21/04/2024
تاسې ټولو ته معلومه ده چې موږ د کال په لومړي سر کې عمومي آټکل ورکړ چې سږکال به پسرلي کې ډېر اورښتونه وشي چې تر ډېره به د افغانستان د اوبو اړتیا پوره کړي نو الحمدالله آټکل سم وو او تاسې يې شاهدان یاست چې پوره اورښتونه وشول خو متاسفانه اورښتونو خلکو ته ځاني او مالي زیانونه هم واړول. ددې ترڅنګ اوس زموږ څخه هیوادوال هره لحظه د روانو اورښتونو ددوام او راتلونکو باراني څپو په اړه پوښتنې کوي، په همدې خاطر لاندې معلومات درسره شریکوو، هیله ده چې په دقت يې ووایاست ترڅو ټولې پوښتنې مو حل شي.
د سږکال د اورښتونو لړۍ د حوت میاشتې څخه پیل شوې ده، په حمل میاشت کې يې جریان درلود او په ثور میاشتې کې هم د اورښتونو اټکلونه شته خو په ثور میاشتې د حمل میاشتې په پرتله ډېر اورښتونه نشته داچې همدا نن د ثور لمړۍ ده، سبا هم په ګڼو ولایتونو کې اورښتونه شته. د سبا په بارانونو کې جنوبي ولایتونه تر ډېره نه دي شامل خو که بیا هم اورښت پکې وشي نو یوازې لږ ولسوالیو او سیمي کې به يې لنډمهاله باران واورېږي خو په ټولیزه ډول ترې وتلې دي.
ددې ترڅنګ راتلونکې اوونۍ بیاهم یوه څپه را روانه ده چې تقریبا ټول افغانستان به تر پوښښ لاندې راولي. په راتلونکې څپه کې جنوبي ولایتونه هم شامل دي چې تقریبا نارمل اورښت به ولري، ډېر امکان شته چې سېلابونه پکې رامنځته نه شي خو راتلونکې څپه به په مرکزي ولایتونو او همداشان جنوب ختیځ ولایتونو کې قوي اورښتونه ولري.
د مرکزي ولایتونو ترڅنګ جنوب ختیځ ولایتونه لکه پکتیا، پکتیکا او خوست ولایتونه څو ورځې مسلسل نورهم اورښتونه لري او د راتلونکې اوونۍ په څپې کې هم شامل دي چې قوي بارانونه به ولري، نو د یادو ولایتونو اوسېدونکي دي د سېلابونو سره ډېر احتیاط کوي، هغه کورنۍ چې د سېلابونو پرمهال خطر سره مخ وي باید خوندي سیمو ته ولاړ شي.
د راتلونکې اوونۍ په اورښتونو کې ختیځ ولایتونه هم د هغو ولایتونو په قطار کې دي چې قوي اورښتونه به ولري، ددې ولایتونو اوسېدونکي دي هم له سېلابونو سره احتیاط کوي.
ښه خبره به رالنډه کړو:
په ټولیزه توګه که ووایو نو د ثور میاشتې د قوي اورښتونو لړۍ د راتلونکې اوونۍ تر پایه پورې بېلابیلو ورځو کې دوام پیدا کوي تر هغه وروسته به د ډېرو ولایتونو اسمان شین شي اما د اوسني اټکل او د هوا د نقشې پر اساس ویلای شو چې افغانستان کې رطوبت په بشپړ ډول لوړ دی هیواد ته د عادي او لږو
