.

Komisioni i kryesuar nga Jonaid Myzyri nuk e ka pranuar ankesën e këtyre kompanive, duke lënë në fuqi vendimin e Bashkisë Kavajë që i ka dhënë në tavolinë pa garë tenderin e majmë me vlerë 6 milionë euro nga Redjan Krali.

Open Albania e ka shënuar me flamur të kuq këtë procedurë sepse janë skualifikuar të gjitha kompanitë konkurruese përveç fituesit. Shënimi me flamur të kuq i një procedure prokurimi tregon rrezik të mundshëm për sjellje të papajtueshme me ligjin ose jo-etike të biznesit, kryesisht në lidhje me mos-respektimin e ligjeve anti-korrupsion sipas Open Data Albania.

Pyetjet që lindin në këto momente lidhen me faktin se kush e detyroi apo Pse kryetari i Bashkisë Kavajë firmosi një tender prej 6 Milionë Euro për 5 Vite, 4 muaj përpara zgjedhjeve vendore të 14 Majit dhe në kohën kur Ai ende nuk ishte zyrtarizuar si kandidat i PS në këto zgjedhje.

A ishte kusht dhënia e ketij tenderi për pastrimin e plehrave për rikandimin për mandatin e dytë?!

Nga: Kavaja.Net

06/04/2023

Fisnik Qosja prezanton programin për Kavajën: Zyra e projekteve promotore për thithjen e investimeve për qytetin!

Mesazhi i Plotë

📌Zyra e Projekteve e Bashkisë, si një instrument i rëndësishëm financiar për zhvillimin e Kavajes.

Ndoshta shumë pak qytetarë kanë dijeni se krahas falimentimit të Bashkisë Kavajë, kjo administratë ka një tjetër rekord negativ ekskluziv të sajën!
Bashkia Kavajë zë vendin e fundit për përthithjen e fondeve, donacioneve dhe projekteve të huaja në Republikën e Shqipërisë dhe me gjasë në të gjithë Ballkanin🤦🏻‍♂️

Shkaku kryesor i kësaj të dhëne është performanca e ulët e administratës dhe besueshmëria e cunguar ndaj drejtuesve të Bashkisë! Pavarësisht zemërgjerësisë së Bashkimit Europian dhe partnerëve të tjerë për ta ndihmuar Bashkinë Kavajë me fonde, asistencë teknike, rritje kapacitetesh në infrastrukturë, inovacion, arsim, sipërmarrje etj., drejtuesit e Bashkisë me makutërin dhe babëzinë që i karakterizon nuk e humbasin asnjëherë rastin të na marrin fytyrën! Një tjetër damkë për qytetin tonë në sytë e miqve!

Pas 14 Majit, me drejtimin tonë, Zyra e Projekteve nga një njësi latente në administratë, do të kthehet në një strukturë strategjike dhe një ndër instrumentat financiar më të rëndësishme të Bashkisë Kavajë!

Ne kemi gati projektet në fushën e menaxhimit te ujërave, turizmit, trashëgimisë kulturore, infrastrukturës, trajtimit të mbetjeve, vaditjes dhe bujqesise si dhe kemi zhvilluar takime me partneret dhe donatorët kryesor ndërkombëtar!

✅ Qëllimi jonë është që Zyra e Projekteve, pa përfshirë programet e , t’i sigurojë Bashkisë Kavajë 4-10 milion euro në vit vetem nga grante dhe donacione ndërkombëtare!

Pas datës , Bashkia synon të kthehet në një ndër institucionet e qeverisjes vendore më të besueshme dhe më dinjitoze në vend, ashtu siç i takon kavajsve!
Ne do të investojmë menjëherë për rritjen e kapaciteteve tona teknike dhe fuqizimin e Zyrës së Projekteve për të nxitur vënien në lëvizje e të gjithë potencialit tonë njerëzor dhe natyror!

Me 14 Maj, të gjithë bashkë t’i prijmë ndryshimit të shumëpritur🙏
Kavaja është në duart tona💙❤️

06/04/2023

Sherr me thika, plagosen dy persona, detajet e para!

Konflikt me thika në Durrës. Ngjarja ka ndodhur paraditen e sotme rreth orës 10:30, në lagjen nr. 3, Durrës, dyshohet se gjatë një konflikti për motive të dobëta, shtetasit B. G., dhe Xh. M., kanë dëmtuar njëri-tjetrin, me mjete prerëse. Të dy këta shtetas ndodhen në spital, për nd...

05/04/2023

Ervin Salianji i deleguari i PD për Kavajën, Fisnik Qosja: Bashkë të pandalshëm drejt fitores në 14 Maj!

Takim prezantues me strukturat tona i të deleguarit të Partisë Demokratike për zgjedhjet në Kavajë, të nderuarin z. Ervin Salianji✌️

Fryma e ndryshimit, e një mendësie të re ka sjellë një entuziazëm dhe shpresë të madhe në terren🤝
Krahas aktivizimit masiv të mbështetësve tradicional dhe qëndrestar, përfshirjes së qytetarëve, është bukur të rishohësh rikthimin e mbështetësve tanë historik të cilët kishin krijuar një distancë nga Partia Demokratike vitet e fundit💙💙

Detyra jonë gjatë këtyre javëve do të jetë para së gjithash t’i japim zë të harruarve, të padëgjuarve, çdo personi, çdo historie, çdo të riu dhe të reje, çdo simpatizanti, çdo qytetari të Bashkisë Kavajë!
Kjo është rruga e fitores!

Fushata jonë është e qytetare, e vendosur, e drejtë dhe e ndershme! Marshimi jonë drejt fitores është i pandalshëm!

Me 14 Maj, bashkë me qytetarët e nderuar do t’i prijmë ndryshimit që të gjithë po presin në Kavajë✌️🤝

05/04/2023

“Shpërblimi elektoral, duhen rritje” / Zef Preçi: Biznesi nuk e përballon dot rritjen e pagës!

të ndjekur kanalin tonë në YouTube bëni subscriber në: Gazeta Panorama Like Gazeta Pan...

05/04/2023

Agon Channel fiton përfundimisht Arbitrazhin, dëmshpërblim 108 mln euro nga shteti shqiptar!

Agon Channel fiton përfundimisht në përballjen me qeverinë shqiptare, pasi Arbitrazhi i Bankës Botërore ka rrëzuar rekursin e qeverisë Rama dhe i ka dhënë të drejtë televizionit të biznesmenit italian Francesco Becchetti duke lënë në fuqi vendimin e marrë më herët. Sipas vendimit ...

04/04/2023

Tani kullotin delet, Fisnik Qosja flet për Stadiumin Besa: Kavajasve ju hoqën shpirtin, ekipi po luan si endacak! Më 14 Maj rikthejmë shpresën!

Mesazhi i plotë

T’i mohosh kavajasve futbollin, Besën dhe stadiumin e tyre është njëlloj sikur t’ju mohosh shpirtin!

Pamjet më poshtë janë të mëngjesit të ditës së sotme!

Stadiumi legjendar i Besës së Kavajës, i ndeshjeve ndërkombëtare dhe i ngjarjeve historike është nën sundimin shkurreve, baltës, ferrave, jonxhit, kullotave e kushedi se çfarë tjetër!

Një gërmadhë historike e ngrirë, pa jetë, që të kall datën kur e sheh!

Për një moment ishte vetëm futbolli ai që nxirrte kavajasit jashtë shtëpive të tyre! Pavarësisht se stadiumi ishte në gjëndje të mjerueshme, tifozët ndiqnin Besën e zemrës në shtëpinë e tyre!

Drejtuesi aktual premtoj se do bënte mrekullinë, por as këtë standard etik minimal ndaj komunitetit sportdashës së Kavajës nuk arriti ta mbante!

Besa e Kavajës, prej 4 vitesh luan si një ekip endacak, ku të mundet!

Një standard mizerje për dinjitetin dhe traditën e komunitetit kavajas!

Simbol i mashtrimit, grykësisë, paaftësisë dhe papërgjegjshmërisë së drejtuesve të sotëm të Bashkisë Kavajë!

Për këtë çështje do flasim sërish! Kaq për sot🙌

04/04/2023

Fisnik Qosja prezanton projektin për turizmin: Zyrë informuese në Golem!

Mesazhi i Plotë

✅ Zyra për Informimin e Turistëve në GOLEM❤️

Miq, ju prezantoj me projektin e parë të zyrave turistike, atë të Golemit📍

Së shpejti do prezantojmë të Qerretit dhe Kavajës🙏

📌Zyrat për Informim do të jenë hapësira të reja të Bashkisë të cilat do të harmonizojnë të gjithë ofertën turistike të Kavajës, nga hotelet me 5 yje, e derit tek zejet e artizanët, si dhe do të shërbejnë si një pikë mbështetëse për turistët, sipërmarrjet, operatorët turistik, strukturat akomoduese dhe patjetër për komunitetin kavajas🙏💙

04/04/2023

Super Skandali me plehrat ne Kavaje, si u moren 6 milione pa gare 5 milione euro! Kur do te nise hetimi per tenderin abuziv?!

Disa ditë para vitit të ri 2023, bashkia e falimentuar e Kavajës nën drejtimin e Redjan Kralit lidhi kontratën me kompanitë e nipit të ish-deputetit socialist Sadri Abazi dhe biznesmenit kosovar Imer Ademi me vlerë 6 milionë euro për pastrimin e qytetit dhe njësive administrative. Nga kë...

03/04/2023

Aksident i rëndë/ Makina përfundon në lumin Shkumbin, dy të vdekur!

Një aksident i rëndë është regjistruar në aksin Librazhd-Prrenjas. Nga informacionet paraprake mësohet se një automjet ka përfunduar në lumin Shkumbin, në një lartësi të konsiderueshme. Ngjarja ka ndodhur në afërsi të fshatit Pishkash. Si pasojë e aksident mësohet se kanë humbur ...

02/04/2023

Kryetari i Bashkisë Redjan Krali shtron Iftari me besimtarët dhe imamët e Xhamive të Kavajës!

Mesazhi i Plotë

Profeti sal-lAllahu alejhi ue sel-lem ka thënë:
“Kush i ofron ushqim agjëruesit, do ta ketë shpërblimin njësoj si ai, pa u pakësuar asgjë nga shpërblimi i agjëruesit.”

*Iftari shtruar për besimtarët muslimanë të Bashkisë tonë të madhe, Myftininë e Kavajës, Imamet e të gjithë Xhamive 🕌

Agjërim të pranuar dhe begati! 🤲🏻📿

02/04/2023

Gjergj Luca, daja i Luizit, super surprizë në datë 7 maj.
Dasmorë nga të gjitha trevat në dasmën më të madhe shqiptare që do organizojmë në Fish City në Labinot. Luiz dhe Kiara ne po ju presim ti thoni "PO" njëri-tjetrit!🤵‍♂💍

02/04/2023

Pyetja e ditës: Olta tregoi se fitorja nuk vlen sa familja.

Si e komentoni vendimin e saj?

02/04/2023

Gëzuar ditëlindjen Erion Veliaj 👋🏻

Prilli, ditëlindja e Erion Veliaj! Shikoni mashtrimin e madh të kryetarit të Tiranës

02/04/2023

Kot nuk thonë: “Qejfi paguhet” 😂😂

Shqiptarët duket se janë të fiksuar pas targave të personalizuar, edhe pse ky shërbim fut...

02/04/2023

Tenderat me fitues të paracaktuar i çojnë paratë publike në dorën e gabuar!

të ndjekur kanalin tonë në YouTube bëni subscriber në: Gazeta Panorama Like Gazeta Pan...

02/04/2023

Edi Rama gënjen qytetarët për fushatë

të ndjekur kanalin tonë në YouTube bëni subscriber në: Gazeta Panorama Like Gazeta Pan...

02/04/2023

Qeveria ende nuk ka dhënë lejet për ndërimin e pallateve Por Kompania Durrës Yachts & Marina ka filluar zyrtarisht reklamat për sh*tjen e apartamenteve në portin e Jahteve në Durrës!

Keni ndonjë koment?!

02/04/2023

Inagurimi fasadë 😂😂

Këlliçi denoncon mashtrimin e radhës të Veliaj: Qendra e inaguruar në 2020-ën jashtë funksionitSyri Televizion sjell nëpermjet reporterëve nga i gjithë vendi...

02/04/2023

KF Egnatia shkëlqen në Kukës, fiton 3-0

KUKESI - EGNATIA 0 - 3

Shenues: Dwamena 45'; Jackson 62'; Fernando 90' ⚽️ 👏

Urime e suksese 👏👏

02/04/2023

👏🏻 Gjatë ndeshjes Inter-Fiorentina, Ranieri simuloi një dëmtim për t'i mundësuar shokut të tij të skuadrës Sofyan Amrabat të bënte iftar! 🤲

Në Itali Federata nuk ka caktuar pushim gjatë ndeshjeve për Iftar.

Respekt 🙌

02/04/2023

Data 1 prill, p***a ardhur Erjon Veliaj në Kavajë.
Kolegët festojnë e rilindja brohoret për këtë ditë kaq kuptimplotë!
Gëzuar festën! 😷



Nga: Arben Meta

01/04/2023

Kreu i PD publikon fotot, Hysen Kadiu: Kavaja ka zgjedhur ndryshimin, më 14 Maj voton Fisnik Qosen!

Mesazhi i Plotë

Fotot flasin vetë!
Entuziazëm dhe shpresë tek prezantimi i Fisnikut, funeral dhe zhgënjim tek prezantimi i kryetarit në ikje.

Kavaja tashmë ka vendosur për ndryshimin siç ka bërë historikisht!✌️💙

Në Kavajë nuk vendos as kollovari i Vlorës e as Zdromsi i Tiranës! 🙌

01/04/2023

Vrasja e dyfishtë në Kavajë/ “Unë do ta vras atë malokun”: Djali i Altin Rexhës mbeti i plagosur me thikë, ka marrë katër qepje! Familjarët…

Gazetari Spartak Koka, në emisionin “Kjo Javë” nëNews24 foli për kriminalitetin në vend. Gjatë bisedës në studio me gazetaren Nisida Tufa ai u shpreh se ka pasur një rritje të ngjarjeve kriminale. Gazetari Koka u ndal tek vrasja e dyfishtë në Kavajë, teksa ka dhënë edhe detaje të...

01/04/2023

Një tjetër avion i është shtuar flotës së kompanisë ajrore “Air Albania”, që mban flamurin shqiptar.

“Ja edhe Fishta zbriti në Tiranë duke e çuar në katër avionë flotën e kompanisë sonë të flamurit”, shkruan Rama në llogarinë e tij në Facebook, krahas fotove të avionit.

01/04/2023

Qeveria e pafuqishme për të kontrulluar, tani po i legalizon ndërsa dje fuste në burg të rinjtë për një skedinë 1 Mijë lekëshe se donte që kontrollin mbi bastet ta merrnin vehtë!

Ky është shteti i Edi Rama!

http://www.panorama.com.al/shteti-dhe-tatimet-inekzistente-fidel-ylli-pranon-bastet-ne-te...

31/03/2023

SKANDALI/ Tender korruptiv i Bashkisë Kavajë, Kopshti dhe Çerdhja në Luz të Vogël kushtoi 1 Milionë Euro! Kompani ofroi 99% të fondit limit!

Bashkia Kavajë organizon gara me fitues të paracaktuar për çerdhet dhe kopshtet e Kavajës duke siguruar fonde nga Rindërtimi për Kompanitë e preferuara.

Bashkia që drejtohet nga kryetari Redjan Krali vjen në qendër të vëmendjes me fondet publike që shkojnë tek kompanitë e preferuara të Bashkisë me gara të stisura për të mbuluar fituesit e paracaktuar.

Në vend që të përsërisi garën për këto tendera pasi kompanitë që kanë konkurruar kanë bërë oferta me gabime amatorësh, bashkia Kavajë shpall fituesin dhe injoron marrëveshjen e heshtur midis kompanive.

Tenderi i parë lidhet me rindërtimin e kopshtit dhe çerdhes në fshatin "Luz i Vogël", për të cilin është hapur gara në dhjetor të vitit të kaluar.

Në tender morën pjesë kompanitë “NG STRUCTURES” dhe "METEO" shpk duke garuar me “TOTILA” dhe “Shendelli” shpk.

Por ajo që bën përshtypje dhe është neglizhuar nga Bashkia Kavajë është fakti se kompanitë “TOTILA” dhe “Shendelli” shpk kanë bërë ofertë sa fondi limit 107 milionë lekë të reja.

Qellimi i garës për fondet publike është që ti jepet kompanisë që ofron më pak për të kryer shërbimin që kërkon Bashkia duke kursyer para për projekte të tjera për baonrët. Në këtë rast këto kompani janë vetskualifikuar automatikisht pasi kompanitë që duan të fitojën paraqiten në garë me ofertë më të ulët se fondi limit.

Shpallja e fituesit dhe oferta e pazakontë sa fondi limit 107 milionë lekë të reja “NG STRUCTURES” e cila është në pronësi Hekuran Hoxhës dhe “Meteo” shpk në pronësi të Eral Myftaraj kanë ofruar 106 milionë lekë të reja ose 99% të fondit limit duke qënë një ofertë aspak e leverdisshme për taksat e qytetarëve të Kavajës.

Kontrata është lidhur janarin e kaluar dhe ka kaluar pa shumë zhurmë duke ngritur pikëpyetje për marrëveshje mes kompanive dhe heshtjen e zyrtarëve të Bashkisë, të cilët nuk kanë përsëritur tenderin.

Tenderi është shënuar me flamur të kuq nga Open Data pasi paraqet dyshime të forta për korrupsion dhe praktika korruptive.

Megjithatë zyrtarët e Bashkisë Kavajë kanë mbyllur sytë duke shpallur fituesin dhe perfituesin e 1 Milionë Eurove.

31/03/2023

Sot kremtohet përvjetori i rënies në Luftën e Kosovës Dëshmorit të Kombit, Indrit Cara.

I përjetshëm Qoftë kujtimi i “Ushtar Kavaja”

31/03/2023

“Pa senatorët në 14 Maj”, Përplasje në PS e Kavajës për emrat në listën e kandidatëve për Këshillin Bashkiak!

Partia Socialiste ka depozituar në KQZ listën me kandidatët për anëtarë në Këshillin Bashkiak të Kavajës për zgjedhjet vendore të 14 Majit. Kavaja.Net që e ka siguruar listën e plotë ka mësuar se në të nuk gjenden emra të vjetër të socialistëve, që uleshin në karrigen e anët...

31/03/2023

Ka ndërruar jetë Hasan Tahiri, një qytetar i thjeshtë, familjar i devotshëm dhe i angazhuar politikisht. Tahiri ka qenë ish-Kryetar i PDIU Kavajë dhe ish- antarë Keshilli Bashkiak.

Varrimi bëhet nesër në orën 13:00 në Kavajë.

Stafi i Kavaja.Net i shpreheh ngushëllime familjes dhe miqve për humbjen e njeriut të tyre të dashur.

31/03/2023

Policia dhe gjykata palë me krimin! Ai kokë tul duhet të ishte në burg.

Stop Tv Klan | Një format satiro-investigativ nga Saimir Kodra & Gentian Zenelaj.SUBSCRIBE to “RTV KLAN” on YouTube for more videos!Për më shumë informacione...

31/03/2023

Plani i Belind Këlliçi për taksat dhe tarifat vendore për biznesin e vogël dhe të mesëm:

🏫 Taksa për infrastrukturën mësimore bëhet ZERO

🏨 Taksa e fjetjes në hotel, ULET me 30%

🪧 Taksa e tabelës ULET me 30%

🏠 Taksa e truallit ULET me 30%

🏘️ Taksa mbi ndërtesen ULET me 30%

🌿 ULET 50% tarifa e pastrimit dhe hapësirës

🌳 HIQET taksa bashkiake e tokës bujqësore

30/03/2023

“Kavaja në duart e tua”, Fisnik Qosja: Kam vullnetin për të punuar çdo orë, çdo ditë të jetës time për të zgjidhur problematikat, e për të bërë të mundur që qyteti të ecë përpara.

30/03/2023

Detajet e reja nga vrasja e dyfishtë në Kavajë, çfarë ndodhi momentet e fundit!

Detaje të tjera kanë dalë në dritë nga ngjarja e një ditë më parë në Kavajë, ku dy persona vranë njëri-tjetrin pas një sherri banal. Dy 43-vjeçarët Edmond (Armand) Gosa dhe Altin (Sali) Rexha, që mbetën të vrarë pasditen e djeshme ishin konfliktuar edhe më herët me njëri-tjetr...

30/03/2023

“I nderuar që opozita u bashkua rreth kandidatirës time”, Fisnik Qosja: 14 Maji, dita e ndryshimit për Kavajën!

Mesazhi i Plotë

Ndihem i nderuar që i gjithë faktori opozitar në Kavajë u bashkua rreth kandidaturës time✌️💙

Bashkë do t’i ofrojmë qytetit një fushatë model të qytetarisë kavajasë dhe patjetër programin më të mirë të prezantuar ndonjëherë i cili do të vërë në lëvizje të gjithë potencialin tonë të jashtëzakonshëm njerëzor dhe natyror🙏
Këtë e them me krenari!

Me 14 Maj, BASHKË FITOJMË KAVAJËN 💙❤️

30/03/2023

Sot Dita ndërkombëtare e Mjekve, Arben Rrugia uron kolegët: Me punen e sakrificat e tyre u falin njerezve shendet e qetesi!

30/03/2023

Mblidhet në Kavajë Komiteti Antikanabis me përfaqësues të Policisë së Shtetit dhe institucione të tjera vendore për koordinimin dhe përgjegjësinë për parandalimin e kultivimit të kësaj droge e më tej trafikimit të saj.

30/03/2023

Banorët e Bërxullës i kushtojnë poezi Drejtësisë!

29/03/2023

Kreu i PD ironizon Bashkinë e Kavajës, Hysen Kadiu: Falimentimi i ka penguar të përfundojnë edhe çakullin elektoral, qytetarët nuk mashtrohen më!

Mesazhi i Plotë

Qytetet e tjera kanë avancuar me asfaltin elektoral, ndërsa falimentuesit të bashkisë i ka ngelur ora mbrapa, mendon se mund të mashtrojë qytetarët me çakull elektoral.

A thua nuk i dolën 4 vite për të rehabilituar rrugët ?!

E kanë të kotë! Kavaja ka ditur gjithmonë të ndëshkojë me votë!

Ps: Nuk ju ndihmojnë dot sot as administrata që merrni me detyrim. Edhe ata e kanë kuptuar se keni prekur fundin dhe kanë përqafuar ndryshimin! ✌️