Kumbir

22/11/2024

युरोप जाने चाहनेहरुको लागि अब ढुक्क संग Connect global HR मा सम्पर्क गर्न सक्नु हुने छ , ।

18/08/2024

नेपालमा Hamster Kombat बाट यसरि पैसा कमाउनुहोस लिंक कमेन्टमा छ जोइन हुनुहोस

08/06/2024

चिल जसलाई हामी ईगल पनि भन्नेगर्छौ ! जुन उमेरमा बाकी चराहरुको बच्चाले कराउन चिच्याउन सिक्दै गर्दा त्यस उमेरमा एक आमा चील आफ्नो बच्चालाई खुट्टाको पन्जाको सहायताले बच्चालाई लिएर माथी आकाशमा उड्छे ! पंछिको दुनियाँमा यस्तो कठोर तालीम अरु कसैको हुँदैन !

आमा चिल आफ्नो बच्चालाई लिएर लगभग १२ Km. आसपासमा उड्छे जति माथी हबाइजहाज उड्ने गर्छ त्यो दुरि तय गर्नलाई आमा चिललाई ६ देखि ९ मिनेट सम्ममा पुर्‍याउछे ! त्यहाँ देखि सुरु हुन्छ उस बच्चाको कठिन परिक्षा !
अब बच्चालाई यहाँ आमाले भन्छे कि, तँ के को लागि जन्मिएको होस? तेरो दुनियाँ के हो? तेरो उचाइ कति छ? तेरो धर्म धेरै ठूलो छ ! र फ़ेरि आमा चिल त्यस बच्चालाई आफ्नो खुट्टाको पन्जाबाट छाड्दिन्छे...!

पृथ्वीमा माथी देखि तल खस्दैगर्दा लगभग २ Km त्यस बच्चालाई आभास नै हुदैन कि उसको साथमा के भैरहेको छ ! ७ km तल झर्दैगर्दा त्यस बच्चाको पखेटा खुल्न थाल्छ ! लगभग ९ km तल झर्दैगर्दा उसको पखेटा पुरै खुल्छ ! यो जिबनमा पहिलो कठिनाइ मुक्त भएको हुन्छ !

अब जमिनबाट लगभग ३००० मिटर उ टाढा छ ! तर अझै उड्न सिकेको छैन ! अब माथिदेखी जमिन तर्फ नजिक आइ रहेको छ ! जहाँबाट आफ्नो इलाका देख्न सक्छ ! अहिले उसको दुरि पृथ्वीबाट ७००/८०० मिटर मात्र बाकी छ ! तर त्यस बच्चाको पखेटा त्यति बलियो छैन कि उ उड्न सकोस् ! जमिनबाट लगभग ४००/५०० दुरि माथी आउदै गर्दा अब उसलाई लाग्छ कि उसको जिबनको यो नै अन्तिम यात्रा हो ! अचानक एक खुट्टाको पन्जा त्यस बच्चा नजिक आएर उसलाई समात्छ... !

यो पन्जा उसको आमाको हुन्छ ! जो ठिक उसको माथी लुकेर उडि रहेको हुन्छ ! र बच्चालाई यस्तै खाले तालिम निरन्तर चलिनै रहन्छ ! जब सम्म कि उ उड्न सिक्दैन ! यो तालीम एक कमान्डो जस्तै हुन्छ ! त्यसपछि एक मजबुत चील यो संसार ले पाउछ !

यो चिल आफुभन्दा १० गुणा वजन जिबलाई पनि सिकार गर्न सक्छ!
नेपालमा एक कहावत छ - हुने बिरुवाको चिल्लो पात..!

अबश्यपनी आफ्नो सन्तानलाई आफू संगै आफ्नो निगरानीमा राख्नुहोस ! उसलाई संसार को कठिनाइ बारे जानकारी गराउनुहोस् ! उसलाई परिश्रम गर्न सिकाउनुहोस् ! उनिहरुलाई लड्न सिकाउनुहोस् ! बिना आबश्यकमा पनि संघर्ष गर्न सिकाउनुहोस् !

अहिले को अनन्त मुखी र अनुयायी हरुको बानी छ ! अभिभावक हरुको बेहिसाब माया ममता मा राखेर आफ्नो छोराछोरी (बोइलर कुखुरा) जस्तै बनाउदै गएका छन् ! जसको साथमा मजबुत खुट्टा त छ तर हिड्न सक्दैनन् ! वजनदार पखेटा त छ तर उड्न सक्दैनन् ! किनकी गमला को बिरुवा र जमिनको बिरुवामा धेरै फरक हुन्छ !

19/05/2024

• जिन्दगी उमेरले होईन अनुभवले चल्छ ।
एक अर्कालाई लात हानेर होईन, एक अर्का सङ्ग सहकार्य र हातेमालो गरेर अघि बढछ।

18/05/2024

भाँचिएको रुखमा त नयाँ जिवन फुल्दछ भने तिमी किन आतिन्छौं मित्र , धैर्य गर्न सक्नु पर्छ हरेक कूरा काे दिन आउँछ।

02/05/2024

हार्दिक श्रद्धाञ्जली भेलु बाजे ।

28/04/2024

हेरौं र सिकौं ।
बालेन सबै आफै जान्दैनन् , जान्ने संग ( बिधागत ) सल्लाह लिन्छन, निर्णय गर्छन, पछाडी फर्किदैनन । अब उनी केवल एक स्थानिय तहका नागरिकले होईन देशभरकै नागरिकले अभिभावक मान्ने लाईनमा अगाडि बढ्दै छन ।
यो हो "काम हैन कुरा भन्ने उदाहरण"

28/04/2024

इलामको चुनावमा कस्ले जित्छ ?

24/04/2024

Have a safe flight both of you 😃 Qatar 😁

11/04/2024

नयाँ बर्षमा मैले छोडनुपर्ने ३ कुरा लेख्नुहोस् !

10/04/2024

यो पेजबाट आएका पोस्टहरु कस्तो लागि रहेको छ कमेन्ट गर्नुहोस है ।

10/04/2024

जब मान्छेहरूले धेरै किताबहरू पढ्छन् तब जिन्दगीमा यस्तो परिवर्तनहरू आउँछ —

१. गरिब, दुःखी, बिरामी, वृद्ध, भिखारीहरूमा पनि मान्छेहरू देखिन थाल्छन् !

२. अध्ययनशील मान्छेहरूले अरूमाथि हिलो छ्याप्दैनन् अरू समय -समयमा आफ्नो चश्मा सफा गर्दछन् ।

३. आखिरमा चोरले किन चोरी गर्छ भन्ने बुझिन्छ !

४. कसैबाट गल्ती भएमा उसलाई माफ गर्ने हौसला आउँछ !

५. कहाँ बोल्नु पर्छ र कहाँ चुप बस्नु पर्छ बुझिन्छ !

६. आमा-बुबाको मूल्य बुझिन्छ !

७. प्रेम र काम बासनाको अन्तर बुझिन्छ !

८. स्वास्थ्य सबै भन्दा अनमोल सम्पत्ति हो भन्ने बुझिन्छ !

९. यदि सच्चा आचरणको कारण किताब पढ्ने मान्छेहरू हारे पनि उनीहरूमा आत्महत्याको बिचार दिमागमा आउँदैन !

१०. जीवनमा शिक्षाको महत्व बुझिन्छ !

११. फिल्ममा नाटक गर्ने कलाकार त सबैले देख्छन् तर दैनिक वास्तविक जीवनमा धेरै मान्छेहरूले त्यो भन्दा राम्रो नाटक गरिराखेका हुन्छन् ! यो तथ्य केवल धेरै किताब पढ्ने अनुभवी मान्छेहरूले मात्र पहिचान गर्न सक्छन् !

१२. धेरै किताब पढ्ने मान्छेहरूलाई केवल एउटा मात्रै जातको बारेमा थाहा हुन्छ त्यो हो- मानवता !

१३. हारेका मान्छेहरूलाई प्रेरित गर्नाले उनीहरूले फेरी जित्न सक्छन् यो अध्ययनशील मान्छेहरूलाई थाहा हुन्छ !

१४. यस धरतीमा १ प्रतिशत मान्छेहरू असल हुन्छन् र १ प्रतिशत मान्छेहरू खराब हुन्छन् ! बचेका ९८ प्रतिशत हामी सबै मान्छेहरू मात्र उनीहरूको अनुयायी हौं ! केही मान्छेहरू असल मान्छेहरूको अनुकरण गरेर असल बन्दछन् र केही मान्छेहरू खराब मान्छेहरूको पछि लागेर खराब बन्छन् ! यो तथ्य अध्यनशील मान्छेहरूलाई थाहा हुन्छ !

10/04/2024

दुई हातले दिएको सफलता — Zion Clark जन्मदै कम्मरमुनीका खुट्टा पलाएनन् । किनभने गर्भावस्थामा उनको आमाले विभिन्न थरीका लागूऔषध सेवन गरेकी थिइन् । बच्चा जन्मेपछी बुवा-आमाले उनलाई हुर्काउन चाहेनन् । उनलाई एडप्ट गर्नको लागि फोस्टर होममा छोडियो । तर १६ वर्षसम्म उनलाई कसैले आफ्नो सन्तान बनाउन चाहेनन् । त्यो अवधीमा उनले निकै दुर्व्यवहार र यातना भोगे । उनलाई बारम्बार म बाँचेर के अर्थ भन्ने लागिरह्यो । तर एक दिन Kimberli Hawkins उनको जीवनमा आमा होइन, भगवान बनेर आइन ।

उनैले उनमा आँट, सहस र विश्वास भरिदिइन् । अर्थहीन लागेको आफ्नै शरीर प्रति उनको विश्वास पलाएर आयो । जीवनमा उद्देश्य भेटे उनले । आफ्नो हात र शरीरको बलमा उनले रेसलिंग सिके । शरीरलाई बलियो बनाए । र, खुट्टाले गर्ने काम हातले गर्न थाले । उनि आफ्नो दुइ हातले सबैभन्दा छिटो दौडिएर गिनिज बुकमा नाम लेखाए । त्यो बाहेक आज उनको नाममा अरू दुई गिनिज बुक रेकर्ड कायम छ ।

आफू माथीको विश्वास र निरन्तरको अभ्यास हुने हो भने कुनै पनि अवस्थाबाट माथी उठ्न सकिन्छ भन्ने उदहारण हुन् उनि । आज उनको आँट र विश्वास लाखौंको लागि प्रेरणा बनेको छ ।

10/04/2024

भर्रखरै विवाह गरेको घरकी एक्ली बुहारी निजी बैंकमा ठूलो पदमा जागिरे थिइन् । उनकी सासुको करिब एक वर्षअघि निधन भएको थियो । घरमा वृद्ध ससुरा र श्रीमान् बाहेक कोही थिएनन् । श्रीमानको आफ्नै व्यवसाय थियो ।

केही दिनयता बुहारीसँग एउटा अनौठो कुरा चलिरहेको थियो । बुहारी घरायसी काम सकेर अफिस जाने बेलामा ससुराले भने, "बुहारी, मेरो चस्मा सफा गरेर मलाई दिन सक्छौ कि ?।" अफिस जाँदा बुहारीलाई ससुराले सधैं चस्मा सफा गर्न भन्थे । कामको दबाब रसमयमा काममा निस्कन नपाउदा कहिलेकाहीँ बुहारीलाई मनमा रिस उठ्छ तर ससुरालाई केही भन्न सक्दिनन् ।

ससुराको यस्तो बानीबाट बुहारी पुरै दिक्क भइन्, उनले पतिलाई सबै कुरा सुनाइन्, बुवाको यस्तो व्यवहार देखेर श्रीमान् पनि छक्क परे तर बुहारीलाई केही भनेनन् । बुबा श्रीमानले आफ्नी श्रीमतीलाई सल्लाह दिए कि बिहान उठ्ने बित्तिकै बुवाको चस्मा सफा गरेर कोठामा राखिदियों भने यो समस्या समाधान हुन्छ कि भनेर सुझाए ।

भोलिपल्ट बुहारीले पनि त्यस्तै गरिन् र बिहानै ससुराको चस्मा राम्ररी सफा गरेर कोठामा राखिन् तर त्यस दिन पनि त्यही घटना दोहोरिन पुग्यो र अफिस जानुअघि ससुराले बुहारीलाई बोलाएर चस्मा सफा गर्न भने। बुहारी रिसले रातो भइन् तर रिसलाई कन्ट्रोल गर्नुको विकल्प थिएन । बुहारीले जति उपाय गरे पनि बिहान अफिस जाँदा ससुराले चस्मा साफ गर्न अर्हाउन छोडेनन् ।

बिस्तारै केहि वर्ष यसरी नै बित्यो । अब बुहारी पनि परिवर्तन भइसकेको थिइन् । बिस्तारै उनले ससुराको कुरालाई बेवास्ता गर्न थालिन् र एक समय यस्तो आयो जब बुहारीले ससुरालाई पूर्ण रूपमा बेवास्ता गर्न थालिन् । ससुराले केही बोल्दा पनि उनले कुनै प्रतिक्रिया जनाइनन् र चुपचाप आफ्नो काममा व्यस्त भइन् । समय बित्दै जाँदा एक दिन वृद्ध ससुरा पनि बित्नुभयो ।

समयको चक्र रोकिनेवाला थिएन, घुमिरह्यो । त्यो दिन छुट्टी थियो। एक्कासी बुहारीको मनमा घर सफा गर्ने सोच आयो । घर सफा गर्न थालिन् । त्यसपछि सरसफाई गर्दागर्दै उनको मृत ससुराको डायरी भेटियो। जब बुहारीले ससुराको डायरी पल्टाउन थालिन्, त्यसको एउटा पानामा लेखिएको थियो —

"आजको चहलपहल, चरम तनाव र व्यस्त जीवनमा घरबाट बाहिर निस्किदा आफ्ना सन्तानले ठूलाको आशीर्वाद लिन बिर्सन्छन् । तर ठूलाको आशीर्वादले अप्ठ्यारो समयमा सधै अवचको काम गर्छ । त्यसैले त तिमीले चस्मा सफा गरेर झुकाएर मलाई दिरहदा, मनमनै म तिम्रो टाउकोमा हात राख्थें, किनकी मर्नुअघि तिम्रो सासुले मलाई मलाई भनेकी थिइन्, 'आफ्नो बुहारीलाई सधै माया गर्नु भन्नुभएको थियो । बुहारीलाई आफ्नो छोरी जस्तै बनाउनु र कहिले पनि उनी आफ्नो ससुराको घरमा छौ भन्ने आभास हुन नदिनु । उनको सानातिना गल्ती लाई आफ्नो अज्ञानता सम्झेर माफ गरिदिनु ।' यसैले मेरो आशिर्वाद सदैव तिम्रो साथमा छ बुहरी !

डायरी पढेपछि बुहारी रुन थालिन् ।आज ससुरा बितेको २ बर्ष भन्दा बढी भैसक्यो तर आज पनि हरेक दिन बिदा हुँदा घरमा, उनी आफ्नो ससुराको चश्मा सफा गर्छिन् र उनको टेबुलमा राख्छिन्, ताकी उनको नदेखेको हातबाट आशीर्वाद प्राप्त मिलिरहोस ।

---
जीवनमा हामी सम्बन्धको महत्व तबसम्म बुझ्दैनौं, जबसम्म हामीले महसुस गर्छौं, तिनीहरू हामीबाट टाढा भइसकेका छन्। यसैले आफ्ना अग्रज साथमा रहँदा नै सम्बन्धको सुमधुर बनाइरहनुहोस् ।

09/04/2024

जब भारतीय अर्बपति रतन टाटालाई टेलिफोन अन्तर्वार्तामा रेडियो प्रस्तोताले सोधे — सर, जीवनमा सबैभन्दा खुसी पाउँदा के सम्झनुहुन्छ ?

रतन टाटाले भने — मैले जीवनमा खुशीका चार चरण पार गरेको छु, र यी चार चरण पश्चात खुसीको अर्थ बुझ्न सके ।

पहिलो चरणमा धन र सम्पति कमाउनु थियो । तर यो चरणमा मैले चाहेको खुशी पाउन सकिन ।

त्यसपछि दोस्रो चरणमा आफूलाई मन परेका महंगा र वहुमुल्य सामन जोड्नु, सोख पुरा गर्नु थियो । तर यो कुराको प्रभाव पनि क्षणिक हुन्छ र बहुमूल्य वस्तुको चमक धेरै दिन टिक्दैन भन्ने बुझेँ ।

त्यसपछि तेस्रो चरणमा ठूलो परियोजना प्राप्त गर्नु थियो । त्यो बेला भारत र अफ्रिकामा डिजेल सप्लाई गर्ने प्रोजेक्ट पाए । म भारत र एशियाको सबैभन्दा ठूलो स्टिल कारखानाको मालिक पनि थिएँ। तर यहाँ पनि मैले सोचे जस्तो खुशी पाउन सकिन ।

चौथो चरण थियो जब मेरो एक साथीले मलाई अपाङ्गता भएका बालबालिकाका लागि ह्वीलचेयर किन्न आग्रह गरे । साथीको आग्रहमा मैले तुरुन्तै ह्वीलचेयरहरू किनें ।

तर साथीले मलाई उनीसँगै गएर बच्चाहरूलाई ह्वीलचेयर वितरण गरिदिन आग्रह गरे। म तयार भएँ र उनीसँगै गएँ । त्यहाँ मैले यी बालबालिकाहरूलाई आफ्नै हातले ह्वीलचेयर दिएँ । ती बालबालिकाको अनुहारमा अनौठो खुशीको चमक देखेँ । मैले ती सबैलाई ह्वीलचेयरमा बसेर, घुमफिर गरेको र रमाइलो गरेको देखेँ ।

मैले आफू भित्र साँच्चै खुशी महसुस गरें।

जब कार्यक्रम सकियो र म फर्कन लागेको थिए, एउटा बच्चाले मेरो खुट्टा समात्यो। मैले बिस्तारै खुट्टा छोड्ने कोसिस गरें, तर बच्चाले मेरो अनुहार हेर्यो र मेरो खुट्टालाई समातिरह्यो । मैले झुकेर बच्चालाई सोधें — तिमीलाई अरू केही चाहिन्छ?

यो केटाले दिएको जवाफले मलाई स्तब्ध बनाएको मात्र होइन, जीवनप्रतिको मेरो दृष्टिकोणलाई पूर्ण रूपमा परिवर्तन गरिदियो ।

यो बच्चाले भन्यो — "म तपाईको मुहारलाई हेरेर सम्झन चाहन्छु ताकि जब म तपाईलाई स्वर्गमा भेट्नेछु, त्योबेला म तपाईलाई चिन्न सकूँ र फेरि एकपटक धन्यवाद दिन सकूँ।"

09/04/2024

08/04/2024

बुवा बाँचुन्जेल छोरी माइतीघर हक ले आउँछिन् र घरमा पनि जिद्दी गर्ने गर्छिन्। उनलाई कसैले केही भन्यो भने हिम्मत ले भन्ने गर्छिन्, यो मेरो बुबाको घर हो ।

तर बुबा स्वर्गवास भएपछि छोरी माइतीघर आउछिन र यति धेरै रुन्छिन कि सबै आफन्तजन छिमेकीले थाहा पाउँछन् छोरी आइ पुगिछ भनेर ।

र उनै छोरीले त्यसै दिन आफ्नो हिम्मत हार्छिन्, किनकी त्यस दिन उनको बुबा मात्रै होइन उनको त्यो हिम्मत पनि मर्ने गर्छ ।

तपाईंले पनि महसुस गर्नुभएको छ होला बुबाको मृत्यु पछि छोरी कहिले आफ्नो दाजुभाइ-भाउजू-बुहारीको घरमा उनले जिद्दी गर्दिनन् जुन आफ्नो बुबा हुने बेला गर्ने गर्थिन्। जे भागमा आउँछ खन्छिन् , जे दिन्छन् लगाउँछिन् किनकि जबसम्म उनको बुबा हुनुहुन्थ्यो तबसम्म सबै कुरा उनको थियो यो कुरा उनले राम्रोसँग जान्दछिन ।

अगाडि लेख्नको लागि हिम्मत छैन, मात्रै यति भन्छु बुबाको लागि छोरी उसको जिन्दगी हुन्छिन्। तर बुबाले कहिले यो कुरा भन्दैनन । र छोरीको लागि बुबा संसारको सबैभन्दा ठूलो हिम्मत र सान हुन्छन् , तर छोरीले पनि यो कुरा कसैलाई भन्दैनन । बुबा छोरीको माया सागर भन्दा गहिरो हुन्छ ।

लेखक — सन्तोष कार्की 'मौसुफ'

08/04/2024

#मननयोग्य