https://www.facebook.com/105343655945900/

Nan99.9Fmنن راډیو

Home
Jalalabad
Nan99.9Fmنن راډیو

د سیمی هیواد نړی تازه خبرونه

09/09/2024

پرېکړه
ټولو هوټلونو اؤ دؤلتي ادارو کې پۀ بهرنۍ مېؤه لکه کېله، مالټه اؤ ام؛ هغه که ایرانۍ مېوه ؤي یا پاکستانۍ بشپړ ډول یې کارونه ، خوړل بنده شؤه.
د سرغړؤنې صورت کې به هوټل بندېږي اؤ دفتري کارمند به لۀ دندې شړل کېږي.
دا پرېکړه خپلو داخلي مېؤو اؤ تؤلیداتو ته د مارکېټ موندلو لپاره ؤشؤه چې بزګران اؤ تجاران ګټه ؤکړي.

09/09/2024

د افغانستان او نیوزیلنډ لوبډلو ترمنځ د یوازېنۍ ټېسټ لوبې لومړۍ ورځ د لوبغالي د لوندوالي له امله پرته له لوبې پای ته ورسېده.
دواړه لوبډلې به سبا سهار د لوبې په دویمه ورځ د سهار په ۸:۳۰ بجو د سیالۍ ډګر ته ښکته شي.

09/09/2024

د سویلي افریقا کرېکټ لوبډلې د افغانستان پر وړاندې د راتلونکو درېیو یوه ورځنیو لوبو نوملړ اعلان کړ چې ډېری پکې نوي لوبغاړي دي.

په پام کې ده چې دغه لوبې د روانې سپټمبر میاشتې په ۱۸مه پیل شي.

09/09/2024

نن (دوشنبه) ماسپښين مهال يوه بجه د افغان پوله ساتو ځواکونو او پاکستاني لوري ترمنځ د خوست په ځاځي ميدان ولسوالۍ کې پر ډيورنډ فرضي کرښه يو ځل بيا نښته پيل شوه.

دغه نښتې د تېرې اونۍ د چهارشنبې ورځې راهيسې په وقفه يي ډول روانې دي چې د سيمې د خلکو په وينا له پاکستاني لوري راغلو توغندیو د يوې ښځې په ګډون د دوو تنو ژوند اخیستی او يوولس ملکي وګړي ټپيان دي.

09/09/2024

د ایران په زاهدان زندان کې د یوه افغان په ګډون لږ تر لږه شپږ کسان د نشه يي توکو د قاچاق په تور اعدام شول.

09/09/2024

د کوټ ولسوالۍ امنیتي منسوبینو هغه کس نیولی، چې له اتو تنو څخه يې ۳۴ زره امریکايي ډالر اخیستي او ترکیې ته یې د وړلو ژمنه ورسره کړې وه، خو په بدل کې يې هغوی ته د یاد هېواد جعلي ويزې ورکړې وې.
د امنیې قوماندانۍ ویاند حافظ عبدالبصیر زابلی وايي؛ ویزه اخیستونکو ته هغه وخت جوته شوه، چې د کابل هوايي ډګر مسؤلینو ورته خبر ورکړ، چې ویزې يې جعلي دي او د سفر اجازه نه لري.

09/09/2024

د ایران د پارلمان د ملي امنیت او بهرنۍ تګلارې د کمیسیون غړی فدا حسین مالکي وايي، د هلمند په اوبو کې ایران ته د حق ورکولو په اړه د افغانستان سرپرست حکومت ادعاوې حقیقت نه لري.

د هغه په وينا، د افغانستان سرپرست حکومت سېلاب د اوبو د حق ورکولو په معنا ګڼلى دى.

09/09/2024

ننګرهار کې امنیتي ځواکونو یو تن د ۲۰۰ دوه سوه جعلي نکاح خطونو ۸ جلده جعلي لېسنسونو او ۵۵ عدده جعلي لوګوګانو سره یو ځای نیولی دی.

یاده دې وي چې نوموړي کس دغه جعلي اسنادونه د ګاونډي هیواد پاکستان څخه په قاچاقي توګه را انتقال کړي وو.

نیول شوی کس يي د مومندرې ولسوالۍ امنیه قومندانۍ ته سپارلې دي چي اوس مهال په یاده اداره کې تر پوښتنو لاندې دی چې وروسته به رسماً عدلي او قضايي اورګانونو ته وسپارل شي.

د ننګرهار ولایت امنیه قومندانۍ ویاند حافظ مولوي عبدالبصیر زابلی

08/09/2024

ابراهیم ځدراڼ د نیوزیلنډ پر وړاندې ټېسټ او سویلي افریقا لوبلړۍ کې د ګډون جوګه نه دی

د ملي لوبډلې د تکړه توپوهونکي ابراهیم ځدراڼ د چپې پښې ښینګری نن د نیوزیلنډ لوبډلې لپاره د چمتووالي او تمرین پر مهال اوښتی دی چې له امله به یې نوموړی د نیوزیلنډ پر وړاندې د یوازېنۍ ټېسټ لوبې او د سویلي افریقا پر وړاندې د راتلونکې لوبلړۍ برخه نه وي.

د ملي لوبډلې د فزیوتراپیست او ډاکټر په وینا، په ننني تمرین کې د ابراهیم ځدراڼ ښینګري نسبتاً سخته ضربه لیدلې چې د بشپړې درملنې په موخه یې متخصص ډاکټر ته معرفي کړی دی چې له بده مرغه ابراهیم په راتلونکو دوو لوبلړیو کې د ګډون جوګه نه دی.

08/09/2024

برېټانیا کې د افغانستان سفیر زلمي رسول رسما ومنله چې انګلستان ترې د روانې سپتامبر میاشتې تر پایه د افغان سفارت خالي کولو او تړلو غوښتنه کړې ده.
برېټانیا ډپلوماټانو ته ۹۰ ورځې مهلت ورکړی چې یا له دغه هېواده ووځي یا د پناه غوښتنلیک ورکړي.
دې نه مخکې امریکا هم واشنګټن کې د افغانستان سفارت بشپړ تړلی و.

08/09/2024

د افغانستان د کرېکټ ملي لوبډله سبا (دوشنبه، وږي ۱۹مه) له نیوزیلنډ سره خپله لومړۍ ټېسټ لوبې لپاره د لوبې ډګر ته ښکته کېږي.

دغه لوبه د هند د اوترا پردېش ایالت په ویجی سينګ پاتیک لوبغالي کې ترسره کېږي.

08/09/2024

د مخابراتو او معلوماتي ټکنالوژۍ وزارت سرپرست کابل کې د ترکمنستان له سفیر خواجه عوضوف سره کتلي او د نوري فایبر، سیایبري امنیت او د ټکنالوژۍ اړوندو موضوعاتو په اړه يې خبرې کړې دي.

د دغه وزارت ویاند په یوه خبرپاڼه کې راغلي، سرپرست وزیر دغه کتنه کې څرګنده کړې، هڅه کوي چې د هېواد انټرنیټي چاپېریال امنیت ټینګ کړي او په خبره یې دغه برخه کې د سایبري جرمونو لاربراتوار جوړ شوی دی.

خبرپاڼه کې راغلي، دغه کتنه کې خواجه عوضوف د نوري فایبر د مزي غځولو او سایبري امنیت د ټینګښت په برخه کې د افغانستان او ترکمنستان ګډ کار ستایلی دی.

07/09/2024

اسراييلي ځواکونو لوېديځه غاړه کې يوه امريکايۍ مېرمن وژلې

07/09/2024

د پاکستان پوځ ويلي چې د ترهګرۍ د مخنيوي لپاره پوځ، استخباراتي پوليس او نورې قانون پلي کوونکې ادارې د استخباراتي معلوماتو پر اساس هره ورځ تر ۱۳۰ زيات عمليات کوي.

06/09/2024

د کینیا په مرکزي برخه کې د شپې او ورځې په یوه لومړني ښوونځي کې د اور لګېدنې له امله ۱۷ زده کوونکو خپل ژوند له لاسه ورکړی دی.

06/09/2024

افغان سوداګر میرویس عزیزي دوبۍ کې ۷۲۵ متره لوړ د نړۍ دویم دنګ برج جوړوي.
دا برج به ۱۳۱ پوړه وي، د نړۍ مجلل دفترونه، سینماوېے د لمبا حوضونه او هوټلونه به ولري چې ۲۰۲۸ کې به بشپړ او ۱،۶ ملیارده ډالر لګښت به پرې راشي.
دې سره څنګ کې بل برج هم جوړوي چې هغه به ۵۲۶ متره لوړ وي.
میرویس عزیزي افغانستان کې هم د ۱۰ ملیارده ډالرو پانګونې سینه ډبولې وه.

06/09/2024

د افغانستان کرېکټ بورډ له نيوزيلنډ سره د يوازينۍ ټېسټ لوبې لپاره د لوبغاړو ۱۶ کسيز ټيم اعلان کړی دی.

06/09/2024

په یوه ترافیکي پېښه کې د یوې ناوې په ګډون ۱۴ تنه ټپیان شوي.

د حصارک ولسوال ویلي؛ د یادې ولسوالۍ ګړۍ سیمه کې نن مازیګر يوه ډاډسن موټر د چلوونکي له کنتروله وتلې، چې له امله یې د ناوې په ګډون ۱۴ تنه ټپیان شوي.
هغه دا هم ویلي؛ سیمې ته د ولسوالۍ امنیتي مسؤلین رسېدلي او ټپیان یې د درملنې په موخه د ولسوالۍ روغتون ته انتقال کړي دي.

06/09/2024

کرسټیانو رونالډو د فوټبال په نړۍ کې ۹ سوه ګولونه پوره کړل.
دغه ۳۹ کلن د فوټبال ستوري د خپلې ملي لوبډلې پرتګال لپاره ۱۳۱، د ریال میډرډ لپاره ۴۵۰، د مانچسټر یونائیټډ لپاره ۱۴۵، د جووینټس لپاره ۱۰۱، د النصر کلب لپاره ۶۸ او سپورټنګ لزبن لپاره ۵ ګولونو کړي.
له رونالډو وروسته د ارجنټینا لیونل میسي د ۸۵۹ ګولونو په کولو سره نړۍ کې د زیات ګول وهونکي لوبغاړي په توګه دویم ځای لري.

06/09/2024

ملګري‌ ملتونه وايي‌ ۲۶ میلیونه سودانیان له سختې لوږې سره مخامخ دي.

05/09/2024

د ننګرهار ولایت د جلال اباد ښار د دريمې امنيتي حوزې مربوط په جوئي هفت سيمه کې لرګیو په سرای کي اورلګېدنه رامنځ شوي وه چي د پيښي سره سم د ننګرهار ولایت امنيه قومندانۍ د اطفايي مدير يت منسوبينو سيمي ته ځان رسولي دي د اور د زياتوالي مخه يي نيولي ده.

کوم چاته ځاني زيان نه دي رسېدلي مالي زيان پنځه زره افغانۍ او ژغورنه تقريبا شل زره افغانۍ ده.

د ننګرهار ولایت امنيه قومندانۍ ویاند حافظ مولوي عبدالبصير زابلی

05/09/2024

د آلمان د کډوالو چارو کمېسیون، رونډا هیواد ته د هغو کډوالو د اخراج وړاندیز کړی چې اروپايي ټولنې ته د روسيې د سرحد له لارې په ناقانونه توګه داخلیږي. ورته وخت کې پر آلمان د کډوالو له کبله فشارونه پر ډیریدو دي.

05/09/2024

ننګرهار کې د تودو سیمو د ښوونځيو درسي بهير پيل شو.

ننګرهار ولایت کې نن پنجشنبه د تودو سيمو د ۱۴۰۳ - ۱۴۰۴ تعليمي کال پيل شو.
د سره رود ولسوالۍ اړوند چهارباغ صفا عالي لېسه کې د زنګ په وهلو سره د نوي کال تعليمي درسي بهير پيل شو.

په همدې موخه جوړه شوې غونډه کې د ولسونو او د پوهنې رياست رييس مولوي عزيزالله مصطفى ترڅنک د ولایتي ادارو یو شمېر نورو رییسانو ګډون کړی و.
غونډه کې د پوهنې ریاست څخه غوښتنه وشوه، چې په ښوونځيو کې د استادانو د کمښت ستونزې لپاره باید حل لار ولټول شي او له والدینو څخه وغوښتل شول چې خپل ماشومان د ښې راتلونکې لپاره ښوونځیو ته واستوي.

د پوهنې ریيس بیا خپلو خبرو کې ښوونکو ته په درسي بهیر کې د هر راز همکارۍ ډاډ ورکړ او په لرې پرتو سیمو کې یې بې سرپنا ښوونځیو لپاره د سرپنا جوړولو ژمنه وکړه.

05/09/2024

د امریکا د جورجیا په ایالت کې پولیس چارواکي وايي چې یو ۱۴ کلن هلک په یو ښوونځي کې په خلکو ډزې کړې او څلور تنه یې وژلي دي.

04/09/2024

‏يوه ځايي سرچينه طلوع‌نيوز ته وايي، نن (چهارشنبه) ماښام مهال شاوخوا اوه بجې د افغان پوله ساتو ځواکونو او پاکستاني لوري تر منځ د خوست ولايت په میدان ځاځیو ولسوالۍ کې ډیورنډ فرضي کرښې ته څېرمه نښته شوې او لا هم روانه ده.

سرچینه وايي، جګړه د هغه پوستو د جوړولو پر سر رامنځته شوې چې افغان ځواکونه یې له تېرو درې ورځو راهیسي جوړوي.

سرچينه زياتوي چې، جګړې اوس مهال زور اخيستی او د سپکو او درنو وسلو ډزې روانې دي.

د نښتې د مرګ ژوبلې په اړه تر اوسه معلومات نشته او رسمي سرچينو هم د نښتو په اړه څه نه‌دي ويلي.
‎

04/09/2024

هغه کلبونه وتړل شول، چې رسمي جوازونه يې نه وو ترلاسه کړي.
د بدني روزنې او ورزش رياست له لوري جلال آباد ښار کې د سوک وهنې، غېږ نيونې او رزمي لوبو هغه کلبونه وتړل شول، چې تراوسه يې ورزشي جوازونه نه وو اخيستي.
د ياد رياست مسؤلين وايي؛ ټول هغه ورزشي کلبونه به وتړل شي، چې د فعاليت جواز يې نه وي اخيستی.

04/09/2024

د تخار ولایت په مرکز، تالقان ښار کې چاودنه شوی

دغه چاودنه د تالقان ښار د «پل کلان» په سیمه کې رامنځته شوې او تراوسه د دغې چاودنې د ډول او د مرګ ژوبلې په تړاو جزییات په واک کې نشته.

د تخار امنیتي چارواکو هم تراوسه په دې هکله څه نه‌دي ویلي.

04/09/2024

اسلام اباد کې محکمې د علي وزیر ضمانت منلی او د خوشې کېدو پرېکړه یې کړې

04/09/2024

ننګرهار کې امنیتي ځواکونو
درې تنه د غلا په تور نیولي دي.

د ننګرهار ولایت د بهسودو ولسوالۍ امنیه قومندانۍ امنیتي منسوبینو د دغه ولسوالۍ اړوند مقام خان سیمه کې هغه دوه تنه نیولي دي چې له یو کور څخه یې پیسې او ځينې قیمتي توکي غلا کړي وو.

همدارنګه د یادې قومندانۍ امنیتي منسوبینو د دغه ولسوالۍ هډې فارم سیمه کې یو تن نیول چې له یو بل کس څخه يې موټرسایکل د امانت په ډول اخیستی و او بیا يې پلورلی و.

نیول شوي کسان اوس مهال په یاده اداره کې تر پوښتنو لاندې دی چې وروسته به رسماً عدلي او قضايي اورګانونو ته وسپارل شي.

د ننګرهار امنیه قومندانۍ ویاند حافظ مولوي عبدالبصیر زابلی

03/09/2024

د اوکراین ولسمشر پر تلیګرام لیکلي چې دوو بالستيک توغنديو «یو تعلیمي انستيتوت او سیمې ته نژدې یو روغتون» په نخښه کړی دی. زیلنسکي زیاته کړه ده چې په دغه حمله کې د مخابراتو انستيتوت ودانۍ له منځه تللې ده.

Address

Old Chaprahar Bus Station
Jalalabad
26

Website

facebook.com

Alerts

Be the first to know and let us send you an email when Nan99.9Fmنن راډیو posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nan99.9Fmنن راډیو:

Videos

په نن راډېو کى د مور او ماشوم د خوارځواکې په اړه يو ګردى مېز ترسره شو د ګردى مېز موخه د مور او د ماشوم د خورځواکى مخنيو ى او ټولنى ته عامه پوهاوى په نظر کې نېول شو دګردى مېز کوربه رحمن الله نجات دګردى مېز مېلمانه اغلى ډاکتر سجاد احمد ډاکتر فردوس دورانى او د نسايې ولادى ناروغېومعالج ډاکتري پښتنئ شتون درلوده