13/07/2019
نیټه: د سرطان ۲۰ /۱۳۹۸
د سباوون ستوري تعليمي بنسټ رهبري هئیت او اداري غړو د عدالت ګوند د ملاتړ په پار د یاد ګوند مشر او د ولسمشر محمد اشرف غني ستر سلاکار وزیر، له ښاغلي عبدالرشید ایوبي سره ناسته ترسره کړه.
ناسته د قران عظیم الشان په مبارکو ایاتونو پیل او ورپسې د سباوون ستوري تعليمي بنسټ اداري کارمندان ور وپېژندل شول، چې له پېژندنې څخه وروسته د بنسټ بنسټګر، مرجان حبيبي وویل: (( د عدالت ګوند یو له هغه ګوندونو څخه دی، چې په هېواد کې يې د شته ناورين او بې عدالتۍ پر وړاندې تل د عدالت غږ پورته کړی... ))
له ده وروسته د عدالت ګوند مشر، ښاغلي ایوبي وویل: (( لوستي ځوانان کولای شي، چې په ټولنه کې د شته بې عدالتیو پر وړاندې تر نورو وګړو ژر او په سمه توګه د خپلو حقونو دفاع وکړي... د عدالت ګوند ستاسې په شان لوستي وګړو ته اړتیا لري، چې دغه ګوند لا پیاوړی او ځواکمن کړي... زه د سباوون ستوري تعليمي بنسټ له غړو څخه د راتګ او ملاتړ ځانګړې مننه کوم... ))
یاده ناسته تېره پنج شنبه د یاد ګوند په مرکزي دفتر کې تر سره شوه، چې په پای کې یې د عدالت ګوند د کړنو د ستاینو په موخه عبدالرشید ایوبي ته د اعزاز پګړۍ او شهاب صیب د نوی داندی مبارکی په پار ګلانو ګډی او مدیر خان اریوبی صیب ته ستاینلیک د بنسټ رایس مرجان حبیبي له خوا نه ورکړل شوی ۔
په درنښت سباوون ستوری تعلیمی بنسټ اداره
