https://www.facebook.com/208234049046220/

Dita e Re, Gazmend Zajmi, Pristina (2024)

29/02/2024

Fillojnë kontrollet për punëtorët e padeklaruar

Zëvendësministrat Avni Zogiani dhe Agon Dobruna, Drejtori i Përgjithshëm i ATK-së Ilir Murtezaj dhe Kryeinspektori i Inspektoratit të Punës Hekuran Nikçi, dje kanë vëzhguar nga afër ekipet inspektuese të ATK-së dhe IP-së teksa ato kanë bërë inspektime nëpër biznese përkatësisht në sektorët e ndërtimtarisë dhe gastronomisë në komunën e Prishtinës për të identifikuar bizneset që mbajnë punëtorë të padeklaruar.

Në këto vizita të realizuara, bizneset dhe punëtorët u informuan rreth rëndësisë së deklarimit të punëtorëve dhe fillimit të kampanjës së gjithëmbarshme e cila ka për synim rritjen e zbatimit të ligjeve në fuqi përmes identifikimit dhe gjobitjes së punëdhënësve që shkelin ligjin dhe të drejtat e punëtorëve duke mos i deklaruar dhe duke mos ua paguar kontributet.

Ftojmë të gjithë punëtorët që ti bashkohen kampanjës në fjalë, duke shfrytëzuar të gjithë mekanizmat të cilët janë në dispozicion nga MFPT.

Për të parë nëse jeni të deklaruar në ATK ju lutem vizitoni vegëzën në vijim: https://apps.atk-ks.org/regemployer.

Nëse rezulton se jeni të padeklaruar, atëherë keni mundësi që ta raportoni punëdhënësin në vegëzën e njëjtë.

Nëse nuk jeni të pajisur me kontratë pune, ju mund ta raportoni punëdhënësin në Inspektoratin e Punës përmes linjës pa pagesë në numrin 080077577, në adresën elektronike: [email protected] ose duke vizituar qendrat e Inspektoratit Qendror të Punës në 7 rajonet e Kosovës.

26/02/2024

Policia e Kosovës gjen një laborator droge në Leposaviq,
personi i dyshuar identifikohet dhe arrestohen në pikën kufitare në Jarinje

Me datën 24.02.2024, rreth orës 07:30, Policia e Kosovës ka pranuar një informata relevante se në shtëpinë e të dyshuarit me iniciale; R.V.(1981) në fshatin Granican, Komuna Leposaviqit dyshohej se ka të improvizuar laborator për kultivimin e bimëve të kanabisit.

Menjëherë, Njësia e antidrogës e PK-së (DHTN Mitrovicë Veri) në koordinim dhe asistuar nga zyrtarë policor të Drejtorisë Rajonale në Mitrovicë Veri kanë realizuar një operacion bastisje/ kontrolli në atë lokacion ku gjatë bastisjes në një dhomë të shtëpisë janë gjetur dhe sekuestruar rreth 23 bimë të mbjella të dyshuar si kanabis me gjatësi nga 40 cm deri në 1.85 cm , si dhe pasje tjera të cilat nevojiten për improvizimin e laboratorit (poqa, ventilim etj).

Janë kryer proceduat e vend shikimit nga forenzika, përderisa në lidhje me rastin është njoftuar prokurori kompetent dhe me udhëzim të tij, nga bimët merren disa mostra për dërgim në laborator, kurse pjesa tjetër me urdhër të tij shkatërrohen.

I dyshuari në momentin e kryerjes se operacionit policor nuk ndodhej në shtëpi/lokacion, por pas një shkëmbimi te informacioneve dhe bashkërendimi të veprimeve policore i dyshuari i lartcekur me iniciale R.V. (1981) rreth orës 19:30 është identifikuar dhe arrestuar në pikën kufitare në Jarinje dhe të njëjtit me aktvendim të Prokurorit të Shtetit i caktohet masa e ndalimit policor prej 48 orësh për procedura të mëtejme ligjore./ DitaeRe/

22/02/2024

“Tragjedia e Gazës po nënvlerësohet me qëllim”

Sergey Lavrov, ministër i jashtëm i Rusisë, ka thënë së fundmi se tragjedia e Gazës po nënvlerësohet me qëllim.

Në një deklaratë nga Ministria e Jashtme ruse, Lavrov në Takimin e Ministrave të Jashtëm të G20 që u mbajt në Rio de Janeiro të Brazilit theksoi se ish-Bashkimi Sovjetik dhe SHBA-ja formuan bazën për vënien nën kontroll të rreziqeve ushtarake dhe garantimin e sigurisë solide strategjike, kryesisht në Evropë por kjo u shkatërrua.

Lavrov ndër të tjera ka thënë se "me provokimin e Perëndimit minohen themelet e komunikimit ndërkombëtar dhe shkelen normat juridike dhe parimet e rregullores së OKB-së, përfshirë barazinë sovrane të shteteve, mosndërhyrjen në punët e tyre të brendshme dhe të drejtën e popujve për vetëvendosje."

Sipas tij "perëndimi po përpiqet t'u imponojë vendeve rregullat e tij në vend të ligjit ndërkombëtar. Në bazën e kësaj politike qëndron kolonializmi, dëshira për të krijuar dominimin në fushat politike, ekonomike dhe humanitare."/ DitaeRe/

22/02/2024

Nënshkruhet Memorandumi i Bashkëpunimi për studime albanologjike ndërmjet MAShTI-t dhe Universitetit të Prishtinës

Në datën e 21 shkurtit e cila shënon Ditën Ndërkombëtare të Gjuhës Amtare, nën praninë e Kryeministrit të Republikës së Kosovës, Albin Kurti, u nënshkrua Memorandum Bashkëpunimi ndërmjet Ministrisë së Arsimit, Shkencës, Teknologjisë dhe Inovacionit dhe Universitetit të Prishtinës, për zhvillimin dhe promovimin e Albanologjisë, me theks të veçantë në programet e gjuhës shqipe dhe letërsisë shqipe.

Kryeministri Kurti gjatë fjalës së tij në ceremoni bëri të ditur se qëllimi i këtij memorandumi është përkrahja financiare e stafit akademik të Universitetit të Prishtinës për publikime në revistat që botohen nga Fakulteti i Filologjisë dhe Akademia e Shkencave dhe Arteve të Kosovës.

“Veçanërisht, Ministria do të përkrahë stafin akademik të Fakultetit Filologjik për artikujt shkencor në fushën e albanologjisë në revistat me faktor ndikimi. Gjithashtu, do të mbulojë edhe shpenzimet për pjesëmarrje në Seminare Ndërkombëtare. Do të ndajnë bursa vjetore në vlerë prej 1000 euro për studentët që studiojnë gjuhën dhe letërsinë shqipe”, shtoi tutje ai.

Ndër të tjera, do të ofrohet mbështetje vjetore për tri projektet shkencore të realizuara nga stafi akademik i Fakultetit të Filologjisë në kuadër të studimeve albanologjike. Përkrahje të tillë ky memorandum i ofron edhe dy projekteve hulumtuese më të suksesshme të studentëve në nivelin master, si dhe garave në nivel parauniversitar për mendim kritik, argumentim dhe drejtshkrim.

Me këtë rast kryeministri Kurti uroi që zbatimi i këtij Memorandum Bashkëpunimi të sjell përfitime për stafin akademik e studentët, dhe njëkohësisht të prodhoj rezultate origjinale e të vyera për studimet albanologjike.

Të pranishëm në ceremoninë e nënshkrimit të Memorandum Bashkëpunimit ishte Arbërie Nagavci, Ministre e Arsimit, Shkencës, Teknologjisë dhe Inovacionit, Qerim Qerimi, Rektori i Universitetit të Prishtinës, Prorektorë të UP-së, Lindita Rugova, Dekane e Fakultetit të Filologjisë dhe staf akademikë e studentë të Universitet të Prishtinës./ DitaeRe/

22/02/2024

Zëvendëskryeministri Bislimi mori pjesë në panelin e diskutimit “Zhvillimi ekonomik për serbët e Kosovës”

Zëvendëskryeministri i parë për Integrim Evropian, Zhvillim dhe Dialog, i Republikës së Kosovës, Besnik Bislimi, dje mori pjesë në panelin e diskutimit “Zhvillimi ekonomik për serbët e Kosovës”, organizuar në Media Center Cagllavica. Në panel, ishte pjesëmarrës dhe ministri për Komunitete dhe Kthim, Nenad Rashiq dhe akterë nga shoqëria civile nga komuniteti serb në Kosovë.

Në fjalën e tij hyrëse, zëvendëskryeministri Bislimi tha se “nuk ka mënyrë më të mirë për të thelluar bashkëpunimin dhe integrimin sesa kur flitet për zhvillimin ekonomik edhe rritjen e punësimit”.

Ai shtoi se angazhimi i Qeverisë drejt mbështetjes së zhvillimit ekonomik edhe për komunitetin serb shkon përmes 5 hapave si: mbështetja që iu ofrojmë ndërmarrjeve, rritja e formalizimit të ekonomisë, fuqizimi i kërkesës agregate, mbështetja direkte e projekteve infrastrukturore, dhe rritja e efikasitetit duke e luftuar korrupsionin e kontrabandën e krijuar hapësirë për lulëzim të subjekteve të cilat veprojnë në dakordim me ligjin.

Ndërsa një program i cili do të mbështeste koordinimin dhe bashkëpunimin e komunave me shumicë serbe me komunat e tjera të Kosovës, shtrihet në tre rrafshe: bashkëpunimi ndërkomunal për ofrimin e përbashkët të shërbimeve të caktuara komunale, bashkëpunimi i ndërmarrjeve ekonomike mes këtyre komunave dhe intensifikimi i bashkëpunimit mes organizatave të shoqërisë civile të komunave me përbërje të ndryshme etnike.

Rikujtoi dhe se javën e kaluar ministri Rashiq bashkë me ministrin e Financave, Punës dhe Transfereve, Hekuran Murati, prezantuan platformën e re, me të cilën synohet krijimi i 2000 vendeve të punës, duke subvencionuar deri 70 për qind të pagës apo deri në 350 euro për një periudhë prej 6 muajve.

Mbi rregulloren e BQK-së, ai tha se “Rregullorja e Bankës Qendrore e cila është publikuar me 27 dhjetor të vitit të kaluar, kemi potencuar disa herë që nuk e ka objektiv, as nuk merret me asnjë monedhë që është në qarkullim. Fokusi kryesor sipas interpretimeve të Bankës Qendrore, ka qenë rritja e sigurisë së sistemit bankar dhe sistemit të pagesave”. Ai shtoi se Banka Qendrore ka nxjerrë një varg të aktiviteteve dhe masave me të cilat synon ta zbusë këtë ndikim, e në ditët në vijim edhe Qeveria e Republikës së Kosovës do të dalë me një listë prej 10 masave, me të cilat ne do të tregojmë se si do të kujdesemi që qytetarët të mos dëmtohen në këtë fazë kalimtare, por fazë e cila do të garantonte pastaj zbatimin në plotni të formalizimit të sistemit të pagesave.

“Mendoj që është një fillim i mbarë që të fokusohemi më shumë në ekonomi dhe drejt gjenerimit të vendeve të punës, sepse kjo është strategjia më e mirë për të siguruar një integrim të qëndrueshëm të secilit prej nesh”, përfundoi ai./ DitaeRe/

19/02/2024

Kryeministri Kurti mori pjesë në vënien e gurthemelit të fabrikës së prodhimit të dyerve dhe dritareve në Verbicë të Kmetocit

Kryeministri i Republikës së Kosovës, Albin Kurti së bashku me Kryetarin e Komunës së Gjilanit, Alban Hyseni, i shoqëruar edhe nga deputetë të Kuvendit, mori pjesë në vënien e gurthemelit të fabrikës së prodhimit të dyerve dhe dritareve në Verbicë të Kmetocit, të Komunës së Gjilanit, “EDI Fenster”.

Me këtë rast, kryeministri shprehu kënaqësinë e madhe që ishte aty bashkë me investitorin Arsim Hashanin, i cili po kthehet në vendlindjen e tij pas 22 vjetëve që të investojë në një fabrikë e cila do të bëjë prodhimet të dyerve, dritareve, e të roletave.

“Është shembull i një bashkatdhetari tonë i cili në moshën 14 vjeçare shkon në mërgim dhe pas 22 vjetëve kthehet në vendlindje me tre fëmijë dhe si investitor i cili do të ketë 50 fillimisht e më pastaj 150 punëtorë në këtë fabrikë”, u shpreh kryeministri.

Nga ana e kryeministrit nuk mungoi zotimi se kjo fabrikë do ta ketë mbështetjen e institucioneve sepse ekonomia e vendit sa ma shumë zhvillohet aq më i lartë është punësimi, eksporti, kontributi në buxhet dhe zvogëlimi i mbështetjes sociale që ka nevojë t’ia bëjë shteti qytetarëve të vetë.

“Prandaj investimet e këtilla na e rrisin shpresën dhe na e shtojnë zellin për punë të mbara e të mira edhe në të ardhmen andaj ju përgëzoj z. Arsim, përgëzime kryetar Alban, Arjeta, Atdhe dhe të gjithë juve”, tha kryeministri Kurti.

Fabrika, e ndarë në katër sektorë, do të bëjë prodhimin e dyerve, dritareve, roletave dhe përpunimin e materialit të xhamit. Investimet në këtë fabrikë, përfshirë logjistikën, parashihen të arrijnë vlerën deri në 10 milionë euro, kurse 95% e prodhimit planifikohet që të ketë për destinacion tregun e jashtëm./ DitaeRe/

19/02/2024

Hapet kompania më e re në vend Carvago nga Gjirafa, partneritet ndërmjet kompanisë së teknologjisë digjitale, Gjirafa dhe kompanisë Carvago Holding nga Republika Çeke

Kryeministri i Republikës së Kosovës, Albin Kurti mori pjesë në ceremoninë e përurimit të kompanisë më të re në vend Carvago by Gjirafa, në të cilën ishte e ftuar dhe e pranishme edhe Presidentja e vendit, Vjosa Osmani Sadriu.

Kompania Carvago është produkt i partneritetit ndërmjet kompanisë së teknologjisë digjitale, Gjirafa dhe kompanisë Carvago Holding nga Republika Çeke. Ceremonia përuruese u zhvillua në hapësirat e Parkut Teknologjik “Tech Park”, në Bërnicë të Poshtme.

E konsideruar si njëra ndër arritjet e radhës sa i përket fushës së teknologjisë dhe inovacionit, Gjirafa shquhet si një ndër kompanitë me rritjen më të shpejtë në tregun kosovar dhe jashtë saj.

“Suksesi i Gjirafës është shembull i fuqisë transformuese të inovacionit, duke treguar se kompanitë vendore mund të konkurrojnë në tregun global”, është shprehur kryeministri Kurti.

Për të nxitur zhvillimin sa më të madh të inovacionit dhe rritjen gjithmonë e më shumë në rrjetin e teknologjisë informative, kryeministri Kurti, tha se po investojnë në nisma si Parku i Inovacionit dhe Trajnimeve, që ndodhet në Prizren dhe Parku i Teknologjisë Digjitale në Bërnicë.

“Teksa përurojmë partneritetin ndërmjet Gjirafës dhe Carvago-s, le të festojmë edhe suksesin kolektiv të sektorit të teknologjisë digjitale në Kosovë”, tha kryeministri Kurti.

Ai tha se inovacioni dhe ndërmarrësia janë gurthemeli i progresit ekonomik dhe ato luajnë një rol kyç në formësimin e prosperitetit të vendit tonë dhe se bashkëpunimi ndërmjet Gjirafës dhe partnerit të tyre çek, është një dëshmi e besimit në rritje të kompanive ndërkombëtare në potencialin e vendit tonë.

Para të pranishmëve, kryeministri Kurti, teksa i përgëzoi dhe shprehu falënderimet e tij për investitorët për këtë arritje të re në fushën e teknologjisë, shtoi se suksese dhe bashkëpunime të tilla janë frymëzim për të gjithë.

“Histori të suksesit si këto, ka pa numër anë e mbanë Kosovës dhe këto janë frymëzim për të gjithë. Këto janë dëshmi të forta të një shpirti prej ndërmarrësie të paepur, të qytetarëve dhe biznesmenëve tanë dhe dëshirës për të kontribuar e për ta zhvilluar vendin, të atilla që mbështeten edhe në disiplinë, përveçse në pasion; që nuk shuhen kurrë, por vetëm mund të rriten”.

Të pranishëm në këtë ngjarje të rëndësishme, ishin edhe ambasadori i Republikës së Çekisë në Kosovë, z. Bohumil Mazánek, themeluesi i kompanisë Gjirafa, Mërgim Cahani, si dhe Jakub Šulta, bashkëthemelues i kompanisë Carvago në Kosovë dhe përfaqësues të bizneseve të ndryshme./ DitaeRe/

18/02/2024

Vuajtjet dhe qëndresa palestineze në Gaza i bëjnë jehonë Nakbes

Në historitë tragjike vijnë nga Gaza, shoh dhimbjen dhe rezistencën e gjyshërve të mi teksa përballeshin me katastrofën e vitit 1948.

Nga Afat Jabiri

Për më shumë se katër muaj, bota ka parë e tronditur teksa Izraeli ka masakruar, gjymtuar, uritur, torturuar dhe poshtëruar palestinezët e Gazës.

Për ne, refugjatët palestinezë në diasporë, dëshmia e këtij tmerri ka qenë veçanërisht prekëse. Çdo histori, çdo lutje, gjithçka që shpaloset rezonon me jehonën e rrëfimeve që kemi dëgjuar për vite me radhë nga prindërit, gjyshërit, fqinjët dhe prindërit e miqve tanë për atë që ata kishin përjetuar gjatë Nakbes të vitit 1948, kur u spastruan etnikisht nga atdheu i tyre. Kështu, çdo dëshmi që dëgjojmë e përforcon peshën e dhënies së dëshmisë përtej skenave të menjëhershme të tmerrshme që dalin çdo ditë nga Gaza.

Vuajtjet dhe qëndresa palestineze në Gaza i bëjnë jehonë Nakbes

Në historitë tragjike që dalin nga Gaza, shoh dhimbjen dhe rezistencën e gjyshërve të mi teksa përballeshin me katastrofën e vitit 1948.

Për më shumë se katër muaj, bota ka parë e tronditur teksa Izraeli ka masakruar, gjymtuar, uritur, torturuar dhe poshtëruar palestinezët e Gazës.

Për ne, refugjatët palestinezë në diasporë, dëshmia e këtij tmerri ka qenë veçanërisht prekëse. Çdo histori, çdo lutje, gjithçka që shpaloset rezonon me jehonën e rrëfimeve që kemi dëgjuar për vite me radhë nga prindërit, gjyshërit, fqinjët dhe prindërit e miqve tanë për atë që ata kishin përjetuar gjatë Nakbes të vitit 1948, kur u spastruan etnikisht nga atdheu i tyre. Kështu, çdo dëshmi që dëgjojmë e përforcon peshën e dhënies së dëshmisë përtej skenave të menjëhershme të tmerrshme që dalin çdo ditë nga Gaza.

Unë u rrita në kampin e refugjatëve Baqa'a në Jordani, ku nëna dhe gjyshja ime u vendosën në vitin 1970 pasi përjetuan zhvendosje të shumta që nga Nakba. Sprova e tyre filloi me dëbimin nga fshati i tyre i lindjes, Iraku al-Manshiyya, 30 km (18.6 milje) në veri të Gazës, në prill 1949. Pas një rrethimi 10-mujor nga milicia hebreje Haganah, njerëzit u urdhëruan të "zhvendosen përkohësisht" në një zonë afër Hebronit, i njohur tani si kampi Arroub dhe nuk u lejuan kurrë të ktheheshin.

Për shkak të ngjarjeve të luftës së vitit 1967, ata u detyruan përsëri të shpërngulen, këtë herë në kampin al-Karama në Jordani. Në vitin 1968, ata u zhvendosën në kampin ash-Shuna pranë qytetit Zarqa në Jordani përpara se të transferoheshin në Baqa'a dy vjet më vonë.

Brezi im ishte i rrethuar nga njerëz me kujtime të gjalla të jetës së para vitit 1948 dhe ngjarjeve të tmerrshme të Nakba nga viti 1947 deri në 1949. Këto rrëfime janë bërë një kanavacë mbi të cilën unë përpiqem të kuptoj ndikimet e thella të mizorive të kryera në Gaza kundër palestinezëve.

Bisedat brenda kampit u kthyen vazhdimisht në të kaluarën, me çdo aspekt të jetës së përditshme të matur në sfondin e kohërave para Nakba. Të moshuarit treguan humbjet e tyre, udhëtimet e tyre të dhimbshme të mërgimit, traumat e thella që pësuan dhe ndjenjën e vazhdueshme të padrejtësisë në zemrat e tyre.

Për ne, brezin e ri, nuk ishte vetëm të dëgjojmë ngjarje historike; ishte një përvojë viscerale e të jetuarit përkrah atyre që dëshmuan dhe duruan drejtpërdrejt mizoritë e asaj periudhe të trazuar. Pesha e kujtimeve të tyre, humbjeve dhe betejave të vazhdueshme formësuan kuptimin tonë për identitetin dhe nxitën kërkimin për drejtësi.

Disa histori u bënë tregime të qëndrueshme brenda kampit, të ritreguara lehtësisht dhe të transmetuara nëpër breza, veçanërisht ato që lidhen me rezistencën. Megjithatë, kishte histori që shfaqeshin rrallë ose ishin fshehur qëllimisht, veçanërisht nga të huajt dhe studiuesit që vizitonin me ndërprerje kampin duke kërkuar të dokumentonin narrativat.

Midis historive të fshehura ishin ato që përfshinin përvojat e dhimbshme të urisë së detyruar, raste të dhunës seksuale të kryera nga milicia hebreje Haganah kundër burrave dhe grave, dhe rrëfimet tronditëse të nënave që, mes bombardimeve, lanë fëmijët e tyre pas.

Historitë e fundit, nëse rifilluan më vonë nga bashkimi fatlum i prindit dhe fëmijës, u rrëfyen me një ndjenjë krenarie për forcën e shfaqur. Për ata që nuk e dinin kurrë fatin e fëmijëve të tyre dhe të njerëzve të tjerë të dashur, këto histori ishin aq të dhimbshme sa nuk u fol për to në përpjekje për të fshehur ndjenjën e rëndë të humbjes dhe fajit.

Megjithatë, ishin rrëfimet e urisë ato që mbanin peshën më të thellë emocionale. Kur tregoheshin, këto histori shpesh shënoheshin me shprehjen prekëse: “I lutem Zotit që këto ditë të mos ripërjetohen apo të përjetohen kurrë nga askush, qoftë mik apo armik”.

Ankthit në këto histori i shtohej ndjenja e turpit. Në një komunitet dikur të aftë në artin e prodhimit të ushqimit, kujtimi i urisë përfaqësonte një disonancë - një largim i fortë nga forca dhe shkathtësia që përcaktoi trashëgiminë e tyre.

Kujtimi i urisë së detyruar pasqyronte jo vetëm privimin fizik, por një largim të thellë nga vetë-mjaftueshmëria që kishte karakterizuar historinë e tyre. Mbjellja kudo që ata shkuan shënoi një veprim të rëndësishëm për palestinezët, jo vetëm për të parandaluar përsëritjen e vuajtjeve të tilla, por edhe për të rivendosur një ndjenjë dinjiteti dhe vetë-mjaftueshmërie për një popull që dikur lulëzoi nga aftësia e tij jo vetëm për të prodhuar ushqim, por edhe për të trajtuar ushqimin, arti i bërjes së tij.

Teksa lexoja raporte nga Gaza për njerëzit që po përballeshin me urinë e detyruar – të paaftë për të siguruar miell për bukë, duke luftuar për të përgatitur një vakt të mirë për të ushqyer familjet e tyre dhe duke humbur fëmijët nga uria – vështrimi dhe shprehjet e brengosur të gjyshes sime duke rrëfyer ditët e dëshpëruara të vijnë në mendje vazhdimisht uria.

Milicia Haganah e rrethoi fshatin e saj nga qershori 1948 deri në prill 1949. Gjatë kësaj kohe, ata që sfiduan bllokadën dhe u përpoqën të sillnin furnizime në fshat ose u vranë ose u zhdukën me forcë; njëri prej tyre ishte gjyshi im, i cili u zhduk dhe nuk u dëgjua më.

Jo vetëm që nuk kishte furnizime që hynin në fshat, por edhe luftëtarët e Haganah shkatërruan qëllimisht depo ushqimore, therën lopë dhe dele dhe dogjën arat me grurë dhe pemishte me rrush, mollë dhe kajsi. Kujtimet e mia për fytyrën e gjyshes sime teksa tregonte këto vështirësi bëhen një dritare në emocionet që shoqërojnë luftën për ekzistencë - ndjenjat e dëshpërimit dhe pafuqisë, dhe peshën dërrmuese të përgjegjësisë për të siguruar për të dashurit.

Nëpërmjet këtyre kujtimeve, unë hedh një vështrim në realitetin e ashpër me të cilin përballen palestinezët e rrethuar në Gaza, ku akti i thjeshtë i sigurimit të produkteve bazë ushqimore është bërë një sfidë e frikshme.

Por ndërsa reflektoj mbi përvojat e gjyshes sime, nuk mund t'i reduktoj ato në dëshpërimin e saj; kjo nuk do t'u bënte drejtësi. Gjatë rrethimit të fshatit të saj, gjyshja ime luajti një rol kryesor në rezistencën ndaj taktikave të urisë të milicisë Haganah.

Ajo udhëhoqi luftën kundër urisë duke shpikur ushqime të reja nga çdo gjë që ishte në dispozicion, një fakt që ajo e ndau me krenari në llogaritë e saj. Përmes përvojës së saj të urisë dhe përpjekjeve të vendosura për ta luftuar atë, historia e gjyshes sime përmbledh jo vetëm vuajtjet e palestinezëve në vitin 1948 dhe brutalitetin që i detyroi ata të linin shtëpitë e tyre, por edhe vullnetin e paepur për të sfiduar dhe kapërcyer ato fatkeqësi.

Ashtu si gjyshja ime, palestinezët në Gaza po vuajnë dhe po durojnë brutalitetin, por ata po shfaqin gjithashtu aftësinë e tyre të veçantë për t'i rezistuar taktikave të Izraelit të urisë, zhvendosjes dhe degradimit.

Ndërsa lundrojmë nëpër historitë tragjike që dalin nga Gaza, jeta e një palestinezi shpaloset si një paradoks - një ekuilibër delikat midis durimit të vuajtjeve dhe mishërimit të rezistencës së palëkundur. Kjo përvojë e dyfishtë rezonon me vargjet e bukura në poezinë ”Dhe ne e duam jetën” e Mahmoud Darwish: “Dhe ne e duam jetën nëse gjejmë një mënyrë për të. Ne kërcejmë mes martirëve dhe ngremë një minare për manushaqe ose palma.”/ Përkthyer nga Al Jazeera ©DitaeRe/

17/02/2024

Kryeministri Kurti bëri homazhe me rastin e 16-vjetorit të Pavarësisë së Republikës së Kosovës

Pas mbledhjes solemne të Qeverisë dhe ngritjes solemne të flamurit të Republikës së Kosovës, nën intonimin e himnit shtetëror, për nder të 16-vjetorit të shpalljes së Pavarësisë së Kosovës, e në kuadër të programit shtetëror për këtë ditë, Kryeministri i Republikës së Kosovës, Albin Kurti, bashkë me Presidenten e vendit, Vjosa Osmani, Kryetarin e Kuvendit të Republikës, Glauk Konjufca dhe anëtarë të kabinetit qeveritar, fillimisht bënë homazhe te Monumenti i të Pagjeturve, për të vazhduar pastaj me homazhe dhe vendosje të luleve të freskëta edhe te varri i ish-presidentit Dr. Ibrahim Rugova dhe te varri i veprimtarit, Adem Demaçi.

Nga aty, homazhe u bënë edhe në Kompleksin Memorial “Adem Jashari”, në Prekaz.

Pas Prekazit, homazhet dhe nderimet vazhduan te Monumenti “Heroinat”, te Monumenti i Policëve të rënë në detyrë, dhe te pllaka e fëmijëve të vrarë gjatë luftës.

Kryeministrit tha se duke i përkujtuar heronjtë, dëshmorët, martirët, ata të cilët u flijuan e sakrifikuan, punuan e u angazhuan për Republikën e Kosovës, për Pavarësinë tonë, ne ia përkujtojmë vetes edhe çfarë çmimi të lartë kemi paguar për të mbërritur këtu, por njëkohësisht edhe rrugën të cilën do ta vazhdojmë./ DitaeRe/

17/02/2024

Instituti për Krimet e Kryera gjatë Luftës pranoi dosjet e para për krimet e luftës

Në Institutin për Krimet e Kryera Gjatë Luftës në Kosovë (IKKL), u bë pranimi i dokumenteve të para në IKKL. Dëshmitë lidhur me krimet e zhdukjes me dhunë gjatë luftës nga Serbia u dorëzuan nga Kryetari i Këshillit Koordinues të Asociacioneve Familjare të të Zhdukurve të Kosovës (KKAFZHK), Ahmet Grajçevci.

Kryeministri i Republikës së Kosovës, Albin Kurti, tha se dokumentimi i krimeve të luftës ndihmon që të ndërtojmë një shoqëri më të drejtë dhe paqësore, në të njëjtën kohë shërben si një dëshmi e rëndësishme për brezat e ardhshëm.

“Themelimi dhe funksionalizimi i këtij Instituti ka për qëllim dokumentimin e krimeve të luftës së fundit në Kosovë, krimeve kundër njerëzimit dhe veprimeve gjenocidale nga Serbia. Ky është një nga obligimet e shumta që po përmbushet ndaj kujtimeve tona si popull dhe kërkesës tashmë të shumë viteve për drejtësi”, tha kryeministri Kurti.

“Qëllimin e kemi të përbashkët, për institucionalizimin, mbrojtjen dhe ruajtjen e kujtesës kolektive”, tha Kryeministri Kurti.

Ai ftoi të gjithë që të bashkohen në nismën për mbledhjen e materialeve dhe dëshmive për krimet e kryera gjatë luftës, të cilat do të arkivohen tek Instituti dhe do t’i shërbejnë këtij instituti për hulumtimin e krimeve të kryera gjatë luftës. Këtë thirrje Kryeministri ua drejtoi dokumentuesve, hulumtuesve, shoqërisë civile, ekspertëve të jashtëm, gazetarëve e në përgjithësi të gjithë qytetarëve të vendit.

Kryeministri Kurti, falënderoi Kryetarin e Këshillit Koordinues të Asociacioneve Familjare të të Zhdukurve të Kosovës, Ahmet Grajçevcin dhe asociacionet e familjarëve të të zhdukurve për angazhimin e tyre ndër vite, për dokumentimin e krimeve të zhdukjeve me dhunë nga Serbia.

Instituti është pikë grumbullimi e dëshmive të krimeve të kryera gjatë luftës në Kosovë, dhe qendër ku të gjithë mund të japin kontributin e tyre për të vërtetën historike, drejtësinë dhe paqen, tha Drejtori Ekzekutiv i Institutit për Krime të Kryera gjatë Luftës në Kosovë, Atdhe Hetemi.

Ndërsa kryetari i KKAFZHK u shpreh i lumtur me funksionalizimin e IKKL-së dhe shprehu gatishmëri për bashkëpunim të vazhdueshëm.

Fjala e plotë e kryeministrit Kurti:

Të dashur qytetarë të Republikës,

Të nderuar përfaqësues të medieve,

Zonja dhe zotërinj,

Jemi në hapësirën e Institutit për dokumentimin e krimeve të kryera gjatë luftës në Kosovë, me Drejtorin Ekzekutiv, Atdhe Hetemi, dhe me Kryetarin e Këshillit Koordinues të Asociacioneve Familjare të të Zhdukurve të Kosovës, Ahmet Grajçevci, për ceremoninë e pranim dorëzimit të dokumenteve të para në këtë institut.

E falënderoj z. Grajçevcin dhe asociacionet e familjarëve të të zhdukurve për angazhimin dhe rolin e tyre ndër vite, për dokumentimin e krimeve të zhdukjeve me dhunë nga Serbia.

Ky vit shënon 26-vjetorin e një ndër kapitujve më të dhimbshëm në historinë tonë: krimet e kryera nga regjimi gjenocidal i Serbisë. Por, në anën tjetër, po këtë vit, edhe festojmë 25-vjetorin e çlirimit të Kosovës dhe 16-vjetorin e shpalljes së pavarësisë sonë, të arritur me mund e sakrifica, si një dëshmi e qëndrueshmërisë dhe fuqisë së rezistencës së popullit tonë.

Ne po angazhohemi që të bëjmë më të mirën që mundemi që të adresojmë gjithë atë çfarë ka ndodhur gjatë luftës së fundit në vendin tonë.

Për dokumentimin e krimeve të luftës, krimeve kundër njerëzimit dhe veprimeve gjenocidale të Serbisë, kemi themeluar Institutin e krimeve të kryera gjatë luftës në Kosovë. Funksionalizimi i këtij instituti është një obligim që po përmbushet ndaj kujtesës sonë si popull dhe ndaj kërkesës sonë për drejtësi.

Krahas institucioneve shtetërore, nga sot, dokumentuesit dhe hulumtuesit e pavarur, shoqëria civile, ekspertët e jashtëm, mediat, gazetarët e të gjithë qytetarët kanë Institutin që i pret materialet e dëshmitë e mbledhura. Këto materiale do të arkivohen dhe do t’i shërbejnë Institutit në hulumtimin e krimeve të kryera gjatë luftës, e kështu që sot ju ftoj që të gjithëve të bashkoheni në këtë nismë shumë të rëndësishme.

Qëllimin e kemi të përbashkët, për institucionalizimin, mbrojtjen dhe ruajtjen e kujtesës kolektive. Dokumentimi i krimeve të luftës ndihmon në parandalimin e përsëritjes së tyre në të ardhmen. Na ndihmon të ndërtojmë një shoqëri më të drejtë, më paqësore, e po ashtu shërben si një dëshmi e rëndësishme për brezat e ardhshëm të cilët do të vijnë pas nesh.

Përgëzoj drejtorin Atdhe Hetemi, përgëzoj kryetarin Ahmet Grajçevci dhe gëzuar e urime festa e pavarësisë së Kosovës, 17 shkurti.

15/02/2024

Pesë romane nga letërsia amerikane që duhet t’i lexoni

Letërsia amerikane ka prodhuar disa nga romanet më të njohura dhe më të vlerësuara në botë. Këtu janë pesë nga romanet më të famshme nga letërsia amerikane:

"Mbi Ujë" (Over the Waterfall) nga Ernest Hemingway:

Përshkruan aventurat e një peshkatari në lumët e Michiganit dhe trajton temat e heroizmit, fatalizmit, dhe humbjes së virgjërisë.
"Për të vrarë një zog këngëtar" (To Kill a Mockingbird) nga Harper Lee:

Roman që shpjegon historinë e një avokati që përpiqet të mbrojë një njeri të pafajshëm nga akuza e vjedhjes dhe abuzimit seksual në një qytet të vogël të Alabamës, duke shpalosur thellësi të thella morale dhe shoqërore.

"Rebeli i Fisit" (The Catcher in the Rye) nga J.D. Salinger:

Përqendrohet në një adoleshent të quajtur Holden Caulfield dhe kapërcen temat e adoleshencës, izolimit, dhe kërkimit të identitetit.

"Shkolla e Natës" (The School of Night) nga Richard S. Wheeler:

Roman historik që ndjek eksploratorin britanik Sir Walter Raleigh dhe aventurat e tij në shekullin e 16-të, duke përfshirë edhe një përballje të mundshme me Roanoken, një nga misteret më të mëdha të historisë amerikane.

"Buza e shpise" (Housekeeping) nga Marilynne Robinson:

Roman që rrëfen jetën e dy motrave orfane në qytetin fiktiv të Fingerbone, Idaho. Përqendrohet në temat e marrëdhënieve familjare, izolimit dhe kërkimit të identitetit.
Këto janë vetëm disa nga romanet e shquara nga letërsia amerikane dhe ka shumë të tjera që kanë lënë një ndikim të madh në kulturën letrare botërore./ DitaeRe/

15/02/2024

ShBA: Një i vdekur dhe 21 të plagosur në paradën e Super Bowl

Një person ka vdekur dhe 21 persona janë plagosur nga të shtëna në Misuri në fund të paradës së fitores së Super Bowl të Kansas City Chiefs.

Zyrtarët thanë se ata trajtuan tetë viktima të cilat ishin në gjendje kërcënuese për jetën dhe shtatë të tjerë që kishin pësuar lëndime të rënda.

,Sipas BBC, nëntë fëmijë ishin në mesin e të plagosurve - të gjithë pritet të shërohen.

Policia tha se ka arrestuar tre të dyshuar në lidhje me të shtënat./ DitaeRe/

15/02/2024

Provoi ta kalonte testin për patentë shofer, duke komunikuar nëpërmjet një kufjeje me pronarin e auto-shkollës

Rasti ka ndodhur në Prishtinë ndërsa i dyshuari ka përfunduar në prangat e policisë, shkruan Dita e Re.

“Prishtinë 14.02.2024 – 13:30. Është arrestuar dyshuari mashkull kosovar për shkak se derisa ishte në testimin për patentë shofer tek i njëjti janë gjetur një kamerë trupi, një kufje e vendosur në vesh dhe një pajisje shtesë përmes të cilës i dyshuari ka komunikuar me pronarin e një auto-shkolle në mënyrë që ta kalonte provimin teorik për patentë shofer. Lidhur me rastin është arrestuar edhe pronari i auto-shkollës që është përfshirë në rast” – thuhet ndër të tjera në raportin 24 orësh të Policisë së Kosovës (PK).

Po ashtu bëhet e ditur se pas hetimeve të zhvilluara është identifikuar edhe një i dyshuar tjetër “që për momentin ndodhet në arrati i cili dyshohet se në këmbim të parave i ka lëshuar të dyshuarit të parë vërtetimin për aftësim të kandidatit pa qenë prezent fare.”

Bëhet e ditur se me vendim të prokurorit dy të arrestuarit pas intervistimit janë dërguar në mbajtje, ndërsa rasti po vijon të hetohet./ DitaeRe/

Dita e Re

29/02/2024

26/02/2024

22/02/2024

22/02/2024

22/02/2024

19/02/2024

19/02/2024

18/02/2024

17/02/2024

17/02/2024

15/02/2024

15/02/2024

15/02/2024

Address

Website

Alerts

Contact The Business

Shortcuts

Share

Category

Nearby media companies

Other Pristina media companies