30/10/2024
د اطلاعات او فرهنګ وزارت د تایید په اساس، د اسلامي امارت وزیرانو شورا پرېکړه کړې، چې په لومړۍ درجه ولایتونو کې دې د رسنیو د فریکونسي جوازونو فیس ۵۰ سلنه کم کړل شي او له دې درکه په رسنیو د تېرو کلونو پاتې پیسې دې د درېیو کلونو په موده کې په بېلابېلو قسطونو کې تادیه کړل شي.
دا په داسې حال کې ده، چې افغان خبریالانو خوندیتوب کمېټې د تېرو میاشتو په لړ کې د اطلاعات او فرهنګ وزارت له مسوولینو، د اسلامي امارت له ویاند او د اترا په ګډون له یو شمېر سیمه ییزو ادارو سره د عدالت غوښتنې بېلابېلې ناستې ترسره کړې ترڅو په لومړۍ درجه ولایتونو کې د راډیوګانو او تلویزیونونو د فریکونسي فیسونه کم او د تېرو کلونو پاتې پیسې په قسط وار ډول تادیه کړل شي.
د عدالت غوښتنې په دې هڅو کې په وروستي ځل د افغان خبریالانو خوندیتوب کمېټې او د لومړۍ درجه ولایتونو د رسنیو مسوولینو د اطلاعات او فرهنګ وزارت له مالي او اداري معین قدرت الله جمال او د اترا ادارې له مسوولینو سره ناستې ترسره کړې او د دې ستونزې په حل لارو یې بحثونه او خبرې اترې وکړې.
په دې ناسته کې تصمیم ونیول شو، چې د افغان خبریالانو خوندیتوب کمېټې له لورې دې د اطلاعات او فرهنګ وزارت په عنواني یو مکتوب ترتیب کړل شي او د فریکونسي جوازونو د فیس کموالی او د تېرو کلونو د پاتې پیسو د معافیت یا په بېلابېلو پړاونو کې په قسطي ډول د اداینې موارد دې په کې درج کړل شي ترڅو یې په اړه تصمیم ونیول شي.
د افغان خبریالانو خوندیتوب کمېټې له لورې د روان کال د زمري میاشتې په ۳۰مه نېټه اطلاعات او فرهنګ وزارت ته په دې تړاو مکتوب ولېږل شو، چې د فریکونسي جوازونو د فیس د کموالي او د تېرو کلونو د پاتې پیسو د معافیت یا قسطبندي په تړاو د کندهار، هرات، بلخ او ننګرهار ولایتونو د انځوریزو او غږیزو رسنیو غوښتنلیکونه یې هم ضمیمه وو او له یاد وزارت څخه غوښتنه وشوه، چې یادې ستونزې ته رسیدګي وشي.
افغان خبریالانو خوندیتوب کمېټه د حکومت یاده پرېکړه په لومړۍ درجه ولایتونو کې د رسنیو د پایښت او ځواکمنتیا لپاره اغېزمن ګام بولي او له حکومت څخه غوښتنه کوي ترڅو د رسنیو د کار پر وړاندې د پاتې نورو ننګونو په اړه هم اقدامات وکړي.
د دې ترڅنګ د حکومت یاد اقدام کولای شي د اطلاعاتو د رسوني چارې او کره او با ارزښته اطلاعاتو ته د مخاطبینو لاسرسی اسانه کړي.
نور ولولئ: د اطلاعات او فرهنګ وزارت د تایید په اساس، د اسلامي امارت وزیرانو شورا پرېکړه کړې، چې په لومړۍ درجه ولایتونو کې دې د رسنیو د فریکونسي جوازونو فیس ۵۰ سلنه کم کړل شي او له دې درکه په رسنیو د تېرو کلونو پاتې پیسې دې د درېیو کلونو په موده کې په بېلابېلو قسطونو کې تادیه کړل شي.
دا په داسې حال کې ده، چې افغان خبریالانو خوندیتوب کمېټې د تېرو میاشتو په لړ کې د اطلاعات او فرهنګ وزارت له مسوولینو، د اسلامي امارت له ویاند او د اترا په ګډون له یو شمېر سیمه ییزو ادارو سره د عدالت غوښتنې بېلابېلې ناستې ترسره کړې ترڅو په لومړۍ درجه ولایتونو کې د راډیوګانو او تلویزیونونو د فریکونسي فیسونه کم او د تېرو کلونو پاتې پیسې په قسط وار ډول تادیه کړل شي.
د عدالت غوښتنې په دې هڅو کې په وروستي ځل د افغان خبریالانو خوندیتوب کمېټې او د لومړۍ درجه ولایتونو د رسنیو مسوولینو د اطلاعات او فرهنګ وزارت له مالي او اداري معین قدرت الله جمال او د اترا ادارې له مسوولینو سره ناستې ترسره کړې او د دې ستونزې په حل لارو یې بحثونه او خبرې اترې وکړې.
په دې ناسته کې تصمیم ونیول شو، چې د افغان خبریالانو خوندیتوب کمېټې له لورې دې د اطلاعات او فرهنګ وزارت په عنواني یو مکتوب ترتیب کړل شي او د فریکونسي جوازونو د فیس کموالی او د تېرو کلونو د پاتې پیسو د معافیت یا په بېلابېلو پړاونو کې په قسطي ډول د اداینې موارد دې په کې درج کړل شي ترڅو یې په اړه تصمیم ونیول شي.
د افغان خبریالانو خوندیتوب کمېټې له لورې د روان کال د زمري میاشتې په ۳۰مه نېټه اطلاعات او فرهنګ وزارت ته په دې تړاو مکتوب ولېږل شو، چې د فریکونسي جوازونو د فیس د کموالي او د تېرو کلونو د پاتې پیسو د معافیت یا قسطبندي په تړاو د کندهار، هرات، بلخ او ننګرهار ولایتونو د انځوریزو او غږیزو رسنیو غوښتنلیکونه یې هم ضمیمه وو او له یاد وزارت څخه غوښتنه وشوه، چې یادې ستونزې ته رسیدګي وشي.
افغان خبریالانو خوندیتوب کمېټه د حکومت یاده پرېکړه په لومړۍ درجه ولایتونو کې د رسنیو د پایښت او ځواکمنتیا لپاره اغېزمن ګام بولي او له حکومت څخه غوښتنه کوي ترڅو د رسنیو د کار پر وړاندې د پاتې نورو ننګونو په اړه هم اقدامات وکړي.
د دې ترڅنګ د حکومت یاد اقدام کولای شي د اطلاعاتو د رسوني چارې او کره او با ارزښته اطلاعاتو ته د مخاطبینو لاسرسی اسانه کړي.
