Kush e rrëzoi Assadin?
🎥 Kush e rrëzoi Assadin?
Abu Muhammad al-Jolani i lindur në vitin 1982 në Arabinë Saudite nga prindër sirianë, udhëhoqi një ofensivë të befasishme ushtarake, që rrëzoi nga pushteti presidentin e kamotshëm sirian, Bashar al-Assad. Ai është në krye të Hayat Tahrir al-Sham (HTS), grupit të shpallur terrorist nga Shtetet e Bashkuara.
🔗evropaelire.org/shpjegojme
Trashëgimia e Assadit: Vrasje civilësh, rrethime dhe armë kimike
📽️ Trashëgimia e Assadit: Vrasje civilësh, rrethime dhe armë kimike
Presidenti i Sirisë, Bashar al-Assad, ka ikur nga vendi i tij pas 24 vjetësh në pushtet. Ai akuzohet për shtypjen e dhunshme të kundërshtarëve, për urdhërimin e ekzekutimeve masive, për sulmimin e shkollave dhe spitaleve gjatë betejës për qytetin e Alepos, dhe përdorimin e armëve kimike kryesisht kundër popullatave civile. #rfe_rl
⚠️ Kujdes: Përmbajtja mund të jetë shqetësuese për disa shikues!
🔗 evropaelire.org/multimedia
Rrugët që pritën e përcollën disa qeveri në Kosovë
📽️ Rrugët që pritën e përcollën disa qeveri në Kosovë
Në disa prej rrugëve kryesore të Kosovës punët kanë nisur vite më parë, mirëpo ende mbesin të papërfunduara. Në mesin e rrugëve të papërfunduara janë magjistralet Prishtinë-Mitrovicë, Prishtinë-Podujevë, Prishtinë-Pejë dhe autostrada Prishtinë-Gjilan. Se kur kanë nisur dhe kur pritet të përfundojnë, detajet në video.
🔗 evropaelire.org/shpjegojme
Pse duhet hetim ndërkombëtar për Ibër-Lepencin?
📽️ Pse duhet hetim ndërkombëtar për Ibër-Lepencin?
Pas sulmit në Ibër-Lepenc, situata sa vjen e nxehet. Bastisje, arrestime, konfiskim armësh e pajisjesh ushtarake në Kosovë ka thuajse çdo ditë. Në Serbi janë duke hetuar po ashtu dhe flasin për dyshime konkrete. E, derisa loja e fajit mes tyre vazhdon, ekspertët mbështesin idenë e një hetimi ndërkombëtar, për të parandaluar edhe manovrat politike, edhe përshkallëzimin e mëtejshëm të situatës.
🔗 evropaelire.org/expose
Lista Serbe s’lejohet në Kuvendin e Kosovës
📽 Lista Serbe s’lejohet në Kuvendin e Kosovës
Deputetët e Listës Serbe u penguan të marrin pjesë në seancën e Kuvendit të Kosovës. Pengimin e tyre e bënë deputetë të Lëvizjes Vetëvendosje, si dhe kryetari i Kuvendit, Glauk Konjufca, i cili i akuzoi ata për keqpërdorim të parasë publike, si dhe bashkëpunim me Millan Radoiçiqin. Deputetët e Listës Serbe paraqiten në Kuvendin e Kosovës një herë në gjashtë muaj sa për të ruajtur mandatin dhe për të siguruar vazhdimin e marrjes së pagave.
🔗 evropaelire.org/video
Vallëzimi ritmik i Tropojës zyrtarisht në UNESCO
📽️ Vallëzimi ritmik i Tropojës zyrtarisht në UNESCO
“K’cimi i Tropojës” është futur zyrtarisht në Listën e UNESCO-s. Ky vallëzim ritmik shqiptar i shoqëruar me tupan, çifteli dhe fyell luhet zakonisht në festa tradicionale, përfshirë dasma, fejesa, ditëlindje e shumë ngjarje të tjera festive.
🔗 evropaelire.org/multimedia
Ringjallja e luftës në Siri: Kush janë rebelët që po sfidojnë regjimin e Assadit?
📽 Ringjallja e luftës në Siri: Kush janë rebelët që po sfidojnë regjimin e Assadit?
Lufta civile siriane, e cila kishte pushuar prej vitesh, është ringjallur së fundi pas nisjes së një ofensive të udhëhequr nga Hayat Tahrir al-Sham kundër forcave të presidentit Bashar al-Assad. Grupi, që është i shpallur organizatë terroriste nga SHBA-ja, më herët njihej me emrin Fronti Nusra.
🔗 evropaelire.org/shpjegojme
"Jam këtu për të ardhmen time": Gjeorgjianët protestojnë kundër vonesave drejt BE-së
📽️ "Jam këtu për të ardhmen time": Gjeorgjianët protestojnë kundër vonesave drejt BE-së
Studentët udhëhoqën një protestë në Tbilisi më 2 dhjetor, të pestën ditë rresht të demonstratave antiqeveritare. Protestuesit kritikojnë planet qeveritare për të pezulluar deri më 2028 bisedimet për anëtarësimin e Gjeorgjisë në Bashkimin Evropian, dhe kërkojnë zgjedhje të reja parlamentare, pas votimeve të tetorit që ata thonë se u manipuluan. Policia ka arrestuar qindra njerëz gjatë disa net trazirash. #rfe_rl
🔗 evropaelire.org/multimedia
Shpërthimi në Ibër – Lepenc: Sfidë për institucionet, frikë për banorët lokalë
📽 Shpërthimi në Ibër – Lepenc: Sfidë për institucionet, frikë për banorët lokalë
Punimet për sanimin e dëmeve në kanalin e Ibër-Lepencit, janë duke vazhduar në terren, por sulmi ka ngjallur frikën te banorët lokalë serbë, sidomos ata që jetojnë afër vendit ku ndodhi shpërthimi. Disa të tjerë në Mitrovicë të Veriut, nuk po pajtohen me shtimin e pranisë së Policisë së Kosovës në pjesën veriore.
🔗 evropaelire.org/video
Shpërthimi në kanalin e Ibër-Lepencit: Kosova akuzon Serbinë, Serbia mohon akuzat
🎥 Shpërthimi në kanalin e Ibër-Lepencit: Kosova akuzon Serbinë, Serbia mohon akuzat
Ekipet emergjente punuan gjatë gjithë natës për riparimin e dëmeve që u shkaktuan nga një shpërthim në kanalin e Ibër-Lepencit në Zubin Potok. Sulmi me eksploziv nuk dihet ende se nga kush u krye, por Kosova tha se ishte sulm terrorist i nxitur nga shteti i Serbisë me qëllim për ta shkatërruar infrastrukturën kritike. Shpërthimi rrezikoi furnizimin me energji elektrike dhe ujë të pijes për qindra mijëra qytetarë të Kosovës.
🔗evropaelire.org/multimedia
📽️ Sulmohet kanali i ujit të Ibër-Lepencit në veri
Një shpërthim që ka ndodhur mbrëmjen e 29 nëntorit në fshatin Varragë të komunës së Zubin Potokut ka dëmtuar kanalin e ujit të Ibër-Lepencit, nga ku furnizohen me ujë nga Liqeni i Ujmanit disa qytete të vendit, si dhe Korporata Energjetike e Kosovës për ftohjen e termoelektranave të saj.
Shumë pikëpyetje pas ndalimit të rrjeteve sociale për fëmijët në Australi
📽 Shumë pikëpyetje pas ndalimit të rrjeteve sociale për fëmijët në Australi
Australia ka miratuar një ligj të ri për të ndaluar përdorimin e rrjeteve sociale nga fëmijët nën moshën 16 vjeç, në një përpjekje për t’i mbrojtur ata nga ngacmimi online dhe përmbajtja e dëmshme. Ky ligj ka ngjallur shqetësime të shumta mbi privatësinë dhe mundësinë për t'u shmangur përmes teknologjive si VPN. Ekspertët janë të ndarë për efektivitetin e këtij veprimi në adresimin e problemeve të shëndetit mendor dhe sigurisë.
🔗 evropaelire.org/shpjegojme
