Peisazh jete

11/09/2020

11/09/2020

Ky është qielli në Oregon të ShBA pas zjarreve të medha që kanë përfshirë vendin ditët e fundit.

11/09/2020

Hijet e kullave binjake të World Trade Center të projektuara mbi Manhattan. Fotoja është realizuar nga Nathan Benn në 1988 për "Skyscapers".

08/09/2020

Mjeket kinez duke u perkulur perpara trupit te nje djali 11 vjecar qe kishte vdekur nga kanceri por qe ka dhuruar organet e brendeshme duke shpetuar jete te tjera.

08/09/2020

Duhet të vdesim për diçka, - tha macja romantike, kur u dashurua për të shtatën herë.

08/09/2020

"Vdekja nuk ekziston, bijë. Njerëzit vdesin vetëm kur harrohen...".

Izabelle Allende

05/09/2020

"S'eshte ky shall i modes, por i nevojes... eshte qefin, pelhure me te cilen mbeshtjellet i vdekuri. E kur vdekjen e ke rreth kokes, ndryshe sjellesh, ndryshe mendon."

Faruk Begolli, pjese nga filmi Dashuria e Bjeshkëve Të Nemuna

02/09/2020

Ekipa e njejtë, por me 10 vjet dallim në Janjevë.

📸 Arben Llapashtica

01/09/2020

Jeruzalemi është shkatërruar dy herë, është rrethuar 23 herë, sulmuar 52 here dhe ka arritur te mbijetojë!

01/09/2020

Fotografia e një ushtari të panjohur boshnjak që qan pas rikthimit në fshatin e tij ku zbulon se familja e tij, bashkë me 69 të tjerë, është ekzekutuar nga serbët, diku rreth vitit 1995.

Fotografia është e Ron Aviv dhe është marrë nga galeria historike "Blood and Honey", që flet për luftërat në Ballkan.

Tani ky libër nuk është më në qarkullim dhe ata të dorës së dytë, sh*ten diku te 100 dollarë.

01/09/2020

“Porta e Ferrit”, e pagëzuar me këtë emër nga banorët e Turkmenistanit, ndodhet pranë fshatit Derveze në shkretëtirën veri-perëndimore të vendit.

Gjithcka nisi në vitin 1971 kur kërkues të ish-Bashkimit Sovjetik nisën kërkimet për gaz dhe naftë. Dhe ata kishin të drejtë. Nëntoka në këtë rajon të Turkmenistanit fsheh sasi të mëdha gazi. Por gjatë gërmimeve, toka u shemb duke formuar një gropë mbi 20 metër të thellë dhe me diametër prej 70 metrash.

Nga ky incident nisi të çlirohej gaz metan, tepër helmues për njeriun, në mënyrë të pakontrolluar në sipërfaqje. Rusët menduan si zgjidhje ndezjen dhe djegjen e sasisë së gazit që çlirohej për të shmangur helmimin e banorëve lokalë.
Në atë kohë ata menduan se flakët do të shuheshin brenda pak ditësh, e ndoshta javësh, por këtu gabuan.

Sot kanë kaluar katër dekada dhe gazi që çlirohet në këtë pjesë të Turkmenistanit vazhdon të digjet. Flakët e “Portës së Ferrit” qëndrojnë ndezur që prej 1971.

01/09/2020

“Kam vendosur të merrem me dashurinë. Urrejtja është peshë e rëndë për t’u mbajtur".

Në fotografi balerinët e Baletit Kombëtar të Kosovës, Vlora Prizreni dhe Sead Vuniqi. Fotografia: A***n Mavriqi.

29/08/2020

- Sa ditë zgjat varfëria baba?
- 40 ditë bir...
- Pas 40 ditëve a bëhemi të pasur baba?
-Jo bir, mësohemi.

Neşet Ertaş

26/08/2020

Aida, vajza që serbët e dogjën në bibliotekë me 3 milionë libra

Aida Buturović, ishte studente e Letërisë në Universitetin e Sarajevës dhe punonte në Bibliotekën Kombëtare të këtij qyteti , “Vijećnica”. Ishte nga studentët më të dalluar nga të cilët pritej shumë, por fatkeqësisht, në gusht të vitit 1992 serbët e dogjën atë, po në vendin e preferuar të saj, në bibioltekë, dhe atë duke u munduar t’i shpëtonte librat të mos digjeshin nga zjarri.

Nën urdhrin e Radovan Karaxicit dhe gjeneralit Ratko Mlladic biblioteka “Vijećnica”, dhe Aida u bënë hi, apo siç e përshkruajnë boshnjakët atë ditë: Në qiell fluturonin zogj të zinj.

Kur bombat filluan të shkatërronin bibliotëkën, Aida nuk mendoi për asnjë çast që të largohej por vrapoi për të shpëtuar librat, për të shpëtuar historinë e Bosnjes. Ndërkohë që të gjithë po largoheshin, dhe zjarret po bëheshin gjithnjë e më të fuqishëm, Aida arriti të merrte disa prej tyre, pastaj akoma disa të tjerë, duke u munduar që të shpëtonte sa më shumë që të ishte e mundur.

Por, nuk ia doli, dhe shpërthimi përfundimtar që i morri jetën Aidës dhe shkaterroi 3 milionë libra. Ishte nata mes 25 dhe 26 gushtit 1992. Biblioteka Kombëtare në Sarajevë u dogj 3 ditë me radhë

26/08/2020

Sorvagsvatn, liqeni mbi oqean - Ishujt Faroe.

26/08/2020

Mashtrimi i shekullit

Fotografia e quajtur ‘Drekë në majë të një rrokaqielli’, e cila është bërë në vitin 1932, që paraqet 11 punëtorë duke drekuar në një konstruksion çeliku gjatë ndërtimit të Rockefeller Center në New York nuk është e vërtetë.

Edhe pse fotografia më shumë se 80 vjet ka përfaqësuar heronjtë që ndërtuan Manhattanin, vëllezërit Sean dhe Emon O’Qualan nga Irlanda perëndimore, në vitin 2009 kanë kuptuar se rreth fotografisë së famshme në të vërtetë dihet shumë pak, kështu që vendosën të bëjnë një dokumentar rreth saj.

Shumë njerëz gabimisht mendojnë se bëhet fjalë për ndërtimin e ndërtesës së Empire State, por në fakt, struktura e çelikut i takon Rockefeller Center. Besohet se kjo ishte një fotografi e Rockefeller Center, e cila ishte bërë si pjesë e promovimit të ndërtimit të tyre të ri.

Sean dhe Emon janë duke u përpjekur që të identifikojnë të gjithë 11 personat në fotografi. Tani për tani, ata arritën të gjejnë emrat e vetëm një pjesë të tyre.

Nga ana e djathtë thuhet se është punëtori me prejardhje sllovake, Gusto Popoviq, i cili këtë dërgoi ia dërgoi bashkëshortes.

Ai pohon se kjo fotografi është e manipuluar dhe se nën strukturën e çelikut, në të vërtetë ishte një dysheme prej druri.

26/08/2020

Në vitin 1987 në Poloni është kryer një operacion (më i gjati në histori), transplant zemre, që ka zgjatur 23 orë.

Ky transplant, është ndër operacionet më të suksesshme që janë kryer ndonjëherë në mjekësi, dhe është bërë nga kirurgu p***k Zbigniew Religa. Në fotografi shihet kirurgu p***k që vazhdon të ndjekë nga afër gjendjen e pacientit në një monitor, ndërsa asistenti i tij nga lodhja fle në dysheme.

Mjeku legjendar, Dr. Zbignieë Religa vdiq në mars të vitit 2009, pas një beteje dyvjeçare me kancerin në mushkëri në moshën 71 vjeç, ndersa pacienti vazhdon te jetoje akoma.
Fotografi e realizuar nga James Stanfield në vitin 1987.

E shpallur si fotografia e vitit në vitin 1987, është gjithashtu edhe një nga 100 fotografite me domethenese te shekullit sipas “National Geographic”.

26/08/2020

Werfel, 6-vjeçari i cili është rritur në një jetimëore në Austri. Fytyra e buzëqeshur e Werfelit shpreh një lumturi të pashoqe, kur Kryqi i Kuq amerikan i dhuron një palë këpucë të reja.

Kjo fotografi është bërë nga Gerald Waller në vitin 1946, është botuar në revistën “Life Magazine”, dhe është përzgjedhur si ndër më të mirat të bëra ndonjëherë, dhe njihet si “Djali me këpucë të reja”.

26/08/2020

Takimi i motrës me vëllanë ushtar të UÇK’së, një nga imazhet më prekëse nga lufta.

Kjo fotografi është realizuar në Zonën Operative të Llapit, afërsisht nga data 17 qershor 1999. Ushtari sipas burimeve jo të konfimuara e ka mbiemrin Havolli.

26/08/2020

Nëna mund të arrijë në atë pikë sa për të sjellë në jetë fëmijën e saj është në gjendje të marrë 1128 injeksione gjatë 9 muajve shtatëzënë.

Kjo nënë, emri i së cilës nuk është bërë publik që 11 vite kishte pasur aborte të njëpasnjëshme, dhe në tentimin e saj të fundit për të sjellë në jetë një fëmijë ajo, kishe marrë të gjitha këto injeksione, Clexane.

Injeksionet Clexane përmbajne përbërës aktiv enoxaparin. Përdoren për të ndaluar mpiksjen e gjakut të formuar brenda enëve të gjakut. Siguria e këtij medikamenti për përdorim gjatë shtatzënisë ende nuk është konfirmuar.

Përdorimi i saj gjatë shtatzënisë rekomandohet vetëm kur kjo konsiderohet e domosdoshme nga ana e mjekut tuaj.